[ವಿಕೆಂಡ್ ಆವಾಜ್] ಸರ್ಪಾಕ್ ವೊತ್ ಲ್ಯಾ ದೂದಾ ಬರಿ ಜಾಲಿಗೀ ಆಮ್ಚಿ ಸೆವಾ ...???

ಮಂಗ್ಳೂರಿ ಕಿರಿಸ್ತಾಂವಾನಿಂ ಪರತ್ ಏಕ್ ನವೆಂ ಶಿಕಾಪ್ ಸಮಾಜೆಕ್ ದಿಲಾಂ. ಸಾಂಗ್ ಲ್ಯಾ ಬರಿ ಕಿರಿಸ್ತಾವಾನಿಂ ಮಂಗ್ಳೂರ್ ಗಾರಾಂಕ್ ಅಸಲೆಂ ಶಿಕಾಪ್ ಯಾ ಸೆವಾ ದಿಂವ್ಚಿ ಕಾಂಯ್ ಪಯ್ಲೆಂ ಪಾವ್ಟಿಂ ನ್ಹಂಯ್.ತುಮ್ಕಾಂ ಖಳಿತ್ ಆಸಾ.. ಆಜೂನ್ ಪರ್ಯಾಂತ್ ಯೀ ಹ್ಯಾ ಸರ್ಕಾರಾಂಕ್ ರಸ್ತೊ ಕರುಂಕ್ ಜಾಂವ್ಕ್ ನಾತ್ ಲ್ಯಾ ಯಾ ಬಸ್ಸಾಂಚಿ ವ್ಯವಸ್ಥಾಚ್ ಕರುಂಕ್ ಜಾಯ್ನಾತ್ಲ್ಯಾ ಹಳ್ಳ್ಯಾನಿಂ ಆಮಿಂ ಶೆಕ್ಡಾಂ, ಶೆಕ್ದಾಂ ವರ್ಸಾಂ ಪಯ್ಲೆಂಚ್ ಇಸ್ಕೊಲಾಂ ಆರಂಭ್ ಕರ್ನ್, ಕೊಂಬ್ಯಾ ಕಾಟ್ ಕೆಳ್ತೆಲ್ಯಾಂಕ್, ಸುರ್ ಕಾಡ್ತೆಲ್ಯಾಂಕ್ ಧರ್ನ್ ಸಮಾಜೆಂತ್ ಆಸ್ ಲ್ಯಾ ಕೀಳ್ ವರ್ಗಾಂಚಾಕೀ ವಾಚುಂಕ್ ಆನಿಂ ಬರಂವ್ಕ್ ಶಿಕಾಯ್ಲೆಂ. ತಿತ್ಲೆಂಚ್ ನ್ಹಂಯ್ , ಹ್ಯಾ ಲೋಕಾಕ್ ಕಸಲೊ dress ಘಾಲಿಜೆ, ಕಶೆಂ ಜೆವಿಜೆ ಮ್ಹುಳ್ಳೆಂ ಧರ್ನ್ ಇಲ್ಲಿಶಿ ಮ್ಹುಣೀ ತಾಂಚೆ ಥಂಯ್ ನಾಗಾರೀಕ್ ಸಭ್ಯತಾ ಹಾಡ್ ಲ್ಲಿ ಕೀರ್ತ್ ಚ್ ಆಮ್ಚ್ಯಾ ಕಿರಿಸ್ತಾಂವ್ ಮಿಶಿನರಿಂಚಿ. ಆಜ್ ಖಂಯ್ ಪುಣೀ ಆಮ್ಚೆಂ ಮಂಗ್ಳೂರ್, ಉಡ್ಪಿಂತ್ ಆಸ್ಚೆಂ ಇತ್ಲೆಂ ವಡ್ಲೆಂ ಸಾಕ್ಷರಾತ್ ಪ್ರಮಾಣ್, ಸಗ್ಳ್ಯಾ ಇಂಡಿಯಾಂತ್ ಚ್ ಹಜಾರ್ ಚಲ್ಯಾಂಕ್ ಸುಮಾರ್ ಆಟ್ಸಿ ಚಿಲ್ಲಾರ್ ಚಲಿಯೊ ಆಸ್ಲ್ಯಾರೀ ಬಡ್ಗಾ ಕೆನಾರಾಂತ್ ಸಗ್ಳೆಂ ಇಂಡಿಯಾಚ್ ಅಬ್ಬಾಬ್ಬಾ..! ಮ್ಹುಣ್ಚೆ ಬರಿ ಚಲ್ಯಾಂಚಾಕೀ ಚಡ್ ಚಲಿಯೊ ಆಸಾತ್ ಜಾಲ್ಯಾರ್ ಹಾಕಾ ಕಾರಾಣ್೦ಚ್ ಹಾಂಗಾ ಆಸ್ ಲ್ಲೆ ಕಿರಿಸ್ತಾಂವ್ ಸಂಸ್ಥೆ , ತಾಂಚಿಂ ಶಿಕವ್ಣ್ ಆನಿ ದೇಕ್..! ತರ್ ಹ್ಯಾ ಪಾವ್ಟಿಂ ಮಂಗ್ಳೂರಿ ಕಿರಿಸ್ತಾಂವಾನಿಂ ಹ್ಯಾ ಲೋಕಾಕ್ ಶಿಕಾಯ್ಲೆಂ ನವೆಂ ಶಿಕಾಪ್ ತರೀ ಕಸಲೆಂ ..?

                                         ********

ಪೋಯ್ರ್ ಸೊಮಾಶೇಖರ್ ಮ್ಹುಳ್ಳ್ಯಾ ಮಾತರ‍್ಯಾ ಜಡ್ಜನ್ ದಿಲ್ಲ್ಯಾ tissue paper ವರ್ದೆಕ್ ವೀರೊದ್ ಕರುಂಕ್ ಆಮಿಂ ಕೆಲ್ಲೆಂ ಪ್ರತಿಭಟನ್ ಆಸಾನೆಂ ತೆಂ ಏಕ್ ಮಂಗ್ಳೂರ್ ಗಾರಾಂಕ್ ಫಕತ್ ನ್ಹಂಯ್ ಇಂಡಿಯಾಕ್ ದೇಕ್ ಜಾಯ್ಜೆ ತಸಲೆಂ. ಸುಮಾರ್ ವೀಸ್ ಹಜಾರ್ ಲೋಕ್ ಯೆತಾ ಕೊಣ್ಣಾ ಮ್ಹುಣ್ ಚಿಂತ್ ಲ್ಯಾಂಕ್ ಲಾಗ್ಗಿಂ ಲಾಕ್ ಲೋಕ್ ಜಮೊ ಜಾತಾನಾ shock ಚ್ shock .! ಅಸಲಿ ವಡ್ಲಿ ಸಭಾ ಕೊಡ್ಯಾಳ್ ಗಾರಾಂಕ್ ಕಾಂಯ್ ನವೆಂ ನ್ಹಂಯ್. ಚಡ್ಡೇಗಾರಾನಿಂ ಹಾಂಗಾಂ ವರ್ಸಾಂ ವರ್ಸಾಂ ಚಲಾಂವ್ಚ್ಯಾ ಸಮಜೋತ್ಸವಾಕ್ ಲಾಕಾನಿಂ ಲಾಖ್ ಲೋಕ್ ಜಮ್ತಾ. ಮ್ಹುಜ್ಯಾ ಲೇಖಾರ್ ಆದಿಂ ದೇವಾನ್ ಅಬ್ರಾಮಾಕ್ ಮ್ಹುಳ್ಳೆಂ ಪಳೆ .."ತುಜಿ ಸಂತತ್ ಅಂತ್ರಾಳಾರ್ ಆಸ್ ಲ್ಯಾ ನೆಕೆತ್ರಾಂ ಬರಿಂ ಆನಿಂ ದರ್ಯಾ ವೆಳೆರ್ ಆಸ್ ಲ್ಲ್ಯಾ ರೆವೆ ಬರಿ ವಾಡಾಯ್ತಾಂ ಮ್ಹುಣ್ .." . ಪುಣ್ ಅಬ್ರಾಮಾಚಿ ಸಂತತ್ ವಾಡೊಂಕ್ ಚ್ ನಾ. ಅತಾಂ ಖಂಯ್ ಪುಣೀ ಘಡ್ಯಾಳಾಚೊ ಕಾಂಟೊ "ಟಿಕ್ಕ್ ಟಿಕ್ಕ್" ಮ್ಹುಣ್ತಾನಾ ಭಯ್ರ್ ಪಡ್ಚಿಂ ನೆಕೆತ್ರಾಂ ಯಾ ರೇಂವ್ ಮ್ಹುಳ್ಯಾರ್ ಫಕತ್ ಇಬ್ರಾಹೀಂ ಗಾರಾಂಚಿಂ ಆನ್ಯೇಕ್ ಆಮ್ಚ್ಯಾ ಚಡ್ಡೇಗಾರಾಂಚಿಂ .! ರೆವೆಂಚಾ ರಾಶಿಂತ್ , ಲೊರಿಯೆನಿಂ ಥೊಡೆ load ಹಾಡ್ಲ್ಯಾರ್ ಕೊಡ್ಯಾಳ್ಚೆಂ ತಾಂಚೆಂ "ಕೇಂದ್ರ್ ಮೈದಾನ್" full ..!!



                            ********

ಹ್ಯಾ ಪಾವ್ಟಿಂ ಮಂಗ್ಳೂರಾಂತ್ ಚಲ್ ಲ್ಲ್ಯಾ ಇತ್ಲ್ಯಾ ವಡ್ಲ್ಯಾ ಸಭೆಂತ್ ಕೇಸರ್ ಬಾವ್ಟೆ ನಾತ್ ಲ್ಲೆ. ಆಸ್ ಲ್ಲೆ ಫಕತ್ ಕಾಳೆ ಬಾವ್ಟೆ ಮಾತ್ರ್. ತಾಣಿಂ ಕರ್ಚ್ಯಾ ಬರಿಂ ಏಕ್ ಮಹಿನ್ಯಾ ಪಯ್ಲೆಂಚ್ ಆಮಿಂ ಶಹರಾಚೊ ರಂಗ್ ಚ್ ಬದ್ಲುಂಕ್ ನಾ. ಬಸ್ಸಾಂಕ್ , ಬೈಕಾಂಕ್, ಕಾರಾಂಕ್ ಸ್ಟಿಕ್ಕರ್ ಚಿಡ್ಕೊಂಕ್ ನಾ. ಶಹಾರಾಂಚಾ ಗಲ್ಲೆ ಗಲ್ಲೆನಿ , ಏಕ್ ಇಂಚ್ ಯೀ ಸೊಡಿನಾಸ್ತಾನ ತಾಣಿಂ ಗಾಲ್ಚ್ಯಾ ಬರಿ ಆಮಿಂ ಶಿಖಂಡೆಚಿಂ ಸ್ಲೊಗಾನಾಂ ಆಸ್ಚಿಂ ಬ್ಯಾನೆರಾಂ ಆಮಿಂ ಭಿಲ್ಕುಲ್ ಭಾಂದುಂಕ್ ನಾಂತ್. ಅಮ್ಚಿ ಫಕತ್ "ಶೋಭಾ" ನಾತ್ ಲ್ಲಿ ಮೌನ್ ಪ್ರತಿಭಟನ್ ಯಾತ್ರಾ. ದೆಡ್ಶೆಂ ರೂಪಾಯ್ ಆನಿಂ ಏಕ್ ಬಿರಿಯಾನಿಂ ದೀವ್ನ್ ಆಮಿಂ ಬಸ್ಸಾಂ ಆನಿಂ ಲೊರಿ ಕಾರ್ನ್ ಲೋಕಾಕ್ ಖಂಡಿತ್ ಜಮಂವ್ಕ್ ನಾತ್ ಲ್ಲೊ. ಕೊಪೆಲಾಕ್ ಏಕ್ ಕಾಲೆಂ ಗೀ ಲಾಗಾವ್ನ್ , ಹಾತಾಕ್ ಏಕ್ ಕಸಲಿಗೀ ಏಕ್ ಕೇಸರ್ ದೊರಿ ಬಾಂದುನ್, ಪಾನ್ ಫಾರಾಗ್ ಕಾಂವ್ನ್ ಪುಟುನ್ ಗೆಲ್ಲ್ಯಾ ದಾಂತಾನಿಂ "ಬೋಲೊ ಭಾರಾತ್ ಮಾತಾಕೀ.." ಮ್ಹುಣ್ಚೆ ತರ್ನಾಟೆ ಆಮ್ಚ್ಯಾ ಸಭೆಂತ್ ಖಂಡಿತ್ ದಿಸೊಂಕ್ ನಾತ್ ಲ್ಲೆ. ಬಿರಿಯಾನಿಂ ತಶೆಂ ಪಿಯೆಂವ್ಕ್ ದಿಲ್ಲೆಂ ಥಂಡ್ ಪಿಯೊವ್ಣೆಚೆ (ಸಾಂಗಾತಾ ಥೊಡೆಂ hot ..!) waste ಪ್ಲಾಸ್ಟಿಕಾಂ public ಜಾಗ್ಯಾರ್ ಉಡಾವ್ನ್ ಪರಿಸರ್ ಮಾಲಿನ್ಯ್ ಆಮಿಂ ಖಂಡಿತ್ ಕರುಂಕ್ ನಾ. ತಾಚ್ಯಾಕೀ ವಡ್ಲೆಂ ಮ್ಹುಳ್ಯಾರ್ ನೆಹರೂ ಮೈದಾನಾಚಾ ಬಗ್ಲೆಚಾ ರೂಕಾಂಚ್ open toilet ಜಾವ್ನ್ ಆಮಿಂ ಖಂಡಿತ್ ವಾಪಾರುಂಕ್ ನಾ. ಜೇಂವ್ಕ್ ನಾತ್ ಲ್ಯಾರೀ ,ದಾಕಾವ್ಣೆಕ್ ಆನಿಂ ಬೂಟಾಂಕ್ ಆಮಿಂ ದರ್ಬಾರಾಚಿ stage ಯೀ ಆಮಿಂ ಖಂಡಿತ್ ಕರುಂಕ್ ನಾ. ಸತ್ ಕಿತ್ಯಾಕ್ ಮ್ಹುಳ್ಯಾರ್ , ಆಮ್ಚ್ಯಾ ವೆದಿರ್ ಕದೆಲಾಂಚ್ ನಾತ್ ಲ್ಲಿಂ. ಭಾಶಣ್ ಕರುಂಕ್ ಮ್ಹುಣ್ ಆಮಿಂ ವಡ್ಲ್ಯಾ ಜಿಬೆಂಚಾ ಶಿಖಂಡೆಕ್ ಅಪಾಂವ್ಕ್ ನಾ. Interesting ಮ್ಹುಳ್ಯಾರ್ ಆಮ್ಚೊ time ಫಕತ್ Indian standard ಮಾತ್ರ್ ಜಾವ್ನ್ ಉರ್ಲೊ. ತಾಂಚೆ ಬರಿ stretchable ಜಾವ್ನ್ ಖಂಡಿತ್ ಉರಾಂವ್ಕ್ ನಾ ..!

                                   ********

ಆಮ್ಚ್ಯಾ ಹ್ಯಾ ಪ್ರತಿಭಟನಾಂಕ್ media ನ್ ಕಶಿ ಪ್ರತಿಕ್ರಿಯಾ ದಾಕಾಯ್ಲಿ ? ಖಂಡಿತ್ ಬೆಜಾರಾಚಿ ತಾಂಚಿ ಪ್ರತಿಕ್ರಿಯಾ. ಪಾಂಚ್ ಜಣ್ ಲಿಂಗಾಯಾತಾಚೆ ಪ್ರತಿಭಟನಾಂಕ್ ಬಸ್ಲ್ಯಾರೀ breaking news ಮ್ಹುಣ್ ದಾಕಾಂವ್ಚ್ಯಾ ಆಮ್ಚಾ ಕಾನಾಡಿ ಚಾನೆಲಾರ್ ಲಾಕೊಂ ಕಿರಿಸ್ತಾವಾನಿಂ ಮಂಗ್ಳೂರ್ ತಶೆಂ ಬೆಂಗ್ಳೂರ್ ಪ್ರತಿಭಟನ್ ಕೆಲ್ಯಾರೀ ತಾಂಕಾಂ ತೆಂ ಲೇಖಾಕ್ ಚ್ ಯೇಂವ್ಕ್ ನಾ . ಥೊಡ್ಯಾ ದಿಸಾಳ್ಯಾಂ ಪೇಪಾರಾಂಚಾಂ ಭಿತಾರ್ಲ್ಯಾ ಪಾನಾನಿಂ ಹ್ಯಾ ವಿಶಿಂ ಏಕ್ ದಾಕ್ಟೊ news ಆಯ್ಲೊ ಮ್ಹುಣ್ ಸೊಡ್ಲ್ಯಾರ್ ಚಡಾವತ್ ಪೇಪಾರಾನಿಂ ಹೆಂ ಪ್ರಕಟ್ ಕರುಂಕ್ ಚ್ ಮನ್ ಕರುಂಕ್ ನಾ. ಬೆಂಗ್ಳೂರ್ edition ಚಾ ಉದಯವಾಣಿರ್ ಹ್ಯಾ ವಿಶಿಂ ಕಾಂಯ್ ಚ್ ವರ್ದಿ ಪ್ರಕಟ್ ಜಾವ್ನಾ. ಪುಣ್ ತ್ಯಾಚ್ ದಿಸಾಚಾ ಮಣಿಪಾಲ್ edition ಚಾ ಉದಯವಾಣಿರ್ ಹ್ಯಾ ಪ್ರತಿಭಟನ ವಿಶಿಂ ಸುಮಾರ್ ಅರ್ದಿ page ಮ್ಹುಣಾಸರ್ positive ವರ್ದಿ ಆಸ್ ಲ್ಲಿ. ತಿ ಕಿತೆಂ ಆಮ್ಚ್ಯಾ ಮೊಗಾಂತ್ ಖಂಡಿತ್ ನ್ಹಂಯ್! ಅಮ್ಚೊ ಲೋಕ್ ಕೊಡ್ಯಾಳ್ ಇತ್ಲೊಯೀ ಜಮೊ ಜಾಲ್ಲೊ ಪಳೆವ್ನ್ , ಹಾಂಚಿ ವರ್ದಿ ಪ್ರಕಟ್ ಕರಿನಾತ್ಲ್ಯಾರ್ ಅಪ್ಲೊ ಪ್ರಸಾರ್ down ಜಾತಾ ಮ್ಹುಳ್ಯಾ ಭಿಯಾನ್ ಮಣಿಪಾಲ್ ಚಾ ಮರ್ವಾಡಿ ಪೈ ನಿಂ ಏಕಾ ಕೊಡ್ಯಾಳ್ ಮಟ್ಟಾಕ್ ಮಾತ್ರ್ ಆಮ್ಕಾಂ ಏಕ್ ಬರೊ ಪ್ರಸಾರ್ ದಿಲೊ. ಕಾಂಯ್ ನಾ ಮ್ಹುಳ್ಯಾರೀ ಉದಯವಾಣಿಚಾ ಬಿತರ್ಲಿ ಮರ್ಣಾಚಿ page ವಾಸ್ಚೆ ಆನಿಂ ಜಾಹೀರಾತ್ ದಿಂವ್ಚೆ ಮಸ್ತ್ ಕಿರಿಸ್ತಾಂವ್ ಆಸಾತ್ ಮ್ಹುಣ್ ಮಣಿಪಾಲ್ ಚೆ ಪೈ ಬರೆ ಜಾಣಾತ್ ..!!!

                                       ********

ಸರ್ವೇಜನಾಂ ಸುಖಿನೋಂ ಭವಂತು ಮ್ಹುಣ್ಚಾನಿಂಚ್ ಆಜ್ ಆಮ್ಚೆರ್ ಹಲ್ಲೊ ಕೆಲ್ಲ್ಯಾನ್ ಆಮ್ಕಾಂ ಹೆಂ ಪ್ರತಿಭಟನ್ ಕರಿಜೆ ಪಡ್ಲೆಂ. ಆಯ್ಚ್ಯಾ ಮಟ್ಟಾಕ್ ಪಳೆಯ್ತಾನಾ , ಹ್ಯಾ ಲೋಕಾಕ್ ಮಣಿಪಾಲಾಂಚಾ ಪೈ೦ ಚೊ, ನಿಟ್ಟೆಂಚಾ ಹೆಗ್ಡೆಂಚಾ ಚೊ ಆನಿ೦ ಇತರ್ ಸಭಾರ್ so called ಶಿಕ್ಷಣ್ ಸಂಸ್ಥೆ ಆಸಾತ್ .ಅಸ್ಪತ್ರೊಯೀ ಆಸಾತ್. so, ಅತಾಂ ಕಿರಿಸ್ತಾಂವಾಂಚಿಂ ತಾಂಕಾಂ ಗರ್ಜ್ ನಾ. ಪುಣ್ ಕಿತೆಂ ಜಾಲ್ಯಾರೀ ಮಣಿಪಾಲಾಂಚಾ ಪೈಂಕ್ , ನಿಟ್ಟೆಚ್ಯಾ ಹೆಗ್ಡ್ಯಾಂಕ್ ಧರ್ನ್ ಸಕ್ಡಾಂ ಕೀ ಆಮ್ಚ್ಯಾ ಶಿಕ್ಷಣ್ ಸಂಸ್ಥ್ಯಾಂಚೆಂ ‍ರುಣ್ ಆಸಾ. . ಆಮ್ಚೆರ್ ಜಾಲ್ಲೆ ಹಲ್ಲ್ಯಾಕ್ ಫಕತ್ ಮೂಳ್ ಭೂತ್ ವಾದಿ ನ್ಹಂಯ್, ತಾಂಚಾ ಸಾಂಗಾತಾ ಏಕ್ ವಡ್ಲ್ಯಾ ಸಂಖ್ಯಾನ್ ಅಮ್ಚೆರ್ ಮೊಸ್ರಾನ್ ಭರ್ ಲ್ಲೊ ತಾಂಚೊ so called "ಶಾಂತಿಪ್ರಿಯ್" ಥೊಡೊ ಲೋಕ್ ಯೀ ಆಸಾ. ತಶೆಂ ನಾತ್ಲ್ಯಾರ್ ಏಕಾ ಗಾಡಾಂವಾಕ್ ವೋಟಾಕ್ ರಾವಾಯ್ಲ್ಯಾರ್ ಯೀ ಫಕತ್ ಸಮಡ್ತೆ ಕಾರಣಾಕ್ ಹ್ಯಾ ಜಿಲ್ಲ್ಯಾಂತ್ ತಾಂಕಾಂ ಜಿಕೊಂವ್ಕ್ ಸಾದ್ಯ್ ನಾತ್ ಲ್ಲೆಂ .! ಅಬ್ಬಾಬಾ .. ಆಮ್ಚೊ ಒಸ್ಕರ್ ಥೊಡ್ಯಾಚ್ ವರ್ಸಾಂ ಆದಿಂ ಉಡ್ಪಿಂತ್ ಜಿಕ್ ಲ್ಲೊ .!, ಕೊಡಿಯಾಳಾಂತ್ ಬ್ಲೆಸಿಯಾಸ್ ಜಿಕ್ ಲ್ಲೊ ಮ್ಹುಣ್ತಾನಾ ಹ್ಯಾ ದಿಸಾನಿಂ ಆಮ್ಕಾಂ ತೆಂ ಚಿಂತುನ್ ಅಜ್ಯಾಪ್ ಬೊಗ್ತಾ..! ಪುಡ್ಲ್ಯಾ ದಿಸಾನಿಂ ಆಸ್ ಲ್ಲಿ ಸಾದ್ಯತಾ ಖಂಡಿತ್ ನಾ. ಕಿತ್ಯಾಕ್ ಮ್ಹುಳ್ಯಾರ್ ಆಮಿಂ ಪಾಪ್, ಭಿರ್ಮತ್ ಮ್ಹುಣ್ ದೂದ್ ಗಾಲ್ಲ್ಯೊ ಜೀವಿಚ್ ಆಜ್ ಸೊರೊಪ್ ಜಾಲ್ಯಾತ್. ಆನಿಂ ತೊ ಸೊರೊಪ್ ಆಮ್ಕಾಂ ಚಾಬೊಂಕ್ ಆಂವ್ಡೆವ್ನ್ ಆಸಾ. ಮಂಗ್ಳೂರಿ ಕಿರಿಸ್ತಾವಾನೊಂ ತುಮಿ ಜಾಗ್ರೂತ್ ಜಾಯಾ......!


                 ******


- ಪ್ರಮೋದ್ ಹೊಸ್ಪೆಟ್

[ಬಿಂದಾಸ್ ಗಜಾಲಿ] : By the way ಹೊ ಮ್ಹುಜೊ ಬ್ಲಾಗ್ Anti Hindu ನ್ಹಂಯ್ ...!!

ಅಸಲೆಂ ಏಕ್ ವೀಜ್ ತಪ್ಪಾಲ್ ಮ್ಹಕಾ ಆಜ್ ಆಯಿಲ್ಲೆಂ. ಮ್ಹುಜಾ ಬ್ಲಾಗಾಂ ಸಂಬಂದಿ, ಸದಾಂಯ್ ಮ್ಹಕಾ mail ಮ್ಹಕಾ ಕರ್ಚೆ ಸಭಾರ್ ಆಸಾತ್. ಪುಣ್ ಮ್ಹಕಾ ಆಜ್ ವೀಜ್ ತಪ್ಪಾಲ್ ಆಯಿಲ್ಲೆಂ ಹರಿಪ್ರಸಾದ್ ಮುಳ್ಯಾ ಮ್ಹುಜಾ ಹಿಂದೂ ಮಿತ್ರಾಚೆಂ. ಏಕಾ ಕಾಳಾರ್ ಆಮಿಂ classmate.! ಸಬಾರ್ ತೆಂಪಾ ಉಪ್ರಾಂತ್ ದಾಡ್ ಲ್ಯಾ ವೀಜ್ ತಪ್ಪಾಲಾಂತ್ ತಾಣೆಂ ಮ್ಹುಜಾ ಬ್ಲಾಗಾಂ ವಿಷ್ಯಾಂತ್ ಉಲ್ಲೇಖ್ ಕರ್ನ್ , ಮ್ಹುಜಾ ಏಕಾ ಬ್ಲಾಗಾಕ್ pro-Kannada ಆನಿಂ ಅನ್ಯೇಕಾಕ್ Anti Hindu ಮ್ಹುಣ್ ವೊಲಾಯ್ಲೆಂ ! ಬೇಜಾರ್ ಜಾಲೆಂ ಮ್ಹಕಾ ಅಸಲಿಂ ಉತ್ರಾಂ ಆಯ್ಕೊನ್... ಹೊ ಮ್ಹುಜೊ ವಿಚಿತ್ರ್ ಸಂಸಾರ್ ಖಂಡಿತ್ Anti Hindu ನ್ಹಂಯ್.... ಮ್ಹುಜೆ ಸಬಾರ್ best friend ಆಸ್ಚೆಚ್ ಮ್ಹುಳ್ಯಾರ್ ಮ್ಹುಜೆ ಹಿಂದೂ ಭಾವ್.ಮಹಾವೀರ ಕಾಲೇಜಿಂತ್ ಶಿಕ್ತಾನಾ ಹಾವೆಂ ವಾಚ್ ಲ್ಲೆ, ಸಂಪೂರ್ಣ್ ಮಹಾಭಾರತಚೆ 23 ಮಹಾನ್ ಸಂಪುಟ್... ಇಸ್ಕಾನಾಚೊ ಭಗವದ್ ಗೀತಾ, ಜೈನೋಲಾಜಿ ಕ್ಲಾಸಿಕ್ ವಚೊನ್ ಆಪ್ಣಾಯ್ಲಿ ತಾಂಚಾ ’ದೊತೊರ್ನೆ’ ಚಿ ಸರ್ಟಿಫಿಕೆಟ್.... ಹೆಂ ಪುರಾ ಹರಿಪ್ರಸಾದ್ ಜಾಣಾಂ. ಹಾವೆಂ ಹೆಂ ಪುರಾ ಕರ್ತಾನಾ ಮ್ಹುಜಾ ಸಮಡ್ತೆಚಾನಿಂ ಮ್ಹಕಾ ಕಾಂಯ್ ತಿರಸ್ಕಾರ್ ಕರುಂಕ್ ನಾ,.. ಪಳೆ ತೆ ಪ್ರಮೋದಾಕ್ ಕನ್ವೆಡ್ತಾರ್ ಕರ್ತಾತ್ ಮ್ಹುಣ್ ಬೊಬೊ ಖಂಡಿತ್ ಗಾಲುಂಕ್ ನಾಂತ್. ಮ್ಹುಜೊ ವಿರೋದ್ ಆಸ್ಚೊ ಫಕತ್ ಹ್ಯಾ ಧರ್ಮಾಚೊ ಸೊವ್ದೊ ಕಾನ್ಘೆವ್ನ್ , ಸಗ್ಳ್ಯಾ ಇಂಡಿಯಾಚೆ ನೈತಿಕ್ ರಾಕಾವ್ಣ್ದಾರ್ ಮ್ಹುಣ್ ಅನೈತಿತ್ ಕಾಮಾಂ ಕರ್ನ್ , ರಾಜಕೀಯ್ ಫಾಯ್ದೊ ಜೊಡುಂಕ್ ಶಿಖಂಡೆಚೊ ಖೆಳ್ ಕೆಳ್ಚಾ ಫ್ಯಾಸಿಸ್ಟ್ ಸಂಘ ವಯ್ರ್ ಮಾತ್ರ್..!

By the way ಸೋಮಾಶೇಖರ್ ಮ್ಹುಳ್ಳ್ಯಾ ಮ್ಹತಾರೊ ಜಡ್ಜಾನ್ ಕೆಲ್ಲ್ಯಾ tissue paper ವರ್ದೆಕ್ ವಿರೊಧ್ ಕರುಂಕ್ ಆಸಾ ಕೆಲ್ಲ್ಯಾ ಪ್ರತಿಭಟನಾಕ್ ಗೆಲೆತ್ಯಾ ಆಯ್ತಾರಾ ಮಂಗ್ಳೂರಾಂತ್ ನಿರೀಕ್ಷಿತ್ ಮಟ್ಟಚಾಕೀ ಚಡ್ ಲೋಕ್ ಹಜಾರ್ ಜಾಲ್ಲೊ ಪಳೆವ್ನ್ ಮಸ್ತ್ ಖುಶಿ ಜಾಲಿ. ಹ್ಯಾ ಪ್ರತಿಭಟನಾಚಾ ಸಂಘಟಾಕಾಂಕ್ ಮ್ಹುಜೆ ಅಭಿನಂಧನ್. ತಶೆಂಚ್ ಹ್ಯಾ ವಿಶಿಂ SMS ಚಲ್ವಳಿ ಆನಿಂ ಫೆಸ್ ಬೂಕ್ ಚಳ್ವಳಿ ಚಲಯ್ಲಾ ಮ್ಹುಜಾ ಮಿತ್ರಾಂಕ್ ಉಲ್ಲಾಸ್. ಕೊಂಕ್ಣಿ ತಶೆಂ ಕ್ರೀಸ್ತಿ ಚಳ್ವಳೆ ಖಾತಿರ್ ತುಮ್ಚೊ ಮೋಗ್ ಆನಿಂ ಉರ್ಭಾ ಸದಾಂಕಾಳ್ ಅಸಿಚ್ ಆಸೊಂ....

********
  -


ಪ್ರಮೋದ್ ಹೊಸ್ಪೆಟ್

ತುಕಾಯೀ ವಿದೇಶಿ ಭಾಸ್ ಶಿಕಾಜೆ ...?(SM)

Rosetta Stone....  ತುಮಿಂ ಹೆಂ ನಾಂವ್ ಆಯ್ಕಾಲಾಂ ಜಾಂವ್ಕ್ ಯೀ ಪುರೊ. ಏಕ್ ಇತಿಹಾಸಕಾರ ಕಡೆ ತುಮಿ ಹೆ ಕಿತೆಂ ಸಾಯ್ಬಾ ಮ್ಹುಣ್ ವಿಚಾರ್ಲ್ಯಾರ್ , ತೊ ರೊಸೆಟ್ಟಾ ಸ್ಟೋನ್ ಮ್ಹುಳ್ಳ್ಯಾ ಪುರಾತನ್ ಎಜಿಪ್ತ್ ಶಾಸನಾಂ  ವಿಶಿಂ ಏಕ್ ವಡ್ಲೆಂ ಭಾಷಣ್ ದೀಂವ್ಕ್ ಪುರೊ. ಹ್ಯಾ ಫಾತ್ರಾಂತ್ ಏಕ್ ಚ್ ಶಾಸಾನ್ ಗ್ರೇಕ್ ತಶೆಂ ಇತರ್ ದೋನ್ ಪುರಾತನ್ ಎಜಿಪ್ತ್ ಭಾಷೆಂತ್ ಬರಯ್ಲೆಂ. ತಶೆಂ ಜಾಲ್ಲ್ಯಾನ್ ಇತಿಹಾಸಾಕಾರಂಕ್ ಹ್ಯಾ ಎಜಿಪ್ತಾಚಾ ಪುರಾತನ್ ಭಾಷೆ ವಿಶ್ಯಾಂತ್ ಗಿನ್ಯಾನ್ ಜೊಡುಂಕ್ ಸಾಧ್ಯ್ ಜಾಲೆಂ. ತೆಂ ಚ್ ಪುರಾತನ್ ರೊಸೆಟ್ಟಾ ಸ್ಟೋನ್. ಪುಣ್ ಅತಾಂ ತ್ಯಾಚ್ ರೊಸೆಟ್ಟಾ ಸ್ಟೋನ್ ನಾವಾಚಿ ಏಕ್ ಸಾಪ್ಟ್ ವೇರ್ ಕಂಪೆನಿ ತಶೆಂ ಏಕ್ ಸಾಪ್ಟ್ ವೇರ್ ಯೀ ಅಸಾ ...

ತುಮ್ಕಾಂ ಖಂಚೊ ಯೀ ವಿದೇಶಿ ಭಾಸೊ ಶಿಕೊಂಕ್ ಅಸಾತ್ ಗೀ? ಅರಬ್, ಸ್ಪ್ಯಾನಿಶ್, ಫ್ರೆಂಚ್ , ಜರ್ಮನ್, ಪೊಡ್ಚುಗೇಜ್, ಹಿಬ್ರೂ ..ಹ್ಯಾ ಇತರ್ ? ರೊಸೆಟ್ಟಾ ಸ್ಟೋನ್ ಸಾಪ್ಟ್ ವೇರ್ ವಾಪಾರ್ಲ್ಯಾರ್ ತುಮ್ಕಾಂ ವಿದೇಶಿ ಭಾಸೊ ಶಿಕ್ಚೊ ಇತ್ಲ್ಯೊ ಯೀ ಸುಲಭ್ ಗೀ ಮ್ಹುಳ್ಳೊ ಅನ್ಭೋಗ್ ಯೇಂವ್ಕ್ ಪುರೊ. ತೆಂಚ್  ಹ್ಯಾ ಸಾಪ್ಟ್ ವೇರಾಚಿ ವಿಶೇಷಾತಾ. ಹಾಕಾ ಕಾರಣ್ ಹಾಂತುಂ ವಾಪಾರ್ಲೊ ವಿಭಿನ್ನ್ ಅಧ್ಯಯನ್ ಕ್ರಮ್. ದಾಕ್ಲ್ಯಾಕ್ ತುಮ್ಕಾಂ ಖಂಯ್ ಪುಣೀ ಸ್ಪ್ಯಾನಿಶ್ ಭಾಸ್ ಶಿಕೊಂಕ್ ಆಸಾ ಮ್ಹುಣ್ ಚಿಂತಾ.  ಹ್ಯಾ ಖಾತಿರ್ ತುಮ್ಕಾಂ ಮಾರ್ಕೆಟಿಂತ್ ಸಬಾರ್ ಬೂಕ್ ಯಾ CD ಮೆಳ್ತಾತ್. ಪುಣ್ ತ್ಯೊ ತುಮ್ಕಾಂ ಇಂಗ್ಲಿಷ್ ಯಾ ಇತರ್ ಖಂಚಾಯೀ ಭಾಶೆ ಥಾವ್ನ್ ನವಿ ಭಾಸ್ ಶಿಕಯ್ತಾತ್. ಪುಣ್ ರೊಸೆಟ್ಟಾ ಸ್ಟೋನ್ ತುಮ್ಕಾಂ ಸ್ಪ್ಯಾನಿಶ್ ಭಾಸ್ ಇಂಗ್ಲಿಷಾ ಥಾವ್ನ್ ಶಿಕಾಯ್ನಾ. ! ತುಕಾ ಸ್ಪ್ಯಾನಿಶ್ , ಸ್ಪ್ಯಾನಿಶ್ ಭಾಶೆ ಥಾವ್ನ್ಂಚ್ ಶಿಕಾಯ್ತಾ. ಮ್ಹುಳ್ಯಾರ್ ಏಕ್ ಭುರ್ಗೆಂ ಕಶೆಂ ಪಯ್ಲೆ ಪಾವ್ಟಿಂ ಅಪ್ಲಿ ಮಾಂಯ್ ಭಾಸ್ ಶಿಕ್ತಾಗೀ ತಶೆಂ ..! ಹ್ಯಾ ಖಾತಿರ್ ಹ್ಯಾ ಸಾಪ್ಟ್ ವೇರಾಂತ್ ಸಬಾರ್ ಪಿಂತುರಾಂ, ವಿಡಿಯೊ, ಗ್ರಾಫಿಕ್ಸ್ ಪುರಾ ಸೆರ್ವೆಯ್ಲಾತ್. ತುವೆಂ ನವಿ ಭಾಸ್ ಕಶಿ ಉಚ್ಚಾರಣ್ ಕರಿಜೆ ಮ್ಹುಣ್ ತುಕಾ ವಿವಿಧ್ ಅಭ್ಯಾಸ್ ದಿತಾ.  ಹೆಂ ಸಾಪ್ಟ್ ವೇರ್ ವಾಪರುಂಕ್ ತುಜೆ ಕಡೆ ಮೈಕ್ರೊ ಫೋನ್ ಆಸಾಜೆ. ತುಮ್ಕಾಂ ನವ್ಯಾ ಬಾಷೆಚೊ ಉಚ್ಚಾರ್ ಶಿಕೊಂಕ್ ಹೆಂ ಸಾಪ್ಟ್ ವೇರ್ ಮೂಳ್ ಉಲಾವ್ಪ್ಯಾ ಥಾವ್ನ್ ವಾಕ್ಯಾಂ ಸಾಂಗಾಯ್ತಾ. ತೆಂ ತುಮಿ ಮೈಕ್ರೊ ಫೋನಾರ್ ಸಾಂಗಿಜೆ. ತುಮಿ ಕೆಲ್ಲೆಂ ಉಚ್ಚಾರಣ್ ಕಿತ್ಲೆಂ ಸಮಾ ಅಸಾ ಮ್ಹುಣ್ ಸಾಪ್ಟ್ ವೇರ್ ವಿಶ್ಲೇಷಣ್ ಕರ್ತಾ. ಸಮಾ ನಾತ್ಲ್ಯಾರ್ ತುಮ್ಚೆ ಕರ್ನಾ ಪರತ್ ಪರತ್ ತೆಂ ಸಾಂಗಾಯ್ತಾ. ಸಮಾ ಸಾಂಗ್ತಾ ಮ್ಹುಣಾಸರ್ ..! . ತುಜೆಂ ಉಚ್ಚಾರ್ ಖಂಯ್ ಸಮಾ ಜಾವ್ನಾ, ತೆಂ ಕಶೆಂ ಸಮಾ ಕರಿಜೆ ಮ್ಹುಣ್ ತುವೆಂ ಸಾಂಗ್ ಲ್ಲೆಂ ವಾಕ್ಯ್ ರೆಕೊರ್ಡ್ ಕರ್ನ್, ತುಕಾ ದಿಜಿಟಲ್ ಗ್ರಾಪಾ ದ್ವಾರಿಂ ಕಳಯ್ತಾ. ಹೆಮ್ ಸಾಪ್ಟ್ ವೇರ್ ವಾಪಾರ್ಲ್ಯಾರ್ ತುಂ ಶಿಕ್ತಾ ಮ್ಹುಣ್ಚಾ ಕೀ ಚಡ್ ಕಂಪ್ಯೂಟರ್ ಗೇಮ್ ಕೆಳ್ಚೊ ಅನ್ಭೋಗ್ ಯೆತಾ. ರೊಸೆಟ್ಟಾ ಸ್ಟೋನಾನ್ ಅತಾಂ ಬರೋಬ್ಬರ್ 30 ಭಾಸೊ ಶಿಕಂವ್ಚೆ ತಿತ್ಲಿಂ ಸಾಪ್ಟ್ ವೇರಾಂ ವಿನ್ಯಾಸ್ ಕೆಲ್ಯಾಂತ್. ಹಾಂತುಂ ಆಮ್ಚಿ ಹಿಂದಿ ಯೀ ಆಸಾ. ಇಂಗ್ಲಿಷ್ ಯೀ ಶಿಕ್ಯೇತ್. ನವಿ ಭಾಸ್ ಶಿಕ್ತಾನಾ ತುಮ್ಕಾಂ ಪಯ್ಲೊ ಹಂತ್, ದುಸ್ರೊ ಹಂತ್ ಆನ್ನಿಂ ತಿಸ್ರೊ ಹಂತ್ ಮ್ಹುಳ್ಳೆ ವಿವಿಧ್ ಹಂತ್ ಆಸಾತ್. ಗೆಲೆತ್ಯಾ ಸಪ್ತೆಂಬರಾಂತ್ ಹ್ಯಾ ರೊಸೆಟ್ಟಾ ಸ್ಟೋನಾಚೆಂ ಲೆಟೆಸ್ಟ್ ವರ್ಶನ್ 4 ಮಾರ್ಕೆಟಿಕ್ ಆಯ್ಲಾಂ. ಹಾಚೆ ಪಯ್ಲೆಂ ವರ್ಶನ್  2, ವರ್ಶನ್ 3 ತಸಲಿಂ ವರ್ಶನಾಮ್ ಆಸ್ ಲ್ಲಿಂ. 

ತುಮ್ಕಾಂ  ಖಂಚಿ ಯೀ ವಿದೇಶಿ ಭಾಸ್ ಶಿಕೊಂಕ್ ಆಸಾ ? ತರ್ ತುಮ್ಕಾಂ www.rosettastone.com ಮ್ಹುಳ್ಲ್ಯಾ ಜಾಳಿಜಾಗ್ಯಾಕ್ ಭೆಟ್ ದೀವ್ನ್ ತುಮ್ಕಾಂ ಜಾಯ್ ಜಾಲ್ಲೊ ಕೋರ್ಸ್ order ಕರ್ಯೇತ್. ಮೋಲ್ ಫಕತ್ 400 ಥಾವ್ನ್ 500 ಅಮೆರಿಕಾನ್ ಡಾಲಾರ್ ! (ಇಂಡಿಯಾಚೊ ಸುಮಾರ್ ವೀಸ್ ಹಜಾರ್ ಜಾಂವ್ಕ್ ಪುರೊ..!). . ಮೋಲ್ ಚಡ್ ಜಾಲೆಂ ಮ್ಹುಣ್ ಬೇಜಾರ್ ಕರ್ಚಿ ಗರ್ಜ್ ನಾ. ಹ್ಯಾ ಸಾಪ್ಟ್ ವೇರಾಚೊ  Pirated ಪ್ರತಿ ಯೀ ಅಂತರ್-ಜಾಳಿರ್ ಮೆಳ್ತಾತ್. ತುಮಿಂ ಟೊರೆಂಟಾಚಿಂ ಸೊದ್ನಾಂ ಯೀ ಕರ್ಯೇತ್ ಯಾ www.katz.cd ಥಾವ್ನ್ ಯಿ ಡೌನ್ ಲೋಡ್ ಕರ್ಯೇತ್. ಸಾಪ್ಟ್ ವೇರ್ ಸುಮಾರ್ 3 ಥಾವ್ನ್ 5 GB ಮ್ಹುಣಾಸರ್ ಆಸ್ತೆಲೆಂ. ! ಇನ್ಸ್ಟಾಲ್ ಕರುಂಕ್ ಇಲ್ಲೆಶೆಂ ಕಶ್ಟ್ ಜಾಂವ್ಕ್ ಪುರೊ. ಇನ್ಸ್ಟಾಲ್ ಕರ್ಚ್ಯಾ ಪಯ್ಲೆಂ Help ಫೈಲ್ ಜರೂರ್ ವಚಾ.. ಖಂಯ್ ಪುಣಿ ತುಕಾ try ಕರುಂಕ್ ಆಸ್ಲ್ಯಾರ್ ಗಳಾಯ್ ಕರಿನಾಕ.... 

-       ಪ್ರಮೋದ್ ಹೊಸ್ಪೆಟ್

[ವಿಕೆಂಡ್ ಆವಾಜ್] :ಆಯ್ಲೆಂ ಆಯ್ಲೆಂ ಆಯ್ಲೆಂಚ್ ಪಳೆಯಾ... ಕಿರಿಕೆಟ್ಟ್ ವಿಶ್ವಕಪ್ಪ್..!

ವಿಶ್ವಕಪ್ಪ್ ಕಿರಿಕೆಟ್ಟ್ ಪರತ್ ಆಯ್ಲ್ಯಾ ... Once again ಪರತ್ ಇಂಡಿಯಾಂತ್...! ಆಜ್ ಥಾವ್ನ್ ಪುಡ್ಲ್ಯಾ ಪಾಂಚ್ ಹಪ್ತ್ಯಾಂತ್ ಇಂಡಿಯಾಂತ್ ಕಿರಿಕೆಟ್ಟಿಚೆಂ ಮಾತ್ರ್ ಗಾನ್..!! ಕಸಲೆ ಪುರಾ ಲಾಕ್ ಕೊರೊಡಾಚೆ ಘೊಟಾಲೆ ಆಸ್ಲ್ಯಾರೀ , ಆಜ್ ಥಾವ್ನ್ ತೆ ಫಕತ್ ಬಿತರ್ಲ್ಯಾ ಪಾನಾನಿಂ. ಆರ್ನಭ್ ಗೋಸ್ವಾಮಿನ್ ಆಜ್ ಥಾವ್ನ್ ಖಂಯ್ ಪುಣೀ ವಿಪ್ರೀತ್ ಉತ್ಸಾಹಿತ್ ಜಾವ್ನ್ ನವಿಂ ಕಸ್ಲಿಂ ಭ್ರಷ್ಟಾಚಾರಂ ಜಾಲ್ಯಾಂತ್ ಮ್ಹುಣ್ ಶೆರ್ಮಾಂವ್ ದಿಲ್ಯಾರ್ Times Now ಚಿ TRP ಪುರಾ down..!! ಇತ್ಲ್ಯಾಕೀ ಹಾಕಾ ಕಾರಣ್ ಹ್ಯಾ ದೇಶಾಂತ್ ಆಸ್ಚಿ ಕಿರಿಕೆಟ್ಟ್ craze . ಏಕ್ ಬ್ಯಾಟ್, ಅನ್ಯೇಕ್ ಬಾಲ್...! ತ್ಯಾ ಬಾಲಾ ಪಾಟ್ಯ್ಲಾನ್ ದಾಂವ್ಚೆ ಇಕ್ರಾ ಖೆಲ್ಗಾಡಿ...ಹೊ ಯೆದೊಸೊ ಬಾಲ್ ಸೊಡ್ನ್ ದುಸ್ರೆ ಕಸಲೆಯೀ ಬಾಲ್ ಆಸಾತ್ ಗೀ..? ಮ್ಹುಣ್ ಖಳಿತ್ ನಾತ್ ಲ್ಲೊ ಮಿಲಿಯಾನ್ ಗಟ್ಲೊ ಲೋಕ್..! ಹೊ ಸಂಸಾರ್ ಕಿತ್ಲೊ ವ್ಹಡ್ ಆಸಾ ಮ್ಹುಣ್ ಖಳಿತ್ ನಾತ್ಲ್ಯಾರೀ , ಪಾಕಿಸ್ತಾನಾಕ್ ಸಲ್ವಯ್ಲ್ಯಾರ್ ಸಗ್ಳೊ ವಿಶ್ವ್ ವಯ್ರ್ ಚ್ ಜಿಕ್ಲೊ ಮ್ಹುಣ್ ಸಂಭ್ರಮ್ಚೊ ಹ್ಯಾ ಆಮ್ಚ್ಯಾ ದೇಶಾಚೊ ಲೋಕ್..! ಆನಿಂ ಹ್ಯಾ ಲೋಕಾಚೆಂ ಪಿಶೆಪಣ್ಂಚ್ ಬಂಡವಾಳ್ ಕರ್ನ್ ಕಿರಿಕೆಟ್ಟಿಕ್ , ಮಾರ್ಕೆಟ್ ಕೆಲ್ಲಿ ಆಮ್ಚಿ BCCI... ಆನಿಂ ಆಖ್ರೇಕ್ ಹ್ಯಾ BCCI ಚಿ ಶಿಮ್ಟಿ ಧರ್ನ್೦ಚ್ ಆಸ್ಚಿ ICC... ಆನಿಂ ತಾಂಚೆಂ ಏಕ್ world ಕಪ್ಪ್ .....!!!

ಇಮ್ರಾನ್ ಖಾನ್..! 1992 ಚಾ ವಿಶ್ವಕಪ್ಪ ಸವೆಂ...



ಸಾಂಗ್ ಲ್ಲ್ಯಾ ಬರಿ ಏಕಾ ಕಾಳಾರ್ ಹ್ಯಾ ಕಿರಿಕೆಟ್ಟೆ ವಯ್ರ್ ಮ್ಹಕಾಯೀ ವಡ್ಲಿ craze ಆಸ್ ಲ್ಲಿ..! ಅತಾಂ almost ಹೆಂ ಪಿಶೆಂ ಪುರಾ ದೆವೊನ್ ಆಯ್ಲಾಂ. ಪುಣ್ ಹಾವೆಂ ಪಳಯ್ಲೆ, ಬೊಗ್ ಲ್ಲೆ, ವಿಸ್ರೊಂಕ್ ಜಾಯ್ನಾತ್ಲೆ world cup moments ಆಸಾತ್ ..! ಅಖೇರಿಚಾ ಬಾಲಾಕ್ ಇಂಡಿಯಾಕ್ 4 ರನ್ನ್ ಜಾಯ್ ಆಸ್ ಲ್ಲ್ಯಾ ವೇಳಾರ್, ಶ್ರೀನಾಥಾನ್ ಮಾರ್ ಲ್ಲೊ ಏಕ್ shot... ! ; this could be a six, six, six....!! ಮ್ಹುಣೊನ್ ಕೊಮೆಂಟ್ರಿವಾಲಾನ್ ಬೊಬೊ ಗಾಲ್ತಾನ, ಇಂಡಿಯಾ ಜಿಕ್ಲೆಂಚ್ ಮ್ಹುಣ್ ರೇಡಿಯೊ ಆಫ್ ಕರ್ನ್ celebrate ಕೆಲ್ಲೆ ಥೊಡೆ..! ಪುಣ್ ಸಾಂಜೆಚೊ news ಪಳೆಯ್ತಾನಾ ಬೌಂಡರಿ ಲೈನೆರ್ ಸ್ಟೀವ್ ವ್ಹಾನ್ ಬಾಲ್ ಆಡಾಯ್ಲೊ, ಮಾಗಿರ್ ಆಸ್ಟ್ರೇಲಿಯಾ ಎಕಾ ರನ್ನಂತ್ ಜೀಕ್ ಲ್ಲೆಂ ..!! ಪಾಕಿಸ್ತಾನ ವಿರೋಧ್ ತೆನ್ನಾಚೊ ದಾಕ್ಟುಲೊ ಬಾಬು ತೆಂಡುಲ್ಕರಾನ್ ಮಾರ್ ಲ್ಲೆ 50, ಇಂಡಿಯಾ ಜಿಕ್ ಲ್ಲೆಂ..!! ಪಯ್ಲಿಂ ಪಂದ್ರಾ ಒವರಾಂ ಕಶಿಂ ಕೆಳಾಜೆ ಮ್ಹುಣ್ ಪಯ್ಲೆ ಪಾವ್ಟಿಂ ದಾಕಾಯ್ಲೊ ನ್ಯೂಜಿಲ್ಯಾಂಡಾಚೊ ಗ್ರೇಟ್ ಬ್ಯಾಚ್ ಕಸಲೆಂ ಗೀ ಏಕ್ ವಿಚಿತ್ರ್ ಪಾವ್ಸಾಚಾ ನಿಯಮ ವರ್ವಿಂ ಪಯ್ಲೆ ಪಾವ್ಟಿಂ world cup ಕ್ ಯೇವ್ನ್ ಭಯ್ರ್ ಪಡ್ ಲ್ಲೆಂ South Africa...! ಫೈನಲಾಂತ್ ಅಬಾಬ್ಬಾ , ಇಂಜಮಾಮ್ ಉಲ್ ಹಕ್ಕಾನ್ ಕೆಲ್ಲೆಂ ಬ್ಯಾಟಿಂಗ್...! ಚಾಂಪಿಯಾನ್ ಜಾಲ್ಲೆಂ ಪಾಕಿಸ್ತಾನ್ ...! " ವಿಶ್ವಕಪ್ಪ್ ತಿಕ್ಕ್ ಜಾಂಡಲಾ ಮಲ್ಲ ಅತ್ತ್, ಪಾಕಿಸ್ತಾನಗ್ ಸೋಪಾವೇರ್ ಅತ್ತಾ..!" ಮ್ಹುಣ್ ಖುಶಿ ಪಾವ್ ಲ್ಲೆ ಥೊಡೆ..! ಹ್ಯೊ ಪುರಾ ಅ, ಆ, ಇ, ಈ ... ಶಿಕ್ಚಾ ವೇಳಾರ್ ಹಾವೆಂ ಪಳೆಯ್ಲ್ಯಾ 1992 ವಿಶ್ವಕಪ್ಪಚೊ ಯಾದಿ..!

ಅಮೀರ್ ಸೊಹೈಲ್ bowled..!

1996 ಂತ್ ಇಂಡಿಯಾಂತ್ ಚ್ ಚಲ್ ಲ್ಲೆಂ Wills World cup..!! , " nothing official about it..!" ಮ್ಹುಣ್ ಸಕ್ಡಾಂಕೀ ತೊಂಡ್ಪಾಶಿ ಜಾಲ್ಲಿಂ PEPSI ಚಿಂ ಜಾಹೀರಾತಾಂ... ಕಿನ್ಯಾ ವಿರೋಧ್ 99 ಕರ್ನ್ , ಮಾಗಿರ್ ಅನ್ಯೇಕ್ ರನ್ನ್ ಕಾಡುಂಕ್ ಏಕ್ ಒವರ್ ಮೇಡನ್ ಕೆಲ್ಲೊ ತೆಂಡೂಲ್ಕರ್, ಮನೋಜ್ ಪ್ರಭಾಕರಾಚೆಂ ಕ್ರಿಕೆಟ್ ಕರಿಯರ್ ಚ್ ಫಕತ್ ತಾಚಾ ದೋನ್ ಒವರಾಂತ್ ಚ್ end ಕೆಲ್ಲೊ ಸನತ್ ಜಯಸೂರ್ಯಾ ..! ವೆಂಕಟೇಶ್ ಪ್ರಸಾದಾಚಾ ಬಾಲಾಕ್ bowled ಜಾಲ್ಲೊ ಪಾಕಿಸ್ತಾನಾಚೊ ಅಮೀರ್ ಸೊಹೈಲ್.., ಲೊಕಾಚಾ ಅವಾಜಾಕ್ ಚ್ ಮ್ಯಾಚ್ ಜಿಕಂವ್ಚಿ ಸಕತ್ ಆಸ್ಚ್ಯಾ ಈಡನ್ ಗಾರ್ಡನಾಂತ್, ಟೊಸ್ ಜಿಕ್ ಲ್ಲ್ಯಾ ಉಪ್ರಾಂತ್ ಯೀ ಫಿಲ್ಡಿಂಗ್ ಘೆತ್ ಲ್ಲೊ ಅಜರುದ್ದೀನ್, ರಡೊನ್ ಪಾಟಿಂ ಆಯ್ಲೊ ಕಾಂಬ್ಳಿ...! ಫೈನಲಾಂತ್ ಲಂಕಾ ವಯ್ರ್ ಸಲ್ವಲ್ಲೆಂ ಆಸ್ಟ್ರೇಲಿಯಾ....! ತಿತ್ಲ್ಯೊ ಪುರಾ 96 ಚೊ ಗಜಾಲಿ..!!

ಇಂಡಿಯಾ ಸಲ್ವತಾ ಮ್ಹುಣ್ ಕೊಲ್ಕೊತಾಚಾ ಈಡನ್ ಗಾರ್ಡನಾಂತ್ ಅಭಿಮಾನಿಂಚೊ ಗಲಾಟೊ..! 1996 ಚೆಂ ಇಂಡಿಯಾ ಆನಿಂ ಶ್ರೀಲಂಕ ಮದ್ಲೆಂ ಸೆಮಿ ಫೈನಲ್ ಹೆಂ..!!

ಸೂಪರ್ ಸಿಕ್ಸಾಚಿಂ ನಿಯಮಾಂಚ್ ಖಳಿತ್ ನಾಸ್ತಾನಾ ಇಂಗ್ಲೆಂಡಾಕ್ 1999 ಚಾ world cup ಕ್ ವಚುನ್ ಜಿಂಬಾಬ್ವೆ ಕಡೆ ಸಲ್ವಲ್ಲೆಂ ಇಂಡಿಯಾ..! ಹಾತಾಂತ್ ಮೆಳ್ ಲ್ಲೆಂ world cup ಚ್ ಉಡಾಯ್ಲ್ಯೊ South Africa ಚೊ ಹರ್ಶಲ್ ಗಿಬ್ಸ್..ಸಲ್ವನೊ ಜಾಲೆಂಚ್ ಮ್ಹುಣ್ ಚಿಂತ್ ಲ್ಲ್ಯಾ ಆಸ್ಟ್ರೇಲಿಯಾನ್ , South Africa ಹೀರೊ ಕ್ಲೂಸ್ನರ್ ಅಂತಿಮ್ ಏಕ್ ರನ್ನಾಕ್ ದಾವೊನ್ ಯೆತಾನಾ ಬ್ಯಾಟ್ ಉಡಾವ್ನ್ ದಾವ್ ಲ್ಲ್ಯಾರೀ ಕ್ರೀಸಾಕ್ ಪಾವೊನಾ ತ್ ಲ್ಲೊ ಡೊನಾಲ್ಡ್..! ಥಂಯ್ ಥಾವ್ನ್ ಆರಂಭ್ ಜಾವ್ನ್ ಯೆದೊಳ್ ಪರ್ಯಾಂತ್ ರಾವಾನಾತ್ಲೆಂ ಕಾಂಗಾರೂ ದರ್ಭಾರ್..!



ಇಲ್ಲೆಶೆಂ ಪಳೆವ್ನ್ ದಾವಾಜೆ ಆಸ್ಲೆಂ ತುವೆಂ ಕ್ಲೂಸ್ನರ್..! ಪಳೆ ತುಜಾ ನಿಮ್ತಿಂ ಆರಂಭ್ ಜಾಲ್ಲೆಂ ಕಾಂಗಾರು ದರ್ಭಾರ್ ಅನಿಕೀ ಮುಗ್ದೊವ್ನಾ ..!!

  ವಾಂಡರರ್ಸ್ ಮ್ಹುಳ್ಯಾ South Africa ಚಾ ಬ್ಯಾಟಿಂಗ್ ಸರ್ಗಾರ್, ಖಂಚೊ ಪಿಸೊ ಪುಣೀ ಟಾಸ್ ಜಿಕ್ ಲ್ಯಾರ್ ಬ್ಯಾಟಿಂಗ್ ಕರುಂಕ್ ಚ್ ready ಆಸ್ ಲ್ಲ್ಯಾರೀ , ಫಿಲ್ಡಿಂಗ್ ಕಾಣ್ಚೆಲ್ಲೊ ಗಂಗೂಲಿ..! ಟಾಸ್ ಜಾಲ್ಲ್ಯಾ ಉಪ್ರಾಂತ್ ಚ್ almost 80 % ಲೋಕಾಕ್ ಫಲಿತಾಂಶ್ ಖಚಿತ್ ಜಾಲ್ ಲ್ಲೆಂ 2003 ಇಂಡಿಯಾ ಆನಿಂ ಆಸ್ಟ್ರೇಲಿಯಾ ಮದ್ಲೆಂ ಫೈನಲ್..!! ಯೆಬ್ಬಾ ಹೆ ಪಾಕಿಸ್ತಾನಾಚೆ ಪಳೆ, ತ್ಯಾ ಐರ್ಲೆಂಡಾ ವಯ್ರ್ ಚ್ ಚಲ್ವೊನ್ ಪಯ್ಲ್ಯಾ ರೌಂಡಾ ಥಾವ್ನ್ಂ ಚ್ ಭಯ್ರ್ ಪಡ್ಲ್ಯಾ ತ್ ಮ್ಹುಣೊನ್ ಹಾಸೊನ್ ಆಸ್ ಲ್ಲ್ಯಾ ಇಂಡಿಯಾನ್ಸಾಂಯೀ ದೋನ್ ದೀಸಾ ಉಪ್ರಾಂತ್ ಬಾಂಗ್ಲಾ ದೇಶ ಮುಖಾರ್ ಚಲ್ವೊನ್ ಗಾಂವಾಕ್ ಪಟ್ಲಿ
ಭಾಂದ್ ಲ್ಲೆಂ 2007 ಚೆಮ್ ವಿಶ್ವಕಪ್ಪ್..! ನಿರಂತರ್ ತಿಸ್ರೆ ಪಾವ್ಟಿಂ ಯೀ ಚಾಂಪಿಯಾನ್ ಜಾಲ್ಲೆಂ ಆಸ್ಟ್ರೇಲಿಯಾ..!! .....ಅಸಲೆ ಪುರಾ ಉಡಾಸ್..!!


ಸಬ್ ಕಾಂಟಿನೆಂಟಾಂತ್ ಆಜ್ ಥಾವ್ನ್ ವಿಶ್ವಕಪ್ಪ್ ಕ್ರಿಕೆಟ್ ಆರಂಭ್ ಜಾವ್ನ್ ಆಸಾ. Criket craze ದಿಸೊನ್ ಯೆತಾ ಜಾಲ್ಯಾರ್ ಯೀ ತಿತ್ಲ್ಯಾ ವಡ್ಲ್ಯಾ ಮಾಫನ್ ನಾ. ಹಾಕಾ ಕಾರಣ್ ಗೆಲೆತ್ಯಾ ದಿಸಾನಿಂ ಮಲೀನ್ ಜಾಲ್ಲೊ ಹೊ ಖೆಳ್. T-20 ಮ್ಹುಳ್ಳೆಂ ನವೆಂಸಾಂವ್.. , ಮ್ಯಾಚ್ ಫಿಕ್ಸಿಂಗಾಂಚಿ ಕರಾಳ್ ಕಥಾ.., IPL ಮ್ಹುಳ್ಳಿ ಏಕ್ ಅಂಗಡ್, ವಿಕ್ರ್ಯಾಕ್ ಮೆಳ್ಚೆ ಖೆಳ್ಗಾಡಿ, ಬುರ್ನಾಸ್ ಕ್ರಿಕೆಟ್ ಬೋರ್ಡ್...! ಹಾಂಕಾಂ ಚಾರ್ ವರ್ಸಾಂ ದಿಲ್ಯಾರೀ ಏಕ್ ಈಡಾನ್ ಗಾರ್ಡನಾಕ್ ಮ್ಯಾಚಾ ಖಾತಿರ್ ready ಕರುಂಕ್ ಜಾಂವ್ಕ್ ನಾ. ಮುಖಾರ್ ಸೊಭಿತ್ ದಿಸ್ಲ್ಯಾರೀ , ಬಿತರ್ ಆಮ್ಚೆಂ ಚಿನ್ನಸ್ವಾಮಿ ಸ್ಟೇಡಿಯಾಂ ಯೀ ಮಸ್ತ್ ಗಲೀಜ್.. ! ಆಶೆಂಚ್ ಇತರ್ ಸ್ಟೇಡಿಯಾಮಾಚೊ ಕಾಣಿಯೊ..! ಗಿರೆಸ್ತ್ ಕ್ರಿಕೆಟ್ ಬೋರ್ಡ್ ಜಾವ್ನಾಸ್ಚಾ BCCI ಆಸ್ಚೊ ದೇಶಾಂತ್ ಚ್ ಹಿ ಅವಸ್ಥ್ಯಾ ..! ಕಿತೆಂಯೀ ಜಾಂವ್ ಹ್ಯಾ ಪಾವ್ಟಿಂ ಇಂಡಿಯಾಕ್ all the best...! ಮನ್ ನಾತ್ ಲ್ಯಾರೀ ಏಕಾ ತೆಂಡೂಲ್ಕರ ಖಾತಿರ್..!!

             *******

_ಪ್ರಮೋದ್ ಹೊಸ್ಪೆಟ್

[ವಿಕೆಂಡ್ ಆವಾಜ್] ವ್ಹಾ ವ್ಹಾ ವ್ಹಾ ..! ಕಸಲೆ ಜಡ್ಜ್ ...! ಆನಿಂ ಕಸಲೆ ಜೋಕ‍ರ್ಸ್ ..!!!

ಕೇಶವ ಕ್ರಪಾಚೆ ಬಾಮ್ಣಾಂಚೆ ಮ್ಹಾತಾರೆ ಆತಾಂ ಮಿಶಿಯಾಂ ಭಿತರ್ ಚ್ ಹಾಸೊನ್ ಆಸಾತ್....!! ವ್ಹಯ್ .. ಮೊಳ್ಬಾರ್ ಆಸ್ಚ್ಯಾ ನೆಕೆತ್ರಾಂ ಬರಿಂ , ದರ್ಯಾ ವೆಳೆರ್ ಆಸ್ ಲ್ಲ್ಯಾ ರೆವೆ ಬರಿ ಸಂತತ್ ವಾಡಾಂವ್ಚಿ ಸೊಡ್ಲ್ಯಾರ್ ತಾಂಕಾಂ ಮಿಶಿಯೊ ವಾಡೊಂವ್ಕ್ ಮಾತ್ರ್ ಗೊತ್ತಾಸ್ಚೆಂ. ಮಾಗಿರ್ ಖಂಯ್ ಗರ್ಜ್ ಪಡ್ಲ್ಯಾರ್ ಶಿಖಂಡೆಚೊ ಖೆಳ್ ಖೆಳೊಂಕ್ ಯೀ ತಾಂಕಾಂ ಖಳಿತ್ ಆಸಾ.. ಶೆಕ್ಡಾ೦, ಶೆಕ್ಡಾ೦, ವರ್ಸಾಂ ಥಾವ್ನ್ ಸಂಸಾರಾಕ್ ತಾಣಿಂ ದಿಲ್ಲೆಂ ಮಹಾನ್ ಸಾಧನ್ ಮ್ಹುಳ್ಯಾರ್ ವಿಶ್ವಾಕ್ ಏಕ್ zero . ತಾಚಾಕೀ ಹಜಾರೊಂ ವರ್ಸಾಂ ಪಯ್ಲೆಂ ದಿಲ್ಲೆಂ ಮಹಾಭಾರತಾಚೆಂ ಶಿಖಂಡಿ.. ಆನಿಂ ಆತಾಂ ದಿಂವ್ಚಿ ವಡ್ಲಿ ಸೆವಾ ಮ್ಹುಳ್ಯಾರ್ ಘಡಿಯಾಳಾಂಚೊ ಸೆಕುಂಡಾಚೊ ಕಾಂಟೊ ’ಟಿಕ್ಕ್, ಟಿಕ್ಕ್ ’ ಮ್ಹುಣ್ತಾನಾ ಉತ್ಪನ್ನ್ ಜಾಂವ್ಚಿಂ ಡಜನ್ ಭುರ್ಗಿಂ ...!!


ಇತ್ಯ್ಲಾಕೀ ಹಾಂಚಾ ಹಾಸ್ಯಾಂಕ್ ಕಾರಣ್೦ಚ್ ಮ್ಹಾತರೊ ಜಡ್ಜ್ ಸೊಮಾಶೇಖರಾಚೊ ರಿಪೊರ್ಟ್ !. ಬೆಂಗ್ಳೂರಾಂತ್ ಚಲ್ನ್ ಆಸ್ಚ್ಯಾ ಕಾನಾಡಿ ಸಾಹಿತ್ಯ್ ಸಮ್ಮೇಳನಕ್ ಆಜ್ ಹಾಂವ್ ಪಾವುಲ್ಲೊಂ. ಹಾಸ್ಯ್ ಕವಿ ಗೋಷ್ಟಿ ಆಸ್ ಲ್ಲಿ ಥಂಯ್. ! ಸೊಮಾಶೇಖರಾಚೊ ರಿಪೊರ್ಟ್ ಮ್ಹುಣಿ ಥಂಯ್ ಮಂಡನ್ ಕೆಲ್ಯಾರ್ , ಹಾಕಾಚ್ first prize ಮೆಳ್ತೆಂ ಕೊಣ್ಣಾ ..!!


********


ಸೊಮಾಶೇಖರ್ ಮ್ಹುಳ್ಳೊ ಮ್ಹಾತಾರೊ ಜಡ್ಜ್ ಗುಡೊ ಖೊಂಡುಂಕ್ ಭಯ್ರ್ ಚಲ್ಚಿ style ಪಳೆಯ್ತಾನಾ ಹೊ ಖಂಡಿತ್ ಕಿತೆಂ ಪುಣೀ ಕರ್ತಾ ಮ್ಹುಣ್ ಸಬಾರಾಂನಿಂ ಅತ್ರೇಗಾನಿಂ ಮಸ್ತ್ ನಿರೀಕ್ಷಾ ಕೆಲ್ಲಿ. ಗೆಲೆತ್ಯಾ ವರ್ಸಾ ತಾಣೆ ಮಧ್ಯಾಂತರ್ ವರ್ದಿ ದಿತಾ ಮ್ಹುಣಾಸರ್ ನಿರಿಕ್ಷಾ ತಸಿತ್ ಅಸ್ ಲ್ಲಿ. ಮಧ್ಯಾಂತರ್ ವರ್ದೆಂತ್ , ಕಿರಿಸ್ತಾಂವಾನಿಂ ಮತಾಂತರ್ ಕರುಂಕ್ ನಾ, ಭಜರಂಗಿನಿ, ರಾಮ ಸೇನಾಚಾನಿಂ ಪುರಾ ಅನ್ನಾಡ್ ಪಣಾಂ ಚಲಯ್ಲಿಂ. ತಾಂಕಾಂ ban ಕರಿಜೆ. ಸರ್ಕಾರಾಚೊ ಯೀ ಹಾಂತುಂ ಪಾತ್ರ್ ಆಸ್ ಲ್ಲೊ. ಪೋಲಿಸ್ ಯೀ ಪೋಲಿ ಜಾಲ್ಲೆ... ಆಶೆಂ ಖಾಕಿ, ಖಾದಿ , ಆನಿಂ ಕಾವಿಂ ವಯ್ರ್ ತಾಣೆಂ ಆಪ್ರಾಧ್ ಮಾಂಡ್ಲೊ ..!! ಅಂತಿಮ್ ವರ್ದೆಂತ್ ಹೊ ಖಂಡಿತ್ ತಿಮಿಂಗಿಲಾಕಾಚ್ ಧರ್ನ್ ಹಾಡ್ತಾ ಮ್ಹುಣ್ ಚಿಂತ್ ಲ್ಲ್ಯಾ ಸಭಾರಾಂಕ್ shock ...!! ಸಾಮಾನ್ಯ್ ಜಾವ್ನ್ ಗುಡೊ ಖೊಂಡ್ ಲ್ಲೆ ಸಾಮಾನ್ಯ್ ಮನಿಸ್ ಪುಣೀ atleast ಉಂದ್ರಾಕ್ ಮ್ಹುಣೀ ಧರ್ತಾತ್ ..!! ಪುಣ್ ಚಾಳಿಸ್ ವರ್ಸಾಂ ಪರ್ಯಾಂತ್ , ಸಂಸಾರಾಚಾ ವಡ್ಲ್ಯಾ ಪರ್ಜೆ ರಾಜ್ಯಾಚೊ ಜಡ್ಜ್ ಜಾವ್ನಾಸ್ಚ್ಯಾ ಮ್ಹಾತಾರೊ ಸೊಮಾಶೇಖರಾಕ್ ಏಕ್ ಉಂದಿರ್ ಯೀ ಮೆಳೊಂಕ್ ನಾ... !! ಕೇಶವ ಕ್ರಪಾ ಥಾವ್ನ್ ಉಡಾಯ್ಲ್ಯಾ ಬಿಸ್ಕುಟೆಂಚೊ ಪ್ರಭಾವ್ ತೊ ..!! ವಯ್ರ್ ಆಸ್ ಲ್ಲಿ ಶಿಮ್ಟಿ ಪಂದಾ ಗಲ್ಲ್ಯಾ ಸುಣ್ಯಾ ಬರಿಂ ..!!


********

ಇತ್ಲ್ಯಾಕೀ ಮ್ಹಾತಾರೊ ಜಸ್ಟೀಸಾಚಾ ವರ್ದೆಂತ್ ಆಸ್ ಲ್ಲೆ ಜೋಕ್ಸ್ ಕಸಲೆ ? .."ಇಗರ್ಜೆ೦ ವಯ್ರ್ ಹಲ್ಲೊ ಕೆಲ್ಲೊ ನೀಜ್ ಹಿಂದ್ವಾನಿಂ ನ್ಹಂಯ್..! ಸರ್ಕಾರಾ ಥಾವ್ನ್ ರಕ್ಷಣ್ ಮೆಳ್ತಾ ಮ್ಹುಣ್ ಚಿಂತ್ ಲ್ಲ್ಯಾ ಥೊಡ್ಯಾನಿಂ ..!! " "ಮತಾಂತರಾಕ್ ಯಿ ಹ್ಯಾ ಹಲ್ಲ್ಯಾಂಕ್ ಯೀ ಕಸಲೊ ಯೀ ಸಂಬಂಧ್ ನಾ..., ಪುಣ್ ಜಾಲ್ಯಾರೀ ಮತಾಂತರ್ ಜಾಲಾ ..!! . ಕಥೋಲಿಕಾನಿಂ ಕರುಂಕ್ ನಾ , ಥೊಡ್ಯಾನಿಂ ಕೆಲಾ.. ವಿದೇಶಿ ಪಯ್ಸೆ ಆಯ್ಲ್ಯಾತ್....! ಉಣ್ಯಾ ಸಂಖ್ಯಾಚಾ ರಕ್ಷಣೆ ಖಾತಿರ್ ಏಕ್ ಸಮಿತಿ ರಚನ್ ಕರಾ.. ತಾಂಕಾಂ ಖಂಯ್ ಥಾವ್ಬ್ ಪಯ್ಶೆ ಯೆತಾತ್ ಮ್ಹುಣ್ ನಿಗಾ ದವರಾ..!!special IGP ಕ್ ನೇಮಕ್ ಕರಾ.. ಹಳ್ಳೆನಿಂ ತಶೆಂ ನಗರ್ ಪ್ರದೇಶಾನಿಂ ಧಾರ್ಮಿಕ್ ಸಭಾ ಕರಾ. ಪೋಲಿಸಾಂಕ್ (ಪೋಲಿ ..!!!) ಮಿಲಿಟರಿ ಬರಿ ತರ್ಭೇತ್ ದಿಯಾ...!! ಆನಿಂ ನಿಮಾಣೆಂ ಮತಾಂತರ್ ನಿಶೇಧ್ ಕರುಂಕ್ ಏಕ್ ಕಾನೂನ್ ಹಾಡಾ ...!"... ಕಾನಾಡಿ ಭಾಷೆಂತ್ ಹಾಕಾ "ಗೊಜಲು ಗೊಜಲು ಭಾಷೆ" ಮ್ಹುಣ್ತಾತ್. ನಾಕಾ ಜಾಲ್ಲಿ ಬಿಸ್ಕುಟ್ ಕೆಲ್ಯಾರ್ ಮಾತ್ರ್ ಆಸಲ್ಲಿ ಏಕ್ confuse ಕರ್ಚಿ ಭಾಸ್ ಯೆಂವ್ಚಿ...!! ದೋನ್ ದೋನ್ ಪಾವ್ಟಿಂ ಪಳೆಯ್ಲ್ಯಾರೀ ಆರ್ಥ್ ಕರುಂಕ್ ಜಾಯ್ನಾತ್ಲ್ಯಾ ಉಪೇಂದ್ರಾಚಾ ಫಿಲ್ಮಾಂ ಬರಿ ...!!


********

ಬೆಂಗಲೂರುಂತ್ ಚಲ್ಚಾ ಕಾನಾಡಿ ಸಾಹಿತ್ಯ್ ಸಮ್ಮೇಳಾನಕ್ ಆಜ್ ಹಾಂವ್ ಪಾವ್ ಲ್ಲ್ಯಾ ವೆಳಾರ್ ಏಕ್ ಪ್ರತಿಭಟನ್ ಚಲ್ನ್ ಆಸ್ ಲ್ಲೆಂ. "ಅಕ್ಷರ ಜಾತ್ರೆಂತ್" , "ಜನರ ಸಂತೆ" ಆಸ್ ಲ್ಲೆಂ..!!. ಹಾಂಚೆಂ ಮಧೆಂ ಪ್ರತಿಭಟನ್ ಕರ್ನ್ ಆಸ್ ಲ್ಲೆ " ಕ್ಯಾಥೊಲಿಕ್ ಕರ್ನಾಟಕ ಸಂಘ" ಮ್ಹುಳ್ಳೆ ಥೊಡೆ ಜೋಕ‍ರ್ಸ್...! ಮ್ಹಾತಾರ‍್ಯಾ ಸೊಮಾಶೇಖರಾನ್ ಬರಿ ವರ್ದಿ ದಿಲ್ಯಾ ಮ್ಹುಣ್ ಶಾಭಾಸ್ಕಿ ಪಾಟಾಯ್ಲ್ಯಾ ಆನ್ಯೇಕ್ ಮ್ಹಾತಾರೊ ಚಿದಾನಂದ ಮೂರ್ತಿಕ್ ಬೆಂಗ್ಳೂರ್ ಯೂನಿವರ್ಸಿಟಿನ್ ದೀಂವ್ಕ್ ಚಿಂತ್ ಲ್ಯಾ ಡಾಕ್ಟರೇಟಿಕ್ , ರಾಜ್ಯಪಾಲ್ ಭಾರದ್ವಜಾನ್ ಆಡ್ ಪಾಯ್ ದಿಲ್ಲ್ಯಾಕ್ ಪ್ರತಿಭಟನ್ ಕರ್ನ್ ಬಸ್ ಲ್ಲೆ ಹೆ "ಕಾನಾಡಿ ಕಥೊಲಿಕ್" ಜೋಕ‍ರ್ಸ್ ..!! ಚಿದಾನಂದ ಮೂರ್ತಿ ವಯ್ರ್ ಮ್ಹಕಾ ಕಿತ್ಲೊ ಯಿ ಸೈದ್ದಾಂತಿಕ್ ಭೇದ್ ಆಸ್ ಲ್ಲ್ಯಾರೀ ತಾಚಾ ಥೊಡ್ಯಾ ಸಂಸೋಧಾ ವಯ್ರ್ ವ್ಹಡ್ ಅಭಿಪ್ರಾಯ್ ಆಸಾ. ಪುಣ್ ಇಗರ್ಜೆ ವಯ್ರ್ ಅತಿಕ್ರಮಣ್ ಜಾತಾನಾ , ಹಾಣೆಂ ತೆನ್ನಾಂ ತೆಂ ಸಮರ್ಥನ್ ಕರ್ನ್ , ವಿಜಯ ಕರ್ನಾಟಕಾಂತ್ ಬರಯ್ಲಿಂ ಪಾನಾಂ ಗಟ್ಲಿಂ ಲೇಖಾನಾಂ ಲಿಪ್ತಿಂ ಲಿಪ್ತಿಂ ಜಾವ್ನ್ ಉರಂವ್ಕ್ ನಾಂತ್. ಕಾನಾಡಿ ಕಥೊಲಿಕ್ ಸಂಘಾಚಾ ಜೋಕರ್ಸಾನಿಂ ತೆಂ ವಾಚ್ ಲಾಂ ಗೀ ಯಾ ನಾ ಮ್ಹುಣ್ ಮ್ಹಕಾ ಖಳಿತ್ ನಾ... ಹ್ಯಾ ಜೋಕರ್ ಕಥೋಲಿಕಾಂಕ್ ತುರಂತ್ ಜಾವ್ನ್ ಜಾಯ್ ಆಸ್ಚೊ ಮ್ಹುಳ್ಯಾರ್ ಏಕ್ ಕಾನಾಡಿ ಭಿಸ್ಪ್ ಖಂಯ್. ದೆಕುನ್ ತೆ ಥೊಡ್ಯಾ ಮಹಿನ್ಯಾ ಆದಿಂ " ಮಂಗ್ಳೂರ್ ದಿಯೆಸೆಜ್ ಥೊಡ್ಯಾಚ್ ತೆಂಪಾನ್ ವಿಂಗಡ್ ಜಾವ್ನ್ ಉಡುಪಿ ದಿಯೆಸೆಜ್ ಯೆತಾ... ತ್ಯಾ ಉಡುಪಿ ದಿಯೆಸೆಜಿಕ್ ಕನ್ನಡ ಬಿಸ್ಪ್ ಕರಿಜೆ ಮ್ಹುಣ್ ತಾಣಿಂ ಕರ್ನಾಟಕಾಚೆ ಮಾನಾಧಿಕ್ ಮುಖೆಲ್ ಮಂತ್ರಿ , ದೊತೊರ್ ಬೂಕನಕೆರೆ ಸಿದ್ದಲಿಂಗಯ್ಯ ಯೆಡಿಯೂರಪ್ಪಾ ಕಡೆ ಯೆದೊಳ್ ಚ್ ಮನವಿ ದಿಲ್ಯಾ.. !!!! ವ್ಹಾ ವ್ಹಾ ವ್ಹಾ ..! ಕಸಲೆ ಜಡ್ಜ್ ... ಆನಿಂ ಕಸಲೆ ಜೋಕ‍ರ್ಸ್ ..!!!


********


-ಪ್ರಮೋದ್ ಹೊಸ್ಪೆಟ್