ಪ್ರಸ್ತುತ್ ಕಾಳಾರ್ ಅಸ್ಮಿತಾಯ್ ಕೊಣಾಚಿ ಬಳಾಧಿಕ್ ? ದೆವಾಚಿ ಗೀ ಯಾ ವಿಗ್ಯಾನಾಚಿ ?

(SEVAK-Dec2011)

"ಆರಂಭಾರ್ ದೆವಾನ್ ಸರ್ಗ್ ಆನಿಂ ಪ್ರಥ್ವಿ ರಚ್ಲಿ. ಪ್ರಥ್ವಿ ನಿರಾಕಾರ್ ಆನಿಂ ರಿತಿ ಆಸ್ ಲ್ಲಿ. ಆದಿಸಾಗೊರಾಚೆರ್ ಅಂದ್ಕಾರ್ ಬರೊನ್ ಆಸ್ ಲ್ಲೊ ಆನಿಂ ದೈವಿಕ್ ವಾರೆಂ ಉದ್ಕಾಚೆರ್ ಮಾರ್ತಾಲೆಂ. ದೆವಾನ್ ಮ್ಹುಳೆ "ಉಜ್ವಾಡ್ ಜಾಂವ್ " ಆನಿ ಉಜ್ವಾಡ್ ಜಾಲೊ...." ಆಶೆಂ ಮ್ಹುಣ್ ಪ್ರಾಂಕ್ ಬೊರ್ಮಾನ್ ಉತ್ಪತಿ ಗ್ರಂಥ್ ವಾಚುನ್ ಆಸ್ ಲ್ಲೊ. ಸಾಂಗಾತಾ ಜೇಮ್ಸ್ ಲೊವೆಲ್ ಆನಿಂ ವಿಲಿಯಾಂ ಆಂಡೆರ್ಸ್ ಆಸ್ ಲ್ಲೆ. 1968 ಇಸ್ವೆಚಾ ಡಿಸೆಂಬರ್ ಮಹಿನೊ ತೊ. ಜಾಗೊ ಚಂದ್ರಾಚಿ ಕಕ್ಷಾ. ಮನಿಸ್ ಪಯಿಲ್ಲೆ ಪಾವ್ಟಿಂ ಭೂಂಯ್ಚಾ ಗುರುತ್ವಾಕರ್ಷಣ್ ಸಕ್ತೆ ಥಾವ್ನ್ ನಿಕಳ್ನ್ ಚಂದ್ರಾಚಾ ಕಕ್ಷೆರ್ ಪಾವ್ ಲ್ಲೊ. ಸುಮಾರ್ ತೀನ್ ಲಾಕ್ ಕಿ.ಮಿ. ಪಯ್ಸ್. ಅಪೊಲ್ಲೊ 8 ಅಂತ್ರಾಳ್ ತಾರ್ವಾಂತ್ ಆಸ್ ಲ್ಯಾ ಹೆ ಯಾತ್ರಿ ಭೂಂಯ್ಕ್ ಪಯ್ಲೆ ಪಾವ್ಟಿ ಸಗ್ಳೆ ರಿತಿನ್ ದೊಳ್ಯಾನ್ ಪಳವ್ನ್ ಆಸ್ ಲ್ಲೆ. ದುಸ್ತ್ರೆ ಕಡೆ ಪಯ್ಲೆ ಪಾವ್ಟಿಂ ಚಂದ್ರಾಚೆರ್ ಲಾಗ್ಸಿಲ್ಯಾನ್ ನದರ್ ಗಾಲ್ನ್ ಆಸ್ ಲ್ಲೆ ತೆ. ಥಂಯ್ ಥಾವ್ನ್ ಂ ಚ್ ದೆವಾಚೆಂ ಉತಾರ್ ಪಯ್ಲೆ ಪಾವ್ಟಿಂ ಭೂಂಯ್ಚಾ ಗುರುತ್ವ್ ಸಕ್ತೆ ಭಯ್ರ್ ಗಾಜೊನ್ ಆಸ್ ಲ್ಲೆಂ...! ವಿಗ್ಯಾನಾಚಾ ಏಕಾ ಜಯ್ತಾಚೊ ದೀಸ್ ತೊ. ಪುಣ್ ದೆವಾಚಿ ಮಹಿಮಾ ಗಾವೊಂನ್ ಂಚ್ ಅಂತ್ರಾಳ್ ಯಾತ್ರಿ ತಿ ಘಡಿ ಸಂಭ್ರಮುನ್ ಆಸ್ ಲ್ಲೆ ..!

ವಿಗ್ಯಾನ್ ಂ ಚ್ ಶ್ರೇಷ್ಟ್ ಗೀ ?
ಉತ್ಪತಿ ಗ್ರಂಥಾಕ್ ಏಕಾ ಕುಶಿನ್ ವಿಶ್ಲೇಷಣ್ ಕೆಲ್ಯಾರ್ , ಆಯ್ಚೆ ವೆಗ್ಯಾನಿಕ್ ಸಂಸೋಧ್ ದೆವಾಚಾ ಆಸ್ತಿತ್ವಾಕ್ ಚ್ ಸವಾಲ್ ಗಲ್ತಾತ್. ಆಜ್ ಆಮಿಂ ಫಕತ್ ಭೂಂಯ್ ಕೇಂದ್ರೀತ್ ಸಂಸಾರಾಂತ್ ನಾಂವ್. ಆಯ್ಚಾ ನೆಕೆತ್ರ್ ಶಾಸ್ತ್ರಾ ಪ್ರಕಾರ್ ಭುಂಯ್ ಯಾ ಸುರ್ಯೊ ಕಾಂಯ್ ಚ್ ನ್ಹಂಯ್. ಶೆಂಬರ್ ಬಿಲಿಯಾನ್ ಸೂರ್ಯೊ ಆಸ್ಚಾ ಆಮ್ಚಾ ಮಿಲ್ಕೀ ವೇ ಗ್ಯಾಲಾಕ್ಸಿಂತ್ ಆಮ್ಚೊ ಸೂರ್ಯೊ ಫಕತ್ ಏಕ್ ಸಾಮಾನ್ಯ್ ನೆಕೆತ್ರ್. ಮಾಗಿರ್ ಮಿಲ್ಕೀ ವೇ ತಸಲ್ಯೊ ಶೆಂಬರ್ ಬಿಲಿಯಾನ್ ಗ್ಯಾಲಾಕ್ಸಿ ಆಸಾತ್ ಹ್ಯಾ ವಿಶ್ವಾಂತ್ .! . ತಿತ್ಲೊ ಅಗಾಧ್ ಹೊ ವಿಶ್ವ್. ಭೂಂಯ್ ತಸಲಿಂಚ್ ಗ್ರಹಾಂ ಆಸ್ಚಿಂ ನೆಕೆತ್ರಾಂ ಚ್ ಕೊರೊಡಾ ಗಟ್ಲ್ಯಾನ್ ಆಸಾತ್ .ತರ್ ಭೂಂಯ್ತ್ ಮಾತ್ರ್ ಕಿತ್ಯಾಕ್ ಜೀವಿ ಆಸಾಜೆ? ಎಕ್ರ್ಯಾ ಗಟ್ಲ್ಯಾ ಗಾದ್ಯಾನಿಂ ನೇಜ್ ಲಾಯ್ಲ್ಯಾರ್ , ಫಕತ್ ಏಕಾ ಕಣ್ಸೇರ್ ಮಾತ್ರ್ ಭಾತ್ ಜಾತಾ ಮ್ಹುಣ್ ಪಾತ್ಯೇತಾತ್ ಗೀ ತುಮಿ ?

ನೆಕೆತ್ರ್ ಶಾಸ್ತ್ರಿಂ ಪ್ರಕಾರ್ ಹ್ಯಾ ವಿಶ್ವಾಚಾ ಕೊರೊಡ್ ಕೊರೊಡ್ , ಜೀವಿ ಆಸ್ ಲಿಂ ಗ್ರಹಾಂ ಆಸಾತ್..! ಆಯ್ಚೆಂ ಹಬಲ್ ತಸಲೆಂ ಟೆಲಿಸ್ಕೋಪ್ ಪಳೆಯಾ , ಲಾಕೊಂ ಉಜ್ವಾಡಾ ವರ್ಸಾಂ ಪಯ್ಸ್ ಆಸ್ ಲ್ಯಾ ಅಂತ್ರಾಳ್ ಸಕ್ತೆ ವಯ್ರ್ ನದರ್ ದವರ್ಚಿ ಸಕತ್ ಆಸಾ ತಾಕಾ. ಆಜ್ ಆಮ್ಚಿ ಅಂತ್ರಾಳ್ ತಾರ್ವಾಂ ಹ್ಯಾ ಸೂರ್ಯಾ ಮಂಡಳಾ ಬೊವಾರಿಂ ಪಾವೊನ್ ಆಯ್ಲಾಂತ್ . ತ್ಯಾ ಗುರು ಯಾ ಶನಿ ಚಾಂ ಚಂದ್ರಾ ಕಕ್ಷೆರ್ ಯೀ ಅಂತ್ರಾಳ್ ತಾರ್ವಾಂ ಪಾವ್ಲ್ಯಾಂತ್. ಮಂಗಳಾರ್ ಆಮ್ಚೆ ರೊಬೊಟ್ ಚಲ್ಯಾತ್. ಅಮ್ಚಾ ಚಂದ್ರಾರ್ ಮನಿಸ್ ಚಲ್ಲ್ಯಾತ್ ಮಾತ್ರ್ ನ್ಹಂಯ್ ಚಂದ್ರಾಕ್ ಬಾಂಬ್ ಗಾಲ್ನ್ ಉದಾಕ್ ಆಸಾ ಗೀ ಮ್ಹುಣ್ ಪಳೆಂವ್ಕ್ ಯೀ ಸಕ್ಲ್ಯಾಂವ್. ತ್ಯಾ ಪಯ್ಸಿಲ್ಯಾ ಗುರು ಗ್ರಹಾಕ್ ಕಂಚೆ ಯೀಂ ಧುಮಾಕೇತು ಅಪ್ಟಾಂವ್ಕ್ ಆಸ್ ಲ್ಯಾರ್ ತೆಂ ಇತ್ಲ್ಯಾಚ್ ದಿಸಾ , ಇತ್ಲ್ಯಾಚ್ ಗಡ್ಯೆ ಗಡ್ತಾ ಮ್ಹುಣೊಂಕ್ ಪಯ್ಲೆಂ ಚ್ ಬೊಲ್ಮೆ ಸಾಂಗೊಂಕ್ ಸಕ್ಲ್ಯಾಂವ್. ಶೆಕ್ಡಾ ವರ್ಸಾಂ ಉಪ್ರಾಂತ್ ಭೂಂಯ್ಕ್ ಹ್ಯಾಚ್ ದಿಸಾ ಇತ್ಲ್ಯಾಚ್ ಗಡ್ಯೆ ಕ್ಷುದ್ರ್ ಗ್ರಹ್ ಅಪ್ಟಾಂವ್ಕ್ ಆಸ್ ಲ್ಯಾರ್ ಯೀ ತೆಂ ಆಮ್ಕಾಂ ಆಜ್ ಚ್ ಕಳ್ತಾ. ಹಿ ತಾಂತ್ರಿಕ್ ವಿಸ್ಮಯ್ ಫಕತ್ ನೆಕೆತ್ರ್ ಶಾಸ್ತ್ರಾಚೆರ್ ಮಾತ್ರ್ ನ್ಹಂಯ್ . ಜೆನೆಟಿಕ್ ಮಾಹೆತಿ ವರ್ವಿಂ , ಏಕಾ ದಾಕ್ಟ್ಯಾ ಜೀವ್ ಕಣಾನಿಂ ಆಸ್ಚೊ ಆಗಾದ್ ಸಂಸಾರಾಕ್ ಯೀ ಸಮ್ಜೊಂಕ್ ಸಕ್ಲ್ಯಾಂವ್ ಆಮಿಂ. ಹ್ಯಾ ತದ್ರೂಪ್ ಜೀವ್ ಉಬ್ಜೊಂವ್ಚಿ ತಾಂತ್ರಿಕಾತಾ ಧರ್ನ್ ತ್ಯಾ ಯೂರೆನಿಯಾಂ ಅಣು ಥಾವ್ನ್ ಅಪಾರ್ ಸಕತ್ ಭಯ್ರ್ ಕಾಡುಂಕ್ ಯೀ ಆಮ್ಕಾಂ ಖಳಿತ್ ಜಾಲಾಂ. ಮಾಗಿರ್ ಆಮ್ಚಿ ಸಂಪರ್ಕ್ ಮಾದ್ಯಾಮಾಚಿ ತಾಂತ್ರಿಕಾತಾ, ಉಪಗ್ರಹಾ ಆಧಾರಿತ್ ತಾಂತ್ರಿಕಾತಾ, 3G, 4 G ಮ್ಹುಳ್ಳಿ ಮೊಬೈಲ್ ತಾಂತ್ರಿಕಾತಾ ಹೆಂ ಪುರಾ ಆಸಾ ಪಳೆ ಸಂಸಾರಾಕ್ ಚ್ ಏಕ್ ದಾಕ್ಟಿ ಹಳ್ಳಿ ಕರ್ನ್ ದವರ್ಲ್ಯಾ. ಇತ್ಲೆಂ ಪುರಾ ತಾಂತ್ರಿಕ್ ಅಭಿವ್ರದ್ದಿ ಜಾಲ್ಯಾ ಉಪ್ರಾಂತ್, ಹ್ಯಾ ಕಾಳಾರ್ ಉಬ್ಜೊಂವ್ಚೆ ಸವಾಲ್.."ದೇವ್ ನಿಜಾಯ್ಕೀ ಆಸಾ ಗೀ .." ?
ತರ್ ದೇವ್ ನಾಂ ಗೀ ?
ಏಕಾ ಸಮೀಕ್ಷೆ ಪ್ರಕಾರ್ , ದೇವ್ ಆಸಾ ಗೀ ಯಾ ನಾ ಮ್ಹುಣ್ ವಿಚಾರ್ಲ್ಯಾರ್ ಫಕತ್ 35 % ನೆಕೆತ್ರ್ ಶಾಸ್ತ್ರಿ ಮಾತ್ರ್ ದೇವ್ ಆಸಾ ಮ್ಹುಣ್ ಪಾತ್ಯೇತಾತ್. ಪುಣ್ 70 % ವಯ್ಜ್ ದೇವ್ ಆಸಾತ್ ಮ್ಹುಣ್ ಪಾತ್ಯೇತಾತ್. ತುಮಿ ಹಿ ಭೂಮಿ ಕಶಿ ಉಬ್ಜಾಲಿ ? ಜೀವ್ ಕಸೊ ಉಬ್ಜಾಲೊ ? ಹೊ ವಿಶ್ವ್ ಕಸೊ ರೂಪಿತ್ ಜಾಲೊ ? ಮ್ಹುಣ್ ನೆಕೆತ್ರ್ ಶಾಸ್ತ್ರಾಂ ಕಡೆ ವಿಚಾರ್ಲ್ಯಾರ್ ತುಮ್ಕಾಂ ಏಕಾ ಮಟ್ಟಾ ಮ್ಹುಣಾಸರ್ ತೆ ತುಮ್ಕಾಂ ಜವಾಬ್ ದಿತಾತ್. ಸುಮಾರ್ ಪಾಂಚ್ ಬಿಲಿಯಾನ್ ವರ್ಸಾಂ ಆದಿಂ ಸುರ್ಯೊ ಆಸ್ ಲ್ಲೊ. ಹ್ಯಾ ಸುರ್ಯಾ ಭೊಂವಾರಿ ಧುಳ್ ತಶೆಂ ಫತ್ರಾಂ ಕುಡ್ಕಾಂಚಿ ಏಕ್ ವಡ್ಲಿ ರಾಸ್ ಘುಂವೊನ್ ಆಸ್ ಲ್ಲಿ. ಮಿಲಿಯಾನ್ ಗಟ್ಲೆ ವರ್ಸಾನಿಂ ಗುರುತ್ವಾಕರ್ಷಣ್ ಸಕ್ತೆ ನಿಮ್ತಿಂ ಹಿ ದೂಳ್ ಆನಿಂ ಫಾತೊರ್ ಎಕ್ಟಾಯ್ ಜಾವ್ನ್ ಆಮ್ಚ್ಯಾ ಭೂಮಿಚೆಂ ರಚನ್ ಜಾಲೆಂ.3.8 ಬಿಲಿಯಾನ್ ವರ್ಸಾಂ ಆದಿಂ ದರ್ಯಾಂ ಭಿತರ್ ಜಾಲ್ಲ್ಯಾ ರಾಸಾಯಾನಿಕ್ ಬದ್ಲಾವಣೆ ವರ್ವಿಂ ಏಕ್ ಕಣಾಚೆಂ ಬ್ಯಾಕ್ಟೀರಿಯಾ ಜಾವ್ನ್ ಪರಿವರ್ತನ್ ಜಾಲೆಂ. ಹೆಂ ಏಕ್ ಕಣಾಚೆಂ ಬ್ಯಾಕ್ಟೀರಿಯಾ ಪುಡೆಂ ಮಸ್ತ್ ಕಣಾಚೆಂ ಜೀವಿ ಜಾಂವ್ಕ್ ಪಾವ್ಲೆಂ. ಮಾಗಿರ್ ಮಾಸ್ಳೆ ತಸಲ್ಯೊ ಜೀವಿ ಉದೆಲ್ಯೊ.ಉಪ್ರಾಂತ್ ಮಾಂಕ್ಡಾ ತಸಲ್ಯೊ ಜೀವಿ ಉದೆವ್ನ್ ತೊ ಮಾಂಕೊಡ್ ಚ್ ಬದ್ಲಾವಣ್ ಜಾವ್ನ್ ಮನಿಸ್ ಜಾಲೊ. ಮ್ಹುಣ್ತಾತ್ . ಡಾರ್ವಿನಾಚಿ theory of evolution ಆಶೆಂಚ್ ಸಾಂಗ್ತಾ. ಮಾಗಿರ್ ಸುರ್ಯೊ ಕಸೊ ಜಾಲೊ ? ಹೊ ವಿಶ್ವ್ ಕೆದಾಳಾ ಉಬ್ಜಾಲೊ ಮ್ಹುಣ್ ವಿಚಾರ್ಲ್ಯಾರ್ , 13.7 ಬಿಲಿಯಾನ್ ವರ್ಸಾಂ ಆದಿಂ ಬಿಗ್ ಬ್ಯಾಂಗ್ ಜಾವ್ನ್ ಸಕತ್ ಆನಿಂ ಉಜ್ವಾಡ್ ಉಬ್ಜಾಲೊ. ಥಂಯ್ ಥಾವ್ನ್ಂ ಚ್ ವೇಳ್ ಆನಿಂ ಅಂತ್ರಾಳ್ ಉಬ್ಜಾಲ್ಲೆಂ ಮ್ಹುಣ್ತಾತ್. ಸಬಾರಾಂಕ್ ಹ್ಯಾ ಸಿದ್ದಾಂತಾಚೆತ್ ಸಹಮತ್ ಆಸಾ. ಪುಣ್ ಮಿಲಿಯಾನ್ ಡಾಲಾರ್ ಸವಾಲ್ ಮ್ಹುಳ್ಯಾರ್ ಬಿಗ್ ಬ್ಯಾಂಗ್ ಜಾಂವ್ಕ್ ಕಾರಾಣ್ ಜಾಲ್ಲೆಂ matter ಕೊಣೆಂ ರೂಪಿತ್ ಕೆಲ್ಲೆಂ ಮ್ಹುಣ್ . ತಾಕಾ ವಿಗ್ಯಾನಿಂ ಕಡೆ ಜವಾಬ್ ನಾ ..!

ಪುಣ್ 70 % ವಯ್ಜಾಂಕ್ ದೆವಾಚೆರ್ ಪಾತ್ಯೇಣಿ ಆಸೊಂಕ್ ಏಕ್ ಕಾರಾಣ್ ಆಸಾ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ, ಅಮ್ಚಾ ಜೀವಾಚಾ ಹರ್ಯೇಕ್ ಕಣಾಂತ್ ಯೀ ಕಪ್ಯೂಂಟಾರಾಂತ್ ಕೊಡಿಂಗ್ ಕೆಲ್ಲ್ಯಾ ಬರಿ ಮಾಹೆತ್ ಚಿಡ್ಕಾಯ್ಲ್ಯಾ. ಕಂಪ್ಯೂಟಾರ್ ಬಾಷೆಂತ್ ಆಸ್ಚಾ 1010111 ತಸಲ್ಯಾ ಕೋಡಾ ಬರಿ , ಆಮ್ಚಾ ಹರ್ಯೇಕಾ ಜೀವ್ ಕಣಾಂತ್ ತೀನ್ ಬಿಲಿಯಾನ್ ತಿತ್ಲೆ ಸಂಕೇತಾ ದ್ವಾರಿಂ ಕೋಡಿಂಗ್ ಕೆಲಾಂ. ಮನ್ಶ್ಯಾಚೊ ಮೆಂದು ಪಳೆಯಾ , ಹರ್ಯೇಕ್ ಸೆಕುಂಡಾಕ್ ಏಕ್ ಮಿಲಿಯಾನ್ ಸಂದೇಶ್ ಸಂಸ್ಕರಣ್ ಕರುಂಕ್ ಸಕ್ತಾ. ಮನ್ಶ್ಯಾಚೆ ದೊಳೆ ಪಳೆಯಾ ... ತೆ ಸಾತ್ ಮಿಲಿಯಾನ್ ರಂಗಾಂಕ್ ಗ್ರಹಣ್ ಕರುಂಕ್ ಸಕ್ತಾ. ತಶೆಂ ಪಳೆಯ್ಲ್ಯಾರ್ ಮನ್ಶಾಚಿ ಸಗ್ಳಿ ಕೂಡ್ ಚ್ ಏಕಾ ಮೆಶಿನಾ ಬರಿ ಕಾಮ್ ಕರ್ತಾ. ಹೆಂ ಮೆಶಿನ್ ತಿತ್ಲ್ಯಾ ಚತುರಾಯೆನ್ ಕೆಲ್ಲೆಂ ಜಾಲ್ಯಾರೀ ಕೊಣೆಂ ? ದೆಕುಂನ್ ಚ್ ವಯ್ಚಾಂಕ್ ದೆವಾಚೆರ್ ಪಾತ್ಯೇಣಿ ಚಡ್.
ಕೊಣ್ ತೊ ತಿತ್ಲೊ ಚತುರ್ ?
ಮನ್ಶ್ಯಾಚಿ ಕೂಡ್ , DNA ಕೊಡಿಂಗ್ ಸೊಡಿಯಾಂ , ಹೊ ವಿಶ್ವ್ ಚ್ ವಿಶಿಷ್ಟ್ ನಿಯಾಮಾನಿಂ ಏಕ್ ಚತುರ್ ವ್ಯಕ್ತೆನ್ ರೂಪಿತ್ ಕೆಲ್ಲ್ಯಾ ಬರಿ ದಿಸ್ತಾ. ದಾಕ್ಲ್ಯಾಕ್ ಪಳೆಯಾ ಭೂಮಿಚೊ ಆನಿಂ ಸೂರ್ಯಾಚೊ ಅಂತರ್. ಭೂಮಿಚೆರ್ ಜೀವ್ ಉರೊಂಕ್ ಕಿತ್ಲೊ ಅಂತರ್ ಜಾಯ್ ಪಳೆ ತಿತ್ಲೊಚ್ ಮೆಜುನ್ ದವರ್ಲ್ಯಾ ಬರಿ ಆಸಾ. ಜೀವ್ ಉರೊಂಕ್ ಭೂಂಯ್ ಕಿತ್ಲ್ಯಾ ವೇಗಾನ್ ಘುವಾಜೆ ಪಳೆ ತಶೆಂ ಸಾಂಗೊನ್ ಕೆಲ್ಯಾ ಬರಿ ಗುಂವ್ತಾ. ಸೂರ್ಯಾಚೆಂ ವಿಕಿರಣಾ ಆಡಾಂವ್ಕ್ ಆಸ್ಚೆಂ ಒಜೋನ್ ತಸಲೆಂ ಪದರ್ , ಹಾಡ್ನ್ ಬಸಲ್ಯಾ ಬರಿ ಆಸಾ. ಬಿಗ್ ಬ್ಯಾಂಗ್ ಕರುಂಕ್ ಸಕ್ ಲ್ಲೊ ಕೋಣ್ ...ವ್ಯಾಖ್ಯಾನಾ ಪ್ರಕಾರ್ , ಸಾಸ್ಣಿಕ್ , ಅಗಣಿತ್ ಕೆನ್ನಾಯ್ ಆಸ್ ಲ್ಲೊ ಆನಿಂ ಕೊಣಾ ವರ್ವಿಂ ಯೀಂ ರೂಪಿತ್ ಜಾಯ್ನಾತ್ಲೊ , ವೇಳಾ ಭಯ್ಲೊ ಏಕ್ ವ್ಯಕ್ತಿ ಆಸಾಜೆ. ಚಡಾವತ್ ಬೈಬಲಾಂತ್ಲೊ " I AM" ತೊಚ್.

ಸಾಂಗ್ ಲ್ಯಾ ಬರಿ ಬೈಬಲಾಂತ್ ಬಿಗ್ ಬ್ಯಾಂಗಾಚೊ ಉಲ್ಲೇಖ್ ನಾಂ ಗೀ ? ಬೈಬಲಾಂತ್ಲಿ ಪಯ್ಲೊ ವಾಕ್ಯ್ ಪಳೆಯಾ... In the beginning God created the heavens and the earth. ಮ್ಹುಳ್ಯಾರ್ ದೆವಾನ್ ಭೂಂಯ್ ರಸ್ಚಾ ಪಯ್ಲೆಂ ಹ್ಯಾ so called "heavens" ರಚ್ ಲ್ಲೆಂ. ಉಪ್ರಾಂತ್ ದೆವಾನ್ ಉಜ್ವಾಡ್ ರಚ್ ಲ್ಲೊ. ಉಪ್ರಾಂತ್ ಸುರ್ಯೊ ರಚ್ ಲ್ಲೊ..! ತಶೆಂ ಮ್ಹುಳ್ಯಾರ್ ಬೈಬಲಾ ಪ್ರಕಾರ್ ಸೂರ್ಯೊ ಆಸ್ಚಾ ಪಯ್ಲೆಂ ಚ್ ಉಜ್ವಾಡ್ ಆಸ್ ಲ್ಲೊ..!!! ಬಿಗ್ ಬ್ಯಾಂಗ್ ಯೀ ಆಶೆಂತ್ ಸಾಂಗ್ತಾ ....!!


- ಪ್ರಮೋದ್ ರೊಡ್ರಿಗಸ್ , ಹೊಸ್ಪೆಟ್