[ವಿಕೆಂಡ್ ಆವಾಜ್] ಚಂದ್ರ್ ಸಕಯ್ಲ್ , ಆಮಿಂ ವಯ್ರ್ ..!!??

ಅಸಲಿ SMS ಗೆಲೆತ್ಯಾ ದಿಸಾನಿಂ ತುಮ್ಕಾಂಯೀ ಮೆಳೊಂಕ್ ಪುರೊ ಮ್ಹುಣ್ ಚಿಂತಾಂ.! ಗೆಲೆತ್ಯಾ ಮಾರ್ಚ್ 19 ತಾರೀಕೆರ್ ಜಾಲ್ಲ್ಯಾ Supermoon ಘಡಿತಾ ಪಯ್ಲೆಂ , ಹೊ ಸಂಸಾರ್ ಅಖೇರ್ ಜಾತಾ ಮ್ಹುಳ್ಳ್ಯಾ ಅರ್ಥಾಚೊ ಸಬಾರ್ sms ಹೆವ್ಶಿನ್-ತೆವ್ಶಿನ್ ವ್ಹಾಳೊನ್ ಆಸ್ ಲ್ಲ್ಯೊ. Coincidence ಗೀ ಖಳಿತ್ ನಾ ,ಪುಣ್ ತೆನ್ನಾಂಚ್ ಜಪಾನಾಂತ್ ಏಕ್ ವಡ್ಲಿ ಏಕ್ ಭೂಂಯ್ಕಾಪ್ ಆನಿಂ ತ್ಸುನಾಮಿ ಯೇವ್ನ್ ಹಜಾರಾನಿಂ ಲೋಕ್ ಮೆಲ್ಲೊ ತುಮ್ಕಾಂ ಖಳಿತ್ ಆಸಾ. ಲೋಕಾಕ್ ಭಿರಾಂತ್ ಸುರು ಜಾಲ್ಲಿ ತೆದಾಳಾಚ್ !. ಮಂಗ್ಳೂರಾಕ್ ಕಾಮಾಕ್ ಆಯ್ಲೊ ಉತ್ತರ್ ಕರ್ನಾಟಕಚೊ ಕಿತ್ಲೊ ಲೋಕ್ ತ್ಸುನಾಮಿಚಾ ಭಿಯಾನ್ ಆಪ್ಲ್ಯಾ ಗಾವಾಕ್ ಪಾಟಿಂ ವಚುಂಕ್ ನಾ..? ಸಾಂಗಾತಾಚ್ 2012 ಕ್ ಸಂಸಾರ್ ಅಖೇರ್ ಜಾತಾ ಮ್ಹುಳ್ಳಿ ಗಾಭ್ ಯೀ ಆಸ್ ಲ್ಲಿ ನೇ..! ಲೋಕ್ ಭಿಯೆಲೊ.ಹೊಚ್ ಸಂದರ್ಬ್ ವಾಪಾರ್ನ್ ಲೋಕಾಕ್ ಕಸಲ್ಯೊ , ಕಸಲ್ಯೊ ಮೆಸೆಜಿ ದಾಡ್ನ್ ಥೊಡ್ಯಾನಿಂ ವಿಕ್ರತ್ ಸಂತೊಸ್ ಯೀ ಅಪ್ಣಾಯಿಲೊ.


ಪುಣ್ ಮಾರ್ಚ್ 19 ಕ್ ಚಂದ್ರ್ ಸಕಯ್ಲ್ ಪಡೊಂಕ್ ಯೀ ನಾ , ಆಮಿಂ ವಯ್ರ್ ಯೀ ವಚುಂಕ್ ನಾ .! ಹರ್ಯೇಕ್ ಪಾವ್ಟಿಂ ಯೆಂವ್ಚಾ ಬರಿಚ್ ಚಂದ್ರ್ ಭೂಂಯ್ಕ್ ಲಾಗ್ಗಿಂ ಯೇವ್ನ್ ಗೆಲೊ. ಸಾಂಗ್ ಲ್ಯಾ ಬರಿ ಚಂದ್ರ್ ಆಟ್ರಾ ವರ್ಸಾಂಕ್ ಏಕ್ ಪಾವ್ಟಿಂ ಮಾತ್ರ್ ಭೂಂಯ್ಕ್ ಲಾಗ್ಗಿಂ ಯೆನಾ. ಹರ್ಯೇಕಾ ಮಹಿನ್ಯಾಂತ್ ಥೊಡೆ ಪಾವ್ಟಿಂ ತೊ ಭೂಂಯ್ಕ್ ಲಾಗ್ಗಿಂ ಆಸ್ತಾ, ಥೊಡೆ ಪಾವ್ಟಿಂ ಪಯ್ಸ್ ಆಸ್ತಾ. ಹಾಕಾ ಕಾರಾಣ್ ಚಂದ್ರಾನ್ ಭೂಂಯ್ಕ್ ಭೊಂವಾರಿ ಮಾರುಂಕ್ ವಾಪಾರ್ಚಿ elliptical orbit. ಲಾಗ್ಗಿಂ ಅಸ್ತಾನಾ ಭೂಂಯ್ಕ್ ಅನಿಂ ಚಂದ್ರಾಕ್ ಆಸ್ಚೊ ಅಂತರ್ 3,57,000 ಕಿ.ಮೀ ಆನಿಂ ಪಯ್ಸ್ ಆಸ್ತಾನಾ ಆಸ್ಚೊ ಅಂತರ್ 4,06,000 ಕಿ.ಮೀ. ತರ್ ಸೂಪರ್ ಮೂನ್ ಮ್ಹುಳ್ಯಾರ್ ಕಿತೆಂ ? simple ..! ಚಂದ್ರ್ ಭೂಂಯ್ಕ್ ಲಾಗ್ಗಿಂ ಆಸ್ಚಾ ದಿಸಾಚ್ , ಪುನೆವ್ ಯೆಂವ್ಚೊ ..! ಮ್ಹುಳ್ಯಾರ್ ಚಂದ್ರ್ ಭೂಂಯ್ಕ್ ಲಾಗ್ಗಿಂ ಆಸ್ಚಾ ದಿಸಾಚ್ ಸೂರ್ಯೊ , ಚಂದ್ರ್ ಆನಿಂ ಭೂಂಯ್ ಏಕಾಚ್ ಸಾಲಿಂತ್ ಆಸ್ಚೆಂ. ಏಕಾ ರೀತಿಚೆಂ coincidence ಹೆಂ .! ಹರ್ಯೇಕಾ ವರ್ಸಾ ಅಸಲೆಂ coincidence ಯೆನಾ. ಥೊಡ್ಯಾ ವರ್ಸಾಂಕ್ ಏಕ್ ಪಾವ್ಟಿಂ ಯೇವ್ನ್೦ಚ್ ಆಸ್ತಾ ಹೆಂ ಘಡಿತ್. ಸೂಪರ್ ಮೂನ್ ಘಡಿತಾ ವೆಳಿಂ ಭೂಂಯ್ಚೆರ್ ಚಂದ್ರಾಚೊ ಆನಿಂ ಸೂರ್ಯಾಚೊ ಗುರುತ್ವಾಕರ್ಷಣ್ ಸಕ್ತೆಚೊ ಪ್ರಭಾವ್ ಚಡ್ ಆಸ್ತಾ. ತಶೆಂ ಜಾಲ್ಲ್ಯಾನ್ ಧರ್ಯಾಂತ್ ಲ್ಹಾರಾಂಚೊ ಆರ್ಛಟ್ ಯೀ ಚಡ್ ಆಸ್ತಾ. ಪುಣ್ ಸೂಪರ್ ಮೂನ್ ಜಾಂವ್ಚಾ ಸಂದರ್ಭಿಂ ಭೂಂಯ್ಕಾಪ್, ತ್ಸುನಾಮಿ ಜಾತಾ ಮ್ಹುಳ್ಳ್ಯಾ ವಾದಾಕ್ ವಿಗ್ಯಾನಿಂ ಒಪ್ಪನಾಂತ್. ಖಂಯ್ ಪುಣೀ ಕಿತೆಂ ಯೀ ಘಡ್ಲ್ಯಾರ್ ಫಕತ್ ತೆಂ coincidence . ಪೋಯ್ರ್ ಜಪಾನಾಂತ್ ಘಡ್ ಲ್ಲ್ಯಾ ಬರಿ .!

 ಮಾಗಿರ್ ಚಂದ್ರ್ ಭೂಂಯ್ತ್ ಯೇವ್ನ್ ಪಡ್ತಾ ಮ್ಹುಣ್ ತುಮ್ಕಾಂ ಕೊಣೆಂ ಯೀ ಮೆಸೆಜ್ ದಾಡ್ಲ್ಯಾರ್ ಖಂಡಿತ್ ಪಾತ್ಯೆನಾಕತ್. ಚಂದ್ರ್ ಭೂಂಯ್ಕ್ ಯೇವ್ನ್ ಖಂಡಿತ್ ಪಡಾನಾ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ. ಚಂದ್ರ್ ಜಾಲ್ಲೊಚ್ ಆಮ್ಛಾ ಭೂಂಯ್ಚೊ ಏಕ್ ಕುಡ್ಕೊ ಉಸಾಳ್ನ್. (ಹ್ಯಾ ವಿಶಿಂ ಹಾವೆಂ ಗೆಲೆತ್ಯಾ ಹಪ್ತ್ಯಾಂತ್ ಬರಯ್ಲೆಂ ಲೇಖನ್ ವಾಚ್ಲಾಂ ಮ್ಹುಣ್ ಚಿಂತಾಂ). ತವಳ್ ಭೂಂಯ್ ಆನಿಂ ಚಂದ್ರಾ ಮಧೆಂ ಆಸ್ ಲ್ಲೊ ಅಂತರ್ ಫಕತ್ 22,000 ಕಿ. ಮೀ. ಪುಣ್ ಹೊ ಚಂದ್ರ್ ವರ್ಸಾ, ವರ್ಸಾ ಭೂಂಯ್ ಥಾವ್ನ್ ಪಯ್ಸ್ ವಚುನ್, ವಚುನ್ ಆಜ್ ಸುಮಾರ್ ಚಾರ್ ಲಾಕ್ ಕಿ.ಮೀ ಮ್ಹುಣಾಸರ್ ಪಯ್ಸ್ ಪಾವ್ಲಾ.ಅಜೂನ್ ಯೀ ತೊ ಭೂಂಯ್ ಥಾವ್ನ್ ಪಯ್ಸ್ ವಚುನಂಚ್ ಆಸಾ. ಏಕಾ ವರ್ಸಾ ಚಂದ್ರ್ ಭೂಂಯ್ ಥಾವ್ನ್ 3.8 ಸೆಂಟಿ ಮೀಟಾರ್ ಪಯ್ಸ್ ಚಲ್ನ್ ಆಸಾ..! ಆಶೆಂಚ್ ತೊ ಪಯ್ಸ್ , ಪಯ್ಸ್ ವಚುನ್ ಏಕ್ ದೀಸ್ ಭೂಂಯ್ ಥಾವ್ನ್ ನಪಂಯ್ಚ್ ಜಾಂವ್ಕ್ ಯೀ ಪುರೊ. ಭೂಂಯ್ಛಾ ಕಕ್ಷೆಂತ್ ಥಾವ್ನ್ ಸುಟೊನ್ ಸುರ್ಯಾಚಾ ಕಕ್ಷೆಂತ್ ಪಾವೊನ್ , ಸೂರ್ಯಾಚೆಂ ಏಕ್ ಗ್ರಹ್ ಜಾಂವ್ಕ್ ಯೀ ಪುರೊ. ಪುಣ್ ಹೆಂ ಪುರಾ ಜಾಂವ್ಕ್ ಮಿಲಿಯಾನ್, ಮಿಲಿಯಾನ್ ವರ್ಸಾಂ ಜಾಯ್ಜೆ. ತೆನ್ನಾ ಭೂಂಯ್ಚ್ ಅಸ್ತಾ ಗೀ ? ಯಾ ಸೂರ್ಯಾಚೆಂ ಹೈಡ್ರೊಜನ್ ಖಾಲಿ ಜಾವ್ನ್ ತೊಚ್ ಮರ್ಚಾ ಸ್ಥಿತೆರ್ ಆಸ್ತಾ ಗೀ..? ದೇವ್ ಜಾಣಾಂ..!

ಚಂದ್ರ್ ನಾತ್ಲ್ಯಾರ್ ಧರ್ಯೊ ಲ್ಹಾರಾಂ ನಾಸ್ತಾನಾ ಶಾಂತ್ ಮ್ಹುಳ್ಯಾರ್ ಶಾಂತ್ ...!

ಏಕಾದೆವಾಳಾ ಚಂದ್ರ್ , ಭೂಂಯ್ ಥಾವ್ನ್ ಸುಟೊನ್ ಗೆಲ್ಯಾರ್ ಕಿತೆಂ ಜಾಂವ್ಕ್ ಪುರೊ ? ಖಂಡಿತ್ ಚಾಂದ್ನೆ ಮ್ಹುಳ್ಲೆಂ ಆಸ್ಛೆಂ ನಾ ..! ಕಾಳೊಕಾಚೊ ಚ್ ರಾತಿಂ ಆಸ್ತೆಲ್ಯೊ .! ಮಾಗಿರ್ ದರ್ಯಾಂಚಾ ಲ್ಹಾರಾಂಚಿ ಆರ್ಭಟ್ ಪುರಾ ರಾವೊನ್ , ದರ್ಯೊ ಸಕ್ಕಡೀ almost ಶಾಂತ್ ಜಾವ್ನ್ ಆಸ್ತೆಲೆ .! ಕವಿಂಕ್ ಪುರಾ ಸೊಭಿತ್ ಚೆಡ್ವಾಂಚೆಂ ಥೊಂಡ್ ವರ್ಣನ್ ಕರುಂಕ್ "ಚಂದ್ರಮುಖಿ" ಮ್ಹುಳ್ಳೆ ಸಬ್ದ್ ಚ್ ಮೆಳ್ಚೆ ನಾಂತ್ .! ಆನ್ಯೇಕ್ ಪ್ರಮುಖ್ ಸಂಗತ್ ಮ್ಹುಳ್ಯಾರ್ , ಭೂಂಯ್ಕ್ ಅಪ್ಟಾಂವ್ಕ್ ಮ್ಹುಣ್ ಯೆಂವ್ಚಾ ಥೊಡ್ಯಾ ಉಲ್ಕೆಂಕ್ ಅಮ್ಛೊ ಚಂದ್ರ್ ವೊಡ್ನ್ ಕಾಣ್ಛೆತಾ. ತಶೆಂ ಜಾಲ್ಯಾನ್ ಚಡಾವತ್ ಭಯ್ಲ್ಯಾ ಚಿಲ್ಲಾರ್ ಅಂತ್ರಾಳ್ ಸಕ್ತ್ಯೊ ,ಚಂದ್ರಾಕ್ ವಚೊನ್ ಅಪ್ಟಾತಾತ್. ಆಮ್ಕಾಂ ಹಾಚೊ ಅಪಾಯ್ ಉಣೊ ಕರ್ತಾ ಹೊ ಚಂದ್ರ್ .!


ಸಾಂಗಾತಾಚ್ ಅನ್ಯೇಕ್ interesting ಸಂಗತ್ ಆಸಾ. ಆಜ್ ಆಮ್ಚಾ ದಿಸಾಕ್ 24 ಗಂಟೆ ಆಸಾತ್. ಮ್ಹುಳ್ಯಾರ್ ಭೂಂಯ್ಕ್ ಅಪ್ಲ್ಯಾ ಕಕ್ಷೆರ್ ಏಕ್ ಸುತ್ತು ಘುಂವೊಕ್ ಚೋವಿಸ್ ವೊರಾಂ ಜಾಯ್. ಕಿತ್ಯಾಕ್ ಇತ್ಲೊ ವೇಳ್ ಮ್ಹುಣ್ ವಿಚಾರ್ತಾತ್ ಗೀ ? ಹಾಕಾ ಕಾರಾಣ್ ಂಚ್ ಚಂದ್ರ್ . ಚಂದ್ರಾಚಿ ಗುರುತ್ವಾಕರ್ಷಣ್ ಸಕ್ತೆ ನಿಮ್ತಿಂ ಧರ್ಯಾಂತ್ ಲ್ಹಾರಾಂ ಉಛಾಂಬಳ್ ಜಾತಾನಾ , ಭೂಂಯ್ಛಾ ಘುಂವ್ಡೆಕ್ ಬ್ರೇಕ್ ಗಾಲ್ಲ್ಯಾ ಬರಿ ಜಾತಾ. ತಶೆಂ ಜಾಲ್ಲ್ಯಾನ್ ಭೂಂಯ್ ಅಪ್ಲ್ಯಾ ಘುಂವ್ಡೆಕ್ ಚೋವಿಸ್ ವೊರಾಂ ಕಾಣ್ಛೆತಾ. ಚಂದ್ರ್ ನಾತ್ಲ್ಯಾರ್ ಭೂಂಯ್ಕ್ ಅಪ್ಲ್ಯಾ ಕಕ್ಷೆರ್ ಏಕ್ ಸುತ್ತು ಘುಂವೊಕ್ ಫಕತ್ 6 ವೊರಾಂ ಪುರೊ ..! ಮ್ಹುಳ್ಯಾರ್ ಆಮ್ಛಾ ಏಕಾ ದಿಸಾಕ್ ಫಕತ್ 6 ಗಂಟೆ ಮಾತ್ರ್ ..! 6 ಗಂಟ್ಯಾಚೊ ಏಕ್ ದೀಸ್ ಆಸ್ ಲ್ಯಾರ್ ಕಿತೆಂ ಕಿತೆಂ ಜಾಂವ್ಕ್ ಪುರೊ ..? ತುಮಿಂಚ್ guess ಕರಾ ..!!


By the way ಚಂದ್ರ್ ಸಕಯ್ಲ್ ಯೆನಾ ಮ್ಹುಣ್ ತುಮ್ಕಾಂ ಖಳಿತ್ ಜಾಲೆಂ ನೇ ..? ಅಸಲೆಂ ಕಿತೆಂ ಯೀ ಘಡಿತ್ ಆಸ್ಲ್ಯಾರ್ , ತೊ ಫಕತ್ ಏಕ್ ನಾಟಕ್ ಮಾತ್ರ್ ! ಚಂದ್ರೆ ತಿರ್ತ್ , ಯೆಂಕುಲು ಮಿತ್ತ್" ಮ್ಹುಳೊ ದೇವದಾಸ್ ಕಾಪಿಕಾಡಾಚೊ ನಾಟಕ್ ...=)


********

- ಪ್ರಮೋದ್ ಹೊಸ್ಪೆಟ್

[ವಿಕೆಂಡ್ ಆವಾಜ್] ಇಂಡಿಯಾಚಿ ವಾಸ್ತಾವಿಕತಾ ಮ್ಹುಳ್ಯಾರ್ ಸ್ಲಮ್ಮಾಂತ್ ಆಸ್ಚಾ ಇನ್ಫೋಸಿಸಾ ಬರಿ ಗೀ..?

(1)

" ತುಮಿ Old Delhi ವಚುನ್ ಜಾಮಾ ಮಶೀದಿಚಾ ಪಾಟ್ಲ್ಯಾನ್ ವಚುನ್ ಥಂಯ್ ಆಸ್ಚಾ ಕುಂಕ್ಡಾಂಚಿ ಮಾರ್ಕೆಟ್ ಪಳೆಯಾ ! ಇತ್ಲ್ಯಾ ಲ್ಹಾನ್ ಗುಡಾಂತ್ ಶೆಂಬೊರಾ ವಯ್ರ್ ಕುಂಕ್ಡಾಂಕ್ ಚಿಡ್ಡುನ್ ದವರ್ನ್ ಆಸಾತ್ ಥಂಯ್. ಉಸ್ವಾಸ್ ಸೊಡುಂಕ್ ಚ್ ತಾಂಕಾ ಭಾರಿ ಕಷ್ಟ್ ಜಾತಾ. ತ್ಯಾ ಕುಂಕ್ಡಾ ಮುಖಾರ್ ಚ್ ಕಸಾಪಿ ಅಪ್ಲಿ ಕೊಯ್ತಿ ಕಾಣ್ಘೆವ್ನ್ ಏಕ್ಯೇಕ್ ಕುಂಕ್ಡಾಂಚಿ ಶಿರ್ ಕಾಪ್ತಾ. ಅಪ್ಲ್ಯಾ ಭಾವಾಂಚೆ ಮಾಸಾಚೆ ಕುಡ್ಕೆ , ರಗತ್ ಹೆವ್ಶಿನ್-ತೆವ್ಶಿನ್ ಶಿಂಪ್ಡೊನ್ ಆಸ್ಚೆಂ ಪಳೆವ್ನ್ ಯೀ , ಮುಖಾರ್ ಮ್ಹುಜಿ ಗತ್ ಯೀ ಆಶಿತ್ ಮ್ಹುಣ್ ಖಳಿತ್ ಆಸ್ಲ್ಯಾರ್ ಯೀ ಬಾಕಿಚಿಂ ಕುಂಕ್ಡಾಂ ಪ್ರತಿಭಟನ್ ಕರಿನಾಂತ್. ಗುಡಾಂ ಥಾವ್ನ್ ಭಯ್ರ್ ದಾವೊಂಕ್ ಯೀ ಮನ್ ಕರಿನಾಂತ್ ! "


"ಇಂಡಿಯಾಂತ್ ಮನ್ಶ್ಯಾಂಚಿ ಯೀ ಅಸಲ್ಲಿಚ್ ಗತ್.." ... ಆಶೆಂ ಮ್ಹುಣ್ ಬೂಕರ್ ಪ್ರಶಸ್ತಿ ಜೋಡ್ ಲ್ಲ್ಯಾ, ಅಪ್ಲ್ಯಾ "The white tiger" ಬೂಕಾರ್ ಬರಯ್ತಾ ಅಮ್ಚೊ ಅಡಿಗಾ .....

(2)

ತುಮಿ ಕಸಲ್ ಯೀ ಏಕ್ ಬಾಲಿವುಡ್ ಯಾ ಟೊಲಿವುಡ್ ಯಾ ಸ್ಯಾಂಡಲ್ ವುಡ್ ಮೂವಿ ವರ್ನ್ ಇಂಡೊನೇಷಿಯಾಚಾ ಏಕಾ ಹಳ್ಳೆಚಾಕ್ ಪಳೆಂವ್ಕ್ ದಿಯಾ. ಮೂವಿ ಪಳೆಯ್ತಾಲೊ ಇಂಡಿಯಾ ಮ್ಹುಳ್ಯಾರ್ ಕಿತೆಂ ಮ್ಹುಣ್ ಚಿಂತುಂಕ್ ಆಸೊಂಕ್ ಪುರೊ ? . ಮೂವಿಂತ್ ಏಕ್ ಹಿರೋ ಆಸ್ತಾ. ತಾಕಾ ಏಕ್ ಬಂಗ್ಲೊ ಆಸ್ತಾ. ಯಾ ಹಿರೋಯಿಣಿಕ್ ಯಿ ಏಕ್ ವಡ್ಲೊ ಬಂಗ್ಲೊ ಆಸ್ತಾ. ಕಾರ್ , ಬೈಕ್ ಅಂತಸ್ತ್ ಆಸ್ತಾ. ಸೊಭಿತ್ ಸೊಭಿತ್ ಪುಲಾಂಚೆ ತೋಟ್ ಆಸ್ತಾ. ರೂಕ್ ಘುಂವ್ಚೆ ದ್ರಶ್ಯ್ ಯೀ ಆಸ್ತಾ. ಫಿಲ್ಮ್ ಪಳೆಯ್ಲೊ ಮನಿಸ್ ಚಿಂತಾ... "ಹೊ ಇಂಡಿಯಾ ಪಳೆ ಕಿತ್ಲೆಂ ಸೊಭಿತ್ ಆಸಾ ಆನಿಂ ಆಮ್ಚ್ಯಾಕೀ ಮುಖಾರ್ ಆಸಾ..!!!".

(3)

" ನ್ಯೂಟನಾಕ್ ಏಕ್ ಎಪ್ಪಲ್ ಪಡ್ತಾನಾ ಗುರುತ್ವಾಕಷಣ್ ಸಕತ್ ಆಸಾ ಮ್ಹುಣ್ ಕಳಿತ್ ಜಾಂವ್ಚಾ ಏಕ್ ಹಜಾರ್ ವರ್ಸಾ ಪಯ್ಲೆಂಚ್ ಇಂಡಿಯಾಚಾನೀ ಹ್ಯಾ ಸಕ್ತಿಂ ವಿಶಿಂ ಸಂಸೋಧ್ ಕೆಲ್ಲೊ. ಹಿಂ ರೊಕೆಟಾಂ, ವಿಮಾನಾಂ ಪುರಾ ಹಜಾರ್ ವರ್ಸಾಂ ಪಯ್ಲೆಂಚ್ ಇಂಡಿಯಾಗಾರಾನಿಂ ಉಬಾಯ್ಲಿಂ. ಮಾಗಿರ್ ಹೆಂ ಕಂಪ್ಯೂಟಾರ್ , ಇಂಟರ್ನೆಟ್ ಸಂಸೋಧ್ ಕರುಂಕ್ ಆಮಿಂಚ್ ಕಾರಾಣ್. ಆರ್ಯಭಟನ್ ಖಂಯ್ ಪುಣೀ ೦ ಸೊಧುನ್ ಕಾಡಿನಾತ್ಲ್ಯಾರ್ ಆಜ್ ಕಂಪ್ಯೂಟಾರಾಂ ಆಸ್ತಿಂ ಗೀ ....?? " ಆಶೆಂ ಮ್ಹುಣ್ ಬೂಕ್ ಬರಯ್ಲೆ ಸಬಾರ್ ಆಸಾತ್ ಆಮ್ಚೆ ಉಜ್ವಾ ಪಂಥಾಚೆ ದೇಶ್ ಭಕ್ತ್..!!

(4)

ಸ್ಲಮ್ ಡೋಗ್ ಮಿಲಿಯಾನೆರ್ ಫಿಲ್ಮ್ ಪಳೆವ್ನ್ ಥೊಡೆ ಇಂಡಿಯಾಚೆಚ್ ಅಜ್ಯಾಪಾನ್ "ಓ..! ಇಂಡಿಯಾಂತ್ ಆಸೆಂಯ್ ಆಸಾಗೀ ..!!?" ಮ್ಹುಣ್ ಉದ್ಗಾರುನ್ ಲಾಗ್ಲೆ. ತರ್ ಅಸ್ತಮೆಚಾ ದೇಶಾಂಚೊ ಲೋಕ್ ಬೊಂಬೈಚೆಂ ಧಾರವಿ ಸ್ಲಮ್ ಪಳೆವ್ನ್ ಕಿತೆಂ ಚಿಂತುಂಕ್ ಆಸಾ..!! ?? . ತಾಂಚಾ ಮದ್ಲಿಂ ಸಭಾರಾಂ "ಸೋಮಾಲಿಯಾಂತ್ ಯೀ ಆಶೆಂ ನಾ ನೇ..?? stone age ೦ತ್ ಯೀ ಆಶೆಂ ಆಸ್ ಲ್ಲೆಂ ಗೀ..!? " ಮ್ಹುಣ್ ವಿಜ್ಮಿತ್ ಜಾಂವ್ಕ್ ಪುರೊ ..!!


                                *******


ವಯ್ಲಿಂ ಚಾರ್ ಘಡಿತಾಂ ಪಳೆಯಾ. ತುಮ್ಕಾಂ ಪಳೆಂವ್ಕ್ ಮೆಳ್ಚೆಂ ಏಕ್ ವಾಸ್ತಾವಿಕತಾ ಆನ್ಯೇಕ್ ಕಾಲ್ಪನಿಕತಾ. ಆಡಿಗಾಚೊ The white tiger ಬೂಕ್ ತುಮಿ ವಾಚ್ಲ್ಯಾರ್ , ತಾಂತು ತುಮ್ಕಾಂ ಚಡಿತ್ ಕಾಂಯ್ ದಿಸಾನಾ. ತಾಣೆ ಬರಯ್ಲಿ ಫಕತ್ ಏಕ್ simple ಕಾದಂಬರಿ. ಪುಣ್ ತಾಣೆಂ ತಾಂತುಂ ಇಂಡಿಯಾಚಿ ವಾಸ್ತವಿಕ್ ಸ್ಥಿತಿ ಆಸ್ ಲ್ಲ್ಯಾ ಬರಿಚ್ ಸಾಂಗ್ಲ್ಯಾ. ತಾಕಾ ಬೂಕರ್ ಪ್ರಶಸ್ತಿ ಮೆಳ್ಳಿ ಫಕತ್ ತಿತ್ಲ್ಯಾ ಕಾರಣಾಕ್ .! ಅರುಂಧತಿ ರಾಯ್ , ವಿ.ಎಸ್. ನೈಪಾಲಾಕ್ ಯೀ ಹೊ ಮಾನ್ ಮೆಳ್ಳೊ ತಾಂಚಾ ವಾಸ್ತಾವಿಕ್ ಸಂಗ್ತಿಂಕ್ ಲಾಗ್ಗಿಂ ಆಸ್ ಲ್ಲ್ಯಾ ಲಿವ್ರಾಕ್. ಸ್ಲಮ್ ಡೋಗ್ ಮಿಲಿಯಾನೆರ್ ಮ್ಹುಳ್ಯಾ ಫಿಲ್ಮಾಕ್ ಇತ್ಲಿ ಯೀಂ ಅಕೆಡಾಮಿ ಇನಾಮಾಂ ಮೆಳ್ಳಿಂ ಫಕತ್ ತಾಂತುಂ ದಾಕಾಯ್ಲ್ಯಾ ವಾಸ್ತಾವಿಕ್ ಘಡಿತಾಂಕ್. Reel ಲೈಫಾಚಾಕೀ Real ಲೈಫ್ ಚ್ ಊಂಚ್ ನೇ ..?


ಪುಣ್ ಉಜ್ವಾ ಪಂಥಾಂಚಾ ದೇಶ್ ಭಕ್ತಾಂಕ್ ಹೆಂ ಪುರಾ ಸೊಸುಂಕ್ ಜಾಯ್ನಾ. ತಾಂಚಾ ಪ್ರಕಾರ್ ಇಂಡಿಯಾಕ್ ದುರ್ಸೊನ್ ಬರಯ್ಲ್ಯಾರ್ ಯಾ ಫಿಲ್ಮ್ ಕೆಲ್ಯಾರ್ , ಪ್ರಶಸ್ತ್ಯೊ ಗ್ಯಾರಂಟಿ ಖಂಯ್ .! ಹಾಂತುಂ ಕಿರಿಸ್ತಾಂವ್ ಮಿಶಿನರಿಚೊ ಪಾತ್ರ್ ಆಸಾ ಖಂಯ್ ! ಗೆಲೆತ್ಯಾ ದಿಸಾನಿಂ ಹೆ ದೇಶ್ ಭಕ್ತ್ ಹ್ಯಾ ವಿಶಿಂ ಭರನ್ ಅಪಪ್ರಚಾರ್ ಕರ್ನ್ ಆಸಾತ್. ಇಂಡಿಯಾ ಮ್ಹುಳ್ಯಾರ್ ಫಕತ್ ಇನ್ಪೊಸಿಸ್ ಮಾತ್ರ್ ಗೀ ? ಇಂಡಿಯಾ ಮ್ಹುಳ್ಯಾರ್ ಫಕತ್ ಪ್ರೊರ್ಬ್ಸ್ ಪಟ್ಟೆಂತ್ ಆಯಿಲ್ಲೆ ಆಮ್ಚೆ ಬಿಲಿಯಾನೆರ್ ಮಾತ್ರ್ ಗೀ ? ಇಂಡಿಯಾ ಮ್ಹುಳ್ಯಾರ್ ಏಕ್ ಚಂದ್ರಯಾನ್ ಮಾತ್ರ್ ಗೀ? ಭಿರ್ಮತ್ ತಾಂಚಿ...!! ಅಫ್ರಿಕಾಂತ್ ಆಸ್ಚಾ ಇತ್ಲ್ಯಾಯೀ ದೇಶಾಂಚಾ ದುಬ್ಳ್ಯಾ ಲೋಕಾಚಾಕೀ ಚಡ್ lಏಕ್ ಪಾವ್ಟಿಂ ಯೀ ಜೇಂವ್ಕ್ ನಾತ್ ಲ್ಲೊ ಲೋಕ್ ಫಕತ್ ಆಮ್ಚಾ ಉತ್ತರ್ ಭಾರತಾಂತ್ ಆಸಾ ..! . ಹೊ ಸಮಸ್ಸೊ ಕಸೊ ಪರಿಹಾರ್ ಕರ್ಚೊ ಮ್ಹುಣ್ ಪಯ್ಲೆಂ ಚಿಂತ್ಚೆಂ ಸೊಡ್ನ್ ದುಸ್ತ್ರಾಂ ವಯ್ರ್ ಕಿತ್ಯಾಕ್ ಬೊಟ್ ದಾಕಾಂವ್ಚೆಂ ..!


                                      ********


ಬೆಂಗ್ಳೂರಾಂತ್ ಆಸ್ಚೆಂ ಇನ್ಫೋಸಿಸಾಚೆಂ ಕೇಂದ್ರ್ ಸ್ಥಾನ್



ಬೆಂಗ್ಳೂರ‍್ಚಾ ಇಲೆಕ್ಟ್ರೊನಿಕ್ ಸಿಟಿಂತ್ ಇನ್ಫೊಸಿಸಾಚೆಂ Headquarters ಆಸಾ. ಥಂಯ್ ಅಬ್ಬಾಬ್ಬಾ.. ಮ್ಹುಣ್ಚೆ ತಸಲಿಂ ವಿಚಿತ್ರ್ ಬಿಲ್ಡಿಂಗಾ ಚಡಯ್ಲ್ಯಾಂತ್ ತಾಣಿಂ. ಥಂಯ್ ಥಾವ್ನ್ ಸಿಲ್ಕ್ ಬೋರ್ಡಾ ಮ್ಹುಣಾಸರ್ elevated express highway ಆಸಾ. ಪಯ್ಲೆಂ ಪುರಾ ತಾಜ್ ಮಹಲ್ ಪಳೆಂವ್ಕ್ ಯೆತಾಲೆ ವಿದೇಶಿ ಪುಡಾರಿ ಆತಾಂ ಜರೂರ್ ಇಲೆಕ್ಟ್ರೊನಿಕ್ ಸಿಟಿಕ್ ಏಕ್ ಭೆಟ್ ದಿತಾತ್. ಪುಣ್ ಹಕೀಗತ್ ಪಳೆಯಾ, ಹ್ಯಾ ಬಿಲ್ಡಿಗಾಂಕ್ ಲಾಗೊವ್ನ್ ಆಸ್ ಲ್ಲ್ಯಾ ಬರಿಚ್ ಕೊನ್ನಪನ ಅಗ್ರಹಾರ ಸ್ಲಮ್ ಆಸಾ. ! ವಿದೇಶಿ ಸಯ್ರ್ಯಾಂಕ್ ಎಕಾಚ್ ಜಾಗ್ಯಾರ್ ಇಂಡಿಯಾಚೊ ದೋನ್ ಕುಶಿ ಪಳವ್ಯೇತ್. ಏಕ್ ಕೊರ್ಪೊರೇಟ್ ಇಂಡಿಯಾಚೊ ದರ್ಭಾರ್ ಆನ್ಯೇಕ್ ದುರ್ಬಳ್ಯಾಚೆಂ ಹಣೆಬರಪ್ .!


ಇನ್ಪೋಸಿಸಾ ಮುಖಾರ್ ಸ್ಲಮ್ ಆಸಾ ಮ್ಹುಣ್ ಬರಯ್ಲ್ಯಾರ್ ಯಾಥಾ ಪ್ರಕಾರ್ ಆಮ್ಚಾ ಉಜ್ವಾ ಪಂಥಾಂಚಾ ದೇಶ್ ಭಕ್ತಾಂಕ್ ಬೇಜಾರ್ ಜಾತಾ ಆನಿಂ ತಿ ಏಕ್ ಮಿಶಿನರಿಂಚಿ ಘುಟ್ಮಳ್ ಮ್ಹುಣ್ತಾತ್. ಹ್ಯಾ ಸ್ಲಮಾಚಾ ಲೋಕಾಂ ಖಾತಿರ್ ಕೊರ್ಪೊರೇಟ್ ಇಂಡಿಯಾನ್ ಯೀ ಕಾಂಯ್ ಕರುಂಕ್ ನಾ ಯಾ ಸರ್ಕಾರಾನಿ ಯೀ. ಉಜ್ವಾ ಪಂಥಾಂಚಾ ದೇಶ್ ಭಕ್ತಾಂಕ್ ತ್ಯಾ ವಿಶಿಂ ಪಡೊಂಕ್ ಚ್ ವಚುಂಕ್ ನಾ. ಕಿರಿಸ್ತಾಂವಾನಿಂ ಮ್ಹುಣಿ ಹ್ಯಾ ಲೋಕಾಚಿ ಪಾಪ್ ಭಿರ್ಮತ್ ಪಳೆವ್ನ್ ಹಾಂಕಾಂ ಕುಮಕ್ ಕರ್ಯಾಂ ಮ್ಹುಣ್ ಗೆಲ್ಯಾರ್ ಮತಾಂತರ್ ಕರುಂಕ್ ಆಯ್ಲ್ಯಾತ್ ಮ್ಹುಣ್ ವಡ್ಲೊ ಗಲಾಟೊ ಕರ್ತಾತ್ . !


ತರ್ ಕಿತೆಂ ಬರಯ್ಲ್ಯಾರ್ ಕಾಲ್ಪನಿಕ್ ಸಂಸಾರಾಚೆರ್ ಚ್ ಬಾಂಧೊ ಚಡಾಂವ್ಚಾ ಹ್ಯಾ ಉಜ್ವಾ ಪಂಥಾಂಚಾಕ್ ಖುಶಿ ಜಾಯ್ತ್ .? ಇನ್ಪೋಸಿಸಾ ಮುಖಾರ್ ಸ್ಲಮ್ ಆಸಾ ಮ್ಹುಣ್ಚಾ ಬದ್ಲಾ ಸ್ಲಮ್ಮಾಂ ತ್ ಚ್ ಇನ್ಫೊಸಿಸ್ Headquarters ಆಸಾ ಮ್ಹುಳ್ಯಾರ್ ಏಕಾ ನಮೂನೆಚೆಂ ಸಮಧಾನ್ ತಾಂಕಾಂ .! ರಜನಿ ಅಭಿಮಾನಿಂಕ್ ಎಂದಿರನ್ ಫಿಲ್ಮ್ ಪಳೆಯ್ತಾನಾ ಮೆಳ್ಚಾ ಕಿಕ್ಕಾ ಬರಿ .! ಪುಣ್ ಏಕ್ ಖಚಿತ್. ವಾಸ್ತವ್ ಯಿ ಜಾಂವ್ ಯಾ ಕಾಲ್ಪನಿಕ್. ಪುಣ್ ಸ್ಲಮ್ ಸಾಂಗಾತಾಚ್ ಆಸಾ. ನಿರಾಕರಣ್ ಕರುಂಕ್ ಜಾಯ್ನಾತ್ಲೆಂ ಸತ್ ತೆಂ. ! ಆನಿಂ ವಾಸ್ತಾವ್ ಯೀ....!!


 ********


-ಪ್ರಮೋದ್ ಹೊಸ್ಪೆಟ್

[ವಿಕೆಂಡ್ ಆವಾಜ್] hate , ರೇಟ್ ಆನಿಂ ಡಾಕ್ಟರೇಟ್ .... !!

ಡಾಕ್ಟರೇಟ್ .!. ತುಮಿಂ ರೇಟ್ ಕಿತ್ಲಿ ಮ್ಹುಣ್ ವಿಚಾರುನ್ ಆಸಾತ್ ಗೀ ? ಖಂಡಿತ್ ತೀನ್ ನಮೂನೆಚೆ ದೊತೊರ್ ಆಸಾತ್ ಹ್ಯಾ ಸಂಸಾರಾಂತ್ ..! ರೇಟಿ ವಿಶ್ಯಾಂತ್ ನ್ಹಂಯ್ ..! ಫಕತ್ ವಾಸ್ತಾವ್ ಜಾವ್ನ್ Dr. , Dr I ಆನಿಂ Dr II... ಮ್ಹುಳ್ಳೆ ತೀನ್ ನಮೂನೆಚೆ ದೊತೊರ್!. ಮ್ಹಕಾ ಖಳಿತ್ ಆಸ್ ಲ್ಯಾ ಬರಿ ಹ್ಯಾ ತೀನ್ ನಮೂನ್ಯೆಚಾ ದೊತೊರಾಂ ಥಂಯ್ ಮಸ್ತ್ ವ್ಯತ್ಯಾಸ್ ಅಸಾ. ಡಾ. ಮ್ಹುಣ್ ಫಕತ್ ಏಕ್ dot ಗಲ್ಲೊ ದೊತೊರ್ ಮ್ಹುಳ್ಯಾರ್ ತೊ ಮೆಡಿಕಲ್ ಶಿಕ್ ಲ್ಲೊ. . ಡಾ I ಮ್ಹುಣ್ ಏಕ್ ಗೀಟ್ ಗಾಲ್ನ್ ಆಸ್ಚೆ ದೊತೊರ್ ಮ್ಹುಳ್ಯಾರ್ ತೆ Phd. ಕೆಲ್ಲೆ ಮ್ಹುಣ್ . ಆಮ್ಚ್ಯಾ ಸಾಂ ಲೂಯಿಸ್ ಕೊಲೆಜಿಂತ್ ಆಸಲೆ ಮಸ್ತ್ ದೊತೊರ್ ಆಸಾತ್. ಮಾಗಿರ್ ಏಕ್ ನಮೂನೆಚೆ ದೊತೊರ್ ಆಸಾತ್ . ತೆ ದೋನ್ ಗಿಟಾಂಚೆ . ಡಾ II ಯಡಿಯೂರಪ್ಪಾ, ಡಾ .II ದೇವೆಗೌಡ, ಡಾ .II ರಾಜ್ ಕುಮಾರ್ ..... ಅಸಲೆ ಸಬಾರ್ ದೋನ್ ಗೀಟಾಂಚೆ ದೊತೊರ್.ಮ್ಹುಳ್ಯಾರ್ ಖಂಚಾಯೀ ಯೂನಿವರ್ಸಿಟಿಂತ್ ಘೆಂವ್ಚೆಂ ಗೌರವ್ ದೊತೊರ್ಪಣ್ .! ಏಕಾ ಇಂಡಿಯಾಚಾ ಮಟ್ಟಾಕ್ ಮ್ಹುಣೀ ಏಕಾ ಗೀಟಾಂಚಾ ಆನಿಂ ದೋನ್ ಗೀಟಾಂಚಾ ದೊತೊರ್ಪಾಣಾಕ್ ಏಕ್ ವಡ್ಲಿ ಮಾರ್ಕೆಟ್ ಆಸಾ. ಮ್ಹುಳಾರ್ ಪಯ್ಸ್ಯೆ ಆಸ್ಲ್ಯಾರ್ ಇಂಡಿಯಾತ್ ಏಕ್ ಯಾ ದೋನ್ ಗೀಟಾಂಚಿ ಡಾಕ್ಟರೇಟ್ ಜರೂರ್ ವಿಕ್ರ್ಯಾಪಾಕ್ ಆಸಾ ..!!

ಚಿದಾನಂದ ಮೂರ್ತಿ

                                       *********

ಇತ್ಲ್ಯಾಕೀ ಹ್ಯಾ ವಿಶಿಂ ಬರಂವ್ಕ್ ಕಾರಣ್ಂಚ್ ಡಾ I ಚಿದಾನಂದ ಮೂರ್ತಿ. ಕಾನಡಿಚೆ ಮಹಾನ್ ಸಂಸೋದ್ ಕಾರ್ ತೆ !( ಏಕಾ ಕಾಳಾರ್ ..!! ??) ...ಹ್ಯಾ ಮನ್ಸ್ಯಾಕ್ ದೋನ್ ಗೀಟಾಂಚೆಂ ದೊತೊರ್ಪಣ್ ದಿತಾಂ ಮ್ಹುಣ್ ಭಯ್ರ್ ಸರ್ ಲ್ಲೆಂ ಬೆಂಗ್ಳೂರ್ ವಿಶ್ವವಿಧ್ಯಾನಿಲಯ್. ಸಾಂಗ್ ಲ್ಯಾ ಬರಿ ಏಕಾ ಗೀಟಾಚೆಂ ಡಾಕ್ಟರೇಟ್ ಹಾಣೆಂ ಯೆದೊಳ್ ಚ್ ಅಪ್ಣಾಯ್ಲ್ಯಾ . ಏಕಾ ಗೀಟಾಚಾ ದೊತೊರ್ಪಣಾಕ್ ಖಂಡಿತ್ ಅರ್ಹ್ ಜಾಲ್ಲೊ ತಾಚೊ ಪ್ರಬಂಧ್ . ತ್ಯಾ ವಿಶಿಂ ಖೊಡಿ ಕಾಡ್ಲ್ಯಾರ್ ಅಮ್ಚಿಚ್ ವಡ್ಲಿ ಚೂಕ್ ಜಾಂವ್ಕ್ ಪುರೊ. ಪುಣ್ ದೋನ್ ಗೀಟಾಂಚೆಂ ಮಾನಾಚೆಂ ದೊತೊರ್ಪಣ್ ಘೆತಾನಾ ಫಕತ್ "ಪ್ರತಿಭಾ" ಮಾತ್ರ್ ಲೇಕಾಕ್ ಯೆನಾ. ದೋನ್ ಗೀಟಾಂಚಿ ಡಾಕ್ಟರೇಟ್ ದಿತಾನಾ ತ್ಯಾ ವ್ಯಕ್ತಿಕ್ ದೇಶಾಚಾ ಸವಿಂದಾನ ವಯ್ರ್ ವಡ್ಲಿ ಅಭಿಪ್ರಾಯ್ ಆಸಾಜೆ. ಜಾತ್ಯಾತೀತ್ ಮನೋಭವ್ ಆಸಾಜೆ. Simple example ಮ್ಹುಳ್ಯಾರ್ , ಚಿಂತ್ಯಾಂ ನ್ಯೂಟಾನ್ ಮ್ಹುಳ್ಯಾ ಮಹಾನ್ ವಿಗ್ಯಾನಿಕ್ ಏಕಾ ಗಿಟಾಂಚಿಂ ಡಾಕ್ಟರೇಟ್ ಮೆಳ್ಳಿ. ಏಕಾ ಗೀಟಾಚಾ ದೊತೊರ್ಪಾಣಾಕ್ ತಾಚಾ ತಿತ್ಲೊ ಆರ್ಹ್ ಮನಿಸ್ ದುಸ್ರೊ ಹ್ಯಾ ಸಂಸಾರಾಂತ್ ಯೇಂವ್ಕ್ ನಾ. Suffose , ನ್ಯೂಟನಾನ್ ಏಕ್ ರೇಪ್ ಕೆಲಾಂ ಮ್ಹುಣ್ ಚಿಂತ್ಯಾಂ. ತಾಕಾ ಖಂಚಾಯೀ ಯೂನಿವರ್ಸಿಟಿನಿಂ ಮಾನದಿಕ್ ದೋನ್ ಗೀಟಾಂಚೆಂ ದೊತೊರ್ಪಣ್ ದಿಲ್ಯಾರ್ ಸಮಾ ಜಾತಾಗೀ ? ಖಂಡಿತ್ ನ್ಹಂಯ್ . ಮ್ಹುಳ್ಯಾರ್ , ಹರತಾಳು ಹಾಲಪ್ಪಾಕ್ , ಏಕ್ ಗೌರವಾನ್ವಿತ್ ದೊತೊರ್ಪಣ್ ದಿಲ್ಯಾರ್ ಸಗ್ಳೊ ಕರ್ನಾಟಕಚ್ ಪ್ರತಿಭಟನ್ ಕರಿನಾಂಗಿ ? ತ್ಯಾಚ್ ಹಾಲಾಪ್ಪಾನ್ "ರೇಪ್ ಕರ್ಚೆಂ ಕಶೆಂ ? " ಮ್ಹುಣ್ ಏಕ್ ಆದ್ಬುತ್ ಪ್ರಬಂಧ್ ಬರವ್ನ್ ಡಾಕ್ಟರೇಟ್ ಘೆತ್ಯ್ಲಾರ್ ಆಮ್ಕಾಂ ಕಾಂಯ್ problem ನಾ. ಏಕಾ ಗೀಟಾಂಚಾ ಆನಿಂ ದೋನ್ ಗೀಟಾಂಚಾ ದೊತೊರ್ಪಣಾಂಕ್ ಆಸ್ಚೊ difference ತಿತ್ಲೊಚ್ ..!!


                                        ********


ಇತ್ಲ್ಯಾಕೀ ಹ್ಯಾ ಮ್ಹಾತಾರೊ ಮೂರ್ತಿಕ್ ಬೆಂಗ್ಳೂರ್ ಯೂನಿವರ್ಸಿಟಿಂತ್ ಗೌರವ್ ದೊತೊರ್ಪಾಣ್ ದಿತಾ ಮ್ಹುಣ್ತಾನಾ, ಪಯ್ಲ್ಯಾನ್ ಪಯ್ಲೊ ಆಕ್ಷೇಪ್ ಕೆಲ್ಲೊಚ್ ಆಮ್ಚೊ ಗೌರ್ನರ್ ಭಾರದ್ವಜನ್. ತಾಕಾಯೀ ಕಾರಣ್ ಆಸಾ. ಸೋಮಾಶೇಕರ್ ಮ್ಹುಳ್ಯಾ out dated ಜಡ್ಜನ್ , ಕೇಶವ್ ಕ್ರಪಾನ್ ಗಾಲ್ಯೊ ಬಿಸ್ಕುಟ್ಯೊ ಗೀಳ್ನ್, ಹೆ ಕಿರಿಸ್ತಾಂವ್ ಬಲತ್ಕಾರ್ ಮತಾಂತರ್ ಕರ್ತಾತ್, ಹಾಂಕಾಂ ವಿದೇಶೀ ಪಯ್ಸೊ ಯೆತಾ., ಮತಾಂತರ್ ನೀಶೇದ್ ಕರಿಜೆ, ಆಶೆಂ ತಶೆಂ ,ಮ್ಹುಣ್ ಸಜ್ಜಿಗೆ ಬಾಜಿಲ್ ವರ್ದಿ ದಿಲ್ಲಿ. ಹಿ ವರ್ದಿಚ್ ಭಾಗವತ್ ಗೀತಾ ಮ್ಹುಣ್ ಪಾಟಿಂಬೊ ದಿಲ್ಲೊಚ್ ಪಯ್ಲ್ಯಾನ್ ಪಯ್ಲೆಂ ಹ್ಯಾ ಮೂರ್ತಿನ್. ಅಸಲೆಂ ವೀಕ್ ವೊಂಕ್ಚಾ ಮೂರ್ತಿಕ್ ಕಿತ್ಯಾಕ್ ದೋನ್ ಗೀಟಾಂಚೆ ಮ್ಹಾನ್ ದೀಜೆ? ಆಶೆಂ ಮ್ಹುಣ್ ಥೊಡ್ಯಾ ವಿಚಾರ್ ವಾದಿನಿಂ ಭಾರದ್ವಜಕ್ ಖಳಿತ್ ಕರ್ತಾನಾ, ಹ್ಯಾ ದೋನ್ ಗೀಟಾಂಕ್ stay ಕೆಲ್ಲೆಂಚ್ ಆಮ್ಚ್ಯಾ ರಾಜ್ಯಪಾಲನ್. ಮ್ಹುಜಾ ಲೇಖಾರ್ ಹೆಂ ಏಕ್ dynamic ನಿರ್ಣಯ್. ಚಡ್ಡೇಂಗಾರಾಂಚೊ ಚ್ ಅಂತಿಮ್ ನಿರ್ಣಯ್ ಆನಿಂ ತಾಂಚೆಚ್ ಸರ್ಕಾರ್ ಆಸ್ತಾನಾ ಭಾರದ್ವಜನ್ ಕಾಣ್ಗೆಲ್ಲೊ ,ಹೊ ನಿರ್ಣಯ್ really great ! . ಪುಣ್ ಜಾಲೆಂ ಕಿತೆಂ ?

                              ********
ಗೆಲೆತ್ಯಾ ಕಾನಡಿ ಸಾಹಿತ್ಯ್ ಸಮ್ಮೇಳನಕ್ ಹಾಂವ್ ಪಾವುಲ್ಲೊಂ. ಮೂರ್ತಿಕ್ ದೋನ್ ಗೀಟಾಂಚೊ ಸಮ್ಮಾನ್ ಕರಿಜೆಚ್ ಮ್ಹುಣ್ ಹ್ಯಾ ಸರ್ವ್ ಸಾಹಿತಿನಿಂ ಇತ್ಲೊ ಒತ್ತಾಯ್ ಕರ್ತಾನಾ ಮ್ಹಕಾ ಥೊಡೆಂ surprise ಆನಿಂ ಥೊಡೆಂ ಬೇಜಾರ್ ಜಾಲ್ಲೆಂ. ಕಿತ್ಯಾಕ್ ಮ್ಹುಳ್ಯಾರ್, ಕಾನಾಡಿ ಸಾಹಿತಿ ಅನಂತ್ ಮೂರ್ತಿನ್ಂಚ್ , ಚಿದಾನಂದ ಮೂರ್ತಿಕ್ ದೋನ್ ಗೀಟಾಂಚೊ ಮಾನ್ ದಿಜೆ ಮ್ಹುಣ್ ನಿಸ್ವಾರ್ಥ್ ಪಣಾಂನ್ ಉಲೊ ದಿಲೊ. ಬರಗೂರು ರಾಮಚಂದ್ರಪ್ಪಾಯೀ , ಹ್ಯಾ ಮೂರ್ತಿಕ್ ಅತಾಂ ಪಿರಾಯ್ ಜಾವ್ನ್ ಮಾಂಡೊ ಪಾಡ್ ಜಾಲ್ಯಾರ್ ಯೀ ತಾಕಾ ಮಾನ್ ಮೆಳ್ಚಾಕ್ ಆಡಾಂವ್ಚೆಂ ಬರೆಂ ನ್ಹಂಯ್ ಮ್ಹುಳೆಂ. ತಿಚ್ ಅಭಿಪ್ರಾಯ್ ಚಂಪಾ ಚಿಯೀ ಜಾವ್ನ್ ಆಸ್ ಲ್ಲಿ. ಪುಣ್ ಬಾಕಿಚೆ ಸಾಹಿತಿ ಪುರಾ ಚಡ್ಡೇಂಗಾರಾಂಚಿ ಬಿಸ್ಕೊಟ್ಯೊ ಕಾವ್ನ್ , ಶಿಮ್ಟಿ ಹಾಲಾಂವ್ಚ್ಯಾ ಪೇಟ್ಯಾಂ ಬರಿ , ಗೌರ್ನಾರ್ ಬಾರದ್ವಜಾಕ್ ಚ್ ಗಡಿಪಾರ್ ಕರಿಜೆ ಮ್ಹುಣ್ ಬೋಬ್ ಗಾಲುಂಕ್ ಲಾಗ್ಲೆ. ಇತ್ಲ್ಯಾಯೀ ಸಾಹಿತಿಂ ಮಧೆಂ , ಹ್ಯಾ ನಿರ್ಣಯಕ್ ವಿರೋಧ್ ಕರ್ಚೆಂ ಧಯ್ರ್ ಕೆಲೆಂ ಮ್ಹುಳ್ಯಾರ್ ಏಕಾ ಪಾಟೀಲಾ ಪುಟ್ಟಪ್ಪಾನ್ ಮಾತ್ರ್ ..!


                        *******

ಕಿರಿಸ್ತಾಂವ್ ಚ್ ವಡ್ಲೆ ಕೋಮುವಾದಿ ಖಂಯ್ ... ಮುಣ್ತಾ ಮೂರ್ತಿ..!!

    


ಹ್ಯಾ ಕಾನಾಡಿ ಸಾಹಿತ್ಯ್ ಸಮ್ಮೇಳಾನಾಂತ್ ,ರಾಜ್ಯಪಾಲಾಕ್ ಬಹಿಶ್ಕಾರ್ ಘಾಲ್ನ್, ಮೂರ್ತಿಕ್ ದೋನ್ ಗೀಟಾಂಚೊ ಮಾನ್ ದಿಜೆ ಮ್ಹುಣ್ ಹ್ಯಾ ಇತ್ಲ್ಯಾಯೀ ಸಾಹಿತಿನ್ ನಿರ್ಣಯ್ ಕೆಲೊ. ಕಾನಾಡಿ ಕಿರಿಸ್ತಾಂವ್ ಮ್ಹುಣ್ ಥೊಡ್ಯಾನಿಂ ಬೋರ್ಡ್ ಘಾಲ್ನ್ ಮೂರ್ತಿಕ್ ಡಾಕ್ಟರೇಟ್ ದೀಜೆಚ್ ಮ್ಹುಣ್ ಪ್ರತಿಭಟನ್ ಯೀ ಕೆಲೆಂ. ಇತ್ಲೆಂ ಪುರಾ ಪ್ರತಿಭಟನ್, support ಮೆಳ್ಳ್ಯಾ ನಿಮ್ತಿಂ ಕಡ್ಯೇಕ್ ಯೀ ಮೂರ್ತಿಕ್ ದೋನ್ ಗೀಟಾಂಚೊ ಮ್ಹಾನ್ ದೀಂವ್ಕ್ ಗೌರ್ನಾರ್ ಒಪ್ವಾಲೊ. ಮ್ಹಾನ್ ಮೆಳ್ಳೊಚ್ ದುಸ್ತ್ರ್ಯಾ ದಿಸಾ ಮೂರ್ತಿನ್ ಕಿತೆಂ ಕೆಲೆಂ ? ದುಲ್ಲೊ ದುಕೊರೊ ಪರತ್ ಕೊಂಡಾಂತ್ ಲೊಳ್ತಾ ನೇ ?ಆಶೆಂಚ್ ಮೂರ್ತಿ ಥೊಡ್ಯಾ ಕಾನಾಡಿ ಪತ್ರಾಂರ್ , ಪತ್ರ್ ಬರವ್ನ್ "ಹಾಂವ್ ಗೌರಿ ಪಾಳ್ಯಾಂತ್ ಗೆಲ್ಲೊಂ, ಥಂಯ್ ಪುರ ಮಾಸಚೊ ಅಂಗ್ಡಿ ಆಸ್ ಲ್ಲ್ಯೊ. ಮುಕಾರ್ ಗಾಯ್ ರಾವೊನ್ ಆಸ್ ಲ್ಲಿ, ಪಾಕಿಸ್ತಾನಚೆ ಬಾವ್ಟೆ ಆಸ್ ಲ್ಲೆ, ಇಗರ್ಜ್ ಥಂಯ್ಚ್ ಆಸ್ ಲ್ಲಿ. ಮತಾಂತರ್ ಜಾವ್ನ್ ಆಸ್ ಲ್ಲೊ...!! ಆಶೆಂ ಮ್ಹುಣ್ ಬರಂವ್ಕ್ ಲಾಗ್ಲೊ. ದೋನ್ ದೀಸಾಂ ಉಪ್ರಾಂತ್ ಕಿರಿಸ್ತಾಂವ್ ಚ್ ವಡ್ಲೆ ಮೂಳ್ ಭೂತಾವಾದಿ ಮ್ಹುಣ್ ಹೆಳ್ಕಿ ದೀಂವ್ನ್ಕ್ ರಾವ್ಲೊ . ಮಾತಾರೊ ಮೂರ್ತಿಚಾ ಹ್ಯಾ ವಾದಾಕ್ ಏಕಾ ಜಾಳಿ ಜಾಗ್ಯಾಂತ್ " ಮಾಸಾಚೆ ಅಂಗ್ಡೆಂತ್ ಮಾಸ್ ಮಾತ್ರ್ ಉಮ್ಕಳಾಯ್ತಾತ್... ಫುಲಾಂ ನ್ಹಂಯ್ .." ಮ್ಹುಣ್ ಏಕ್ ಲೇಖನ್ ಪರ್ಗಟ್ ಕರ್ನ್ ಮೂರ್ತಿಕ್ ಛಿ, ಥೂ... ಮ್ಹುಣ್ ಏಕ್ ಸನ್ಮಾನ್ ದಿಲೊ. ಫಕತ್ ಪಿರಾಯ್ ಜಾಲ್ಯಾ ಮ್ಹುಣ್ ಮಾತ್ರ್ ಹ್ಯಾ ಮನ್ಸ್ಯಾಕ್ ಮಾಲ್ಗಡೊ ಮ್ಹುಣಾಜೆಗಿ ಮ್ಹುಣ್ ಅನ್ಯೇಕಾ ಕಾನಾಡಿ ಬರವ್ಪ್ಯಾನ್ ಯೀ ಆಶೆಂ ಏಕ್ ಬರವ್ಪ್ ಬರಯ್ಲೆಂ..!

                                   ********

ಹ್ಯಾ ಮಾತಾರೊ ಮೂರ್ತಿಚಾ ಬ್ರೈನ್ ಆನಿಂ ತೊಂಡಾಕ್ ಆಸ್ಚೆಂ link ಚ್ cut ಜಾಲಾಂ. ಹೊ ಮೂರ್ತಿ ಮ್ಹುಣ್ತಾ , ಆನಿಂ 300 ವರ್ಸಾಂ ಉಪ್ರಾಂತ್ ಹ್ಯಾ ಭುಂಯ್ತ್ ಹಿಂದ್ವಾಚೆ ಮ್ಹುಳ್ಳೆಚ್ ಆಸಿನಾಂತ್ ಖಂಯ್. ಆಸ್ ಲ್ಯಾರ್ ಫಕತ್ ಕಿರಿಸ್ತಾಂವ್ ಖಂಯ್ ..! ವಡ್ಲೊ ಜೋಕ್ ನ್ಹಂಯ್ ಗೀ ಹೊ ? ಇತ್ಯಾ ವ್ಹಡ್ ಸಂಸಾರಾಂತ್ ಆಸ್ಚ್ಯಾ ಇತ್ಲ್ಯಾ ಯೀ ಶೆಂಬೊರ್ ದೇಶಾನಿಂ ದಿಸಾಕ್ ಉತ್ಪನ್ನ್ ಕರ್ಚೊ ಕಥೋಲಿಕಾಂಚೊ ಸಂಖ್ಯಾಕ್ ಆನಿಂ ಟಿಕ್ಕ್, ಟಿಕ್ಕ್ ಮ್ಹ್ನುಣ್ತಾನಾ ಉತ್ಪನ್ನ್ ಜಾಂವ್ಚ್ಯಾ ಇಂಡಿಯಾಚಾ "ಮೂರ್ತಿ" ನಿಂ ಭಯ್ರ್ ಕಾಡ್ಚ್ಯಾ ಪಿಲ್ಯಾಂಕ್ ದೆಕ್ತಾನಾ , ಏಕ್ ಬ್ರೆಜಿಲ್ ಗಾರ್ ಚ್ ok ಮ್ಹುಣ್ ದಿಸ್ತಾತ್ ..!! ಕಿತ್ಯಾಕ್ ಮ್ಹುಳ್ಯಾರ್ ಮಾರ್ಗಾರ್ ಮುತೊಂಕ್ ನ್ಹುಜೊ ಮ್ಹುಳ್ಳಿ ಏಕ್ ಸಾಮಾನ್ಯ್ ಜಾಣ್ವಾಯ್ ಮ್ಹುಣ್ ಯೀ even ಏಕ್ ಜೆವಾಣ್ ಜೇಂವ್ಕ್ ಮೆಳಾನಾತ್ಲ್ಯಾ ಥಂಚಾ ಸಬಾರ್ ಲೊಕಾಂಕ್ ಖಳಿತ್ ಆಸಾ.. !!

                                  *******

ಸಾಂಗ್ ಲ್ಯಾ ಬರಿ ಮೂರ್ತಿನ್ ಬೊಗೊಳ್ಚ್ಯಾ ಕ್ರೀಸ್ತಿ ವಿರೋಧ್ ಉತ್ರಾಂ ವಿಶಿಂ ವಿಸ್ತಾರುನ್ ಆಯ್ಲ್ಯಾ ಏಕಾ ಬ್ಲಾಗಾರ್ ತುಜೆಂ ವಿರೋದ್ಪಣ್ ದಾಕಯ್ ಮ್ಹುಣ್ ಕಾನಾಡಿ ಬ್ಲಾಗ್ ಚಲವ್ನ್ ಆಸ್ಚ್ಯಾ ವೀಣಾನ್ ಥೊಡ್ಯಾಂ ದಿಸಾಂ ಅದಿಂ ಏಕ್ ವೀಜ್ ತಪ್ಪಾಲ್ ದಾಡ್ ಲ್ಲೆಂ ... ಪುಣ್ ಮ್ಹಕಾ ಕಿತ್ಯಾಕ್ ಗೀ ತಶೆಂ ಕರ್ಚೆಂ ಮನ್ ಯೇಂವ್ಕ್ ನಾ...ಹ್ಯಾ ಚಡ್ಡೆಂಗಾರಾಂ ಕಡೆ ತುಮ್ಕಾಂ ಥೊಡ್ಯಾ extent ಮ್ಹುಣಾಸರ್ ವಾದ್ ಕರ್ಯೇತ್. ಫುಣ್ ಚಡಿತ್ ವಾದ್ ಕೆಲ್ಯಾರ್ ಕೊಂಡಾಂತ್ ಆಸ್ ಲ್ಯಾ ದುಕ್ರಾ ಕಡೆ ಝಾಗಡ್ಚೆ ಬರಿ ಜಾತಾ. ತುಂ ಮ್ಹೆಳೊ ಜಾತಾನಾ ಮಾತ್ರ್ ತುಕಾ ಕಳ್ಚೆಂ . after all ದುಕೊರ್ enjoy ಕರ್ನ್ ಆಸ್ತಾ...!!
ಸಾಂಗ್ ಲ್ಲ್ಯಾ ಬರಿ ಮನ್ಶ್ಯಾಪಣಾಕ್ ಚ್ hate ಕರ್ಚ್ಯಾ ಫ್ಯಾಸಿಸ್ಟ್ ಮೂರ್ತಿಕ್ ದೋನ್ ಗೀಟಾಂಚಿಂ ಡಾಕ್ಟರೇಟ್ ದಿಲ್ಲ್ಯಾ ಬೆಂಗ್ಳೂರ್ ಯುನಿವರ್ಸಿಟಿಕ್ ಕಿತ್ಲಿ ರೇಟ್ ಮೆಳ್ಳ್ಯಾ ? . ಕೊಣಾಯ್ಕ್ ಯೀ ಖಳಿತ್ ನಾ...!! ಕೇಶವ ಕ್ರಪಾಚಾ ಥೊಡ್ಯಾ ಮಾತಾರ್ಯಾಂಕ್ ಸೊಡ್ನ್ ..!!


                              ********

-ಪ್ರಮೋದ್ ಹೊಸ್ಪೆಟ್

ಸಾಪ್ಟ್‌ವೇರ್ ಕ್ರ್ಯಾಕಿಂಗ್ : ಕಿತೆಂ ? ಕಿತ್ಯಾಕ್ ? ಆನಿಂ ಕಶೆಂ ? (RAKNNO)

ಚಂದಮಾಮ ಕಾಣಿ ಹಿ ... ಎಕ್ಲೊ ಬಾಂದ್ಪಿ ಆಸ್‌ಲ್ಲೊ. ತೊ ಘರಾಂ ಬಾಂದ್ತಾಲೊ ಆನಿಂ ತಿಂ ವಿಕುನ್ ಪಯ್ಸೆ ಕರ್ನ್ ಆಸ್‌ಲ್ಲೊ .. ಪುಣ್ ತಾಕಾ ತಾಂತುಂ ತ್ರಪ್ತಿ ನಾತ್‌ಲ್ಲಿ.. ತಾಕಾ ಚಡ್ ಆನಿಂ ಚಡ್ ಪಯ್ಸೆ ಕರ್ಚಿ ಆಶಾ ... ಏಕ್ ಘರ್ ಬಾಂದುಂಕ್ ಸಬಾರ್ ಕಾಳ್ ಜಾಯ್ಜೆ ... ಮಾಗಿರ್ ತೆಂ ವಿಕಾಜೆ ...ಉಪ್ರಾಂತ್ ತಾಕಾ ಮೆಳ್ಚೊ ಲಾಭ್ ಭಾರಿ ಉಣೊಂ ದಿಸ್ತಾಲೊ ... ದೆಕುನ್ ತಾಣೆ ದೆವಾ ಕಡೆ ಮಾಗ್ಣೆಂ ಕೆಲೆಂ . ದೇವ್ ದಿಷ್ಟಿಕ್ ಪಡ್ಲೊ ಆನಿಂ ತಾಕಾ ಏಕ್ ಫಾತ್ರಾಚಿ ಮೂರ್ತಿ ದೀವ್ನ್ ಮ್ಹುಣಾಲೊ “ ಹಿ ಮೂರ್ತಿ ತುವೆಂ ಬಾಂದ್ಚಾ ನವ್ಯಾ ಘರಾಂತ್ ದವರ್ ..ಆನಿಂ ಕಂಚೊಯೀ ದಾಕ್ಟೊ ಫಾತೊರ್ ಹಾಡ್ನ್ ಹ್ಯಾ ಮೂರ್ತಿಕ್ ಲಾಗಾಯ್ ... ಅನಿಂ ತೊ ಫಾತೊರ್ ವರ್ನ್ ತುಕಾ ಕುಶಿ ಆಸ್‌ಲ್ಲ್ಯಾ ಜಾಗ್ಯಾರ್ ದವರ್ .. ತಕ್ಷಣ್ ಥಂಯ್ ತುವೆಂ ಬಾಂದ್‌ಲ್ಲ್ಯಾ ಘರಾಚೆಂ ಪ್ರತಿರೂಪ್ ಜಾವ್ನ್ ಆನ್ಯೇಕ್ ಘರ್ ಉಬೆಂ ಜಾತೆಲೆಂ ..!! ಆಶೆಂ ತುಕಾ ಕುಶಿ ಆಸ್‌ಲ್ಲಿಂ ತಿತ್ಲಿಂ ಘರಾಂ ಉಬ್ಜಾಯ್ ಆನಿಂ ತಿಂ ವಿಕೊನ್ ಪಯ್ಸೆ ಕರ್..” . ಭಾಂದ್ಪ್ಯಾಕ್ ಕುಶಿಚ್ ಕುಶಿ ... ತಾಣೆಂ ಏಕ್ ನವೆಂಚ್ ಘರ್ ಭಾಂದ್ಲೆಂ.ತಾಂತುಂ ದೆವಾನ್ ದಿಲ್ಲಿ ಮೂರ್ತಿ ದವರ್ಲಿ . ಅನಿಂ ತ್ಯಾ ಮೂರ್ತಿಕ್ ದಾಕ್ಟೆ ಫಾತೊರ್ ಲಾಗೊವ್ನ್ , ಕೊಣಾಕ್ ಘರಾಂ ಜಾಯ್ ಪಳೆ , ತಾಂಚಾ ಜಾಗ್ಯಾರ್ ವರ್ನ್ ತೆ ಫಾತೊರ್ ದವರ್ಲೆ. ತಕ್ಷಣ್ ನವಿಂ ಘರಾಂ ಉಭಿಂ ಜಾವ್ನ್ ಆಸ್‌ಲ್ಲಿಂ. ಭಾಂದ್ಪ್ಯಾಕ್ ಪಯ್ಶ್ಯೆಚ್ ಪಯ್ಶ್ಯೆ.. ತೊ ಕೊರೊಡ್‌ಪತಿ ಜಾಲೊ. ಪುಣ್ ತಾಕಾ ಅನಿಕೀ ಪಯ್ಸೆ ಕರ್ಚಿ ಆಶಾ .. ವ್ಯವಹಾರ್ ಸಗ್ಳ್ಯಾ ಸಂಸರಾಕ್ ವಿಸ್ತಾರುಂಚಿ ಉಮೆದ್ .. ಕಿತೆಂ ಕೆಲೆಂ ತಾಣೆಂ ಹ್ಯಾ ಖಾತಿರ್ ?? ಪಳೆಯಾಂ...


ಹ್ಯಾ ಪಾವ್ಟಿಂ ತಾಣೆಂ ಆನ್ಯೇಕ್ ಸೊಭಿತ್ ವ್ಹಡ್ ಘರ್ ಬಾಂದ್ಲೆಂ. ತ್ಯಾ ಘರಾಕ್ ಎಕ್ ಘಟ್‌ಮೂಟ್ ಡಿಜಿಟಲ್ ಬಾಗಿಲ್ ಬಸಯ್ಲೆಂ. ತ್ಯಾ ಬಾಗಿಲಾಕ್ ಏಕ್ ವಿಶೇಷಾತ ಆಸ್‌ಲ್ಲಿ. ಘರಾಕ್ ರಿಗ್‌ಲ್ಲ್ಯಾ ಪಂದ್ರಾ ದಿಸಾ ಉಪ್ರಾಂತ್ ತೆಂ ಬಾಗಿಲ್ ತಾಚಾಯಿತ್ಯ್ಲಾಕ್ ಬಂದ್ ಪಡ್ತಾಲೆಂ. ಮಾಗಿರ್ ತೆಂ ಉಗ್ತೆಂ ಕರಿಜೆ ಜಾಲ್ಯಾರ್ ಏಕ್ ಗುಪಿತ್ ಕೋಡ್ ಘಾಲಿಜೆ ಆಸ್‌ಲ್ಲೊ. ತೊ ಕೋಡ್ ಬಾಂದ್ಪ್ಯಾ ಕಡೆ ಮಾತ್ರ್ ಆಸ್‌ಲ್ಲೊ. ಆಶೆಂ ಬಾಂದ್ಪ್ಯಾನ್ ತ್ಯಾ ಘರಾ ಮೂರ್ತಿ ದವರ್ಲಿ. ಹಜಾರೊಂ ಹಜಾರ್ ಫಾತೊರ್ ತ್ಯಾ ಮೂರ್ತಿಕ್ ಲಾಗಾಯ್ಲೆ. ಎಕಾ ಎಕಾ ಫಾತ್ರಾಕ್ ತಾಣೆ ಏಕ್ಯೇಕ್ ನಂಬರ್ ದಿಲೆಂ ಆನಿಂ ವಾಟೆರ್ ಮೆಳ್‌ಲ್ಯಾ ಮೆಳ್‌ಲ್ಯಾಂಕ್ ತಾಣೆ ತೆ ಫಾತೊರ್ ದೀವ್ನ್ ಮ್ಹುಣಾಲೊ “ ಧರಾ, ಯೆ ಫಾತೊರ್ ವರ್ನ್ , ತುಮ್ಕಾಂ ಕುಶಿ ಆಸ್‌ಲ್ಲ್ಯಾ ಕಡೆ ಘರ್ ಉಬ್ಜಾಯಾ.. ಹೆಂ ತುಮ್ಕಾಂ ಹಾವೆಂ ಪುಂಕ್ಯಾಕ್ ದೀಂವ್ಚೆಂ ..ಪಂದ್ರಾ ದಿಸಾ ಮ್ಹುಣಾಸರ್ ತುಮ್ಕಾಂ ಹ್ಯಾ ಘರಾಂತ್ ರಾವ್ಯೇತ್..ಪಂದ್ರಾ ದಿಸಾಂ ಉಪ್ರಾಂತ್ ತ್ಯಾ ಘರ್‍ಚೆಂ ಬಾಗಿಲ್ ಬಂಧ್ ಪಡ್ತೆಲೆಂ.. ತುಮ್ಕಾಂ ತೆಂ ಘರ್ ಪಸಂದ್ ಮ್ಹುಣ್ ದಿಸ್ಲ್ಯಾರ್ ಮ್ಹಕಾ ತುಮ್ಚ್ಯಾ ಫಾತ್ರಾಚೆಂ ನಂಬರ್ ದಿಯಾ ಆನಿಂ ತ್ಯಾ ಘರಾಚೊ ಐವಾಜ್ ಮ್ಹುಜಾ ಬ್ಯಾಂಕಾಂತ್ ಜಮೊ ಕರಾ.. ಹಾಂವ್ ತುಮ್ಕಾಂ ತೆಂ ಬಾಗಿಲ್ ಉಗ್ತೆಂ ಕರ್ಚೊ ಕೋಡ್ ದಿತಾಂ.. ಮಾಗಿರ್ ಜಾತೆಲೆಂ ಸಾಸ್ಣಾಚಾ ಸಾಸ್ಣಾಕ್ ತೆಂ ಘರ್ ತುಮ್ಚೆಂ ಚ್ ...!!” . ಆಶೆಂ ಹ್ಯಾ ಬಾಂದ್ಪ್ಯಾಚೆ ಫಾತೊರ್ ದೇಶ್- ವಿದೇಶಾಂತ್ ಪಾವ್ಲೆ. ಪಸಂದ್ ಜಾಲ್ಲ್ಯಾನಿಂ , ತೆಂ ಘರ್ ಮೊಲಾಕ್ ಗೆತ್ಲೆಂ. ಉರ್‌ಲ್ಲ್ಯಾನಿಂ ಪಂದ್ರಾ ದಿಸಾ ಉಪ್ರಾಂತ್ ತೆಂ ಘರ್ ಸೊಡ್ನ್ ಗೆಲೆ... ಆಶೆಂ ಭಾಂದ್ಪಿ ಬಿಲಿಯಾದಿಪತಿ ಜಾಲೊ .... !!!


ವ್ಹಯ್ .. ಹ್ಯಾ ಚಂದಮಾಮ ಕಾಣ್ಯೆ ಬರಿಚ್ ಆಯ್ಚ್ಯಾ ಆಪ್ಲಿಕೇಷನ್ ಸಾಪ್ಟ್‌ವೇರಾಂಚಿ ಯೀ ಕಾಣಿ .. ಇತ್ಲ್ಯಾಕೀ ಸಾಪ್ಟ್‌ವೇರ್ ಮ್ಹುಳ್ಯಾರ್ ಕಿತೆಂ ? ಬಿಲ್ ಗೇಟ್ಸ್ ಮ್ಹುಣ್ತಾ ಸಾಪ್ಟ್‌ವೇರ್ ಮ್ಹುಳ್ಯಾರ್ ಏಕ್ ಮ್ಯಾಜಿಕ್ ..!! ತುಕಾ ತೆಂ ದಿಸಾನಾ, ಅಪ್ಡುಂಕ್ ಜಾಯ್ನಾ .. ಪುಣ್ ಹೆಂ ತಯಾರ್ ಕರುಂಕ್ ಸಬಾರ್ ಇಂಜಿನಿಯರ್ ದೀಸ್ ರಾತ್ ಕಾಮ್ ಕರ್ತಾತ್ . ತಾಣಿಂ ಬರೊಂವ್ಚ್ಯಾ ಕಂಪ್ಯೂಟರ್ ಪ್ರೊಗ್ರೇಮಾಂಚೊ ಸಮೂಹ್ ಚ್ ಹೆಂ ಸಾಪ್ಟ್‌ವೇರ್. ಅಶೆಂ ತಾಣಿಂ ತಯಾರ್ ಕೆಲ್ಲೆಂ ಸಾಪ್ಟ್‌ವೇರ್ CDಯಾ DVD ಂತ್ ಘಾಲ್ನ್ ವಾಪಾರ್ಯಾಂಕ್ ದಿತಾತ್. ಆಶೆಂ ಚಂದಮಾಮ ಕಾಣ್ಯೆ ಬರಿ ಸಾಪ್ಟ್‌ವೇರಾಚಿ ಪಯ್ಲಿ ಪ್ರತಿ ಕಾಡುಂಕ್ ಮಾತ್ರ್ ಕರ್ಚ್. ಮಾಗಿರ್ ಪ್ರತಿರೂಪ್ ಮಾತ್ರ್. ಮ್ಹುಳ್ಯಾರ್ ಸಿಮೆಂಟ್ , ಫಾತೊರ್ ನಾಸ್ತಾಂಚ್ ಉಬ್ಜೊಂವ್ಚ್ಯಾ ಘರಾ ಬರಿ ..

ಆಶೆಂ ಹೆಂ ಸಾಪ್ಟ್‌ವೇರ್ ತಯಾರ್ ಕರ್ಚೊ ಕಂಪ್ಣ್ಯೊ (ದಾಕ್ಲ್ಯಾಕ್ : Symantec, McAfee) ತುಕಾ 15 ದಿಸಾಂಕ್ ಯಾ 30 ದಿಸಾಂಕ್ ವಾಪಾರುಂಕ್ ಪುಂಕ್ಯಾಕ್ ದಿತಾತ್. ತಾಕಾ Trial version ಯಾ Evaluation version ಮ್ಹುಣ್ತಾತ್ . ಏಕ್ ಪಾವ್ಟಿಂ ತೆ ಪಂದ್ರಾ ಯಾ ತೀಸ್ ದೀಸ್ ಮುಗ್ದಲ್ಯಾ ಉಪ್ರಾಂತ್ ತೆಂ ಸಾಪ್ಟ್‌ವೇರ್ ಬಂದ್ ಪಡ್ತಾ. ಮಾಗಿರ್ ತೆಂ ವಾಪಾರಿಜೆ ಜಾಲ್ಯಾರ್ ತುಮ್ಕಾಂ ಏಕ್ ಸೀರಿಯಾಲ್ ಕೀ ವಿಚಾರ್ತಾ. ತುಮ್ಕಾಂ ತೆಂ ಸಾಪ್ಟ್‌ವೇರ್ ಜಾಯ್ ಜಾಲ್ಯಾರ್ ತುಮಿ ತಿ ಸೀರಿಯಾಲ್ ಕೀ ಘೆವ್ನ್ ತೆಂ ಸಾಪ್ಟ್‌ವೇರ್ ಉಪ್ಯೋಗ್ ಕರ್‍ಯೇತ್ ಯಾ ನಾಕಾ ಜಾಲ್ಯಾರ್ uninstall ಕರ್‍ಯೇತ್. ಥೊಡ್ಯೊ ಕಂಪ್ಣ್ಯೊ ಸಾಪ್ಟ್‌ವೇರಾಚಿ demo ಪ್ರತಿ ದಿತಾತ್ . ತಶೆಂ ಮ್ಹುಳ್ಯಾರ್ ತುವೆಂ ತೆಂ ಸಾಪ್ಟ್‌ವೇರ್ ಕೆದಳಾಯ್ ಉಪ್ಯೋಗ್ ಕರ್ಯೇತ್ ಪುಣ್ ತ್ಯಾ ಸಾಪ್ಟ್‌ವೇರಾಚೆ ಪ್ರಮುಖ್ ಸುರುಪ್(features) ತುಕಾ ಉಪ್ಯೋಗಾಕ್ ಮೆಳನಾಂತ್. ತ್ಯೊ ದಿಸ್ತಾತ್ ಮಾತ್ರ್. ತೆ ಸುರುಪ್ ತುಕಾ ಜಾಯ್ ಜಾಲ್ಯಾರ್ , ತೆಂ ಸಾಪ್ಟ್‌ವೇರ್ ಮೊಲಾಕ್ ಘೆಜೆ. ಮಾಗಿರ್ ಥೊಡ್ಯೊ ಕಂಪ್ಣ್ಯೊ Evaluation ಕಾಳ್ ಜಾಲ್ಲ್ಯಾ ಉಪ್ರಾಂತ್‌ಯೀ ತುಕಾ ಸಾಪ್ಟ್‌ವೇರ್ ಉಪ್ಯೋಗ್ ಕರುಂಕ್ ದಿತಾತ್. ಪುಣ್ ಘಡ್ಯೆ, ಘಡ್ಯೆ “ಮ್ಹಕಾ ಮೊಲಾಕ್ ಘೆಯಾ “ ಮ್ಹುಣ್ pop up window ಮುಕಾರ್ ಹಾಡ್ನ್ ತುಕಾ ದೊಶಿ ಕರ್ತಾತ್. ಹಿಂ ಪುರಾ ನಿರ್ಬಂದನಾ ಥಾವ್ನ್ ಮುಕ್ತ್ ಜಾಯ್ಜೆ ಜಾಲ್ಯಾರ್ ತುವೆಂ ತೆಂ ಸಾಪ್ಟ್‌ವೇರ್ ಮೊಲಾಕ್ ಘೆಜೆ ಯಾ ..............ತೆಂ crack ಕರಿಜೆ ..!!


ತರ್ ಸಾಪ್ಟ್‌ವೇರ್ ಕ್ರ್ಯಾಕಿಂಗ್ ಮ್ಹುಳ್ಯಾರ್ ಕಿತೆಂ ? ಚಂದಮಾಮ ಕಾಣ್ಯೆಚಾ ಭಾಷೆಂತ್ ಸಾಂಗ್ಚೆಂ ಜಾಲ್ಯಾರ್ ತುಕಾ ಘರ್ ಮೆಳ್ಳೆಂ,ಪುಣ್ 15 ದಿಸಾ ಮ್ಹುಣಾಸರ್ ಮಾತ್ರ್ ತುವೆಂ ತಾಂತುಂ ವಸ್ತಿ ಕರ್ಯೇತ್ . ಉಪ್ರಾಂತ್ ತ್ಯಾ ಘರ್ಚೆಂ ಬಾಗಿಲ್ ಬಂಧ್ ಪಡ್ತಾ. ಪರತ್ ಉಗ್ತೆ ಕರಿಜೆ ಜಾಲ್ಯಾರ್, ಬಾಂದ್ಪ್ಯಾಕ್ ಪಯ್ಶ್ಯೆ ದೀವ್ನ್ ಕೋಡ್ ಘೆಜೆ. ಪುಣ್ ಬಾಂದ್ಪ್ಯಾಕ್  ಪಯ್ಶ್ಯೆ ದಿನಾಸ್ತಾನಾಂಚ್ ಪಂದ್ರಾ ದಿಸಾ ಉಪ್ರಾಂತ್ ಯೀ ತ್ಯಾ ಘರಾಂತ್ ರಾವ್ಯೇತ್ ಗೀ? ಜರೂರ್ ....!! ತುಕಾ ಪುಂಕ್ಯಾಕ್‌ಚ್ ಬಾಗಿಲ್ ಉಗ್ತೆಂ ಕರ್ನ್ ದಿಂವ್ಚೆ ಜಣ್ ಅಸಾತ್ .. ತೆಚ್ software crackers..!!

 ಕೋಣ್ ಹೆ software crackers?? ತೆ ಥೊಡೆ ವಿಚಿತ್ರ್ ಮನಿಸ್. ತಾಂಕಾಂ ಕಂಪ್ಯೂಟರ್ ಭಾಶೆಚಿ ಜಾಣ್ವಾಯ್ ನರ್ ನರ್ ಥಾವ್ನ್ ಕಳಿತ್ ಆಸ್ತಾ. ಚಡಾವತ್ ಜಾವ್ನ್ ತೆ ಏಕ್ ಪಂಗಡ್ ಜಾವ್ನ್ ಕಾಮ್ ಕರ್ನ್ ಆಸ್ತಾತ್. ಸಂಸರಾಚಾ ವಿಭಿನ್ನ್ ಕೊನ್ಶ್ಯಾಂತ್ ಪಡೊನ್ ಅಸ್ತಾತ್ ತೆ. ಮಾದಕ್ ವ್ಯಸನಿ ಬರಿ ದಿಸ್ತಾತ್ . ಚಡಾವತ್ ಜಾವ್ನ್ ತೆ ಇತರ್ ಲೊಕಾಕಡೆ ತೆ ಬರ್ಸನಾಂತ್. ಥೊಡೆ ಪಾವ್ಟಿಂ ಮಾನಸಿಕ್ ಪಿಡೆಕ್ ಒಳೊಗ್ ಜಾಲ್ಲ್ಯೆ ಬರಿ ದಿಸ್ತಾತ್. ಕೆನ್ನಾಂಯ್ ಕಂಪ್ಯೂಟರಾ ಮುಖಾರ್ ಪಡೊನ್ ಆಸ್ತಾತ್. ವಿಚಿತ್ರ್ ಮನಸ್ಥಿತೆಚೆ ಮನಿಸ್ ತೆ ..!! ಥೊಡ್ಯಾ ಪ್ರಮುಖ್ ಸಾಪ್ಟ್‌ವೇರ್ ಕ್ರ್ಯಾಕಿಂಗ್ ಪಂಗ್ಡಾಚೆ ನಾಂವ್ ಪಳೆಯಾ ...Australian Crakers United, Canadian Pirates, The Dream Team ...!!!


ಇತ್ಲ್ಯಾಕೀ ಹೆಂ ಸಾಪ್ಟ್‌ವೇರ್ crack ಕರ್ಚೆಂ ಕಶೆಂ ? ತುಮ್ಕಾಂ ಕಳಿತ್ ಆಸೊಂಕ್ ಪುರೊ, ಏಕ್ ಸಾಪ್ಟ್‌ವೇರ್ ರೂಪಿತ್ ಜಾಯ್ಜೆ ಜಾಲ್ಯಾರ್ , ಮಯ್ಲಾ ಘಟ್ಲ್ಯಾನ್ ತುವೆಂ ಆಶೆಂ ಆಶೆಂ ಕಾಮ್ ಕರಿಜೆ ಮ್ಹುಣ್ ಪ್ರೋಗ್ರಾಮ್ ಬರಯ್ತಾತ್ . ಪುಣ್
ವಾಪಾರ್ಯಾಂಕ್ ಹೆಂ ಸಾಪ್ಟ್‌ವೇರ್ ಮೆಳ್ತಾನಾ, ತೆಂ ಕಶೆಂ ಕಾಮ್ ಕರಿಜೆ ಮ್ಹುಣ್ ಬರಯ್ಲೊ ಪ್ರೊಗ್ರಾಮಾಚಿ ಮೂಳ್ ಕೋಡ್ (source code) ಮೆಳನಾ. ಪುಣ್ ಹೆಂ crack ಕರ್ಚೆ ಥೊಡಿಂ ವಿಶೇಶ್ ಹಾತೆರಾಂ (tools) ವಾಪಾರ್ತಾತ್ . ದಾಕ್ಲ್ಯಾಕ್ SoftICE, OllyDbg, GDB..... ತಸಲಿಂ. ಹಾಂತುಂ SoftICE ಭಾರಿ ಲೊಕಮೊಗಾಳ್. SoftICE ಂತ್ ಸಾಪ್ಟ್‌ವೇರಾಕ್ ಸಂಬಂಧ್ ಜಾಲ್ಲಿಂ ಫೈಲಾಂ ಗಾಲ್ನ್ ಗಾಳ್ತಾನಾ ಮೆಷಿನ್ ಬಾಶೆಂತ್(assembly language) ಆಸ್‌ಲ್ಲೊ ಕೋಡ್ ಮೆಳ್ತಾ. ತೊ ಆರ್ಥ್ ಕರುಂಕ್ ಭಾರಿ ಕಶ್ಟ್ ..! ತೊ ಕೋಡ್ ಯೀ ಮಯ್ಲಾ ಗಟ್ಲ್ಯಾನ್ ಆಸ್ತಾ. ಪುಣ್ ಸಾಪ್ಟ್‌ವೇರ್ crack ಕರ್ಚೆ, ತೊ ಸಕ್ಕಡೀ ಕೋಡ್ ಸಮ್ಜೊಂಕ್ ವಚಿನಾಂತ್. ಚಂದಮಾಮ ಕಾಣಿಯೆ ಬರಿ, ತಾಂಕಾಂ ಜಾಯ್ ಫಕತ್ ಬಾಗಿಲ್ ಉಗ್ತೆ ಕರ್ಚೆಂ ಕಶೆಂ ಮ್ಹುಣ್. ಆಶೆಂ ಥೊಡೆ ಟ್ರಿಕ್ಸ್ ವಾಪಾರ್ನ್ ತೆ, ಸಾಪ್ಟ್‌ವೇರಾಚೆಂ ಬಾಗಿಲ್ ಸೊದೊನ್ ಕಾಡ್ತಾತ್. ತೆಂ ಬಾಗಿಲ್ ಕಶೆಂ ಕೆಲಾಂ ? ಕಾಲೆಂ ಗಾಲ್ನ್ ತೆಂ ಬಸಯ್ಲಾಂ ? ಹೆಂ  ಪುರಾ ಸಮ್ಜೊನ್ ತೆಂ ಉಗ್ತಿ ಕರ್ಚಿ ಚಾವಿ ಸೊಧುನ್ ಕಾಡ್ತಾತ್ . ಕಂಪ್ಯೂಟರ್ ಭಾಶೆಂತ್ ಸಾಂಗ್ಚೆಂ ಜಾಲ್ಲ್ಯಾರ್, ಸಾಪ್ಟ್‌ವೇರಾಚೆಂ ಲೈಸನ್ಸ್ ರಕ್ಷಣ್ ಕರುಂಕ್ ಕಸ್ಲೆಂ ಅಲ್ಗೋರಿಥಮ್ ವಾಪಾರ್ಲಾಂ ? ಉಪ್ಯೋಗ್ ಕೆಲ್ಲೊ ಗಣಿತ್ ಶಾಸ್ತ್ರ್ ಖಂಚೊ ? ಹೆಂ ಪುರಾ ಸಮ್ಜೊನ್ reverse engineering ಚೆಂ ಕಾಮ್ ಆರಂಭ್ ಕರ್ನ್, key generator ತಯಾರ್ ಕರ್ತಾತ್. ಉಪ್ರಾಂತ್ ತೆಂ ಅಂತರ್-ಜಾಳಿರ್ ಪುಂಕ್ಯಾಕ್ ವಾಂಟ್ತಾತ್. ಪುಣ್ ಥೊಡ್ಯಾ ಸಾಪ್ಟ್‌ವೇರಾಂಕ್ ಕಸಲ್ಯೋ ಕೀ ಗಾಲ್ಯಾರೀ ಬಾಗಿಲ್ ಉಗ್ತೆ ಕರುಂಕ್ ಜಾಯ್ನಾ. ತೆನ್ನಾ ಹೆ software crackers ತೆಂ ಬಾಗಿಲ್‌ಚ್ ಮೊಡ್ನ್ ದುಸ್ರೆಂ ಬಾಗಿಲ್ ಬಸಂವ್ಚೆ ತಸಲೆಂ ಏಕ್ ಪ್ರೊಗ್ರಾಮ್ ಬರಯ್ತಾತ್. ಹ್ಯಾ ಪ್ರೊಗಾಮಾಕ್ patch ಮ್ಹುಣ್ತಾತ್ . ಹೆಂ ದಾಕ್ಟೆಂ ಪ್ರೊಗ್ರಾಮ್ ರನ್ ಕೆಲ್ಯಾರ್ , ಸಾಪ್ಟ್‌ವೇರಾಕ್ ಆಸ್‌ಲ್ಲೆಂ ಲೈಸನ್ಸಿಂಗ್ ನಿರ್ಬಂಧ್ ಪುರಾ ಕಾಡ್ನ್ ಉಡಾಯ್ತಾ ..

ತೆಂ ಪುರಾ ಜಾಲೆಂ... ಹೆ ಮನಿಸ್ ಸಾಪ್ಟ್‌ವೇರ್ crack ಕಿತ್ಯಾಕ್ ಕರ್ತಾತ್ ? ಚಡಾವತ್ ಜಾವ್ನ್ ಹ್ಯಾ ಸಾಪ್ಟ್‌ವೇರ್ crack ಕರ್ಚ್ಯಾ ಪಂಗ್ಡಾಂ ಮದೆಂ ಜಿದ್ದಾಜಿದ್ದೆನ್ ಸ್ಪರ್ಧೊ ಚಲೊನ್ ಆಸ್ತಾ. ಖಂಚೆಯೀಂ ನವೆಂ ಸಾಪ್ಟ್‌ವೇರ್ ಆಯ್ಲ್ಯಾರ್ ಕೋಣ್ ತೆಂ ಪಯ್ಲೆಂ crack ಕರ್ತಾತ್ ಮ್ಹುಳ್ಲೊ ಸ್ಪರ್ಧೊ. ಅಪ್ಲ್ಯಾಂಚಿ ತಾಂತ್ರಿಕ್ ವೊಡ್ವಿಕಾಯ್ ಆನಿಂ ಬುದ್ವಂತ್ಕಾಯ್ ದಾಕಾಂವ್ಚೊ ಹಂಬಲ್. ಥೊಡೆ software crackers ನಕ್ಸಲ್ ಮನೊಸ್ಥಿತೆಚೆ ... ತುಮಿ ಕಿತ್ಯಾಕ್ ಸಾಪ್ಟ್‌ವೇರಾಂ ಲಾಕಾಂ ಲಾಕಾಂ ಮೊಲಾಕ್ ವಿಕ್ತಾತ್ ...?? ದುಬ್ಳ್ಯಾನೋಂ ಧರಾ, ಪುಂಕ್ಯಾಕ್ ಸಾಪ್ಟ್‌ವೇರ್ ವಾಪಾರ್ಯಾ ಮ್ಹುಳ್ಳ್ಯಾ ಚಿಂತ್ಪಾಚೆ. ಅನ್ಯೇಕ್ ನಮೂನೆಚೆ crackers ಆಸ್ತಾತ್... ತೆಚ್ ಸುಪಾರಿ crackers. ತ್ಯಾ ಕಂಪ್ೞೆಚಿ ಸಾಪ್ಟ್‌ವೇರ್ crack ಕರಾ ಮ್ಹುಣ್ ಪ್ರತಿಸ್ಫರ್ದಿ ಕಂಪೆನಿ ತಾಂಕಾ ಸುಪಾರಿ ದಿತಾ ...!!


By the way ಅಮೆರಿಕಾ ಆನಿಂ ಥೊಡ್ಯಾ ಅಸ್ತಮೆಚಾ ದೇಶಾನಿಂ ಅಸಲೆಂ ಗೋಲ್‌ಮಾಲ್ ಸಾಪ್ಟ್‌ವೇರ್ ವಾಪಾರುಂಕ್ ನಾ. ವಾಪಾರ್ಲ್ಯಾರ್ ಜೈಲಾಕ್ ಚಲ್ಚೊ ವ್ಯವಹಾರ್ .. ಪುಣ್ ತಿಸ್ರ್ಯಾ ಸಂಸಾರಾಚಾ ವಾಪಾರ್ಯಾಂಕ್ ಕಸಲೊಯೀ ನಿರ್ಬಂಧ್ ನಾ. ಜೇಂವ್ಕ್‌ಚ್ ನಾತ್ ಲ್ಲ್ಯಾನಿ ಹ್ಯಾ ಸಾಪ್ಟ್‌ವೇರಾಂಕ್ ಖಾತಿರ್ ಹಜಾರಾನಿಂ ಖಂಯ್ ಥಾವ್ನ್ ದಿಂವ್ಚೆಂ ?? ತುಕಾ ಖಂಯ್ ಪುಣೀ ಸಾಪ್ಟ್‌ವೇರಾಕ್ crackಜಾಯ್ಜೆ ?? ತರ್ ತುವೆಂ www.keygenguru.com , www. serials.ws ಯಾ www.crackhell.com ಮುಳ್ಳ್ಯಾ ಜಾಳಿ ಜಾಗ್ಯಾಂಕ್ ಭೆಟ್ ದಿವ್ಯೇತ್... ಯಾ ಇತರ್ ಸಬಾರ್ ಆಸಾತ್ ಜಾಗೆ ಆಸಾತ್. (ವಯ್ಲ್ಯಾ ಜಾಳಿಜಾಗ್ಯಾಂಕ್ ಭೆಟ್ ದಿಂವ್ಚ್ಯಾ ಪಯ್ಲೆಂ, ತುಮ್ಚ್ಯಾ ಕಂಪ್ಯೂಟರಾಚೆಂ ಆಂಟಿವೈರಸ್ update ಅಸಾಗೀ ಮ್ಹುಣ್ ಜರೂರ್ ಪಳೆಯಾ ಆನಿಂ ದುಸ್ರಿಂ ಕೋಣ್‌ಯೀ ನಾತ್‌ಲ್ಲ್ಯಾ ವೇಳಾರ್ ಭೆಟ್ ದಿಯಾ...!! ಥೊಡೆ ಪಾವ್ಟಿಂ ನಾಕಾ ಜಾಲ್ಲೆಂ ಪಳೆಂವ್ಕ್ ಯೀ ಮೆಳ್ತಾ ..!!). ತುಮ್ಕಾಂ ಚ್ ಸಾಂಗಾತಾಚ್ ಸಾಪ್ಟ್‌ವೇರ್ ಡೌನ್‌ಲೊಡ್ ಕರುಂಕ್ ಆಸ್ಲ್ಯಾರ್ ಜರೂರ್ ಜಾವ್ನ್ www.katz.cd ಯಾ www.phazeddl.com ಮ್ಹುಳ್ಯಾ ಜಾಳಿ ಜಾಗ್ಯಾ ಥಾವ್ನ್ ಡೌನ್‌ಲೊಡ್ ಕರ್ಯೇತ್. ಯಾ torrent ಯೀ ವಾಪಾರ್ಯೇತ್. ಕಿತ್ಯಾಕ್ ಮ್ಹುಳ್ಯಾರ್ ಆಮ್ಚ್ಯಾ ಇಂಡಿಯಾಂತ್ ಹೆಂ ಪುರಾ legal ...!!!


-ಪ್ರಮೋದ್ ಜೆ. ರೊಡ್ರಿಗಸ್, ಹೊಸ್ಪೆಟ್


pramrods@gmail.com