ಪರತ್ ಪರತ್ ಆಶೆಂ ಘಡ್ಚೆಂ ಮಂಗ್ಳೂರಾಂತ್ ಮಾತ್ರ್ ಕಿತ್ಯಾಕ್ ...???

konkanimilan.com

ತೋಂಡ್ ಉಗ್ತೆ ಕರ್ಚಾ ಪಯ್ಲೆಂಚ್ , ಮಾತೆ, ಭಗಿನಿ , ತಂಗಿ ಮ್ಹುಣ್ ಭೋದನ್ ಕರ್ಚಾ ಹಿಂದೂ ಸಂಸ್ಕ್ರತೆ ರಕ್ಷಕನಿಂ chance ಮೆಳ್ಯಾರ್ ಕಶೆಂ ಸಂಸ್ಕ್ರತೆ ನೆಪಾಂತ್ ಚೆಡ್ವಾಂಕ್ molest ಕರ್ಯೇತ್ ಮ್ಹುಣ್ ಪೋಯ್ರ್ ತಾಣಿಂ ಮಂಗ್ಳೂರಾಂತ್ ಕೆಲ್ಯಾ home stay attack ಂತ್ ಆಮಿಂ ಸರ್ವಾನಿಂ ಪಳೆಯ್ಲೆಂ. ಮಂಗ್ಳೂರ್ಚೆ ನೈತಿಕ್ ಫೊಲೀಸ್ at least ತಾಲಿಬಾನಿಂ ಬರಿ ಏಕಾ ರಿತಿನ್ ಪ್ರಮಾಣಿಕ್ ರೀತಿನ್ Moral policing ಕರ್ತಾತ್ ಗೀ ? ತುಮಿಂ ಪಳಯ್ಲಾಂ ಕ್ರಷ್ಣ ಪಾಲೇಮಾರ್ ಬ್ಲೂ ಫಿಲ್ಮ್ ವಾಂಟುನ್ ಶಿರ್ಕೊನ್ ಪಡ್ಲೊ, ತೆಂ ವಿಧಾನಾ ಸೌದಾಂತ್ ಚ್ ಪಳೆವ್ನ್ ಸವದಿ ಆನಿಂ ಸಿ ಸಿ ಪಾಟೀಲ್ ಶಿರ್ಕೊನ್ ಪಡ್ಲೆ. ತಿತ್ಲೆಂ ಚ್ ಜಾಲ್ಯಾರ್ ok ಆಸ್ ಲ್ಲೆಂ !, ಪುಣ್ ಹಾಲಾಪ್ಪಾ ಕ್ಯಾಮೆರಾ ಮುಖಾರ್ ಕರ್ನ್ ಂಚ್ ಶಿರ್ಕೊನ್ ಪಡ್ಲೊ. ಬಾಯ್ಲೆಕ್ ಚ್ ಜಿವಿಶಿ ಮಾರ್ ಲ್ಯಾ ಉಡ್ಪಿ ಶಾಸಕಾಂನ್ ಮಲ್ಪೆಚಾ ಸೈಂಟ್ ಮೇರಿಸ್ ಕುದ್ರ್ಯಾಂತ್ ರೇವ್ ಪಾರ್ಟಿ ಕರ್ನ್ ವಿದೇಶಿಗಾರಾಂಕ್ ನಾಗ್ಡೆಂ ನಾಚಾಯ್ಲೆಂ . ಮಾಗಿರ್ ರೇಣುಕಾಚಾರ್ಯಾ ವಿಶಿಂ ಸಾಂಗ್ಚೆಂ ನಾಕಾ. ತುಮಿಂ ಕಂಯ್ ಪುಣಿ emergency ಮದ್ಯಾ ರಾತಿಂ ವಚುನ್ ಯಡಿಯೂರಪ್ಪಾಚಾ ಘರ್ಚೆಂ ಭಾಗಿಲ್ ಬಡಾಯ್ಲ್ಯಾರ್ ತೆಂ ಉಗ್ತೆಂ ಕರ್ಚೆಂ ಶೋಭಾ ಕರಂದ್ಲಾಜೆನ್ ..! ಸಂಸ್ಕ್ರತಿ ರಕ್ಷಕಾಚೆಂ ಆನೈತಿಕ್ ಪಣ್ ಡಜನ್ ಡಜನ್ ಗಟ್ಲ್ಯಾಂಚೆಂ ..!
To read complete story follow the link :
http://www.konkanimilan.com/km/index.php?action=sahithy_inner&type=44

ತ್ಯಾ ದುರಂತ್ ರಾತಿಕ್, ಆತಾಂ ಶೆಂಭೊರ್ ವರ್ಸಾಂ . . .

KITTALL.COM 

" ಆನಿ ದರ್ಯಾಂ ಮಧೆಂ ತಾರ್ವಾಂ ಅವ್ಘಾಡಾಂಕ್ ಸಾಂಪಡ್ಟಾತ್ ಮ್ಹಣ್ ಚಿತುಂಕ್‌ಚ್ ಜಾಯ್ನಾ. ಟೆಕ್ನೊಲೊಜಿ ಆತಾಂ ಕಿತ್ಲಿ ವಾಡ್ಲ್ಯಾ ಮ್ಹಳ್ಯಾರ್ ಅವ್ಘಾಡಾಂಚೊ ಕಾಳ್ ಗೆಲೊಚ್ ಮ್ಹಣ್ಯೆತ್ " ಅಶೆಂ ಮ್ಹಣ್ ಟೈಟಾನಿಕ್ ತಾರುಂ ನಿರ್ಮಾಣ್ ಜಾತಾನಾ ತಾಚೊ ಕ್ಯಾಪ್ಟನ್ ಎಡ್ವರ್ಡ್ ಸ್ಮಿತ್ ಮ್ಹಣಾಲೊ. ತಿತ್ಲೆಂಚ್ ನ್ಹಂಯ್, ಹೆಂ ತಾರುಂ ಕಶೆಂ ನಿರ್ಮಾಣ್ ಕೆಲಾಂ ಗೀ "even ದೇವಾಕ್‌ಯೀ ಹೆಂ ಬುಡಂವ್ಕ್ ಜಾಯ್ನಾ " ಆಶೆಂ ಮ್ಹಣೊನ್ ಟೈಟಾನಿಕ್ ನಿರ್ಮಾಣ್ ಕೆಲ್ಲ್ಯಾ ಎಕ್ ಇಂಜಿನಿಯರಾನ್ ಮೀಡಿಯಾ ಮುಖಾರ್ ಆಪ್ಲಿಂ ಭೊಗ್ಣಾಂ ಉಚಾರ್ಲಿಂ. ತಾಂಕಾಂ ತಿತ್ಲೊ ವಿಶ್ವಾಸ್ ಆಸ್‌ಲ್ಲೊ ತ್ಯಾ ಟೈಟಾನಿಕಾ ವಯ್ರ್! ಕಶೆಂ ಮ್ಹಳ್ಯಾರ್, ಆಯ್ಚ್ಯಾ ದಿಸಾ ಆಸ್ಟ್ರೇಲಿಯಾ ಆನಿ ಬರ್ಮುಡಾ ಟೀಮಾ ಮಧೆಂ ಕ್ರಿಕೆಟ್ ಮ್ಯಾಚ್ ಚಲ್ತಾ ಜಾಲ್ಯಾರ್ "ಆಸ್ಟ್ರೇಲಿಯಾಚ್ ಜಿಕ್ತಾ" ಮ್ಹಣ್ ಹರ್ದೆಂ ಪೆಟುನ್ ಸಾಂಗ್ಚೆಂ ಬರಿ ಸಾಂಗ್ಯೆತ್ ಆಸ್ಲೆಂ, ತ್ಯಾ ಕಾಳಾರ್, ಟೈಟಾನಿಕ್ ಖಂಡಿತ್ ಬುಡಾನಾ ಮ್ಹಣ್. ಆನಿ ತಾಕಾ ಕಾರಣಾಂಯೀ ಆಸ್‌ಲ್ಲಿಂ. ತ್ಯಾ ಕಾಳಾರ್ ಹೆಂ ಟೈಟಾನಿಕ್ ತಾರುಂ ಫಕತ್ ಮನ್ಶ್ಯಾನ್ ಧರ್ಯಾಕ್ ದೆವಯಿಲ್ಲೆಂ ವಡ್ಲೆಂ ರಾವ್ಳೆರ್ ಮಾತ್ರ್ ನ್ಹಂಯ್, ತಾಂತುಂ ತ್ಯಾ ಕಾಳಾಚಿ ಅತ್ಯಾಧುನಿಕ್ ಟೆಕ್ನೊಲೊಜಿ ಆಸ್‌ಲ್ಲಿ. ತ್ಯಾ ತಾರ್ವಾಚಾ ಸಕಯ್ಲಿ ಏಕಾ ಸಗ್ಳ್ಯಾ ಮಾಳಯೆಂತ್ Watertight Compartments ಆಸ್‌ಲ್ಲೆ. ಖಂಯ್ ಪುಣೀ ಆಕಾಂತ್ ಕಾಳ್ ಆಯ್ಲ್ಯಾರ್ ಪುರೊ , ಕ್ಯಾಪ್ಟನಾನ್ ಏಕ್ ಬುತಾಂವ್ ದಾಂಬ್ಲ್ಯಾರ್ ಪುರೊ, ಸಕ್ಕಡೀ ಬಾಗ್ಲಾಂ ಬಂಧ್ ಜಾತಾಲಿಂ. ಏಕಾದೆವಾಳಾ ಧರ್ಯಾ ಮಧೆಂ ಕಿತ್ಲೆಂ ವ್ಹಡ್ ಅವ್ಘಡ್ ಘಡ್ಲ್ಯಾರೀ , ಹೆಂ ತಾರುಂ ಬುಡಾಜೆಚ್ ಜಾಂವ್ಚಿ ಪರಿಸ್ಥಿತಿ ಆಯ್ಲಿ ಮ್ಹಣ್ ಚಿಂತ್ಯಾಂ, ತರೀ ತೆಂ ತಾರುಂ ಬುಡೊಂಕ್ ಉಣ್ಯಾರ್ ಉಣೆಂ ಥೊಡೆ ಹಫ್ತೆಚ್ ಜಾಯ್ಜೆ ಮ್ಹಣ್ ಜಾಣಾರ‍್ಯಾಂನಿ ಅಭಿಪ್ರಾಯ್ ದಿಲ್ಲಿ. ತಿತ್ಲೆಂಚ್ ನ್ಹಂಯ್ , ತ್ಯಾ ಕಾಳಾರ್ ಆರಂಭ್ ಜಾಲ್ಲಿ wireless ತಾಂತ್ರಿಕಾತಾ ಆನಿಕೀ ಭುರ್ಗ್ಯಾವಸ್ಥೆರ್ ಆಸ್ಲ್ಯಾರ್‌ಯೀ , ಹ್ಯಾ ಟೈಟಾನಿಕಾಚಿಂ wireless ಟ್ರಾನ್ಸ್‌‍‌ಮಿಟರಾಂ ಆಸಾತ್ ಪಳೆ, ತಿಂ ಹಜಾರೊಂ ಮಯ್ಲಾಂ ಮ್ಹಣಾಸರ್ ಸಂದೇಶ್ ಧಾಡುಂಕ್ ಸಕತ್ ಆಸ್‌ಲ್ಲಿಂ ಆಸ್ಲಿಂ. ತಿತ್ಲೆಂಚ್‌ಗಿ? ತ್ಯಾ ತಾರ್ವಾಚೊ ಕ್ಯಾಪ್ಟಾನ್ ಎಡ್ವರ್ಡ್ ಸ್ಮಿತ್ ಕಿತ್ಲೊ experienced ಆನಿ ಜಾಂಟೊ ಮ್ಹಳ್ಯಾರ್ , ಹಾಣೆಂ ಆಪ್ಲ್ಯಾ ಜಿವಿತಾಚಿಂ ಮುಕ್ಕಾಲ್ ಆವ್ದಿ ಧರ್ಯಾಂತ್‌ಚ್ ಖರ್ಚುನ್ ಜಾಲ್ಲಿ. ಟೈಟಾನಿಕಾಚಾ ಪುಡ್ಲದ್ ಪಯ್ಣಾಚೆಂ ಸಾರಥ್ಯ್ ಘೆವ್ನ್ , ನಿವೃತ್ತಿ ಘೆಜೆ ಮ್ಹಣ್ ಚಿಂತ್‌ಲ್ಯಾ ಹ್ಯಾ ಮನ್ಶ್ಯಾಕ್ , ಧರ್ಯಾಂತ್ ಅವ್ಘಡಾಂ ಮ್ಹಳ್ಯಾರ್‌ಯೀ ಕಿತೆಂ ಮ್ಹಣ್ ಪಳಂವ್ಚೆ ಭಾಗ್ ತೆದೊಳ್ ಮ್ಹಣಾಸರ್ ಮೆಳೊಂಕ್ ನಾತ್ಲೆಂ. ಗಜಾಲ್ ಅಶಿ ಆಸ್ತಾಂ. ಎಪ್ರಿಲ್ 10 , 1912 ತಾರಿಕೆರ್ ಸುಮಾರ್ 2200 ಜಣಾಂಕ್ ಘೆವ್ನ್ ಬ್ರಿಟನಾ ಥಾವ್ನ್ ನ್ಯೂಯಾರ್ಕಾಕ್ ಪಯ್ಣಾಕ್ ಲಾಗ್‌ಲ್ಲೆಂ ಹೆಂ "ಬುಡಾನಾತ್ಲೆಂ" ತಾರುಂ RMS Titanic ಆಸಾ ಪಳೆಯಾ, ಪಕತ್ ಚಾರ್ ದಿಸಾನಿಂ ಸುಮಾರ್ ದೇಡ್ ಹಜಾರ್ ಅತ್ಮ್ಯಾಂಕ್ ವಯ್ರ್ ದಾಡ್ನ್ , ತ್ಯಾ ಅಟ್ಲಾಂಟಿಕ್ ದರ್ಯಾಚಾ ಚಾರ್ ಕಿಲೊ ಮಿಟಾರ್ ಗರ್ಭಾಂತ್ ಸಮಾಧಿ ಜಾಲೆಂ. ತ್ಯಾ ದೇವ್ ಹಾಸ್‌ಲ್ಲ್ಯಾ ರಾತಿಕ್ ಆಜ್ , ಎಪ್ರಿಲ್ 14, 2012 , ತಾರಿಕೆರ್ ಶೆಂಭರ್ ವರ್ಸಾಂ ಭರ್ತಾತ್.



ಹೆಂ ಸಗ್ಳೆಂ ಲೇಖನ್ ವಾಚುಂಕ್ ಹಾಂಗಾ ಕ್ಲಿಕ್ ಕರಾ....