ಡಮ್ಮಿ ಮೊಬೈಲ್ ಫೋನ್ ನಂಬ್ರಾಚಿ ಗರ್ಜ್ ಆಸಾಗೀ ತುಮ್ಕಾಂ ?

 ಆಜ್- ಕಾಲ್ ಮೊಬೈಲ್ ಫೊನಾಚಿ ಅನಿವಾರ್ಯಾತ ದಿಸಾನ್ ದೀಸ್ ಚಡೊನ್ ಯೆತಾ. ಅಮ್ಚ್ಯಾ  ದೈನಿಕ್ ಜೀವನಾಂತ್ ಮೊಬೈಲ್ ನಂಬರ್ ಏಕ್ ಅವಿಬಾಜ್ಯ್ ಅಂಗ್ ಮುಳ್ಳೆ ಬರಿ ಜಾಲಾಂ. ತುಮ್ಚೆಂ ಬ್ಯಾಂಕ್ ಅಕೌಂಟ್ ಜಾಂವ್ , ಆಧಾರ್ ಕಾರ್ಡ್ ಜಾಂವ್ ತುಮ್ಚಾ ಮೊಬೈಲ್ ನಂಬ್ರಾಂತ್ ಸಂಪರ್ಕಿತ್ ಜಾವ್ನ್ ಆಸ್ತಾತ್. ಸರ್ಕಾರಿ ಸೇವಾ ಸೊಡ್ಯಾಂ... ತುಮಿಂ ಕಂಚಾಯೀ ಸೂಪರ್ ಮಾರ್ಕೆಟಿಂತ್ ಶೋಪಿಗಾಂಕ್ ಗೆಲ್ಯಾರ್ ಯಾ ರೆಸ್ಟೊರೆಂಟಾಚ ಬಿಲ್ಲಿಂಗ್ ಕೌಂಟಾರಾಂತ್ ಚಡಾವತ್ ತುಮ್ಚೆಂ ಮೊಬೈಲ್ ನಂಬರ್ ದಿಜೆ ಪಡ್ತಾ. ಯಾ ತುಮಿಂ Online ಶಾಪಿಂಗ್ ಕರ್ತಾತ್ ಜಾಲ್ಯಾರ್ , ಸ್ವಿಗ್ಗಿ, Zomato ಥಾವ್ನ್ ಖಾಣ್ ಹಾಡಾಯ್ತಾತ್ ಜಾಲ್ಯಾರ್ ಯಾ ಒಲಾ , ಉಬರಾಂತ್ ಕ್ಯಾಬ್ ಬುಕ್ಕ್ ಕರ್ತಾತ್ ಜಾಲ್ಯಾರ್ ತುಮ್ಚೆಂ ಖಾಸ್ಗಿ ಮೊಬೈಲ್ ನಂಬರ್ ಡೆಲಿವರಿ ಬಾಯ್ ಯಾ ಡ್ರೈವರಾಕ್ ಯಾ ಇತರಾಂಕ್ ದಿಂವ್ಚೆಂ ಅನಿವಾರ್ಯ್ ಮುಳ್ಳಿ ಸ್ಥಿತಿ ಆಸಾ. ಆಶೆಂ ಅಮಿಂ ಅಮ್ಚೆಂ ನಂಬರ್ ವಾಂಟುನ್ ಆಸ್ತಾನಾ ತೆಂ ದುಸ್ರ್ಯಾ -ದುಸ್ರ್ಯಾ ಮಾರ್ಕೆಟಿಂಗ್ ಎಜೆನ್ಸಿಂಕ್ ಯಾ ಇತರ್ ವ್ಯಕ್ತಿಂಕ್ ಸುಲಭಾಯೆನ್ ಮೆಳ್ತಾ.  ತಶೆಂ ಜಾಲ್ಯಾನ್ ತುಮ್ಕಾಂ ತವಳ್ ತವಳ್ ಅಮ್ಕಾಂ Spam ಕೋಲಾಂ ಯಾ ಮಾರ್ಕೆಟಿಂಗ್ ಕೋಲಾಂ ಯೆತಾತ್. ಹಿ ಏಕ್ ವಿರರಾಯೆಚಿ ಸಂಗತ್. ಪ್ರತ್ಯೇಕ್ ಜಾವ್ನ್ ಬಾಯ್ಲ್ ಮನ್ಸ್ಯಾಂಚೆಂ ನಂಬರ್ ತಿಸ್ರ್ಯಾ ಪಾಡ್ತೆಕ್ ಮೆಳ್ಳ್ಯಾರ್ ತಾಚೊ ದುರುಪಯೋಗ್ ಜಾಂವ್ಚೊ ಸಂಭವ್ ಯೀ ಚಡ್ ಆಸ್ತಾ... ! ತರ್ ಹಾಕಾ ಪರಿಹಾರ್ ಆಸಾಗೀ ?

ಖಂಡಿತ್ ಹ್ಯಾ ಸಮಸ್ಯಾಂಕ್ ಅತಾಂ ಏಕ್ ಪರಿಹಾರ್ ತುಮ್ಕಾಂ ಇಂಡಿಯಾಂತ್ ಮೆಳೊನ್ ಆಸಾ. ಥೊಡ್ಯಾ  ದಿಸಾ ಆದಿಂ ಹೈದರಬಾದ್ ಚಾ ಆದಿತ್ಯ ವುಚಿ ಮ್ಹುಳ್ಯಾನ್ ಆರಂಭ್ ಕೆಲ್ಯಾ start-up ಕಂಪ್ಣೆಚೆಂ ಏಕ್ ಅಪ್ಲಿಕೇಷನ್ ತುಮ್ಕಾಂ ಹ್ಯಾ ಸಮಸ್ಸ್ಯ ಥಾವ್ನ್ ಮುಕ್ತಿ ದಿತಾ. ತೆಂ ಚ್ ದುಸ್ರಾ (Doosra) App ..! ಹೆಂ ಅಪ್ಲಿಕೇಷನ್ ತುಮ್ಕಾಂ ಏಕ್ ಡಮ್ಮಿ ಮೊಬೈಲ್ ನಂಬರ್ ದಿತಾ... ! ಸಿಮ್ಮ್ ಕಾರ್ಡ್ ವಿಣೆಂ..! ಪಯ್ಲ್ಯಾನ್ ತುಮಿಂತುಮ್ಚಾ ಮೊಬೈಲಾಂತ್ ತುಮಿ ದುಸ್ರಾ App ಇನ್ಸ್ಟಾಲ್ ಕರಿಜೆ ಪಡ್ತಾ. ಹಾಚೊ ಆಂಡ್ರೋಯಿಡ್ ಆನಿಂ iPhone ಅವ್ರತ್ತಿ ಆಸಾತ್. ತರ್ ಹೆಂ ಕಶೆಂ ಕಾಮ್ ಕರ್ತಾ ? ತುಮಿಂ ಹೆಂ App ಇನ್ಸ್ಟಾಲ್ ಕೆಲ್ಯಾ ಉಪ್ರಾಂತ್ https://www.doosra.com/ ಮ್ಹುಳ್ಯಾ ಜಾಳಿ ಜಾಗ್ಯಾಕ್ ಭೆಟ್ ದಿಜೆ ಪಡ್ತಾ. ಥಂಯ್ ತುಮ್ಚಾ ಅತಾಂಚೆಂ ಮೊಬೈಲ್ ನೊಂದವ್ಣಿ ಕೆಲ್ಯಾ ಉಪ್ರಾಂತ್ ತುಮ್ಕಾಂ ಏಕ್ OTP ಯೆತಾ. ತಿ OTP ನೋಂದ್ ಕೆಲ್ಯಾ ಉಪ್ರಾಂತ್ ತುಮ್ಕಾಂ ಏಕ್ ಡಮ್ಮಿ ಯಾ Virtual Phone Number ಮೆಳ್ತಾ. ಮೆಳ್ ಲ್ಲೆಂ ನಂಬರ್ ತಕ್ಷಣ ವಾಪಾರುಂಕ್ ಜಾಯ್ನಾ... !! ಕಿತ್ಯಾಕ್ ಮ್ಹುಳ್ಯಾರ್ ಹಿ ಸೆವಾ ಪುಂಕ್ಯಾಂಕ್ ನ್ಹಂಯ್ ..! ತುಮಿಂ ವರ್ಗಣಿ ಭರಿಜೆ ... !! ದೋನ್ ಅವ್ಕಾಸ್ ಆಸಾತ್ . 6 ಮಹಿನ್ಯಾಂಕ್ 499 ಯಾ ಏಕಾ ವರ್ಸಾಕ್ 699 ರೂಪಯ್. ತುಮಿಂ Online ರ್ ತಿ ವರ್ಗಣಿ ಭರ್ಲ್ಯಾರ್ ತುಮ್ಚೆಂ ಡಮ್ಮಿ ನಂಬರ್ ತುರಂತ್ ಕಾರ್ಯಾಳ್ ಜಾತಾ. ಉಪ್ರಾಂತ್ ತುಮಿಂ ತುಮ್ಚಾ ಮೊಬೈಲಾಂತ್ಲ್ಯಾ ದುಸ್ರಾ App ದ್ವಾರಿಂ ತ್ಯಾ ನಂಬ್ರಾಕ್  ಉಪ್ಯೋಗ್ ಕರ್ಯೇತ್ ..!

ಹೆಂ ಡಮ್ಮಿ ನಂಬರ್ ಕಶೆಂ ಉಪ್ಯೋಗ್ ಕರ್ಚೆಂ ? ತುಮಿಂ ಕಂಚಾಯೀ ಸೂಪರ್ ಮಾರ್ಕೆಟಿಂತ್ , ರೆಸ್ಟೊರೆಂಟಾಂತ್ , ಸ್ವಿಗ್ಗಿ, Zomato , ಒಲಾ , ಉಬರಾಕ್ ಯಾ ಕಂಚಾಯೀ ತಿಸ್ರ್ಯಾ ಪಾಡ್ತೆಕ್ ತುಮ್ಚೆಂ ನಂಬರ್ ದಿಂವ್ಚಿ ಅನಿವಾರ್ಯ್ ಸ್ಥಿತಿ ಯೆತಾನಾ ತುಮ್ಚೆಂ ನಂಬರ್ ದಿಂವ್ಚಾ ಬದ್ಲಾಕ್ ಹೆಂ ಡಮ್ಮಿ ನಂಬರ್ ದಿಲ್ಯಾರ್ ಜಾಲೆಂ...!!!  ಪೂರ್ವ್ ನಿಗದಿತ್ ಮಾಂಡಾವಳೆ ಫರ್ಮಾಣೆ ಹ್ಯಾ ಡಮ್ಮಿ ನಂಬ್ರಾಕ್ ಯೆಂವ್ಚಿಂ ಕೋಲಾಂ ಪುರಾ ಬ್ಲಾಕ್ ಜಾವ್ನ್ ಅಸ್ತಾತ್. ತುಮ್ಕಾಂ ಕೋಲ್ ಕೆಲ್ಯಾಂಕ್ " ತುಮಿಂ ಕೋಲ್ ಕೆಲ್ಲೊ ವ್ಯಕ್ತಿ ಅತಾಂ ಉಪಲಬ್ದ್ ನಾ , voice message ದಾಡುಂಕ್ ಏಕ್ ದಾಂಬಾ" ಮ್ಹುಣ್ ಅವ್ಕಾಸ್ ದಿತಾ. ತುಮ್ಕಾಂ ತ್ಯೊ voice message ಅಯ್ಕೊಂವ್ಚಿ ವ್ಯವಸ್ಥಾ ದುಸ್ರಾ App ಂತ್ ಆಸಾ. ತುಮ್ಕಾಂ SMS ದಾಡ್ಲ್ಯಾರೀ ತ್ಯೊ ತ್ಯಾ App ಂತ್ ವಾಚುಂಕ್ ಮೆಳ್ತಾತ್. ಥೊಡೆ ಪಾವ್ಟಿಂ ತುಮ್ಕಾಂ ಥೊಡ್ಯಾಂಚಿ ಕೋಲಾಂ ಡಮ್ಮಿ ನಂಬ್ರಾಂತ್ ಆಯ್ಲ್ಯಾರ್ ಘೆಜೆ ಪಡ್ತಾತ್. ತುಮ್ಕಾಂ ಜಾಯ್ ಜಾಲ್ಯಾ ನಂಬ್ರಾಂಕ್ Whitelisting ಕರುಂಕ್ ಯೀ ಅವ್ಕಾಸ್ ಆಸಾ ತ್ಯಾ ಅಪ್ಲಿಕೇಶಾನಾಂತ್ . ತೆನ್ನಾ ತುಮ್ಚಾ ಡಮ್ಮಿ ಮೊಬೈಲ್ ನಂಬ್ರಾಕ್ ಆಯ್ಲಿಂ ಕೋಲಾಂ ಪುರಾ ತುಮ್ಚಾ ಮುಳಾವ್ಯಾ ನಂಬ್ರಾಕ್ ಫಾರ್ವಾರ್ಡ್ ಜಾತಾತ್ ಆನಿಂ ತುಮಿಂ ತಿಂ ಕೋಲಾಂ ಘೆಂವ್ಕ್ ಸಕ್ತಾತ್ ..!  ತಿತ್ಲೆಂಚ್ ಮಾತ್ರ್ ನ್ಹಂಯ್ ಏಕಾ ಗಂಟ್ಯಾ ಮಟ್ಟಾಕ್ ಸಕ್ಕಡೀ ಕೋಲಾಂ Whitelisting ಕರ್ಚಿಂ  ಯಾ GPS ಆಧಾರಿತ್ ಜಾವ್ನ್ ಆಸ್ಚ್ಯಾ ನಿರ್ಧಿಷ್ಟ್ ಪ್ರದೇಶಾಂತ್ ಆಯ್ಲಿಂ ಕೋಲಾಂಕ್ ಮಾತ್ರ್ Whitelisting  ಕರ್ಚಿ ವ್ಯವಸ್ಥಾ ಯೀ ಹಾಂತುಂ ಆಸಾ ... !!

ತುಮ್ಕಾಂ ಅನಿಕೀ ಥೊಡಿಂ ಸವಾಲಾಂ ದೊಸುಂಕ್ ಪುರೊ...! Outgoing Call ಸೌಲತ್ ಅಸಾ ಗೀ ? ತುಮ್ಕಾಂ ಕೊಣಾಯ್ಚೆಂ ಕೋಲ್ ಆಯ್ಲ್ಯಾರ್ , ತಾಕಾ ಪಾಟಿಂ ಕೋಲ್ ಕರ್ಚಿ ಜರೂರಾತ್ ಆಸಾ ಜಾಲ್ಯಾರ್ Outgoing Call ಕ್ ಮ್ಹುಣ್ ಮಹಿನ್ಯಾಕ್ ಶೆಂಬೊರ್ ಮಿನುಟಾಂ ತುಮ್ಕಾಂ ಮೆಳ್ತಾತ್. ತೆಂ ಯೀ ದೂಸ್ರಾಚಾ ಏಕ್ ಕೇಂದ್ರೀಕೃತ್ ಸರ್ವರಾ ದ್ವಾರಿಂ ಅನಿಂ ತ್ಯಾ ಸರ್ವರಾಚ ನಂಬ್ರಾ ದ್ವಾರಿಂ. ಮಾಗಿರ್ ತುಮ್ಕಾಂ ಹೆಂ ಡಮ್ಮಿ ನಂಬರ್ ವಾಪಾರ್ನ್ ವಾಟ್ಸಾಪ್ ಅಕೌಂಟ್ ಕರ್ಯೇತ್ ಗೀ ? ಭಿಲ್ಕುಲ್ ಜಾಯ್ನಾ .!! ಪುಣ್ ಇತರ್ ಅಪ್ಲಿಕೇಷನಾಂಕ್ ಜಾಯ್ ಜಾಲ್ಲಿ OTP ಜರೂರು ತುಮ್ಕಾಂ ಹ್ಯಾ App ದ್ವಾರಿಂ ಮೆಳ್ತಾ .. !! ಡಮ್ಮಿ ನಂಬರ್ ಕರ್ನ್ ಕೊಣಾಯ್ಕೀ ಗೋಲ್ಮಾಲ್ ಕರುಂಕ್ ತುಮಿಂ ಚಿಂತ್ಲಾಂ ಗೀ ? ಭಿಲ್ಕುಲ್ ತಸ್ಲೆಂ ಚಿಂತಾಪ್ ದವರಿನಕಾತ್. ಹಿಂ ಡಮ್ಮಿ ನಂಬ್ರಾ ಜಾಲ್ಯಾರೀ ಅಮಾನತ್ ಕರ್ನ್ ದೂಸ್ರಾಕ್ ದಿಲ್ಲಿಂ ಭಾರತ್ ಸರ್ಕಾರಾನ್..! ಮಾಗಿರ್ ತುಮಿಂ ಡಮ್ಮಿ ನಂಬರ್ ಘೆಂವ್ಕ್ ತುಮಿ ವಾಪಾರ್ಚೆಂ ತುಮ್ಚೆಂ ಮುಳಾವೆಂ ಮೊಬೈಲ್ ನಂಬರ್ ನೇ ? ತುಮಿಂ ಗೊಲ್ಮಾಲ್ ಕೆಲ್ಯಾರ್ ಮಾಹೆತ್ ಸರ್ಕಾರಕ್ ಮೆಳ್ತಾ ...! ತಶೆಂ ಜಾಗರೂಕ್ ಜಾವ್ನ್ ಫಕತ್ ಬರೆಂ ಉದ್ದೇಶಾ ಖಾತಿರ್ ಮಾತ್ರ್ ಹೆಂ ನಂಬರ್ ವಾಪಾರುಂಕ್ ತುಮಿ ಪ್ರಯತ್ನ್ ಕರಾ ... !!

                                                                                             *********************************

ಜಾಗ್ರೂತ್ ..! ತುಮ್ಚಾ ಕಂಪ್ಯೂಟಾರಾಂತ್ಲೊ ಡಾಟಾ ಅಪಹರಣ್ ಜಾಂವ್ಕ್ ಪುರೊ ..!!

ಗೆಲೆತ್ಯಾ ಥೊಡ್ಯಾ ದಿಸಾಂ ಆದಿಂ WannaCry ಮ್ಹುಳ್ಯಾ ransomware ನ್ ಸಂಸಾರಾಚಾ ಸಭಾರ್ Windows ಕಂಪ್ಯೂಟಾರಾಂ ವಯ್ರ್ ದಾಡ್ ಗಾಲ್ನ್ ವಾದಾಳ್ ಉಟಾಯ್ಲೆಂ ತುಮ್ಕಾಂ ಖಳಿತ್ ಆಸಾ. ಇತ್ಲ್ಯಾಕೀ ಹೆಂ ransomware ಮ್ಹುಳ್ಯಾರ್ ಕಾಂಯ್  ನವೆಂ ಪರಿಕಲ್ಪನ್ ನ್ಹಂಯ್ ..ಹೆಂ ಸಭಾರ್ ವರ್ಸಾಂ ಥಾವ್ನ್ ಚಾಲು ಆಸ್ಚೆಂ ಏಕ್  ವಿಧಾಚೆಂ Malware. ಗೆಲೆತ್ಯಾ ಥೊಡ್ಯಾ ವರ್ಸಾನಿಂ , ಹಜಾರೊಂ ಸಂಖ್ಯಾನ್ ransomware ನಿ ಜಾಳಿರ್ ದಾಡ್ ಗಾಲ್ಯಾ. ಪುಣ್ ಹೆಂ WannaCry ಆಸಾ ಪಳೆ , ವಡ್ಲ್ಯಾ ಮಾಪಾನ್ ನಾಂವ್ ಜೊಡುಂಕ್ ಸಕ್ಲೆಂ. ಕಿತ್ಯಾಕ್ ಮ್ಹುಳ್ಯಾರ್  ಹಾಚೊ ಪ್ರಭಾವ್ ಸಂಸಾರಾಚಾ ಸುಮಾರ್ 150 ದೇಶಾಂಚಾ ಲಾಕಾನಿಂ ಆಸ್ಚಾ ಕಂಪ್ಯೂಟಾರಾಂ ವಯ್ರ್ ಪಡ್ ಲ್ಲೊ. ಸಬಾರ್ ಸೆವಾ ಕ್ಷೇತ್ರಾಂಕ್ ಹ್ಯಾ ransomware ನ್ ಸ್ಥಗಿತ್ ಕೆಲ್ಲೆಂ ಮಾತ್ರ್ ನ್ಹಂಯ್ ಮೊಲಾಧಿಕ್ ದತ್ತಾಂಶ್ ಯೀ ದೆಸ್ವಾಟ್ ಕೆಲ್ಲೊ. ಆಯ್ಚಾ ಸಂಸಾರಾಂತ್ ಮೊಲಾಧಿಕ್ ವಸ್ತ್ ಮ್ಹುಳ್ಯಾರ್ ಡಾಟಾ. ತೊ ಡಾಟಾ ಚ್ ಕಿಡ್ನ್ಯಾಪ್ ಜಾಲ್ಯಾ ರ್... ?

ಹೆಂ ransomware ಮ್ಹುಳ್ಯಾರ್ ಜಾಳಿರ್ ಆಸ್ಚೆಂ ಏಕಾ ಪ್ರಕಾರಾಚೆಂ Malware ಆನಿಂ ಹಾಚೊ ಪ್ರಮುಖ್ ಉದ್ದೇಶ್ ಚ್ ತುಮ್ಚೊ ಮೊಲಾಧಿಕ್ ದತ್ತಾಂಶ್ ಕಿಡ್ನ್ಯಾಪ್ ಕರ್ಚೊ. ಆನಿಂ ತೊ ದತ್ತಾಂಶ್ ತುಮ್ಕಾಂ ಪಾಟಿಂ ಮೆಳಾಜೆ ಜಾಲ್ಯಾರ್ , ಇತ್ಲೆಚ್ ಪಯ್ಶೆ ದಿಜೆ ಮ್ಹುಣ್ ವಿನವ್ಣಿ ದಾಡ್ಚಿ. ಹೆ ransomware ಮಸ್ತ್ ಸಲೀಸ್ ಯಾ ಸಂಕೀರ್ಣ್ ಯಾ ಗೊಂದೊಳಿತ್ ಜಾವ್ನ್ ಆಸೊಂಕ್ ಪುರೊ. ಮಸ್ತ್  ಸಲೀಸ್ ಆಸ್ಚೆ ransomware ತುಮ್ಚೆಂ ಕಂಪ್ಯೂಟಾರಕ್ ಫಕತ್ ಏಕ್ ಬೀಗ್ ಘಾಲ್ನ್ , ಉಗ್ತೆ ಕರುಂಕ್ ಚಾವಿ ಜಾಯ್ಜೆ ಜಾಲ್ಯಾರ್ ಇತ್ಲೆ ಪಯ್ಸೆ ದಿಜೆ ಮ್ಹುಣ್ ಆಗ್ರಹ್ ಕರುಂಕ್ ಪುರೊ. ಪುಣ್ ಕಂಪ್ಯೂಟಾರ ವಿಶಿಂ ಇಲ್ಲಿಶಿ ಜಾಣ್ವಾಯ್ ಆಸ್ ಲ್ಯಾಂಕ್ ಹೆಂ ಬೀಗ್ ಕಾಡುಂಕ್ ಚಡ್ ಕಷ್ಟ್ ಜಾಂವ್ಚೆ ನಾ. ಪುಣ್ ಸಂಕೀರ್ಣ್ ಆಸ್ ಲ್ಲಿಂ ransomware ಪುರಾ ತುಮ್ಚಾ ಕಂಪ್ಯೂಟಾರಾಂತ್ ಆಸ್ ಲ್ಲಿಂ ಫೈಲಾಂ ಪುರಾ encrypt ಕರ್ನ್ , ತಿಂ decrypt ಕರಿಜೆ ಜಾಲ್ಯಾರ್ ಇತ್ಲೆಚ್ ಪಯ್ಶೆ ದಿಜೆ ಮ್ಹುಣ್ ಆಗ್ರಹ್ ಕರ್ತಾತ್. ಥೊಡ್ಯಾ ಪಾವ್ಟಿಂ ಆಸಲ್ಲಿಂ ಸಂಕೀರ್ಣ್ ransomware ಕಿತ್ಲಿಂ ಕಠಿನ್ ಆಸ್ತಾತ್ ಮ್ಹುಳ್ಯಾರ್ ಹಾಚಿ decrypt ಚಾವಿ ಫಕತ್ ಹೆಂ ransomware ಕ್ ಕೋಡ್ ಬರಯ್ಲ್ಯಾ ಥಾವ್ನ್ಂಚ್ ಘೆಜೆ ಪಡ್ತಾ. ಮಾಗಿರ್ ಗೊಂದೊಳಿತ್ ransomware ಪುರಾ ತುಮ್ಚಾ ಕಂಪ್ಯೂಟರಾಚೆಂ Master File Table ಮಾತ್ರ್ ನ್ಹಯ್ , ಸಗ್ಳೆಂ ಹಾರ್ಡ್ ದಿಸ್ಕ್ ಚ್ encrypt ಕರುಂಕ್ ಸಕ್ತಾತ್.
ಗೆಲೆತ್ಯಾ ದಿಸಾನಿಂ ವಡ್ಲೆಂ ನಾಂವ್ ಕೆಲ್ಲೆಂ WannaCry  ಆಸಲೆಂ ಏಕ್ ransomware . ತೆಂ ತುಮ್ಚಾ ಕಂಪ್ಯೂಟಾರಾಂತ್ ಆಯ್ಲ್ಯಾರ್ , ತಾಂತುಂ ಆಸ್ಚಿಂ ಫೈಲಾಂ ಪುರಾ encrypt  ಕರ್ನ್ , ತಿಂ decrypt ಕರಿಜೆ ಜಾಲ್ಯಾರ್ ತಿನ್ಶಿ ಡಾಲಾರ್ ತೀನ್ ಮಹಿನ್ಯಾ ಭಿತರ್ ದಿಜೆ ಮ್ಹುಣ್ ಆಗ್ರಹ್ ಕರ್ತಾ. ತೀನ್ ದಿಸಾಂ ಭಿತರ್ ತಿನ್ಶಿ ಡಾಲಾರ್ ದಿನಾತ್ಲ್ಯಾರ್ ಮಾಗಿರ್ ತೆಂ decrypt  ಕರಿಜೆ ಜಾಲ್ಯಾರ್ 600 ಡಾಲಾರ್ ದಿಜೆ ಪಡ್ತಾ. ಸಾತ್ ದಿಸಾಂ ಭಿತಾರ್ ಪಯ್ಶೆ ದಿನಾತ್ಲ್ಯಾರ್ ತುಮ್ಚೊ ದತ್ತಾಂಶ್ ಪುರಾ ಸಾಸ್ಣಿಕ್ ನಾಸ್ ಜಾತಾ ಮ್ಹುಣ್ ತುಮ್ಚಾ ಕಂಪ್ಯೂಟಾರಾಂತ್ ಸಂದೇಶ್ ಯೆತಾ.ಹೆ ಪಯ್ಶೆ ಪುರಾ ತುಮಿಂ Bitcoin ದ್ವಾರಿಂ ಪಾವಿತ್ ಕರಿಜೆ. ಹ್ಯಾ Bitcoin ವಿಶಿಂ ಹಾವೆಂ ಹಾಂಗಾ ಹ್ಯಾ ಆದಿಂಚ್ ಬರಯ್ಲಾಂ. ತಿ ಏಕ್ cryptocurrency ಆನಿಂ ಹಾಂಗಾ ಪಯ್ಶೆ ಪುರಾ ಡಿಜಿಟಲ್ ಮಾಫಾನ್ ಸಂದಾಯ್ ಜಾತಾತ್. ಹಿ ಏಕ್  peer-to-peer ವ್ಯವಸ್ಥಾ ಆನಿಂ  ಹಾಂಗಾ ವ್ಯವಾಹಾರ್ ಪುರಾ ಏಕಾಮೆಕಾ ಶೀದಾ ಜಾವ್ನ್ ಆಸ್ತಾ ಆನಿಂ ಕೇಂದ್ರಿತ್ ಸರ್ವರ್ ಮ್ಹುಣ್ ಹಾಂತು ಆಸಾನಾ. Darknet ರ್ ಪುರಾ Bitcoin  ವ್ಯವಹಾರ್ ಆನಿಂ ದಂಧೊ ಕಸೊ ಚಲ್ತಾ ಮ್ಹುಣ್ ತುಮಿಂ ಹಾವೆಂ ಹಾಂಗಾಚ್ ಬರಯ್ಲೆಂ ಹಾಚಾ ಪುಡೆಂ ವಾಚುಂಕ್ ಪುರೊ. Bitcoin ಚಿ ವಿಶೇಷಾತಾ ಮ್ಹುಳ್ಯಾರ್ ಹಾಂತುಂ ಪಯ್ಶೆ ದಾಡ್ ಲ್ಯಾಂಕ್ ಆನಿಂ ಪಯ್ಶೆ ಘೆಂವ್ಹಾಂಕ್ ಆನಾಮಿಕ್ ಜಾವ್ನ್ ರಾವ್ಯೆತ್. ಆಶೆಂ ಜಾಲ್ಯಾನ್ , ಆಜ್ ಕಾಲ್ ಜಾಳಿರ್ ಗೋಲ್ ಮಾಲ್ ಕರ್ನ್ ಘಳೊನ್ ಆಸ್ಚಾನಿಂ "ಪೆಮೇಂಟ್" ಪುರಾ Bitcoin ಂತ್ ಚ್ ವಿಚಾರ್ಚೊ.
WannaCry  ransomware ನ್ ಚಡ್ ಪಯ್ಶೆ ಕರಿನಾತ್ಲ್ಯಾರ್ ಯೀ ಸಂಸಾರಾಕ್ ಸಬಾರ್ ಲಿಸಾವಾಂ ಶಿಕಾಯ್ಲ್ಯಾಂತ್. ಏಕ್ ಚಾಲಿಂತ್ ನಾತ್ಲಲಿಂ ಒಫರೆಟಿಂಗ್ ಸಿಸ್ಟಮಾಂ ವಾಪಾರಿನಾಕತ್. ದುಸ್ರೆಂ ಪೈರೆಟೆಡ್ ಯಾ ಗೋಲ್ ಮಾಲ್ ಒಫರೆಟಿಂಗ್ ಸಿಸ್ಟಮಾಂ ವಾಪಾರಿನಾಕತ್ ಮ್ಹುಣ್. ಇಂಡಿಯಾಂತ್ ಸಬಾರಾನಿಂ ವಾಪಾರ್ಚಿಂ ಗೋಲ್ ಮಾಲ್ ಒಫರೆಟಿಂಗ್ ಸಿಸ್ಟಮಾಂ. ಚಡಾವಾತ್ ಆಮ್ಚಾ ಬ್ಯಾಂಕಾಚಾ ATM ಂತ್ ಆಜೂನ್ ಯೀ ಆಸ್ಚಿಂ ತಿಂಚ್ ಚಾಲಿಂತ್ ನಾತ್ಲಲಿಂ Windows XP.  ಮೈಕ್ರೊಸಾಪ್ಟಾನ್ ಹಾಕಾ ಪಾಟಿಂಬೊ ದಿಂವ್ಚೊ ಯಾ ಪಾತ್ತೊ ಗಾಲ್ಚೆಂ ಸೊಡ್ನ್ ಸಭಾರ್ ವರ್ಸಾಂ ಜಾಲ್ಯಾಂತ್. ಆಶೆಂ ಜಾಲ್ಯಾನ್ WannaCry  ನ್ ದಾಡ್ ಗಾಲ್ತಾನಾ Windows XP , Windows 2003 server ತಸಲಿಂ ಚಾಲಿಂತ್ ನಾತ್ಲಲಿಂ ಒಫರೆಟಿಂಗ್ ಸಿಸ್ಟಮಾಂ ಚಡಿತ್ ಜಾವ್ನ್ ಬಲಿ ಜಾಲಿಂ. ತಿತ್ಲೆಂ ಚ್ ಮಾತ್ರ್ ನ್ಹಂಯ್ ಹೆಂ WannaCry ಫಕತ್ ಏಕ್ ransomware  ಮಾತ್ರ್ ನ್ಹಂಯ್ ಆಸ್ ಲ್ಲೆಂ ತೆಂ ಏಕ್ ಕಂಪ್ಯೂಟರ್ worm ಯೀ ಜಾವ್ನ್ ಆಸ್ ಲ್ಲೆಂ. ಹೆ ಕಂಪ್ಯೂಟರ್ worm ಅಸಾತ್ ಪಳೆ ಏಕಾ ನಮೂನೆಚಾ ಕಿಡೆ ಆಸ್ ಲ್ಯಾ ಬರಿ. ತೆ ಅಪ್ಣಾಕ್ ಚ್ ನಕಲ್ ಕರ್ನ್ ಜಾಳಿರ್ ಪ್ರಸಾರ್ ಜಾತಾತ್. ತಶೆಂ ಜಾಲ್ಯಾನ್  ತುಮ್ಕಾಂ ಆಯಿಲ್ಯಾ ಇಮೈಲಾಂತ್ಲೆಂ ಆನಾಮಿಕ್  attachment ಉಗ್ತೆ ಕರಿನಾಸ್ತಾನಾ ಯಾ ಜಾಳಿರ್ "ಹಳ್ಶಿಕ್" ಪಳಯ್ನಾಸ್ತಾನಾ ರಾವ್ ಲ್ಯಾರ್ ransomware  ಥಾವ್ನ್ ಸುರಕ್ಷಿತ್ ಮ್ಹುಣ್ ತುಮಿಂ ಖಂಡಿತ್ ಚಿತ್ಚೆಂ ನಾಕಾ...!! ಮಾಗಿರ್ ತುಮಿಂ Windows 10 ವಾಪಾರ್ತಾತ್ , ತೆಂ ಮಸ್ತ್ ಸುರಕ್ಷಿತ್ , ತಾಂತುಂ Microsoft Security Essentials, ಆನಿಂ Microsoft Windows Defender ಆಸಾ ಮ್ಹುಣ್ ಪಾತ್ಯೆವ್ನ್ ಬಸ್ಲ್ಯಾರೀ ಜಾಯ್ನಾ. ತುಮ್ಚೆ ಕಡೆ ಏಕ್ ಸಕ್ತೆವಂತ್ AntiVirus ಸಾಪ್ಟ್ ವೇರ್ ಆಸಾಜೆ ಚ್. ಸಾಂಗಾತಾಚ್ Malwarebytes ತಸಲೆಂ  anti-malware ಸಾಪ್ಟ್ ವೇರ್ ಆಸ್ ಲ್ಯಾರ್ ಆನಿ ಕೀ ಬರೆಂ. ಕಿತ್ಯಾಕ್ ಮ್ಹುಳ್ಯಾರ್  ಪುಡ್ಲ್ಯಾ ದಿಸಾನಿಂ ತುಮ್ಚಾ ಕಂಪ್ಯೂಟಾರಾಂತ್ಲೊ ಡಾಟಾ ಅಪಹರಣ್ ಕರ್ನ್ ದಂಧೊ ಚಲಂವ್ಚೆ  ಬಿಜ್ನೆಸ್ ಜಾಳಿರ್ ವಡ್ಲ್ಯಾ ಮಾಫನ್ ಚಲೊನ್ ಆಸ್ಚೊ ಸಂಭವ್ ಆಸಾ..!!
                                            **********************

ತುಮಿಂ ಕಿತ್ಯಾಕ್ ಲೈನಾಕ್ಸ್ ವಾಪಾರಿಜೆ ?

ಮೈಕ್ರೊಸಾಪ್ಟಾಚೆಂ Windows 10 ತಸಲೆಂ ಊಂಚ್ ಒಫರೆಟಿಂಗ್ ಸಿಸ್ಟಮ್ ಆಸ್ಚೊ ಕಾಳ್ ಹೊ. ಆಮ್ಚಿ ಚಡಾವತ್ ಕಂಪ್ಯೂಟಾರಾಂತ್ Windows ಆಸ್ತಾ . ಕೆನ್ನಾ ಮೈಕ್ರೊಸಾಪ್ಟಾಚಿಂ Windows ಪಯ್ಲೆಂ ಭಯ್ರ್ ಆಯ್ಲಿಂ ಗಿ , ತೆನ್ನಾಂ ಥಾವ್ನ್ ತಿಂ ಲೊಕಾಮೊಗಾಳ್ ಜಾವ್ನ್ ಆಸಾತ್. Windows  ಇತ್ಲೆಂ ಯಿಂ ಲೊಕಾಮೊಗಾಳ್ ಕಿತ್ಯಾಕ್ ? ಹಾಂತುಂ ಆಸ್ಚೆ ತಿತ್ಲಿಂ ವಾಪಾರ್ಯಾಂಚಿ ಹಾತೆರಾಂ , ಖಾಶೆಲೆಂಪಣ್ ದುಸ್ರ್ಯಾ ಒಫರೆಟಿಂಗ್ ಸಿಸ್ಟಮಾನಿಂ ಮೆಳಾನಾಂತ್. Windows  ಕ್ ಮ್ಹುಣ್ ಬರಯ್ಲಿಂ ಚ್ ಸಾಪ್ಟ್ ವೇರಾಂ ಮಸ್ತ್ ಆಸಾತ್. ಮಾಗಿರ್ Windows  ವಾಪಾರುಂಕ್ ಕೀ ಮಸ್ತ್ ಸುಲಭ್ ಯಾ ಹಾಂತು ಗೇಮ್ಸ್ ಕೆಳೊಂಕ್ ಯೀ ಮಸ್ತ್ ಸೊಂಪೆಂ. ತುಮಿಂ ಕಂಯ್ ಪುಣೀ ನವೆಂ ಕಂಪ್ಯೂಟರ್ ಘೆತ್ಲ್ಯಾರ್ ತಾತುಂ  Windows ಇನ್ಸ್ಟಾಲ್ ಜಾವ್ನ್ ಆಸ್ತಾ.  ಅಸ್ಲ್ಯಾ ಪುರಾ ಕಾರಾಣಾಂಕ್ ಆಜೂನ್ ಯೀ Windows  ಲೊಕಾಮೊಗಾಳ್ ಜಾವ್ನ್ ಉರ್ಲಾಂ...
ತರ್ ಲೈನಕ್ಸ್ ಚಿ ಅತಾಂಚಿ ಸಧ್ಯಚಿ ಪರಿಸ್ತಿತಿ ಕಿತೆಂ. ? ತುಮಿಂ ಸರ್ವರಾಂ ವಿಶಿಂ ಉಲಾಯ್ಲ್ಯಾರ್ ಲೈನಕ್ಸಾಚೊ ಪ್ರಭಾವ್ ಆನಿ ಕೀ ದೆವೊಂಕ್ ನಾ. ಕೊಣೆಂ ಪುಣಿಂ ಅಪ್ಲ್ಯಾ ಕಂಪ್ಯೂಟಾರಾಂತ್ , ಲೈನಕ್ಸ್ ಇನ್ಸ್ಟಾಲ್ ಕರ್ನ್ , ವಾಪಾರ್ತಾ ಮ್ಹುಳ್ಯಾರ್ ತೊ ಏಕ್ ವ್ಹಡ್ ತಾಂತ್ರಿಕ್ ಗಿನ್ಯಾನೆಚೊ ಮನಿಸ್ ಮ್ಹುಣ್ ಪಾತ್ಯೆಂವ್ಚೆ ಆಯ್ಚಾ ಕಾಳಾರ್ ಮಸ್ತ್ ಆಸಾತ್. ಸಬಾರಾನಿಂ ಚಿಂತುನ್ ಆಸ್ಚೆಂ ಕಿತೆಂ ಮ್ಹುಳ್ಯಾರ್ , ಲೈನಕ್ಸ್ ವಾಪಾರ್ಚೆಂ ಮಸ್ತ್ ಕಷ್ಟ್  ಮ್ಹುಣ್. ದೆಕುನ್ ತೆ ಲೈನಕ್ಸ ಚಾ ಸಹವಾಸಕ್ ಚ್ ವಚನಾಂತ್.
ತೆ ಂ ಇಲ್ಲೆಶೆಂ ಸಮ ವ್ಹಯ್ ಮ್ಹುಣ್ಯಾಂ . ಲೈನಕ್ಸ್ ವಾಪಾರುಂಕ್ ಥೊಡ್ಯಾಂಕ್ ಕಷ್ಟ್ ಜಾಂವ್ಕ್ ಪುರೊ. ಪುಣ್ ಥೊಡ್ಯಾ ಕಾರಾಣಾಂಕ್ ಪುಣಿ ಲೈನಕ್ಸಾ ತುಮಿಂ ವಾಪಾರಿಜೆ ... !! ಕಸ್ಲಿಂ ಹಿಂ ಕಾರಾಣಾಂ ? ಹೆಂ Windows  ತುಮ್ಚಾ ಕಂಪ್ಯೂಟಾರಾಂತ್ ಜಾಯ್ಜೆ ಜಾಲ್ಯಾರ್ ತೆಂ , ಧರ್ಮಾರ್ತ್ ಮೆಳಾನಾ. ತೆಂ ಮ್ಹೊಲಾಕ್ ಘೆಜೆ ಪಡ್ತಾ. ಏಕಾ ಲೈಸನ್ಸಾಕ್ ಹಜಾರಾನಿಂ ಕಾಸ್ ದಿಜೆ ಪಡ್ತಾತ್. ಪುಣ್ ಲೈನಕ್ಸ್ ತಶೆಂ ನ್ಹಂಯ್. ತೆಂ ತುಮಿಂ ಧರ್ಮಾರ್ಥ್ ಡೌನ್ ಲೊಡ್ ಕರ್ನ್ , ಕಿತ್ಲ್ಯಾ ಕಂಪ್ಯೂಟಾರಂಕ್ ಜಾಂವ್ ಇನ್ಸ್ಟಾಲ್ ಕರ್ಯೇತ್. ಮಾಗಿರ್ ತೆಂ open-source ಮ್ಹುಳ್ಯಾರ್ , ತ್ಯಾ ಒಫರೆಟಿಂಗ್ ಸಿಸ್ಟಮಾಚೆಂ  source code ಬದ್ಲಿ ಕರ್ನ್ , ದುಸ್ರ್ಯಾಂಕ್ ವಾಂಟ್ಯೆತ್.
ಮಾಗಿರ್ ಲೈನಕ್ಸ್ ಆಸಾ ಪಳೆ  ಮಸ್ತ್ ಸಂಪನ್ಮುಳ್ ಸಕ್ಷಮ್ (resource efficient). ತಶೆಂ ಜಾಲ್ಲ್ಯಾನ್ ಪರ್ನ್ಯಾ ಯಾ ಹಳ್ತಾಚಾ ಹಾರ್ಡ್ ವೇರಾಂತ್ ಹೆಂ ಕಾಮ್ ಕರ್ತಾ. ತುಮ್ಚೆಂ ಕಡೆಂ ಕಂಯ್ ಪುಣಿಂ ಪರ್ನೆಂ ಕಂಪ್ಯೂಟರ್ ಆಸ್ಲ್ಯಾರ್ ತುಮಿಂ ತಾಂತುಂ ಲೈನಕ್ಸ್ ಇನ್ಸ್ಟಾಲ್ ಕರ್ನ್ ವಾಪಾರ್ಯೆತ್. ಕಂಪ್ಯೂಟರ್ ಪರ್ನೆಂ , ತಾಂತುಂ ನವೆಂ Windows ಇನ್ಸ್ಟಾಲ್  ಕರುಂಕ್ ಜಾಯ್ನಾ ಮ್ಹುಣ್ ವಿಭಾಡ್ ಕರ್ನ್ , ತೆಂ ಉಡಾಂವ್ಚಿ ಗರ್ಜ್ ನಾ ...! ಲೈನಕ್ಸ್ ತಾಂತುಂ ಬರೆಂ ದಾಂವ್ತಾಂ ..!  ಲೈನಕ್ಸ್  open-source ಜಾಲ್ಯಾನ್ ಮಸ್ತ್ ವಾಂಟ್ತೆಲೆ ಪಂಗಡ್ ಆಸಾತ್. ತಶೆಂಚ್ ಬರೊ ಸಮುದಾಯ್ ಕುಮೊಕ್ ಯೀ ಮೆಳೊನ್ ಆಸಾ.  ಲೈನಕ್ಸ್ ವಾಂಟ್ತೆಲೆ ಪಂಗ್ಡಾಂಕ್ distros ಮ್ಹುಣ್ ಆಪಾಯ್ತಾತ್. ಹ್ಯಾ ಕಾಳಾಚೆ ಥೊಡೆ ಫಾಮಾದ್ distros  ಮ್ಹುಳ್ಯಾರ್ Ubuntu ಆನಿಂ Linux Mint. ಉಪ್ರಾಂತ್ ಯೀ ಮಸ್ತ್ ಆಸಾತ್.
ಲೈನಕ್ಸ್ ಇನ್ಸ್ಟಾಲ್ ಕೆಲ್ಯಾ ಉಪ್ರಾಂತ್ ತುಮ್ಚೆಂ ಮನ್‌ಜೊಕ್ಚೆಂ ಸಾಪ್ಟ್ ವೇರ್ ಯಾ ಪ್ರೊಗ್ರಾಮ್ ಮೆಳಾನಾ ಮ್ಹುಣ್ ತುಮ್ಕಾಂ ಭೊಗುಂಕ್ ಪುರೊ. ಥೊಡ್ಯಾ ಮಟ್ಟಾಕ್ ಹೆಂ ಸತ್. ಪುಣ್ ಆತಾಂ ಚಡಾವತ್ ಪ್ರೊಗ್ರಾಮಾಂ ಲೈನಾಕ್ಸಾಂತ್ ಯೀ ಮೆಳ್ತಾತ್. ತಶೆಂ ಚಡ್ ಚಿಂತಾ ಕರ್ಚಿ ಗರ್ಜ್ ಆಸಾನಾ. ಕಂಯ್ ಪುಣಿ ತುಮ್ಚೆ ಪ್ರೊಗ್ರಾಮ್ ಮೆಳಾನಾ ಮ್ಹುಣ್ ಜಾಲ್ಯಾರ್ , ತುಮ್ಚಾ ಕಂಪ್ಯೂಟಾರಾಚೆಂ ಹಾರ್ಡ್ ವೇರ್ ಬರೆಂ ಆಸ್ಲ್ಯಾರ್  ವರ್ಚುವಲ್ ಕಂಪ್ಯೂಟರ್ ತಸ್ಲಿಂ ಅಪ್ಲಿಕೇಶನಾಂ ವಾಪರ್ನ್, ಲೈನಕ್ಸ್ ಭಿತರ್ Windows  ಇನ್ಸ್ಟಾಲ್ ಕರ್ನ್ ತುಮ್ಕಾಂ ಜಾಯ್ ಜಾಲ್ಲಿಂ ಪ್ರೊಗ್ರಾಮಾಂ ವಾಪಾರ್ಯೆತಾ ... !! ತೆಂ ಏಕ್ ಮಾತ್ರ್ ವಿಧಾನ್ ನ್ಹಂಯ್ , ಲೈನಕ್ಸಾಂತ್ Windows  ಪ್ರೊಗ್ರಾಮಾಂ ಚಲಂವ್ಕ್ ಆನಿಕೀ ಮಸ್ತ್ ವಿಧಾನಾಂ ಆಸಾತ್.. !
ಮಾಗಿರ್ Windows  ಮ್ಹುಳ್ಯಾರ್ ಕೆನ್ನಾಯ್ ವೈರಸ್ ಯೆತಾ ಮ್ಹುಣ್ ಭಿರಾಂತ್ ಆಸ್ತಾ. AntiVirus ಸಾಪ್ಟ್ ವೇರ್ ಗಾಲುಂಕ್ ಯೀ ಸಬಾರ್ ಪಯ್ಶೆ ಪಡ್ತಾತ್. ಜಾಲ್ಯಾ ರ್ ಯೀ ವೈರಸಾ ಚಿ ಭಿರಾಂತ್ ಮಾತ್ರ್ ಚುಕಾನಾ. ಪುಣ್ ಲೈನಾಕ್ಸಾಂತ್ ವೈರಾಸಾಂಕ್ ಬಿಯೆಜೆ ಮ್ಹುಣ್ ಗರ್ಜ್ ನಾ. ಕಿತ್ಯಾಕ್ ಮ್ಹುಳ್ಯಾರ್ , ಲೈನಕ್ಸಾಕ್ ವೈರಸ್ ಬರಂವ್ಕ್ ಕೋಣ್ ಯೀ ವಚಿನಾಂತ್ . ತಶೆಂ ಜಾಲ್ಲ್ಯಾನ್ ಲೈನಕ್ಸ್ ವಾಪಾರ್ಲ್ಯಾರ್ , ತುಮ್ಚೊ ದತ್ತಾಂಶ್ ಪುರಾ ಸುರಕ್ಷಿತ್ ... !
ತರ್ ತುಮಿಂ ಕಿತ್ಯಾಕ್ ಲೈನಕ್ಸಾಕ್ ಏಕ್ ಪಾವ್ಟಿಂ ಚಾಕೊನ್ ಪಳೆಂವ್ಕ್ ನ್ಹುಜೊ ?
      *************************

ಅಂತರ್ಜಾಳಿಚಾ ಗೂಂಡಾಯೆಂತ್ ಆಸ್ ಲ್ಯಾ ಕಾಳ್ಯಾ ಜಾಗ್ಯಾಂ ವಿಶಿಂ ತುಮ್ಕಾಂ ಕಿತ್ಲೆಂ ಖಳಿತ್ ಆಸಾ...??

ಆಂತರ್ಜಾಳ್ ..! ಆಮ್ಕಾಂ ಸಕ್ಡಾಂ ಕೀ ಇಂಟರ್ನೆಟ್ ಮ್ಹುಳ್ಯಾರ್ ಕಿತೆಂ ಮ್ಹುಣ್ ಖಳಿತ್ ಆಸಾ. Facebook , Gmail, Flipkart, WhatsApp, Skype, YouTube, Wekipedia...ಮಾಗಿರ್ ಆಮ್ಚೆ ಕಿತ್ಲೆ ಇತರ್ ಜಾಳಿಜಾಗೆ, ಬ್ಲಾಗ್ ಆನಿಂ ಇತರ್ ಪುರಾ ಚಲಿಜೆ ಜಾಲ್ಯಾರ್ ಆಂತರ್ಜಾಳ್ ಜಾಯ್ಜೆ ಮ್ಹುಣ್ ಹೆಂ ವಾಚುನ್ ಆಸ್ಚಾಂಕ್ ಜರೂರ್ ಖಳಿತ್ ಆಸಾ. ಆಂತರ್ಜಾಳ್  ಆಮ್ಚಾ ಡೆಸ್ಕ್ ಟೊಪಾಂ ಯೀ ಜಾಯ್ , ಲ್ಯಾಪ್ ಟೊಪಾಂಕ್ ಯೀ  ಮಾತ್ರ್  ನ್ಹಂಯ್ , ಟ್ಯಾಬಾಂಕ್ ಯೀ ಆನಿಂ ಸ್ಮಾರ್ಟ್ ಫೋನಾಂಕ್ ಯೀ ಜಾಯ್ ..! ಮಾಗಿರ್ ಕೊಣೆಂಗೀ ಆಮ್ಚಾ "ಸವಾಸೌ" ಕೊರೊಡ್ ಲೋಕ್ ಆಸ್ಚಾ ದೇಶಾಂತ್ ಶೆಂಬರ್ ಕೊರೊಡ್ ಲೋಕ್ ಮೊಬೈಲ್ ವಾಪಾರ್ತಾತ್ ಮ್ಹುಣ್ ಆಮ್ಚಾ ಪ್ರಧಾನ್ ಮಂತ್ರಿಕ್ ಸಾಂಗ್ಲೆ ಖಂಯ್. ತೆಂ ಆಯ್ಕೊನ್ ಪ್ರಧಾನ್ ಮಂತ್ರಿಚಾ PR Agency  ನ್ "ನೋಟ್ ಬಂಧಿ" ಕರ್ನ್ ಏಕ್ ಇಕೊನೊಮಿಕ್ಸ್ "ಸರ್ಜಿಕಲ್ ಸ್ತ್ರೈಕ್ " ಕರ್ತಾಂ ಮ್ಹುಣ್ ಆಮ್ಕಾಂ ಪುರಾ ಬ್ಯಾಂಕಾಚಾ ಆನಿಂ ATM ಪಂಕ್ತೆರ್ ರಾವೊನ್ , ಗುಡಾ ಆಂಗ್ಡೆಂತ್ ಚಾಯ್ ವಿಕೊನ್ ಆಸ್ ಲ್ಯಾಂಕ್ ಯೀ , Digital , Cashless ಆನಿಂ Paytm ಕರಿಜೆ ಜಾಲ್ಯಾರ್ ಇಂಟರ್ನೆಟ್ ಜರೂರ್ ಜಾಯ್..

 ತುಮ್ಕಾಂ google ಂತ್  ಖಂಚಾಯೀ ವಿಶ್ಯಾ ವಿಶಿಂ ಸೊದ್ನಾಂ ಕೆಲ್ಯಾರ್ ಆಸ್ ಲ್ಲಿ ಪುರಾ ಮಾಹೆತ್ ಭಯ್ರ್ ಯೆತಾ ಮ್ಹುಣ್ ಪಾತ್ಯೆಣಿ ನೇ. ? ವಾಸ್ತಾವ್ ಜಾವ್ನ್ ಹೆಂ Facebook , Gmail, Flipkart, WhatsApp, Skype, YouTube, Wekipedia...ಯಾ ಗೂಗಾಲ್ ಅಂತರ್ಜಾಳಿ ಂತ್ ಆಸ್ಚಿ ಪಯ್ಲಿ ವೋಳ್ ಮಾತ್ರ್. ತುಮಿಂ ಪಿಯಾವಾಚೆಂ ಚರ್ಲ್ ಸೊಲೊನ್ ಆಸ್ ಲ್ಯಾರ್ , ವಯ್ರ್ ಆಸ್ಚೆಂ ಭಾಗ್ ಮಾತ್ರ್ ಆಮಿಂ ವಾಸ್ತಾವ್ ಜಾವ್ನ್ ವಾಪಾರ್ಚೆಂ ಇಂಟರ್ನೆಟ್. ಪಿಯಾವಾಚೊ ಏಕ್ಯೇಕ್ ಖಾಂದೊ ಸುಟವ್ನ್ ಗೆಲ್ಯಾರ್ , ಗುಂಡಾಯೆಂತ್ ಆನಿಕೀ ಚಡ್ ಆಸಾ ನೇ ? ಆಂತರ್ಜಾಳ್ ಮ್ಹುಳ್ಯಾರ್ ಯೀ ತಶೆಂಚ್ , ವಯ್ರ್ ಆಸ್ಚೊ ಫಕತ್ ಸುಮಾರ್ 20 % ಭಾಗ್ ಮಾತ್ರ್, ಫುಣ್ ಭಿತ್ರ್ ಗೆಲ್ಯಾರ್ ಬಾಕಿಚೊ 80 ಠಕ್ಕೊ ಸಂಸಾರ್ ದುಸ್ರೊಚ್ . ಕಂಪ್ಯೂಟರ್ ಬಾಶೆಂತ್ ಆಮಿಂ ತಾಕಾ deep web ಯಾ invisible web ಯಾ hidden web ಮ್ಹುಣ್ ಆಪಾಯ್ತಾಂವ್. ಹ್ಯಾ deep web ಭಿತರ್ ಸಭಾರ್ ಕಾಳಿಂ ನೆಟ್ವರ್ಕಾಂ ಆಸಾತ್. ಆಮಿಂ ತಾಕಾ darknet ಮ್ಹುಣ್ ಆಪಾಯ್ತಾಂವ್. ವಿಪರ್ಯಾಸ್ ಮ್ಹುಳ್ಯಾರ್ ವಯ್ಲ್ಯಾ ವೋಳಿರ್ ಆಸ್ಚಾ google ಯಾ ಇತರ್ ಸೊದ್ನಾಂ ಯಂತ್ರಾಂಕ್ ಭಿತರ್ ಆಸ್ಚೊ ಮ್ಹಾಲ್ index ಕರುಂಕ್ ಭಿಲ್ಕುಲ್ ಜಾಯ್ನಾ. ತೊ ಪುರಾ ಆನಾಮಿಕ್ ಮ್ಹಾಲ್. ತುಮ್ಚಾ ಇಂಟರ್ನೆಟ್ ಎಕ್ಸ್ ಪ್ಲೋರರ್ , ಕ್ರೋಮ್ ಯಾ ದುಸ್ರ್ಯಾ ಬ್ರೌಸಾರಾಂತ್ ಯೀ ಉಗ್ತೆ ಜಾಯ್ನಾ ...!

ಮಾಗಿರ್ ತುಮಿಂ ವಯ್ಲ್ಯಾ ವೋಳಿರ್ ಬ್ರೌಸಿಂಗ್ ಕರ್ನ್ ಆಸ್ತಾನಾ ತುಮ್ಕಾಂ ಖಾಸ್ಗಿಪಣ್ ಮ್ಹುಣ್ ನಾ. ಹೆ Facebook , google  ತಸಲೆ ಸಂಸ್ಥೆ ತುಮ್ಚಿ ಹರ್ಯೇಕ್ ಮಾಹೆತ್ ಚೊರುನ್ ಂ ತ್ ಮಾತ್ರ್ ನ್ಹಂಯ್ ತುಮಿಂ ಕಿತೆಂ ಪುರಾ ಕರ್ತಾತ್ ಮ್ಹುಣ್ ಚೋವಿಸ್ ವೊರಾಂ ಯೀ ಗೂಡಾಚಾರ್ ಕರ್ನ್ ಆಸ್ತಾತ್. ತಾಂಕಾಂ ತುಮ್ಚೆಂ GPS ಉಗ್ತೆ ಜಾಯ್ಜೆ ಮ್ಹುಣ್ ಗರ್ಜ್ ನಾ, ಫಕತ್ ತುಮಿಂ ಜಾಳಿಕ್ ಸಂಪರ್ಕ್ ಜಾವ್ನ್ ಆಸ್ ಲ್ಯಾರ್ ಪುರೊ. ಮಾಗಿರ್ ಸರ್ಕಾರ್ ತಶೆಂ ಇತರ್ ಸಂಸ್ಥೆ ಆಸಾತ್ ಪಳೆ, OFC ಚ್ ಥಾಪ್ಟಿ ಮಾರ್ನ್ ಜಾಳಿರ್ ತುಮಿಂ ಕಿತೆಂ ಪುರಾ ಕರ್ತಾತ್ ಮ್ಹುಣ್ ಗುಪಿತ್ ಜಾವ್ನ್ ಚೋರ್ನ್ ಆಸ್ತಾತ್. ಪುಣ್ Deep web ಂತ್  ಹೆಂ ಪುರಾ ಆಸಾದ್ಯ್. ಹಾಂತುಂ  ಫಾಮಾಧ್ ಜಾವ್ನ್ ಆಸ್ಚೆಂ ಟೋರ್ (Tor -The Onion Router) ನೆಟ್ವರ್ಕ್ ಮ್ಹುಣ್ ಏಕ್ ಆಸಾ. ಹಾಂತುಂ ಪುರಾ ಗುಪಿತ್ ಭಾಶೆಂತ್ ಕೋಡ್ ಬರವ್ನ್  ದತ್ತಾಂಶ್ ಮಾತ್ರ್ ನ್ಹಂಯ್ ನಿಯುಕ್ತ್ ಸುವಾತೆಚೊ IP address ಯೀ ಸಬಾರ್ ಪಾವ್ಟಿಂ encrypt ಕರ್ನ್ ನಿರ್ದಿಷ್ಟ್  ನಾತ್ ಲ್ಯಾ ಸಬಾರ್ ರೀಲೆ ಸರ್ವಾರಾಂಕ್ ದಾಡ್ನ್  ಉದ್ದೇಶಿತ್  ಜಾಗ್ಯಾಂಕ್ ಪಾವಾಯ್ತಾ..! ತಶೆಂ Tor  ನೆಟ್ವರ್ಕಾರ್ ತುಮ್ಕಾಂ ಸಂಪೂರ್ಣ್ ಆನಾಮಿಕ್ ಜಾವ್ನ್ ಆಸ್ಯೇತ್. ತುಮ್ಕಾಂ Tor ಜಾಳಿಜಾಗ್ಯಾಂಕ್ ಭೆಟ್ ದಿಜೆ ಜಾಯ್ಜೆ ಜಾಲ್ಯಾರ್ ತುಮಿಂ ಪ್ರತ್ಯೇಕ್ Tor ಬ್ರೌಸರ್ ಇನ್ಸ್ಟಾಲ್ ಕರಿಜೆ. Tor ನೆಟ್ವರ್ಕಾಚೆ ಜಾಳಿಜಾಗೆ .onion ಮ್ಹುಣ್ ಆಖೇರ್ ಜಾತಾತ್. ದಾಕ್ಲ್ಯಾಕ್  http://am4wuhz3zifexz5u.onion/.
ಮಾಗಿರ್ Tor ನೆಟ್ವರ್ಕ್ ಕೋಣ್ ವಾಪಾರ್ನ್ ಆಸ್ತಾತ್ ? ಪ್ರಮುಖ್  ಪತ್ರಕರ್ತ್, whistle-blower , ಮಾಧ್ಯಮ್ ಸಂಸ್ಥೆ Tor ನೆಟ್ವರ್ಕ್ ವಾಪಾರ್ತಾತ್. ದಾಕ್ಲ್ಯಾಕ್ WikiLeaks ..! ಮಾಗಿರ್ ಅರುಣ್ ಜೇಟ್ಲಿಚಾ ದಪ್ತಾರಾ ಥಾವ್ನ್ ವಿರೋಧ್ ಪಾಡ್ತಿಂ ವಿಶಿಂ ಕಸ್ಲಿಂ ಯೀ ದಸ್ತಾವೇಜಾಂ ಆಸ್ ಲ್ಯಾರ್ ತಿಂ ಅರ್ನಭ್ ಗೊಸ್ವಾಮಿಕ್ ಪಾವೊಂಕ್ ಯೀ Tor ನೆಟ್ವರ್ಕ್ ಉಪ್ಯೋಗ್ ಜಾತಾ..!! ಜಾಳಿರ್ ಆನಾಮಿಕ್ ಜಾಂವ್ಕ್ ಆಶೆಂವ್ಚೆ ಪುರಾ Tor ನೆಟ್ವರ್ಕ್ ವಾಪಾರ್ತಾತ್. Tor ನೆಟ್ವರ್ಕಾರ್ ತುಮ್ಚೊ ಜಾಳಿಜಾಗೊ host ಕೆಲ್ಯಾರ್ ತೊ ಖಂಯ್ ಥಾವ್ನ್ ಕಾಮ್ ಕರ್ತಾ ಮ್ಹುಣ್ ಸೊದುನ್ ಕಾಡುಂಕ್ ಅಮೆರಿಕಾಚಾ FBI ಕ್ ಯೀ ಜಾಯ್ನಾ..!! ಹೆಂ ಪುರಾ ಸೊಡ್ಲ್ಯಾರ್ Tor ನೆಟ್ವರ್ಕ್ ವಾಪಾರ್ಚೊ ಕ್ರಿಮಿನಲ್ಸಾನಿಂ.. ! ವಯ್ಲ್ಯಾ ಹಂತಾಚಾ ಜಾಳಿರ್ ಫಾಮಾಧ್ ಶೋಪಿಂಗ್ ಸೈಟ್ ಖಂಚೆ ಮ್ಹುಳ್ಯಾರ್ ತುಮಿಂ Amazon, Flipkart ಯಾ Snapdeal ಮ್ಹುಣೊಂಕ್ ಆಸಾತ್. ಪುಣ್ darknet  ಂತ್ ಫಾಮಾದ್ ಮ್ಹುಳ್ಯಾರ್ Silk Road ..!! ಬ್ಲ್ಯಾಕ್ ಮಾರ್ಕೆಟ್ ಹಿ. ಚಡಾವತ್ ಜಾವ್ನ್ ಡ್ರಗ್ಸ್ ಮಾಪಿಯಾನಿಂ ವಾಪಾರ್ಚಿ. ತುಮ್ಕಾಂ ಕಸ್ಲೆಯೀ ಡ್ರಗ್ಸ್ ಯಾ ಇತರ್ ಚೊರಿಯಾಂಚೊ ಮ್ಹಾಲ್ ಉಣ್ಯಾ ಮ್ಹೊಲಾಕ್  ಘರ್ಚಾ ಬಾಗ್ಲಾಂಕ್ ಪಾವಾಂವ್ಹಿ ಸೌಲತ್ ಹಾಂಗಾ ಆಸಾ. ಮಾಗಿರ್ darknet  ಂತ್ ತುಮ್ಕಾಂ ಅಕ್ರಮ್ ಶಸ್ತ್ರ್ ಯೀ ಸುಲಾಭಾಯೆನ್ ಘೆವ್ಯೇತ್. ಆಜ್ ಕಾಳ್ ಜಾಳಿರ್ ಹ್ಯಾಕಾರ್ಸಾಂಕ್ ಮಸ್ತ್ ವಿನವ್ಣಿ ಆಸಾ. ತುಮ್ಕಾಂ ಕೋಣಾಯ್ಚೊ ಕಂಚೊ ಪಾಸ್ ವರ್ಡ್ ಜಾಯ್ ಯಾ ಕೋಣಾಚೆಂ ಸಿಸ್ಟಮ್ ಹ್ಯಾಕ್ ಕರಿಜೆ ಮುಣ್  ಹ್ಯಾಕಾರಾನಿಂ ಅಂಗಡ್ ಘಾಲ್ನ್ ಆಸ್ಚಿ darknet ಂತ್...! ಮಾಗಿರ್ ಅಂತರ್ ಜಾಳಿಂತ್ ಫೊರ್ನೊಗ್ರಾಫಿ ಕಿತ್ಲಿ ಆಸಾ ಮ್ಹುಣ್ ತುಮ್ಕಾಂ ಖಳಿತ್ ಆಸಾ. ಪುಣ್ child pornography ಸಗ್ಳ್ಯಾ ಸಂಸಾರಾಂತ್ ನಿಶೇಧ್. ಪುಣ್ darknet ಂತ್  ಹೆಂ ಪುರಾ  ಉಗ್ತ್ಯಾನ್ ಮೆಳ್ತಾ. Darknet ರ್ ಚಡಾವತ್ ವ್ಯವಾಹಾರ್ ಚಲ್ತಾನಾ , ಕ್ರೆಡಿಟ್ ಕಾರ್ಡ್ , ಡೆಬಿಟ್ ಕಾರ್ಡ್ ಮ್ಹುಣ್ ವಾಪಾರಿನಾಂತ್. ಹಾಂಗಾ ಚಡ್ತಾವತ್ ಚಲ್ಚಿ Bitcoin ಮ್ಹುಳ್ಳಿ ಸಗ್ಳ್ಯಾ ಸಂಸಾರಾಂತ್ ಕಬೂಲ್ ಜಾಂವ್ನ್ ಆಸ್ಚಿ  cryptocurrency ..!
ಮಾಗಿರ್ darknet  ಕ್ ಏಕ್ try ಕರ್ತಾಂ ಮ್ಹುಣ್ ಚಿಂತ್ ಲ್ಯಾಂಕ್ ಥೊಡೆ ಹಿಶಾರೆ. ತುಮಿಂ darknet  ವಾಪಾರ್ತಾತ್ ಜಾಲ್ಯಾರ್ ಮಸ್ತ್ ಜಾಗ್ರುತ್ ಜಾಯ್ಜೆ. ಹಾಂಗಾ ಆಸ್ ಲ್ಲೆ ಹ್ಯಾಕಾರ್ಸ್ ಪುರಾ ತುಮ್ಕಾಂ ಗಿಳುಂಕ್ ಮ್ಹುಣ್ ರಾಕೊನ್ ಆಸ್ತಾತ್. ಮಾಗಿರ್ ತುಮಿಂ Digital , Cashless ಯಾ Facebook , Gmail ವಾಪಾರ್ನ್ ಆಸ್ಚಾ ಕಂಪ್ಯೂಟಾರಾಂತ್ darknet  ಉಗ್ತೆ ಕೆಲ್ಯಾರ್ ಮಸ್ತ್ ಆಪಾಯ್. ತುಮ್ಕಾಂ darknet  ವಿಶಿಂ ಮಸ್ತ್ ಅನ್ಬೊಗ್ ಆಸ್ಲ್ಯಾರ್ ಪರ್ವಾ ನಾ. ನಾತ್ಲ್ಯಾರ್ darknet  ಕ್ ಚ್ ಮ್ಹುಣ್ ವಿಂಗಡ್ ಕಂಪ್ಯೂಟಾರ್ ವಾಪಾರ್ಚೆಂ ಬರೆಂ ..!!
                                          **********************************

ಸ್ಮಾರ್ಟ್ ಫೋನಾಂತ್ಲಿ ಸ್ಮರಣ್ ಉಣಿ ಜಾಲಿ ಗೀ ? SanDisk Connect Wireless Stick ಆಸಾ ...!!

ಸ್ಮಾರ್ಟ್ ಫೋನಾಂ ದಿಸಾನ್ ದೀಸ್ ಸ್ಮಾರ್ಟ್ ಜಾವ್ನ್ ಯೇವ್ನ್ ಯೆತಾನಾ , ಪ್ರಮುಖ್ ಜಾವ್ನ್ ಪಯ್ಲ್ಯಾನ್ ಬ್ಯಾಟರಿ ತಾಂತ್ರಿಕತಾ ಏಕ್ ಗಟ್ಟ್ ಆಸಾಜೆ. ಮಾಗಿರ್ ದತ್ತಾಂಶ್ ದಾಸ್ತಾನ್  ಕರ್ಚಿ ಶಾಥಿ ಧ್ರಢ್ ಆಸಾಜೆ. ತುಮ್ಕಾಂ ಫಕ್ಕಾ ಖಳಿತ್ ಆಸಾ , ತುಮ್ಚಾ ಫೊನಾಂತ್ಲೆಂ ಮುಕ್ಲೆ ಆನಿಂ ಪಾಟ್ಲೆ ಕೆಮಾರಾ ಪುರಾ ಊಂಚ್ ಮಟ್ಟಾಚೆ ಜಾಲ್ಲ್ಯಾನ್ , ಹೈ ರೆಸೊಲ್ಯೊಸನ್ ತಸ್ವಿರ್ಯೊ , ಹೈ ಡೆಫಿನಿಶನ್ ವಿಡಿಯೊ ಪುರಾ ಭಯ್ರ್ ಯೆತಾತ್. ಮಟ್ಟ್  ಊಂಚ್ ಜಾಲ್ಲ್ಯಾನ್ , ಹ್ಯೊ ತಸ್ವಿರ್ಯೊ , ವಿಡಿಯೊ  ಚಡಿತ್ ಸ್ಮರಣ್ ಉಪ್ಯೋಗ್ ಕರ್ತಾತ್. ತುಮಿಂ ಕಿತ್ಲೆಂ ಊಂಚ್ ಮಟ್ಟಾಚೆಂ ಫೋನ್ ಮ್ಹುಳ್ಯಾರ್ ಯೀ , ಸಧ್ಯಚಾ ಮಟ್ಟಾಕ್ ಪಳೆತಾನಾಂ ಅತಾಂಚಾ ಫೊನಾಂತ್ ಆಸ್ಚೆ ದಾಸ್ತಾನ್ ಕೋಶಾಂಚಿ  ತಾಕಾತ್ ನಗಣ್ಯ್ ಚ್ ಮ್ಹುಣ್ಯೆತ್. ತೆ ತುಮ್ಕಾಂ ಚಡಾವತ್  8 GB , 16 GB ಯಾ 32 GB   ಮ್ಹುಣ್ ದಿತಾತ್.  ಮಾಗಿರ್ 64 GB,  128 GB ಮ್ಹುಣಾಸರ್ ವಿಸ್ತರಾಯ್ ಕರುಂಕ್ ಅವ್ಕಾಸ್ ದಿತಾತ್. ತುಮ್ಚಾ ಮೆಮೊರಿ ಕಾರ್ಡಾಂತ್ , ಜಾಗೊ ಭರ್ತಿ ಜಾಲ್ಯಾ ಉಪ್ರಾಂತ್ ತುಮಿಂ ಏಕ್ ಚ್  ದತ್ತಾಂಶ್ ಥಂಯ್ ಥಾವ್ನ್ ಪುಸುನ್ ಕಾಡಿಜೆ ಯಾ ಕಂಪ್ಯೂಟರಾಕ್ ವರ್ಗಾವಣ್ ಕರಿಜೆ. ಕಂಯ್ ಪುಣಿ ಮೊಡಾಂಕ್ (cloud) ಲೊಟ್ಯಾಂ ಮ್ಹುಳ್ಯಾರ್ , ತಿತ್ಲೆಂ ಸ್ಪೀಡ್ , ಬ್ಯಾಂಡ್ ವಿಡ್ತ್ ದಿಂವ್ಚಿ ಸೌಲತ್ಯೊ ಸದ್ದ್ಯಕ್ ವಡ್ಲ್ಯಾ ,ವಡ್ಲ್ಯಾ ಶಹರಾಂಕ್ ಮಾತ್ರ್ ಸೀಮಿತ್ ಜಾಲ್ಯಾತ್. 

ತುಮ್ಚಾ ಕಂಪ್ಯೂಟರಾಕ್ ದತ್ತಾಂಶ್ ವರ್ಗಾವಣ್ ಕರಿಜೆ ಜಾಲ್ಯಾರ್ ತುಮ್ಚೆಂ ಫೋನ್ ತ್ಯಾ ಕಂಪ್ಯೂಟರಾಕ್ ಶಿರ್ಕಯ್ಜೆ ಯಾ ತಾಂತ್ಲೆಂ ಸ್ಮರಣ್ ಕೋಶ್ ನಿಕ್ಳವ್ಣ್ ಶಿರ್ಕಯ್ಜೆ. ಮಾಗಿರ್ ದತ್ತಾಂಶ್ ವರ್ಗಾವಣ್ ಕರಿಜೆ. ಕಂಯ್ ಪುಣೀ ಥೊಡ್ಯಾ ಕಾಳಾ ಉಪ್ರಾಂತ್ ತೊ ದತ್ತಾಂಶ್ ಪರತ್ ತುಮ್ಚಾ ಸ್ಮಾರ್ಟ್ ಫೋನಾಂ ತ್ ಜಾಯ್ ಜಾಲ್ಯಾರ್ ಪರತ್ ತುಮಿಂ ತುಮ್ಚೆಂ ಫೋನ್ ಕಂಪ್ಯೂಟರಾಕ್ ಶಿರ್ಕವ್ನ್ , ಥಂಯ್ ಥಾವ್ನ್ ದತ್ತಾಂಶ್ ಪರತ್ ತುಮ್ಚಾ ಫೋನಾಕ್ ವರ್ಗಾವಣ್ ಕರಿಜೆ ಪಡ್ತಾ. ಏಕಾ ರೀತಿನ್ ಹೆಂ ಏಕ್ ಕಿರಿಕಿರಿ ... ! ಥೊಡ್ಯಾ ದಿಸಾ ಆದಿಂ ತಶೆಂಚ್ ಜಾಲೆಂ. ಸೆಜಾರ್ಚಾ ಜಿಲ್ಲಿ ಬಾಯೆಕೆರ್ ದೋನ್ ಮಹಿನ್ಯಾ ಆದಿಂ  ಗಾಯೆನ್ ವಸ್ರುಂ ಗಾಲ್ಲೆಂ. ಜಿಲ್ಲಿ ಬಾಯೆನ್ ತೊ ಫಾಡ್ಕೊ ದೋನ್ ದಿಸಾಂಚೊ ಆಸ್ತಾನಾ ಅಪ್ಲ್ಯಾ Lenovo K3 Note ಫೋನ್ ವಾಪಾರ್ನ್ ಏಕ್ ತಸ್ವೀರ್ ಘೆತ್ ಲ್ಲಿ. K3 Note  ಂತ್ ಆಸ್ಚಿ 16 GB  ಸ್ಮರಣ್ ಕೋಶ್ ಮಾತ್ರ್ ನೇ ? ಜಿಲ್ಲಿ ಬಾಯೆಚಿ 16 GB  ಏಕಾ ಹಪ್ತಾಂಂತ್ ಚ್ ಭರ್ತಾ. ದೆಕೊನ್ ತಿ ದತ್ತಾಂಶ್ ಪುರಾ ಕಂಪ್ಯೂಟಾರಕ್ ವರ್ಗಾವಣ್ ಕರ್ನ್ ದವರ್ತಾ. ಪೋಯ್ರ್ ಜಿಲ್ಲಿ ಬಾಯೆಚಿ ಧು ಕೆನಾಡ ಥಾವ್ನ್ ಫೋನ್ ಕರ್ನ್ , " ಮಾಂಯ್ , ಪಾಡ್ಕೊ ಭಾರಿ cute ಆಸಾ ಖಂಯ್ , ಮ್ಹಕಾ ತಿ ಫೋಟೊ ವಾಟ್ಸಾಪ್ ಕರ್  please "  ಮ್ಹುಣಾಲಿ. ಜಿಲ್ಲಿ ಬಾಯೆನ್ ಅಪ್ಲೆಂ ಮೊಬೈಲ್ ಪರತ್ , ಕಂಪ್ಯೂಟರಾಕ್ ಶಿರ್ಕವ್ನ್ , ತಿ ತಸ್ವೀರ್ ಖಂಯ್ ಆಸಾ ಮ್ಹುಣ್ ಸೊಧೊನ್ ಕಾಡ್ನ್ , ತಿ ಆಪ್ಲ್ಯಾ ಮೊಬೈಲಾಕ್ ವರ್ಗಾವಣ್ ಕರ್ನ್ ಮಾಗಿರ್ ಧುವೆಕ್ ವಾಟ್ಸಾಪ್ ಕೆಲಿ ಮ್ಹುಣ್ಯಾಂ. ಪುಣ್ ಮಸ್ತ್ ಕಶ್ಟ್ ಕಾಡಿಜೆ ಪಡ್ಲೆ.

ಅಸ್ಲಿ ಕಿರಿಕಿರಿ ನಿವಾರುಂಕ್ ಕಸ್ಲಿಚ್  ತಾಂತ್ರಿಕಾತಾ ಮ್ಹುಳಿ ನಾಂ ಗೀ ? ಜರೂರ್ ಅಸಾ ... !! ಗೆಲೆತ್ಯಾ ಥೊಡ್ಯಾ ದಿಸಾ ಆದಿಂ SanDisk ಕಂಫ್ಣೆಣ್  SanDisk Connect Wireless Stick ಮ್ಹುಳ್ಳಿ ದಾಕ್ಟೆಂ 200 GB ಸಕ್ತೆಚೆಂ ಏಕ್ ವೈರ್ ಲೆಸ್ ಪ್ಲಾಶ್ ಡ್ರೈವಾಕ್ ಮೊಕ್ಳಿಕ್ ಕೆಲ್ಲೆಂ. ಹ್ಯಾ ದಾಕ್ಟುಲ್ಯಾ ಬೊಡ್ಯೆಚೆಂ ವಿಶೇಷಾತಾ ಮ್ಹುಳ್ಯಾರ್ , ತುಜೆಂ ಅಂಡ್ರೊಯಿಡ್  ಜಾಂವ್ , ಯಾ iOS ಜಾಂವ್ , ಯಾ ಲ್ಯಾಪ್ ಟೊಪ್ ಜಾಂವ್, ಯಾ ಟ್ಯಾಬ್ಲೆಟ್ ಜಾಂವ್  ತುಮಿಂ ಹಿ ಬೊಡಿ ಶಿರ್ಕಾನಾಸ್ತಾಂಚ್ , ದತ್ತಾಂಶಾಂಕ್ ವರ್ಗಾವಣ್ ಕರ್ಯೇತ್. ತೇಂ ಯೀ ಏಕಾ ಯಂತ್ರಾಕ್ ನ್ಹಂಯ್.  ತೀನ್ ಮೆಶಿನಾಂಕ್ , ಏಕ್ ಚ್ ಪಾವ್ಟಿಂ..! ಹಿ ದಾಕ್ಟಿ USB ಬೊಡಿ ಏಕ್ ಪಾವ್ಟಿಂ ಚಾರ್ಚ್ ಕೆಲ್ಯಾರ್ , ಸಾಡೆ ಚಾರ್ ಘಂಟೆ ಮ್ಹುಣಾಸರ್ ನಿರಂತರ್ ವಾಪರ್ಯೇತ್. ಅಂಡ್ರೊಯಿಡ್ ಆನಿಂ iOS ಕ್ ಮ್ಹುಣ್ ವಿಂಗಡ್ Apps ಹಿ ಬೊಡಿ ನಿರ್ವಹಣ್ ಕರುಂಕ್ SanDisk ಕಂಪ್ಣೆಂನ್ ರೂಪಿತ್ ಕೆಲ್ಯಾಂತ್. ತಶೆಂ ಜಾಲ್ಲ್ಯಾನ್ ದತ್ತಾಂಶ್ ನಿರ್ವಾಹಣ್ ಮಸ್ತ್ ಸುಲಾಭಾಯೆನ್ ಕರ್ಯೆತ್. ಸಾಂಗ್ ಲ್ಯಾ ಬರಿ ಹೆಂ ನಿಸ್ತಂತ್ ದತ್ತಾಂಶ್ ವರ್ಗಾವಾಣೆಕ್ , ಅಂತರ್ ಜಾಳಿಚಿ ಗರ್ಜ್ ನಾ...!!

SanDisk ನ್ ಹಾಚೆ ಪಯ್ಲೆಂ 16 GB , 32 GB , 64 GB ಆನಿಂ  128 GB ಸಕ್ತೆಚಿಂ ಅಸ್ಲಿಂ ಯಂತ್ರಾಂ ಪಯ್ಲೆಂ ಥೊಡ್ಯಾ ಮಹಿನ್ಯಾ ಅದಿಂ ಮಾರ್ಕೆಟಿಕ್ ಸೊಡ್ ಲ್ಲಿಂ.  ಪುಣ್ ಅತಾಂ  200 GB ದತ್ತಾಂಶ್ ದಾಸ್ತಾನ್ ಸಾಮಾರ್ಥ್ಯ್ ಕರ್ಚೆಂ ಯಂತ್ರ್ ಹಾಡ್ಲಾಂ. ಸಧ್ಯಕ್ ಹೆಂ ಯಂತ್ರ್ http://www.amazon.in/ ಮಾತ್ರ್ ಉಪಲಬ್ದ್ ಆಸಾ. ಮ್ಹೊಲ್ ಧಾ ಹಜಾರ್ ರೂಪ್ಯಾಂಕ್ ಇಲ್ಲೆಶೆ ಉಣೆಂ. ತುಮ್ಕಾಂ 200 GB ಚೆಂ ಡ್ರೈವ್ ನಾಕಾ ಜಾಲ್ಯಾರ್ 16 GB , 32 GB , 64 GB ಯಾ 128 GB ಚಿಂ ಯಂತ್ರಾಂ ಉಣ್ಯಾ ಮ್ಹೊಲಾಕ್ ಮೆಳ್ತಾತ್. ಪುಡ್ಲ್ಯಾ ದಿಸಾನಿಂ ಮ್ಹೊಲ್ ಆನಿಕೀ ಉಣೆಂ ಜಾಂವ್ಚೆಂ ಲಕ್ಷಣ್ ದಿಸೊನ್ ಯೆತಾ.

ಪುಲ್ಲು ಬಾಯೆ ಕಡೆ ಐ- ಪೋನ್ ಆಸ್ಲ್ಯಾರ್ , ಜಿಲ್ಲಿ ಬಾಯೆ ಕಡೆ ಅಂಡ್ರೊಯಿಡ್ ಫೋನ್ ಆಸ್ಲ್ಯಾರ್ ಆನಿಂ ಸೆವ್ರಿನ್ ಬಾಯೆ ಕಡೆ Windows ಲ್ಯಾಪ್ ಟೊಪ್ ಆಸ್ ಲ್ಯಾರ್ , ಹಾಂಚೆ ಮಧೆಂ ಏಕ್ SanDisk Connect Wireless Stick ಹಾಡ್ನ್ ದವರ್ಲ್ಯಾರ್ ಜಾಲೆಂ. ... !!  ಹ್ಯಾ ಬಾಯ್ಲಾಂ ಮಧೆಂ ಹಾಂಚೆಂ ಕಡೆ ಆಸ್ಚಿಂ ಯಂತ್ರಾಂ ಯೀಂ ಉಲಾಂವ್ಕ್ ಶಿಕ್ತಾತ್ ... !!

                                                                       ***********************

ಉಣ್ಯಾ ಮ್ಹೊಲಾಕ್ "ಸ್ಮಾರ್ಟ್" ಮ್ಹಾಲ್ ಮೆಳ್ತಾನಾ ಬ್ರ್ಯಾಡೆಂಡ್ ಕಿತ್ಯಾಕ್ ?

ತುಮಿಂ ತುಮ್ಚಾ ಹಾತಾಂಕ್ ಗಡ್ಯಾಳ್ ಭಾಂದುಕ್ ಏಕ್ ಉದ್ದೇಶ್ ಆಸ್ತಾ.  ತುಮಿಂ ಸಾಟ್ ಲಾಕಾಚೆಂ ಹ್ಯೂಬರ್ಟ್ ಗಡ್ಯಾಳ್ ತುಮ್ಚಾ ಹಾತಾಕ್ ಬಾಂದಿಯಾ ಯಾ ಹಜಾರಾಚೆಂ HMT ಗಡ್ಯಾಳ್ ಬಾಂದಿಯಾ. ದೋನೀ ಗಡ್ಯಾಳಾನಿಂ ದಾಕಾಂವ್ಚೊ ವೇಳ್ ಏಕ್ ಚ್ ... ! ತುಮಿಂ ಸೊರೊ ಪಿಯೆಂವ್ಕ್ ಯೀ ಏಕ್ ಉದ್ದೇಶ್ ಆಸ್ತಾ. ತುಮ್ಕಾಂ ಹಜಾರಾಂಚೊ ಸ್ಕೋಚ್ ಪಿವ್ಯೇತ್ ಯಾ ಶೆಂಬರಾಂಚೊ ಕಂಟ್ರಿ ಯೀ ಪಿವ್ಯೇತ್. ದೊನಾಂಯ್ತಿ ಆಸ್ಚೆಂ ಮ್ಹುಳ್ಯಾರ್ ಆಲ್ಕೊಹಾಲ್ ಮಾತ್ರ್ ... ! ( ಪುಣ್ ಉಣ್ಯಾ ಮೊಲಾಚೊ ಕಂಟ್ರಿ ಲಿವರಾಚೆಂ ವಿಭಾಡ್ ವೆಗ್ಗಿಂ ಕರ್ತಾಂ ಮ್ಹುಣ್ಯಾಂ ). ಸಾಟ್ , ಸತ್ತಾರ್ ಹಜಾರ್  ಆಸ್ಚಾ iPHONE , SONY , HTC  ತಸಲಿಂ ಬ್ರ್ಯಾಡೆಂಡ್ ಸ್ಮಾರ್ಟ್ ಫೊನಾಂಕ್ ಆನಿಂ ತಸ್ಲೆಂಚ್ ಸೌಲತ್ಯೊ ದಿಂವ್ಚಾ ಸ್ಥಾನಿಕ್ ಸ್ಮಾರ್ಟ್ ಫೊನಾಂ ಮಧೆಂ ಸ್ಕೋಚ್  ಆನಿಂ ಕಂಟ್ರಿ ಮಧೆಂ ಆಸ್ಚೊ ತಿತ್ಲೊ ಫರಕ್ ಅಸಾಗೀ ?

ಗೆತೆಲ್ಯಾ ಥೊಡ್ಯಾಂ ಹಪ್ಯಾಂ ಪಯ್ಲೆಂ ಚಿಣಾಚಿ ಫಾಮಾಧ್ Letv ಮ್ಹುಳ್ಯಾ ಕಂಪ್ಣೆನ್ Le 1S ಮ್ಹುಳ್ಳೆ ಂ ಏಕ್ ಸ್ಮಾರ್ಟ್ ಫೊನ್ ಉಗ್ಡಾಪಣ್ ಕೆಲೆಂ. ಇಂಡಿಯಾಂತ್ ಹೆಂ Flipkart ಜಾಳಿಜಾಗ್ಯಾರ್ ಮೆಳ್ತಾ.  Android v5 (Lollipop) ಚೆಂ ಫೋನ್ ಹೆಂ. ಮೊಲ್ ಇಕ್ರಾ ಹಜಾರ್ ರೂಪಯ್. ಹಾಚೊ ಅಕಾರ್ ಪಳೆಯಾ .  ಪ್ರಾಸೆಸಾರ್ 2.2 GHz ಚೊ  ಒಕ್ಟಾ ಕೋರ್. ತೀನ್ GB RAM. ಹಾಚೆ ಭಿತರ್ 32 GB ಅಂತರರಿಕ್ ಸ್ಮರಣ್ ಕಾರ್ಡ್ ಆಸಾ. ತಶೆಂ ಜಾಲ್ಯಾನ್ ಡಾಟಾ ಪುರಾ ದರಬಸ್ತ್ ದಾಸ್ತಾನ್ ಕರ್ಯೇತ್. ಪಾಟ್ಲೊ ಕೆಮಾರಾ 13 MP ಆಸ್ಸ್ಲ್ಯಾರ್ , ಮುಕ್ಲೊ ಕೆಮಾರಾ 5 MP ಆಸಾ. Li-Polymer, 3000 mAh ಸಕ್ತೆಚಿ ಬ್ಯಾಟರಿ ಆಸಾ.   ಮಾಗಿರ್ 4G ಕ್ ತೆಂಕೊ ದಿಂವ್ಚಿಂ ತಸಲಿಂ ದೊಹೆರಿ LTE ಸಿಮ್ಮಾಂಚೊ ಖಾಂಚ್ ಆಸಾ. ಮಾಗಿರ್ "ಸ್ಕೋಚ್" ಖ್ಯಾಸ್ತಿಚಾ ಫೋನಾಂತ್ ಆಸ್ಚೆ ಚಡಾವತ್ ಸೌಲತೊ ಹಾಂತು ಆಸಾತ್. ಮಾಗಿರ್ ಹಾಂತ್ಲಿ ವಿಶೇಷಾತ ಮ್ಹುಳ್ಯಾರ್ ಇನ್ಪ್ರಾರೆಡ್ ವ್ಯವಸ್ಥಾ ಆನಿಂ ಫಿಂಗರ್ ಪ್ರಿಂಟ್ ಸ್ಕ್ರಾನಾರ್. ಹ್ಯಾ ಫೊನಾಂತ್ ಚ್ ಇನ್ಪ್ರಾರೆಡಾಕ್ ಸಂರಚಿತ್ ಜಾವ್ನ್ ಏಕ್ ಸಾಪ್ಟ್ ವೇರ್ ಆಸಾ. ತಸೆಂ ಜಾಲ್ಯಾನ್ ತುಕಾ ಕಂಚಾ ಯೀ TV , AC ಯಾ ಪ್ರೊಜೆಕ್ಟಾರ್ ಯಾ ಪೊನಾ ಥಾವ್ನ್ ಕಂಟ್ರೋಲ್ ಕರ್ಯೇತ್. ಮಾಗಿರ್ ಹೆಂ ಫಿಂಗರ್ ಪ್ರಿಂಟ್ ಸ್ಕ್ರಾನಾರ್ ತುಜಿ ಸ್ಕ್ರೀನ್ unlock ಕರುಂಕ್ ಯಾ ಸೆಲ್ಫಿ ಕಾಡುಂಕ್ ವಾಪಾರ್ಯೇತ್. ಮಾಗಿರ್ DigiLocker ತಸಲಿಂ ಸರ್ಕಾರಿ app ವಾಪಾರ್ತಾನಾ ಹೆಂ ಮಸ್ತ್ ಉಪ್ಕಾರಾಕ್ ಪಡ್ತಾ. ಮಾಗಿರ್ ಆನ್ಯೇಕ್ ವಿಶೇಸ್ ಮ್ಹುಳ್ಯಾರ್ ಹೆಂ ಫೋನ್ ಫಕತ್ ಧಾ ಮಿನುಟಾಂ ಚಾರ್ಜಾಕ್ ದವರ್ಲ್ಯಾರ್ ಜಾಲೆಂ. ಬ್ಯಾಟಾರಿ ಪುರಾ ಚಾರ್ಚ್ ಜಾತಾ. ಒಟ್ಟಾರೆ ಸಾಂಗ್ಚೆ ಮ್ಹುಳ್ಯಾರ್ ಇಕ್ರಾ ಹಜಾರಾಕ್ ಹೆಂ ಫೊನ್ ಘೆತ್ಲ್ಯಾರ್ ಲುಕ್ಸಾಣ್ ನಾ.

Le 1S ಕ್ ಸ್ಪರ್ಧೊ ದಿಂವ್ಚೆಂ ಆನ್ಯೇಕ್ ಸ್ಮಾರ್ಟ್ ಫೊನ್ ನಮೂನೊ ಮ್ಹುಳ್ಯಾರ್ Lenovo Vibe K4 Note. ಚಡಾವಾರ್ ಆಚೆ ಆಕಾರ್ ಆನಿಂ ಸೌಲತೊ Le 1S ಬರಿ ಚ್ ಆಸಾತ್. ಮೊಲ್ ಬಾರಾ ಹಜಾರ್ ರೂಪಾಯ್. ಪ್ರಾಸೆಸಾರ್ 1.3 Ghz ಚೊ ಆನಿ ಒಕ್ಟಾ ಕೋರ್. ಬ್ಯಾಟಾರಿ ಇಲ್ಲಿ ಪಸಂದ್ ದಿಸ್ತಾ. 3300mAH lithium-ion  ಬ್ಯಾಟಾರಿ ತಿ. ಮಾಗಿರ್ ಹಾಚೆ ಭಿತರ್ ಆಸ್ಚೆಂ  ಅಂತರರಿಕ್ ಸ್ಮರಣ್ ಕಾರ್ಡ್ 16 GB ಚೆಂ ಮಾತ್ರ್.  ಪುಣ್ ತೆಂ ತುಕಾ ಜಾಯ್ ಜಾಲ್ಯಾರ್ ಮಾಗಿರ್ 128 GB ಚೆಂ ಚಿಪ್ಪ್ ಯೀ ಬಸವ್ಯೇತ್. ಪುಣ್ Le 1S  ಆಸ್ಲೊ ಆವ್ಕಾಸ್ ನಾ. ತಾಂತುಂ 32 GB ಖಾಯಂ.. ಮಾಗಿರ್ Lenovo Vibe K4 Note ಂತ್ ಇನ್ಪ್ರಾರೆಡ್ ವ್ಯವಸ್ಥಾ ನಾ. ಬಾಕಿ "ಸ್ಕೋಚ್" ಖ್ಯಾಸ್ತಿಚಾ ಫೋನಾಂತ್ ಆಸ್ಚೊ ಚಡಾವತ್ ಸೌಲತೊ ಹಾಂತುಂ ಯೀಂ ಆಸಾತ್. ತುಮ್ಕಾಂ ಆನಿಕೀ ಉಣ್ಯಾ ಮೊಲಾಕ್ ಜಾಯ್ ಜಾಲ್ಯಾರ್ Coolpad Note 3 ಮ್ಹುಣ್ ಚಡಾವತ್ Lenovo Vibe K4 Note ಮುಳ್ಯಾ ಆಕಾರ್ ಆಸ್ಲೆಂ ಪೋನ್ http://www.amazon.in/ ಂತ್ ಮೆಳ್ತಾ. ಮೋಲ್ ಫಕತ್ ನೋವ್ ಹಜಾರ್ ರೂಪಯ್. ತುಮ್ಕಾಂ ಆನಿಕೀ ಉಣ್ಯಾ ಮೋಲಾಕ್ ಬರೆಂ ಪೋನ್ ಜಾಯ್ ಜಾಲ್ಯಾರ್  Xolo era 4k ಕ್ ಏಕ್ ಯತ್ನ್ ದಿಯಾ. ಮೋಲ್ ಫಕತ್ ಸಾಡೆ ಸ ಹಜಾರ್ . ಹಾಚಿ ವಿಶೇಷತಾ ಮ್ಹುಳ್ಯಾರ್ 4000mAh ಬ್ಯಾಟರಿ. ಸಾಡೆ ಸ ಹಜಾರ್ ರೂಪ್ಯಾಂಚಾ ಪೋನಾಂತ್ ತಿ ಯೆತಾ ಮ್ಹುಳ್ಯಾರ್ ಏಕ್ ಗ್ರೇಟ್ ಚ್ ... ! ಮಾಗಿರ್ ಹಾಂತುಂ 2 GB RAM ಆಸಾ. 8 GB ಅಂತರರಿಕ್ ಸ್ಮರಣ್ ಕಾರ್ಡ್ ಆಸಾ.Android 5.1 ಫೋನ್ ಹೆಂ. 1GHz ಪ್ರಾಸೆಸರ್. ಪಾಟ್ಲೊ ಆಟ್ ಆನಿಂ ಮುಕ್ಲೊ ಪಾಂಚ್ MP ಕ್ಯಾಮೆರಾ.  ಫೋನ್ ಬರೆಂ ಅಸಾ ಮ್ಹುಣ್ಯಾಂ.

ಮಾಗಿರ್ ಆಖೇರ್ ಕರ್ಚಾ ಪಯ್ಲೆಂ ಇಂಡಿಯಾಚಾ Ringing Bells ಕಂಪ್ಣೆಚಾ Freedom 251 ಸ್ಮಾರ್ಟ್ ಫೋನಾ ವಿಶಿಂ ಸಾಂಗಿಜೆ ಚ್ ನೇ ? BBC , ಟೆಲಿಗ್ರಾಪ್ ಪ್ರಕಾರ್ ಸಂಸಾರಾಂತ್ಲೆ ಸೊವಾಯ್ ಪೋನ್ ತೆಂ. ಮೋಲ್ ಫಕತ್ 251 ರೂಪಯ್. ಚಾಳಿಸ್ ರೂಪಯ್ ಪಾವಿತ್ ಕೆಲ್ಲ್ಲ್ಯಾಕ್ ಮೋಲ್. ಹ್ಯಾ ಸ್ಮಾರ್ಟ್ ಫೋನಾಂಚೆಂ ಆಕಾರ್ ಪಳೆಯಾ.  Android 5.1 ಪೋನ್. 1.3GHz ಪ್ರಾಸೆಸಾರ್ . 1 GB RAM. 8GB ಅಂತರರಿಕ್ ಸ್ಮರಣ್ ಕಾರ್ಡ್. 3.2 MP ಪಾಟ್ಲೊ ಕ್ಯಾಮೆರಾ ,  0.3 MP ಮುಕ್ಲೊ ಕ್ಯಾಮೆರಾ , 1450mAh ಬ್ಯಾಟಾರಿ ... !!  ಇಂಡಿಯಾಂತ್ ಜಿಲ್ಲಿಬಾಯೆಕ್ ಏಕ್ ದೀಸ್ ಭಾತ್ ಲುವುನ್ ಏಕ್ ಸ್ಮಾರ್ಟ್ ಫೋನ್ ಘೆಂವ್ಚೊ ತಿತ್ಲೊ ಸಾಂಬಾಳ್ ಮೆಳ್ತಾ ಮ್ಹುಣಾಜೆ ಗೀ ? ಯಾ ಇಂಡಿಯಾಂತ್ Old Monk ಚೆಂ ಮೋಲ್ ಸ್ಮಾರ್ಟ್ ಫೋನಾಚಾ ಕೀ ಚಡ್ ಜಾಲಾಂ ಮ್ಹುಣಾಜೆ ? Ringing Bells ಪ್ರಕಾರ್ ತೀನ್ ದಿಸಾನಿಂ ಸುಮಾರ್ 25 ಲಾಕ್ ಲೋಕಾನಿಂ ಹೆಂ ಫೋನ್ ನೋಂದ್  ಕೆಲಾಂ ಕಂಯ್. ಹಾಣಿಂ ಹಿಂ ಫೋನಾಂ ಉತ್ಪನ್ನ್ ಕರುಂಕ್ ಆನಿಕೀ ಕಾಮಾಸಳ್ ಆರಂಭ್ ಕರುಂಕ್ ನಾ. ನೋಂದ್ ಕೆಲ್ಲ್ಯಾಂಕ್  ಚಾರ್ ಮಹಿನ್ಯಾ ಉಪ್ರಾಂತ್ ಫೋನಾಂ ಮೆಳ್ತಾತ್ ಖಂಯ್ ... ! ಪುನ್ಯಾಕ್ ಮೇಕ್ ಇನ್ ಇಂಡಿಯಾ ಜಾಲ್ಯಾರ್ ಪುರೊ , ಫೇಕ್ ಇನ್ ಇಂಡಿಯಾ ಜಾಲ್ಯಾರ್ ಕಷ್ಟ್ ...!!

                                                                    ***************************************    

ಅಂತರ್ಜಾಳಿರ್ VPN ಚಿ ಗರ್ಜ್ ತುಮ್ಕಾಂ ಕೆನ್ನಾ ಜಾಯ್ ?

ಅಂತರ್ಜಾಳಿಚೊ ಉಪ್ಯೋಗ್ ಕರ್ಚಾ ತುಮ್ಕಾಂ ಸಭಾರಾಂಕ್ VPN  ಮ್ಹುಳ್ಯಾರ್ ಕಿತೆಂ ಮ್ಹುಣ್ ಖಳಿತ್ ನಾತ್ ಲ್ಯಾರೀ , ಹೆಂ ಕಿತೆಂ ಮ್ಹುಣ್ ಖಳಿತ್ ಆಸ್ಚೊ ಯೀ ಏಕ್ ವ್ಹಡ್ ಪಂಗಡ್ ಆಸಾ. ಹೆಂ VPN  ಮ್ಹುಳ್ಯಾರ್ Virtual private network..!! ಮ್ಹುಳ್ಯಾರ್ ಆವಾಸ್ತವಿಕ್ ಖಾಸ್ಗಿ ಜಾಳ್..!  ಆನಿಕೀ ಇಲ್ಲೆಂ ಸ್ಪಷ್ಟ್  ಕರ್ನ್ ಸಾಂಗ್ಚೆಂ ಜಾಲ್ಯಾರ್ , ತುಮಿಂ ಬೆಂದೂರ್ ಆಸಾತ್ ಮ್ಹುಣ್ ಚಿಂತಾ ... ತುಮ್ಕಾಂ ಬಿಕರ್ನಾಕಟ್ಟೆಚಾ ಬಾಳೊಕ್ ಜೆಜುಚಾ ಪೂಣ್ ಶೆತಾಕ್ ವಚಜೆ...ತುಮಿಂ ನಂತೂರ್ ಪಾವ್ತಾತ್... ಮಾಗಿರ್ ಬಿದ್ರ್ಯಾಂಚಾ 169 ಹೈವೆರ್ ವಚೊನ್ ಉಜ್ವ್ಯಾಕ್ ಘೆತಾತ್. ನಂತೂರ್ ಮಸ್ತ್ ಟ್ರಾಫಿಕ್ ಆಸ್ತಾ..ಮಾಗಿರ್ ತೊ ಮಾರೊಗೀ ಸುರಕ್ಷಿತ್ ನಾ... ! ತುಮ್ಕಾಂ ನಂತೂರ್ ಥಾವ್ನ್ ಬಾಳೊಕ್ ಜೆಜುಚಾ  ಪೂಣ್ ಕ್ಷೇತ್ರಾಕ್ ಸುರಕ್ಷಿತ್ ಜಾವ್ನ್ ಗುಪಿತ್ Virtual  ಆನಿಂ private  ಮಾರ್ಗಾರ್ ಸುರಕ್ಷಿತ್ ಜಾವ್ನ್ ಪಾವಾಯ್ಲ್ಯಾರ್ ? ಜಾಳಿರ್ ಆಸ್ಚಾ ಹ್ಯಾ ತಾಂತ್ರಿಕಾಯೆಕ್ VPN ಮ್ಹುಣ್ತಾತ್... !!

ಥೊಡ್ಯಾ ತೆಂಪಾ ಆದಿಂ ಹಾವೆಂ ಹಾಂಗಾ Tor ನೆಟ್ವರ್ಕ್  ಆನಿಂ ಅಂತರ್ಜಾಳಿಚಾ ಗೂಂಡಾಯೆಂತ್ ಆಸ್ ಲ್ಯಾ  ಡಾರ್ಕ್ ನೆಟ್ವರ್ಕ್   ವಿಶಿಂ ಬರಯ್ಲೆಂ.  ತೆಂ ಕಿತೆಂ ಮ್ಹುಳ್ಯಾರ್ ಹ್ಯಾ ಅಂತರ್ಜಾಳಿರ್ ಆಸ್ಚಾ  80% ಗುಪಿತ್ ನೆಟ್ವಕಾಂ ವಿಶಿಂ..! ಸಬಾರ್ ಲೋಕ್ ತಾಕಾ ಪೂರಾ ಗೋಲ್ ಮಾಲ್ ನೆಟ್ವರ್ಕ್ ಮ್ಹುಣ್ತಾತ್. ಪುಣ್ ತೆಂ ಗೋಲ್ ಮಾಲ್ ಮನಿಸ್ ಮಾತ್ರ್ ನ್ಹಂಯ್ ಚಡಾವತ್ ಜಾಣ್ತೆ ಲೋಕ್ ಯೀ  ವಾಪಾರ್ತಾತ್. ಜಾಳಿರ್ ಸಂಪೂರ್ಣ್ ಜಾವ್ನ್ ಆನಾಮಿಕ್ ಜಾವ್ನ್ ಭೊಂವಾರಿ ಮಾರುಂಕ್ ಸಕ್ಚೆಂ ನೆಟ್ವರ್ಕ್ ತೆಂ. !! ಮಾಗಿರ್ ಡಾರ್ಕ್ ನೆಟ್ವರ್ಕಾಚಾ ವಯ್ರ್ ಆಸ್ಚೆಂ ಫಕತ್ 20 %ವೃತ್ತಿಪರ್ ಆನಿಂ ಶಿಷ್ಟಾಚಾರಿಚೆಂ ಮ್ಹುಣ್..!  ಹ್ಯಾ ವೃತ್ತಿಪರ್ ,ಶಿಷ್ಟಾಚಾರಿಂಕ್ ಯೀ ಆನಾಮಿಕ್ ಜಾವ್ನ್ ರಾವೊಂಕ್ ಜಾಯ್ನಾಂ ಗೀ ? ಭಿಲ್ಕುಲ್ ಜಾತಾ.. !!  ಪೂಣ್ ಸಂಪೂಣ್ ನ್ಹಂಯ್ ...!!

ಆಸ್ಲ್ಯಾ ವೃತ್ತಿಪರ್ ,ಶಿಷ್ಟಾಚಾರಿಂಕ್  ಕಸ್ಲಿ ತಾಂತ್ರಿಕಾತಾ ಆಸಾ. ? ಸಾಮಾನ್ಯ್ ಜಾವ್ನ್ ತುಮ್ಕಾಂ VPN   ನಾಸ್ತಾನಾ  ಜಾಳಿರ್ ಬೊಂವ್ಡಿ ಕರ್ನ್ ತುಮ್ಕಾಂ ಕೊಂಕ್ಣೆಚಾ ಫಾಮಾದ್ ಜಾಳಿಜಾಗೊ http://www.sokallik.com/ ಕ್ ಭೆಟ್ ಜಾಂವ್ಕ್ ಆಸಾ ಮ್ಹುಣ್ ಚಿಂತ್ಯಾ..... ಹಿ ವಿನವ್ಣಿ ತುಮ್ಚಾ ಘರಾಂತ್ ಆಸ್ ಲ್ಯಾ ರೌಟಾರಾ ಥಾವ್ನ್ ತುಮ್ಕಾಂ   ತುಮ್ಚಾ ಘರಾ ಇಂಟರ್ನೆಟ್ ಕನೆಕ್ಷನ್ ದಿಂವ್ಚಾ ISP (Internet service provider) ಕ್ ಚಲ್ತಾ . ತುಮ್ಕಾಂ ತುಮ್ಚೊ ISP  ಏಕ್ ಖಾಸ್ IP ಆಡ್ರೆಸ್ ದಿತಾ ನೆ. ತೊ IP ಆಡ್ರೆಸ್ ಘೆವ್ನ್ ತುಮ್ಕಾಂ  ತ್ಯಾ ವಡ್ಲ್ಯಾ ಜಾಳಿ ಸಾಗೊರಾ ಮುಖಾಂತ್ರ್  http://www.sokallik.com/  ಮ್ಹುಳ್ಳೆಂ ಸರ್ವರ್ ಖಂಯ್ ಹೊಸ್ತ್ ಕೆಲಾಂ ಪಳೆ ಥಂಯ್ ಪಾವಾಯ್ತಾ.. !.http://www.sokallik.com/  ಕಡೆ ಏಕ್ log file ಆಸ್ತಾ. ಕೊಣಾ ಥಾವ್ನ್ ತಿ ವಿನವ್ಣಿ ಆಯ್ಲ್ಯಾ ಮ್ಹುಣ್ ತುಮ್ಚೊ IP ಆಡ್ರೆಸ್ ಆಪ್ಲ್ಯಾ log file  ಂತ್ ನೊಂದವ್ಣಿ ಕರ್ನ್ ತುಮ್ಚಿ ವಿನವ್ಣಿ ಪರಿಪೂರ್ಣ್ ಕರ್ನ್ ಪಾಟಿಂ ದಾಡ್ತಾ..! ಆಶೆಂ ಹ್ಯಾ ಸಗ್ಳ್ಯಾ ವಾಟೆರ್ ಖಂಯ್ ಥಾವ್ನ್ ವಿನವ್ಣಿ ಘೆಲ್ಲಿ ಆನಿಂ ಖಂಯ್ ಪಾವ್ಲಿ ಮ್ಹುಣ್ ಸುಲಾಭಾಯೆನ್ ಸೊದೊನ್ ಕಾಡ್ಯೆತ್..!!

ಪುಣ್ VPN   ವಾಪಾರ್ಯ್ಲ್ಯಾರ್ ತಶೆಂ ಜಾಯ್ನಾ. ಇತ್ಯ್ಲಾಕೀ ಹೆಂ VPN  ಯಾ Virtual private network ವಾಪಾರ್ಚೆಂ ಜಾಳಿಚಾ ವಯ್ರ್ ಹಂತಾನ್ ಆಸ್ಲ್ಯಾನಿಂ. ಫಾಮಾಧ್ ಮಾಹೆತ್ ತಂತ್ರಾಗ್ನ್ಯ್ ಕಂಪ್ಣೆನಿಂ.ಹ್ಯೊ ಮಾಹೆತ್ ತಂತ್ರಾಗ್ನ್ಯ್  ಕಂಪ್ಣ್ಯೊ ಪುರಾ ಅಪ್ಲ್ಯಾ ವಾವ್ರ್ಯಾಡ್ಯಾಂಕ್ ಘರಾ ಥಾವ್ನ್ ಕಾಮ್ ಕರುಂಕ್ VPN   ಸೌಲಾತ್ ದಿತಾತ್..!   ಹೆಂ VPN   ಕಶೆಂ ಕಾಮ್ ಕರ್ತಾ ಪಳೆಯಾ. ...ತುಮ್ಕಾಂ ಏಕ್  ಖಾಸ್ಗಿ ಸಂದೇಶ್ http://www.sokallik.com/ ದಾಡುಂಕ್ ಆಸಾ . ತೊ ಸಂದೇಶ್ ತುಮ್ಚಾ ರೌಟಾರಾ ಥಾವ್ನ್ ISP ಕ್ ಯೆತಾ. ತುಮಿಂ VPN  ವಾಪಾರ್ತಾನಾ , ತುಮ್ಚೊ ಸಂದೇಶ್ encrypt ಜಾವ್ನ್ VPN   ಕಂಪ್ಣೆಚಾ ಸರ್ವಾರಾಕ್ ಪಾವ್ತಾ. ಥಂಯ್ ಥಾವ್ನ್ ಥ್ಯಾ ಸರ್ವರಾಚಾ ವಿಭಿನ್ನ್ IP ಆಡ್ರೆಸ್ ಥಾವ್ನ್ ನಿಯುಕ್ತ್ ಸುವಾತೆಕ್ ಪಾವ್ತಾ. ತಶೆಂ ಹ್ಯಾ ಉದಾಹರಾಣಾಂತ್ http://www.sokallik.com/ ಮೆಳ್ಚೊ IP ಆಡ್ರೆಸ್ ಫಕತ್ VPN   ಸರ್ವಾರಾಚೊ...!! ಮುಳ್ಯಾರ್ ತುಮಿಂ ಕದಿರೆನಾ ಹಳ್ಳೆಂತ್ ಬಸೊನ್ ಆಸ್ ಲ್ಯಾರೀ , ಕಜಕಿಸ್ತಾನಾಂತ್ ಆಸ್ ಲ್ಯಾ ಬರಿ ದಾಕಾವ್ಯೇತ್..!!ಮಾಗಿರ್ ತುಮ್ಚೆ ಕಡೆ ಏಕ್ Gmail ಆಕೌಂಟ್ ಆಸಾ. "ಹಾವೆಂ ಪಾರ್ಲಿಮೆಂಟಾಂತ್ ಏಕ್ ಬೋಂಬ್" ದವರ್ಲಾ ಮ್ಹುಣ್ ಕೊಡ್ಯಾಳ್ಚೊ "ಗುಂಡಣ್ಣ" Gmail ಥಾವ್ನ್ PM ಮೋಡಿಕ್ ಸಂದೇಶ್ ದಾಡ್ತಾ ಮ್ಹುಣ್ ಚಿಂತ್ಯಾ... ! ಮಾಗಿರ್ NIA ಚೆ ಹೆಂ ತನ್ಖಿ ಕರ್ನ್ ಆಸ್ತಾನಾ, ತಾಣಿಂ Google ಕಡೆ ಭಿಕ್ ಮಾಂಗೊನ್ ಹೊ IP ಆಡ್ರೆಸ್ ಖಂಯ್ ಥಾವ್ನ್ ಆಯ್ಲಾ ಮ್ಹುಣ್ ವಿಚಾರಿಜೆ. . Google ಚೆ ಸಾಂಗ್ತಾತ್ , ಹೊ ಕೊಡ್ಯಾಳ್ ಥಾವ್ನ್ ಆಯ್ಲಾ  ಮ್ಹುಣ್..! ತಾಣಿಂ ತೊ ದಿಲ್ಯಾ ಉಪ್ರಾಂತ್ NIA ನ್ ತನ್ಖಿ  ಆರಂಭ್ ಕರಿಜೆ... ಖಂಯ್ ಪುಣೀ ಗುಂಡಣ್ಣಾನ್ VPN   ವಾಪಾರ್ನ್ ಕಜಕಿಸ್ತಾನಾಂತ್ ಆಸಾ ಮ್ಹುಳ್ಯಾರ್ ಗುಂಡಣ್ಣ safe ... !!

ಜಾಳಿರ್  VPN   ತುಮ್ಕಾಂ  ಪುಂಕ್ಯಾ ಕೀ ಮೆಳ್ತಾ ... ಯಾ ಇಲ್ಲೆಶೆಂ ಯಾ ಮಸ್ತ್ ಮ್ಹೋಲ್ ದಿಲ್ಯಾರ್ ಯೀ ..! ತುಮ್ಕಾಂ VPN   ಕೆನ್ನಾ ಜಾಯ್ ಮ್ಹುಳ್ಯಾರ್ ತುಮ್ಚೆ ಥೊಡೆ ವಿಡಿಯೊ ಸಂಸಾರಾಚಾ ನಿರ್ದಿಷ್ಟ್ ಜಾಗ್ಯಾರ್ ಉಗ್ತೆ ಜಾಯ್ನಾತ್ಲ್ಯಾ ವೆಳಿಂ. ಯಾ ಮಾಗಿರ್ ಸಂಸಾರಾಚಾ ನಿರ್ದಿಷ್ಟ್ ಜಾಗ್ಯಾ ಥಾವ್ನ್ ಥೊಡ್ಯಾ ವಸ್ತುಂಕ್ ಉಣೆಂ ಮ್ಹೋಲ್ ಅಸ್ಲ್ಯಾರ್ ಯೀ VPN    ವಾಪಾರ್ನ್ ಘೆವ್ಯೆತ್. ಪುಣ್ VPN   ಹಾವೆಂ ಆದಿಂ ಬರಯ್ಲ್ಯಾ ಪ್ರಕಾರ್ Tor ನೆಟ್ವರ್ಕ್  ತಶೆಂ ಸುರಕ್ಷಿತ್ ನ್ಹಂಯ್ .. ! ಥೊಡೆ ಫಾಮಾದ್ VPN    ಜಾಳಿ ಜಾಗೆ ಪಳೆಯಾ .. ! ExpressVPN ,NordVPN,IBvpn, Cyber Ghost .. !ಮಾಗಿರ್ ಧರ್ಮಾಕ್ ಜಾಯ್ ಜಾಲ್ಯಾರ್ TunnelBear ಯೀ ಬರೆಂ ಆಸಾ ..! VPN    ಚೊ ಉತ್ತಮ್ ಉಪ್ಯೋಗ್ ಜಾಲ್ಯಾರ್ ಸಮಾಜೆ ಬರೆಂ... !

                                            **********************

ವಿಕಿಪಿಡಿಯಾಕ್ ಆತಾಂ ಪಂದ್ರಾಚೊಂ ಸಂಭ್ರಮ್ ...

ತೆಂ ಸಂಸಾಂರಾಂತ್ಲೆಂ ಸಾತ್ವೆಂ ಲೊಕಮೊಗಾಳ್ ಜಾಳಿತಾಣ್ . ಹರ್ಯೇಕಾ ಮಹಿನ್ಯಾಂತ್ 18 ಬಿಲಿಯಾನ್ ಖಾಸ್ ಜಾಳಿ ಪಾನಾಂ ಪನ್ನಾಸ್ ಕೊರೊಡ್ ಲೋಕ್ ವಾಚುನ್ ಆಸ್ತಾ. ಹರ್ಯೇಕಾ ದಿಸಾಕ್ ಉಣ್ಯಾರ್ ಮ್ಹುಳ್ಯಾರ್ ಸಾತ್ ಹಜಾರ್ ನವಿಂ  ಲೇಖನಾಂ ತಾಂತುಂ ಪರ್ಗಟ್ ಜಾತಾತ್ . ಯೆದೊಳ್ ಮ್ಹುಣಚಾರ್ ತಾಂತುಂ ಲಗ್ಭಗ್ 3.6 ಕೊರೊಡ್ ಲೇಖನಾಂ ಪರ್ಗಟ್ ಜಾಲ್ಯಾಂತ್. ಸಂಸಾರಾಚಾ 291 ಬಾಸಾನಿಂ ಹೊ ಜಾಳಿ ಜಾಗೊ ಆಸಾ. ! ಗೆಲೆತ್ಯಾ ಜನೆರಾಚಾ ಪಂದ್ರಾ ತಾರಿಕೇರ್ ಹೊ ಜಾಳಿಜಾಗೊ ಆರಂಭ್ ಜಾವ್ನ್ ಭರ್ತಿ ಪಂದ್ರಾ ವರ್ಸಾಂ ಭರ್ಲಿಂ ... ! ತೊಚ್ ವಿಕಿಪಿಡಿಯಾ ... !!

wikipedia.org ಮ್ಹುಳ್ಳೊ ಅಂತರ್ಜಾಳಿರ್ ಸರ್ವಾಂಕ್ ಜಾಣ್ವಾಯ್ ಪುಂಕ್ಯಾಕ್ ವಾಂಟ್ಚೊ ಜಾಳಿಜಾಗೊ . ಮ್ಹುಳ್ಯಾರ್ ಇಂಟರ್ನೆಟರ್ ಮೆಳ್ಚೆಂ ಫ್ರೀ encyclopedia . ಅಂತರ್ ಜಾಳ್ ವಾಪಾರ್ಚೆ,  ಏಕಾ ಯಾ ಆನ್ಯೇಕಾ ಕಾರಣಾಕ್ ಮ್ಹುಣ್  ಜರೂರ್ ಜಾವ್ನ್ ವಿಕಿಪಿಡಿಯಾಕ್ ವಾಪಾರ್ತಾತ್. ತುಮ್ಕಾಂ ಕಂಚಯೀ ಏಕ್ ಮಾಹೆತ್ ಜಾಯ್ ಮ್ಹುಣ್ ಚಿಂತಿಯಾಂ . ತಿ ಅಂತರ್ ಜಾಳಿಂತ್ ತುಮ್ಕಾಂ ಪಯ್ಲೆಂ ಮೆಳ್ಚಿ ವಿಕಿಪಿಡಿಯಾ ಥಾವ್ನ್. 2000 ಇಸ್ವೆಚಾ ಸುರ್ವೆಂತ್ ಪ್ರೌಢವ್ಯಸ್ಥೆರ್ ಆಸ್ ಲ್ಯಾಂಕ್ ಪುರಾ encyclopedia ಮ್ಹುಳ್ಳ್ಯಾ ಸಬ್ದಾಕ್  wikipedia ಚ್ ಏಕ್ ಪರ್ಯಾಕ್ ಪದ್. ! ಇತ್ಯಾಕೀ ಹೊ ವಿಕಿಪಿಡಿಯಾ ಆರಂಭ್ ಕೆಲ್ಲೊ  ಜಿಮ್ಮಿ ವೇಲ್ಸ್ ಆನಿ ಲ್ಯಾರಿ ಸೇಂಜರಾನ್ 2001 ಇಸ್ವೆಚಾ ಜನೆರ್ ಮಹಿನ್ಯಾಚಾ ಪಂದ್ರಾ ತಾರಿಕೆರ್. ಆರಂಭರ್ ಫಕತ್ ಇಂಗ್ಲಿಷ್ ಭಾಸೆಂತ್ ಮಾತ್ರ್ ಆಸ್ ಲ್ಲೊ. ಪುಣ್ ಆಜ್ ವಿಕಿಪಿಡಿಯಾ ಕಿತ್ಲೊ ವಾಡ್ಲಾ ಮ್ಹುಣ್ ತುಮ್ಕಾಂ ಖಳಿತ್ ಆಸಾ. ವಿಕಿಪಿಡಿಯಾ ವಾಡ್ಲೊ ಜಾಲೊ ಜಾಲ್ಯಾರೀ ಕಸೊ ?

ಸಾಂಗ್ ಲ್ಯಾ ಬರಿ ಮೈಕೊಸಾಪ್ಟ್ , ಗೂಗಲ್ , ಪೇಸ್ಬೂಕ್ ಬರಿ ವಿಕಿಪಿಡಿಯಾ ವಾಣಿಜ್ಯ್ ಕಂಪ್ಣಿ ನ್ಹಂಯ್. ವಿಕಿಪಿಡಿಯಾ ಆಸಾ ಪಳೆಯಾ , ವಿಕಿಮಿಡಿಯಾ ಮ್ಹುಳ್ಳಾ ಏಕಾ non-profit ಸಂಸ್ಥ್ಯಾಚೊ ಭಾಗ್.  ಹ್ಯಾ ಸಂಸ್ಥ್ಯಾಚಿ ಪ್ರಧಾನ್ ಕೇಂದ್ರ್ ಅಮೆರಿಕಾಚಾ ಕ್ಯಾಲಿಪೊರ್ನಿಯಾಂತ್ ಆಸಾ. ಸಾಂಗ್ ಲ್ಯಾ ಬರಿ ವಿಕಿಮಿಡಿಯಾ ಫೌಂಡೇಶನ್ ಸವೆಂ ವಿಕಿಪಿಡಿಯಾ ಸವೆಂ  Wiktionary, Wikiquote, Wikibooks, Wikisource, Wikimedia Commons, Wikispecies, Wikinews, Wikiversity, Wikidata, Wikivoyage ತಸಲಿಂ ಪುಂಕ್ಯಾಕ್ ಗ್ಯಾನ್ ದಿಂವ್ಚಿಂ ಪ್ರೊಜೆಕ್ಟಾಂ ಆಸಾತ್. ವಿಕಿಮಿಡಿಯಾ ಫೌಂಡೇಶನಾ ಕಡೆ ಸುಮಾರ್ 280 ನೌಕರ್ ಆಸಾತ್. ತುಮ್ಕಾಂ ಖಳಿತ್ ಆಸಾ ನೇ ? ಹಿ ಕಂಪ್ಣಿ ಬಿಜ್ನೆಸ್ ಕರ್ಚಿ ನ್ಹಂಯ್ ಮ್ಹುಣ್. ತಶೆಂ ಜಾಲ್ಲ್ಯಾನ್ ಹ್ಯಾ ಕಂಪ್ಣೆಕ್ ಆದಾಯ್ ಪುರಾ ದಾನಾ ರೂಪಾಂತ್ ಯೆತಾ. ಮಾಗಿರ್ ಫಕತ್ ದಾನ್ ಆಯ್ಲ್ಯಾರ್ ಮಾತ್ರ್ ಏಕ್ ಕಂಪ್ಣಿ ಯಶಸ್ವಿ ಜಾಯ್ನಾ.  ತ್ಯಾ ವಿಕಿಮಿಡಿಯಾ ಫೌಂಡೇಶನಾಂತ್ ಸುಮಾರ್ ದೋನ್ ಕೊರೊಡ್ ಸ್ವಯಂ ಸೇವಕ್ ಸೆವಾ ದೀವ್ನ್ ಆಸಾತ್ ... ! ಕಂಯ್ ಪುಣಿ ಪಯ್ಸೊ ಕರ್ಚೊ ಪುಣಿ ಇರಾದೊ ಅಸ್ಲ್ಯಾರ್ ವಿಕಿಪಿಡಿಯಾಚಾ ಪೇಜಿರ್ , ಸಕಯ್ಲ್ ಆನಿಂ ಬಗ್ಲೆಕ್ ಏಕ್ ದಾಕ್ಟೆಂ ಜಾಹೀರಾತ್ ಗಾಲ್ಯಾರ್ ಹಜಾರ್ ಕೊರೊಡ್ ಮೆಳ್ತೊ ಆಸ್ ಲ್ಲೊ ... ! ಕಿತ್ಯಾಕ್ ಮ್ಹುಳ್ಯಾರ್ ತಿತ್ಲೆಂ ಟ್ರಾಪಿಕ್ ವಿಕಿಪಿಡಿಯಾಕ್ ಆಸಾ ... !!

ವಯ್ರ್ ಸಾಂಗ್ ಲ್ಯಾ ಬರಿ ವಿಕಿಪಿಡಿಯಾಂತ್ 291 ಬಾಸೆಂತ್ ಲೇಖನಾಂ ಆಸಾತ್. ತಾಂತುಂ ಚಡಿತ್ ಲೇಖನಾಂ ಆಸ್ಚಿ ಭಾಸ್ ಮ್ಹುಳ್ಯಾರ್ ಇಂಗ್ಲಿಷ್. ಹಾಂತುಂ ಪನ್ನಾಸ್ ಲಾಕ್ ಮ್ಹುಣಾಸರ್ ಲೇಖನಾಂ ಆಸಾತ್.  ಮಾಗಿರ್ ಸ್ವೀಡಿಷ್ ಭಾಸೆಂತ್ 26 ಲಾಕ್ ಮ್ಹುಣಾಸರ್ ಲೇಖನಾಂ ಆಸಾತ್. ಜರ್ಮನ್ , ಡಚ್ಚ್ ಭಾಶೆಂತ್ ಆಟ್ರಾ ಲಾಕ್ ಲೇಖನಾಂ ಆಸಾತ್. ಫ್ರೆಂಚಾಂತ್ ಯೀ ಸತ್ರಾ ಲಾಕ್ ಮ್ಹುಣಾಸರ್ ಆಸಾತ್. ತುಮಿಂ ಅಂತರ್ ಜಾಳಿರ್ ಖಂಚಾಯ್ ಸೊದ್ನಾಂ ಜಾಳಿಜಾಗ್ಯಾ ಥಾವ್ನ್ , ಕಂಚಯೀ ಮಾಹೆತಿಚಿ ತಪಾಸ್ ಕೆಲ್ಯಾರ್ , ಪಯ್ಲೊ ಪರಿಣಾಮ್ ಯೆಂವ್ಚೊಚ್ ವಿಕಿಪಿಡಿಯಾಚೆಂ ಲೇಖನ್ ..! ವಿಕಿಪಿಡಿಯಾಚಿ ವಿಶೇಷತಾ ಮ್ಹುಳ್ಯಾರ್ ಕೋಣಾಯ್ಕೀ ಲೇಖನಾಂ ಬರವ್ಯೇತ್. ಯಾ ಆಸ್ ಲ್ಲಿಂ ಲೇಖನಾಂ ಸುದ್ರಾಯೆತ್. ಪುಣ್ ಸಮುದಾಯೆಚಿಂ ನಿಯಮಾಂ ಜರೂರು ಪಾಳುಂಕ್ ಆಸಾತ್.. !

ವಿಕಿಪಿಡಿಯಾ ಜಾಣ್ವಾಯ್ ದಿತಾ. ತೆಂ ವ್ಹಯ್ . ಪುಣ್ ತಿ ಜಾಣ್ವಾಯ್ ಪುರಾ ಖರೆಂ ಸತ್ ಗಿ ? ವಿಕಿಪಿಡಿಯಾ ಕ್ ಪಾತ್ಯೇತ್ ಗೀ ? ಹಾಂವ್ ಕಾಂಯ್ ಸಾಂಗಿನಾ  ವಿಕಿಮಿಡಿಯಾ ಫೌಂಡೇಶನ್ ಂ ಚ್ ಆಶೆಂ ಸಾಂಗ್ತಾ "although most errors are immediately fixed, some errors maintain unnoticed." . ಮ್ಹುಳ್ಯಾರ್ ವಿಕಿಪಿಡಿಯಾಂತ್ ತುಕಾ ಜಾಯ್ ಜಾಲ್ಯಾ ಫರ್ಮಾಣೆಂ ಲೇಖನ್ ಬರಂವ್ಕ್ ಜಾತಾ. ತಶೆಂ ಜಾಲ್ಲ್ಯಾನ್ ತೆಂ ಕೆನ್ನಾಂಯ್ ವಿಶ್ವಾಸ್‍ಯೋಗ್ಯ್ ಮೂಳ್ ಮ್ಹುಣೊಂಕ್ ಸಾದ್ಯ್ ಜಾಯ್ನಾ. ಗೆಲೆತ್ಯಾ ಥೊಡ್ಯಾ ದಿಸಾ ಆದಿಂ ಆಮ್ಚಾ ಪ್ರಧಾನಿಚಾ ಕಾರ್ಯಾಲಾಯಾ ಥಾವ್ನ್ ಇಂಡಿಯಾಚಾ ಪಯ್ಲ್ಯಾ ಪ್ರಧಾನಿ ವಿಶಿಂ ಆಸ್ ಲ್ಲೆಂ ಲೇಖನ್ ಬನ್ವಾಟಿ ವಿಶಯ್ ಗಾಲ್ನ್ ಇತಿಹಾಸ್ ವಿದ್ರೂಪ್ ಕೆಲ್ಲೆಂ ತುಮಿಂ ವಾಚುಂಕ್ ಪುರೊ. ವಿಕಿಪಿಡಿಯಾರ್ ಆಸ್ಲೆಂ ಮಸ್ತ್ ಗಡ್ತಾ ...!ವಿಕಿಪಿಡಿಯಾ ತುಮಿಂ ತುಮ್ಚಾ ಖಾಸ್ಗಿ ವಿಚಾರಾಕ್ ಮಾತ್ರ್ ಉಪ್ಯೋಗ್ ಕರಾ...! ಶೈಕ್ಷಣಿಕ್ ಉಪ್ಯೊಗಾಕ್ ಭಿಲ್ಕುಲ್ ಮಾತ್ರ್ ಉಪ್ಯೋಗ್ ಕರಿನಕಾತ್. ...!!

          ********************