[ವಿಕೆಂಡ್ ಆವಾಜ್] :ಕೇಶವ ಕ್ರಪಾ ಥಾವ್ನ್ ತಯಾರ್ ಜಾಲ್ಯಾ ವರ್ದೆಕ್ ಕಿತ್ಯಾಕ್ taxpayers ಚೆಂ ಪಯ್ಸೆ ..????

ಸಪ್ತೆಂಬರ್ 14, 2008... ಇಂಡಿಯಾಚಾ ಇತಿಹಾಸಾಂತ್ ಏಕ್ ವಡ್ಲೊ ದೀಸ್...!  ಕಿತ್ಯಾಕ್ ? ಆಮ್ಚ್ಯಾ ಇಗರ್ಜೆಂಚೆರ್ ಹಲ್ಲೊ ಕೆಲೊ ಮ್ಹುಣ್ ಗೀ ? ತಶೆಂ ಚಿಂತ್ಲ್ಯಾರ್ ತುಮ್ಚಿ  ಖಂಡಿತ್ ಏಕ್ ಚೂಕ್ ಜಾಂವ್ಕ್ ಪುರೊ. ಖಂಡಿತ್ ತಶೆಂ ನ್ಹಂಯ್ ...!  ಪಯ್ಲೆಂ ಪಾವ್ಟಿಂ ಇಂಡಿಯಾಚಾ ಇತಿಹಾಸಾಂತ್  ಆಶೆಂ ಘಡ್ಲೆಂ ... ರಾತಿಂ ದಾಡ್ ಘಾಲ್ನ್  ,   ನಾಕಾ ಜಾಲ್ಲಿಂ  ಆಸ್ಚಿಂ ಕಾಮಾಂ ಪುರಾ   ಕರ್ನ್ , ವಿಂಗ್ಡೆಂ , ವಿಂಗ್ಡೆಂ  ಜಾಲ್ಯಾರೀ ಆಮಿ ತೆಂ ಖಂಡಿತ್ ಕರುಂಕ್ ನಾ ಮ್ಹುಣೊನ್  ಘಾಜೊಂವ್ಚ್ಯಾ ಉಂದಿರಾಂಚೊ ರಾಯ್ ಪಯ್ಲೆ ಪಾವ್ಟಿಂ ಭಯ್ರ್ ಯೇವ್ನ್ ದಿಸಾಕ್ ಚ್ ಗಾಜೊಂವ್ಕ್ ಲಾಗ್ಲೊ. ವ್ಹಯ್.. ಹೆಂ ಕೆಲ್ಲೆಂ ಆಮಿಂಚ್ ... ! ತೊಚ್ ಭಜರಂಗ ದಳಚೊ ತೆನ್ನಾಚೊ ತಾಂಡೆಲಿ ಮಹೇಂದ್ರ ಕುಮಾರ್..! ವ್ಹಯ್ ಇಗರ್ಜೆ ವಯ್ರ್ ಹಲ್ಲೊ ಕೆಲ್ಲೊ ಆಮಿಂಚ್ ... ತೆ ಮತಾಂತರ್ ಕರ್ನ್ ಆಸ್ ಲ್ಲೆಂ , ದೆಕುನ್ ಆಮಿಂ ತಾಂಚೆರ್ ದಾಡ್ ಘಾಲೊ ... ಕಸಲಿ ಚೂಕ್ ?  ಆಶೆಂ ಆಸ್ ಲ್ಲ್ಯಾ ಮಿಡಿಯಾಚಾ ಕ್ಯಾಮೆರಾ ಮದೆಂ ವೊಡ್ಪಾಣ್ ಕೊಚ್ಚುನ್ ಲಾಗ್ಲೊ. ತೆಂ ಕಾಂಯ್ ಫಕತ್ TV 9, ಉದಯಾ, ETV,  ಸುವರ್ಣಾ ಮ್ಹುಳ್ಯಾ ಕಾನಾಡಿ ಚಾನೆಲಾಂ ಮುಕಾರ್ ಗೀ ? ಖಂಡಿತ್ ನ್ಹಂಯ್ ... !  Times Now ಚಾ ಆರ್ನಭ್ ಗೋಸ್ವಾಮಿ ಕಡೆ, CNN IBN ಚಾ ರಾಜ್ ದೀಪ್ ಸರ್ದೇಸಾಯಿ ಕಡೆ ಕಸಲೀ ಗೀ ಏಕ್ ಹಿಂದಿ ಉಲಾವ್ನ್ ಆಪ್ಲಿಂ ಕರ್ನಿಂ ಸಮರ್ಥನ್ ಕರ್ನ್ ಆಸ್ ಲ್ಲೊ. ಹೆಂ ಪುರಾ ಪಳೆಯ್ಲ್ಯಾ ಮ್ಹುಜಾ ಜಿವ್ಯಾ ಜಿವ್ಯಾ ದೊಳ್ಯಾಂಕ್ ಆನಿಂ ಆಯ್ಕಾಲ್ಯಾ ಕಾನಾಂಕ್ ವಡ್ಲೊ surprise... ತೆದೊಳ್ ಮ್ಹುಣಾಸರ್ ಹಾವೆಂ ಒಸಾಮಾ ಬಿನ್ ಲಾದೆನ್, ಇಂಡಿಯಾನ್ ಮುಝಹಾದ್ದೀನ್, ಸಿಮಿ, LET ತಸಲೆ ಉಗ್ರವಾದಿ ಮುಸ್ಲಿಮ್  ಸಂಘಟಾನಾ, ಬಾಂಬ್ ಘಾಲ್ನ್ , ತೊ ಆಮಿಂಚ್ ಗಾಲಾ ಮ್ಹುಣ್ ಉಗ್ತ್ಯಾನ್ ಗಾಜೊಂವ್ಚೆಂ ಹಾವೆಂ ಆಯ್ಕಾಲ್ಲೆಂ. ಆಮ್ಚೆ ನಕ್ಸಲೈಟ್ ಯೀ ತಶೆಂ LTTE ಚೆ ಆಶೆಂಚ್ ಧಯ್ರಾನ್ responsibility ಕಾಣ್ಘೆಲ್ಲ್ಲಿ ಹಾಂವ್ ಜಾಣಾ.. ಪುಣ್ ಮಹೇಂದ್ರಾ ಕುಮಾರಾನ್ ಆಶೆಂ ಕ್ಯಾಮಾರಾಂ ಮುಖಾರ್ ಉಗ್ತ್ಯಾನ್ ಉಲಾಯ್ತಾನಾ ಮ್ಹಕಾಯೀ ಏಕ್ doubt ಆಯ್ಲೊ..!! ಉಂದ್ರಾನಿಂ ಖಂಯ್ ಪುಣೀ ಗಾಯ್ಚೆಂ ಮಾಸ್ ಕಾಂವ್ಕ್ ಆರಂಭ್ ಕೆಲಾಂ ಗೀ ಮ್ಹುಣ್ ....!!  ಪುಣ್ ಮಾಗಿರ್ ಜಾಲ್ಲೆಂಚ್ ದುಸ್ರೆಂ .....!!!


                                                  ***********

ಸುಮಾರ್ ಆಡಾಜ್ ವರ್ಸಾಂ . ತಿನ್ಸ್ಯಿಂ ದಿಸಾಚಾಕಿಂ ಚಡ್ ವಿಚಾರಣ್ . ದೇಡ್ ಹಜಾರಾಂಚಾಕೀ ವಯ್ರ್ ಕೇಸಿ...ಹ್ಯೊ ಪೂರಾ  ಕೆಸಿ ಚಲಯ್ಲ್ಯೊ ತೆನ್ನಾ ನಿವ್ರತ್ತ್ ಜಾಲ್ಲ್ಯಾ  "ಜಸ್ಟೀಸ್" ಸೋಮಾಶೇಖರನ್..!  . ಆಮಿಂ ಕಿರಿಸ್ತಾಂವ್... ಆಮಿಂ ಸರ್ವಾಂ  law of the land ಕ್ ಚಡಿತ್ ಮಹತ್ವ್ ದಿಂವ್ಚೆ ತಸಲೆ. ಜಬ್ಬಾರ್ ಖಾನಾಕ್ ಮಾರ್ಲಾಂ ಮ್ಹುಣ್ ಅಮಿಂ ಕಂಯ್ ಪುಣೀ ಮುಸ್ಲಿಮಾಂ ಬರಿ ಪೊಳಲಿ ಅನಂತುಕ್ ಜಿವೆಶಿಂ ಮಾರ್ಚೆ ಮನಿಸ್ ಖಂಡಿತ್ ನ್ಹಂಯ್ ... ಒರಿಸ್ಸಾಂತ್ ಉಲ್ಪಯ್ಲ್ಯಾ ಗ್ರಹಾಂ ಸ್ಟೇಯ್ನ್ಸಾ ಥಾವ್ನ್  ಮಂಗ್ಳೂರಾಂತ್ ಜಾಲ್ಲ್ಯಾ ಹಲ್ಲ್ಯಾ ಮ್ಹುಣಾಸರ್ ಆಮಿಂ ಹ್ಯಾ  republic ಕ್ (banana ..!!???) ಕ್ ಪಾತ್ಯೇವ್ನ್ ಆಸ್ ಲ್ಲೆಂ. ದೆಕುನ್ ಹ್ಯಾ ಸೋಮಾಶೆಖರ್ ಆಯೋಗಾ ಕಡೆ ಅಮಿಂ ವೊಕಿಲಾಂಕ್ ಧರ್ನ್, ದೀಸ್ ರಾತ್ ವಾಂವ್ಟ್ ಕಾಡ್ನ್ , ನ್ಯಾಯಾಕ್ ರಾಕೊನ್ ಆಸ್ ಲ್ಲೆ ಮನಿಸ್ ಆಮಿಂ. ಪುಣ್ ಕಿತೆಂ ಜಾಲೆಂ ? ಸ್ಟೇಯ್ಸಾ ಚಿ ಕೇಸ್ ಆಸ್ತಾನಾಂಯ್ ಸಕಯ್ಲ್ಯಾ ಕೊಡ್ಟಿನ್ ತಾಕಾ ಮರ್ಣಾ ಸಜಾ ಸವೆಂ ಇತರ್ ಇಕ್ರಾ ಜಣಾಂಕ್ ಜೀವಾವಧಿ ಶಿಕ್ಷಾ ದಿಲ್ಲಿ. ಪುಣ್ ಉಂಚ್ಲ್ಯಾ ಕೊಡ್ತಿನ್ ತೆಂ ಕಾಲೆಂ ಕೆಲೆಂ ಮ್ಹುಣ್ ತುಮ್ಕಾಂ ಖಳಿತ್ ಆಸಾ. ತಶಿಚ್ ಜಾಲಿ, ಸೋಮಾಶೆಖರ್ ಆಯೋಗಾಚಿ ಯೀ ಕಾಣಿ. ಹ್ಯಾ ಸೋಮಾಶೆಖರನ್ ಮಧ್ಯಾಂತರ್ ವರ್ದಿ ದಿತಾನಾ, ಕಿರಿಸ್ತಾವಾಂಚಾ ವಯ್ರ್ ಹಲ್ಲೊ ಕೆಲ್ಲೊ ಭಜರಂಗ ದಳಚಾನಿ ಆನಿಂ ಶ್ರೀ ರಾಮ್ ಸೇನಾಚಾನಿಂ. ತಾಂಚೆಂ ಸಂಗಟಾನಾಂ ban ಕರಿಜಿ . ಕಿರಿಸ್ತಾವಾನಿಂ ಮತಾಂತರ್ ಚ್ ಕರುಂಕ್ ನಾ ಮ್ಹುಳೆಂ. ತಿ ವರ್ದಿ ಪಳೆತಾನಾ ಆಮಿಂ ಚಿಂತ್ಲೆಂ... ವ್ಹಯ್ ಹ್ಯಾ ದೇಶಾಂತ್ democracy ಆನಿಕೀ ಜೀವ್ ಆಸಾ ಮ್ಹುಣ್. ಪುಣ್ ಅಂತಿಮ್ ರಿಪೊರ್ಟ್ ಯೆತಾನಾ ಕಿತೆಂ ಜಾಲೆಂ ? ಡೆಮೊಕ್ರಾಸಿ ಮ್ಹುಣ್ ಆಮಿಂ ಆಮ್ಚೊ ಇತ್ಲೊಯೀ time ತಶೆಂಚ್ ಶ್ರಮ್ ,ಸೋಮಾಶೆಖರ್ ಆಯೋಗಾ ಲಾಗ್ಗಿಂ ಗಾಲ್ಲೊ ಸಂಪೂರ್ಣ್ waste ಜಾಲೊ. ಮ್ಹಾತಾರೊ ಸೋಮಾಶೆಖರಾನ್, ಅಪ್ಲ್ಯಾ ನಾತ್ರಾಂಕ್ ತಶೆಂ ಪೊಣ್ತುರಾಂಕ್ ಜಾಯ್ ತಿತ್ಲೆಂ ಜೋಡ್ನ್ , ಕೇಶವಾ ಕ್ರಪಾಚಾ ಮಾತಾರ‍್ಯಾನಿಂ ಗಾಲ್ಲ್ಯೊ ಬಿಸ್ಕುಟ್ಯೊ ತಶೆಂ ಯಡಿಯೂರಪ್ಪಾನ್ ಗಾಲ್ಲಿ ಬಿರಿಯಾನಿ ಗಡ್ದ್ ಕಾವ್ನ್, ಏಕ್ ದೇಂಕ್ ಕಾಡ್ಲೊ ತಿತ್ಲೊಚ್... !!!


                                            ***********

ಮಹೇಂದ್ರಾ ಕುಮಾರಾನ್ ಪುಣ್ ಯೀ ಧಯ್ರಾನ್ ಘೊಷಣ್ ಕೆಲ್ಲೆಂ. ಪುಣ್  ತಾಚಾ ಪಂಗ್ಡಾಚಾನಿಂ ಹೊ ಇತ್ಲೊ ವ್ಹಡ್ ವಿಶಯ್ ಜಾತಾ ಮ್ಹುಣ್ ಖಂಡಿತ್ ಚಿಂತುಕ್ ಚ್ ನಾ. ಕಿತ್ಯಾಕ್ ಮ್ಹುಳ್ಯಾರ್ , ತವಳ್ ಚ್ ತಾಣಿಂ ದಾವಾಣೆಗೆರೆ ಥಾವ್ನ್ ಇತರ್ ಕರ್ನಾಟಕಾಚಾ ಭಾಗಾಂತ್ ಕಥೋಲಿಕ್ ನ್ಹಂಯ್ ಆಸ್ ಲ್ಯಾ ಕಿರಿಸ್ತಾಂವಾ ವಯ್ರ್ ವಡ್ಲೊ ಹಲ್ಲೊ ಕರ್ನ್ ಜಾಲ್ಲೊ.ತ್ಯಾ ವಿಶಿಂ ಕಾಂಯ್ ವಡ್ಲಿ ಖಬರ್ ಚ್ ಜಾಂವ್ಕ್ ನಾ. ತಶೆಂ ಜಾಲ್ಯಾನ್  ವಡ್ಲ್ಯಾ ಮಾಫಾನ್ ಆನ್ಯೇಕ್ ಹಲ್ಲೊ ಕರ್ನ್ ಥೊಡೊ ಅಜೆಂಡಾ (ಹ್ಯಾ ವಿಶಿಂ ಸಂಪೂರ್ಣ್ ಜಾವ್ನ್ , ಆನ್ಯೇಕಾ ಲೇಖಾನಾಂತ್ ಮುಖ್ಲ್ಯಾ ದಿಸಾನಿಂ ಬರಯ್ತಾಂ..) ಕರಿಜೆ ಮ್ಹುಣ್ ಚಿಂತ್ ಲೊ ತಾಣಿಂ. ಪುಣ್ ತಾಣಿಂ ಹಾತ್ ಗಾಲ್ಲೊ, ಮೊಂವಾಚಾ ಮೂಸಾಚಾ ಗೂಡಾಕ್...! ಉದೆಂತಿಚೆಂ ರೋಮಾಚಾ ಪ್ರತಿಷ್ಟಿತ್ , ಮಿಲಾರ್ ಮಾಯೆಚಾ ಆರಾಧಾನ್ ಕೇಂದ್ರಾ ವಯ್ರ್ ಹಲ್ಲೊ ಕರ್ನ್ ..! ಮಾಗಿರ್ ಜಾಲ್ಲ್ಯಾ ಪ್ರತಿಭಟನಾ ವಿಶಿಂ ತುಮ್ಕಾಂ ಸಾಂಗ್ಚಿ ಗರ್ಜ್ ನಾ ಮ್ಹುಣ್ ಚಿಂತಾಂ...!!


                                   ************

                       
ಸಾಂಗ್ಲ್ಯಾ ಬರಿ ಮಹೇಂದ್ರಾ ಕುಮಾರ್ ಕಾಂಯ್ ವಡ್ಲೊ ದಾದಾ ನ್ಹಂಯ್ .. CT ರವಿ ಯಾ ಸುನಿಲ್ ಕುಮಾರಾ ಬರಿ ವಡ್ಲೊ ಕೋಮುವಾದಿ ಖಂಡಿತ್ ನ್ಹಂಯ್ ... ಇಗರ್ಜೆಂಕ್ ದಾಡ್ ಗಾಲ್ಚಾ ಪಯ್ಲೆಂ ಯೀ ಹ್ಯಾ ಮನ್ಸ್ಯಾಂಕ್ ಹಾಂವ್ ನೆಣಾಂ. ಸಬಾರ್ ಆಮ್ಚ್ಯಾ ಚಿಕ್ಕ್ ಮಂಗ್ಳೂರ್ಚ್ಯಾ ಕಿರಿಸ್ತಾಂವಾಂ ಕಡೆ ಹಾಕಾ ಬರೊ ಸಂಬಂಧ್ ಆಸ್ ಲ್ಲೊ. ಆಸಲೊ ಮನಿಸ್ ಇಗರ್ಜೆಂಕ್ ದಾಡ್ ಘಾಲಿತ್ ಗೀ ? "ಹಿ ಪುರಾ ಆಮಿಂ new life ವಯ್ರ್ ದಾಡ್ ಗಾಲ್ಲಿ, ಕಥೊಲಿಕಾಂ ವಯ್ರ್ ಖಂಡಿತ್ ನ್ಹಂಯ್...ಪುಣ್ ಮಿಲಾರ್ಚ್ಯಾ ಜೆಜುಚೆ ಹಾತ್ ಪಾಯ್ ಮೊಡ್ನ್ ಘಾಲ್ಲೆ ಪಳೆವ್ನ್ ಮ್ಹಕಾ ಮಸ್ತ್ ಬೇಸಾರ್ ಜಾಲಾಂ ... ಮ್ಹಕಾ ಹಾಚೆಂ ವಿಶಿಂ ವಿಷಾದ್ ಬೊಗ್ತಾ .."  ಆಶೆಂ ಮ್ಹುಣ್ ತ್ಯಾ ದಿಸಾ ತಾಣೆಂ TV ಚಾನೆಲಾನಿಂ ಸಾಂಗ್ ಲೆಂ ಆಮ್ಕಾಯೀಂ ಖಳಿತ್ ಆಸಾ... Coincidence    ಗೀ ಮ್ಹುಣ್ ಖಳಿತ್ ನಾ... ಹೆಂ ಲೇಖನ್ ಹಾಂವ್ ಬರವ್ನ್ ಆಸ್ತಾನಾಂಚ್  ಏಕಾ ಕಾನಾಡಿ ಚಾನೆಲಾಕ್ ದಿಲ್ಯಾ ಸಂದರ್ಶನಾರ್ ತೊ ಪರತ್ ತಶೆಂಚ್ ಉಲಾವ್ನ್ ಆಸ್ ಲ್ಲೊ...! BJP ತಶೆಂ ಸಂಘಕ್ ಗಾಳಿ ದೀವ್ನ್ ಆಸ್ ಲ್ಲೊ...!! ಸಾವ್ಲ್ ಕಾಂಯ್ ಫುಣೀ ಪಾವ್ಲು ಜಾಲಾ ಗೀ ...!!??
                           ****************

ಇಗರ್ಜೆ ವಯ್ರ್ ಹಲ್ಲೊ ಜಾತಾನ, ಆಪ್ಲೊ ಪುಢಾರ್ ಯಾ ಇತರ್ ಕಾಂಯ್ ಚಿಂತಿನಾಸ್ತಾನ, ಧಯ್ರನ್ ಪ್ರತಿಭಟನ್ ಕರ್ನ್ , ಪೋಲಿಸಾಂಚಾ ದೌರ್ಜನ್ಯಾಕ್ ಒಳೊಗ್ ಜಾವ್ನ್ ಜೈಲಾಕ್ ಗೆಲ್ಲೆ ಆಮ್ಚೆ ಸುಮಾರ್ ದೊನ್ಶಿ ತರ್ನಟೆ ಆಸಾತ್. ತಾಂಚೆ ವಯ್ರ್ , ಇತ್ಲಿಂ ಕಠೋರ್  ಸೆಕ್ಷನಾಂ ಗಾಲ್ನ್ , ಆಜಿಕ್ ಯೀ ಕೊಡ್ತಿಂತ್ ನಾಚೊನ್ ಆಸಾತ್.  ಹಾಂಚಾ ಸುಟ್ಕೆ   ಖಾತಿರ್ , ನಿರಂತರ್ ವಾವ್ರ್ ಕಾಡ್ನ್ ಆಸ್ಚೊ ಮನಿಸ್ ಮಾನೆಸ್ತ್ ರೊನಾಲ್ಡ್ ಕುಲಾಸ್. ಹೆಂ ಲೇಖನ್ ಬರಂವ್ಚಾ  ಏಕಾ ಗಂಟ್ಯಾ ಪಯ್ಲೆಂ ಹಾಂವ್ ಪರತ್ ತಾಚೆಂ ಭಾಶಣ್ ಆಯ್ಕೊನ್ ಆಯ್ಲೊಂ ಮಾತ್ರ್ .... ಬೆಂಗ್ಳೂರ್ಚ್ಯಾ ಕೊಂಕ್ಣಿ ಸಂಘಚಾ ಫೆಡಾರೇಷನಾಚೊ ವಾರ್ಷೀಕ್ ದಿಸ್ ಹೊ. ವೆದಿರ್, ಕೇಂದ್ರ್ ಮಂತ್ರಿ ಖರ್ಗೆ, ಕಾಂಗ್ರೆಸಾಚೊ ಅಧ್ಯಕ್ಷ್ ಪರಮೇಶ್ವರ್ ತಶೆಂ ಕರ್ನಾಟಕಚೊ ಮಂತ್ರಿ ಮುರುಗೇಶ್ ನಿರಾಣಿ ಆಸ್ ಲ್ಲೊ. ಕುಲಾಸೊ ಹ್ಯಾ ಪಾವ್ಟಿಂ ಭಾವುಕ್ ಜಾವ್ನ್ ಉಲಾಯ್ಲೊ. "ಇಂಡಿಯಾಂತ್ ಆಜ್ ಖಂಯ್ ಪುಣೀ ಆಮಿಂ , ಶೂದ್ರಾಂಕ್ ಶಿಕ್ಷಣ್ ದಿನಾತ್ಲ್ಯಾರ್ ಆಜ್ ಇಂಡಿಯಾಚಿ ಗತ್ ಸುಡಾನ್, ಉಗಾಂಡಾ ಬರಿ ಜಾತಿ. ಬಾಮ್ಣಾಂಕ್ ಮಾತ್ರ್ ಮೆಳೊನ್ ಆಸ್ ಲ್ಲೆಂ ಶಿಕಪ್ ಪಯ್ಲೆ ಪಾವ್ಟಿಂ ಕಿರಿಸ್ತಾವಾನಿಂ  ಸಕಯ್ಲ್ಯಾ ವರ್ಗಾಕ್ ಯೀ ಮೆಳ್ಚಾ ಬರಿ ಕೆಲೆಂ. ಪುಣ್ ಆಮ್ಚೆರ್ ಮತಾಂತರಚೊ ಫಟ್ಕಿರೊ ಅಫ್ರಾದ್ ಥಾಪುನ್ ಆಸಾತ್. ಅಮಿಂ ಮತಾಂತರ್ ಪುಣೀ ಕರ್ನ್ ಆಸ್ ಲ್ಲ್ಯಾರ್ ಆಜ್ ಇಂಡಿಯಾಂತ್  60 %  ಕಿರಿಸ್ತಾಂವ್ ಆಸ್ತೆ...." ಆಶೆಂ ಮ್ಹುಣೊನ್ ಮಾನೆಸ್ತ್ ಕೊಲಾಸೊನ್ ಆಮ್ಚ್ಯಾ ತರ್ನಾಟ್ಯಾಂ ವಯ್ರ್ ಗಾಲ್ಲ್ಯೊ ಕೇಸಿ ಪಾಟಿಂ ಕಾಡುಂಕ್ ಮನವಿ, ಮಂತ್ರಿ ಮುರುಗೇಶ್ ನಿರಾಣಿಕ್ ದಿಲಿ. ಗೆಲೆತ್ಯಾ ವರ್ಸಾಯೀ ಹ್ಯಾಚ್ ವೆದಿ ಥಾವ್ನ್ ಮುಖೆಲ್ ಮಂತ್ರಿ ಯಡಿಯೂರಪ್ಪಾ ತಶೆಂ ತೆನ್ನಾಚೊ ಗ್ರಹ್ ಮಂತ್ರಿ ಆಚಾರ್ಯಾಕ್ ಯೀ ಅಸಲಿ ಮನವಿ ದಿಲ್ಲಿ. ಪುಣ್ ಯೆದೊಳ್ ಮ್ಹುಣಾಸರ್ ಮೆಳ್ ಲ್ಲೊ ಭರ್ವಸೊ ಮಾತ್ರ್. ಇತ್ಲಿ ಪುರಾ ಸೆವಾ ದಿಲ್ಲ್ಯಾ ಆಮ್ಚಿ ಗತ್ ಪಳೆಯಾ.... ಆಮ್ಚೆರ್ ಹಲ್ಲೊ ಕೆಲ್ಲ್ಯಾಂ ಕಡೆನ್ಂಚ್ ಆಮ್ಚಾ ವಯ್ಲ್ಯೊ ಕೆಸಿ ಕಾಡಾ ಮ್ಹುಣ್ ಭಿಕ್ ಮಾಗ್ಚಿ ಪರಿಸ್ಥಿತಿ ಆಮ್ಕಾಂ ಆಯ್ಲಿ...!!


                *****************

ಏಕಾ ಜಾಳಿ ಜಾಗ್ಯಾರ್ ಹ್ಯಾ ವಿಶಿಂ ಆಯ್ಲ್ಯಾ ಏಕಾ ವರ್ದೆಕ್ ಪ್ರತಿಕ್ರಿಯಾ ಜಾವ್ನ್ ಏಕ್ಲೊ ಮುಸ್ಲಿಂ ಭಾವ್ ಆಶೆಂ ಬರಯ್ತಾ. " ಆಯೋಗಾಚಿ ವರ್ದಿ ಕಿತೆಯಿಂ ಜಾಂವ್.. ತುಮಿ ಕಿರಿಸ್ತಾಂವ್ ನಶೀಭ್ ವಂತ್. ಕಿತ್ಯಾಕ್ ಮ್ಹುಳ್ಯಾರ್ , ಸಂಘಚಾನಿಂಚ್ ಹಾಂಚಾ ಪಳ್ಳೆಂಕ್ ತಶೆಂ ಇತರ್ ಜಾಗ್ಯಾಂಕ್  ಬಾಂಬ್ ಘಾಲ್ನ್ , ತೊ ಮುಸ್ಲಿಮಾನಿಂಚ್ ಗಾಲಾ ಮ್ಹುಣ್ ವರ್ಸಾಂ ವರ್ಸಾಂ ಗಟ್ಲ್ಯಾಣ್ ನಿರಫ್ರಾದಿಂಕ್ ಅನಿಕೀ ಜಯ್ಲಾಂತ್ ದವರ್ನ್ ಆಸಾತ್. ಆಶೆಂ ಪುರಾ ಕೆಲ್ಯಾರ್ , ಮಾತ್ರ್ ನ್ಹಂಯ್ ವೇ ಭಯೋತ್ಪದನ್ ಕರುಂಕ್ ಮನ್ ಯೆಂವ್ಚೆಂ ..?  ಥೊಡ್ಯಾ ದಿಸಾ ಉಪ್ರಾಂತ್ ಹ್ಯಾ ದೇಶಾಂತ್ ಕಿರಿಸ್ತಾವಾನಿಂಯೀ ಭಯೋತ್ಪದನ್ ಆರಂಭ್ ಕೆಲ್ಯಾರ್ ಅಜ್ಯಾಪ್ ಮ್ಹುಣ್ ದಿಸ್ಚೆಂ ನಾ...!!!.."
ಪೂರ್ವಗ್ರಹಪೀಡಿತ್ ಜಾಲ್ಲಿ ಅಸಲಿ ವರ್ದಿ ಪಳೆವ್ನ್ ಆಮ್ಕಾಂಕ್ ತಶೆಂ ಬೊಗ್ಚೆಂ ಸಹಜ್. Judicial inquiry ಮ್ಹುಣ್ ಸರ್ಕಾರನ್ ಇತ್ಲೊ ಕೊರೊಡ್ ಕರ್ಚುನ್, ಆಸ್ ಲ್ಯಾಂಚೊ ವೇಳ್ ವಿಭಾಡ್ ಕರ್ನ್ , ಅಂತಿಮ್ ಜಾವ್ನ್ ಕೇಶವ ಕ್ರಪಾ ಥಾವ್ನ್ ತಯಾರ್ ಜಾಲ್ಲಿ ವರ್ದಿ ದಿಲ್ಯಾರ್...?? . ಕೇಶವ ಕ್ರಪಾ ಥಾವ್ನ್ ತಯಾರ್ ಜಾಲ್ಯಾ ವರ್ದೆಕ್ ಕಿತ್ಯಾಕ್ taxpayers ಚೆಂ ಪಯ್ಸೆ ..????


          ********
- ಪ್ರಮೋದ್ ಹೊಸ್ಪೆಟ್

Wow..!!! ಹಾಕಿಂಗಾಚೆಂ ವಿಶ್ಲೇಷಣ್ ...(SM)

Wow ..! ಹೆಂ ಕಿತೆಂ ? ಅಸಲ್ಲೊ ಏಕ್ ಉದ್ಘೋಷ್ ಯೇವ್ನ್ 33 ವರ್ಸಾಂ ಉತಾರ್ಲ್ಯಾಂತ್. ಆನ್ಯ್ ಗಿರಾಣ್ಯಾಚೊ ಜೀವಿ ಆಮ್ಕಾಂ ಖಂಯ್ ಪುಣೀ ಸಂಪರ್ಕ್ ಕರುಂಕ್ ಪ್ರಯತ್ನ್ ಕರ್ನ್ ಆಸಾತ್ ಗೀ ? ಆಮ್ಕಾಂ ಖಂಯ್ ಪುಣೀ "Hi.." ಮ್ಹುಣೊನ್ ಆಸಾತ್ ಗೀ ? ಆಶೆಂ ಮ್ಹುಣ್ ದೊಳ್ಯಾಂಕ್ ತೇಲ್ ಗಾಲ್ನ್ , ಕಸಲ್ಯೊ ಪುಣೀ ನಿಗೂಡ್ ರೇಡಿಯೊ ಸಿಗ್ನಲ್ ಆನ್ಯ್ ಗಿರಾಣ್ಯಾ ಥಾವ್ನ್ ಯೆತಾತ್ ಗೀ ಮ್ಹುಣ್ ದೀಸ್ ರಾತ್ ರಾಕೊನ್ ಆಸ್ ಲ್ಲ್ಯಾ Ohio ಯುನಿವರ್ಸಿಟಿಚಾ Big Ear ರೇಡಿಯೊ ಟೆಲಿಸ್ಕೊಪಾಚಾ ನೆಕೆತ್ರ್ ಶಾಸ್ತ್ರ್ಯಾಂಕ್ 1977 ಚಾ ಅಗೋಸ್ತ್ 15 ತಾರಿಕೆರ್ ಏಕ್ ನಿಗೂಡ್ ಸಿಗ್ನಲ್ ಮೆಳ್ಳಿ. ತಿ ಫಕತ್ 72 ಸೆಕುಂಡಾಂಚಿ ...!  ಹ್ಯಾ ವಿಚಿತ್ರ್ ಸಿಗ್ನಲಾಚಾ ದತ್ತಾಂಶ್ ಏಕಾ ಕಾಗ್ದಾರ್ ಪ್ರಿಂಟ್ ಕಾಡ್ನ್  , ನೆಕೆತ್ರ್ ಶಾಸ್ತ್ರಿ ಜೆರಿ ಹೆಮಾನಾನ್ "Wow..!" ಮ್ಹುಣ್ ತಾಚೆರ್ ಬರಯ್ಲೆಂ. ದೆಕುನ್  ತಿ ನಿಗೂಡ್ ಸಿಗ್ನಲ್, " Wow .! ಸಿಗ್ನಲ್ " ಮ್ಹುಣ್ಂಚ್ ಜನಪ್ರಿಯ್ ಜಾಲ್ಯಾ. ತಾಚ್ಯಾ ಉಪ್ರಾಂತ್ , ಅಸಲಿ ಸಿಗ್ನಲ್ ಯೆದೊಳ್ ಮ್ಹುಣಾಸರೀ ಮೆಳೊಂಕ್ ನಾ. ಕಂಯ್ ಥಾವ್ನ್ ಆಯ್ಲಿ ತಿ ಸಿಗ್ನಲ್ ..??

ಹ್ಯಾ ಸಿಗ್ನಲಾಚೊ ಮೂಳ್ ಸೊಧುನ್ ಗೆಲ್ಲ್ಯಾ ನೆಕೆತ್ರ್ ಶಾಸ್ತ್ರ್ಯಾಂಕ್ , ತಿ ಸುಮಾರ್ ದೊನ್ಶಿ ಉಜ್ವಾಡ್ ವರ್ಸಾಂ ಪಯ್ಸ್ ಆಸ್ಚ್ಯಾ ಏಕಾ ನೆಕೆತ್ರಾ ಥಾವ್ನ್ ಆಯ್ಲಾಂ ಮ್ಹುಣ್ ಕಳ್ಳೆಂ. ತಶೆಂ ಮ್ಹುಳ್ಯಾರ್ ತ್ಯಾ ನೆಕೆತ್ರಾಚಾ ಗಿರಾಣ್ಯಾ ಥಾವ್ನ್ ಬುದ್ವಂತ್ ಜೀವಿನಿಂ ದೊನ್ಶಿ ವರ್ಸಾಂ ಆದಿಂ ದಾಡ್ ಲ್ಲಿ ಸಿಗ್ನಲ್ ಆಮ್ಕಾಂ 1977 ಇಸ್ವೆಂತ್ ಮೆಳ್ಳಿ. ಆಮಿಂ ಪರತ್ ತಾಂಕಾಂ "Hi" ಮ್ಹುಣ್ ರೇಡಿಯೊ ಸಿಗ್ನಲ್ ಪಾಟಿಂ ದಾಡ್ಲ್ಯಾರ್ ತಾಂಕಾಂ ತಿ ಪಾವೊಂಕ್ ಆನ್ಯೇಕ್ ದೊನ್ಶಿ ವರ್ಸಾಂ ಜಾಯ್. ತೆನ್ನಾ ತ್ಯಾ ಬುದ್ವಂತ್ ಜೀವಿಂಕ್ ತ್ಯಾ ಸಿಗ್ನಲಾಚೊ ಉಡಾಸ್ ವಚುಂಕ್ ಪುರೊ ಯಾ ತ್ಯೊ ಜೀವಿ ಯೆದೊಳ್ ಚ್ ನಾಸ್ ಜಾಂವ್ಕ್ ಪುರೊ ...!!

ಹ್ಯಾ ಸಕ್ಕಡಿ ಮಿಸ್ತೆರಾಂ ವಿಶಿಂ ಸ್ಟೀಫಾನ್ ಹಾಕಿಂಗ್ ಪರತ್ ಉಲಾಯ್ಲಾ. ಹಾಕಿಂಗಾ ವಿಶ್ಯಾಂತ್ ತುಮ್ಕಾಂ ಕಾಂಯ್ ಚಡಿತ್ ಸಾಂಗ್ಚೆಂ ಗರ್ಜ್ ಚ್ ನಾ. ಆಮ್ಚ್ಯಾ ಕಾಳಾರ್ ಐನ್ ಸ್ಟೈನಾ ಉಪ್ರಾಂತ್ ಆಯ್ಲೊ ಮಹಾನ್ ವಿಗ್ಯಾನಿ ತೊ. ಹ್ಯಾ ಹಾಕಿಂಗಾನ್ ಡಿಸ್ಕವರಿ ಚಾನೆಲಾಕ್ ಹ್ಯಾಚ್ ವರ್ಸಾ ಏಕ್ ಡಾಕ್ಯೂಮೆಂಟಾರಿ ಬರಯ್ಲಿ. ತಿಚ್ Into The Universe with Stephen Hawking . 2010 ಚಿ ಮಹಾನ್ ಡಾಕ್ಯೂಮೆಂಟಾರಿ ತಿ. ಸಕ್ಡಾನಿಂ ಪಳಯ್ಜೆ ಜಾಲ್ಲಿ ತಸಲಿ. ತಾಂತುಮ್ 3 ಎಪಿಸೋಡ್ ಆಸಾತ್. ಪಯ್ಲೊ Aliens , ದುಸ್ರೊ Time Travel ಆನಿಂ ತಿಸ್ರೊ The story of everything . ಉಂಚ್ಲೆಂ ಗ್ರಾಫಿಕ್ಸ್ , ಸರಳ್ ಭಾಸ್ ಆನಿಂ ವಿಭಿನ್ನ್ ನಿರೂಪಣಾ ಸವೆಂ ಹಾಂಕಿಂಗಾನ್ ಹ್ಯಾ ವಿಶ್ವಾಚೆ ಮಿಸ್ತೆರ್ ವಿವರ್ಸುಂಕ್ ಪ್ರಯತ್ನ್ ಕೆಲಾಂ. ಹಿ ಡಾಕ್ಯೂಮೆಂಟಾರಿ ಪಳಯ್ಲ್ಯಾ ಸಾಮಾನ್ಯ್ ಮನ್ಶ್ಯಾಕೀ ಹ್ಯಾ ವಿಶ್ವಾಚೆ ನಿಗೂಡ್ ಮಿಸ್ತೆರ್ ಆರ್ಥ್ ಜಾತಾತ್. 2010 ಚಿ best ಡಾಕ್ಯೂಮೆಂಟಾರಿ ತಿ. ಆಮಿಂ ಕಿತ್ಯಾಕ್ ಆನ್ಯ್ ಗಿರಾಣ್ಯಾಚಾ ಜೀವಿಂಕ್ ಸಂಪರ್ಕ್ ಕರುಂಕ್ ನುಜೊ ? ಕೊಲಂಬಸ್ ಅಮೆರಿಕಾಕ್ ಪಾವ್ಲ್ಯಾ ಉಪ್ರಾಂತ್ ಥಂಯ್ ಆಸ್ಲ್ಯಾ ಮೂಳ್ ನಿವಾಸಿಂಕ್ ಆಯ್ಲಿ ಗತ್ ಚ್ , ಆನ್ಯ್ ಗಿರಾಣಾಚೊ ಜೀವಿ ಆಯ್ಲ್ಯಾರ್ ಅಮ್ಚಿಯೀ ಗತ್ ಜಾಯ್ತ್ ? ಭುರ್ಗ್ಯಾನಿಂ , ಕಾಲೇಜ್ ಸ್ಟೂಡೆಂಟಾನಿ ಖಂಡಿತ್ ಪಳಯ್ಜೆ ಜಾಲ್ಲಿಚ್. By the way ಥೊಡಿಂ ಕಾನಡಿ ಚಾನೆಲಾಂ ಹ್ಯಾ ಡಾಕ್ಯೂಮೆಂಟಾರಿಕ್ ಮಸಾಲಾ ಭರ್ಸುನ್, ವಿರೂಪ್ ಕರ್ನ್ ಪ್ರಸಾರ್ ಕರ್ನ್ ಆಸಾತ್. ತೆಂ ಫಕತ್ TRP ಖಾತಿರ್. ಒರಿಜಿನಲ್ ಡಾಕ್ಯೂಮೆಂಟಾರಿ ಅಂತರ್-ಜಾಳಿರ್ ಡೌನ್ ಲೋಡ್ ಕರುಂಕ್ ಮೆಳ್ತಾ. ಹಾಚೆ ಟೊರೆಂಟ್ ಯೀ ದರಬಸ್ತ್ ಆಸಾತ್. ಯೆದೊಳ್ Discovery ರ್ ತುಮಿಂ ಹಿ ಡಾಕ್ಯೂಮೆಂಟಾರಿ ಪಳೆಯ್ನಾತ್ಲ್ಯಾರ್ ಜಾಳಿರ್ ಥಾವ್ನ್ ಡೌನ್ ಲೋಡ್ ಕರಾ. miss ಕರಿನಕಾತ್ ..!!

                            ********************************

                                 - ಪ್ರಮೋದ್ ಹೊಸ್ಪೆಟ್

[ವಿಕೆಂಡ್ ಆವಾಜ್] : ಚಕ್ಕಾ ಜಾವ್ನ್ ಆಸಾಗೀ ಆಮ್ಚಿ ಭಾರತ್’ "ಮಾತಾ" ....!!! ???

ನಾಟಕ್ ಆನಿಕೀ ಭರನ್ ಚಲೊನ್ ಆಸಾ.... ಕೆನ್ನಾ ಕರ್ನಾಟಕಚೊ ಆದ್ಲೊ CEO , ಸೋಮನ ಹಳ್ಳಿ ಕ್ರಷ್ಣ Logout ಕರ್ನ್ ಗೆಲೊಗೀ , ತೆನ್ನಾ ಥಾವ್ನ್ ಹಾಂಗಾ ಆರಂಭ್ ಜಾಲ್ಲೊ ನಾಟಕ್ ರಾವೊಂಕ್ ನಾ. ಸಧ್ಯಕ್ ರಾಂವ್ಚಿ ಲಕ್ಷಣಾಂ ಯೀಂ ದಿಸಾನಾಂತ್ .! ರಾಷ್ಟ್ರೀಯ್ ಮಾಧ್ಯಮಾಂಕ್ ಆತಾಂ ಕರ್ನಾಟಕ ಮ್ಹುಳ್ಯಾರ್ ಫಕತ್ Kar 'Natak' ..!! ಆಲಿಬಾಬಾ ಆನಿಂ ಜಾಳಿಸ್ ಚೊರಾಂಚೊ ಪಂಗಡ್ ಹಾಂಗಾ ದರಬಸ್ತ್ ಆಸಾ..



ಆಶೆಂ ಮ್ಹುಣೊನ್ ಆಸ್ತನಾಂಚ್ ಆನ್ಯೇಕ್ ಕರ್ನಾಟಕ ಬಂಧ್ ಜಾಲೆಂ. ವಿಶೇಷ್ ಮ್ಹುಳ್ಯಾರ್ ಬಂಧ್ ಕರುಂಕ್ ಅಪವ್ಣೆಂ ದಿಲ್ಲೆಂ ಆಡಳ್ತೆಂ ಚಲೊಂವ್ಚ್ಯಾ ಪಾಡ್ತೆನ್. ತಾಚಾಕೀ ವಿಶೇಷ್ ಮ್ಹುಳ್ಯಾರ್ ಬಂಧ್ ಕರುಂಕ್ ದಿಲ್ಲೆಂ ಕಾರಣ್ . ಚೊರಾಕ್ ಪೋಲಿಸಾಂಕ್ ದೀಂವ್ಕ್ ನುಜೊ ಖಂಯ್ .!! ಆಶೆಂ ಬಂಧ್ ಕೆಲ್ಲ್ಯಾ ನಿಮ್ತಿಂ
ಜಾಲ್ಲೊ ಲುಕ್ಸಾಣ್ ಬರೋಬ್ಬರ್ ದೋನ್ ಹಜಾರ್ ಕೊರೊಡ್  ರೂಪಯ್ . ತಾಚೆ ಉಪ್ರಾಂತ್ ಮಾನೆಸ್ತ್ ದೊತೊರ್ ಬೂಕನಕೆರೆ ಸಿದ್ದಲಿಂಗಯ್ಯ ಯೆಡಿಯೂರಪ್ಪಾ ಥಾವ್ನ್ 6 ಕೊರೊಡ್ ಕನ್ನಡಿಗಾಂಕ್ ಅಭಿನಂಧನ್. "ಸ್ವಯಂ ಪ್ರೇರಿತ್" ಬಂಧ್ ಯಶಸ್ವಿ ಕೆಲ್ಲ್ಯಾಕ್ !


                                          ********


ಹಾಂಗಾ ನಾಂವ್ ನಾತ್ ಲ್ಲ್ಯಾ Itaska ಮ್ಹುಳ್ಳ್ಯಾ ಕಟ್ಟಾ ಸುಬ್ರಮಣ್ಯಾ ನಾಯ್ಡುಚಾ so called ಐಟಿ ಕಂಪೆನಿಕ್ ಶೆಂಬೊರಾ ಗಟ್ಲ್ಯಾನ್ ಭೂಂಯ್ ಮೆಳ್ತಾ. ಕಟ್ಟಾ, ತಾಚಿಂ ಭುರ್ಗಿಂ , ಯೆಡಿಯೂರಪ್ಪಾ ಆನಿಂ ತಾಚಿಂ ಭುರ್ಗಿಂ, ಅಶೋಕಾ ಆನಿಂ ತಾಚಿಂ ಭುರ್ಗಿಂ..... ಆಶೆಂ ಸಕ್ಡಾಂಕ್ ಜಾಗೊ ದೀವ್ನ್ ಜಾತಾನಾ Infosys ಕ್ ಖಂಯ್ ಜಾಗೊ ಮೆಳ್ಚೊ ..!!? ದೆಕುನ್ ತೆ ತಾಂಚೆ ಹೆಡ್ಡ್ ಒಫಿಸ್ ಬೆಂಗಲೂರು ಥಾವ್ನ್ ಪುಣೆ shift ಕರ್ತಾರ್ ಖಂಯ್ ..!!



                                          ********


ದೊತೊರ್ ಯೆಡಿಯೂರಪ್ಪಾಚಾ ಮುಕುಟಾಕ್ ಆನ್ಯೇಕ್ ಪಾಕ್ ಬಸ್ಲಾಂ. ಹ್ಯಾ ದೇಶಾಂತ್ live-in relationship ,gay marriage ಪುರಾ ಅತಾಂ official ಕರ್ನ್ ಜಾಲಾಂ. ಪುಣ್ ಆಮ್ಚೆ ಮಾನಾದಿಕ್ ದೊತೊರ್ ಭ್ರಷ್ಟಚಾರ್ ಯೀ official ಕರುಂಕ್ ಭಯ್ರ್ ಸರ್ಲ್ಯಾತ್. ಹಾಕಾ ಸಿದ್ದಾಂತ್ ಏಕ್ ಚ್. "ತುವೆಂ ಯೀ ಕೆಲಾಂಯ್.. ಮ್ಹಕಾಯ್ ಕಾಂವ್ಕ್ ಚೊಡ್ .! " . ಹಾಂಗಾ ಪಯ್ಶ್ಯೆ ದಿಲ್ಯಾರ್ ಕಸಲೆಂ ಯೀ ಕಾಮ್ ಚಲ್ತಾ. BMTC ಬಸ್ಸಾ ಥಾವ್ನ್ ಹೈ ಕೋಡ್ತಿ ಮುಕಾರ್ ಯಿ. ! ತುಕಾ ಕೊಡ್ತಿಂತ್ ಕಸಲೆಂ ತೀರ್ಪ್ ಜಾಯ್ ? ತಸಲೆಂ ತೀರ್ಪ್ ದೀಂವ್ಕ್ ಥೊಡೆಂ deal ಕೆಲ್ಯಾರ್ ಪುರೊ. ಮುಖೆಲ್ ಜಡ್ಜ್ ಜಸ್ಟೀಸ್ ಖೆಹರ್ ಚ್ ಹಾಂಗಾ ವಡ್ಲಿ ಅಂಗಡ್ ದವರ್ನ್ ಬಸ್ಲಾ ..!


                                                     **********


ಆಸಲ್ಯಾ ಕರ್ ’ನಾಟಾಕಾ’ಂತ್ ಖಂಯ್ ಪುಣೀ firewall ಅಸಾಗೀ ಮ್ಹುಣ್ ಪಳಯ್ಲ್ಯಾರ್ ಆಸ್ಚೊ ಏಕ್ ಮಾತ್ರ್ ಜಸ್ಟೀಸ್ ಸಂತೋಶ್ ಹೆಗ್ಡೆ. ಪುಣ್ ವಿಪರ್ಯಾಸ್ ಮ್ಹುಳ್ಯಾರ್ ಹ್ಯಾ firewall ಂತ್ ವಡ್ಲೆ ವಡ್ಲೆ ತಿಮಿಂಗಿಲಾ ಪುರಾ allowed IP list ಂತ್ ಆಸಾತ್. ಬಾಂಗ್ಡೆ, ಭೂತಾಯ್ ಕ್ ಮಾತ್ರ್ blocked list ಂತ್ ಗೆಲ್ಯಾತ್ ! . ಪಾಂಪ್ಲೆಟಾಂ , ಇಸ್ವಾನಾಂಕ್ Quarantin ಕರ್ನ್ ಮಾಗಿರ್ ಸೊಡ್ತಾತ್. ಹಾಂಗಾ ಕಂಯ್ ಪುಣೀ ಶಿಕ್ಷಾ ಮೆಳ್ಚಿ ಮ್ಹುಳ್ಯಾರ್ ದೊನ್ಶಿ ರೂಪಯ್ ಲೋಂಚ್ ಕಾಣ್ಘೆಲ್ಲ್ಯಾ ಗುಮಾಸ್ತಾಕ್ ಮಾತ್ರ್ ..!!


                                                  ********


ಹಾಂಗಾ ಪುರಾ "ಸ್ವಯಂ ಪ್ರೇರಿತ್" ಬಂಧ್ ಕರುಂಕ್ ಚಲ್ಚ್ಯಾ ಥೊಡ್ಯಾ ಥಾವ್ನ್ ತಿಂಚ್ ಆದ್ಲಿಂ ಸ್ಲೊಗಾನಾಂ ಆಯ್ಕೊಂಕ್ ಮೆಳ್ನ್ ಆಸ್ ಲ್ಲಿಂ. ಬೋಲೊ.. ಬ್ಯಾರಾತ್ ಮಾತ್ತಾssssss ಕ್ಕೀ ssss ....!! ಹಾಂಚೊ ನಾರೊ ಆಯ್ಕಾತಾನಾ ಹೆ ಭಾರತ್ ಮಾತಾಕ್ ಕಂಯ್ ಪುಣೀ ಚಕ್ಕಾ ಕರುಂಕ್ ಭಯ್ರ್ ಚರ್ಲ್ಯಾತ್ ಗೀ ಮ್ಹುಣ್ ಭೊಗಾಪ್ ಆಯ್ಲೆಂ. ಬಂಧ್ ನಿಮ್ತಿಂ ಬೆಂಗ್ಳೂರ್ ಆಪ್ಲ್ಯಾ ರೂಮಾಂತ್ ಶಿರ್ಕಾಲ್ಲೊ ಮೊಡಾಂಕಾಪ್ ಚೊ ಮ್ಹುಜೊ ಮಿತ್ರ್ ಆನಿಲ್ ಸೊಜ್ ಮ್ಹುಜೆ ಕಡೆ ವಿಚಾರಿ; "clean shave ಕರ್ನ್ ಆಸ್ಲ್ಯಾರ್ ಆಮ್ಚೊ ದೊತೊರ್ ಯೆಡಿಯೂರಪ್ಪಾ ಕಸೊ ದಿಸ್ತಾ ..!!?? . ಹೆಂ ಆಯ್ಕಾತಾನ ಮ್ಹಕಾ ಆರ್ಥ್ ಜಾಂವ್ಕ್ ಆರಂಭ್ ಜಾಲೆಂ. ಗೆಲೆತ್ಯಾ ವರ್ಸಾ ದೊತೊರ್ ಯೆಡಿಯೂರಪ್ಪಾನ್ sexual minority ಂಚಾ ಸಮ್ಮೆಳಾನಾಂತ್ ತಾಂಕಾ ಚಕ್ಕಾ ಮುಣೊಂಕ್ ನುಜೊ , "ಮಂಗಳ ಮುಖಿ" ಮುಣ್ ನವೆಂ ನಾಂವ್ ಕಿತ್ಯಾಕ್ ದಿಲೆಂ. ಮ್ಹುಣ್. !!


ತುಮ್ಕಾಂ ಖಂಯ್ ಪುಣೀಂ ಬರೆಂ ಕಾರ್ಯಾಕ್ ವಚೊಂಕ್ ಆಸ್ಲ್ಯಾರ್ ಸಕಾಳಿಂ, ಸಕಾಳಿಂ TV on ಕರ್ನ್ ಸುವರ್ಣಾ ಯಾ TV 9 ರ್ ಯೆಡಿಯೂರಪ್ಪಾಚೆಂ ಥೋಂಡ್ ಪಳೆಂವ್ಕ್ ವಿಸ್ರನಕಾತ್ ..!!!


                                     *******


- ಪ್ರಮೋದ್ ಹೊಸ್ಪೆಟ್

ಪೆಟ್ರೋಲ್ , ಪಿಯಾವ್ ಆನಿಂ ಸಮಾಜೋತ್ಸವ ....

ವಿಕೆಂಡ್ ಆವಾಜ್ ...

ನವ್ಯಾ ವರ್ಸಾಚೊ ಪಯ್ಲೊ ಆಯ್ತಾರ್. ಹಾಂವ್ ಆಮ್ಚ್ಯಾ ಮಂಗ್ಳೂರ್ಚ್ಯಾ ಬಲ್ಮಟಾ ಥಾವ್ನ್ ಮಿಲಾಗ್ರಿಸ್ ಮ್ಹುಣಾಸರ್ ಚಲೊನ್ ವಚುನ್ ಆಸ್ ಲ್ಲೊಂ. ತ್ಯಾ ದೀಸಾ ಸಾಂಜೆರ್ ತೊಗಾಡಿಯಾಚೊ ಸಮಾಜೋತ್ಸವ ಆಸ್ ಲ್ಲ್ಯಾನ್ ಸಗ್ಳೆಂ ಮಂಗ್ಳೂರ್ ಚ್ ಕೇಸರ್ ರಂಗಕ್ ಪರಿವರ್ತನ್ ಜಾಲ್ಲೆಂ. ಗಲ್ಲೆ ಗಲ್ಲೆಂತ್ ಬ್ಯಾನಾರಾಂ ಆನಿಂ ತ್ಯಾ ಬ್ಯಾನಾರಾನಿಂ ತಿಂಚ್ ಆದ್ಲಿಂ ಸ್ಲೊಗಾನಾಂ ...! ವೀರ್ ಗರಜ್ಯೊ, ಭಯೋತ್ಪಧನ್ ಆನಿಂ ಮತಾಂತರ್ ವಿಶ್ಯಾಂತ್ ವಡ್ಲ್ಯೊ ನಾರೊ ...! ಸಾಂಜೆರ್ ಹಜಾರಾನಿಂ ಲೋಕ್ ಜಮೊ ಜಾಲ್ಲೊ, ತೊಗಾಡಿಯಾ ಆಯ್ಲೊ, , ವೀಕ್ ವೊಂಕುನ್ ಗೆಲೊ, ಆನಿಂ ಸಮಜೋತ್ಸವ ಸಂಪ್ಲೊ. .! ಉಪ್ರಾಂತ್ ಆಯ್ಲ್ಯಾ ಎಲಿಸಾವಾಂಚಾ ಫಲಿತಾಂಶಾಂತ್ ಯೀ ಆಮ್ಚ್ಯಾ ದೋನ್ ಯೀ ಜಿಲ್ಲ್ಯಾಂತ್ ಕೇಸರ್ ರಂಗಚೊಚ್ ಆರ್ಭಟ್ ...

ಇತ್ಲೊ ಶಿಕ್ಪಿ ಲೋಕ್ ಆಸ್ಚ್ಯಾ ಹ್ಯಾ ಪ್ರದೇಶಾಂತ್ ಹೆಂ ಪುರಾ ಕಶೆಂ ಜಾಂವ್ಚೆಂ ? ಇಂಡಿಯಾಂಕ್ ನಿಜಾಯ್ಕೀ ಪಾಕಿಸ್ತಾನ್ ಭಯೋತ್ಪದಾನಾಚೆಂ ತಿತ್ಲೊ ವ್ಹಡ್ ಸಮಸ್ಸೊ ಆಸಾ ಗೀ ? ಯಾ ಕಿರಿಸ್ತಾವಾಂನಿ ಕರ್ಚ್ಯಾ "ಬಲತ್ಕಾರ್" ಮತಾಂತರಾ ದ್ವಾರಿಂ ಹಿಂದ್ವಾಂಚೊ ಸಂಖೊ ಇಂಡಿಯಾಂತ್ ಉಣೊ ಜಾವ್ನ್ ಆಸಾ ಗೀ ? ಇಂಡಿಯಾಂತ್ ಆಸ್ಚೊ ವಡ್ಲೊ ಭಯೋತ್ಪದನ್ ಸಮಸ್ಸೊ ಖಂಚೊ..??



ಕಾಲ್ ಸಕಾಳಿಂ ಮ್ಹಕಾ ಇಲೆಕ್ಟ್ರಾನಿಕ್ಸ್ ಸಿಟಿ ಚೆಂ ಏಕ್ ಟ್ರಾಫಿಕ್ ಸಿಗ್ನಲ್ ಉತಾರುನ್ ವಚಜೆ ಜಾಲ್ಯಾರ್ 50 ಮಿನುಟಾಂ ಲಾಗ್ಲಿಂ. ಇಂಡಿಯಾಂತ್ ತುಕಾ ದೋನ್ ತೀನ್ ಗಂಟೆ ಟ್ರಾಫಿಕಾಂತ್ ವಳ್ವಳೊನ್ , ಪಯ್ಣ್ ಕರ್ಚ್ಯಾ ತಿತ್ಲ್ಲೆಂ ವಡ್ಲೆಂ ಭಯೋತ್ಪಧನ್ ದುಸ್ರೆಂ ಆಸಾ ಗೀ ..!!!??? ಮ್ಹುಜಾ ಫರ್ಮಾಣೆ ಸಂಸರಾಚೆಂ ವಡ್ಲೆಂ ಭಯೋತ್ಪದನ್ಂಚ್ ಇಂಡಿಯಾನ್ ಉತ್ಪಾದನ್ ಕರ್ಚೊ ಜಣ್ -ಸಂಖೊ .! ಕಾಂಯ್ ನಾ , ಕಾಂಯ್ ನಾ ಮ್ಹುಳ್ಯಾರೀ ಇಂಡಿಯಾಚೆ ವರ್ಸಾಕ್ ಆಮ್ಚ್ಯಾಕೀ ಮಸ್ತ್ ವ್ಹಡ್ ಆಸ್ಚ್ಯಾ ಆಸ್ಟ್ರೇಲಿಯಾಚಾ ಸಗ್ಳ್ಯಾ ಜಣ್ -ಸಂಖೊ ಏಕಾಚ್ ವರ್ಸಾ ಉತ್ಪಾದನ್ ಕರ್ನ್ ಆಸಾತ್. ! ಆಶೆಂ ಕೆಲ್ಲ್ಯಾ ಉತ್ಪಾದನಾ ವರ್ವಿಂ ಕಾಂಯ್ ಫುಣೀ ಲಾಭ್ ಮ್ಹುಣಿ ಜಾಲ್ಯಾರ್ ಏಕ್ ಇಂಡಿಯಾಚಾ ರಾಜಕಾರಣಿಂಕ್ ಆನಿಂ ಸಂಘ್- ಪರಿವಾರಕ್. ! ತೆಂ ಸೊಡ್ಲ್ಯಾರ್ ವಡ್ಲೊ ಲಾಭ್ ಮ್ಹುಳ್ಯಾರ್ BCCI ಕ್ ಆನಿಂ ತಾಂಚಾ IPL ಕ್ ..!!!

ಆಸೆಂಚ್ ಜಾಲ್ಯಾರ್ ಆಮ್ಚೆಂ ಇಂಡಿಯಾ ಏಕ್ ಈಸ್ಟರ್ ಐಲ್ಯಾಂಡಾ ಬರಿ ನಾಸ್ ಜಾಂವ್ಚೆಂ ನಾಂ ಗೀ ? ( ಈಸ್ಟರ್ ಐಲ್ಯಾಂಡಾ ವಿಶ್ಯಾಂತ್ ಹಾಂವೆಂ ಬರಯ್ಲೆಂ ಆದ್ಲೆಂ ಲೇಖನ್ ತುಮಿ ಯೆದೊಳ್ ವಾಚಿನಾತ್ಲ್ಯಾರ್, ತೆಂ ಹ್ಯಾ ಬ್ಲಾಗಾಂತ್ ಥಾವ್ನ್ ವಾಚ್ಯೇತ್) . ಪಾಕಿಸ್ತಾನ್ , ಪಾಕಿಸ್ತಾನ್ ಮ್ಹುಣ್ ಬೊಬೊ ಗಾಲ್ಚ್ಯಾ ಆಮ್ಕಾಂ ಅತಾಂ ತಾಂಚೆಂ ಪಾಯ್ ದರ್ನ್ ಪಿಯಾವ್ import ಕರ್ನ್ ಹಾಡ್ಚಿ ಗತ್ ಆಯ್ಲಿ. ! ತಾಚ್ಯಾ ಕೀ ವಡ್ಲಿ ಲಜ್ ದುಸ್ರಿ ಆಸಾ ಗೀ ? ಪೆಟ್ರೊಲ್ , ಡಿಸೀಲಾಚೆಂ ಮೋಲ್ ದಿಸಾನ್ ದೀಸ್ ಚಡೊನ್ ಆಸಾ. ಅಡ್ವಾನಿಚೆಂ ರಥ್ ದಾವಾಜೆ ಜಾಲ್ಯಾರೀ ಯಾ ಭಜರಂಗ ದಳಚಾ ’ಬೈಕ್ ರ‍್ಯಾಲಿ’,ಚಿಂ ಬೈಕಾಂ ಮ್ಹುಕಾರ್ ವಸಜೆ ಜಾಲ್ಯಾರೀ ಜಾಯ್ ಪಡ್ಚೊ ಇಂಧನಾಕ್ ಸೌದಿ ಆನಿಂ ಇರಾನಾಚೆಸ್ ಪಾಯ್ ದರಿಜೆ. ಖಂಯ್ ಪುಣೀ ವೆನಿಜುಯೆಲಾಚಾ ಉಣ್ಯಾ ಮೊಲಾಚೊ ಪೆಟ್ರೋಲ್ ಹಾಡ್ಯಾಂ ಮ್ಹೂಳ್ಯಾರ್ ಅಮೆರಿಕಾ ಸೊಡಿನಾ. ತಾಂಕಾ ರಾಗ್ ಆಯ್ಲ್ಯಾರ್ ತೆ ಅಮ್ಚೆಂ ನ್ಯೊಕ್ಲಿಯಾರ್ ಡೀಲ್ ಚ್ ಬಂಧ್ ಕರುಂಕ್ ಪುರೊ ... ತಿತ್ಲೆಂಚ್ ನ್ಹಂಯ್ ಇನ್ಫೊಸಿಸ್ , ವಿಪ್ರೊ ತಸ ಲ್ಯಾನಿಂ ಅಂಗಡ್ ಬಂಧ್ ಕರಿಜೆ ಪಡೊಂಕ್ ಯೀ ಪುರೊ ..!!. ಅಮ್ಚ್ಯಾ ಸಕ್ಕಡಿ ಗರ್ಜಾಂಕ್ ಆಮ್ಕಾಂ ವಿದೇಶಿ ಕುಮಕ್ ಜಾಯ್ಜೆಚ್. ಅಮ್ಚೆಂ ಮ್ಹುಳ್ಳೆಂ own ಕಾಂಯ್ ನಾ. ದಾಕ್ಲ್ಯಾಕ್ ಪಳೆಯಾ ; ಗೆಲೆತ್ಯಾ ವರ್ಸಾ ISRO ನ್ ಆಮ್ಚ್ಯಾ ರಾಕೆಟಾಂಕ್ ರಶಿಯಾಚಿಂ ಕ್ರಯೊಜನಿಕ್ ಇಂಜಿನಾಂ ನಾಕಾತ್ , ಆಮ್ಚಿಂಚ್ ಆಭಿವ್ರದ್ದಿ ಕರ್ತಾಂ ಮುಣ್ ಹಜಾರ್ ಕೊರೊಡಾಚಿಂ ದೋನ್ ಉಪಗ್ರಹಾಂ ಬಂಗಾಳ್ ಕೊಲ್ಲಿಚಾ ಧರ್ಯಾಚಾ ಹರ್ದ್ಯಾರ್ ಗಾಲಿಂ .! ಯೆದೊಳ್ ಮ್ಹುಣಾಸರ್ ಇತ್ಲೆಂ ಸಾಬಿತ್ ಜಾಲಾಂ... ಆಮ್ಕಾಂ ಎಕಾ ಹಾತಾಂತ್ ತಾಳಿಯೊ ಪೆಟೊಂಕ್ ಜಾಯ್ನಾ ಮ್ಹುಣ್ ..!

ಹೆಂ ಪುರಾ ಸಮಾಜೋತ್ಸವ ಕರ್ಚ್ಯಾಂಕ್ ಕಿತ್ಯಾಂಕ್ ಸಮ್ಜನಾ ? ತೆ ಪರತ್ ಆಮ್ಚೊ ಸಂಖೊ ಉಣೊಂ ಜಾವ್ನ್ ಆಸಾ , ಡಜನ್ , ಡಜನ್ ಭುರ್ಗಿಂ ಕರಾ ಮ್ಹುಣ್ ಕಿತ್ಯಾಕ್ ಉಲೊ ದಿತಾತ್ ? ದೇವಾಕ್ ಗೊತ್ತು. ! ಪುಣ್ ಸಕ್ಡಾಂಕೀ , ಸಕ್ಕಡ್ ಕಾಳಾರ್ fool ಕರುಂಕ್ ಜಾಯ್ನಾ ನೇ ? . ಸಮಾಜೋತ್ಸವ ಕರ್ಚ್ಯಾಂಕ್ ಆಜ್ ಉತ್ತರ್ ಪ್ರದೇಶಾಂತ್ ತಾಂಚಿ ಗತ್ ಕಿತೆಂ ಮ್ಹುಣ್ ಗೊತ್ತಾಸಾ. ಇಂಡಿಯಾಚಾ ಇತರ್ ಜಾಗ್ಯಾನಿಂ ಯೀಂ ಲೋಕಾನ್ ಹಾಂಕಾಂ ಬೂಧ್ ಶಿಕಯ್ಲ್ಯಾ . ಪುಣ್ ಮಂಗ್ಳೂರಾಂತ್ ಹಾಂಚೊಂ ಅಮಲ್ ದಿಸಾನ್ ದೀಸ್ ಚಡೊನ್ಂಚ್ ಯೆತಾ. ಹಾಕಾ ಪ್ರಮುಖ್ ಕಾರಣ್ ಹಾಂಗಾ ಆಸ್ ಲ್ಲೊ ಶಿಕ್ಪಿ ಲೋಕ್ ..!! . ಹೆಂ ಕಶೆಂ ಮ್ಹುಣ್ತಾತ್ ಗಿ ? ಕೊಡ್ಯಾಳಾಂತ್ ಶಿಕ್ಪಿ ಲೋಕ್ ಚಡ್ ಆಸಾತ್. ಪುಣ್ ವಿದ್ಯಾವಂತ್ ಭೋವ್ ಥೊಡೆಚ್ !ಸಡಾವತ್ ಮಂಗ್ಳೂರಾಂತ್ ಡಿಗ್ರಿ ಕರ್ನ್ ಯೀ ಶಿಕ್ಪಿ ಜಾವ್ನ್ ಮಾತ್ರ್ ಉರ್ಲ್ಯಾತ್. ವಿದ್ಯಾವಂತ್ ಭಿಲ್ಕುಲ್ ಜಾವ್ನಾಂತ್ ! ಶಿಕ್ಪಿ ಲೋಕ್ , ವಿದ್ಯಾವಂತ್ ಜಾಯ್ನಾತ್ಲ್ಯಾರ್ ತಾಚಾಕೀ ವ್ಹಡ್ ಭಯೋತ್ಪದನ್ ದುಸ್ರೆಂ ನಾ ..!! . ಏಕ್ ಚ್ ಸಕ್ಕಡೀ ವಿದ್ಯಾವಂತ್ ಜಾವ್ನ್ ಆಸಾಜೆ ಯಾ ಕಾಂಯ್ ಶಿಕಾನಾತ್ಲೊ ಲೋಕ್ ಆಸಾಜೆ. ಹಾಚಾ ಮದ್ಲೊ ಲೋಕ್ ಆಸ್ಲ್ಯಾರ್ , ಸಮಾಜೆಕ್ ವಡ್ಲೆಂ ಮಾರೆಕಾರ್. ಸತಾಚಾ ಮಾಂಡ್ಯಾಕ್ ಮಾರ್ ಲ್ಯಾ ಬರಿ ಸಾಂಗ್ಚೊ ಫಟಿ ಹೆ ಶಿಕ್ಪಿ ಲೋಕ್ ಪಾತ್ಯೇತಾತ್. ! ಹಾಚೊ ಭರ್ಪೂರ್ ಉಪ್ಯೋಗ್ ಮೆಳ್ಚೊ ಮೂಳ್-ಭೂತ್ ಸಂಘಟನಾಂಕ್. ಮಂಗ್ಳೂರಾಂತ್ ಜಾವ್ನಾಸ್ಚೆಂ ಯೀ ಇತ್ಲೆಂಚ್ .. !!


                       *************

     -ಪ್ರಮೋದ್ ಹೊಸ್ಪೆಟ್

ಉಲ್ಲಾಸ್ ತುಮ್ಕಾಂ...

ಸುಖ್ ದು:ಖ್ ..

ಉಲ್ಲಾಸ್ ತುಮ್ಕಾಂ ... ಮ್ಹುಜೊ ಬ್ಲಾಗ್ ವಾಚುನ್ ಆಸ್ ಲ್ಲ್ಯಾಂಕ್ ಸರ್ವಾಂಕ್ ನವ್ಯಾ ವರ್ಸಾಚೆ ಉಲ್ಲಾಸ್ ... ತಶೆಂಚ್ ಮ್ಹುಜಾ ಬ್ಲಾಗಾಚೊ ಪಾಟ್ಲಾವ್ ಕರ್ನ್ ಆಸ್ ಲ್ಯಾಂಕ್ ..2010 ವರಸ್ ಸಂಪ್ಲೆ. ತಶೆಂಚ್ ಮ್ಹುಜಾ ಬ್ಲಾಗಾಕೀ 9 ಮಹಿನೆ ಭರ್ತಾತ್ !. ಗೆಲೆತ್ಯಾ ವರ್ಸಾ ಹಾವೆಂ ಮ್ಹುಜಾ ಬ್ಲಾಗಾಂತ್ ಮ್ಹುಜಿಂ 57 ಲೇಖನಾಂ ಸೆರ್ವಾಯ್ಲಿಂ. ಏಕಾ ಬ್ಲಾಗಾಕ್ 9 ಮಹಿನ್ಯಾಂತ್ 57 ಸೆರ್ವೊಂವ್ಚೆಂ ಕಾಂಯ್ ವ್ಹಡ್ ನ್ಹಂಯ್.. ಪುಣ್ , ಮ್ಹುಜಿ ಭಾಸ್, ವಾಚ್ಪ್ಯಾಂಚಿ ಸಂಖ್ಯಾ, ವಾಪಾರ್ಚಿ ಲಿಪಿ... ಹೆಂ ಸರ್ವ್ ಪಳೆಯ್ತಾನಾ ಇತ್ಲಿಂ ಲೇಖಾನಾಂ ಸೆರ್ವಾಲ್ಯಾಕ್ ಮ್ಹಕಾ ಥೊಡೊ ಸೊಂತೊಸ್ ಭೊಗ್ತಾ. ತುಮ್ಕಾಂ ಖಳಿತ್ ಆಸ್ ಲ್ಲ್ಯಾ ಬರಿ ಕೊಂಕ್ಣಿ ಸಾಹಿತ್ಯ್ ವಾಸ್ಚೆಂ ಮಸ್ತ್ ವಿರಳ್...ತೆಂ ಯೀ ಹಾವೆಂ ಬರಂವ್ಚ್ಯಾ ಹ್ಯಾ ಲಿಪ್ಯೆಂತ್. ಮ್ಹುಜಾ ಬ್ಲಾಗಾಕ್ ಹಾವೆಂ ಧರ್ಮಾರ್ಥ್ ಮೆಳ್ಚಾ .tk ಮ್ಹುಳ್ಯಾ ಜಾಳಿಕ್ ವಚೊನ್ ಹಾವೆಂ konkaniblog.tk ಮ್ಹುಣ್ ಮ್ಹುಜಾ ಬ್ಲಾಗಾಕ್ ಹಾವೆಂ ವೊಲಾಯ್ಲೆಂ. ಪುಣ್ .tk ಚೆ ಆಸೆಂಚ್ ಕಾಂಯ್ ಧರ್ಮಾಕ್ domain ದಿನಾಂತ್. ತಾಂಕಾಂ ತಾಣಿಂ ದರ್ಮಾಕ್ ದಿಂವ್ಚಿ ಸೆವಾ ಕಿತ್ಲ್ಯಾ ಜಣಾಣಿಂ ಭೆಟ್ ದಿಲಿ? ಆಶೆಂ ಭೆಟ್ ದಿಲ್ಯಾನ್ ಕಿತ್ಲೊ ಲಾಭ್ ಜಾಲೊ? ಆಶೆಂ ಪುರಾ ದುರ್ಭಿನ್ ದವರ್ನ್, ವಿಶ್ಲೇಷಣ್ ಕರ್ನ್, ಲಾಭ್ ಆಸ್ಲ್ಯಾರ್ ಧರ್ಮಾಕ್ ಸೆವಾ ದಿಂವ್ಚೆ ಮನಿಸ್ ತೆ .!! ತಾಂಚಾ ಅಭಿಲಾಶಾ ಪರ್ಮಾಣೆ traffic ಯೆನಾಲ್ಯಾರ್ ತೆ ಮುಲಾಜ್ ನಾಸ್ತಾನಾ ಗೇಟಿ ಥಾವ್ನ್ ಭಯ್ರ್ ದವರ್ತಾತ್. ..!

 ಹಾವೆಂ konkaniblog.tk ಮ್ಹುಣ್ ಮ್ಹುಜಾ ಬ್ಲಾಗಾಕ್ ವೊಲಾಯ್ತಾನಾ ಮ್ಹಕಾ ಹೊ ಇತ್ಲೊ ತೇಂಪ್ ಪರ್ಯಾಂತ್ ಉರತ್ ಮ್ಹುಣ್ ಭರ್ವಸೊ ನಾತ್ ಲ್ಲೊ. ಹಾಂವ್ ಕಾಂಯ್ Adidas, Nike ತಸಲ್ಯಾ brand ಚೊ ಕೊಂಕ್ಣಿ ಲೇಖಕ್ ನ್ಹಂಯ್. Reebok ಯಾ Puma ಯೀ ಖಂಡಿತ್ ನ್ಹಂಯ್. ಮ್ಹುಜೆ ಕಾಲೆಂ ಜಾಲ್ಯಾರೀ ಮಾರ್ಗಾ ದೆಗೆರ್ ವಿಕ್ಚೊ 60 ರುಪ್ಯಾಂಚೊ ವ್ಹಾಣೊ. ಜಾಲ್ಯಾರೀ ತುಮಿ ಮ್ಹುಜೆಂ konkaniblog.tk ಕ್ ಆನಿ ಕೀ ಜಿವಂತ್ ದವರ್ಲಾಂ. ತುಮ್ಕಾಂ ಮಸ್ತ್ ಮಸ್ತ್ ದೇವ್ ಬರೆಂ ಕರುಂ ... ಹ್ಯಾ ವರ್ಸಾ ಯೀ ಹಾಂವ್ ಬರೆಂ ಬರಯ್ತಾಂ ಆನಿಂ ತುಮಿಂ ಮ್ಹುಜಾ ತಾಣಾಕ್ ಭೆಟ್ ದಿತಾಂ ಮ್ಹುಣ್ ಪಾತ್ಯೆತಾಂ...

Happy New Year ...






ಸದಾಂಚ್ ಖಾಲ್ತೊಂ.


ಪ್ರಮೋದ್ ಹೊಸ್ಪೆಟ್

ಆಯ್ಲೆಂಚ್ ಪಳೆಯಾ 3G …(SM)

“ರೇಷಾನಾಚೊ ತಾಂದುಳ್ ಆನಿಂ ಬಾಸ್ಮತಿ ತಾಂದುಳ್ ಹಾಕಾ ವ್ಯತ್ಯಾಸ್ ನಾಂ ವೇ” ?ಆಶೆಂ ಮ್ಹುಣ್ ಆಮ್ಚ್ಯಾ ಆದ್ಲ್ಯಾ ಫೋನ್ ಮಂತ್ರಿಚೆಂ ಸವಾಲ್. ವ್ಹಯ್ ಎ.ರಾಜಾ ಪ್ರಕಾರ್ ಅಮ್ಚ್ಯಾ ಅತಾಂಚಿ 2G ಮೊಬೈಲ್ ಸೆವಾ ರೇಷಾನಾಚೊ ತಾಂದುಳ್ ಆನಿಂ 3G ಬಾಸ್ಮತಿ ತಾಂದುಳ್. ಗೆಲೆತ್ಯಾ ದಿಸಾನಿಂ3G ಸ್ಪೆಕ್ಟ್ರಮಾಚೆಂ ವಿಕ್ರ್ಯಾಪ್ ಖಾಸ್ಗಿ ಕಂಪ್ಣೆಂಕ್ ದಿಲ್ಲ್ಯಾನ್ ಅಮ್ಚ್ಯಾ ಸರ್ಕಾರಾಕ್ 70 ಹಜಾರ್ ಕೊರೊಡಾಚಾಕೀ ಚಡ್ ರೂಪಯ್ ಮೆಳ್ಳೆ. ಪುಣ್ 2G ಸ್ಪೆಕ್ಟ್ರಮಾ ಥಾವ್ನ್ ಮೆಳ್ಳೆ ಥೊಡೆಚ್ ಕೊರೊಡ್. ಹೆಂ ಕಿತ್ಯಾಕ್ ಮ್ಹುಣ್ ವಿಚಾರ್ಲ್ಯಾರ್ ಸ್ಪೆಕ್ಟ್ರಮ್ ರಾಜಾ ಮ್ಹುಣ್ತಾ “ ನ್ಹಂಯ್ ಸಾಯ್ಬಾ ದುಬ್ಳ್ಯಾಂಕ್ 2 ರೂಪ್ಯಾಂಕ್ ತಾಂದುಳ್ ವಾಂಟಾ ಮ್ಹುಣ್ ಲೈನ್ಸನ್ಸ್ ದಿಂವ್ಚ್ಯಾ ಥಾವ್ನ್ ಹಝಾರ್ ಕೊರೊಡ್ ಕಾಣ್ಘೆಂವ್ಕ್ ಜಾತಾ ವೇ ? ತಶೆಂ ಕಾಣ್ಘೆಲ್ಲ್ಯಾರ್ ತಾಂಕಾಂ 2 ರೂಪ್ಯಾಂಕ್ ತಾಂದುಳ್ ವಾಂಟುಂಕ್ ಜಾತಾವೇ ? ತುಮಿ ಆಜ್ 20, 30  ಪಯ್ಸ್ಯಾಂಕ್ ಸಗ್ಳ್ಯಾ ಇಂಡಿಯಾಕ್ call ಕರ್ನ್ ಆಸಾತ್, 500 ಮ್ಹುಣಾಸಾರ್ ಫ್ರೀ sms ದಾಡ್ನ್ ಆಸಾತ್. ತುಮಿ ಅಮೆರಿಕಾ ವಚಾ, ಇಂಗ್ಲೆಂಡ್ ವಚಾ, ತುಮ್ಕಾಂ ಹೆ ಸಪ್ಣಾಂತ್ ಯೀ ಚಿಂತುಂಕ್ ಜಾತಾವೇ” ಮ್ಹುಣ್ತಾ ..! ರಾಜಾಚೆಂ ಹೆಂ ಪುರಾ ಆಯ್ಕೊನ್ , ವ್ಹಯ್ ಕೊಣ್ಣಾ ಹೊ ಬಾಸ್ಮತಿ ತಾಂದುಳ್ ಮಸ್ತ್ ಮೊಲಾಧಿಕ್ ಜಾಂವ್ಕ್ ಪುರೊ ಮ್ಹುಣ್ ಚಿಂತ್‌ಲ್ಲೆಂ..!

ಪುಣ್ ಕಾಲೆಂ ಜಾಲೆಂ ? ಪೊರ್ಚ್ಯಾ ದೀಪವಾಳಿಕ್ ಟಾಟಾ ಡೊಕೊಮ್‌ನ್ ಪಯ್ಲೆಂ ಪಾವ್ಟಿಂ ಇಂಡಿಯಾಂತ್ 3G ಸೊಡ್ಲೆಂ ( ತಾಚ್ಯಾ ಪಯ್ಲೆಂಚ್ ಸರ್ಕಾರಿ BSNL 3G ಸೊಡ್‌ಲ್ಲೆಂ, ...! ಪುಣ್ ಇಂಡಿಯಾಂತ್ ಕೆನ್ನಾಯ್ ಸರ್ಕಾರಿ ಲೇಕಾಕ್ ಸೊಡ್ಯಾಂ ಮ್ಹುಣ್ಯಾ ಂ ..!) . ಪುಣ್ ವಿಷೇಶ್ ಕಾಲೆಂ ಮ್ಹುಳ್ಯಾರ್ ಡೊಕೊಮ್‌ಚಿ voice call ರೇಟ್  ಪಳೆಯ್ತಾನ ರೇಷಾನಾಚಾ ತಾಂದುಳ್ ಚಾಕೀ ಉಣೆಂ. ಡೊಕೊಮೊ ಸಾಂಗಾತಾ ಆಜ್ ಫಾಲ್ಯಾಂ ಮ್ಹುಣ್ ಇತರ್ ಕಂಪ್ಣ್ಯೋಯೀ3G ಸೆವಾ ದೀಂವ್ಕ್ ತಯಾರ್ ಜಾಲ್ಯಾತ್. ಡೊಕೊಮೊಕ್ ಸೊಡ್ಲ್ಯಾರ್ ಆಮ್ಚ್ಯಾ ಕರ್ನಾಟಕಾಂತ್ Airtel ಆನಿಂ Aircel ಕ್ 3G ಸೆವಾ ದೀಂವ್ಕ್ ಲೈಸನ್ಸ್ ಮೆಳ್ಳಾಂ. ಹ್ಯೊ ಖಾಸ್ಗಿ ಕಂಪ್ಣ್ಯೊ ಯೆತಾಂ ಮ್ಹುಣ್ ಆಸ್ತಾನಾಂಚ್ BSNL ನ್ ಅಪ್ಲ್ಯಾ 3G ಸೆವೆಚೆ ದರ್ ಮಸ್ತ್ ದೆವಚಿiiತ್ ! . ತಾಂಚಾ data ಆನಿಂ ಉಲಾಂವ್ಚ್ಯಾ unlimited ಸ್ಕೀಮಾಕ್ ಆತಾಂ ಮಹಿನ್ಯಾಕ್ ಫ಼ಕಥ್ 700 ರೂಪಾಯ್ (ಇತರ್ ಸ್ಕೀಮಾಂಯ್ ಆಸಾತ್...!). ಡೊಕೊಮೊ ನ್ ಯೀ 3.6 Mbps, 7.2Mbps, 21.1 Mbps ಮ್ಹುಣ್ ವಿವಿಧ್ ಸ್ಕೀಮಾಂ ಹಾಡ್ಲ್ಯಾಂತ್ . ತಾಂಚಿಂ 21.1 Mbps ತಿತ್ಲ್ಯಾ highspeed ಸೆವಾ ಅತಾಂ ಮಹಿನ್ಯಾಕ್ ಫಕತ್ 2000 ರೂಪ್ಯಾಂಕ್ ಮೆಳ್ತಾ !. Airtel ಕಸಲಿಂ ಸ್ಕೀಮಾಂ ಮ್ಹುಣ್ ಸಕ್ಕಡೀ ರಾಕೊನ್ ರಾವ್ಲ್ಯಾತ್. ತುಮಿ ಹೆಂ ಲೇಕನ್ ವಾಚ್ತಾನಾ ತಾಂಚಿಂ ಸ್ಕೀಮಾಂ ಭಯ್ರ್ ಯೇಂವ್ಕ್ ಯೀ ಪುರೊ....!!!

ಇತ್ಲ್ಯಾಕೀ ಹೊ ಬಾಸ್ಮತಿ ತಾಂದುಳ್ ಕಿತ್ಯಾಕ್ ಜಾಯ್ ? ಯೆದೊಳ್ಚ್ಯಾ 2G ಂತ್ ಉಲಾಂವ್ಚೆಂ ಸೊಡ್ಲ್ಯಾರ್ ಏಕ್ ಶೆಂಭರ್ Kbps ತಿತ್ಲೊ ಇಂಟರ್‌ನೆಟ್ ಸ್ಪೀಡ್. ಪುಣ್ 3G ಂತ್ ಹಾಚಾಕೀ ಶೆಂಭರ್ ವಾಂಟ್ಯಾಚಾಕೀ ಚಡ್ ಸ್ಪೀಡ್ ಮೆಳ್ತಾ. ತಿತ್ಲೆಂಚ್ ನ್ಹಂಯ್ ... 3G ಂತ್ ಫಕತ್ call ನ್ಹಂಯ್ ವಿಡಿಯೊ call ಯೀ ಕರ್‍ಯೇತ್. ಮ್ಹುಳ್ಯಾರ್ ತುಜೆ ಕಡೆ ಉಲಾಂವ್ಚ್ಯಾಕ್ ತುಜೊ ತಾಳೊ ಮಾತ್ರ್ ನ್ಹಂಯ್ , ತುಕಾಯೀ live ಪಳವ್ಯೇತ್!. ಆಫಿಸಾಂತ್ ಬಸೊನ್, ಕಿತ್ಲೆ ಸ್ಕೋರ್ ಜಾಲೆ ಮ್ಹುಣ್ ಪಳೆಂವ್ಕ್ TV ನಾಂ ಗೀ ? ಯಾ ತುರ್ತಾನ್ TV ರ್ ನ್ಯೂಸ್ ಪಳೆಂವ್ಕ್ ಅಸಾಗೀ ? . ಖಂಚಾ ಕಾರ್ಯಾಕ್ ವೊಚುಂಕ್ ಆಸ್ಲ್ಯಾನ್ ತುಜಿ ಸದಾಂಚಿ ಧಾರಾವಾಹಿ ಪಳೆಂವ್ಕ್ ಜಾವ್ನಾಂ ಗೀ ? ಪುಣ್3G ಆಸ್ಲ್ಯಾರ್ ತುಮ್ಕಾಂ ಕಾಂಯ್ ಮಂಡೊ ಹುನ್ ಕರ್ಚಿ ಗರ್ಜ್ ನಾ. ತುಜ್ಯಾ ಮೊಬೈಲಾರ್‌ಚ್ TV ಪಳವ್ಯೇತ್ . ಪಚಿii ಕರ್ತಾನಾ ಬಸ್ಸಾರ್ ಬಸೊನ್ ಬೋರ್ ಜಾತಾ ಜಾಲ್ಯಾರ್ youtube ಪಳವ್ಯೇತ್ . ಮಾಗಿರ್ ತುಜೆ ಕಡೆ ಕಂಪ್ಯೂಟರ್ ಯಾ ಲ್ಯಾಪ್‌ಟೊಪ್ ಅಸ್ಲ್ಯಾರ್ , ತುಜೆಂ ಫೋನ್ ತಾಕಾ connect ಕರ್ನ್ ಹಿ highspeed ಇಂಟರ್ ನೆಟಾಚಾ ಸಂಸಾರಾಂತ್ ರಿಗ್ಯೇತ್. ಮ್ಹುಳ್ಯಾರ್ ಏಕ್ 5 MB ಚೆಂ ಮ್ಯೂಸಿಕ್ ಫೈಲ್ ಡೌನ್‌ಲೋಡ್ ಕರುಂಕ್ ಫಕತ್ 10 ಸೆಕುಂಡಾಂ ಪುರೊ. !


By the way ತುಮ್ಕಾಂ ಹಿ 3G ಸೆವಾ ಜಾಯ್ಜೆ ಜಾಲ್ಯಾರ್ ತುಮ್ಚೆ ಕಡೆ 3G ಕ್ ಧಿಗೊ ದಿಂವ್ಚೆಂ ತಸಲೆಂ ಫೋನ್ ಆಸಾಜೆ. SIM ಪಯ್ಲೆಂಚೆಂ ಚ್ ವಾಪಾರ್ಯೇತ್. ಅತಾಂ 3G ಮೊಬೈಲಾಂ ಮಸ್ತ್ ಉಣ್ಯಾ ಮೊಲಾಕ್ ಮೆಳೊನ್ ಆಸಾತ್. ಆನಿಂ ಖಂಯ್ ಪುಣೀ ತುಮ್ಕಾಂ ಮೊಬೈಲ್ ಕಾಣ್ಘೆಂವ್ಕ್ ಆಸ್ಲ್ಯಾರ್ ತೆಂ 3G ಕ್ support ಕರ್ತಾ ಗೀ ಮ್ಹುಣ್ ಜರೂರ್ ಪಳೆಚಿii.. ತಿತ್ಲೆಂಚ್ ನ್ಹಂಯ್ ತಾಂತುಂ HSPA (High Speed Packet Access) ಮ್ಹುಳ್ಳಿ ಸೌಲತ್ ಆಸ್ಚೆ ಬರಿ ಪಳೆಚಿii. ಕಿತ್ಯಾಕ್ ಮ್ಹುಳ್ಯಾರ್ ತೆಂ 21.1 Mbps ಸ್ಪೀಡಾ ತಿತ್ಲೆಂ support ಕರ್ತಾ.WCDMA(Wideband Code Division Multiple Access) ಆಸ್ಲ್ಯಾರ್ ಮೆಳ್ಚೊ ಫ಼ಕತ್ 384 Kbps ಮಾತ್ರ್. ಮ್ಹುಳ್ಯಾರ್ ತುಮ್ಚ್ಯಾ ಉಪ್ಸಾರಾಕ್ ತೆಂ ಪಡನಾ. .


ತರ್ ಸದಾಂಚೊ ತಾಂದುಳ್ ಕಾವ್ನ್ ತುಮ್ಕಾಂ ಬೋರ್ ಜಾಲೆಂ ಗೀ? ತರ್ ಜರೂರ್ ಏಕ್ ಪಾವ್ಟಿಂ ಬಾಸ್ಮತಿ ಕೀ try ಕರಾ ನೇ ..... !!!


*********


-ಪ್ರಮೋದ್ ರೊಡ್ರಿಗಸ್

ಕಂಪ್ಯೂಟರ್ ಸಂಸ್ಕ್ರತಿ .....(SM)

ವಿಭಿನ್ನ್ ಸಂಸ್ಕ್ರತಿಚೊ ವಿಶ್ವ್ ಹೊ. ಆಮ್ಚೊ ವೇಸ್-ಭೂಷಣ್, ಭಾಸ್, ಖಾಣ್- ಜೆವಾಣ್ .... ಹೆಂ ಪುರಾ ಪಾಶ್ಚ್ಯಾತ್ಯ್ ಸಂಸ್ಕತೆ ಥಾವ್ನ್ ಭಿನ್ನ್ ಜಾವ್ನ್ ಆಸಾ.. ಹರ್ಯೇಕಾ ಕ್ಷೇತ್ರಾಂತ್‌ಯೀ ಭಾರತೀಯ್ ಸಂಸ್ಕ್ರತಿ ಇತರ್ ಸಂಸ್ಕ್ರತೆ ಬರಿ ನಾ. ತಶೆಂಚ್ ಆಮ್ಚಿ ಕಂಪ್ಯೂಟರ್ ಸಂಸ್ಕ್ರತಿ ಸಯ್ತ್... !!
ಪಯ್ಲಾನ್ ಪಯ್ಲೆಂ, ಇಂಡಿಯಾಂತ್ ಕಂಪ್ಯೂಟರಾಕ್ ಬಂಡವಾಳ್ ಗಾಲುಂಕ್ ಆಸ್‌ಲ್ಲ್ಯಾರ್ ತೆಂ ಹಾರ್ಡ್‌ವೇರಾಕ್ ಮಾತ್ರ್. ಆಮಿಂ ಸಾಪ್ಟ್‌ವೇರಾಂಕ್  ಪಯ್ಶ್ಯೆ ಖರ್ಚಿನಾಂವ್. ಪೈರೆಟೆಡ್ ಸಾಪ್ಟ್‌ವೇರಾಂ ಆಮ್ಕಾಂ ಪುಂಕ್ಯಾಕ್ ಮೆಳ್ತಾತ್ ... ಪುಣ್ ಅಮೆರಿಕಾ ತಸಲ್ಯಾ ದೇಶಾನಿಂ ತಶೆಂ ನ್ಹಂಯ್. ಥಂಯ್ಚಾ ಲೋಕಾಕ್ ಹಾರ್ಡ್‌ವೇರಾಚಾ ಕೀ ಚಡ್, ಸಾಪ್ಟ್‌ವೇರಾಂ ಖಾತಿರ್ ಪಯ್ಶ್ಯೆ ದಿಜೆ ಪಡ್ತಾ. ಕಿತ್ಯಾಕ್ ಮ್ಹುಳ್ಯಾರ್ ಅಮೆರಿಕಾಂತ್ ಸಾಪ್ಟ್‌ವೇರ್ ಪೈರೆಸಿ ವಡ್ಲೊ ಅಪರಾಧ್ ... ಪುಣ್ ಪೈರೆಸಿ ಆಮ್ಕಾಂ ಸಾದಾಂಚೆಂ .. !
ಖಂಯ್ ಪುಣೀ ಡೆಸ್ಕ್‌ಟೊಪ್ ಕಂಪ್ಯೂಟರ್ ಕಾಣ್ಘೆಂವ್ಕ್ ಆಸ್‌ಲ್ಲ್ಯಾರ್ ಆಮಿಂ ಏಕ್ ಉತ್ತೀಮ್ configuration ಪಳೆವ್ನ್ ಕಂಪ್ಯೂಟರ್ assemble ಕರ್ತಾಂವ್. ಆಮ್ಕಾಂ ತಾಂತುಂಚ್ ಗೋಲ್‌ಮಾಲ್ Windows ಅನಿಂ ಇತರ್ ಸಾಪ್ಟ್‌ವೇರಾಂ ಗಾಲ್ನ್ ದಿತಾತ್. ಪುಣ್ ಅಮೆರಿಕಾಚಾ ಚಡಾವತ್ ಜಣಾನಿಂ ಘೆಂವ್ಚೆಂ ಬ್ರಾಂಡೆಡ್ ಕಂಪ್ಯೂಟರ್. HP, DELL ….॒ ತಸ್ಲೆಂ .. ತಾಂತುಂ ಯೆಂವ್ಚ್ಯಾ Windows ಕೀ ಮೋಲ್ ದಿಜೆ ಪಡ್ತಾ. ಇತರ್ ಸಾಪ್ಟ್‌ವೇರಾಂ ಜಾಯ್ ಜಾಲ್ಯಾರ್ ಪ್ರತ್ಯೇಕ್ ಖರ್ಚ್ . ಖಂಯ್ ಪುಣಿ ಮೆಳ್ಯಾರ್ ಏಕಾ ವರ್ಸಾಚಿ ಆಂಟಿವೈರಸ್ ವರ್ಗಣಿ ಪುಂಕ್ಯಾಕ್ ..! ಆಮಿಂ ಖಂಯ್ ಪುಣೀ ಲ್ಯಾಪ್‌ಟೊಪ್ ಘೆತ್ಲ್ಯಾರ್ ತಾಂತುಂ ಆಮ್ಕಾಂ ಅಸ್ಲಿ Windows home ಎಡಿಶನಾಚಿ ಪ್ರತಿ ಮೆಳ್ತಾ ...ಪುಣ್ ಅಮ್ಚೆ ಚಡಾವತ್ ಹಿ ಅಸ್ಲಿ home ಎಡಿಶನ್ ಕಾಡ್ನ್ ಉಡಾವ್ನ್ ಉತ್ತೀಮ್ ಜಾವ್ನ್ ಆಸ್ಚೆಂ professional ಯಾ ultimate ಎಡಿಶನ್ ಗಾಲುಂಕ್‌ಚ್ ಪೆಚಾಡ್ತಾತ್. ಮೈಕ್ರೊಸಾಪ್ಟನ್ ಮೊಕ್ಳಿಕ್ ಕೆಲ್ಲ್ಯಾ ಏಕ್‌ಚ್ ಹಪ್ತ್ಯಾಂತ್‌ಚ್ ಆಮ್ಚ್ಯಾ ಕಂಪ್ಯೂಟರಾಂತ್ Office 2010 ತಸಲೆಮ್ ಸಾಪ್ಟ್‌ವೇರ್ ಆಸ್ತಾ. ಆಮ್ಕಾಂ ಕುಶಿ ಆಸ್‌ಲ್ಲಿಂ ಸಾಪ್ಟ್‌ವೇರಾಂ ಗಾಲುಂಕ್ ಆಮ್ಕಾಂ ಕಸಲಿಯೀ ಅಡ್ಕಳ್ ನಾ. ಅಮೆರಿಕಾಂತ್ ಆಮ್ಚ್ಯಾ ಕಂಪ್ಯೂಟರಾಚೆಂ ಮೋಲ್ ಲಗ್ಭಗ್ 50 ಲಾಕ್ ಜಾಯ್ತ್ ಕೊಣ್ಣಾ ..

ಪುಣ್ ಥೊಡ್ಯಾ ಅಮೆರಿಕಾಗಾರಾಂಚಾ ಕಂಪ್ಯೂಟರಾಂತ್ Office ಸಾಪ್ಟ್‌ವೇರ್ ಯೀ ಆಸಾನಾ. ತೆ Windows ಂತ್ ಆಸ್‌ಲ್ಲ್ಯಾ wordpad ವಾಪಾರುನ್ಂಚ್ ಸುಧಾರ್ಸುನ್ ಆಸ್ತಾತ್. ಥೊಡ್ಯಾ ಪಾವ್ಟಿಂ ಪುಂಕ್ಯಾಕ್ ಮೆಳ್ಚೆಂ Open Office ಗಾಲ್ತಾತ್. Windows ಂತ್ ಕಸಲೊ ಪುಣೀ ದೋಷ್ ಆಸ್‌ಲ್ಲ್ಯಾರ್ ತೆ ಕಂಪ್ಯೂಟರ್‌ಚ್ ಬದ್ಲಿತಾತ್. ಕಿತ್ಯಾಕ್ ಮ್ಹುಳ್ಯಾರ್ ಥಂಚಾ ಚಡಾವತಾಂಕ್ ವಿನ್ ಇನ್ಸ್ಟಾಲ್ ಕರುಂಕ್ ಯಾ upgrade ಕರುಂಕ್ ಕಳಾನಾ. ಥಂಚೊ ಸಾಮಾನ್ಯ್ ಲೋಕ್ ಚಡಾವತ್ ಜಾವ್ನ್ ಇ-ಮೈಲಾ ಖಾತಿರ್, ಪಿಜ್ಜಾ ಒರ್ ಕರುಂಕ್ ಯಾ ಇತರ್ ಶಾಪಿಂಣ್ ಕರುಂಕ್, online ಬ್ಯಾಂಕಿಂಗ್ ಕರುಂಕ್ ಮಾತ್ರ್ ಕಂಪ್ಯೂಟರ್ ವಾಪಾರ್ತಾತ್. ತಾಂಚಿ ಇ-ಮೈಲ್ ಸಂಸ್ಕ್ರತಿ ಯೀ ಆಮ್ಚೆ ಥಾವ್ನ್ ಮಸ್ತ್ ವಿಭಿನ್ನ್. ಆಮಿಂ Yahoo, Gmail ತಸಲ್ಯಾ ವೆಬ್ ಆಧಾರಿತ್ ಇಮೈಲಾಂ ವಾಪಾರ್ತಾಂವ್. ಪುಣ್ ತೆ Outlook ಆಧಾರಿತ್ ISP ಇ-ಮೈಲ್ ವಾಪಾರ್ತಾತ್. ತಶೆಂ ಜಾವ್ನ್ ತಾಂಚೊ ಇ-ಮೈಲ್ Verizon,EarthLink, AT&T .... ಥಾವ್ನ್ ದಿಲ್ಲೆ ಜಾವ್ನ್ ಆಸ್ತಾತ್. ತಾಂಚಿ Outlook ಸಂಸ್ಸ್ರತಿ ಎಕ್ ಕಂಪ್ಯೂಟರಾಕ್ ಮಾತ್ರ್ ಸಿಮೀತ್. ಖಂಚಾ ಪುಣೀ ದುಸ್ರ್ಯಾ ಕಂಪ್ಯೂಟರಾ ಥಾವ್ನ್ ತಾಮ್ಚೊ ಇ-ಮೈಲ್ ಖಾತೊ ಉಗ್ತೆ ಕರುಂಕ್ ಜಾಯ್ನಾ . ಮ್ಹುಳ್ಯಾರ್ ಆಮ್ಚಾ ಬರಿ ಸೈಬರ್ ಕೆಫೆ ವಚುನ್ ತಾಣಿಂ ಇ-ಮೈಲ್ ಪಳೆಂವ್ಚಾ ಬರಿ ನಾ. ತಾಂಚಿ ಇ-ಮೈಲಾಂ ಪುರಾ .pst ಕರ್ನ್ ಆಪ್ಲ್ಯಾ ಕಂಪ್ಯೂಟರಾನಿಂ ಡೌನ್‌ಲೊಡ್ ಕರ್ನ್ ದವರ್ತಾತ್. ಥಂಯ್ ಇಂಟರ್ ನೆಟಾಚೊ ಸ್ಪೀಡ್ ಚಡ್ ಆಸ್‌ಲ್ಲ್ಯಾನ್ ತಾಂಕಾಂ ತಶೆಂ ಕರುಂಕ್ ಜಾತಾ. ಖಂಯ್ ಪುಣೀ ಕಂಪ್ಯೂಟರ್ crash ಜಾಲ್ಯಾರ್ ತಾಂಚಿಂ ಇ-ಮೈಲಾಂ ಪುರಾ ಗೆಲಿಂ ..!! ಪುಣ್ ಆಮ್ಚಿಂ ಇ-ಮೈಲಾಂ ಕಂಪ್ಯೂಟರ್ crash ಜಾಲ್ಯಾರೀ Yahoo, Gmail ಸರ್ವರಾನಿಂ ಸುರಕ್ಷಿತ್ ಜಾವ್ನ್ ಉರ್ತಾತ್ ..!!
ಪುಣ್ ಅಮೆರಿಕಾಗಾರಾಚೆಂ ಅಏಕ್ ವಿಶೇಷಾತ ಮ್ಹುಳ್ಯಾರ್ ತಾಂಚೆಂ ಖಾಸ್ಗಿಪಣ್. ತಾಂಚಾ ಭುರ್ಗ್ಯಾಂಕ್ ತೆ ದುಸ್ರೆಂಚ್ profile ಕರ್ನ್ ಕಂಪ್ಯೂಟರ್ ವಾಪರುಂಕ್ ದಿತಾತ್ ತೆ. ಖಂಯ್ ಪುಣೀ ತಾಣಿಂ ಆಶ್ಲೀಲ್ ಜಾಗ್ಯಾಂಕ್ ಭೆತ್ ದೀಂವ್ಕ್ ನ್ಮಜೊ ಮ್ಹುಣ್ parental control ಸಾಪ್ಟ್‌ವೇರ್‌ಯೀ ಗಾಲ್ತಾತ್ ತೆ. ಪುಣ್ ಇಂಡಿಯಾಂತ್ ಭುರ್ಗಿಂಚ್, ವ್ಹಡಿಲಾಂಕ್ ಚ್ parental ‘control’ ಕರ್ನ್ ಸೊಡ್ತಾತ್ .. !!!

-ಪ್ರಮೋದ್ ರೊಡ್ರಿಗಸ್
　

ಯಡ್ಯೂರಪ್ಪಾ ಜೋಕ್ಸ್ ...!!!

ಇಲ್ಲೆಶೆಂ ಪೊ()ಲಿ ಟಿ(ಟ್ರಿ)ಕ್ಸ್ ....

ಬೂಕನಕೆರೆ ಯಾಡಿಯೂರಪ್ಪಾ ವಿಶ್ಯಾಂತ್ ಪರತ್ ಥೊಡೆಂ ಬರಯ್ಜೆ ಪಡ್ಲೆಂ. ವ್ಹಯ್.. ತೆನ್ನಾ ವಿರೋಧ್ ಪಾಡ್ತೆಂತ್ ಆಸ್ತಾನಾ "ತತಕ್ಷಣ ಇಳಿಯಿರಿ", "ಮಾನ ಮರ್ಯಾದೆ ಏನ್ ಇಲ್ಲವೇನ್ರೀ ? " , "ಯಾವ ಸೀಮೆಯಾ ಸರ್ಕಾರ ಕಣ್ರೀ ಇದು ? " ಆಶೆಂ ಮ್ಹುಣ್ ಅಡಳ್ತೆಂ ಚಲಂವ್ಚ್ಯಾ ಸರ್ಕಾರಾಂ ವಯ್ರ್ ಕೆಂಡುನ್ ಆಸ್ ಲ್ಲೊ. "ಇಂಥಾ ಭ್ರಷ್ಟ ಸರ್ಕಾರಕ್ಕೆ ಜನರೇ ಚಾಟಿ ಬೀಸಬೇಕು " ಮ್ಹುಣ್ ವಡ್ಲಿಂ ವಡ್ಲಿಂ ಭಾಷಣಾಂ ದೀವ್ನ್ ಆಸ್ ಲ್ಲೊ. ಪುಣ್ ತೆನ್ನಾ ಆಶೆಂ ಮುಣ್ಚಾ ಯಾಡಿಯೂರಪ್ಪಾಕ್ ಚ್ ಅತಾಂ ಲೋಕ್ ಚಾಟಿಯೊ ಮಾರ್ನ್ ಆಸಾತ್. Sms, Facebook ಂತ್ ಯಾಡಿಯೂರಪ್ಪಾ ಚೆ ಜೋಕ್ ವ್ಹಾಳೊನ್ ಆಸಾತ್. ತಾಂತ್ಲೆಂ ಥೊಡೆ ತುಮ್ಕಾಂ ಸಂಗ್ರಹ್ ಕರ್ನ್ ಹಾಂಗಾ ಹಾಡ್ಲ್ಯಾತ್ ...

                                             ***********

ಹೊ ಜೋಕ್ ಸುವರ್ಣಾಚಾ H R ರಂಗನಾಥ್ ಥಾವ್ನ್ ಮೆಳ್ಳೊ. ಏಕ್ ಚೋರಾನ್ ಭಾಂಗಾರ್ ಚೊರ‍್ಲೆಂ. ಪುಣ್ ಪೋಲಿಸಾನ್ ತಾಕಾ ದರ್ಲೊ. ಚೋರಾನ್ ಚೂಕ್ ಒಪ್ವೊನ್ ತೆಂ ಭಾಂಗಾರ್ ಪುರಾ ಪಾಟಿಂ ದೀವ್ನ್ ಮ್ಹಕಾ ಸೊಡ್ನ್ ಸೊಡಾ ಮ್ಹುಣ್ ಪೋಲಿಸಾಂಕ್ ಸಾಂಗಿಲಾಗ್ಲೊ. ತೆಂ ಕಶೆಂ ಜಾಂವ್ಚೆಂ ಮ್ಹುಣ್ ಪೋಲಿಸ್ ವಿಚಾರಿ. ತಾಕಾ ಚೋರ್ ಮ್ಹುಣಾಲೊ . " ನ್ಹಂಯ್ ಸಾಯ್ಬಾ , ಯಾಡಿಯೂರಪ್ಪಾ ನ್ಂಚ್ ಕೊರೊಡಾಂಚೊ ಜಾಗೊ ಚೋರ್ನ್ ಪಾಟಿಂ ದಿಲೊ ಆನಿಂ ತಾಕಾ ಕಾಂಯ್ ಕರುಂಕ್ ನಾ... ಹಾವೆಂ ಚೊರುಲ್ಲೆಂ ಫಕತ್ ಧಾ ಹಜಾರಾಚೆಂ ಭಾಂಗಾರ್. ಮ್ಹಕಾಯ್ ಚೊಡಾ ....!!!!



                                        ***********

ಅಸಲ್ಲಿ ಏಕ್ sms ಹ್ಯಾ ದಿಸಾನಿಂ ಚಾಲ್ತೆರ್ ಆಸಾ. "Yediyurappa ge Jai" send this message to 10 people and you will get a site near Devanahalii. Please don't ignore it . It is true. else it will be denotified...



                                        ************

ಅನ್ಯೇಕ್ sms ಮ್ಹಕಾ ಆಯ್ಲಿ . " Dear friends, please take care about your lands and properties. Because Yediyurappa is going to continue as a Chief Minister of Karnataka"

                                      *********
                  
ಹಿ ವಿಶ್ವೇಶ್ವರ್ ಭಟ್ಟಾನ್ ಬರಯ್ಲಿ ಸಂಗತ್. ಏಕಾ ಕಾಳಾರ್ S M ಕ್ರಷ್ಣ ಕರ್ನಾಟಕಚೊ ಮುಖೆಲ್ ಮಂತ್ರಿ ಜಾವ್ನ್ ಆಸ್ತಾನ ಇಂಡಿಯಾಚೊ No 1 CM ಮ್ಹುಣ್ ನಿರಂತರ್ ತೀನ್ ವರ್ಸಾಂ ಇಂಗ್ಲಿಷ್ ಮೀಡಿಯಾನಿ ತಾಕಾ ವೊಲಾಯ್ಲೆಂ. ತೆನ್ನಾ ಬಿಹಾರಾಂತ್ ಲಾಲೂಚೆಂ ಜಂಗಲ್ ರಾಜ್ಯ್ ಆಸ್ ಲ್ಲೆಂ. ತವಳ್ ಪಾಟ್ನಾಚೆ ಬಿಹಾರಿ ಪೂರಾ ಯೇವ್ನ್ ಬೆಂಗ್ಳೂರ್ settle ಜಾಂವ್ಕ್ ಆರಂಭ್ ಕೆಲೆಂ. ಹಾಂಗಾಚೊ ಪುರಾ ಲೋಕ್ ತ್ಯಾ ಬಿಹಾರಿಂಕ್ ತಮಾಶೆ ಕರ್ನ್ ಆಸ್ ಲ್ಲೊ. ಪುಣ್ ಅತಾಂ ಬಿಹಾರಾಂತ್ ನಿತೀಶ್ ಕುಮಾರ್ ಆಯ್ಲಾ. ಬೆಂಗ್ಳೂರ್ಚೆ ಬಿಹಾರಿ ಪುರಾ ಅತಾಂ ಪಾಟಿಂ ಪಾಟ್ನಾ ಭಯ್ರ್ ಸರ್ಲ್ಯಾತ್. "ಕಿತ್ಯಾಕ್ ಪಾಟಿಂ ಬಿಹಾರಾಕ್ ಚಲ್ತಾತ್ ತುಮಿ ? ನಿತೀಶಾನ್ ತುಮ್ಚೊ ರಾಜ್ಯ್ ತಿತ್ಲೊ ಅಭಿವ್ರದ್ದಿ ಕೆಲಾ ಗೀ ? " ಮ್ಹುಣ್ ವಿಚಾರ್ಲ್ಯಾರ್ ಎಕ್ಲೊ ಮ್ಹುಣಾಲೊ "ತಶೆಂ ನ್ಹಂಯ್ ಸಾಯ್ಬಾ ... ಅಮಿಂ ಬಿಹಾರ್ ಸೊಡ್ನ್ ಯೆತಾನಾ ಥಂಯ್ ಲಾಲೂ ಆಸ್ ಲ್ಲೊ. ಪುಣ್ ಅತಾಂ ಕರ್ನಾಟಕಾಂತ್ ಲಾಲೂಚೊ ಬಾಪಯ್ ಯಾಡಿಯೂರಪ್ಪಾ ಆಸಾ...!!

                                         *****************

ಯಾಡಿಯೂರಪ್ಪಾ ವಿಶ್ಯಾಂತ್ ಚರ್ಚ್ಯಾ ಕರ್ನ್ ಆಸ್ತಾನಾ ಮ್ಹುಜೊ ಏಕ್ಲೊ ಈಷ್ಟ್ ಮ್ಹುಣಾಲೊ ..." ವ್ಹಯ್ ಸಾಯ್ಬಾ ... ಲಾಲೂನ್ ಚರವ್ ಮಾತ್ರ್ ಕೆಲೊ... ಪುಣ್ ಯಾಡಿಯೂರಪ್ಪಾನ್ ತೊ ಚರವ್ ಜಾಂವ್ಚಿ ಭೂಂಯ್ ಚ್  ಚೊರಿ ಕೆಲಿ....!!!



                                          **************

ಹೆ ಪೂರಾ ಜೋಕ್ ವಾಚ್ಲ್ಯಾ ಉಪ್ರಾಂತ್ ಮ್ಹಕಾ ಥೊಡ್ಯಾ ವರ್ಸಾಂ ಆದಿಂ RSS ಚಾ Organizer ಂತ್ ಪ್ರಕಟ್ ಜಾಲ್ಲ್ಯಾ ಏಕಾ ಕಾಣ್ಯೆಚೊ ಉಡಾಸ್ ಆಯ್ಲೊ. ದೋಗ್ ಪೆಟ್ಯಾಂಚಿ ಕಾಣಿ ತಿ. ತುಮ್ಕಾಂಯೀ ಖಳಿತ್ ಆಸೊಂಕ್ ಪುರೊ. ತೊ ಇಂಡಿಯಾಚೊ ಪೆಟೊ . ಭಾರಿ ನಿತ್ರಾಣಿ ಜಾವ್ನ್ ಆಸ್ ಲ್ಲೊ. ಪೊಟಾಕ್ ಖಾಣ್ ನಾಸ್ತಾನಾ ಸಬಾರ್ ದೀಸ್ ಜಾಲ್ಲೆ. ಹಾಂಗಾ ಖಾಣ್ ನಾ ಮ್ಹುಣ್ ತೊ ಚೈನಾಕ್ ಭಯ್ರ್ ಸರ್ಲೊ. ಗಡ್ಯೆ ಲಾಗ್ಗಿಂ ಪಾವ್ತಾನಾ , ಅನ್ಯೇಕ್ ಏಕ್ ದಷ್ಟ್-ಪುಷ್ಟ್ ಪೆಟೊ ಆಸ್ ಲ್ಲೊ. ತೊ ಚೈನಾಚೊ ಪೆಟೊ. ತೊ ಚೈನಾ ಸೊಡ್ನ್ ಇಂಡಿಯಾಕ್ ಯೇವ್ನ್ ಆಸ್ ಲ್ಲೊ. ಇಂಡಿಯಾಚಾ ಪೆಟ್ಯಾಕ್ ಅಜ್ಯಾಪ್ ದಿಸ್ಲೆಂ. ತೊ ತ್ಯಾ ಚೈನಾಚಾ ಪೆಟ್ಯಾಕ್ ಮ್ಹುಣಾಲೊ " ತುಂ ಕಾಲೆಂ ಸಾಯ್ಬಾ , ಇಂಡಿಯಾಕ್ ಯೇವ್ನ್ ಆಸಾಯ್ ? ಹಾಂಗಾ ಆಮ್ಕಾಂ ಖಾಣ್ಂಚ್ ನಾ... ತುಮ್ಕಾಂ ಥಂಯ್ ಕಿತ್ಲೆಂ ಖಾಣ್ ಆಸಾ ದೆಕುನ್ ಹಾಂವ್ ತುಮ್ಚ್ಯಾ ದೇಶಾಕ್ ವಚುಂನ್ ಆಸಾಂ ..! " . ಚೈನಾ ಚೊ ಪೆಟೊ ಮ್ಹುಣಾಲೊ " ವ್ಹಯ್ ಭಾವಾ , ಆಮ್ಕಾಂ ಹಾಂಗಾ ಖಾಣ್ ದರಭಸ್ತ್ ಅಸಾ ಪುಣ್ ಅಮ್ಕಾಂ ಗೊಂಕುಂಕ್ ಆವ್ಕಾಸ್ ನಾ... ಇಂಡಿಯಾಂತ್ ಖಾಣ್ ನಾತ್ಲ್ಯಾರ್ , ಕಿತ್ಲೆಂಯೀ ಗೊಂಕ್ಯೇತ್ ಖಂಯ್. ಪೆಟೊ ಜಾವ್ನ್ ಗೊಂಕುಂಕ್ ಅವ್ಕಾಸ್ ನಾತ್ಲ್ಯಾರ್ ಕಾಲೆಂ ಮ್ಹುಣ್ಚೆಂ .. !! ದೆಕುನ್ ಹಾಂವ್ ಇಂಡಿಯಾಕ್ ಭಯ್ರ್ ಸರ್ಲಾಂ ..!! ತಿತ್ಲೊ ತ್ಯಾ ಕಾಣ್ಯೆಚೊ ಸಾರಾಂಶ್ ...
.
.


ಫುಣ್ ಅತಾಂ ಆಯ್ಲ್ಯಾ ಲೇಟೆಸ್ಟ್ ಖಬ್ರೆ ಪ್ರಕಾರ್ ಗೆಲೆತ್ಯಾ ಥೊಡ್ಯಾ ಮಹಿನ್ಯಾ ಆದಿಂ, ಯಾಡಿಯೂರಪ್ಪಾ ಚೈನಾಕ್ ವಚುನ್ ಆಯ್ಲ್ಯಾ ಉಪ್ರಾಂತ್ ತೆ ದೋಗ್ ಯೀ ಪೆಟೆ ಕರ್ನಾಟಕಾಂತ್ ಆಯ್ಲ್ಯಾತ್ ಖಂಯ್. ಕಿತ್ಯಾಕ್ ಮ್ಹುಳ್ಯಾರ್ ಕರ್ನಟಕಾಂತ್ ದರಬಸ್ತ್ ಕಾಂವ್ಕ್ ಯೀ ಜಾತಾ ಆನಿಂ ಗೊಂಕುಂಕ್ ಯೀ ಜಾತಾ ಖಂಯ್ ...!!!!
 
 
  ******
ಪ್ರಮೋದ್ ಹೊಸ್ಪೆಟ್