ತುಮ್ಚಾ ಇ-ಮೈಲ್ ಖಾತ್ಯಾಕ್ ಕಿತ್ಯಾಕ್ 2-step verification ಗರ್ಜೆಚೆಂ ... ?

NAMAN BALLOK JESU

 ತುಮಿಂ ಕಿತೆಂ ಯೀ ಮ್ಹುಣಾ , ಕಿತ್ಲಿ ಯೀ ಜಾಗ್ರುತ್ಕಾಯ್ ಘೆಯಾ ಯಾ ಖಂಚೆ ಯೀಂ Antivirus ಯಾ Firewall ವಾಪಾರಾ ....ಪುಣ್ ಜಾಳಿರ್ ತುಮ್ಚೊ ಇ-ಮೈಲ್ ಖಾತೊ ಸುರಕ್ಷಿತ್ ಮ್ಹುಣ್ ಬೊಗ್ತಾ ಗೀ ? ತುಮಿ ಕಸಲೊ ಯೀ ಸಂಕೀರ್ಣ್ ಪಾಸ್ ವರ್ಡ್ ದಿಲ್ಯಾರ್ ಯೀ ಹೆ ಹ್ಯಾಕಾರ್ ಆಸಾತ್ ಪಳೆ , Keylogger, Social engineering , trojan ಘೊಡೊ ಯಾ ಇತರ್ ವಿದಾನ್ ವಾಪಾರ್ನ್ ತುಮ್ಚೊ ಪಾಸ್ ವರ್ಡ್ ಚೊರೊಂಕ್ ಸಕ್ತಾತ್ . ಥೊಡೆ ಪಾವ್ಟಿಂ ತುಮ್ಚೊ ಪಾಸ್ ವರ್ಡ್ ಚೊರ್ನ್ ಗೆಲ್ಯಾರ್ ಯೀ ತುಮ್ಕಾಂ ಕಳಿತ್ ಆಸಾನಾ. ಆಜ್ ಇ-ಮೈಲ್ ಖಾತೊ ಫಕತ್ ವೀಜ್ ತಪ್ಪಾಲ್ ಖಾತೊ ಜಾವ್ನ್ ಉರಂವ್ಕ್ ನಾ . ತಾಂತುಂ ತುಮ್ಚೆ ಇತರ್ ಅಂತರ್ ಜಾಳಿ ಖಾತೆ , ಲಿಂಕ್ ಜಾವ್ನ್ ಆಸ್ತಾತ್. ತುಮ್ಚೆಂ Online ಬ್ಯಾಂಕಿಂಗ್ ಖಾತೆ ಯೀ ಲಿಂಕ್ ಜಾವ್ನ್ ಆಸೊಂಕ್ ಪುರೊ. ಇತರ್ ನಾಜೂಕ್ ವಿಷಯ್ ಆಸೊಂಕ್ ಯೀ ಪುರೊ ಯಾ ಮಸ್ತ್ ಖಾಸ್ಗಿ ಮಾಹೆತ್ ಆಸೊಂಕ್ ಪುರೊ. ಪುಣ್ ತುಮ್ಚೊ ಏಕ್ ಪಾಸ್ ವರ್ಡ್ ರಾಜಿ ಜಾಲ್ಯಾರ್ ಸಕ್ಕಡೀ ರಾಜಿ ಜಾಲ್ಯಾ ಬರಿ ಜಾಲೆಂ ...!

ಪುಣ್ ತುಮ್ಚೊ ಪಾಸ್ ವರ್ಡ್ ಹ್ಯಾಕಾರಾಂಕ್ ಮೆಳ್ಯಾರ್ ಯೀ ತಾಂಕಾಂ ತುಮ್ಚೊ ಇ-ಮೈಲ್ ಖಾತೊ ಉಗ್ತೆ ಕರುಂಕ್ ಚ್ ಜಾಯ್ನಾತ್ಲ್ಯಾರ್ ? ವ್ಹಯ್ ತಸಲಿ ಏಕ್ ತಾಂತ್ರಿಕಾತಾ ಅತಾಂ ಆಯ್ಲ್ಯಾ. ತಿಚ್ 2-step verification . ಸುಮಾರ್ ಏಕ್ ವರ್ಸಾಂ ಆದಿಂ Gmail ರ್ ಆಸ್ ಲ್ಲಿ ಹಿ ಸೆವಾ ಅತಾಂ Yahoo ರ್ ಯೀ ಮೆಳೊನ್ ಆಸಾ. ಇತ್ಲ್ಯಾಕೀ ಹಿ 2-step verification ಮ್ಹುಳ್ಯಾರ್ ಯೀ ಕಿತೆಂ ? ದಾಕ್ಲ್ಯಾಕ್ ತುಮಿ ತುಮ್ಚೊ ಇ-ಮೈಲ್ ಖಾತೊ ಉಗಾಡುಂಕ್ gmail.com ವೆತಾತ್. ಥಂಯ್ ತುಮ್ಚೆಂ username ಆನಿಂ ಪಾಸ್ ವರ್ಡ್ ಗಲ್ತಾತ್. ತುಮ್ಚೊ ಪಾಸ್ ವರ್ಡ್ ಗಲ್ಯಾ ಉಪ್ರಾಂತ್ ತುಮ್ಚೊ ಇ-ಮೈಲ್ ಖಾತೊ ಉಗ್ತೆ ಜಾಯ್ಜೆ. ಪುಣ್ 2-step verification ಕ್ ತುಮಿಂ ರಿಜಿಸ್ಟರ್ ಕೆಲ್ಯಾರ್ , ತುಮ್ಚೊ ಪಾಸ್ ವರ್ಡ್ ಗಲ್ಯಾ ಉಪ್ರಾಂತ್ ಯೀ ತುಮ್ಚೊ ಇ-ಮೈಲ್ ಖಾತೊ ಉಗ್ತೆ ಜಾಯ್ನಾ. ಬಗಾರ್ ಅನ್ಯೇಕ್ ಕೋಡ್ ವಿಚಾರ್ತಾ. ತೊ ಕೋಡ್ ತುಮ್ಚಾ ಮೊಬೈಲಾಕ್ ತೀಸ್ ಸೆಕುಂಡಾ ಬಿತರ್ sms ದ್ವಾರಿಂ ದಾಡ್ಚಿ ವ್ಯವಸ್ಥಾ ಗೂಗಲಾನ್ ಕೆಲ್ಯಾ.SMS ನಾತ್ಲ್ಯಾರ್ call ಕರ್ನ್ ಪಾಸ್ ವರ್ಡ್ ಘೆಂವ್ಚಿ ವ್ಯವಸ್ಥಾ ತಾಂಚೆ ಕಡೆ ಆಸಾ. ಹಿ ಸೌಲಾತ್ ವಾಪಾರಿಜೆ ಜಾಲ್ಯಾರ್ ತುಮಿ ತುಮ್ಚಾ ಗೂಗಲ್ ಖಾತ್ಯಾಚಾ Account settings ಕ್ ವಚುನ್ 2-step verification ಕ್ activate ಕರಿಜೆ ಪಡ್ತಾ. ಥಂಯ್ ತುಮ್ಚೆಂ ಮೊಬೈಲ್ ನಂಬರ್ ರಿಜಿಸ್ಟರ್ ಕರ್ಚಿ ಏಕ್ ಪ್ರಕ್ರಿಯಾ ಆಸ್ತಾ. ತಿತ್ಲೆಂಚ್ ...!

ಮಾಗಿರ್ ತುಮಿಂ ಹಿ ಸೆವಾ ಅಪ್ಣಾಯ್ಲ್ಯಾರ್ ಯೀ ತುಮ್ಚೆಂಚ್ ಖಾಸ್ಗಿ ಕಂಪ್ಯೂಟರ್ ಯಾ ಲ್ಯಾಪ್ ಟೋಪಾಂತ್ ತುಮ್ಕಾಂ 2-step verification ಚಿ ಗರ್ಜ್ ಆಸಾನಾ.ಕಿತ್ಯಾಕ್ ಮ್ಹುಳ್ಯಾರ್ ತೆಂ ತುಮ್ಚೆಂ ಚ್ ಆನಿಂ ತೆಂ ಕೊಣೆಂ ಯೀ ದುಸ್ರ್ಯಾನಿಂ ವಾಪಾರ್ನಾತ್ಲ್ಯಾರ್ ಫಕತ್ ತ್ಯಾ ಕಂಪ್ಯೂಟಾರಾ ಥಾವ್ನ್ ಉಗಾಡ್ಚಾ ತುಮ್ಚಾ ಇ-ಮೈಲ್ ಖಾತ್ಯಾಕ್ ದುಸ್ರೆಂ ವೆರಿಫಿಕೆಶಾನ್ ನಕಾರ್ ಕರ್ಚಾ ಬರಿ settings ಕರುಂಕ್ ಯೀ ಜಾತಾ. ಪುಣ್ ತೆಂ ಕಂಪ್ಯೂಟರ್ ಸೊಡ್ನ್ ದುಸ್ರೆಂ ಖಂಚಾ ಯೀ ಕಂಪ್ಯೂಟಾರಾಂತ್ ತುಮ್ಚೊ ಇ-ಮೈಲ್ ಖಾತೊ ಉಗಾಡಿಜೆ ಜಾಲ್ಯಾರ್ ತುವೆಂ ತುಜಾ ಮೊಬೈಲಾತ್ ಆಯಿಲೆಂ 2-step verification ಕೋಡ್ ಜರೂರ್ ಘಾಲಿಜೆಚ್ ..! ತುಮಿಂ ಖಂಯ್ ಪುಣಿ ಸೈಬರ್ ಸೆಂಟರ್ ಯಾ ಇತರ್ ದುಸ್ತ್ರ್ಯಾ ಕಂಪ್ಯೂಟಾರಾನಿಂ ತುಮ್ಚೊ ಇ-ಮೈಲ್ ಖಾತೊ ಉಗ್ತೆ ಕೆಲ್ಯಾರ್ , ತಾಂತುಂ ಕಂಯ್ ಪುಣೀ Keylogger ಸಾಪ್ಟ್ ವೇರ್ ಆಸ್ ಲ್ಯಾರ್ , ತುಮ್ಚೆ ಪಾಸ್ ವರ್ಡ್ ಪುರಾ ತಾಂಚೆ ಕಡೆ ರೆಕೊರ್ಡ್ ಜಾತಾತ್. ಪುಣ್ 2-step verification ಆಸ್ ಲ್ಯಾರ್ ತುಮ್ಚೆ ಪಾಸ್ ವರ್ಡ್ ತುಮ್ಚಾ ವೈರಿಂಕ್ ಮೆಳ್ಯಾರ್ ಯೀ ತಾಂಕಾಂ ಕಾಂಯ್ ಕರುಂಕ್ ಜಾಯ್ನಾ. ತುಮಿಂ ಹ್ಯಾ ಕದಿರೆನಾ ಹಳ್ಳೆಂತ್ ಆಸ್ ಲ್ಯಾರ್ ಯೀ ತ್ಯಾ ಪಯ್ಸಿಲ್ಯಾ ಕಜಕಿಸ್ತಾನಾ ಥಾವ್ನ್ ತುಮ್ಚೊ ಇ-ಮೈಲ್ ಖಾತೊ ಉಗಾಡುಂಕ್ ಕೊಣೆಂ ಯೀ ಪ್ರಯತ್ನ್ ಕೆಲ್ಯಾರ್ ತುಮ್ಕಾಂ ತೆಂ SMS ದ್ವಾರಿಂ ಕಳ್ತಾ ..! ಕಿತ್ಯಾಕ್ ಮ್ಹುಳ್ಯಾರ್ ತುಜೊ 2-step verification ಕೋಡ್ ಗೂಗಾಲಾಚೆ ಕದಿರೆನಾ ಹಳ್ಳೆಂತ್ ಆಸ್ ಲ್ಯಾ ತುಜಾ ಮೊಬೈಲಾಕ್ ದಾಡ್ತಾತ್ ಶಿವಾಯ್ ತ್ಯಾ ಕಜಕಿಸ್ತಾನಾಚಾ ಹ್ಯಾಕಾರಾಚಾ ಮೊಬೈಲಾಕ್ ನ್ಹಂಯ್ ...! ತಶೆಂ ಜಾಲ್ಯಾನ್ ತುಮ್ಚಾ ಇ-ಮೈಲ್ ಖಾತ್ಯಾಕ್ ಭಾರಿ ಭದ್ರಾತಾ ಆಸ್ತಾ....!

ಏಕೆದಾವಳಾ ತುಮ್ಚೆಂ ಮೊಬೈಲ್ ಭಯ್ರ್ ಪಡೊನ್ ಗೆಲೆಂ ಆನಿಂ ತುಮ್ಕಾಂ 2-step verification ಕೋಡ್ ಮೆಳಾನಾ. ತ್ಯಾ ದೆಕುನ್ ಗೂಗಲಾನ್ ಪಯ್ಲೆಂಚ್ ಏಕ್ ಡಜನ್ ಬರ್ backup ಕೋಡ್ ಉತ್ಪನ್ನ್ ಕರ್ನ್ ತುಮ್ಚೆ ಕಡೆ ದವರ್ಚಿ ವ್ಯವಸ್ತಾ ಯೀ ಕೆಲ್ಯಾ. ತೆ ಕೋಡ್ ತುಮಿಂ ತುಮ್ಚಾ ಪೊಕೆಟಿಂತ್ ಏಕಾ ಚೀಟಿರ್ ಬರವ್ನ್ ಭದ್ರ್ ಕೆಲ್ಯಾರ್ ಕಂಯ್ ಪುಣೀ ತುರ್ತು ಪರಿಸ್ತಿತೆಂತ್ ಗರ್ಜ್ ಪಡ್ತಾತ್. ಸಾಂಗಾತಾಚ್ ತುಮಿಂ ತುಮ್ಚೊ ಗೂಗಾಲ್ ಖಾತೊ ತುಮ್ಚಾ smart ಫೊನಾನಿಂ ಉಗಾಡಿಜೆ ಜಾಲ್ಯಾರ್ ಕಸಲಿಂ ಪಾವ್ಲಾಂ ಕಾಡಿಜೆ ಆನಿಂ ತಾಕಾ ಕಸ್ಲೆ ವಿಧಾನ್ ಆಸಾತ್ ? ಹೆಂ ಪುರಾ ವಿವರ್ ಗೂಗಾಲಾಂತ್ ಆಸಾತ್. ಸಾಂಗ್ ಲ್ಯಾ ಬರಿ ಗೂಗಾಲಾ ಬರಿಚ್ Yahoo ನ್ ಯೀ ಸಾದ್ರಶ್ಯ್ ಮ್ಹುಳ್ಳೆ ಬರಿ ಆಸಲಿ ಸೌಲತ್ ದಿಲ್ಯಾ..! ತುಮಿಂ ಯೆದೊಳ್ ಮ್ಹುಣಾಸರ್ ಹಿ 2-step verification ಸೌಲತೆಕ್ ರಿಜಿಸ್ಟರ್ ಜಾಯ್ನಾತ್ಲ್ಯಾರ್ , ಜರೂರ್ ಅತಾಂ ಪುಣೀ ಜಾಯಾ...! ಅಂತರ್ ಜಾಳೆರ್ ಏಕ್ ತುಮ್ಕಾಂ ಭದ್ರತಿ ಮೆಳ್ಯಾ ಬರಿ ಜಾತಾ ...!!


               **********************

ಕಿತೆಂ ಇಂಡಿಯಾಂತ್ ಪೆಟ್ರೊಲಾಚೆಂ ಮೋಲ್ ಉಣೆಂ ಕರಿಜೆಚ್ ಗೀ ?

Matter and energy cannot be created or destroyed but they can be converted from one form to another .... ಆಶೆಂ ಮ್ಹುಣ್ತಾ ಬೌತ್ ಶಾಸ್ತಿರ್ ನಿಯಮ್. ದಾಕ್ಟೊ ದಾಕ್ಲೊ ಚ್ ಉದಾಕ್ . ಉದಾಕ್ ಕಿತ್ಲ್ಯಾ ರೂಪಾರ್ ನಾ? ಪಿಯೆಂವ್ಕ್ ಉದಾಕ್ ನಾತ್ ಲ್ಯಾರೀ ತ್ಯಾ ಮುನ್ಸಿಪಾಲಿಟಿಚೆಂ ನಳ್ ಪುಟೊನ್ ,ಚರಂಡೆಂತ್ ಉದಾಕ್ ವೊಳೊನ್ ವೆತಾನಾ ಆಮಿಂ ಮ್ಹುಣ್ತಾಂವ್ "ಉದ್ಕಾಚಿ ವಿಭಾಡ್ಣಿ " ಜಾಲಿ ಮ್ಹುಣ್. ವಿಗ್ಯಾನಿ ಮ್ಹುಣ್ತಾತ್ ಆಜ್ ಆಮಿಂ ವಾಪಾರ್ಚೊ ಹರ್ಯೇಕ್ ಥೆಂಬೊ ಉದಾಕ್ 400 ಕೊರೊಡ್ ವರ್ಸಾಂ ಆದ್ಲೊ. ಭೂಂಯ್ಚಾ ಆರಂಭಾರ್ ಉಲ್ಕಾಪಾತ್ ಜಾವ್ನ್ ಥೆಂಬೆ ಥೆಂಬೆ ಜಾವ್ನ್ ಆಯಿಲ್ಲೊ ಮ್ಹುಣ್..!.ಪುಣ್ ತುಮಿಂ ಕಿತೆಂ ಯೀ ಮ್ಹುಣಾ , ಆಮಿಂ ವಿಬ್ಡಾಯ್ ಯಾ waste ಕರ್ಚೊ ಹರ್ಯೇಕ್ ಥೆಂಬೊ ಉದಾಕ್ ಆಮ್ಚಾ ಭೂಂಯ್ತ್ ಚ್ ಆಸ್ತಾ ಆನಿಂ ಆಮ್ಕಾಂ ಪಾಟಿಂ ಮೆಳ್ತಾ ..!

ತಶೆಂಚ್ ಆಮಿಂ ಕಾಗದ್ ವಾಪಾರ್ತಾನಾ , ರುಕಾಂಚೊ ವಿಬ್ಡಾಯ್ ಕರಿನಾಕಾತ್, go green ಮ್ಹುಳ್ಳಿ ಬೊಬಾಟ್ ಆಯ್ಕೊಂಕ್ ಪುರೊ. ಜಣ್ ಸಂಕೊ ಚಡ್ ಲ್ಯಾನ್ ರಾಣಾಂಚೊ ದೆಸ್ವಾಟ್ ಜಾಲ್ಲೊ ವ್ಹಯ್. ಪುಣ್ ಆಮಿಂ ಮನ್ ಕೆಲ್ಯಾರ್ ಥೊಡ್ಯಾಚ್ ವರ್ಸಾನಿಂ ರೂಕ್ , ಝಾಡಾಂ ಲಾವ್ನ್ ತಿಂ ರಾಣಾಂ ಪುರಾ ಪರತ್ ಪಾಟಿಂ ಹಾಡ್ಯೇತ್ ....! ತುಮಿಂ ಏಕ್ ಟಿಸ್ಯೂ ಪೇಪರ್ ವಿಬ್ಡಾಯ್ ಕೆಲ್ಯಾರೀ ತೆಂ "recycle" ಕರ್ಯೇತ್.. ಪುಣ್ ಪೆಟ್ರೋಲಿಯಾಂ ....????


                              ********

ಪೆಟ್ರೋಲ್ ಉತ್ಪನ್ ಜಾಲ್ಲೊ ಆಸಲೊ ದೆಸ್ವಾಟ್ ಜಾಲ್ಲ್ಯಾನ್ ....! ಆನಿಂ ಹಿಂ ಮೊಡಿಂ ಕೊರೊಡ್ ಕೊರೊಡ್ ವರ್ಸಾಂ ಉಕೊಡ್ಲ್ಯಾನ್ ...!!

ತುಮಿಂ ಹ್ಯಾ ಭೂಂಯ್ಚೆಂ ಇತಿಹಾಸ್ ಪಳೆಯ್ಲಾರ್ mass extinsion ಮ್ಹುಳ್ಳೊ ಸಬ್ದ್ ಆಯ್ಕೊಂಕ್ ಪುರೊ. ಸುಮಾರ್ ಏಕ್ ಅರ್ದೆಂ ಡಜನ್ ಪಾವ್ಟಿಂ ಪುಣೀ ಹ್ಯಾ ಭೂಂಯ್ಚೊ ಸಂಪ್ಪೂರ್ಣ್ ದೆಸ್ವಾಟ್ ಜಾಲಾ. ಖಂಯ್ ಖಂಯ್ ಆಸ್ ಲ್ಲಿಂ ಭೂಯ್ಕಾಂಡಾಂ ದೆಸ್ವಾಟ್ ಜಾವ್ನ್ ಖಂಯ್ ಖಂಯ್ ಪಾವ್ಲಿಂ. ಮನಿಸ್ ಹ್ಯಾ ಸಂಸಾರಾಕ್ ಯೆಂವ್ಚಾ ಪಯ್ಲೆಂಚ್ ಕಿತ್ಲ್ಯಾ ಜೀವಿಂಚೊ ದೆಸ್ವಾಟ್ ಜಾವ್ನಾ?. ಆಮಿಂ ಅತಾಂ ಪಳೆಂವ್ಚಾ ಭೂಂಯ್ಚಾ ಪಯ್ಲೆಂ, 19 ಕೊರೊಡ್ ವರ್ಸಾಂ ಆದಿಂ ಪ್ಯಾಂಜಿಯಾ (Pangaea) ಮ್ಹುಳ್ಳೆಂ ಏಕ್ ಭೂಂಯ್ಕಾಂಡ್ ಆಸ್ ಲ್ಲೆಂ. ತೆಂ ನಾಸ್ ಜಾತಾನಾ , ತಾಂತುಂ ಆಸ್ ಲ್ಯೊ ದೈತ್ಯ್ ಜೀವಿ, ರೂಕ್ ಝಡಾಂ ಭೂಂಯ್ಚಾ ಖವಾಳಾಕ್ ವಚೊನ್ , ಥಂಯ್ ಆಸ್ಚಾ ತಾಪಾಕ್ ಉಕ್ಡೊನ್ , ಉಕ್ಡೊನ್ ಏಕ್ ತೇಲ್ ಜಾವ್ನ್ ರೂಪಿತ್ ಜಾಲೆಂ. ಹೆಂ ತೇಲ್ ಉಕ್ಡೊಂಕ್ ಜಾಯ್ ಪಡ್ಲೊ ಕಾಳ್ 19 ಕೊರೊಡ್ ವರ್ಸಾಂ ..! ಹ್ಯಾ ಯುಗಾಚಿ ಭೂಂಯ್ ಕುಡ್ಕೆ , ಕುಡ್ಕೆ ಜಾವ್ನ್ ಯೆತಾನಾ ಥೊಡ್ಯಾ ದೇಶಾಂಕ್ ಅತಾಂ ಲೊಟ್ರಿ ಉಟ್ಲಿ. ತೆಂಚ್ crude oil..! ಪರಿವರ್ತನ್ ಕೆಲ್ಯಾರ್ ಪೆಟ್ರೊಲಿಯಾಂ ...!!


                  ********
ಪೆಟ್ರೊಲಾಕ್ ಸಾಡೆ ಸಾತ್ ಚಡ್ಲೆ ನೇ ? ಇಂಡಿಯಾಂತ್ ಜಾಲ್ಲೊ ಭಾರತ್ ಬಂದ್ ಆನಿ ಗೆಲೆತ್ಯಾ ಮಹಿನ್ಯಾಚಾ Business Insider ಮ್ಯಾಗಜಿನಾರ್ ಥೊಡೆ interesting ಅಂಕೆ ಆಸಾತ್. ಪೆಟ್ರೊಲಾಕ್ ಖಂಚಾ ಖಂಚಾ ದೇಶಾಂತ್ ಕಿತ್ಲೆಂ ಮೋಲ್ ಆಸಾ. ? ಅತಾಂ ಇಂಡಿಯಾಂತ್ ಮಲ್ಯಾಚಾ ಏಕ್ ಬೋತ್ಲ್ ಬಿಯಾರ್ ಆನಿಂ ಪೆಟ್ರೋಲಾಕ್ ಲಾಗ್ಗಿಂ ಲಾಗ್ಗಿಂ same rate . ! ಗಲ್ಪಾಂತ್ ಆಸ್ ಲ್ಯಾ ತುಮ್ಕಾಂ ಮಾಗಿರ್ ಖಳಿತ್ ಆಸಾನೆ? ಥಂಯ್ ಕಿತ್ಲಿ ರೇಟ್ ಮ್ಹುಣ್ ..! ಆಮಿಂ ಹಾಂಗಾ ಅರ್ದೆಂ ಲೀಟರ್ coca cola ಕಾಣ್ಘೆಂವ್ಕ್ ದಿಂವ್ಚಾ ಮೋಲಾಕ್ ತುಮಿ ದೋನ್ ಲೀಟರ್ ಪೆಟ್ರೊಲ್ ಕಾಣ್ಘೆತಾತ್..! ಪುಣ್ ಸಗ್ಳ್ಯಾ ಸಂಸಾರಾಂತ್ ಪೆಟ್ರೊಲ್ cheap ಮೆಳ್ಚೊ ಮ್ಹುಳ್ಯಾರ್ ವೆನಿಜುಯೆಲಾಂತ್ . ಥಂಯ್ ಆಮಿಂ ಹಾಂಗಾ ಏಕ್ ಬೂಮಾರ್ ಚೂಯಿಂಗ್ ಗಮ್ ಕಾಣ್ಘೆಂವ್ಚಾ ಮೊಲಾಕ್ ಏಕ್ ಲೀಟರ್ ಪೆಟ್ರೊಲ್ ಘೆವ್ಯೆತ್ ..! ಮಾಗಿರ್ ತುಮ್ಚಾ ಗುಮಾನಾಕ್ ... ಸಂಸಾರಾಂತ್ ವಡ್ಲೆಂ oil reserve ಆಸ್ಚೆಂ ರಾಷ್ಟ್ ಚ್ ವೆನಿಜುಯೆಲಾ...!
ಮಾಗಿರ್ Costliest ಪೆಟ್ರೊಲ್ rate ಆಸ್ಚೆ ದೇಶ್ ಖಂಚೆ ? ಬೆಲ್ಜಿಯಾಮಾಂತ್ 122 ರೂಪಯ್ ಆಸಾತ್. UK ಂತ್ 124 , ಡೆನ್ಮಾರ್ಕಾಂತ್ 125 ಆಸಾತ್.  ಸೊನಿಯಾ ಗಾಂಧಿಚಾ ಇಟಲಿಂತ್ 127 ರೂಪಾಯ್. ಸಂಸಾರಾಂತ್ ಅಧಿಕ್ ಚಡ್ ಪೆಟ್ರೊಲಾಕ್ ಮ್ಹೊಲ್ ಆಸ್ಚೆಂ "ನೊಬೆಲ್" ನಾರ್ವೆಂತ್.ಥಂಯ್ ದೆಡ್ಶ್ಯಾ ವಿಣೆಂ ಪೆಟ್ರೊಲ್ ಮೆಳಿನಾ ...!! ಮಾಗಿರ್ ತುಮಿಂ ಪಾಕಿಸ್ತಾನಾನಾಂತ್ ಚಾಳಿಸ್ ರುಪ್ಯಾಂಕ್ ಪೆಟ್ರೊಲ್ ಮೆಳ್ತಾ ಮ್ಹುಣ್ ಚಡ್ಡೇಗಾರಾಂಚಿ ಸಾಂಗ್ಣಿ ಯಾ ಜಾಳಿಜಾಗ್ಯಾನಿಂ ಯೆಂವ್ಚಾ fake ಸಂದೇಶಾಂಕ್ ಮಾನ್ಯಾತಾ ದಿನಾಕತಾತ್ . ಪಾಕಿಸ್ತಾನಾಂತ್ ಚಾಳಿಸ್ ರೂಪ್ಯಾಂಕ್ ಮೆಳ್ಚೊ ಏಕ್ ಕ್ವಾರ್ಟಾರ್ ಪೆಟ್ರೊಲ್ ಮಾತ್ರ್....!


                          ********

ಟ್ರಾಪಿಕ್ ಜ್ಯಾಮಾಂತ್ ಇಂಡಿಯಾಂತ್ ಜಾಂವ್ಚೊ ಪೆಟ್ರೋಲಿಯಾಮ್ ದೆಸ್ವೊಟ್...

Business Insider ಸಾಂಗ್ ಲ್ಲೆಂ ತಿತ್ಲೆಂ ಮಾತ್ರ್ ನ್ಹಂಯ್ . ಏಕ್ shocking ಖಬರ್ ಯೀ ಆಸಾ...! ತಾಣಿಂ ಅಂದಾಜ್ ಕೆಲ್ಯಾ ಪ್ರಕಾರ್ ಹ್ಯಾ ಭೂಂಯ್ತ್ ಭಾಕಿ ಉರ್ ಲ್ಲೆಂ ತೇಲ್ ಫಕತ್ 1.38 ಟ್ರಿಲಿಯಾನ್ ಬ್ಯಾರೆಲ್. ಆಮ್ಚಾ ಅತಾಂಚಾ ಜಣ್ ಸಂಕ್ಯಾಕ್ ತುಲನ್ ಕೆಲ್ಯಾರ್ ಹೆಂ ತೇಲ್ ಮುಖ್ಲ್ಯಾ 42.2 ವರ್ಸಾಂಕ್ ಪುರೊ. ಪುಣ್ ಇಂಡಿಯಾಂತ್ ತ್ಯಾ ಸಗ್ಳಾ ಆಸ್ಟ್ರೇಲಿಯಾಂತ್ ಆಸ್ಚಾ ಸಗ್ಳೊ ಜಣ್ ಸಂಕೊ ಹಾಂಗಾ ಏಕ್ ಏಕ್ ವರ್ಸಾಕ್ ಉತ್ಪಾದನ್ ಜಾತಾ. ಇಂಡಿಯಾಂತ್ ಆತಾಂ oil ಕ್ ಮಸ್ತ್ demand ಆಸಾ. ಅತಾಂ ಪುರಾ ಇಂಡಿಯಾಚಾಂಕ್ "ಘೆಂವ್ಚಿ" ಸಕತ್ ಮಸ್ತ್ ಚಡೊನ್ ಯೆತಾ ಮ್ಹುಣ್ತಾತ್ ವಿದೇಶಿ ಮಾಧ್ಯಮಾಂ. ಮಾಗಿರ್ ಹಾಂಗಾ ಆಸ್ಚೆ ಇಕ್ಕಟ್ ರಸ್ತೆ, ಟ್ರಾಪಿಕ್ ಜ್ಯಾಮಾಂತ್ ಪುಣಿ ಉರಯ್ಲೆ ಪಯ್ಶೆ ಪುಣಿ ಎಕ್ಟಾಯ್ ಕೆಲ್ಯಾರ್ ತ್ಯಾ ಉಗಾಂಡಾ , ಸೊಮಾಲಿಯಾ ತಸಲ್ಯಾ ದೇಸಾಂಚಾ ಜಣಾಂಕ್ ಯೀ ಏಕ್ ಏಕ್ ಬರೆಂ ಜೆವಾಣ್ ದಿವ್ಯೇತ್ . ಮಾಗಿರ್ ಹಾಂಗಾ "ಪೊರ್ಬು ನಕ್ಲೆನ್ ಗಿಡಾಪುಲ್ಲೆ, ಸಾಯ್ಬೆರ್ ನಾಕ್ಲೆನ್ ಕೆರ್ಲೆ" ಮ್ಹುಣ್ ಚಡ್ಡೇಗಾರ್ ವಡ್ಲಿ ಬೈಕ್ ರ‍್ಯಾಲಿ ಯೀ ಕರ್ತಾತ್. ವಿಪರ್ಯಾಸ್ ಮ್ಹುಳ್ಯಾರ್ ಭಜರಂಗಿನಿ ಚಲಂವ್ಚಿ ತಿಂ ಬೈಕಾಂ ಗಾಯ್ಚಾ ಮುತಾಂತ್ ದಾವಿನಾಂತ್ . ಪೆತ್ತಾದ ಫಟ್ಕೆದ್ ದಾಯೆಗ್ ಯೆನ್ನಾ ಕಾರ್ ನಡಪೊಜಿ ? ಬ್ಯಾರ್ಲೆನಾ ಪೆಟ್ರೋಲ್ ದಾಯೆಗ್ ಬೋಡ್ ? ಮ್ಹುಣ್ ಕಲ್ಲಡ್ಕ ಪ್ರಭಾಕರ್ ಬೊಟಾಕ್ ಕಿತ್ಯಾಕ್ ಬೂಧ್ ಯೆನಾ ..????

ಭಜರಂಗಿಚಿಂ ಮಂಗ್ಳೂರಾಂತ್ ಬೈಕ್ ‍ರ‍್ಯಾಲಿ...

ಆಸ್ಚೆಂ ಪ್ರಮುಖ್ ಸವಾಲ್ . ಇಂಡಿಯಾಂತ್ ಆಮಿಂ ಆಸ್ ಲ್ಲೆ tax ಪುರಾ ಉಣೆಂ ಕರ್ನ್ , ಪೆಟ್ರೊಲಾಕ್ ಮೋಲ್ ಉಣೆಂ ಕರಿಜೆ ಗೀ ? ಚಡಿತ್ ಚಡಿತ್ ಲೊಕಾಂಕ್ ಕಾರ್ ಕಾಣ್ಘೆಯಾ ಮ್ಹುಣ್ ಉಮೆದ್ ದಿಜೆ ಗೀ ? ಏಕ್ ಲಾಕಾಚಿಂ ನ್ಯಾನೊ ಕಾರಾಂ ಕೊರೊಡಾನಿಂ ಉತ್ಪಾದಾನ್ ತ್ಯಾ ಗುಜಾರಾತ್ ಚಾ ಮೋದಿಚಾ ಗಾವಾಂತ್ ಕೆಲ್ಯಾರ್ ಕಿತೆಂ ಪ್ರಯೊಜನ್ ..???
ತಿಂ ಕಾಂಯ್ ಗಾಯ್ಚಾ ಮುತಾಂತ್ ಚಲ್ತಾತ್ ಗೀ ...??
Hope i am not speaking some nonsense.... ತುಮಿಂ ಕಿತೆಂ ಮ್ಹುಣ್ತಾ ತ್..????


                   ********
ಲಾಸ್ಟ್ ಪಂಚ್ :
ತುಮಿಂ ಬೆಂಗ್ಳೂರಾಕ್ ಆಯ್ಲ್ಯಾರ್ , ಪೆಟ್ರೊಲಾಕ್ ಯೀ "ಎಣ್ಣೆ" ಮ್ಹುಣ್ತಾತ್ ಸೊರೊ ಆಸಾ ಪಳೆ ತಾಕಾ ಯೀ "ಎಣ್ಣೆ" ಮ್ಹುಣ್ತಾತ್. ಪೆಟ್ರೊಲಾಕ್ ಮೋಲ್ ಚಡ್ಲ್ಯಾರ್ ಹಾಂಗಾ "ಭಾರತ್ ಬಂಧ್" ಜಾತಾ. ಪುಣ್ ಸೊರೊ ಆಸಾ ಪಳೆ , ಕಿತ್ಲೆಂ ಮೋಲ್ ಚಡ್ಲ್ಯಾರ್ ಯೀ "ಬಾರ್" ಬಂಧ್ ಚ್ ಜಾಯ್ನಾ ....!!!