ಕಿರಿಕೆಟ್ಟ್ : ಇಲ್ಲೆ ಜೋಕ್ಸ್ , ಇಲ್ಲೆಂ ಸೀರಿಯಾಸ್ ಆನಿಂ ಇಲ್ಲೊ ಮಸಾಲಾ....

ಪೋಯ್ರ್ ಪರತ್ ತ್ಯಾ coincidence ಚೆಂ ಪುನಾರವರ್ತನ್ ಜಾಲ್ಲೆಂ . IPL ಂತ್ ಸಚಿನಾನ್ ಸೆಂಚುರಿ ಘಾಲಿ ಆನಿಂ ತಾಚೆಂ team ಚಲ್ವಲೆಂ. ಗೆಲೆತ್ಯಾ ದಿಸಾನಿಂ ಸಚಿನಾನ್ ಸೆಂಚುರಿ ಕೆಲ್ಯಾರ್ ಇಂಡಿಯಾ ಚಲ್ವತಾ ಮ್ಹುಣ್ ಅತಾಂ ಏಕ್ ವಡ್ಲಿ ಪಾತ್ಯೆಣಿ. ಸತ್ ಗೀ ಯಾ ಫಟ್ ಪುಣ್ ಹಿಂ coincidence ಪುರಾ ಗೆಲೆತ್ಯಾ ದಿಸಾನಿಂ repeat ಜಾವ್ನ್ ಆಸಾತ್.

ಸಚಿನಾನ್ ಸೆಂಚುರಿ ಕೆಲ್ಯಾರ್ ನಿಜಾಯ್ಕೀ ಇಂಡಿಯಾ ಚಲ್ವತಾ ಗೀ ? ಥೊಡ್ಯಾ ವರ್ಸಾಂ ಆದಿಂ ತೆಂಡುಲ್ಕಾರಾಕ್ ನರ್ವಸ್ 90 ಕ್ ಔಟ್ ಜಾಂವ್ಚಿ ಏಕ್ ಪಿಡಾ ಆಸ್ ಲ್ಲಿ. ಸೆಂಚುರಿಕ್ ಲಾಗ್ಗಿಂ , ಲಾಗ್ಗಿಂ ಪಾವ್ತಾ ಮ್ಹುಣ್ತಾನಾ ತೊ ಔಟ್ ಜಾವ್ನ್ ಆಸ್ ಲ್ಲೊ. ತೆನ್ನಾ ತಾಕಾ ಕೊಣೆಂ ಗೀ ಸರ್ಪ ದೋಷ ಆಸಾ ಮ್ಹುಣ್ ಸಾಂಗ್ ಲ್ಲೆಂ. ತೆಂ ಪರಿಹಾರ್ ಕರುಂಕ್ ತೊ ಆಮ್ಚ್ಯಾ ಕುಕ್ಕೆ ಸುಬ್ರಮಣ್ಯಾ ದೀವ್ಳಾಕ್ ಆಯಿಲ್ಲೊ ತುಮ್ಕಾಂ ಉಡಾಸ್ ಆಸೊಂಕ್ ಪುರೊ. ಅಜ್ಯಾಪ್ ಗೀ ಯಾ ಕಾಲೆಂ ಮ್ಹುಣ್ ಖಳಿತ್ ನಾ, ತಾಚೆ ಉಪ್ರಾಂತ್ ತೆಂಡುಲ್ಕರಾಚೊ ಸೆಂಚುರಿ ಮ್ಹುಳ್ಯಾರ್ ಸೆಂಚುರಿ ಚ್ ..! ಪುಣ್ ಏಕ್ ವ್ಯತ್ಯಾಸ್ ಮ್ಹುಳ್ಯಾರ್ ತಾಣೆಂ ಸೆಂಚುರಿ ಕೆಲ್ಯಾ ಸಬಾರ್ ಮ್ಯಾಚಾಂತ್ ಇಂಡಿಯಾ ಜಿಕೊಂಕ್ ಚ್ ಸಕೊನಾ...

ಮ್ಹುಳ್ಯಾರ್ ಕುಕ್ಕೆ ಆಯ್ಲ್ಯಾ ಉಪ್ರಾಂತ್ ಸಚಿನಾಕ್ ಆಸ್ ಲ್ಲೊ ಸರ್ಪ ದೋಷ ವಚುನ್ ತಾಚಾ team ಕ್ ಆಯ್ಲ್ಯಾ ..!! ತರ್ ಹ್ಯಾ ಪಾವ್ಟಿಂ ಕುಕ್ಕೆ ಸುಬ್ರಮಣ್ಯಾ ಕ್ ಕೊಣೆಂ ಯೆಜೆ ..!!! ??
                                   ********

ತುಮಿ ಸತ್ ಪಾತ್ಯೆತಾತ್ ಗೀ ಯಾ ನಾ ಪುಣ್ ಗೆಲೆತ್ಯಾ ವಿಶ್ವಕಪ್ಪ್ ಕ್ರಿಕೆಟಿಂತ್ ಇಂಡಿಯಾ ಜಿಕ್ತಾ ಗೀ ಯಾ ಸಲ್ವತಾ ಮ್ಹುಣ್ ಖಳಿತ್ ನಾತ್ಲ್ಯಾರೀ at least ವಾಂಖೆಡೆ ಸ್ಟೇಡಿಯಾಂತ್ ಫೈನಲ್ ಮ್ಯಾಚ್ ಕೆಳ್ತಾ ಮ್ಹುಣ್ ICC, BCCI ಆನಿಂ ಥೊಡ್ಯಾ ಕೋರ್ಪರೆಟ್ ಹಿತಾಸಕ್ತಿಂಕ್ ಪಯ್ಲೆಂಚ್ ಖಳಿತ್ ಆಸ್ ಲ್ಲೆಂ ಗೀ ? ವ್ಹಯ್ ಮ್ಹುಣ್ ಅಸಲಿ ಏಕ್ ಗುಸುಗುಸು ಖಬರ್ ಮುಖಾರ್ ನಾತ್ಲ್ಯಾರಿ ಪಾಟ್ಲ್ಯಾನ್ ವ್ಹಾಳೊನ್ ಆಸಾ. ಅಮ್ಕಾಂ ಆನಿಂ ತುಮ್ಕಾಂ ಆನಿಂ ಯಾ ಬಿಲಿಯಾನ್ ಲೊಕಾಚಾ ದೇಶಾಂತ್ ವಿಶ್ವಕಪ್ಪ್ ಕ್ರಿಕೆಟ್ ಮ್ಹುಳ್ಯಾರ್ ಏಕ್ emotional ವಿಷಯ್. ಪುಣ್ ICC, BCCI ಕ್ ವಿಶ್ವಕಪ್ಪ್ ಕ್ರಿಕೆಟ್ ಮ್ಹುಳ್ಯಾರ್ ಫಕತ್ ಮಾರ್ಕೆಟಿಂಗ್. ವಿಶ್ವಕಪ್ಪಾ ದ್ವಾರಿಂ ಯೆಂವ್ಚೊ 90 % ದುಡು ಇಂಡಿಯಾ ಕೆಳ್ಚಾ ಮ್ಯಾಚಾನಿಂ ಮಾತ್ರ್. ಕಿತ್ಲೊ ಕ್ರಿಕೆಟ್ ಕ್ರೇಜಿ ಹೊ ದೇಶ್ ಜಾಲ್ಯಾರೀ ಜಿಂಬಾಬ್ವೆ, ಕೆನ್ಯಾ... ಅಸಲಿಂ ಟಿಮಾಂ ಖೆಳ್ತಾನಾ ಸ್ಟೇಡಿಯಾಮಾಕ್ ಯೆಂವ್ಚೆ ಪನ್ನಾಸ್ ಜಣ್ ಯೀಂ ಆಸನಾಂತ್. ಟೆಲಿವಿಸಾಂವಾಂತ್ ಯೀ ತಾಂಚಿಂ ಮ್ಯಾಚಾಂ ಪಳೆಂವ್ಕ್ ಕೋಣಾಯ್ಕೀ ಆಸಕ್ತ್ ಆಸಾನಾ. ಮಾಗಿರ್ ಆಸ್ಟ್ರೇಲಿಯಾ ಚೊ ರಾಷ್ಟೀಯ್ ಖೆಳ್ ಜಾವ್ನಾಸ್ಚೊ ಕ್ರಿಕೆಟ್ ಥಂಚೊ ಸಕ್ಕಡೀ ಲೋಕ್ ಪಳೆಯ್ತಾ ಮ್ಹುಳ್ಯಾರೀ ತಾಂಚೊ ಜಣ್ ಸಂಖೊ ಕರ್ನಾಟಕಚಾ ಜಣ್ ಸಂಖ್ಯಾಚಾ ಅರ್ಧ್ಯಾಚಾಕೀ ಉಣೊ. ಇಂಗ್ಲೆಂಡಾಂತ್ ಆಸ್ಚಾ ಥೊಡ್ಯಾಚ್ ಕ್ರಿಕೆಟ್ ಅಭಿಮಾನಿಂಕ್ ಹ್ಯಾ ವಿಶ್ವಕಪ್ಪಚಾ ಕೀ ವ್ಹಡ್ Ashes ಚ್ ಏಕ್ ವಡ್ಲೆಂ ವಿಶ್ವಕಪ್ಪ್..!! ಹಾಂಕಾಂ ಪುರಾ ಪಾತ್ಯೆಲ್ಯಾರ್ ICC ಕ್ , ಸ್ಪೋನ್ಸರಾಂಕ್ ಅಸಲ್ ಫುಣಿ ಜಾತಾಗೀ ? ದೆಕುನ್ಂಚ್ ಕಾಲೆಂ ಪುಣಿ ಮಹತ್ವ್ ಆಸ್ ಲ್ಯಾರ್ ಸಬ್ ಕೊಂಟಿನೆಂಟಾಚಾ ದೇಶಾಂಕ್ ಮಾತ್ರ್..!

ಇಂಡಿಯಾ ಕ್ವಾರ್ಟಾರ್ ಫೈನಾಲಾಕ್ ಪಾವ್ತಾನಾ ಬೊಂಬೈ ಥಾವ್ನ್ ಏಕಾ ಪ್ರತಿಶಿಷ್ಟ್ ಮೀಡಿಯಾ ಕಂಪೆನಿಂತ್ ವಾವ್ರ್ ದೀವ್ನ್ ಆಸ್ಚೊ , ಏಕಾ ಕಾಳಾಚೊ ಕ್ರಿಕೆಟ್ ಕ್ರೇಜಿ ಮ್ಹುಜೊ ಮಿತ್ರ್ "ಹ್ಯಾ ಪಾವ್ಟಿಂ ಇಂಡಿಯಾ ಫೈನಲಾ ಮ್ಹುಣಾಸರ್ ಯೆತಾ. ಫೈನಾಲಾ ಮ್ಹುಣಾಸರ್ "push" ಕರ್ಚಿ ವ್ಯವಸ್ಥಾ ಜಾಲ್ಯಾ" ಮ್ಹುಣ್ ಬೊಲ್ಮೆ ಸಾಂಗಾಲಾಗ್ಲೊ. ಪಾತ್ಯೆಜೆಗೀ ಸೊಡಾಜೆಗೀ ಮ್ಹುಣ್ ಮ್ಹಕಾ ಖಳೊಂಕ್ ನಾ , ಪುಣ್ ತಾಣೆಂ ಸಾಂಗ್ ಲ್ಲ್ಯಾ ಬರಿಚ್ ಜಾಲೆಂ. ಪುಣ್ 2007 ವಿಶ್ವಕಪ್ಪಾಂತ್ ಇಂಡಿಯಾ ಆನಿಂ ಪಾಕಿಸ್ತಾನ್ ಪಯ್ಲ್ಯಾ ಹಂತಾರ್ ಚ್ ಭಯ್ರ್ ಪಡ್ಲ್ಯಾನ್ ಜಾಲ್ಲೊ ಇತ್ಲೊಯೀ ನಶ್ಟ್ ಹ್ಯಾ ಪಾವ್ಟಿಂ ಭರ್ತಿ ಕರುಂಕ್ ICC , ಬೋರ್ಡ್, ಸ್ಪೋನ್ಸಾರ್ಸಾಂ ಪುರಾ ಸಕ್ಲಿಂ ಮ್ಹುಳ್ಳೆಂ ಏಕ್ ಖಚಿತ್ ..!! . ಪುಡ್ಲ್ಯಾ ವರ್ಸಾನಿಂ 2011 ಕ್ರಿಕೆಟ್ scam ಭಯ್ರ್ ಪಡ್ಲ್ಯಾರೀ ಕಾಂಯ್ ಅಜ್ಯಾಪ್ ನಾ. ಕಿತ್ಯಾಕ್ ಮ್ಹುಳ್ಯಾರ್ ಹ್ಯಾ ಪಾವ್ಟಿಂಚಾ ICC ಚೊ "ಪವರ್" ಮಾತ್ರ್ ಜಬರ್ದಸ್ತ್ ಆಸ್ ಲ್ಲೊ..!!!
                                      *******

ಸೆಮಿಫೈನಲಾಂತ್ ಸಲ್ವಲ್ಯಾ ಉಪ್ರಾಂತ್ ಪಾಕಿಸ್ತಾನಾಚಾ DAWN ಪತ್ರಾರ್ ಏಕ್ಲೊ ವಾಚ್ಪಿ ಆಶೆಂ ಮ್ಹುಣ್ ಬರಂವ್ಕ್ ಲಾಗ್ಲೊ. " ಅಫ್ರಿದಿಚಾ ಟೀಮಾನ್ ತೆಂಡುಲ್ಕರಾಕ್ ಸೆಂಚುರಿ ಕರುಂಕ್ ಸೊಡಿಜೆ ಆಸ್ ಲ್ಲಿ. ತಶೆಂ ಕೆಲ್ಲೆಂ ಜಾಲ್ಯಾರ್ ಪಾಕಿಸ್ತಾನ್ ಖಂಡಿತ್ ಜಿಕ್ತೆಂ ..!!! "

ತ್ಯಾ ಮ್ಯಾಚಾಂತ್ ತೆಂಡುಲ್ಕರಾಚೆ ಅರ್ದೆ ಡಜನ್ ತಿತ್ಲೆ ಕ್ಯಾಚ್ drop ಕರ್ನ್ ಕಡೇಕ್ ತೊ ಸೆಂಚುರಿಕ್ ಲಾಗ್ಗಿಂ ಪಾವ್ತಾನಾ ಅಫ್ರಿದಿನ್ ತಾಚೊ ಕಿತ್ಯಾಕ್ ಕ್ಯಾಚ್ ದರ್ಲೊ ..?? ಮ್ಹಕಾ ದಿಸ್ತಾ ತೆಂಡುಲ್ಕರಾನ್ ಸೆಂಚುರಿ ಕೆಲ್ಯಾರ್ ಪಾಕಿಸ್ತಾನ್ ಜಿಕ್ತಾ ಮ್ಹುಣ್ ಅಫ್ರಿದಿಕ್ ಭೆಂ ದಿಸ್ಲೆಂ ಗೀ ಮ್ಹುಣ್ ..!!
                                    ********

ಚಡಾವತ್ ಜಾವ್ನ್ ಇಂಡಿಯಾ ಜೀಕ್ ಲ್ಲ್ಯಾ ವೆಳಾರ್ ಸಗ್ಳ್ಯಾ ದೇಶಾಚೊ ಲೋಕ್ ಜಾತ್, ಧರ್ಮ್ , ಕಾತ್ ಮ್ಹುಣ್ ಪಳೆಯ್ನಾಸ್ತಾನಾ ಸಂಭ್ರಮ್ ಪಾವ್ತಾ. ಪುಣ್ ಪಾಕಿಸ್ತಾನ ವಿರೋಧ್ ಇಂಡಿಯಾ ಜೀಕ್ ಲ್ಲೆಂಚ್ ಥೊಡೆ ಕೇಸರ್ ಪಂಗ್ಡಾಚೆ ಮೂಳ್ ಭೂತ್ ವಾದಿ ಏಕ್ ವಡ್ಲೆಂ war ಜೀಕ್ ಲ್ಲ್ಯಾ ಬರಿ , ಥೊಡ್ಯಾ ಅಲ್ಪ ಸಂಖ್ಯಾತ್ ಲೋಕಾಂಕ್ ಚಿಡಾಂವ್ಚಿ ಘೋಷಣಾಂ ಕರ್ನ್ ದೇಶಾಚಾ ಏಕ್ವಟಾಕ್ ದಕ್ಕೊ ಹಾಡ್ಚ ಬರಿ ವಿಜ್ರಂಭಣ್ ಕರುಂಕ್ ಲಾಗ್ಲೆ. ಇಂಡಿಯಾ ವಿಶ್ವಕಪ್ಪ್ ಜಿಕೊಂಕ್ ಕಿತ್ಲೆ ಇತರ್ ಅಂಶ್ ಆಸಾಗೀ ತಿತ್ಲೆಂಚ್ ಗಾಯ್ಚಾ ಮಾಸಾಚೆಂ ಅಂಶ್ ಯೀ ಆಸಾ ಮ್ಹುಣ್ mostly ತ್ಯಾ ಲೋಕಾಕ್ ಖಳಿತ್ ನಾ...!! ಹ್ಯಾ fast ಬೌಲರಾಂಕ್ ಮಸ್ತ್ ಸ್ಟೇಮಿನಾ ಆಸಾಜೆ. ಹಾಕಾ ಗಾಯ್ಚೆಂ ಮಾಸ್ best. ಗಾಯ್ಚಾ ಮಾಸಾಚೊ power ಕಾಲೆಂ ಮ್ಹುಣ್ ಹ್ಯಾ ಪಾವ್ಟಿಂ ಜಾಹೀರ್ ಖಾನಾನ್ ದಾಕಾಯ್ಲೊ. ನಾತ್ಲ್ಯಾರ್ ಹ್ಯಾ ನೆಹ್ರಾಕ್ , ಶ್ರಿಶಾಂತಾಕ್ ಕಾಣ್ಚೆವ್ನ್ ವಿಶ್ವಕಪ್ಪ್ ಜಿಕ್ಚಾ ಬರಿ ಆಸಾ ಗೀ ...!!!!????
                                   ********

ಯೆದೊಳ್ ಮ್ಹುಣಾಸರ್ ವಿಶ್ವಕಪ್ಪ್ ಮೆಳೊಕ್ ನಾ ಮ್ಹುಣ್ ಆಸ್ ಲ್ಲೆಂ ಉಣೆಂಪಣ್ ತೆಂಡುಲ್ಕರಾಕ್ ಥಾವ್ನ್ ಪಯ್ಸ್ ಗೆಲೆಂ. ಪುಣ್ ಇಂಡಿಯಾಚಾ ಮಹಾನ್ ಹಿಂದೂ ರಾಜ್ಯ್ ಗುಜರಾತಾಚಾ ಮುಖ್ಯಮಂತ್ರಿಕ್ ಏಕ್ ಉಣೆಂಪಣ್ ಭೊಗುಂಕ್ ಪಡ್ಲಾಂ. ಕೆನ್ನಾ ಪಳೆ ಇಂಡಿಯಾ ವಿಶ್ವಕಪ್ಪ್ ಜಿಕ್ತಾ ತೆನ್ನಾ ತಾಚಾ ರಾಜ್ಯಾ ಥಾವ್ನ್ ತಾಚಾ ಪಿಳ್ಗೆಚೆ ಖೆಲ್ಗಾಡಿ ಚ್ ಯೇಂವ್ಕ್ ನಾ ಮ್ಹುಣ್ ಮೋದಿಕ್ ಏಕ್ ಬೇಸರ್. 2007 ಇಸ್ವೆಂತ್ ಇಂಡಿತಾ T-20 ವಿಶ್ವಕಪ್ಪ್ ಜಿಕ್ತಾನಾ ಗುಜರಾತಾಚೆ ಪ್ರತಿನಿಧಿ ಇರ್ಪಾನ್ ಆನಿಂ ಯೂಸೂಫ್. ಹ್ಯಾ ಪಾವ್ಟಿಂ ಮೂನಾಫ್ ಆನಿಂ ಯೂಸುಪ್...!

ಮೋದಿಕ್ ಏಕ್ ಸಲಹಾ: ಭಿಪಾಚಾ ಮಾಸಾಚೆಂ ban ಲಿಪ್ಟ್ ಕರ್ ಆನಿಂ ರಿಸಲ್ಟ್ ಪಳೆ ..!!
                                    ********

ನಿಮಾಣೊ ಜೋಕ್ (ಹೊ ಫಕತ್ ಏಕ್ quote) :

"ಸಗ್ಳೆಂ ಇಂಡಿಯಾ ಪಳೆ ದೋನಿ ಪಾಟ್ಲ್ಯಾನ್ ರಾವೊನ್ , ವಿಶ್ವಕಪ್ಪ್ ಜಿಕೊಂಕ್ ಕಾರಣ್ ಜಾಲ್ಲ್ಯಾ ಬರಿ ಅಣ್ಣಾ ಹಜಾರೆ ಪಾಟ್ಲ್ಯಾನ್ ರಾವ್ ಲ್ಲೊ ಜಾಲ್ಲ್ಯಾರ್ ಹ್ಯಾ ದೇಶಾಂತ್ ಭ್ರಷ್ಟಾಚಾರ್ ನಿರ್ಮೂಲನ್ ಜಾವ್ನ್ ಹೊ ದೇಶ್ ರಾಮರಾಜ್ಯ ಜಾವ್ನ್ ಆಸ್ತಲೊ"
"
- ಡಾ. ಬಿ.ಎಸ್ ಯಾಡಿಯೂರಪ್ಪಾ


         ********
-ಪ್ರಮೋದ್ ಹೊಸ್ಪೆಟ್

ವೆಗ್ಗಿಂಚ್ ಆಮ್ಚೆ ವಯ್ರ್ ಪರತ್ ಆನ್ಯೇಕ್ ಸಪ್ತೆಂಬರ್ 14 ????

ಗೆಲೆತ್ಯಾ ಥೊಡ್ಯಾ ದಿಸಾಂ ಆದಿಂ ಹಾವೆಂ ಹ್ಯಾಚ್ ಅಂಕಣಾಂತ್ ಕಿರಿಸ್ತಾವಾನಿಂ ಕರ್ಚಿ ಸೆವಾ ಸರ್ಪಾಕ್ ವೊತ್ ಲ್ಯಾ  ದೂದಾ ಬರಿ ಜಾವ್ನ್ ಆಸಾ ಆನಿಂ ಸರೊಪ್ ಆಮ್ಕಾಂ ಚಾಬೊಂಕ್ ಆಂವ್ಡೆವ್ನ್ ಆಸಾ ಮ್ಹುಣ್ ಬರಯ್ಲೆಂ. ತಾಚಾ ಉಪ್ರಾಂತ್ ಜಾಲ್ಲಿಂ ಚಾರ್ ಘಡಿತಾಂ ಪಳೆಯಾ.ಮತಾಂತರ್ ಕರ್ತಾತ್ ಮ್ಹುಣ್ ಭಜರಂಗಿನಿ೦,  ಅಮ್ಚಾನಿಂ ಚಲವ್ನ್ ವರ್ಚಾ ಥೊಡ್ಯಾ ಸಂಸ್ತ್ಯಾ ವಯ್ರ್ ತಶೆಂ ವ್ಯಕ್ತಿ ವಯ್ರ್ ಪೊಡ್ಕಿರೊ ಅಪ್ರಾಧ್ ಮಾಂಡುನ್ ಸರ್ಕಾರಿ ಯಂತ್ರಾ ಸಮೇತ್ ಅಕ್ರಮಣಾಂ ಕೆಲ್ಲಿಂ ಆಮಿಂ ವಾಚುನ್೦ತ್ ಆಸಾಂವ್.ಪರತ್ ಕಿತ್ಯಾಕ್ ಆಶೆಂ ಘಡ್ತಾ ಮ್ಹುಣ್ ಚಿಂತುನ್ ಆಸಾತ್ ಗೀ ? ಯಾ ಆಚಾನಕ್ ಘಡಿತಾಂಕ್ so called ದೇಶ್ ಭಕ್ತಾನಿಂ ದಾಕಾಯ್ಲಿ ತಕ್ಷಣಾಂಚಿ  ಪ್ರತಿಕ್ರಿಯಾ ಹಿ ಮ್ಹುಣ್ ಚಿಂತುನ್ ಆಸಾತ್ ? ಖಂಡಿತ್ ನ್ಹಂಯ್... ತರ್ ಕಿತೆಂ ?
            
ಹ್ಯಾ ಕರವಾಳಿಂತ್ ಕೇಸರ್ ರಾಜ್ಯ್ ಆಯ್ಲ್ಯಾ ಉಪ್ರಾಂತ್ ಅಮಿಂ ಕರ್ಚಾ ಪ್ರತಿಭಟನಾಂಕ್ challenge ಕರ್ನ್ ಪರ್ಯಾಯ್ ಪ್ರತಿಭಟನ್ ಚಲಂವ್ಚೆಂ trend ಗೆಲೆತ್ಯಾ ದಿಸಾನಿಂ ಚಡ್ಡೆಗಾರಾನಿಂ ಭರನ್ ಚಲೊನ್ ವೆಲಾಂ. ತುಮ್ಕಾಂ ಉಡಾಸ್ ಆಸೊಂಕ್ ಪುರೊ , ಕುಂದಾಪುರಾಂತ್ ದೋನ್ ವರ್ಸಾಂ ಆದಿಂ ಆಮ್ಚಾ ಏಕಾ ಯಜಾಕಾಕ್ ಮತಾಂತರ್ ಕರ್ತಾ ಮ್ಹುಣ್ ಹಲ್ಲೊ ಕರ್ನ್  ಪೋಲಿಸಾಂಕ್ ದಿಲ್ಲ್ಯಾ ವಿರುದ್ದ್ ಥಂಯ್ಚಾ ಶಾಸ್ತ್ರಿ ಸರ್ಕಲಾ ಕಡೆ ಆಮಿಂ ಚಲಯ್ಲ್ಯಾ ಪ್ರತಿಭಟನ್ ಜಾಲ್ಲ್ಯಾ ದೋನ್೦ಚ್ ದೀಸಾ ಉಪ್ರಾಂತ್  ಚಡ್ಡೆಗಾರಾನಿಂ ಆಮ್ಚ್ಯಾ ವಿರುದ್ದ್ ವಡ್ಲೆಂ ಪ್ರತಿಭಟನ್ ಥ೦ಯ್ಚ್ ಕೆಲ್ಲೆಂ.  ಮಂಗ್ಳೂರಾಂತ್ ಕಿರಿಸ್ತಾವಾನಿಂ ಚಲಂವ್ಛಾ ಆಶಿರ್ವಾದ್ ಮ್ಹುಳ್ಳ್ಯಾ ಹೋಟೆಲಾಂತ್ ಭಿಪಾ ಮಾಸ್ ವಿಕ್ತಾತ್ ಮ್ಹುಣ್ ತಾಚೆರ್ ಅಕ್ರಮಣ್ ಕೆಲ್ಲ್ಯಾ ಭಜರಂಗಿ ವಿರುದ್ದ್ ಆಮಿಂ ಕೆಲ್ಯಾ ಪ್ರತಿಭಟನಾಕ್ ಯೀ  ದೋನ್೦ಚ್ ದಿಸಾಂ ಭಿತರ್ ಪರ್ಯಾಯ್ ಪ್ರತಿಭಟನ್ ಕರ್ನ್ ಅಮ್ಚೆರ್ ಏಕ್ ಸಂಕೇತ್ ದಿಂವ್ಚೊ ಪ್ರಯತ್ನ್ ಕೆಲೆಂ ಫ್ಯಾಸಿಸ್ಟ್ ಗಾರನಿಂ. ಪುಣ್ ಪೋಯ್ರ್ ಮಂಗ್ಳೂರಾಂತ್ ಸೋಮಾಶೇಖರ್ ವರ್ದೆ ವಿರೋಧ್ ಕಿರಿಸ್ತಾವಾನಿಂ ಕೆಲ್ಲ್ಯಾ ಇತ್ಲ್ಯಾ ವ್ಹಡ್ ಪ್ರತಿಭಟನಕ್ ಪರ್ಯಾಯ್ ಜಾವ್ನ್ ಚಡ್ಡೆಗಾರಾನಿಂ ಸಮಾವೇಶ್ ಕರುಂಕ್ ನಾ. ತಿತ್ಲ್ಯಾಕೀ ತೆ ವಗೆ‍‍ಚ್ ಬಸ್ಲ್ಯಾತ್ ಮ್ಹುಣ್ ತುಮಿ ಚಿಂತುನ್ ಆಸಾತ್ ಗೀ ? ಆಸಾಧ್ಯ್ ತೆಂ. ತುಕಾ ಏಕಾ ಹಿಟ್ಲರಾಕ್ ಪುಣೀ ಇಲ್ಲಿಶಿ ಬೂದ್ ಸಾಂಗೊನ್ ಸಮಾ ಕರ್ಯೇತ್, ಪುಣ್ ಕಲ್ಲಡ್ಕ ಪ್ರಭಾಕರ್ ಭಟ್ಟಾಕ್ ನ್ಹಂಯ್. ಇತ್ಲ್ಯಾಕೀ ಹ್ಯಾ ಕೆನಾರಾಕ್ ಇತ್ಲೆಂ ವಡ್ಲೆಂ communal lab ಕೆಲ್ಲೆಂ credit ಪುರಾ ಹ್ಯಾ ಭೊಟಾಕ್ ವೆತಾ. ಅರ್ದೆಂ ಶಿಕೊವ್ನ್ ಆಸ್ ಲ್ಲ್ಯಾ ಲೊಕಾಂಕ್ ಕಶೆಂ misguide ಕರ್ನ್ ಉಣ್ಯಾಂ ಸಂಖ್ಯಾಚಾ ಲೋಕಾ ವಯ್ರ್ ಬಾಂಧುನ್ ದಿವ್ಯೇತ್ ಆನಿಂ ತಶೆಂ ಕೆಲ್ಲ್ಯಾನಿಮ್ತಿಂ ಕಸೊ ರಾಜಕೀಯ್ ಲಾಭ್ ಘೆವ್ಯೇತ್ ಮ್ಹುಣ್ ಇಂಡಿಯಾಂತ್ ಪ್ರಥಮ್ ಯಶಸ್ವಿ ಪ್ರಯೋಗ್ ಕೆಲ್ಲೊಚ್ ಹಾಣೆಂ. ಹ್ಯಾ ಖಾತಿರ್ ಹಾಕಾ ಏಕ್ PhD ದಿಲ್ಯಾರ್ ಯೀ ಉಣೆಂಚ್.!

ಅಸಲೊ ಕಲ್ಲಡ್ಕಾಚೊ ಭೊಟ್  ಕ್ರೀಸ್ತಿ ಪ್ರತಿಭಟನ್ ಯಶಸ್ವಿ ಜಾತಾನಾ ನಿದೊನ್ ಪಡ್ತಾ ಮ್ಹುಣ್ ತುಮಿ ಚಿತುಂನ್ ಆಸಾತ್ ಗೀ? ತಾಚಾ ಹರ್ಯೇಕಾ ಶಿರಾನಿಂ ಕ್ರೀಸ್ತಿ ವಿರೋಧ್ ನಂಜಿ ವ್ಹಾಳೊನ್ ಆಸಾ. ತಶೆಂ ಮ್ಹುಣ್ ಹ್ಯಾ ಪಾವ್ಟಿಂ ಕಾಂಯ್ ಏಕ್ ಚ್ ಪಾವ್ಟಿಂ reaction ದೀಂವ್ಕ್ ತೊ ವಚುಂಕ್ ನಾ. ಹ್ಯಾ ಪಾವ್ಟಿಂ ಥೊಡೆ  calculated ಮಾಫ್ ಕಾಣ್ಛೆವ್ನ್ ವ್ಯವಸ್ತಿತ್ ಜಾವ್ನ್ ಕಿರಿಸ್ತಾಂವಾಂ ವಯ್ರ್ ಮತಾಂತರಾಚೊ ಅಫ್ರಾದ್ ಮಾಂಡುನ್ ಆಮ್ಚಾ ಸಂಸ್ಥ್ಯಾಂಕ್ demoralise ಕರ್ಚಾ ಕ್ರತ್ಯಾಂಕ್ ತೊ ಭಯ್ರ್ ಸರ್ಲಾ. ತಾಚೊ ಪಯ್ಲೊ ವಾಂಟೊಚ್ ಮಂಗ್ಳೂರಾಂತ್  ಗೆಲೆತ್ಯಾ ಮಹಿನ್ಯಾ ಥಾವ್ನ್ ಗಡ್ಚಿಂ ಘಡಿತಾಂ..!!


2008 ಚಾ ಸಪ್ತೆಂಬರ್ 14 ತಾರಿಕೆರ್ ಆಮ್ಚ್ಯಾ ಇಗರ್ಜೆರ್ ಹಲ್ಲೊ ಜಾಂವ್ಚಾ ಥೊಡ್ಯಾ ದಿಸಾಂ ಪಯ್ಲೆಂ ಅಸಲಿಂ ಸಬಾರ್ ಘಡಿತಾಂ ಗಡ್ ಲ್ಲಿಂ. ಕುಂದಾಪುರಾಂತ್ ಯಜಾಕಾ ವಯ್ರ್ ಹಲ್ಲೊ ಚಲ್ ಲ್ಲೊ. ಆಶಿರ್ವಾದ್ ಹೋಟೆಲ್ ಪಿಟೊ ಕೆಲ್ಲೆಂ. ಬೊಂದೆಲ್ಛಾ ಕುರ್ಸಾ ಗುಡ್ಯಾರ್ ಆಸ್ ಲ್ಲೊ ಗ್ರೊಟ್ಟೊ ದೆಸ್ವಾಟ್ ಕೆಲ್ಲೊ. ಕಂಕ್ನಾಡಿ ಆಸ್ಪತೆಕ್ ಯೀ ದಾಡ್ ಘಾಲ್ಲಿ. ಶಿಕ್ಷಣ್ ಮಂತ್ರಿ ಕಾಗೇರಿಕ್ ಘೇರಾವ್ ಕರುಂಕ್ ಮ್ಹುಣ್ ಗೆಲ್ಲ್ಯಾ ಅಮ್ಚಾ ಜಣಾಂಕ್ ಕುಡಾಯ್ಲೆಂ...  ಮ್ಹುಳ್ಯಾರ್ ಏಕಾ ನಮೂನೆಚೊ experiment ಕರ್ನ್ ಕಸಲೆಂ reaction ಯೆತಾ ಮ್ಹುಣ್ ಪಳೆಂವ್ಚೊ ಏಕ್ ವಿಕ್ರತ್ ಮನೋಭವ್ ಜಾವ್ನ್ ಆಸ್ ಲ್ಲೊ ಹ್ಯಾ ಕೋಮುವಾದಿಂಚೊ. ಕೆನ್ನಾಯ್ ಶಾಂತ್ ರೀತಿನ್ ಪ್ರತಿಭಟನ್ ಕರ್ಚಾ ಕಿರಿಸ್ತಾವಾನಿಂ ತ್ಯಾ ದಿಸಾ ಪೋಲಿಸಾಂ ವಿರೋಧ್ ಫಾತೊರ್ ಕಾಣ್ಘೆಂವ್ಕ್ ತಿತ್ಲಿಂ ಘಡಿತಾಂ ಪುರೊ ಆಸ್ ಲ್ಲಿಂ ..!!!


ಹಿಂ ಫ್ಯಾಸಿಸ್ಟ್ ಸಂಘಟಾನಂ ಪರತ್ ಏಕ್ ಸಪ್ತೆಂಬರ್ 14 ತಸಲೆಂ ಘಡಿತ್ ಪುನರಾವರ್ತನ್ ಕರುಂಕ್ ತಾಲೀಮ್ ಕರ್ನ್ ಆಸಾತ್ ಗೀ ? ಅಸಲೊ ಏಕ್ ವಡ್ಲೊ ದುಬಾವ್ ಅತಾಂ ಯೇವ್ನ್ ಆಸಾ. ತಾಕಾ ಪರಿಸ್ಥಿಯೀ ಅತಾಂ ಮಸ್ತ್ ಅನ್ಕೂಲ್ ಜಾವ್ನ್ ಆಸಾ.ಕರ್ನಾಟಕಾಂತ್ ಆಸ್ಚೊ ಸರ್ಕಾರ್ ತಾಂಚೊಚ್. ಪ್ರಮುಖ್ ಇಲಾಖ್ಯಾಂಕ್ ಅಪ್ಣಾಕ್ ಜಾಯ್ ಜಾಲ್ಲ್ಯಾ ಅಧಿಕಾರಿಂಕ್ ಬಸಯ್ಲಾಂ. ಮಾಗಿರ್ ಹಾಂಗಾಚಾ ಪೋಲಿಸಾನಿಂ ಚಡ್ಡಿ ಘಾಲ್ನ್ ಸಬಾರ್ ವರ್ಸಾಂ ಜಾಲ್ಯಾಂತ್. ಜಾಯ್ ಪಡ್ಲಾರ್ ಕೊಡ್ತಿಂಚಾ ಜಡ್ಜಾಂಕ್ ಮೊಲಾಕ್ ಘೆಂವ್ಚೆಂ confidence ಯೀ ಕಲ್ಲಡ್ಕಚಾ ಹೈಕಮಾಂಡ್ ಕ್ ಆಸಾ. ಮಂಗ್ಳೂರ್ಚೆಂ ಕಾಂಗ್ರೆಸ್ ಯೆದೊಳ್ ಚ್ ಮೆಲಾಂ. ಭ್ರಷ್ಟಚಾರ್ ಅರೋಪ್ ಆಸ್ ಲ್ಲ್ಯಾನ್ ಸಧ್ಯಕ್ ಕೇಂದ್ರ್ ಸರ್ಕಾರಾಕ್ ಯೀ ಆರ್ ಮಾರ್ಲ್ಯಾ. ಆನ್ಯೇಖ್ ಪ್ರಮುಖ್ ಕಾರಾಣ್ ಮ್ಹುಳ್ಯಾರ್ ಕಿರಿಸ್ತಾಂವ್ 2008 ಬರಿ ಖಂಡಿತ್ react ಕರಿನಾಂತ್  ಮ್ಹುಣ್ ತಾಂಕಾಂ sure ಜಾಲಾಂ. ಕಿತ್ಯಾಕ್ ಮ್ಹುಳ್ಯಾರ್ 2008 ಂತ್ ಆಮ್ಚಾ ತರ್ನಾಟ್ಯಾಂ ವಯ್ರ್  ಗಾಲ್ಲ್ಯೊ ಕೇಸಿ ತಾಂಚಾಚ್ ಪಾಂಯಾಂಕ್ ಪಡೊನ್ ಪಾಟಿಂ ಕಾಡಾ ಮ್ಹುಣ್ ಆಮ್ಚೊ ನಿರಂತರ್ ಮನವಿ ಪಳೆವ್ನ್ ಮಿಶಿಯಾಂ ಭಿತರ್ ಚ್ ಹಾಸೊನ್ ವಿಕ್ರತ್ ಸಂತೊಸ್ ಪಾವೊನ್ ಆಸಾತ್ ತೆ ಕೇಶವ ಕ್ರಪಾಚೆ ಮ್ಹಾತಾರೆ. ಆನಿಂ ಜಲ್ಮಾಕ್ ಯೀ "ಪರ್ಬುಲ್ ನಕುಲು ಕಲ್ಲ್ ದಕ್ಕುಜೆರ್ " ಮ್ಹುಣ್ ತಾಂಚೊ ಉಂಚ್ಲೊ ಭರ್ವಸೊ..!!


ಹ್ಯಾ ಕ್ಲಿಷ್ಟ್ ಪರಿಸ್ಥಿತೆಂತ್ ಜಾಗ್ರುತ್ಕಾಯೆನ್ ಆನಿಂ ಏಕ್ವಟಾಂತ್ ರಾವಾಜೆ ಜಾಲ್ಲೆಂ ಸರ್ವ್ ಕಿರಿಸ್ತಾವಾಚಿಂ ವಡ್ಲಿ ಆಧ್ಯತಾ ಜಾವ್ನ್ ಆಸಾ. ಕರಾಚಿಂತ್ ಆಸ್ ಲ್ಲ್ಯಾ ಕಿರಿಸ್ತಾವಾಂಕ್ ಯೇಂವ್ಚಿ ಗತ್ ಮುಖ್ಲ್ಯಾ ದಿಸಾನಿಂ ಅಮ್ಕಾಂ ಆಯ್ಲ್ಯಾರ್ ಅಜ್ಯಾಪ್ ನಾ. ಅಸಲ್ಯಾ ಸಂದರ್ಬಾರ್ ಯೀ ಫಿರ್ಗಜೆಚೊ ಅಂತರಿಕ್ ವಿಶಯ್ ಕಾಣ್ಘೆವ್ನ್ ಥೊಡ್ಯಾ ಫಿರ್ಗಜಾನಿಂ ಥೊಡಿಂ ಸಂಘಟಾನಾಂ ಮಾರ್ಗಾರ್ ಪ್ರತಿಭಟನಕ್ ಬಸ್ತಾತ್ ನೇ ..ಹಾಚ್ಯಾಕೀ ವಡ್ಲೊ ವಿಪರ್ಯಾಸ್ ಆಸಾ ಗೀ ..!!??  ಛೆ ..!!!


         ********
ಪ್ರಮೋದ್ ಹೊಸ್ಪೆಟ್