ಆಯ್ಲೆಂಚ್ ಪಳೆಯಾ 3G …(SM)

“ರೇಷಾನಾಚೊ ತಾಂದುಳ್ ಆನಿಂ ಬಾಸ್ಮತಿ ತಾಂದುಳ್ ಹಾಕಾ ವ್ಯತ್ಯಾಸ್ ನಾಂ ವೇ” ?ಆಶೆಂ ಮ್ಹುಣ್ ಆಮ್ಚ್ಯಾ ಆದ್ಲ್ಯಾ ಫೋನ್ ಮಂತ್ರಿಚೆಂ ಸವಾಲ್. ವ್ಹಯ್ ಎ.ರಾಜಾ ಪ್ರಕಾರ್ ಅಮ್ಚ್ಯಾ ಅತಾಂಚಿ 2G ಮೊಬೈಲ್ ಸೆವಾ ರೇಷಾನಾಚೊ ತಾಂದುಳ್ ಆನಿಂ 3G ಬಾಸ್ಮತಿ ತಾಂದುಳ್. ಗೆಲೆತ್ಯಾ ದಿಸಾನಿಂ3G ಸ್ಪೆಕ್ಟ್ರಮಾಚೆಂ ವಿಕ್ರ್ಯಾಪ್ ಖಾಸ್ಗಿ ಕಂಪ್ಣೆಂಕ್ ದಿಲ್ಲ್ಯಾನ್ ಅಮ್ಚ್ಯಾ ಸರ್ಕಾರಾಕ್ 70 ಹಜಾರ್ ಕೊರೊಡಾಚಾಕೀ ಚಡ್ ರೂಪಯ್ ಮೆಳ್ಳೆ. ಪುಣ್ 2G ಸ್ಪೆಕ್ಟ್ರಮಾ ಥಾವ್ನ್ ಮೆಳ್ಳೆ ಥೊಡೆಚ್ ಕೊರೊಡ್. ಹೆಂ ಕಿತ್ಯಾಕ್ ಮ್ಹುಣ್ ವಿಚಾರ್ಲ್ಯಾರ್ ಸ್ಪೆಕ್ಟ್ರಮ್ ರಾಜಾ ಮ್ಹುಣ್ತಾ “ ನ್ಹಂಯ್ ಸಾಯ್ಬಾ ದುಬ್ಳ್ಯಾಂಕ್ 2 ರೂಪ್ಯಾಂಕ್ ತಾಂದುಳ್ ವಾಂಟಾ ಮ್ಹುಣ್ ಲೈನ್ಸನ್ಸ್ ದಿಂವ್ಚ್ಯಾ ಥಾವ್ನ್ ಹಝಾರ್ ಕೊರೊಡ್ ಕಾಣ್ಘೆಂವ್ಕ್ ಜಾತಾ ವೇ ? ತಶೆಂ ಕಾಣ್ಘೆಲ್ಲ್ಯಾರ್ ತಾಂಕಾಂ 2 ರೂಪ್ಯಾಂಕ್ ತಾಂದುಳ್ ವಾಂಟುಂಕ್ ಜಾತಾವೇ ? ತುಮಿ ಆಜ್ 20, 30  ಪಯ್ಸ್ಯಾಂಕ್ ಸಗ್ಳ್ಯಾ ಇಂಡಿಯಾಕ್ call ಕರ್ನ್ ಆಸಾತ್, 500 ಮ್ಹುಣಾಸಾರ್ ಫ್ರೀ sms ದಾಡ್ನ್ ಆಸಾತ್. ತುಮಿ ಅಮೆರಿಕಾ ವಚಾ, ಇಂಗ್ಲೆಂಡ್ ವಚಾ, ತುಮ್ಕಾಂ ಹೆ ಸಪ್ಣಾಂತ್ ಯೀ ಚಿಂತುಂಕ್ ಜಾತಾವೇ” ಮ್ಹುಣ್ತಾ ..! ರಾಜಾಚೆಂ ಹೆಂ ಪುರಾ ಆಯ್ಕೊನ್ , ವ್ಹಯ್ ಕೊಣ್ಣಾ ಹೊ ಬಾಸ್ಮತಿ ತಾಂದುಳ್ ಮಸ್ತ್ ಮೊಲಾಧಿಕ್ ಜಾಂವ್ಕ್ ಪುರೊ ಮ್ಹುಣ್ ಚಿಂತ್‌ಲ್ಲೆಂ..!

ಪುಣ್ ಕಾಲೆಂ ಜಾಲೆಂ ? ಪೊರ್ಚ್ಯಾ ದೀಪವಾಳಿಕ್ ಟಾಟಾ ಡೊಕೊಮ್‌ನ್ ಪಯ್ಲೆಂ ಪಾವ್ಟಿಂ ಇಂಡಿಯಾಂತ್ 3G ಸೊಡ್ಲೆಂ ( ತಾಚ್ಯಾ ಪಯ್ಲೆಂಚ್ ಸರ್ಕಾರಿ BSNL 3G ಸೊಡ್‌ಲ್ಲೆಂ, ...! ಪುಣ್ ಇಂಡಿಯಾಂತ್ ಕೆನ್ನಾಯ್ ಸರ್ಕಾರಿ ಲೇಕಾಕ್ ಸೊಡ್ಯಾಂ ಮ್ಹುಣ್ಯಾ ಂ ..!) . ಪುಣ್ ವಿಷೇಶ್ ಕಾಲೆಂ ಮ್ಹುಳ್ಯಾರ್ ಡೊಕೊಮ್‌ಚಿ voice call ರೇಟ್  ಪಳೆಯ್ತಾನ ರೇಷಾನಾಚಾ ತಾಂದುಳ್ ಚಾಕೀ ಉಣೆಂ. ಡೊಕೊಮೊ ಸಾಂಗಾತಾ ಆಜ್ ಫಾಲ್ಯಾಂ ಮ್ಹುಣ್ ಇತರ್ ಕಂಪ್ಣ್ಯೋಯೀ3G ಸೆವಾ ದೀಂವ್ಕ್ ತಯಾರ್ ಜಾಲ್ಯಾತ್. ಡೊಕೊಮೊಕ್ ಸೊಡ್ಲ್ಯಾರ್ ಆಮ್ಚ್ಯಾ ಕರ್ನಾಟಕಾಂತ್ Airtel ಆನಿಂ Aircel ಕ್ 3G ಸೆವಾ ದೀಂವ್ಕ್ ಲೈಸನ್ಸ್ ಮೆಳ್ಳಾಂ. ಹ್ಯೊ ಖಾಸ್ಗಿ ಕಂಪ್ಣ್ಯೊ ಯೆತಾಂ ಮ್ಹುಣ್ ಆಸ್ತಾನಾಂಚ್ BSNL ನ್ ಅಪ್ಲ್ಯಾ 3G ಸೆವೆಚೆ ದರ್ ಮಸ್ತ್ ದೆವಚಿiiತ್ ! . ತಾಂಚಾ data ಆನಿಂ ಉಲಾಂವ್ಚ್ಯಾ unlimited ಸ್ಕೀಮಾಕ್ ಆತಾಂ ಮಹಿನ್ಯಾಕ್ ಫ಼ಕಥ್ 700 ರೂಪಾಯ್ (ಇತರ್ ಸ್ಕೀಮಾಂಯ್ ಆಸಾತ್...!). ಡೊಕೊಮೊ ನ್ ಯೀ 3.6 Mbps, 7.2Mbps, 21.1 Mbps ಮ್ಹುಣ್ ವಿವಿಧ್ ಸ್ಕೀಮಾಂ ಹಾಡ್ಲ್ಯಾಂತ್ . ತಾಂಚಿಂ 21.1 Mbps ತಿತ್ಲ್ಯಾ highspeed ಸೆವಾ ಅತಾಂ ಮಹಿನ್ಯಾಕ್ ಫಕತ್ 2000 ರೂಪ್ಯಾಂಕ್ ಮೆಳ್ತಾ !. Airtel ಕಸಲಿಂ ಸ್ಕೀಮಾಂ ಮ್ಹುಣ್ ಸಕ್ಕಡೀ ರಾಕೊನ್ ರಾವ್ಲ್ಯಾತ್. ತುಮಿ ಹೆಂ ಲೇಕನ್ ವಾಚ್ತಾನಾ ತಾಂಚಿಂ ಸ್ಕೀಮಾಂ ಭಯ್ರ್ ಯೇಂವ್ಕ್ ಯೀ ಪುರೊ....!!!

ಇತ್ಲ್ಯಾಕೀ ಹೊ ಬಾಸ್ಮತಿ ತಾಂದುಳ್ ಕಿತ್ಯಾಕ್ ಜಾಯ್ ? ಯೆದೊಳ್ಚ್ಯಾ 2G ಂತ್ ಉಲಾಂವ್ಚೆಂ ಸೊಡ್ಲ್ಯಾರ್ ಏಕ್ ಶೆಂಭರ್ Kbps ತಿತ್ಲೊ ಇಂಟರ್‌ನೆಟ್ ಸ್ಪೀಡ್. ಪುಣ್ 3G ಂತ್ ಹಾಚಾಕೀ ಶೆಂಭರ್ ವಾಂಟ್ಯಾಚಾಕೀ ಚಡ್ ಸ್ಪೀಡ್ ಮೆಳ್ತಾ. ತಿತ್ಲೆಂಚ್ ನ್ಹಂಯ್ ... 3G ಂತ್ ಫಕತ್ call ನ್ಹಂಯ್ ವಿಡಿಯೊ call ಯೀ ಕರ್‍ಯೇತ್. ಮ್ಹುಳ್ಯಾರ್ ತುಜೆ ಕಡೆ ಉಲಾಂವ್ಚ್ಯಾಕ್ ತುಜೊ ತಾಳೊ ಮಾತ್ರ್ ನ್ಹಂಯ್ , ತುಕಾಯೀ live ಪಳವ್ಯೇತ್!. ಆಫಿಸಾಂತ್ ಬಸೊನ್, ಕಿತ್ಲೆ ಸ್ಕೋರ್ ಜಾಲೆ ಮ್ಹುಣ್ ಪಳೆಂವ್ಕ್ TV ನಾಂ ಗೀ ? ಯಾ ತುರ್ತಾನ್ TV ರ್ ನ್ಯೂಸ್ ಪಳೆಂವ್ಕ್ ಅಸಾಗೀ ? . ಖಂಚಾ ಕಾರ್ಯಾಕ್ ವೊಚುಂಕ್ ಆಸ್ಲ್ಯಾನ್ ತುಜಿ ಸದಾಂಚಿ ಧಾರಾವಾಹಿ ಪಳೆಂವ್ಕ್ ಜಾವ್ನಾಂ ಗೀ ? ಪುಣ್3G ಆಸ್ಲ್ಯಾರ್ ತುಮ್ಕಾಂ ಕಾಂಯ್ ಮಂಡೊ ಹುನ್ ಕರ್ಚಿ ಗರ್ಜ್ ನಾ. ತುಜ್ಯಾ ಮೊಬೈಲಾರ್‌ಚ್ TV ಪಳವ್ಯೇತ್ . ಪಚಿii ಕರ್ತಾನಾ ಬಸ್ಸಾರ್ ಬಸೊನ್ ಬೋರ್ ಜಾತಾ ಜಾಲ್ಯಾರ್ youtube ಪಳವ್ಯೇತ್ . ಮಾಗಿರ್ ತುಜೆ ಕಡೆ ಕಂಪ್ಯೂಟರ್ ಯಾ ಲ್ಯಾಪ್‌ಟೊಪ್ ಅಸ್ಲ್ಯಾರ್ , ತುಜೆಂ ಫೋನ್ ತಾಕಾ connect ಕರ್ನ್ ಹಿ highspeed ಇಂಟರ್ ನೆಟಾಚಾ ಸಂಸಾರಾಂತ್ ರಿಗ್ಯೇತ್. ಮ್ಹುಳ್ಯಾರ್ ಏಕ್ 5 MB ಚೆಂ ಮ್ಯೂಸಿಕ್ ಫೈಲ್ ಡೌನ್‌ಲೋಡ್ ಕರುಂಕ್ ಫಕತ್ 10 ಸೆಕುಂಡಾಂ ಪುರೊ. !


By the way ತುಮ್ಕಾಂ ಹಿ 3G ಸೆವಾ ಜಾಯ್ಜೆ ಜಾಲ್ಯಾರ್ ತುಮ್ಚೆ ಕಡೆ 3G ಕ್ ಧಿಗೊ ದಿಂವ್ಚೆಂ ತಸಲೆಂ ಫೋನ್ ಆಸಾಜೆ. SIM ಪಯ್ಲೆಂಚೆಂ ಚ್ ವಾಪಾರ್ಯೇತ್. ಅತಾಂ 3G ಮೊಬೈಲಾಂ ಮಸ್ತ್ ಉಣ್ಯಾ ಮೊಲಾಕ್ ಮೆಳೊನ್ ಆಸಾತ್. ಆನಿಂ ಖಂಯ್ ಪುಣೀ ತುಮ್ಕಾಂ ಮೊಬೈಲ್ ಕಾಣ್ಘೆಂವ್ಕ್ ಆಸ್ಲ್ಯಾರ್ ತೆಂ 3G ಕ್ support ಕರ್ತಾ ಗೀ ಮ್ಹುಣ್ ಜರೂರ್ ಪಳೆಚಿii.. ತಿತ್ಲೆಂಚ್ ನ್ಹಂಯ್ ತಾಂತುಂ HSPA (High Speed Packet Access) ಮ್ಹುಳ್ಳಿ ಸೌಲತ್ ಆಸ್ಚೆ ಬರಿ ಪಳೆಚಿii. ಕಿತ್ಯಾಕ್ ಮ್ಹುಳ್ಯಾರ್ ತೆಂ 21.1 Mbps ಸ್ಪೀಡಾ ತಿತ್ಲೆಂ support ಕರ್ತಾ.WCDMA(Wideband Code Division Multiple Access) ಆಸ್ಲ್ಯಾರ್ ಮೆಳ್ಚೊ ಫ಼ಕತ್ 384 Kbps ಮಾತ್ರ್. ಮ್ಹುಳ್ಯಾರ್ ತುಮ್ಚ್ಯಾ ಉಪ್ಸಾರಾಕ್ ತೆಂ ಪಡನಾ. .


ತರ್ ಸದಾಂಚೊ ತಾಂದುಳ್ ಕಾವ್ನ್ ತುಮ್ಕಾಂ ಬೋರ್ ಜಾಲೆಂ ಗೀ? ತರ್ ಜರೂರ್ ಏಕ್ ಪಾವ್ಟಿಂ ಬಾಸ್ಮತಿ ಕೀ try ಕರಾ ನೇ ..... !!!


*********


-ಪ್ರಮೋದ್ ರೊಡ್ರಿಗಸ್

ಕಂಪ್ಯೂಟರ್ ಸಂಸ್ಕ್ರತಿ .....(SM)

ವಿಭಿನ್ನ್ ಸಂಸ್ಕ್ರತಿಚೊ ವಿಶ್ವ್ ಹೊ. ಆಮ್ಚೊ ವೇಸ್-ಭೂಷಣ್, ಭಾಸ್, ಖಾಣ್- ಜೆವಾಣ್ .... ಹೆಂ ಪುರಾ ಪಾಶ್ಚ್ಯಾತ್ಯ್ ಸಂಸ್ಕತೆ ಥಾವ್ನ್ ಭಿನ್ನ್ ಜಾವ್ನ್ ಆಸಾ.. ಹರ್ಯೇಕಾ ಕ್ಷೇತ್ರಾಂತ್‌ಯೀ ಭಾರತೀಯ್ ಸಂಸ್ಕ್ರತಿ ಇತರ್ ಸಂಸ್ಕ್ರತೆ ಬರಿ ನಾ. ತಶೆಂಚ್ ಆಮ್ಚಿ ಕಂಪ್ಯೂಟರ್ ಸಂಸ್ಕ್ರತಿ ಸಯ್ತ್... !!
ಪಯ್ಲಾನ್ ಪಯ್ಲೆಂ, ಇಂಡಿಯಾಂತ್ ಕಂಪ್ಯೂಟರಾಕ್ ಬಂಡವಾಳ್ ಗಾಲುಂಕ್ ಆಸ್‌ಲ್ಲ್ಯಾರ್ ತೆಂ ಹಾರ್ಡ್‌ವೇರಾಕ್ ಮಾತ್ರ್. ಆಮಿಂ ಸಾಪ್ಟ್‌ವೇರಾಂಕ್  ಪಯ್ಶ್ಯೆ ಖರ್ಚಿನಾಂವ್. ಪೈರೆಟೆಡ್ ಸಾಪ್ಟ್‌ವೇರಾಂ ಆಮ್ಕಾಂ ಪುಂಕ್ಯಾಕ್ ಮೆಳ್ತಾತ್ ... ಪುಣ್ ಅಮೆರಿಕಾ ತಸಲ್ಯಾ ದೇಶಾನಿಂ ತಶೆಂ ನ್ಹಂಯ್. ಥಂಯ್ಚಾ ಲೋಕಾಕ್ ಹಾರ್ಡ್‌ವೇರಾಚಾ ಕೀ ಚಡ್, ಸಾಪ್ಟ್‌ವೇರಾಂ ಖಾತಿರ್ ಪಯ್ಶ್ಯೆ ದಿಜೆ ಪಡ್ತಾ. ಕಿತ್ಯಾಕ್ ಮ್ಹುಳ್ಯಾರ್ ಅಮೆರಿಕಾಂತ್ ಸಾಪ್ಟ್‌ವೇರ್ ಪೈರೆಸಿ ವಡ್ಲೊ ಅಪರಾಧ್ ... ಪುಣ್ ಪೈರೆಸಿ ಆಮ್ಕಾಂ ಸಾದಾಂಚೆಂ .. !
ಖಂಯ್ ಪುಣೀ ಡೆಸ್ಕ್‌ಟೊಪ್ ಕಂಪ್ಯೂಟರ್ ಕಾಣ್ಘೆಂವ್ಕ್ ಆಸ್‌ಲ್ಲ್ಯಾರ್ ಆಮಿಂ ಏಕ್ ಉತ್ತೀಮ್ configuration ಪಳೆವ್ನ್ ಕಂಪ್ಯೂಟರ್ assemble ಕರ್ತಾಂವ್. ಆಮ್ಕಾಂ ತಾಂತುಂಚ್ ಗೋಲ್‌ಮಾಲ್ Windows ಅನಿಂ ಇತರ್ ಸಾಪ್ಟ್‌ವೇರಾಂ ಗಾಲ್ನ್ ದಿತಾತ್. ಪುಣ್ ಅಮೆರಿಕಾಚಾ ಚಡಾವತ್ ಜಣಾನಿಂ ಘೆಂವ್ಚೆಂ ಬ್ರಾಂಡೆಡ್ ಕಂಪ್ಯೂಟರ್. HP, DELL ….॒ ತಸ್ಲೆಂ .. ತಾಂತುಂ ಯೆಂವ್ಚ್ಯಾ Windows ಕೀ ಮೋಲ್ ದಿಜೆ ಪಡ್ತಾ. ಇತರ್ ಸಾಪ್ಟ್‌ವೇರಾಂ ಜಾಯ್ ಜಾಲ್ಯಾರ್ ಪ್ರತ್ಯೇಕ್ ಖರ್ಚ್ . ಖಂಯ್ ಪುಣಿ ಮೆಳ್ಯಾರ್ ಏಕಾ ವರ್ಸಾಚಿ ಆಂಟಿವೈರಸ್ ವರ್ಗಣಿ ಪುಂಕ್ಯಾಕ್ ..! ಆಮಿಂ ಖಂಯ್ ಪುಣೀ ಲ್ಯಾಪ್‌ಟೊಪ್ ಘೆತ್ಲ್ಯಾರ್ ತಾಂತುಂ ಆಮ್ಕಾಂ ಅಸ್ಲಿ Windows home ಎಡಿಶನಾಚಿ ಪ್ರತಿ ಮೆಳ್ತಾ ...ಪುಣ್ ಅಮ್ಚೆ ಚಡಾವತ್ ಹಿ ಅಸ್ಲಿ home ಎಡಿಶನ್ ಕಾಡ್ನ್ ಉಡಾವ್ನ್ ಉತ್ತೀಮ್ ಜಾವ್ನ್ ಆಸ್ಚೆಂ professional ಯಾ ultimate ಎಡಿಶನ್ ಗಾಲುಂಕ್‌ಚ್ ಪೆಚಾಡ್ತಾತ್. ಮೈಕ್ರೊಸಾಪ್ಟನ್ ಮೊಕ್ಳಿಕ್ ಕೆಲ್ಲ್ಯಾ ಏಕ್‌ಚ್ ಹಪ್ತ್ಯಾಂತ್‌ಚ್ ಆಮ್ಚ್ಯಾ ಕಂಪ್ಯೂಟರಾಂತ್ Office 2010 ತಸಲೆಮ್ ಸಾಪ್ಟ್‌ವೇರ್ ಆಸ್ತಾ. ಆಮ್ಕಾಂ ಕುಶಿ ಆಸ್‌ಲ್ಲಿಂ ಸಾಪ್ಟ್‌ವೇರಾಂ ಗಾಲುಂಕ್ ಆಮ್ಕಾಂ ಕಸಲಿಯೀ ಅಡ್ಕಳ್ ನಾ. ಅಮೆರಿಕಾಂತ್ ಆಮ್ಚ್ಯಾ ಕಂಪ್ಯೂಟರಾಚೆಂ ಮೋಲ್ ಲಗ್ಭಗ್ 50 ಲಾಕ್ ಜಾಯ್ತ್ ಕೊಣ್ಣಾ ..

ಪುಣ್ ಥೊಡ್ಯಾ ಅಮೆರಿಕಾಗಾರಾಂಚಾ ಕಂಪ್ಯೂಟರಾಂತ್ Office ಸಾಪ್ಟ್‌ವೇರ್ ಯೀ ಆಸಾನಾ. ತೆ Windows ಂತ್ ಆಸ್‌ಲ್ಲ್ಯಾ wordpad ವಾಪಾರುನ್ಂಚ್ ಸುಧಾರ್ಸುನ್ ಆಸ್ತಾತ್. ಥೊಡ್ಯಾ ಪಾವ್ಟಿಂ ಪುಂಕ್ಯಾಕ್ ಮೆಳ್ಚೆಂ Open Office ಗಾಲ್ತಾತ್. Windows ಂತ್ ಕಸಲೊ ಪುಣೀ ದೋಷ್ ಆಸ್‌ಲ್ಲ್ಯಾರ್ ತೆ ಕಂಪ್ಯೂಟರ್‌ಚ್ ಬದ್ಲಿತಾತ್. ಕಿತ್ಯಾಕ್ ಮ್ಹುಳ್ಯಾರ್ ಥಂಚಾ ಚಡಾವತಾಂಕ್ ವಿನ್ ಇನ್ಸ್ಟಾಲ್ ಕರುಂಕ್ ಯಾ upgrade ಕರುಂಕ್ ಕಳಾನಾ. ಥಂಚೊ ಸಾಮಾನ್ಯ್ ಲೋಕ್ ಚಡಾವತ್ ಜಾವ್ನ್ ಇ-ಮೈಲಾ ಖಾತಿರ್, ಪಿಜ್ಜಾ ಒರ್ ಕರುಂಕ್ ಯಾ ಇತರ್ ಶಾಪಿಂಣ್ ಕರುಂಕ್, online ಬ್ಯಾಂಕಿಂಗ್ ಕರುಂಕ್ ಮಾತ್ರ್ ಕಂಪ್ಯೂಟರ್ ವಾಪಾರ್ತಾತ್. ತಾಂಚಿ ಇ-ಮೈಲ್ ಸಂಸ್ಕ್ರತಿ ಯೀ ಆಮ್ಚೆ ಥಾವ್ನ್ ಮಸ್ತ್ ವಿಭಿನ್ನ್. ಆಮಿಂ Yahoo, Gmail ತಸಲ್ಯಾ ವೆಬ್ ಆಧಾರಿತ್ ಇಮೈಲಾಂ ವಾಪಾರ್ತಾಂವ್. ಪುಣ್ ತೆ Outlook ಆಧಾರಿತ್ ISP ಇ-ಮೈಲ್ ವಾಪಾರ್ತಾತ್. ತಶೆಂ ಜಾವ್ನ್ ತಾಂಚೊ ಇ-ಮೈಲ್ Verizon,EarthLink, AT&T .... ಥಾವ್ನ್ ದಿಲ್ಲೆ ಜಾವ್ನ್ ಆಸ್ತಾತ್. ತಾಂಚಿ Outlook ಸಂಸ್ಸ್ರತಿ ಎಕ್ ಕಂಪ್ಯೂಟರಾಕ್ ಮಾತ್ರ್ ಸಿಮೀತ್. ಖಂಚಾ ಪುಣೀ ದುಸ್ರ್ಯಾ ಕಂಪ್ಯೂಟರಾ ಥಾವ್ನ್ ತಾಮ್ಚೊ ಇ-ಮೈಲ್ ಖಾತೊ ಉಗ್ತೆ ಕರುಂಕ್ ಜಾಯ್ನಾ . ಮ್ಹುಳ್ಯಾರ್ ಆಮ್ಚಾ ಬರಿ ಸೈಬರ್ ಕೆಫೆ ವಚುನ್ ತಾಣಿಂ ಇ-ಮೈಲ್ ಪಳೆಂವ್ಚಾ ಬರಿ ನಾ. ತಾಂಚಿ ಇ-ಮೈಲಾಂ ಪುರಾ .pst ಕರ್ನ್ ಆಪ್ಲ್ಯಾ ಕಂಪ್ಯೂಟರಾನಿಂ ಡೌನ್‌ಲೊಡ್ ಕರ್ನ್ ದವರ್ತಾತ್. ಥಂಯ್ ಇಂಟರ್ ನೆಟಾಚೊ ಸ್ಪೀಡ್ ಚಡ್ ಆಸ್‌ಲ್ಲ್ಯಾನ್ ತಾಂಕಾಂ ತಶೆಂ ಕರುಂಕ್ ಜಾತಾ. ಖಂಯ್ ಪುಣೀ ಕಂಪ್ಯೂಟರ್ crash ಜಾಲ್ಯಾರ್ ತಾಂಚಿಂ ಇ-ಮೈಲಾಂ ಪುರಾ ಗೆಲಿಂ ..!! ಪುಣ್ ಆಮ್ಚಿಂ ಇ-ಮೈಲಾಂ ಕಂಪ್ಯೂಟರ್ crash ಜಾಲ್ಯಾರೀ Yahoo, Gmail ಸರ್ವರಾನಿಂ ಸುರಕ್ಷಿತ್ ಜಾವ್ನ್ ಉರ್ತಾತ್ ..!!
ಪುಣ್ ಅಮೆರಿಕಾಗಾರಾಚೆಂ ಅಏಕ್ ವಿಶೇಷಾತ ಮ್ಹುಳ್ಯಾರ್ ತಾಂಚೆಂ ಖಾಸ್ಗಿಪಣ್. ತಾಂಚಾ ಭುರ್ಗ್ಯಾಂಕ್ ತೆ ದುಸ್ರೆಂಚ್ profile ಕರ್ನ್ ಕಂಪ್ಯೂಟರ್ ವಾಪರುಂಕ್ ದಿತಾತ್ ತೆ. ಖಂಯ್ ಪುಣೀ ತಾಣಿಂ ಆಶ್ಲೀಲ್ ಜಾಗ್ಯಾಂಕ್ ಭೆತ್ ದೀಂವ್ಕ್ ನ್ಮಜೊ ಮ್ಹುಣ್ parental control ಸಾಪ್ಟ್‌ವೇರ್‌ಯೀ ಗಾಲ್ತಾತ್ ತೆ. ಪುಣ್ ಇಂಡಿಯಾಂತ್ ಭುರ್ಗಿಂಚ್, ವ್ಹಡಿಲಾಂಕ್ ಚ್ parental ‘control’ ಕರ್ನ್ ಸೊಡ್ತಾತ್ .. !!!

-ಪ್ರಮೋದ್ ರೊಡ್ರಿಗಸ್
　

ಯಡ್ಯೂರಪ್ಪಾ ಜೋಕ್ಸ್ ...!!!

ಇಲ್ಲೆಶೆಂ ಪೊ()ಲಿ ಟಿ(ಟ್ರಿ)ಕ್ಸ್ ....

ಬೂಕನಕೆರೆ ಯಾಡಿಯೂರಪ್ಪಾ ವಿಶ್ಯಾಂತ್ ಪರತ್ ಥೊಡೆಂ ಬರಯ್ಜೆ ಪಡ್ಲೆಂ. ವ್ಹಯ್.. ತೆನ್ನಾ ವಿರೋಧ್ ಪಾಡ್ತೆಂತ್ ಆಸ್ತಾನಾ "ತತಕ್ಷಣ ಇಳಿಯಿರಿ", "ಮಾನ ಮರ್ಯಾದೆ ಏನ್ ಇಲ್ಲವೇನ್ರೀ ? " , "ಯಾವ ಸೀಮೆಯಾ ಸರ್ಕಾರ ಕಣ್ರೀ ಇದು ? " ಆಶೆಂ ಮ್ಹುಣ್ ಅಡಳ್ತೆಂ ಚಲಂವ್ಚ್ಯಾ ಸರ್ಕಾರಾಂ ವಯ್ರ್ ಕೆಂಡುನ್ ಆಸ್ ಲ್ಲೊ. "ಇಂಥಾ ಭ್ರಷ್ಟ ಸರ್ಕಾರಕ್ಕೆ ಜನರೇ ಚಾಟಿ ಬೀಸಬೇಕು " ಮ್ಹುಣ್ ವಡ್ಲಿಂ ವಡ್ಲಿಂ ಭಾಷಣಾಂ ದೀವ್ನ್ ಆಸ್ ಲ್ಲೊ. ಪುಣ್ ತೆನ್ನಾ ಆಶೆಂ ಮುಣ್ಚಾ ಯಾಡಿಯೂರಪ್ಪಾಕ್ ಚ್ ಅತಾಂ ಲೋಕ್ ಚಾಟಿಯೊ ಮಾರ್ನ್ ಆಸಾತ್. Sms, Facebook ಂತ್ ಯಾಡಿಯೂರಪ್ಪಾ ಚೆ ಜೋಕ್ ವ್ಹಾಳೊನ್ ಆಸಾತ್. ತಾಂತ್ಲೆಂ ಥೊಡೆ ತುಮ್ಕಾಂ ಸಂಗ್ರಹ್ ಕರ್ನ್ ಹಾಂಗಾ ಹಾಡ್ಲ್ಯಾತ್ ...

                                             ***********

ಹೊ ಜೋಕ್ ಸುವರ್ಣಾಚಾ H R ರಂಗನಾಥ್ ಥಾವ್ನ್ ಮೆಳ್ಳೊ. ಏಕ್ ಚೋರಾನ್ ಭಾಂಗಾರ್ ಚೊರ‍್ಲೆಂ. ಪುಣ್ ಪೋಲಿಸಾನ್ ತಾಕಾ ದರ್ಲೊ. ಚೋರಾನ್ ಚೂಕ್ ಒಪ್ವೊನ್ ತೆಂ ಭಾಂಗಾರ್ ಪುರಾ ಪಾಟಿಂ ದೀವ್ನ್ ಮ್ಹಕಾ ಸೊಡ್ನ್ ಸೊಡಾ ಮ್ಹುಣ್ ಪೋಲಿಸಾಂಕ್ ಸಾಂಗಿಲಾಗ್ಲೊ. ತೆಂ ಕಶೆಂ ಜಾಂವ್ಚೆಂ ಮ್ಹುಣ್ ಪೋಲಿಸ್ ವಿಚಾರಿ. ತಾಕಾ ಚೋರ್ ಮ್ಹುಣಾಲೊ . " ನ್ಹಂಯ್ ಸಾಯ್ಬಾ , ಯಾಡಿಯೂರಪ್ಪಾ ನ್ಂಚ್ ಕೊರೊಡಾಂಚೊ ಜಾಗೊ ಚೋರ್ನ್ ಪಾಟಿಂ ದಿಲೊ ಆನಿಂ ತಾಕಾ ಕಾಂಯ್ ಕರುಂಕ್ ನಾ... ಹಾವೆಂ ಚೊರುಲ್ಲೆಂ ಫಕತ್ ಧಾ ಹಜಾರಾಚೆಂ ಭಾಂಗಾರ್. ಮ್ಹಕಾಯ್ ಚೊಡಾ ....!!!!



                                        ***********

ಅಸಲ್ಲಿ ಏಕ್ sms ಹ್ಯಾ ದಿಸಾನಿಂ ಚಾಲ್ತೆರ್ ಆಸಾ. "Yediyurappa ge Jai" send this message to 10 people and you will get a site near Devanahalii. Please don't ignore it . It is true. else it will be denotified...



                                        ************

ಅನ್ಯೇಕ್ sms ಮ್ಹಕಾ ಆಯ್ಲಿ . " Dear friends, please take care about your lands and properties. Because Yediyurappa is going to continue as a Chief Minister of Karnataka"

                                      *********
                  
ಹಿ ವಿಶ್ವೇಶ್ವರ್ ಭಟ್ಟಾನ್ ಬರಯ್ಲಿ ಸಂಗತ್. ಏಕಾ ಕಾಳಾರ್ S M ಕ್ರಷ್ಣ ಕರ್ನಾಟಕಚೊ ಮುಖೆಲ್ ಮಂತ್ರಿ ಜಾವ್ನ್ ಆಸ್ತಾನ ಇಂಡಿಯಾಚೊ No 1 CM ಮ್ಹುಣ್ ನಿರಂತರ್ ತೀನ್ ವರ್ಸಾಂ ಇಂಗ್ಲಿಷ್ ಮೀಡಿಯಾನಿ ತಾಕಾ ವೊಲಾಯ್ಲೆಂ. ತೆನ್ನಾ ಬಿಹಾರಾಂತ್ ಲಾಲೂಚೆಂ ಜಂಗಲ್ ರಾಜ್ಯ್ ಆಸ್ ಲ್ಲೆಂ. ತವಳ್ ಪಾಟ್ನಾಚೆ ಬಿಹಾರಿ ಪೂರಾ ಯೇವ್ನ್ ಬೆಂಗ್ಳೂರ್ settle ಜಾಂವ್ಕ್ ಆರಂಭ್ ಕೆಲೆಂ. ಹಾಂಗಾಚೊ ಪುರಾ ಲೋಕ್ ತ್ಯಾ ಬಿಹಾರಿಂಕ್ ತಮಾಶೆ ಕರ್ನ್ ಆಸ್ ಲ್ಲೊ. ಪುಣ್ ಅತಾಂ ಬಿಹಾರಾಂತ್ ನಿತೀಶ್ ಕುಮಾರ್ ಆಯ್ಲಾ. ಬೆಂಗ್ಳೂರ್ಚೆ ಬಿಹಾರಿ ಪುರಾ ಅತಾಂ ಪಾಟಿಂ ಪಾಟ್ನಾ ಭಯ್ರ್ ಸರ್ಲ್ಯಾತ್. "ಕಿತ್ಯಾಕ್ ಪಾಟಿಂ ಬಿಹಾರಾಕ್ ಚಲ್ತಾತ್ ತುಮಿ ? ನಿತೀಶಾನ್ ತುಮ್ಚೊ ರಾಜ್ಯ್ ತಿತ್ಲೊ ಅಭಿವ್ರದ್ದಿ ಕೆಲಾ ಗೀ ? " ಮ್ಹುಣ್ ವಿಚಾರ್ಲ್ಯಾರ್ ಎಕ್ಲೊ ಮ್ಹುಣಾಲೊ "ತಶೆಂ ನ್ಹಂಯ್ ಸಾಯ್ಬಾ ... ಅಮಿಂ ಬಿಹಾರ್ ಸೊಡ್ನ್ ಯೆತಾನಾ ಥಂಯ್ ಲಾಲೂ ಆಸ್ ಲ್ಲೊ. ಪುಣ್ ಅತಾಂ ಕರ್ನಾಟಕಾಂತ್ ಲಾಲೂಚೊ ಬಾಪಯ್ ಯಾಡಿಯೂರಪ್ಪಾ ಆಸಾ...!!

                                         *****************

ಯಾಡಿಯೂರಪ್ಪಾ ವಿಶ್ಯಾಂತ್ ಚರ್ಚ್ಯಾ ಕರ್ನ್ ಆಸ್ತಾನಾ ಮ್ಹುಜೊ ಏಕ್ಲೊ ಈಷ್ಟ್ ಮ್ಹುಣಾಲೊ ..." ವ್ಹಯ್ ಸಾಯ್ಬಾ ... ಲಾಲೂನ್ ಚರವ್ ಮಾತ್ರ್ ಕೆಲೊ... ಪುಣ್ ಯಾಡಿಯೂರಪ್ಪಾನ್ ತೊ ಚರವ್ ಜಾಂವ್ಚಿ ಭೂಂಯ್ ಚ್  ಚೊರಿ ಕೆಲಿ....!!!



                                          **************

ಹೆ ಪೂರಾ ಜೋಕ್ ವಾಚ್ಲ್ಯಾ ಉಪ್ರಾಂತ್ ಮ್ಹಕಾ ಥೊಡ್ಯಾ ವರ್ಸಾಂ ಆದಿಂ RSS ಚಾ Organizer ಂತ್ ಪ್ರಕಟ್ ಜಾಲ್ಲ್ಯಾ ಏಕಾ ಕಾಣ್ಯೆಚೊ ಉಡಾಸ್ ಆಯ್ಲೊ. ದೋಗ್ ಪೆಟ್ಯಾಂಚಿ ಕಾಣಿ ತಿ. ತುಮ್ಕಾಂಯೀ ಖಳಿತ್ ಆಸೊಂಕ್ ಪುರೊ. ತೊ ಇಂಡಿಯಾಚೊ ಪೆಟೊ . ಭಾರಿ ನಿತ್ರಾಣಿ ಜಾವ್ನ್ ಆಸ್ ಲ್ಲೊ. ಪೊಟಾಕ್ ಖಾಣ್ ನಾಸ್ತಾನಾ ಸಬಾರ್ ದೀಸ್ ಜಾಲ್ಲೆ. ಹಾಂಗಾ ಖಾಣ್ ನಾ ಮ್ಹುಣ್ ತೊ ಚೈನಾಕ್ ಭಯ್ರ್ ಸರ್ಲೊ. ಗಡ್ಯೆ ಲಾಗ್ಗಿಂ ಪಾವ್ತಾನಾ , ಅನ್ಯೇಕ್ ಏಕ್ ದಷ್ಟ್-ಪುಷ್ಟ್ ಪೆಟೊ ಆಸ್ ಲ್ಲೊ. ತೊ ಚೈನಾಚೊ ಪೆಟೊ. ತೊ ಚೈನಾ ಸೊಡ್ನ್ ಇಂಡಿಯಾಕ್ ಯೇವ್ನ್ ಆಸ್ ಲ್ಲೊ. ಇಂಡಿಯಾಚಾ ಪೆಟ್ಯಾಕ್ ಅಜ್ಯಾಪ್ ದಿಸ್ಲೆಂ. ತೊ ತ್ಯಾ ಚೈನಾಚಾ ಪೆಟ್ಯಾಕ್ ಮ್ಹುಣಾಲೊ " ತುಂ ಕಾಲೆಂ ಸಾಯ್ಬಾ , ಇಂಡಿಯಾಕ್ ಯೇವ್ನ್ ಆಸಾಯ್ ? ಹಾಂಗಾ ಆಮ್ಕಾಂ ಖಾಣ್ಂಚ್ ನಾ... ತುಮ್ಕಾಂ ಥಂಯ್ ಕಿತ್ಲೆಂ ಖಾಣ್ ಆಸಾ ದೆಕುನ್ ಹಾಂವ್ ತುಮ್ಚ್ಯಾ ದೇಶಾಕ್ ವಚುಂನ್ ಆಸಾಂ ..! " . ಚೈನಾ ಚೊ ಪೆಟೊ ಮ್ಹುಣಾಲೊ " ವ್ಹಯ್ ಭಾವಾ , ಆಮ್ಕಾಂ ಹಾಂಗಾ ಖಾಣ್ ದರಭಸ್ತ್ ಅಸಾ ಪುಣ್ ಅಮ್ಕಾಂ ಗೊಂಕುಂಕ್ ಆವ್ಕಾಸ್ ನಾ... ಇಂಡಿಯಾಂತ್ ಖಾಣ್ ನಾತ್ಲ್ಯಾರ್ , ಕಿತ್ಲೆಂಯೀ ಗೊಂಕ್ಯೇತ್ ಖಂಯ್. ಪೆಟೊ ಜಾವ್ನ್ ಗೊಂಕುಂಕ್ ಅವ್ಕಾಸ್ ನಾತ್ಲ್ಯಾರ್ ಕಾಲೆಂ ಮ್ಹುಣ್ಚೆಂ .. !! ದೆಕುನ್ ಹಾಂವ್ ಇಂಡಿಯಾಕ್ ಭಯ್ರ್ ಸರ್ಲಾಂ ..!! ತಿತ್ಲೊ ತ್ಯಾ ಕಾಣ್ಯೆಚೊ ಸಾರಾಂಶ್ ...
.
.


ಫುಣ್ ಅತಾಂ ಆಯ್ಲ್ಯಾ ಲೇಟೆಸ್ಟ್ ಖಬ್ರೆ ಪ್ರಕಾರ್ ಗೆಲೆತ್ಯಾ ಥೊಡ್ಯಾ ಮಹಿನ್ಯಾ ಆದಿಂ, ಯಾಡಿಯೂರಪ್ಪಾ ಚೈನಾಕ್ ವಚುನ್ ಆಯ್ಲ್ಯಾ ಉಪ್ರಾಂತ್ ತೆ ದೋಗ್ ಯೀ ಪೆಟೆ ಕರ್ನಾಟಕಾಂತ್ ಆಯ್ಲ್ಯಾತ್ ಖಂಯ್. ಕಿತ್ಯಾಕ್ ಮ್ಹುಳ್ಯಾರ್ ಕರ್ನಟಕಾಂತ್ ದರಬಸ್ತ್ ಕಾಂವ್ಕ್ ಯೀ ಜಾತಾ ಆನಿಂ ಗೊಂಕುಂಕ್ ಯೀ ಜಾತಾ ಖಂಯ್ ...!!!!
 
 
  ******
ಪ್ರಮೋದ್ ಹೊಸ್ಪೆಟ್

ಅಸಲೊ ಏಕ್ ಬರೊ ಸನ್ವಾರ್ ......!!! (SM/Sept2K10)

Bom Sabado…! ಪೊಡ್ಚುಗೆಜ್ ಬಾಷೆಂತ್ ಆಶೆಂ ಮ್ಹುಳ್ಯಾರ್ “ಬರೊ ಸನ್ವಾರ್” ಮ್ಹುಣ್ ಆರ್ಥ್. ಫುಣ್ Orkut ಮ್ಹುಳ್ಳ್ಯಾ ಸಾಮಾಜಿಕ್ ನೆಟ್‌ವರ್ಕ್ ತಾಣ್ ವಾಪಾರುನ್ ಆಸ್‌ಲ್ಯಾಂಕ್ ಹೊ ಸನ್ವಾರ್ ಬರೊ ಖಂಡಿತ್ ಜಾಂವ್ಕ್ ಪಾವೊನಾ..! ವ್ಹಯ್... ಹೆಂ ಆಸಲೆಂ ಏಕ್ ವೈರಸ್ Orkut ಕ್ ಗೆಲೆತ್ಯಾ ಸಪ್ತೆಂಬರ್ ಮಹಿನ್ಯಾಚಾ ಅಖೇರಿಕ್ ಲಾಗ್ಲೆಂ. ಬ್ರೆಜಿಲ್ ಥಾವ್ನ್ ಆರಂಭ್ ಜಾಲ್ಲ್ಯಾ ಹ್ಯಾ ಕಿಡಿಯೆನ್ Orkut ಕ್ ಏಕ್ ವಡ್ಲೊ ಬುರಾಕ್ ಕರ್ನ್ ಸೊಡ್ಲೊ ...!!

ಇತ್ಲ್ಯಾಕೀ ಹಿ ಕೀಡ್ ರಚನ್ ಕೆಲ್ಲಿ XSS (Cross-site scripting) ಮ್ಹುಳ್ಳೆಂ ತಂತ್ರಾಗ್ನ್ ವಾಪಾರ್ನ್.. . ಹಿ ಕೀಡ್ ಲಾಗ್‌ಲ್ಲ್ಯಾ Orkut ಎಕೌಂಟಾಂತ್ Bom Sabado… ಮ್ಹುಣ್ scrap ಗಾಲ್ನ್ , ತಾಂಕಾಂ ದುಸ್ರ್ಯಾಂ community ಕ್ ಸೆರ್ವೊನ್ ಸೊಡ್ತಾಲೆಂ. ತಾಂತುಂ ಆಸ್‌ಲ್ಲಿಂ ಲಿಂಕಾಂ ಪುರಾ ಆಶ್ಲೀಲ್ ಜಾಳಿಜಾಗ್ಯಾಂಕ್ ವರ್ನ್ ಪಾವಾಯ್ತಾಲಿಂ. ವಚುನ್ ವಚುನ್ ಒಪಿಸಾನಿಂ, ಘರಾನಿಂ Orkut ಕ್ ಉಗ್ತೆಂ ಕರ್ನ್ ಆಸ್‌ಲ್ಲ್ಯಾಂಕ್ ಪಳೆಂವ್ಕ್ ನಾಕಾ ಜಾಲ್ಲೆಂ ಪುರಾ ಮೆಳ್ಳೆಂ..! ಅತಾಂ
ಆಯ್ಲ್ಯಾ ಖಬ್ರೆ ಪ್ರಕಾರ್ ಹ್ಯಾ ಕಿಡ್ಯೆಕ್ ವೊಕಾತ್ ಸೊದುನ್ ಕಾಡ್ಲಾಂ ಆನಿಂ Orkut  ಸುರಕ್ಷಿತ್ ಜಾವ್ನ್ ವಾಪಾರ್ಯೇತ್ ಮ್ಹುಣ್ತಾ Google..!


ಪುಣ್ Orkut ಕ್ ತಿತ್ಲೆಂ ಪಾತ್ಯೆಂವ್ಕ್ ಅತಾಂ ಕೋಣ್ ಯೀ ತಯಾರ್ ನಾಂತ್. Orkut ಕ್ ಕಿಡಿ ಲಾಗ್ಚೊ ಹ್ಯಾಚ್
ಪಯ್ಲೆಂ ಪಾವ್ಟಿಂ ನ್ಹಂಯ್.. ಪುಣ್ ಮರಣಾಚಾ ವಾಟೆರ್ ಆಸ್ಚ್ಯಾ Orkut ಕ್ ಹ್ಯಾ ಕಿಡಿಯೆನ್ ವಡ್ಲೊ ಮಾರ್ ಗಾಲೊ. ಅತಾಂ Orkut ಕ್ ಆಸ್ಚೆಂ ಅಂತಿಮ್ ಮಾರ್ಕೆಟ್ ಮ್ಹುಳ್ಯಾರ್ ಬ್ರೆಜಿಲ್ ಮಾತ್ರ್. ಪೋಯ್ರ್ -ಪೋಯ್ರ್ ಮ್ಹುಣಾಸರ್ ಇಂಡಿಯಾಂತ್ ಇತ್ಲೆಂ ಲೊಕಾಮೊಗಾಳ್ ಜಾವ್ನ್ ಆಸ್ ಲ್ಲೆಂ Orkut ಕ್ facebook ನ್ ಕಿತ್ಲೊ ಮಾರ್ ಗಾಲಾ ಮ್ಹುಳ್ಯಾರ್ , Orkut ಸಂಪೂರ್‍ಣ್ ನಾಸ್ ಜಾಂವ್ಚಾ ಬರಿ ದಿಸೊನ್ ಯೆತಾ. ಗೆಲೆತ್ಯಾ ಮಹಿನ್ಯಾಂತ್ facebook ನ್ ಇಂಡಿಯಾಂತ್ Orkut ಕ್ ಪಾಟಿಂ ಗಾಲೆಂ. ಅತಾಮ್ ದಿಸಾನ್ ದೀಸ್ facebook ಕ್ ಇ೦ಡಿಯಾಂತ್ ಮಾರ್ಕೆಟ್ ಚಡೊನ್ಂಚ್ ಆಸ್ಲ್ಯಾರ್ Orkut ವಾಪಾರ್ಚ್ಯಾಂಚೊ ಸಂಕೊ ದಿಸಾನ್ ದೀಸ್ ಉಣೆ ಜಾವ್ನ್ ಆಸಾ. Google ಕಿತ್ಲೆಂ desparate ಜಾವ್ನ್ ಕಿತ್ಲ್ಯೊ ನವ್ಯೊ features ಹಾಡ್ಲ್ಯಾರೀ Orkut ಕ್ ಲಾಬ್ ಜಾಂವ್ಕ್ ನಾ..

ಹಾಕಾ ಪುರಾ ಕಾರಾಣ್ Google ಚಿಂ ಥೊಡಿಂ ವಿಚಿತ್ರ್ ಧೊರಣಾಂ. Orkut ಅರಂಭ್ ಜಾತಾನಾ ತಾಂಕಾಂ ವಡ್ಲಿ ಮಾರ್ಕೆಟ್ ಚ್ ಆಸ್ ಲ್ಲಿಚ್ ಅಮೆರಿಕಾ. ಪುಣ್ Google ಚಿಂ ದೊರಣಾಂ ವರ್ವಿಂ ಅಮೆರಿಕಾಂತ್ Orkut ಕ್ ಸಂಪ್ರರ್ಣ್ ಸೊಡ್ಲೆಂ. ತಿಚ್ ಗತ್ ಅತಾಮ್ ಇಂಡಿಯಾಂತ್ ಯೀ ಜಾತಾ ಗೀ ? ಪುಣ್ ಬ್ರೆಜಿಲಾಂತ್ ಸಧ್ಯಕ್ Orkut ಕ್ ಕೊಣಾಯ್ಕಿ ಹಾಲೊಂಕ್ ಜಾಯ್ನಾ.. ತಿತ್ಲೆಂ ಲೊಕಾಮೊಗಾಳ್ ಥಂಯ್ ತೆಂ. ಪೂಟ್‌ಬಾಲಾ ತಿತ್ಲೆಂಚ್.. ದೆಕುಂಚ್ Orkut ಚೆಂ ಪ್ರಮುಕ್
ಧಪ್ತಾರ್ ಆಸ್ಚೆಂ ಬ್ರೆಜಿಲಾಂತ್. !! ಅನಿಂ ಪಳಯ್ಜೆ Google ಚಿ ಮುಕ್ಲಿ strategy ಕಾಲೆಂ ಮ್ಹುಣ್ ...!!!

ಸ್ಪುಟ್ನಿಕಾಚೊ ಏಕ್ ಯಾದ್ ಕಾಡ್ನ್ ...(SM)

ದುಸ್ರೆಂ ಮಹಾಝುಜ್ ಜಾಲ್ಯಾ ಉಪ್ರಾಂತ್ ಅಮೆರಿಕಾಗಾರಾಂಕ್ ಏಕ್ ಹೆಮ್ಮೆ ಆಸ್‌ಲ್ಲೆಂ. ಅಪ್ಣಾಚ್ಯಾಕೀ ಉತ್ತೀಮ್ ಆನಿಂ ತಾಂತ್ರಿಕ್ ಕ್ಷೇತ್ರಾಂತ್ ಅಮ್ಚ್ಯಾ ತಿತ್ಲೊ ಮುಖಾರ್ ಆಸ್ಚೊ ದೇಶ್ ದುಸ್ರೊ ನಾ ಮ್ಹುಣ್ . ಅಪ್ಣಾಚೊ ಏರ್‌ಪೋರ್ಸ್ ಭಾರಿ ಬಲಿಷ್ಠ್ ಆಸಾ ... ಕೊಣಾಯ್ಕೀ ಭಿಯೆಂವ್ಚಿ ಗರ್ಜ್ ನಾ ..ಸಾಂಗಾತಾಚ್ ಹಿಟ್ಲರಾಚೆ ಶರಣಾಗತ್ ಜಾವ್ನ್ ಆಯಿಲ್ಲೆ ರೊಕೆಟ್ ತಂತ್ರ್‌ಶಾಸ್ತ್ರಿ ಮಿಸೈಲಾಚಿ ಅಭಿವ್ರದ್ದಿ ಕರ್ನ್ ಅಸಾತ್ ... ಆನಿಂ ಥೊಡ್ಯಾಚ್ ದಿಸಾನಿಂ ಆಮಿಂ ಪಯ್ಲೆಂ ಪಾವ್ಟಿಂ ಭೂಂಯ್ಕ್ ಕ್ರತಕ್ ಉಪಗ್ರಹ್ ದಾಡ್ತಾಂವ್ .. ಆಶೆಂ ಮ್ಹುಣ್ ಕೊಚ್ಚುನ್ ಆಸ್‌ಲ್ಲೆ ಅಂಕಲ್‌ಸ್ಯಾಮ್ಸ್ ..!! ಪುಣ್ 1957 ಇಸ್ವೆಚಾ ಅಕ್ಟೊಬರ್ ಮಹಿನ್ಯಾಂತ್ ಅಮೆರಿಕಾಗಾರಂಕ್ ಏಕ್ ವಡ್ಲೊ shok ಬಸ್ಲೊ !. ಸೊವಿಯಾತ್‌ಗಾರಾನಿಂ ಪಯ್ಲೆ ಪಾವ್ಟಿಂ ಮನ್ಶ್ಯಾ ನಿರ್ಮಿತ್ ಉಪಗ್ರಹಾಕ್ ಅಂತ್ರಳಾರ್ ಪಾವಯ್ಲೆಂ ... ತೆಂಚ್ ಸ್ಪುಟ್ನಿಕ್ -1 ....!!!


ಅತಾಂಚಾ ಉಪಗ್ರಹಾಂಕ್ ಪಳೆಯ್ತಾನಾ ಹೆಂ ಸ್ಪುಟ್ನಿಕ್ -1 ಕಾಂಯ್ಚ್ ನ್ಹಂಯ್ .. ಏಕಾ ಬಾಸ್ಕೆಟ್ ಬಾಲಾಚಾ ಗಾತ್ರಾ ತಿತ್ಲೆಂ (58 ಸೆಂ.ಮೀ) . ವಜನ್ ಪಕತ್ 84 ಕೆ.ಜಿ. . ಹ್ಯಾ ಆಲ್ಯೂಮೆನಿಯಾಂ ಬಾಲಾಕ್ ದೋನ್ ಆಂಟೆನಾ ಬಸಯ್ಲಿಂ. ಹ್ಯಾ ಬಾಲಾ ಭಿತರ್ ಏಕ್ ಸರಳ್ ಜಾವ್ನ್ ಆಸ್ಚೊ ಏಕ್ ರೇಡಿಯೊ ಟ್ರಾಸ್ಮೀಟರ್ ಆನಿಂ ಸಿಲ್ವರ್ ಝಿಂಕಾಚಿ ಏಕ್ ಬ್ಯಾಟಾರಿ ಆಸ್‌ಲ್ಲಿ. ಹೊ ಟ್ರಾಸ್ಮೀಟರ್ ಘಡ್ಯೆನ್ ಘಡ್ಯೆ ಬೀಪ್ ಸೌಂಡ್ ದೀವ್ನ್ ಆಸ್‌ಲ್ಲೊ . ಭುಂಯ್ಚಾ ಸಬಾರ್ ರೇಡಿಯೊ ರಿಸೀವರಾಂಕ್ ಹೊ ಅವಾಜ್ ಆಯ್ಕೊನ್ ಆಸ್‌ಲ್ಲೊ. ಅಶೆಂ ಸೊವಿಯಾತಾಚೊ ಉಪಗ್ರಹ್ ಭೂಂಯ್ಕ್ ಭೊಂವಾರಿ ಮಾರ್ನ್ ಆಸಾ ಮ್ಹುಣ್ ಸಬೂತ್ ಮೆಳ್ಳೊ .ಹಾಚಾ ಸಾಂಗಾತಾ ಹ್ಯಾ ಬಾಲಾ ಭಿತರ್ ಏಕ್ ಫ್ಯಾನ್ ದವರ್ಲೆಂ. ಖಂಯ್ ಪ್ಯಣೀ ಹ್ಯಾ ಉಪಗ್ರಹಾಚಾ ಭಿತರ್ಲೊ ತಾಪ್ 30 ಡಿಗ್ರಿ ಸೆಲ್ಸಿಯಾಸಾಚಾಕೀ ಚಡ್ ಗೆಲ್ಯಾರ್ ತೆಂ ಫ್ಯಾನ್ ಸ್ವಯಂಚಾಲಿತ್ ಆರಂಭ್ ಜಾವ್ನಾಸ್ತಾಲೆಂ. ಹೆಂ ಸ್ಪುಟ್ನಿಕ್ -1 ಫಕತ್ 22 ದೀಸ್ ಮ್ಹುಣಾಸರ್ ಮಾತ್ರ್ ಕಾಮ್ ಕರುಂಕ್ ಸಕ್ಲೆಂ. ಮಾಗಿರ್ ಹಾಚೊ ಬ್ಯಾಟರಿ ಪುರಾ ಸುಕ್ಲ್ಯೊ ಆನಿಂ ಭೂಂಯ್ ಥಾವ್ನ್ ಸಂಪರ್ಕ್ ತುಟೊನ್ ಗೆಲೊ. ಉಪ್ರಾಂತ್ ದೋನ್ ಮಹಿನ್ಯಾ ಉಪ್ರಾಂತ್ ಭುಂಯ್ಕ್ ಆಪ್ಟಾಂವ್ಕ್ ಯೆಂವ್ಚ್ಯಾ ವೆಳಾರ್ ವಾತಾವಾರಣಾಕ್ ಘಷ್ಟೊನ್ ತೆಂ ಭಸ್ಮ್ ಜಾಲೆಂ ..!!


ಹಿ ಏಕ್ ಸ್ಪುಟ್ನಿಕಾಚಿ ದಾಕ್ಟಿ ಕಾಣಿ. ಪ್ಯಣ್ ಹ್ಯಾ ದಾಕ್ಟ್ಯಾ ಸ್ಪುಟ್ನಿಕಾನ್ ಏಕ್ ವಡ್ಲಿ ಕ್ರಾಂತ್‌ಚ್ ಕೆಲ್ಲಿ. ತೆದೊಳ್ ಮ್ಹುಣಾಸರ್ ಆಮ್ಚೊ ಏರ್‌ಪೋರ್ಸ್ ಆನಿಂ ಆಮ್ಚೊ ನ್ಯೂಕ್ಲಿಯಾರ್ ಬಾಂಬ್ ಮ್ಹುಣ್ ಬಡಾಯ್ ಉಲವ್ನ್ ಆಸ್‌ಲ್ಲ್ಯಾ ಅಮೆರಿಕಾಕ್ ಭಿರಾಂತ್ ಉಟ್ಲಿ. ಸ್ಪುಟ್ನಿಕಾಕ್ ಅಂತ್ರಾಳಾಕ್ ಪಾವಾಂವ್ಕ್ ಸೊವಿಯಾತ್‌ಗಾರಾನಿಂ ವಾಪಾರ್ಲ್ಯಾ R-7 ರೊಕೆಟಾ ಮುಖಾರ್ ಅಮೆರಿಕಾಚಿಂ ಫೈಟರ್ ವಿಮಾನಾಂ ಲೆಕಾಕ್ ದಿಸೊಂಕ್ ನಾಂತ್. ತೆನ್ನಾ ಅಮೆರಿಕಾ ಉಟೊನ್ ಬಸ್ಲೆಂ. ನಾಸಾಚೆಂ ರಚನ್ ಜಾಲೆಂ. ಉನ್ನತ್ ಆನಿಂ ತಾಂತ್ರಿಕ್ ಶಿಕ್ಪಾ ಖಾತಿರ್ ಮಿಲಿಯಾನ್ ಗಟ್ಲೆ ಡಾಲಾರ್ ತಾಣಿಂ ವೊತ್ಲೊ. ಬ್ಯಾಲಿಸ್ಟಿಕ್ ಮಿಸೈಲಾಚೊ ಕಾಳ್ ಆರಂಭ್ ಜಾಲೊ. ಸ್ಪೇಸ್-ರೇಸ್ ಭರನ್ ಚಲ್ಲೊ. ಹ್ಯಾ ವರ್ವಿಂಚ್ ಮನ್ಶ್ಯಾಕ್ ಚಂದ್ರಾರ್ ಪಾಂಯ್ ತೆಂಕೊಂಕ್ ಆನಿಂ ಸುರ್ಯಾಮಂಡಳಾಚಾ ಸರ್ವ್ ಗಿರಾಣ್ಯಾಂಕ್ ಮ್ಹುಣಾಸರ್ ಅಂತ್ರಾಳ್ ತಾರ್ವಾಂ ದಾಡುಂಕ್ ಸಾಧ್ಯ್ ಜಾಲೆಂ. .!!

ತಿತ್ಲೆಂಚ್ ನ್ಹಂಯ್ 1950 ವ್ಯಾ ದಾಕ್ಡ್ಯಾಂತ್ ಕಂಪ್ಯೂಟಾರಾಂ ಭೋವ್ ಉಣಿಂ ಆಸ್‌ಲ್ಲಿಂ. ಥೊಡ್ಯಾ ಯುನಿವರ್ಸಿಟಿಂತ್ ಮಾತ್ರ್ ಸೂಪರ್ ಕಂಪ್ಯೂಟಾರಾಂ ಆಸ್‌ಲ್ಲಿಂ. ತೆನ್ನಾ ಅಮೆರಿಕಾಚೊ ಅಧ್ಯಕ್ಷ್ ಜಾವ್ನ್ ಆಸ್‌ಲ್ಲ್ಯಾ ಐಸೊಹೊವಾರಾಕ್ , ಖಂಯ್ ಫುಣಿ ಸೊವಿಯಾತ್ ಹ್ಯಾ ಕಂಪ್ಯೂಟಾರಾಂಕ್ ಮಿಸೈಲಾ ಥಾವ್ ಬಾಂಬ್ ಘಾಲ್ನ್ ತಾಂತುಂ ಆಸ್‌ಲ್ಲೊ ಆಮೂಲ್ಯ್ ದತ್ತಾಂಶ್ ನಾಸ್ ಕರ್ತಾಗೀ ಮ್ಹುಣ್ ಭಿರಾಂತೆಂತ್ ಆಸ್‌ಲ್ಲೊ. ದೆಕುನ್ ತಾಣೆಂ ದುಸ್ರೆ-ದುಸ್ರೆ ಕಡೆ ಆಸ್‌ಲ್ಲಿಂ ಕಂಪ್ಯೂಟಾರಾಂಕ್ ಏಕಾಚ್ ನೆಟ್‌ವರ್ಕಾಕ್ ಹಾಡುಂಕ್ ಆದೇಶ್ ದಿಲೊ. ಹ್ಯಾ ವಿಶಿಂ ಸಂಸೋಧ್ ಚಲ್ನ್ ಪ್ಯಡ್ಲ್ಯಾ ಥೊಡ್ಯಾ ದಿಸಾನಿಂ ನೆಟ್‌ವರ್ಕ್ ಕರುಂಕ್ ತೆ ಸಕ್ಲೆಂ. ತೆಂಚ್ ಅಮ್ಚಾ ಅತಾಚೆಂ ಇಂಟರ್‌ನೆಟ್ ..!!! ಆಜ್ ಆಮ್ಚ್ಯಾ ಒರ್ಕುಟ್, ಫೇಸ್‌ಬುಕಾಕ್ ಬುನ್ಯಾದಿಕ್ ಕಾರಾಣ್ಂಚ್ ಹೆಂ ದಾಕ್ಟುಲೆಂ ಸ್ಪುಟ್ನಿಕ್ ..!!!


By the way ಹ್ಯಾಚ್ ಅಕ್ಟೋಬರ್ 4 ತಾರಿಕೆರ್ ಹೆಂ ಸ್ಪುಟ್ನಿಕ್ ಉಬೊನ್ 53 ವರ್ಸಾಂ ಜಾತಾತ್. ಆಜ್ ಸ್ಪುಟ್ನಿಕ್ ಯೀ ನಾ, ಸೊವಿಯಾತ್ ಯೀ ನಾ. ಪ್ಯಣ್ ಸ್ಪುಟ್ನಿಕ್ ಅಮರ್ ...!


********************************


-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಇ-ಮೈಲ್ ಟ್ರೇಸಿಂಗ್ .......!!!

ವೀಜ್-ತಪಾಲಾಚೊ ಕಾಳ್ ಹೊ. ಕಾಗ್ದಾಂಚೊ ತಪಾಲ್ ಅತಾಂ ಭಾರಿ ಅಪ್ರ್ರೂಪ್ ಜಾಲಾ. ಅತಾಂ ಚಡಾವಾತ್ ವ್ಯವಹಾರ್ ಚಲ್ಚೊ ಇ-ಮೈಲಾಂ ದ್ವಾರಿಂಚ್ . ಅಂತರ್‌ಜಾಳಿ ಯುಗಾರ್ ಇಮೈಲ್ ಖಾತೊ ನಾತ್ಲೆ ಮ್ಹುಳ್ಯಾರ್ ಭಾರಿ ವಿರಳ್. ಹೊ ಇ-ಮೈಲ್ ಕಿತ್ಲೊ ಉಪ್ಯೋಗಾಕ್ ಪಡ್ತಾಗೀ, ಥೊಡೆ ಪಾವ್ಟಿಂ ವಾಯ್ಟ್ ಉದ್ದೇಶಾಕ್‌ಯೀ ಕಾರಾಣ್ ಜಾತಾ. ಅನಾಮಿಕ್ ಇ-ಮೈಲಾಂ ಹಾಕಾ ಏಕ್ ಉದಾಹಾರಣ್. ಕಿತೆಂ ಹ್ಯಾ ಅನಾಮಿಕ್ ಇ-ಮೈಲಾಂಚೊ ಮೂಳ್ ಸೊದೊನ್ ಕಾಡುಂಕ್ ಜಾತಾ ? ತುವೆಂ ಕೊಣಾಯ್ಕೀ ಅನಾಮಿಕ್ ಇ-ಮೈಲಾಂ ದಾಡ್ಯೇತ್ ??

ಆದಿಂ ಪುರಾ ಅನಾಮಿಕ್ ಕಾಗ್ದಾಂ ಆಯ್ಲ್ಯಾರ್, ಆಮಿಂ ತ್ಯಾ ಕಾಗ್ದಾರ್ ಆಸ್‌ಲ್ಲ್ಯಾ ಪೊಸ್ಟಾಚಿ ಸೀಲ್ ಪಳವ್ನ್ ತೆಂ ಖಂಯ್ ಥಾವ್ನ್ ಭಯ್ರ್ ಸರ್ಲಾಂ ಮ್ಹುಣ್ ಖಚಿತ್ ಕರ್ಯೇತ್ ಆಸ್‌ಲ್ಲೆಂ. ಪುಣ್ ತೆಂ ಕೊಣೆ ದಾಡ್ಲಾಂ ಮ್ಹುಣ್ ಖಂಡಿತ್ ಸೊದುನ್ ಕಾಡುಂಕ್ ಜಾಯ್ನಾ. ತಶೆಂಚ್ ತುಕಾ ತುಜ್ಯಾ ಮೊಬೈಲಾಚೆರ್ ಅನಾಮಿಕ್ ಕಾಲ್ ಯಾ sms ಆಯ್ಲ್ಯಾರ್ ಅತಾಂಚೆ ವ್ಯವಸ್ಥೆ ಪ್ರಕಾರ್ , ತೆಂ ನಂಬರ್ ಖಂಚಾ ಸರ್ವಿಸ್ ಪ್ರೊ ವೈಡಾರಾಚೆಂ ?(ಉದಾ: ಏರ್‌ಟೆಲ್) ಆನಿಂ ಖಂಚಾ ಸರ್ಕಲಾ ಥಾವ್ನ್ ಆಯ್ಲಾಂ? (ಉದಾ: ಕರ್ನಾಟಕ್ ಸರ್ಕಲ್) ಹ್ಯಾ ವಿಶಿಂ ವಿವರ್ ಅಂತರ್‌ಜಾಳಿ ಥಾವ್ನ್ ಕಾಡ್ಯೇತ್. ಚಡಿತ್ ವಿವರ್ ಜಾಯ್ಜೆ ಜಾಲ್ಯಾರ್ ಸರ್ಕಾರಿ ಎಜೆನ್ಸಿ ದ್ವಾರಿಂಚ್ ಮುಕಾರ್ ವೊಸಾಜೆ. ಪ್ಯಣ್ ಇ-ಮೈಲಾಂ ವಿಶಿಂ ತಶೆಂ ನ್ಹಂಯ್. ತೆಂ ಖಂಯ್ ಥಾವ್ನ್ ಆಯ್ಲಾಂ ಆನಿಂ ಖಂಚಾ ಕಂಪ್ಯೂಟಾರಾ ಥಾವ್ನ್ ಆಯ್ಲಾಂ ಮ್ಹುಣ್ ತುಕಾಚ್ ಸೊದೊನ್ ಕಾಡ್ಯೇತ್ ..!!!!(ಥೊಡ್ಯಾ ಅಡ್ವಾದಾಂ ಸವೆಂ ..!).


ಹೆಂ ಪುರಾ ಸಾಧ್ಯ್ ಜಾವ್ನ್ ಆಸ್ಚೆಂ IP ಅಡ್ರೆಸಾ (Internet Protocol Address) ದ್ವಾರಿಂ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ... ಏಕ್ ಕಂಪ್ಯೂಟರ್ ಅಂತರ್‌ಜಾಳಿಚಾ ಸಂಪರ್ಕಾಕ್ ಯೆಜೆ ಜಾಲ್ಯಾರ್ ತಾಕಾ ಏಕ್ ಖಾಸ್ IP ಅಡ್ರೆಸ್ ಆಸಾಜೆ (ಉದಾ: 115.90.242.7) . ತುಕಾ ಹೊ IP ಅಡ್ರೆಸ್ ದಿಂವ್ಚೊ ISP(Internet Service Provider) ನ್. ಉದಾ: BSNL. ಹೊ IP ಅಡ್ರೆಸ್ static (ಮ್ಹುಳ್ಯಾರ್ ಬದ್ಲನಾತ್ಲೊ) ಯಾ dynamic (ಹರ್ಯೇಕ್ ಪಾವ್ಟಿಂ ಇಂಟರ್‌ನೆಟಾಕ್ ಕನೆಕ್ಟ್ ಜಾತಾನಾ ದುಸ್ರ್ರೆ ದುಸ್ರ್ರೆ IP ಅಡ್ರೆಸ್ ಮೆಳ್ಚೊ) ಜಾಂವ್ಕ್ ಪುರೊ. ತುಕಾ ಏಕ್ IP ಅಡ್ರೆಸ್ ಮೆಳ್ಳ್ಯಾರ್ ತೊ ಖಂಚಾ ಕಂಪ್ಯೂಟರಾಚೊ ಆನಿ ತಾಚಿ ಸುವಾತ್ ಖಂಚಿ ಮ್ಹುಳ್ಳೊ ವಿವರ್ ಕಾಡುಂಕ್ ಜಾತಾ. ಹ್ಯಾ ಖಾತಿರ್ ಅಂತರ್‌ಜಾಳಿರ್ ವಿವಿಧ್ ಸಾಪ್ಟ್‌ವೆರಾಂ ಮೆಳ್ತಾತ್ ಯಾ ಥೊಡೆ ಜಾಳಿಜಾಗ್ಯಾಂತ್(ಉದಾ: ipaddresslocation.org ) ತುವೆಂ IP ಅಡ್ರೆಸ್ ಸಮರ್ಪಿತ್ ಕೆಲ್ಯಾರ್ , ತುಕಾ ವಯ್ಲೊ ವಿವರ್ ದಿತಾತ್.


ತುಕಾ ಕೊಣಾಯ್ಚೆಂ ಇ-ಮೈಲ್  ಆಯ್ಲ್ಯಾರ್ , ತೆಂ ಇ-ಮೈಲ್ ದಾಡ್ಲ್ಯಾಚೊ IP ಅಡ್ರೆಸ್ ಖಂಯ್ ಪಳೆಂವ್ಚೊ ? ತುಜೆ ಕಡೆ Gmail ಖಾತೊ ಆಸ್ಲ್ಯಾರ್ ತ್ಯಾ ಇ-ಮೈಲಾರ್ ‘show more details’ ಮ್ಹುಳ್ಳೊ ಏಕ್ option ಆಸ್ತಾ. ತುಜೊ ಇ-ಮೈಲ್ ಖಾತೊ ಯಾಹೊ ಜಾಲ್ಯಾರ್ ‘show mail headers’  ಮ್ಹುಳ್ಳೊ option ಆಸ್ತಾ.ಇತರ್ ಖಾತೆ ಆಸ್ಲಾರೀ ತಾಂತುಂ mail headers ಪಳೆಂವ್ಚಿಂ ವ್ಯವಸ್ಥಾ ಆಸ್ತಾ. ಹ್ಯಾ mail headers ಂತ್, ತೆಂ ಇ-ಮೈಲ್ ಖಂಯ್ ಥಾವ್ನ್ ಆರಂಭ್ ಜಾವ್ನ್ ಖಂಚಾ ಖಂಚಾ ವಾಟೆರ್ ಥಾವ್ನ್ ತುಕಾ ಪಾವ್ಲಾಂ ಮ್ಹುಳ್ಳೊ ಸಂಪೂರ್‍ಣ್ ವಿವರ್ ಆಸ್ತಾ. ತುಕಾ ತ್ಯಾ ಇ-ಮೈಲ್ ‘received from:’ ಮ್ಹುಣ್ ಆಸ್‌ಲ್ಲೊ IP ಅಡ್ರೆಸ್ ಮೆಳ್ಳ್ಯಾರ್ ಪುರೊ. ತೊ IP ಅಡ್ರೆಸ್ ತುಕಾ ಇ-ಮೈಲ್ ದಾಡ್ಲ್ಯಾಚೊ . ತೊ IP ಅಡ್ರೆಸ್ ಮೆಳ್ಳ್ಯಾ ಉಪ್ರಾಂತ್ ತಾಚೆಂ ಮೂಳ್ ವಯ್ರ್ ಸಾಂಗ್‌ಲ್ಲ್ಯಾ ಪ್ರಕಾರ್ ಸೊದುನ್ ಕಾಡ್ಯೇತ್ ನೇ ..!!???

ಪುಣ್ ವಯ್ರ್ ಸಾಂಗ್‌ಲ್ಲ್ಯಾ ಪರ್ಮಾಣೆ ಹಾಕಾ ಥೊಡೆ ಅಡ್ವಾದ್‌ಯೀ ಆಸಾತ್. ಪಯ್ಲ್ಯಾನ್ ಪಯ್ಲೆಂ Gmail ಚ್..!! ತುವೆಂ Gmail ಥಾವ್ನ್‌ಇ-ಮೈಲ್ ದಾಡ್‌ಲ್ಲ್ಯಾರ್, ತಾಂಚಾ mail headers ಂತ್ ತುಜೊ IP ಅಡ್ರೆಸ್, ತೆ ದುಸ್ರ್ಯಾಂಕ್ ದಿನಾಂತ್. Google ಚೆಂ ಧೋರಣ್ ತೆಂ.!!. ತುಕಾ ತೆಂ ಇ-ಮೈಲ್ ಕೊಣಾ ಥಾವ್ನ್ ಆಯ್ಲಾಂ ಮ್ಹುಣ್ ಗರ್ಜ್ ಪಡ್ಲ್ಯಾರ್ Google, ಸರ್ಕಾರಿ ಎಜೆನ್ಸಿ ಕಡೆ ಮಾತ್ರ್ ಹೊ ವಿವರ್ ವಾಂಟ್ತಾ. ಆನೇಕ್ ಅಡ್ವಾದ್ ಆಸಾ. ತುಕಾ ತುಜೊ IP ಅಡ್ರೆಸ್ ಲಿಪೊನ್ ದವರ್ನ್ , ದುಸ್ರ್ಯಾ ಗಾಂವ್ಚೊ IP ಅಡ್ರೆಸ್ ವಾಪಾರ್ನ್ ಇಂಟರ್‌ನೆಟ್ ವಾಪಾರುಂಕ್ ಜಾತಾ. ತೆನ್ನಾ ತುವೆಂ ಏಕ್ ಇ-ಮೈಲ್ ದಾಡ್ನ್ ಪಾರ್ಲಿಮೆಂಟಾಕ್ ಬಾಂಬ್ ದವರ್ಲಾ ಮ್ಹುಣ್ ಸಾಂಗ್ಲಾರೀ , ತೆಂ ಇ-ಮೈಲ್ ಖಂಯ್ ಥಾವ್ನ್ ಆರಂಭ್ ಜಾಲಾಂ ಮ್ಹುಣ್ ಸಾಂಗೊಂಕ್ Google ಕ್‌ಯೀ ಜಾಯ್ನಾ ಹ್ಯಾ CBIಕ್‌ಯೀ ಜಾಯ್ನಾ. ಪ್ಯಣ್ ತಶೆಂ ಕರಿಜೆ ಜಾಲ್ಯಾರ್ ಅಂತರ್‌ಜಾಳಿಚಾ ಜಾಳಿ ವಿಶ್ಯಾಂತ್ ತುಕಾ ಮಸ್ತ್ ಜಾಣ್ವಾಯ್ ಆಸಾಜೆ. ತೆನ್ನಾ ಕಾಲೆಂ ಯೀ ಕರ್ಯೇತ್ ..!!!






************************************


-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಯೇವ್ನ್ ಆಸಾ ನ್ಯೊ ಡೆಲ್ಲಿ ಸೂಪರ್ ಬಗ್ ...

ನ್ಯೊ ಡೆಲ್ಲಿ ಅತಾಂ ಸಗ್ಳ್ಯಾ ಸಂಸರಾಂತ್ ಚ್ ಖಬ್ರೆಕ್ ಗ್ರಾಸ್ ಜಾಲ್ಯಾ. ಕೊಮಾನ್ ವೆಲ್ತ್ ಖೆಳ್ ಸಂಘಟನ್ ಕರ್ಛೊ ಅವ್ಕಾಸ್ ಮೆಳ್ಳ್ಯಾರೀ , ತಾಂತ್ಲ್ಯಾ ಭ್ರಷ್ಟ್ ವ್ಯವಹಾರಾಂ ನಿಮ್ತಿಂ ಡೆಲ್ಲಿಚಿ (ಕು)ಖ್ಯಾತ್ ಚಡ್ಲ್ಯಾ. ತಿತ್ಲೆಂಚ್ ಗೀ ಮ್ಹುಣ್ತಾನಾ ಡೆಲ್ಲಿ ಕ್ (ಕು)ಪ್ರಸಿದ್ದ್ ಕರ್ಚಿ ಅನ್ಯೇಕ್ ಸಂಗತ್ ಥೊಡ್ಯಾ ದಿಸಾಂ ಥಾವ್ನ್ ಭರನ್ ಚಲೊವ್ನ್ ಆಸಾ. ಸಗ್ಳೊ ಸಂಸಾರ್ ಚ್ ನ್ಯೊ ಡೆಲ್ಲಿ ಚೆಂ ಜಪನ್ ಕರ್ನ್ ಆಸಾ.  ತೆಂಚ್ NDM-1 ಯಾ New Delhi metallo-beta-lactamase-1 ಮ್ಹುಳ್ಯಾ ಮಾರೆಕಾರ್ ಮೆಡಿಕಲ್ ಸುಪರ್ ಬಗ್ ಖಾತಿರ್. ಕಾಲೆಂ ಹೆಂ NDM-1 ???


ಹೆಂ NDM-1 ಮ್ಹುಳ್ಳೆಂ ಏಕ್ ಜೀನ್ ಯಾ DNA ಕೋಡ್. ಥೊಡ್ಯಾ ಬ್ಯಾಕ್ಟೇರಿಯಾಂತ್ ಹೆಂ DNA ಕೋಡ್ ವಚುನ್ ಸೆರ್ವಲಾಂ . ಹೆಂ ಜೀನ್ ಮೆಳ್ಳೆಂಚ್ , ತ್ಯಾ ಬ್ಯಾಕ್ಟೇರಿಯಾಂಕ್ ಭಿರಾಂಕುಳ್ ಸಕತ್ ಮೆಳ್ಳ್ಯಾ . ..!! ಮ್ಹುಳ್ಯಾರ್ ಖಂಚಾಯ್ ರೋಗ್- ನಿರೋಧಕ್ ಸಕ್ತೆಕ್ ಹಿಂ ಬ್ಯಾಕ್ಟೇರಿಯಾಂ ಬಗ್ಗನಾಂತ್. ಖಂಚಾಯ್ ಬ್ಯಾಕ್ಟೇರಿಯಾಂತ್ NDM-1 DNA ಕೋಡ್ ಸೆರ್ವಲ್ಯಾರ್ , ತ್ಯಾ ಬ್ಯಾಕ್ಟೇರಿಯಾಂ ವಿರೋಧ್ ಜುಝೊಂಕ್ ಅಮ್ಚ್ಯಾ ಖಂಚಾಯ್ ರೋಗ್- ನಿರೋಧಕ್ ವೊಕ್ತಾಂಕ್ ಸಾಧ್ಯ್ ನಾ. ತಶೆಂ ಮ್ಹುಳ್ಯಾರ್ ತ್ಯಾ ಬ್ಯಾಕ್ಟೇರಿಯಾಂ ಥಾವ್ನ್ ಯೆಂವ್ಛ್ಯಾ ಪಿಡೆಂಕ್ ವೊಕಾತ್ ನಾ. !! ಸಧ್ಯಕ್ ಹೆಂ DNA ಕೋಡ್ E.Coli ಆನಿಂ Klebsiella ಮ್ಹುಳ್ಳ್ಯಾ ಥೊಡ್ಯಾ ಬ್ಯಾಕ್ಟೇರಿಯಾಂತ್ ಮಾತ್ರ್ ಸೆರ್ವಲಾಂ . ನ್ಯೊಮೋನಿಯಾ ಹಾಡ್ಚೆಂ ಬ್ಯಾಕ್ಟೇರಿಯಾ ತೆಂ. ವರ್ತ್ಯಾ ವೇಗಾನ್ ಹೆ ವಿಸ್ತಾರುನ್ ಆಸಾ. ಇತರ್ ಬ್ಯಾಕ್ಟೇರಿಯಾಂತ್ ಯೀ NDM-1 ಸೆರ್ವೊಂಚೆ ಸಾದ್ಯ್ ಆಸಾ ಮ್ಹುಣ್ತಾತ್ ವಿಗ್ಯಾನಿ . NDM1 ಪೊಸಿಟಿವ್ ಆಸ್ ಲ್ಲ್ಯಾ ಪಿಡೆಸ್ತಾ ಥಾವ್ನ್ ಹೆಂ ಜೀನ್ ಭಾರಿ ಸುಲಾಭಾಯೆರ್ ಪ್ರಸಾರ್ ಜಾತಾ. ವಾರೆಂ , ಉದಾಕ್ , ಯಾ ಪಿಡೆಸ್ತಾನ್ ವಾಪಾರ್ಲ್ಯೊ ವಸ್ತು ಆಪೊಡ್ಲ್ಯಾರ್ ಯಾ ಪಿಡೆಸ್ತಾ ಮುಖಾರ್ ರಾವ್ಲ್ಯಾರೀ ಹಾಚೊ ಪ್ರಸಾರ್ ಜಾತಾ.ತಶೆಂ ಜಾಲ್ಯಾರ್ ಮುಕ್ಲೆ ದೀಸ್ ಕರಾಳ್ ಜಾತೆಲೆ ..!!

By the way ಹೆಂ DNA ಕೋಡ್ ಇಂಡಿಯಾ ಥಾವ್ನ್ ಆರಂಭ್ ಜಾಲ್ಲೆಂ ಮ್ಹುಣೊನ್ ಹಾಕಾ New Delhi Metallo beta lactamase ಮ್ಹುಳ್ಳೆಂ ನಾಂವ್ ದಿಲಾಂ.ಇಂಡಿಯಾಕ್ ಚಿಕಿತ್ಸಾಕ್ ಮ್ಹುಣ್ ಆಯಿಲ್ಯಾ ಏಕಾ ಸ್ವೀಡಿಶ್ ಪಿಡೆಸ್ತಾಚಾ ಕುಡಿ ಥಾವ್ನ್ ಹೆಂ ಬಗ್ ದಿಸೊನ್ ಆಯಿಲೆಂ. ದೆಕುನ್ ಇಂಡಿಯಾಚಾ ಮಾಂಡ್ಯಾರ್ ಗುಗ್ ಬಸಯ್ಲ್ಯಾ. ಪುಣ್ ಹೆಂ ಬಗ್ ಇಂಡಿಯಾ ಥಾವ್ನ್ಂಚ್ ಆರಂಭ್ ಜಾಲಾಂ ಮ್ಹುಣ್ ಸಾಂಗೊಂಕ್ ಯೆದೊಳ್ ಕಸಲೆಯೀ ಸಬೂತ್ ಮೆಳೊಂಕ್ ನಾ. ದೆಖುನ್ ಇಂಡಿಯಾ ಖುಬಾಳ್ಳಾಂ . . ಹಾಕಾ ಏಕ್ ಕಾರಾಣ್ ಯೀ ಆಸಾ. ಇಂಡಿಯಾಂತ್ ಮೆಳ್ಛ್ಯಾ ಉತ್ತೀಮ್ ಆನಿಂ ಉಣ್ಯಾ ಮೊಲಾಚಾ ಚಿಕಿತ್ಸೆಕ್ ಮಸ್ತ್ ವಿದೇಶಿ ಹಾಂಗಾ ಮೆಡಿಕಲ್ ಟೂರಿಸಾಂಕ್ ಖಾತಿರ್ ಯೆತಾತ್. ಹ್ಯಾ trend ಕ್ ಅಸ್ತಮೆಚೊ ಮೆಡಿಕಲ್ ಲಾಭಿ ಕಂಗಾಲ್ ಜಾಲ್ಯಾತ್. ಏಕ್ ಆಸ್ತ್ರ್ ಜಾವ್ನ್ ವಾಪಾರುನ್ ಆಸಾತ್ ಗೀ ? . NDM1 ದ್ವಾರಿ ಇಂಡಿಯಾಚಾ ಮೆಡಿಕಲ್ ಟೂರಿಸಾಂಮಾಕ್ ಮಾರ್ ಪಡ್ತಾ ಖಚಿತ್. ತಿತ್ಲೆಂಚ್ ನ್ಹಂಯ್ .. ಥೊಡ್ಯಾಚ್ ದಿಸಾನಿಂ Delhi 2010 ಕೊಮಾನ್ ವೆಲ್ತ್ ಖೆಳ್ ಆಸಾತ್. ಪಯ್ಲೆಂಚ್ ಕಲ್ಮಾಡಿಚಾ ಗೋಲಾಮಾಲಾ ದ್ವಾರಿಂ ಅಸ್ತ್ ವ್ಯಸ್ತ್ ಜಾಲ್ಯಾ ಹ್ಯಾ ಖೆಳಾಕ್ ನ್ಯೊ ಡೆಲ್ಲಿ ಸೂಪರ್ ಬಗ್ ನಿಮ್ತಿಂ ಆನ್ಯೇಕ್ ಲಾತ್ ಬಸ್ಲ್ಯಾ. ಮುಕಾರ್ ಕಾಲೆಂ ಜಾತಾ ಪಳಯ್ಜೆ ..!!!


*****************************

ತುಕಾಯೀ ಟ್ವೀಟ್ ಕರುಂಕ್ ಆಸಾ ?? (MITHR)

ಬ್ಲಾಗಿಂಗ್ ಜಾಲೆಂ... ಅತಾಂ ಮೈಕ್ರೊ ಬ್ಲಾಗಿಂಗ್ .. ಅಂತರ್‌ಜಾಳಿರ್ ಸಧ್ಯಚೆಂ ಪ್ರಸಿದ್ದ್ trend ಚ್ ಮೈಕ್ರೊ ಬ್ಲಾಗಿಂಗ್. ಸಬಾರ್ ಮೈಕ್ರೊ ಬ್ಲಾಗಿಂಗ್ ಜಾಳಿಜಾಗೆ ಅಂತರ್‌ಜಾಳಿರ್ ಆಸ್ಲ್ಯಾರೀ ತಾಂತುಂ ಟ್ವಿಟರ್‌ಚ್ ಲೊಕಾಮೊಗಾಳ್.


ಇತ್ಲ್ಯಾಕೀ ಟ್ವಿಟರ್ ಕಾಂಯ್ ಏಕ್ ವಡ್ಲಿ ತಾಕ್ನೀಕ್ ನ್ಹಂಯ್. ಪುಣ್ 2006 ಇಸ್ವೆಂತ್ www.twitter.com ಆರಂಭ್ ಕೆಲ್ಲ್ಯಾ ಜಾಕ್ ಡೊರಿನ್ಸಾಕ್ ಹೆಂ ಅಪ್ಲೆಂ ತಾಣ್ ಇತ್ಲೆಂ ಲೊಕಾಮೊಗಾಳ್ ಜಾತಾ ಕೊಣ್ಣಾ ಮ್ಹುಣ್ ಸಪ್ಣಾಂತ್ ಯೀ ಚಿಂತುಂಕ್ ನಾತ್‌ಲ್ಲೆಂ ಜಾವ್ಯೇತ್. ತವಳ್ ಜಾಳಿರ್ ಮೈಕ್ರೊ ಬ್ಲಾಗಿಂಗ್ ನವೆಂ ಕಲ್ಪನ್. ಪುಣ್ ಅತಾಂ ಟ್ವಿಟರ್‌ಚ್ ಲೀಡಾರ್. ಹೆಂ ಟ್ವಿಟರ್ ಏಕ್ social networking ಜಾಳಿಜಾಗೊ. ಫೇಸ್‌ಬೂಕ್ ಯಾ ಒರ್‍ಕುಟಾ ಬರಿ. ಪುಣ್ ಹಾಂತುಂ ಇಲ್ಲೆಶೆಂ ಬದ್ಲಾವಣ್ ಆಸಾ. ಹಾಂತುಂ friends ಮ್ಹುಳ್ಳೆಂ ಕಲ್ಪನ್ ನಾ. ಆಸ್ಚೆಂ following ಆನಿಂ followers ಮ್ಹುಳ್ಳಿಂ ದೋನ್ ಚಿಂತ್ಪಾಂ. following ಮ್ಹುಳ್ಯಾರ್ ತುಂ ಕೊಣಾಚೊ ಪಾಟ್ಲಾವ್ ಕರ್ತಾಯ್ ಮ್ಹುಣ್ ಆನಿ followers ಮ್ಹುಳ್ಯಾರ್ ತುಜೊ ಕೋಣ್ ಪಾಟ್ಲಾವ್ ಕರ್ತಾತ್ ಗೀ ಮ್ಹುಣ್. ತುವೆಂ twitter.com ಂತ್ ರಿಜಿಸ್ಟರ್ ಕೆಲ್ಯಾರ್, ತುವೆಂ ಟ್ವೀಟ್ ಕರ್ಯೇತ್. ತಶೆಂ ಮ್ಹುಳ್ಯಾರ್ ಕಸೊಲೊ ಯೀ ಸಂದೇಶ್ ಬರವ್ಯೇತ್. (ಫ಼ೇಸ್‌ಬುಕಾಚಾ ವಾಲಾಂತ್ ಬರಯ್ಲ್ಯಾ ಬರಿ). ಪುಣ್ ತೊ ಸಂದೇಶ್ 140 ಚರ್ ಭಿತರ್ ಆಸಾಜೆ. ಮ್ಹುಳ್ಯಾರ್ ಏಕಾ ಸ್ನ್ಸ್ ತಿತ್ಲೊ. ತೊ ಸಂದೇಶ್ ತುಜ್ಯಾ followers ಂಕ್ ಪುರಾ ಪಾವ್ತಾ. ತೆ ತುಕಾ ಪ್ರತಿಕ್ರಿಯಾಯೀ ಬರಂವ್ಕ್ ಪುರೊ. ತುವೆಂ follow ಕರ್ಚ್ಯಾಂಚೆ ಸಂದೇಶ್ ಆಸ್ಲ್ಯಾರ್, ತೆ ಪುರಾ ತುಜಾ ಹೋಮ್ ಪೇಜಿರ್ ಅಸ್ತಾತ್.. ಇತ್ಲೆಂಚ್ ನ್ಹಂಯ್ ತುಕಾ ಟ್ವಿಟರಾರ್ ಸಂದೇಶ್ ದಾಡುಂಕ್ ಯಾ ಟ್ವೀಟ್ ಕರುಂಕ್ ಆಸ್ಲ್ಯಾರ್ , www.twitter.com ಕ್‌ಚ್ ವಚಜೆ ಮ್ಹುಣ್ ನಾ. ಟ್ವಿಟರಾಕ್ ಸಂಬಂಧ್ ಜಾಲ್ಲಿಂ ಮಸ್ತ್ ಅಪ್ಲಿಕೇಶನ್ ಸಾಪ್ಟ್‌ವೆರಾಂ ಅಸಾತ್. ತಿಂ ತುಜ್ಯಾ ಫೊನಾಂತ್ ಗಾಲ್ನ್‌ಯೀ ಟ್ವೀಟ್ ಕರ್ಯೇತ್. ಸಾಂಗಾತಾ ತುವೆಂ ತುಜಿ sms, 53000 (ಇಂಡಿಯಾಂತ್)ನಂಬ್ರಾಕ್ ದಾಡ್‌ಲ್ಲ್ಯಾರೀ ತುಜ್ಯಾ ಟ್ವಿಟರ್ ಪೇಜಿಕ್ ಪಾವ್ತಾ. ತುಜೊ ಟ್ವಿಟರ್ ಖಾತೊ , ಫೇಸ್‌ಬುಕಾಕ್ ಯೀ ಲಿಂಕ್ ಕರ್ಯೇತ್. Selective Tweet ಯಾ ಇತರ್ ಅಪ್ಲಿಕೇಶನಾಂ ಫೇಸ್‌ಬುಕಾಂತ್ ಅಸಾತ್. ತಶೆಂ ಕೆಲ್ಲ್ಯಾರ್ ತುಜೆ ಟ್ವೀಟ್ಸ್ ಫೇಸ್‌ಬುಕಾಂತ್ಲ್ಯಾ ತುಜಾ friends ಂಕ್ ಯೀ ಪಾವ್ತಾತ್. ಥೊಡೆ ಪಾವ್ಟಿಂ ಟ್ವಿಟರ್ ಕಿತ್ಲ್ಯಾ ಗರ್ಜೆಕ್ ಪಡ್ತಾ ಮ್ಹುಳ್ಯಾರ್ ಮುಂಬೈಚಾ ತಾಜ್ ಹೊಟೆಲಾಂತ್ ಜಾಲ್ಲ್ಯಾ ಟೆರರಿಸ್ಟ್ ಅತಿಕ್ರಮಣ್ಂಚ್ ಏಕ್ ವಡ್ಲೆಂ ದ್ರಷ್ಟಾಂತ್. ಹ್ಯಾ ಅತಿಕ್ರಮಣಾಂತ್ ಶಿರ್ಕಾಲ್ಯ ಸಬಾರಾನಿಂ ಅಪ್ಲೆಂ ಫೋನಾ ಥಾವ್ನ್ ಟ್ವೀಟ್ ಕರ್ನ್ ಅಪ್ಣಾಂಚಾ ರೆನ್ಸ್ ಸಾಂಗಾತಾ ಸಂಪರ್ಕ್ ಕೆಲ್ಲೊ ತಾಣಿ.. ಅಶೆಂ ಗರ್ಜೆಚಾ ಸಂದರ್ಭರ್ ಟ್ವಿಟರ್ ಉಪ್ಯೋಗಾಕ್ ಪಡ್‌ಲ್ಲೆಂ ಮಸ್ತ್ ದ್ರಷ್ಟಾಂತ್ ಆಸಾತ್.

ಆಜ್ ಬರಾಕ್ ಒಬಾಮಾ ಥಾವ್ನ್ ದಲೈಲಾಮಾ ಮ್ಹುಣಾಸರ್, ಶಶಿ ತರೂರಾ ಥಾವ್ನ್ ನರೇಂದ್ರ ಮೋದಿ ಮ್ಹುಣಾಸರ್ , ತೆಂಡುಲ್ಕಾರಾ ಥಾವ್ನ್ ಅಮಿತಾಭ್ ಬಚ್ಚಾನಾ ಮ್ಹುಣಾಸರ್ ಸಕ್ಕಡೀ ಟ್ವಿಟರ್ ಉಪ್ಯೋಗ್ ಕರ್ನ್ ಆಸಾತ್. ಸಂಸರಾಂತ್ ಏಕಾ ಸೆಕುಂಡಾಕ್ ಲಾಗ್ಗಿಂ ಲಾಗ್ಗಿಂ ಏಕ್ ಹಜಾರ್ ಮ್ಹುಣಾಸರ್ ಟ್ವೀಟ್ ಯೆತಾತ್. ಸೆಲೆಬ್ರೆಟಿಂಕ್ ಟ್ವಿಟರ್ ಏಕ್ ವಡ್ಲೆಂ ಉಪ್ಕಾರೀ ಮಾಧ್ಯಮ್. ಥೊಡಿಂ ಟ್ವೀಟ್ ಕರ್ನ್ಂಚ್ ಖಬ್ರೆರ್ ಆಸ್ತಾತ್. ಗೆಲೆತ್ಯಾ ಇಪ್ಲ್ ಗೋಲ್‌ಮಾಲ್ ತೆದಾಳಾ ಲಲಿತ್ ಮೋದಿ ಆನಿಂ ಶಶಿ ತರೂರಾನ್ ಟ್ವಿಟರ್ ಕಶೆಂ ವಾಪಾರ್ಲೆಂ ಮ್ಹುಣ್ ತುಮ್ಕಾಂ ಕಳಿತ್ ಆಸೊಂಕ್ ಪುರೊ.ಮೀಡಿಯಾ ಥಾವ್ನ್ ಭೂಗತ್ ಜಾಲ್ಯಾ ಲಲಿತ್ ಮೋದಿನ್ ಟ್ವೀಟ್ ಕರ್ನ್ಂಚ್ ಕಬ್ರೊ ಕರ್ನ್ ಅಸ್‌ಲ್ಲೊ. ತಶೆಂ ಜಾಲ್ಲ್ಯಾನ್, CNN-IBN ಚಾ ರಾಜ್‌ದೀಪ್ ಸರ್ದೇಸಾಯಿ, NDTV ಚೆಂ ಬರ್ಕಾ ದತ್ತ್, Times Now ಚಾ ಅರ್ನಭ್ ಗೊಸ್ವಾಮಿ ತಸಲೆ ವಡ್ಲೆ ವಡ್ಲೆ ಪತ್ರಕರ್ತ್ ಯೀ ಮೋದಿಚಾ ಟ್ವಿಟರಾಚೆರ್ ನಿಗಾ ದವರ್ನ್ ಆಸ್‌ಲ್ಲೆ. ಆಶೆಂ ಮಿಡಿಯಾಗಾರಾಂಕ್ ಯೀ , ಬ್ಯೂಸಿನೆಸಾಂತ್ ಯೀ ಟ್ವಿಟರ್ ಲೊಕಾಮೊಗಾಳ್ ಜಾಲಾಂ. ಆಜ್ ಸಂಸರಾಂತ್ ಸರಿ ಸುಮಾರ್ 200 ಮಿಲಿಯಾನ್ ಲೋಕ್ ಟ್ವಿಟರ್ ವಾಪರ್ನ್ ಆಸಾತ್. What’s happening ? ಟ್ವಿಟರಾಚೆಂ ಘೋಷಣ್ ವಾಕ್ಯ್. ತುಕಾ ಕಾಲೆಂ ಜಾಲಾಂ ? ತುಜೆ ಕಡೆ ಟ್ವಿಟರ್ ಯೆದೊಳ್‌ಚ್ ನಾಂ ಗೀ ? ತರ್ ಆಜ್‌ಚ್ ರಿಜಿಸ್ಟರ್ ಕರ್ ..!!


***************************


www.twitter.com/pramrods

ತುಮ್ಚೆಂ ಮೊಬೈಲ್ ಫೋನ್ ಕಿತ್ಲೆಂ ಸುರಕ್ಷಿತ್ ?(MITHR)

ಮೊಬೈಲ್ ಫೋನ್ ವಾಪಾರ್ಲ್ಯಾರ್ ಕ್ಯಾನ್ಸಾರ್ ಯೆತಾಗೀ ? ಯಾ ದುಸ್ರ್ಯೊ ಕಸಲ್ಯೋಯೀ ಪಿಡಾ ??. ಅಸಲಿಂ ಸವಲಾಂ ಅತಾಂ ಚಡಿತ್ ಜಾವ್ನ್ ಯೇವ್ನ್ ಆಸಾತ್. ಕಿತ್ಯಾಕ್ ಮ್ಹುಳ್ಯಾರ್ ಯೆದೊಳ್‌ಚ್ ಹ್ಯಾ ಸಂಸರಾಂತ್ ಮೊಬೈಲ್ ಫೋನಾಂಚೊ ಸಂಖೊ 5 ಬಿಲಿಯಾನ್ ಮ್ಹುಣಾಸರ್ ಪಾವ್ಲಾ,... Electro magnetic radiation ಚೆಂ ಮೆಳ್ಸಾನ್ ವಡ್ಲ್ಯಾ ಮಾಪಾನ್ ಚಡ್ಲಾಂ. ಕಿತ್ಲೆ ಮಾರೆಕಾರ್ ವಿಕಿರಣ್ ಹೆ ...!! ???


ತುಮ್ಕಾಂ ಕಳಿತ್ ಆಸೊಂಕ್ ಪುರೊ... ತುಮ್ಚೆಂ ಸೆಲ್ ಫೋನ್ ಕಾಮ್ ಕರಿಜೆ ಜಾಲ್ಯಾರ್ ಲಾಗ್ಗಿಂ ಆಸ್‌ಲ್ಲ್ಯಾ ಮೊಬೈಲ್ ಟವರಾ ಕಡೆ ಸಂಪರ್ಕ್ ಕರಿಜೆ ಮ್ಹುಣ್ ...! ಹೊ ಸಂಪರ್ಕ್ ಸಾಧ್ಯ್ ಜಾಂವ್ಚೊಚ್ ರೇಡಿಯೊ ತರಂಗಾ ದ್ವಾರಿಂ. ... ತಶೆಂ ಮ್ಹುಳ್ಯಾರ್ ಮೊಬೈಲ್ ಫೋನ್ ವಾಪಾರ್ತಾನಾ ತುಂ ಜರೂರ್ ಜಾವ್ನ್ ರೇಡಿಯೊ ತರಂಗಾಚಾ ಸಂಪರ್ಕಾಕ್ ಯೆತಾಯ್.. ಹೆ ರೇಡಿಯೊ ತರಂಗ್ ತುಮ್ಚ್ಯಾ ಕುಡಿಕ್ ಬರೆ ಗೀ ?? ಖಂಡಿತ್ ನ್ಹಂಯ್.. ರೇಡಿಯೊ ತರಂಗಾ ನಿಮ್ತಿಂ ತುಮ್ಕಾಂ ಕ್ಯಾನ್ಸಾರ್ ಯೇಂವ್ಕ್ ಪುರೊ ಯಾ ಇತರ್ ಪಿಡ್ಯೊ... ಆಶೆಂ ಮ್ಹುಣ್ತಾತ್ ಬ್ರಿಟಿಶ್ ಆನಿಂ ಆಸ್ರೇಲಿಯಾನ್ ವಿಗ್ಯಾನಿ ..

ಆಶೆಂ ಜಾಲ್ಯಾನ್ ಮೊಬೈಲ್ ಫೋನ್ ವಾಪಾರ್ತಾನಾ ಆಮಿಂ ಥೊಡಿ ಜಾಗ್ರೂತ್‌ಕಾಯ್ ಕಾಣ್ಘೆಂವ್ಚಿ ಭವ್ ಬರಿ . ಪಯ್ಲ್ಯಾನ್ ಪಯ್ಲೆಂ ತುವೆಂ ಮೊಬೈಲ್ ಹ್ಯಾಂಡ್‌ಸೆಟ್ ಘೆತಾನಾ, ತ್ಯಾ ಫೊನಾಂತ್ ಕಸಲೆ feature ಆಸಾತ್ ಗೀ ಮ್ಹುಣ್ ಪಳೆಂವ್ಚಾ ಪಯ್ಲೆಂ ತ್ಯಾ ಮೊಬೈಲಾಚೆಂ SAR ( Specific Absorption Rate) ಕಿತ್ಲಿ ಮ್ಹುಣ್ ಪಳೆಯ್ಲ್ಯಾರ್ ಬರೆಂ. ಮೊಬೈಲಾ ದ್ವಾರಿಂ ರೇಡಿಯೊ ವಿಕಿರಣಾಂ ತುಜೆ ಥಂಯ್ ಪಾವ್ತಾನಾ , ಕಿತ್ಲ್ಯಾ ಮಾಫನ್ ತುಜಿ ಕೂಡ್ ತ್ಯಾ ವಿಕಿರಣಾಂಕ್ ವೋಡ್ನ್ ಕಾಣ್ಘೆಂವ್ಕ್ ಸಕ್ತಾಗೀ ಮ್ಹುಳ್ಳಿ ಮೆಜಾವ್ಣಿಂಚ್ SAR. ಅಮೆರಿಕಾಂತ್ 1.6 w/Kg ಚಾಕೀ ಚಡ್ SAR ಆಸ್‌ಲ್ಲ್ಯಾ ಮೊಬೈಲಾಂಕ್ ನಿಶೇಧ್ ಕೆಲಾಂ. ತುಜ್ಯಾ ಮೊಬೈಲಾಚೆಂ SAR ಕಿತ್ಲೆಂ ಉಣೆಂ ಗೀ ತಿತ್ಲೆಂ ಬರೆಂ ತುಜ್ಯಾ ಕುಡಿಕ್. ತುಜೆಂ ಫೋನ್ ನೋಕಿಯಾ ಜಾಲ್ಯಾರ್ www.nokia.com/sar ಮ್ಹುಳ್ಯಾ ಜಾಳಿಜಾಗ್ಯಾಕ್ ಭೆಟ್ ದೀವ್ನ್ ತುಜ್ಯಾ ಫೊನಾಚೆಂ SAR ಕಿತ್ಲೆಂ ಮ್ಹುಣ್ ಪಳವ್ಯೇತ್. ಇತರ್ ಕಂಪ್ಣೆಚೆಂ ಮೊಬೈಲ್ ಜಾಲ್ಯಾರ್ ತಾಂಚೊ ಜಾಳಿಜಾಗೊ ಯಾ ತಾಂಚೊ ಮ್ಯಾನ್ವಾಲ್ ಪಳೆಯ್ಲ್ಯಾರ್ SAR ಕಿತ್ಲೆಂ ಮ್ಹುಣ್ ಕಳ್ತಾ... !

ದಾಕ್ಟ್ಯಾ ಭುರ್ಗ್ಯಾಂಕ್ ಮ್ಹುಣೀ ಖಂಯ್ ಫುಣೀ ಜರೂರ್ ಗರ್ಜ್ ಪಡ್ಲ್ಯಾರ್ ಮಾತ್ರ್ ಮೊಬೈಲ್ ದಿಯಾ. ಕಿತ್ಯಾಕ್ ಮ್ಹುಳ್ಯಾರ್ ದಾಕ್ಟ್ಯಾಂ ಭುರ್ಗ್ಯಾಂಚೆಂ ಮೆಂದ್ವಾಚೆಂ ಕಟ್ಟೆಂ ಭಾರಿ ಪಾತಾಳ್ ಆಸ್ತಾ ಆನಿಂ ರೇಡಿಯೊ ತರಂಗ್ ಸುಲಭಾಯೆನ್ ತಾಂತುಂ ರಿಗ್ತಾತ್. ತಶೆಂಚ್ ಗರ್ಭೇಸ್ತ್ ಸ್ತ್ರಿಯಾನಿಂ ಸಯ್ತ್ ಮೊಬೈಲ್ ವಾಪಾರ್ಚೆಂ ಉಣೆಂ ಕೆಲ್ಯಾರ್ ಭವ್ ಬರೆಂ. ಮೊಬೈಲಾಚೆ ಹೆ ವಿಕಿರಣ್ ಗರ್ಭಂತ್ ಆಸ್‌ಲ್ಲ್ಯಾ ಬಾಳ್ಶ್ಯಾ ವಯ್ರ್ ಯೀ ಪರಿಣಾಮ್ ಕರುಂಕ್ ಸಕ್ತಾತ್...!! ತಶೆಂ ಜಾಲ್ಯಾನ್ ಮೊಬೈಲಾಚಾ ಕೀ ಚಡ್ ಜಾತಾ ತಿತ್ಲೆಂ ಲ್ಯಾಂಡ್ ಲೈನ್ ವಾಪಾರ್ಚೆಂಚ್ ಸುರಕ್ಷಿತ್. ಮೊಬೈಲ್ ಫೊನಾರ್ ಉಲಾಯ್ಜೆ ಜಾಲ್ಯಾರ್ ಪಂದ್ರಾ ಸೆಂಟಿ ಮೀಟಾರ್ ಪಯ್ಸ್ ಥಾವ್ನ್ ಸ್ಫೀಕರ್ ಫೋನ್ ಗಾಲ್ನ್
ಉಲಾಯ್ಲ್ಯಾರ್ ಆಪಾಯ್ ಉಣೊ. ಹೆಡ್‌ಫೋನ್ ಗಾಲ್ನ್ ಮೊಬೈಲಾರ್ ಉಲಾಂವ್ಚೆಂ ಆನಿಂ ಮ್ಯೂಸಿಕ್ ಆಯ್ಕಾಂವ್ಚೆಂ ಭಾರಿ ರಿಸ್ಕೆಚೆಂ. ಕಿತ್ಯಾಕ್ ಮ್ಹುಳ್ಯಾರ್ ಹೆಡ್‌ಫೋನ್ ಆಂಟೆನಾ ಭರಿ ವರ್ತನ್ ಕರ್ನ್, ತೀನ್ ಪಟ್ಟ್ ಚಡ್ ವಿಕಿರಣಾಂಕ್ ತುಜ್ಯಾ ಕಾನಾಂಕ್ ದಾಡ್ತಾ. ತುಕಾ ಹೆಡ್‌ಫೋನ್ ಜಾಯ್ಜೆಚ್ ಜಾಲ್ಯಾರ್ Air tube ಹೆಡ್‌ಫೋನ್ ಘೆ. ಮೋಲ್ ಮಾತ್ರ್ ಚಡ್ ಪಡ್ತಾ. ಪ್ಯಣ್ ವಿಕಿರಣಾಂಕ್ ತೆಂ ನಿಷ್ಕ್ರೀಯ್ ಕರ್ತಾ. ಸಾಂಗಾತಾ wireless ಯಾ Bluetooth ಹೆಡ್‌ಫೋನಾಯೀಂ ಭಾರಿ ರಿಸ್ಕೆಚಿಂ. .. ಚಡಿತ್ ವಿಕಿರಣಾಂಕ್ ಹೆಂ Bluetooth ಚ್ ಉತ್ಪನ್ನ್ ಕರ್ತಾ. .. !!ತಿತ್ಲೆಂಚ್ ನ್ಹಂಯ್.,ರೇಂಜ್ ಉಣಿ ಆಸ್ಲ್ಯಾರ್ ತುವೆಂ ಮೊಬೈಲ್ ವಾಪಾರ್ಚೆಂ ಯೀಂ ಬರೆಂ ನ್ಹಂಯ್. ತುಜ್ಯಾ ಫೊನಾಂತ್ಲೆಂ ಆಂಟೆನಾ ಟವರಾಕ್ ಸಂಪರ್ಕ್ ಕರುಂಕ್ ಪೆಚಾಡುನ್ ಆಸ್ತಾನಾ ಆಧಿಕ್ ಮಾಫನ್ ವಿಕಿರಣಾಂಕ್ ಉತ್ಪನ್ನ್ ಕರ್ತಾ. ತಶೆಂಚ್ ಬಸ್ಸ್ , ಟ್ರೈನ್ ಯಾ ಇತರ್ ವಾಹಾನಂ ರ್ ಪಯ್ಣ್ ಕರ್ತಾನಾ ಮೊಬೈಲ್ ವಾಪರ್ಚೆಂ ಯೀ ಬರೆಂ ನ್ಹಂಯ್. GSM ವಿಗ್ಯಾನಾ ಪ್ರಕಾರ್ , ಸಿಗ್ನಲ್ ಏಕಾ ಟವರಾ ಥಾವ್ನ್ ಆನ್ಯೇಕಾ ಟವರಾಕ್ ಸ್ಥಳಾಂತರ್ ಜಾತಾನಾ ಚಡಿತ್ ಮಾಫಾನ್ ವಿಕಿರಣಾಂಕ್ ದಾಡ್ತಾ. .!

ಮೊಬೈಲ್ ಹ್ಯಾಂಡ್‌ಸೆಟ್ಟ್ ಮಾತ್ರ್ ನ್ಹಂಯ್, ತುಜ್ಯಾ ಘರಾ ಲಾಗ್ಗಿಂ ಮೊಬೈಲ್ ಟವರ್ ಆಸ್ಲ್ಯಾರೀ ರಿಸ್ಕ್ ಚಡ್ ಆಸಾ. ತುಜೆಂ ಘರ್ ಮೊಬೈಲ್ ಟವರಾಕ್ ಕಿತ್ಲೆಂ ಲಾಗ್ಗಿಂ ಆಸಾ ಪಳೆ ತಿತ್ಲೆಂ ತುಮಿಂ ವಿಕಿರಣಾಚಾ ಸಾಗೊರಾಂತ್ ಉಪ್‌ವ್ಯೇತಾತ್ ಮ್ಹುಣ್ ಆರ್ಥ್. ಮೊಬೈಲ್ ಟವರಾಂ ಆಸ್ಲ್ಯಾ ಕಡೆ ಖಂಯ್ ಫುಣೀ ತುಮಿಂ ಗಿರ್ಬುಜ್ಯೊ ಪಳೆಯ್ಲ್ಯಾತ್  ? ಘರಾಂ ಲಾಗ್ಗಿಂ ಮೊಬೈಲ್ ಟವರಾಂ ಆಸ್ಲ್ಯಾರ್ ಆಸ್ತಮೆಚಾ ದೇಶಾನಿಂ, ಘರಾಕ್ Anti-radiation ಪೇಂಯ್ಟ್ ಕಾಡ್ತಾತ್. ಜನೆಲಾಂಕ್ ವಿಕಿರಣ್ ನಿರೋಧಕ್ ಗ್ಲಾಸ್ ಬಸಯ್ತಾತ್.


ಸಾಂಗ್ ಲ್ಲ್ಯಾ ಭರಿ ಹ್ಯಾ ವಿಕಿರಣಾಂಚೊ ಪ್ರಭಾವ್ ತಕ್ಷಣ್ ದಿಸೊನ್ ಯೆನಾ. ದಾ ಯಾ ಪಂದ್ರಾ ವರ್ಸಾಂ ವಿಕಿರಣಾಂಚೊ ಸಂಪರ್ಕ್ ಜಲ್ಲ್ಯಾ ಉಪ್ರಾಂತ್ ಮಾತ್ರ್ ಹಾಚೊ ಪ್ರಭಾವ್ ಕಳ್ತಾ. ದೆಕುನ್ ಗೆಲೆತ್ಯಾ ಹಪ್ತ್ಯಾಂತ್ ಆಮ್ಚ್ಯಾ ಪಾರ್ಲಿಮೆಂಟಾಂತ್ ,ಸರ್ಕಾರಾನ್ ಮೊಬೈಲ್ ಕಂಪ್ಣೆನಿಂ ಅಂತರಾಷ್ಠ್ರೀಯ್ ಮಟ್ಟಾಚಾ ಪರ್ಮಾಣೆಂ ವಿಕಿರಣ್ ನಿಯಂತ್ರಿತ್ ಕರ್ಚೆಂ ಕಾನೂನ್ ಜಾರಿ ಕರ್ತಾಂ ಮ್ಹುಣ್ ಸಾಂಗ್ಲಾಂ. ಹೆಂ ಕಾನೂನ್ ಹ್ಯಾಚ್ ನವೆಂಬರಾಚಾ ಏಕಾ ತಾರಿಕೆ ಥಾವ್ನ್ ಜಾರಿ ಜಾತೆಲೆಂ. ..! ಫುಣ್ ಆಮ್ಚಿ ಜಾಗ್ರೂತ್ ಆಮಿಂ ಕರಿಯಾಂ..!!. ಬ್ರೈನ್ ಟ್ಯೂಮಾರಾಕ್ ಆಮಿಂ ಖಂಡಿತ್ ಶಿಕಾರ್ ಜಾಂವ್ಚೆಂ ನಾಕಾ ..!!






************************


-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

SMS ಫಸ್ವೆಗಿರಿ .....!!! (MITHR)

ಹ್ಯಾ ಫಸ್ವೆಗಿರಿಕ್ ಇಂಗ್ಲಿಷಾಂತ್ spoof ಮ್ಹುಣ್ ಅಪಯ್ತಾತ್. ತುಮಿ ಇ-ಮೈಲ್ spoof ವಿಶಿಂ ಆಯ್ಕಲಾಂ ಜಾಂವ್ಕ್ ಪುರೊ. ಮ್ಹುಳ್ಯಾರ್ ಎಕ್ಲ್ಯಾಚಾ ಇ-ಮೈಲ್ ವಿಳಾಸಾಚಾ ನಾವಾಂನ್ ಆನೇಕ್ಲ್ಯಾನ್ ಇ-ಮೈಲ್ ದಾಡ್ಚೆಂ ...!! ತುಕಾ ಇಲ್ಲಿಶಿ ಅಂತರ್‌ಜಾಳಿಚಿ ತಾಕ್ನೀಕ್ ಗೊತ್ತಾಸಾ ಜಾಲ್ಯಾರ್ ತುವೆಂ ತುಜ್ಯಾ ಮಿತ್ರಾಂಕ್ ಒಬಾಮಾಚಾ ಇ-ಮೈಲ್ ವಿಳಾಸಾನ್ ಯಾ ಮನಮೋಹನ್ ಸಿಂಗಾಚಾ ಇ-ಮೈಲ್ ವಿಳಾಸಾನ್‌ಯೀ ಸುಲಭಾಯೆನ್ ಇ-ಮೈಲ್ ದಾಡ್ಯೇತಾ ..! ಹಾಕಾ spoofed ಇ-ಮೈಲ್ ಮ್ಹುಣ್ತಾತ್. ತಸಲಿಚ್ ಫಸ್ವೆಗಿರಿ SMS ಂತ್ ಯೀ ಕರುಂಕ್ ಸಾಧ್ಯ್ ಆಸಾ. ! ತುವೆಂ ದಾಡ್‌ಲ್ಲ್ಯಾ SMS ಂತ್ ತುಜೆಂ ನಂಬರ್ ಯೆಂವ್ಚ್ಯಾ ಬದ್ಲಾ ತುಕಾ ಖುಶಿ ಆಸ್‌ಲ್ಲೆಂ ನಂಬರ್ ಯಾ ದುಸ್ರ್ಯಾಂಚೆಂ ಕೊಣಾಯ್ಚೆಂ ನಂಬರ್ ಯಾ ತುಕಾ ಖುಶಿ ಆಸ್‌ಲ್ಲೆಂ ಏಕ್ ನಾಂವ್ ಘಾಲ್ಯೇತ್ ..! ಹಾಕಾಚ್ SMS spoof ಮ್ಹುಣ್ ಅಪಾಯ್ತಾತ್ ..!!


ಪುಣ್ spoofed ಇ-ಮೈಲ್ ದಾಡ್ಚ್ಯಾ ತಿತ್ಲೆಂ ಸುಲಭ್ ನ್ಹಂಯ್ spoofed SMS ದಾಡುಂಕ್....! ತುವೆಂ spoofed SMS ದಾಡಿಜೆ ಜಾಲ್ಯಾರ್ ತುಜ್ಯಾ ಫೊನಾಂತ್ ಏಕ್ ವಿಶೇಶ್ ಸಾಫ್ಟ್‌ವೇರ್ ಆಸಾಜೆ ಯಾ ಅಂತರ್‌ಜಾಳಿರ್ ವಚುನ್ ಆಸಲ್ಲಿ SMS ದಾಡ್ಚಿ ಸೆವಾ ದಿಂವ್ಚ್ಯಾಜಾಳಿಜಾಗ್ಯಾಂಕ್ ಭೆಟ್ ದಿಜೆ. ವಾಸ್ತಾವ್ ಜಾವ್ನ್ ಕೆನ್ನಾ GSM ಮೊಬೈಲ್ ಕಂಪ್ಣೆನಿ ಅಂತರ್‌ಜಾಳಿರ್ ಥಾವ್ನ್ SMS ದಾಡುಂಕ್ ಅವ್ಕಾಸ್ ದಿಲೊಗೀ ತೆನ್ನಾ ಥಾವ್ನ್ಂಚ್ ಹಿ ಫಸ್ವೆಗಿರಿ ಆರಂಭ್ ಜಾಲ್ಲಿ. ತುಮಿಂ www.way2sms.com ತಸಲ್ಯಾ ಜಾಳಿಜಾಗ್ಯಾಂ ಥಾವ್ನ್ ಸಗ್ಳ್ಯಾ ಭಾರತಾಚಾ ಖಂಚಯೀ ಮೊಬೈಲಾಕ್ ಧರ್ಮಾರ್ಥ್ SMS ದಾಡ್ತಾತ್ ಜಾಂವ್ಕ್ ಪುರೊ. ಅತಾಂ ಅಸಲ್ಲ್ಯಾ ಜಾಳಿಜಾಗ್ಯಾಂ ಥಾವ್ನ್ SMS ದಾಡಿಜೆ ಜಾಲ್ಲ್ಯಾರ್, ತುಜೆಂ ಮೊಬೈಲ್ ನಂಬರ್ ತಾಂಚಾ ಸೈಟಾಂತ್ ಧ್ರಡೀಕರಣ್ ಕರಿಜೆಚ್. ಆಶೆಂ ತುಕಾ ತಾಂತುಂ ಅತಾಂ ನಕ್ಲಿ SMS ದಾಡುಂಕ್ ಜಾಯ್ನಾ. ಪುಣ್ ಥೊಡ್ಯಾ ವರ್ಸಾಂ ಅದಿಂ ಅಸಲ್ಲ್ಯಾ ಜಾಳಿಜಾಗ್ಯಾಂನಿಂ ತುಜೆಂ ಮೊಬೈಲ್ ನಂಬರ್ ಧ್ರಡೀಕರಣ್ ಕರ್ಚಿ ಗರ್ಜ್ ನಾತ್‌ಲ್ಲಿ. ತಶೆಂ ಜಾಲ್ಲ್ಯಾನ್ ಎಕ್ಲ್ಯಾಕ್ ಸುಲಾಭಾಯೆನ್ spoofed SMS ದಾಡುಂಕ್ ಸಾಧ್ಯ್ ಆಸ್‌ಲ್ಲೆಂ. ಪುಣ್ ಕೆನ್ನಾ ಹಾಚೊ ವಾಯ್ಟ್ ಉಪ್ಯೋಗ್ ಚಡ್ಲೊಗೀ ತೆನ್ನಾ ಸರ್ಕಾರಾನಿಂ ಆನಿಂ ಮೊಬೈಲ್ ಕಂಪ್ಣೆಂನಿಂ ಹಾಕಾ ಲಗಾಮ್ ಗಾಲೊ.!

ಪುಣ್ ಕಿತ್ಲೊ ಲಗಾಮ್ ಆಸ್ಲ್ಯಾರೀ SMS ಫಸ್ವೆಗಿರಿ ಅತಾಂಯ್ ಕರುಂಕ್ ಸಾಧ್ಯ್ ಆಸಾ. ತುಕಾ spoofed SMS ದಾಡುಂಕ್ ಸಾಧ್ಯ್ ಜಾಂವ್ಚೆ ತಸಲಿಂ ಥೊಡಿಂ ಸಾಫ್ಟ್‌ವೇರಾಂ ಜಾಳಿಜಾಗ್ಯಾಂತ್ ಮೆಳ್ತಾತ್. ತಶೆಂಚ್ www.sharpmail.co.uk , www.sneaksms.com ಯಾ www.fakemsg.com ತಸಲಿಂ ಥೊಡಿಂ ಸೈಟಾಂ spoofed SMS ದಾಡುಂಕ್ ಅವ್ಕಾಸ್ ದಿತಾತ್. ಪುಣ್ ಧರ್ಮಾರ್ತ್ ನ್ಹಂಯ್ ..!! ತಾಂಚಿ ಸೆವಾ ಆಪ್ಣಾಯ್ಜೆ ಜಾಲ್ಯಾರ್ , ತುಜೆಂ ನಾಂವ್ ಆನಿ ವಿಳಾಸ್ ತಾಂಕಾಂ ದಿಜೆ ಪಡ್ತಾ. ತಶೆಂಚ್ ಕ್ರೆಡಿಟ್ ಕಾರ್ಡ್ ಯಾ Paypal ವಾಪಾರ್ನ್ ತುಕಾ ಕಿತ್ಲ್ಯೊ SMS ದಾಡುಂಕ್ ಕ್ರೆಡಿಟ್ ಜಾಯ್ ತ್ಯೊ ಘೆವ್ಯೇತ್. ವಿದೇಶಿ ಸೈಟಾಂ ಜಾಲ್ಲ್ಯಾನ್ ತಿಂ ಡಾಲಾರಾನ್ ಯಾ ಫೌಂಡಾಂತ್ ಚ್ ಮೋಲ್ ಘೆತಾತ್. ತಶೆಂ ಏಕ್ SMS ದಾಡುಂಕ್ ಇಂಡಿಯಾಚೆ ಸುಮಾರ್ ಪನ್ನಾಸಾ ಥಾವ್ನ್ ದೆಡ್ಶೆ ರೂಪಯ್ ಪುಣಿ ಪಡ್ತಾತ್.


ಗೆಲೆತ್ಯಾ ಥೊಡ್ಯಾ ದಿಸಾಂ ಆದಿಂ ಬೆಂಗ್ಳೂರಾಂತ್ SMS ಫಸ್ವೆಗಿರಿಚಿಂ ದೋನ್ ಪ್ರಕರಣಾಂ ಸಿಟಿ ಕ್ರೈಮ್ ಬ್ರಾಂಚಾಂತ್ ದಾಖಲ್ ಜಾಲ್ಲಿಂ. ಸೈಬರ್ ಪೊಲಿಸಾನಿಂ ತ್ಯಾ SMS ಚೆಂ ಮೂಳ್ ಸೊಧುನ್ ಕಾಡ್ನ್ UK ಥಾವ್ನ್ ತಸಲಿ ಸೆವಾ ದಿಲ್ಲ್ಯಾ ಎಕಾ ಜಾಳಿಜಾಗ್ಯಾ ಥಾವ್ನ್ SMS ದಾಡ್‌ಲ್ಲ್ಯಾಕ್ ದರುಂಕ್ ಪಳಯ್ಲೆಂ .ಪುಣ್ SMS ದಾಡ್‌ಲ್ಲೊ ಭಾರಿ ಹುಶಾರ್. ತಾಣೆಂ ತಾಚೆಂ ನಕ್ಲಿ ನಾಂವ್ ಆನಿಂ ವಿಳಾಸ್ ದೀವ್ನ್ ಹಿ ಸೆವಾ ಅಪ್ಣಾಯ್ಲಿ ತಿತ್ಲೆಂಚ್ ನ್ಹಂಯ್ ಗೋಲ್‌ಮಾಲ್ ಕ್ರೆಡಿಟ್ ಕಾರ್ಡ್‌ಯೀ ವಾಪಾರ್ಲೆಂ .. ಗುಡೊ ಕೊಂಡ್‌ಲ್ಲ್ಯಾ ಫೊಲಿಸಾಂಕ್ ಮೆಳ್ಳೊ ಫಕತ್ ಉಂದಿರ್ ಮಾತ್ರ್ ..!!


ತಶೆಂ ಖಂಯ್ ಪುಣೀ ತುಮ್ಚಾ ಮೊಬೈಲಾಕ್ ಲೊಟ್ರಿ ಉಟ್ಲ್ಯಾ ಮ್ಹುಣ್ ಕಸಲಿಯೀ SMS ಆಯ್ಲ್ಯಾರ್ ಫಸವ್ನ್ ಪಡನಕಾತ್. ಯಾ ತುವೆಂ ದಾಡ್‌ಲ್ಲ್ಯೊ SMS ಕಾಣ್ಘೆವ್ನ್ ತುಮ್ಕಾಂ ಕೊಣ್‌ಯೀ ಬ್ಲ್ಯಾಕ್‌ಮೈಲ್ ಕರ್ತಾತ್ ಜಾಲ್ಲ್ಯಾರೀ ಭಿಯೆನಾಕಾತ್. ಕೊಡ್ತಿಂತ್ ತೆಂ ಸುಲಭಾಯೆನ್ ಸಾಭಿತ್ ಕರುಂಕ್ ಸಾದ್ಯ್ ನಾ. ಕಿತ್ಯಾಕ್ ಮ್ಹುಳ್ಯಾರ್ GSM ನೆಟ್‌ವರ್ಕಾಂತ್ ಮಸ್ತ್ ಸೆಕ್ಯೂರಿಟಿ ಬುರಾಕ್ ಅಸಾತ್..!!






***************************


ಪ್ರಮೋದ್ ರೊಡ್ರಿಗ್ಸ್, ಹೊಸ್ಫೆಟ್

ವಕ್ಕಾ ವಕ್ಕಾ - ಸ್ಪೇನ್ ಸ್ಪೇನ್ ...!!!! (MITHR)

ಏಕ್ ಮಹಿನ್ಯಾ ಥಾವ್ನ್ ಧಾಂವೊನ್ ಆಸ್‌ಲ್ಲೊ ಜಬುಲಾನಿ ಬಾಲ್ ಕಡೆಕ್‌ಯೀ ಜುಲೈಚಾ 11 ತಾರಿಕೆಚಾ ರಾತಿಂ ರಾವ್ಲೊ. ವಾಕ್ಕಾ ವಾಕ್ಕಾಚೊ ಮಧುರ್ ನಾಧ್, ವುವುಝೆಲಾಂಚೊ ಕರ್ಕಶ್ ಸ್ವರ್, ಕೆನಾನಾಚೆಂ ವೇವಿಂಗ್ ಫ಼್ಲ್ಯಾಗ್, ಪೌಲ್ ದಿ ಅಕ್ಟೋಪಸಾಚೆಂ ಬೊಲ್ಮೆಂ ... ಸಕ್ಕಡೀ ಇತಿಹಾಸಕ್ ಪಾವ್ಲೆಂ. ಕೋಣ್ ಹ್ಯಾ ಪಾವ್ಟಿಂ ಚಾಂಪಿಯಾನ್ ಜಾತಾ ಮ್ಹುಣ್ ಅತ್ರೇಗಾನ್ ರಾವ್‌ಲ್ಲ್ಯಾ ಕೊರೊಡೊ ಕೊರೊಡ್ ಲೊಕಾಂಕ್ ಕಡೆಕ್‌ಯೀ ಜವಾಬ್ ಮೆಳ್ಳಿ. ಜಿದ್ದಾ-ಜಿದ್ದೆನ್ ಚಲೊನ್ ಆಸ್‌ಲ್ಲ್ಯಾ ಫೈನಾಲ್, ಫೆನಾಲ್ಟಿ ಶೂಟೌಟಾ ಮ್ಹುಣಾಸರ್ ವೆತಾಗೀ ಮ್ಹುಣ್ತಾನಾಂಚ್ ಹಾಲೆಂಡಾಕ್ ಆಘಾತ್ ಬಸ್ಲೊ. ಮ್ಯಾಚಾಚಾ 116 ಮಿನುಟಾರ್ ಸ್ಪೇನಾಚಾ ಆಂಡ್ರೇಸ್ ಇನಿಯಾಸ್ತಾನ್ ಮಾರ್‌ಲ್ಲ್ಯಾ ಗೋಲಾ ವರ್ವಿಂ, 2008 ಚೆಂ ಯೂರೋ ಕಪ್ ಚಾಂಪಿಯಾನ್ ಸ್ಪೇನ್ ವರ್ಲ್ಡ್ ಚಾಂಪಿಯಾನ್ ಜಾಲೆಂ. ಆಶೆಂ ಏಕ್ ಮಹಿನ್ಯಾ ಥಾವ್ನ್ ಚಲ್ನ್ ಆಸ್‌ಲ್ಲೊ ಏಕ್ ‘ಸೊಭಿತ್ ಖೆಳ್’ ಸಂಪ್ಲೊ...!!!!


ಸೌತ್ ಆಫ್ರಿಕಾಂತ್ ಚಲ್‌ಲ್ಲ್ಯಾ 19 ವೆಂ ಪಿಪಾ ವಸ್ ಮಸ್ತ್ ವಿಶೇಷ್ ಆಸ್‌ಲ್ಲೆ. ಸಬಾರ್ ಸ್ವಾರಸ್ಯ್ ಸಂಗ್ತಿಯೀ ಆಸ್‌ಲ್ಲ್ಯೊ. ವಡ್ಲೆಂ ವಿಶೇಷ್ ಮ್ಹುಳ್ಯಾರ್ ಹೆಂ ವರ್ಲ್ಡ್‌ಕಪ್ ಪಯ್ಲೆ ಪಾವ್ಟಿಂ ಆಫ್ರಿಕಾಂತ್ ಜಾಂವ್ಚೆಂ. ! ಅಫ್ರಿಕಾಗಾರಾಂಕ್ ಹೆಂ ಯೆದೆಂ ವ್ಹಡ್ಲಿ ಟೂರ್ನಿ ಚಲೊಂಕ್ ಜಾತಾಗೀ ಮ್ಹುಣ್ ಥೊಡ್ಯಾಂಕ್ ಸಂದೇಹ್ ಆಸ್‌ಲ್ಲೆ. ಪುಣ್ ಸೌತ್ ಆಫ್ರಿಕಾಕ್ ಏಕ್ ಶಾಭಾಸ್ಕಿ ಪಾಟಾಯ್ಜೆಚ್..!! ಸೊಭಿತ್ ಖೆಳಾಕ್ ಸೊಭಿತ್ ರಿತಿನ್ ಚಲಯ್ಲ್ಯಾಕ್ . ಹ್ಯಾ ವರ್ಲ್ಡ್‌ಕಪ್ಪಾಂತ್ ಮಸ್ತ್ upset ಯೀ ಆಸ್‌ಲ್ಲೆ. ಚಾಂಪಿಯಾನ್ಸ್ ಪಯ್ಲೆಂಚ್ ಭಯ್ರ್ ಪಡ್‌ಲ್ಲಿಂ. ಹೊಟ್ ಫೆವಿರೆಟ್ ಟಿಮಾನಿಂ ಸೆಮಿ-ಫೈನಲಾಕ್ ಯೆಂವ್ಚ್ಯಾ ಪಯ್ಲೆಂಚ್ ಘರಾ ಪೊಟ್ಲಿ ಭಾಂದ್‌ಲ್ಲಿ...!! ಕ್ರಿಸ್ಚಿಯಾನೊ ರೊನಾಲ್ಡೊ, ಲಂಫರ್ಡ್, ರೂನಿ, ಕಕಾ, ಪಡೊಸ್ಕೀ ತಸಲೆ ಸ್ಟಾರ್ ಖೆಳ್ಗಾಡಿ ಗೋಲ್ ಕರುಂಕ್ ವೊದ್ದಾಡ್ಲೆ. ಅಂತಿಮ್ ಚಾರ್ ಹಂತಾಕ್ ಪಾವ್ತಾನಾ ಸ್ಪೇನ್, ಉರುಗ್ವೆ, ಜರ್ಮನಿ ಆನಿಂ ಹಾಲೆಂಡ್ ಮಾತ್ರ್ ಉರ್‌ಲ್ಲಿಂ. ಪುಣ್ ಚಾಂಪಿಯಾನ್‌ಶಿಪ್ಪಾಚೆಂ ಭಗ್ ಮಾತ್ರ್ ಸ್ಪಾನಿಶಾಂಚೆ ಜಾಲೆಂ. ಹಾಣಿಂ 30 ಮಿಲಿಯಾನ್ ಡಾಲಾರ್ ಬಲ್ಸಾಂತ್ ಘಾಲೆ. ರನ್ನರ್ಸ್ ಆಫ್ ಡಚ್ಚಾಂಕ್ ಮೆಳ್‌ಲ್ಲೊ ಐವಾಜ್ ಫಕತ್ 24 ಮಿಲಿಯಾನ್ ಡಾಲಾರ್ ಮಾತ್ರ್ ..!!!


ಹ್ಯಾ ವರ್ಲ್ಡ್‌ಕಪ್ಪಾಚೊ ವಡ್ಲೊ ವಿವಾದ್‌ಚ್ ಅಡಿಡಾಸಾನ್ ತಯಾರ್ ಕೆಲ್ಲೊ ಜಬುಲಾನಿ ಬಾಲ್. ‘ಜಬುಲಾನಿ’ ಮ್ಹುಳ್ಯಾರ್ ಅಫ್ರಿಕಾಚಾ ಭಾಷೆಂತ್ ಸಂಭ್ರಮ್ ಮ್ಹುಣ್ ಆರ್ಥ್. ಪುಣ್ ಖೆಲ್ಗಾಡ್ಯಾಂಕ್ ಹ್ಯಾ ಬಾಲಾನ್ ಸಂಭ್ರಮ್ ದೀಂವ್ಕ್‌ಚ್ ನಾ. ಬಾಲಾನ್ ಆಸ್‌ಲ್ಲ್ಯಾ ದೋಷಾಂ ನಿಮ್ತಿಂ ಹೊ ಬಾಲ್ ವಾರ್‍ಯಾರ್ ಉಬೊನ್ ಆಸ್‌ಲ್ಲೊ ..! ಖಂಯ್ ಖಂಯ್ ಬೌನ್ಸ್ ಜಾವ್ನ್ ಆಸ್‌ಲ್ಲೊ. ಆಶೆಂ ಜಾಲ್ಲ್ಯಾನ್ ಹ್ಯಾ ಟೂರ್ನಿಂತ್ ಮಸ್ತ್ ಉಣೆಂ ಗೋಲ್ ದಾಖಲ್ ಜಾಲ್ಲೆಂ. ಮಾರ್‌ಲ್ಲೆ ಫ್ರಿ-ಕಿಕ್ ಪುರಾ ಸರ್ಗಾರ್ ಪಾವೊನ್ ಆಸ್‌ಲ್ಲೆ. !! ಪಾಪ್ ಘಾನಾಚಾ ಕ್ಯಾಪ್ಟಾನಾಕ್ ಫೆನಾಲ್ಟಿ ಯೀ ಗೋಲ್ ಕರುಂಕ್ ಜಾವ್ನಾ ಹ್ಯಾ ಜಬುಲಾನಿ ದ್ವಾರಿಂ ..!! ಬ್ರೆಸಿಲ್‌ಗಾರ್ ಹೊ ಸೂಪರ್-ಮಾರ್ಕೆಟ್ ಬಾಲ್ ಮ್ಹುಣ್ ನಕ್ಲಾಂ ಕಾಡ್ನ್ ಆಸ್‌ಲ್ಲೆ ..!!

ಹ್ಯಾ ಟೂರ್ನಿಕ್ ಸುಮಾರ್ ಚಾರ್ ಲಾಕ್ ತಿತ್ಲೆ ದಾಕ್ಲ್ಯಾ ಸಂಖ್ಯಾನ್ ವಿದೇಶಿ ಲೋಕ್ ಅಫ್ರೀಕಾ ಪಾವ್‌ಲ್ಲೆ. ಸ್ಥಳಿಯ್ ಕಫ್ರಿ ಲೊಕಾಕ್ ಮ್ಹುಣ್ ಫಿಫಾನ್ ಕೆಲ್ಲಿ ಟಿಕೆಟ್ ಹ್ಯಾ ಲೊಕಾನಿಂ ವಿದೇಶಿ ಲೊಕಾಕ್ ವಿಕೊನ್ ಪಯ್ಲೆಂಚ್  ಕೆಲ್ಯಾತ್ ಖಂಯ್ ..!! ತಶೆಂ ಥೊಡ್ಯೊ ಖಾಲಿ ಬಸ್ಕಾ ಸ್ಟೇಡಿಯಾಮಾಂತ್ ಆಸ್‌ಲ್ಲ್ಯಾರೀ ಟಿವಿರ್ ಮಾತ್ರ್ ಸಂಸಾರ್‌ಭರ್ 400 ಮಿಲಿಯಾನ್ ಲೋಕ್ ಏಕ್ಯೇಕ್ ಮ್ಯಾಚ್ ಪಳೆವ್ನ್ ಆಸ್‌ಲ್ಲೊ ..!! ಫೈನಾಲ್ ಮ್ಯಾಚ್ 700 ಮಿಲಿಯಾನ್ ಲೊಕಾನಿಂ ಟಿವಿರ್ ದೆಖ್‌ಲ್ಲೆಂ ಖಂಯ್ ..!! ( ತಾಂತುಂ ಶಕಿರಾಚೆಂ ಡ್ಯಾನ್ಸ್ ಪಳೆವ್ನ್ ನಿದ್‌ಲ್ಲೆ ಸಬಾರ್ ಆಸೊಂಕ್ ಪುರೊ ..!!). ಹ್ಯಾ ವರ್ಲ್ಡ್‌ಕಪ್ಪಾಚೊ ಕೋಣ್ ಪುಣಿ ಹಿರೊ ಮ್ಹುಣ್ ಆಸ್‌ಲ್ಲ್ಯಾರ್ ತೊ ಪೌಲ್ ದಿ ಆಕ್ಟೋಪಸ್ ಮ್ಹುಳ್ಳಿ ಆಷ್ಟಪದಿ ಜೀವಿ ..!! ಜರ್ಮನಿಚಾ ಏಕಾ ಮ್ಯೂಸಿಯಾಮಾಚಾ ಅಕ್ವೇರಿಯಾಂತ್ ಆಸ್ಚೊ ಹೊ ಪೌಲು, ಆಪ್ಣಾಕ್ ದವರ್ಲ್ಯಾ ದೋನ್ ಪೇಟಿಂತ್ಲ್ಯಾ ಖಾಣಾಂತ್ಲೆಂ , ಏಕ್ ಪೇಟ್ ವಿಂಚುನ್ ಮಾತ್ರ್ ಖಾತಾ. ತ್ಯಾ ಪೇಟಿಕ್ ಕೊಣಾಚೊ ರಾಷ್ಟ್ರ್-ಧ್ವಜ್ ಚಿಡ್ಕಾಯ್ಲಾ ಪಳೆ ತೆಂ ಟೀಮ್ ಜಿಕ್‌ಲ್ಲ್ಯಾ ಭರಿಚ್ ..!! ಹ್ಯಾ ಪಾವ್ಟಿಂ ಪೌಲುನ್ 8 ಪಾವ್ಟಿಂ ಬೊಲ್ಮೆಂ ಸಾಂಗ್‌ಲ್ಲೆಂ , ಆನಿಂ ಸಕ್ಕಡೀ 100 % ಸಮಾ ಜಾಲಾಂ. !! ಸ್ಪೇನ್ ಚಾಂಪಿಯಾನ್ ಜಾತಾ ಮ್ಹುಣ್ ಪೌಲುನ್ ಸಾಂಗ್‌ಲ್ಲೆಂ... ಆನಿಂ ಅಬ್ಳೆ ತಶೆಂಚ್ ಘಡ್ಲೆಂ ..!!

ಹ್ಯಾ ವರ್ಲ್ಡ್‌ಕಪ್ಪಾಂತ್ ಕಾಲೆಂ ಪುಣೀ ವಿಸ್ರೊಂಕ್ ಜಾಯ್ನಾಂಚ್ ಮ್ಹುಳ್ಳೆಂ ಕಾಲೆಂಯೀ ಆಸ್ಲ್ಯಾರ್ ತೆಂ ಶಕಿರಾಚೆಂ ವಕ್ಕಾ ವಕ್ಕಾ ಗೀತ್ ..!! ಶಕಿರಾನ್ ಹೆಂ ಗೀತ್ ಮ್ಹುಣೊನ್ ಆನಿಂ ಹಾಕಾ ಸ್ಟೆಪ್ಸ್ ಗಾಲ್ನ್ ಸಗ್ಳ್ಯಾ ಸಂಸಾರಾಕ್‌ಚ್ ಪಿಶ್ಯಾಂತ್ ಗಾಲಾಂ. ಅಂತರ್-ಜಾಳಿರ್, ಮೊಬೈಲಾರ್ ಆನಿಂ ಸಗ್ಳಾನ್ ಆಸ್ಚೆಂ ವಕ್ಕಾ-ವಕ್ಕಾ , ವಕ್ಕಾ-ವಕ್ಕಾ ಮಾತ್ರ್ ..!! ಸಾಂಗಾತಾ ಕೆನಾನಾಚಾ ‘ವೇವಿಂಗ್ ಫ್ಲ್ಯಾಗ್’ ಗೀತ್‌ಯೀ ಸಬಾರಾಂಚಾ ಕಾಳ್ಜಾನ್ ಬಸ್ಲಾಂ. ಹ್ಯಾ ಮಧುರ್ ನಾದಾ ಸಾಂಗಾತಾ ಥೊಡೊ ಕರ್ಕಶ್ ನಾದ್‌ಯೀ ವರ್ಲ್ಡ್‌ಕಪ್ಪಾಂತ್ ಆಸ್‌ಲ್ಲೊ. ತೊ ವುವುಝೆಲಾ ಮ್ಹುಳ್ಳ್ಯಾ ಫಿರ್ಲುಕೆಚೊ. ಸ್ಟೇಡಿಯಾಮಾಂತ್ ಪ್ರೇಕ್ಷಕ್ ಹ್ಯೊ ಪ್ಲ್ಯಾಸ್ಟಿಕಾಚೊ ಫಿರ್ಲುಕ್ಯೊ ಪುಂಕೊನ್ , ಸಬಾರ್ ಜಣಾಂಚೆಂ ಕಾನ್ ಕೆಪ್ಪೆ ಕೆಲ್ಯಾತ್. ಕೆಲ್ಗಾಡ್ಯಾಂಕೀ ಕಿರಿ ಕಿರಿ ಆನಿಂ ಟಿವಿರ್ ಮ್ಯಾಚ್ ಪಳೆಚಿiiಲ್ಯಾಂಕೀ ಕಿರಿ ಕಿರಿ ..!!! 2014 ಂತ್ ಬ್ರೆಸಿಲಾಂತ್ ಜಾಂವ್ಚ್ಯಾ ವರ್ಲ್ಡ್‌ಕಪ್ಪಾಂತ್ ಫಿಫಾನ್ ಹ್ಯಾ ಫಿರ್ಲುಕೆಂಕ್ ನಿಶೇದ್ದ್ ಕೆಲಾ ..!!

ಮಾಗಿರ್, ಹ್ಯಾ ವರ್ಲ್ಡ್‌ಕಪ್ಪಾಂತ್ ಸ್ಲೊವೇನಿಯಾ, ಸ್ಲೊವೇಕಿಯಾ ತಸಲೆ ದಾಕ್ಟೆ ದಾಕ್ಟೆ ನಾಂವ್ ಆಯ್ಕೊಂಕ್ ನಾತ್ ಲ್ಲೆ ದೇಶ್ ಆಸ್‌ಲ್ಲೆ . ಪುಣ್ 1.2 ಬಿಲಿಯಾನ್ ಲೋಕ್ ಆಸ್‌ಲ್ಲೆಂ ಯೆದೆಂ ವ್ಹಡ್ ಇಂಡಿಯಾ ಖಂಯ್ ಗೆಲ್ಲೆಂ ..!!?? ಸಗ್ಳ್ಯಾ ಸ್ಲೊವೇನಿಯಾಂತ್ ಆಸ್ಚ್ಯಾ ಲೋಕಾ ತಿತ್ಲಿಂ ಪಿಲಾಂ ಇಂಡಿಯಾಚೆ ಏಕಾ ಮಹಿನ್ಯಾಂತ್‌ಚ್ ಕಾಡ್ನ್ ಆಸಾತ್. ಪುಣ್ ಆಮ್ಚೆಂ ಫಿಫಾ ರ್‍ಯಾಂಕಿಂಗ್ 133. ವರ್ಲ್ಡ್‌ಕಪ್ಪಾಂತ್ ಫಕತ್ 32 ಟಿಮಾಂಕ್ ಮಾತ್ರ್ ಆವ್ಕಾಸ್. !! ಅಮ್ಚಿ ಇಲ್ಲಿ ಕಿರಿಕೆಟ್ಟ್ ಉಣಿ ಕೆಲ್ಯಾರ್ ಕಾಲೆಂ ಮ್ಹುಣಿ ಕರ್ಯೇತ್ ..!! ಜಾಲ್ಯಾರೀ ಇಂಡಿಯಾಂತ್ ಪೂಟ್‌ಬಾಲ್ ಅಭಿಮಾನಿ ಮಸ್ತ್ ಆಸಾತ್. ಬೆಂಗಾಲ್, ಕೇರಳ, ಗೊಂಯಾ ತಸಲೆ ಪೂಟ್‌ಬಾಲ್ ಕ್ರೇಜಿ ರಾಜ್ಯ್ ಆಸಾತ್. ಅಮ್ಚೆಂ ಟೀಮ್ ನಾತ್‌ಲ್ಲ್ಯಾರೀ ಕಿತೆಂ. ಹ್ಯಾ ಪಾವ್ಟಿಂ ಸಬಾರ್ ಬೆಂಗಾಳಿನಿಂ ಅರ್ಜೆಂಟೈನಾಕ್ ಸಫೋರ್ಟ್ ಕೆಲ್ಲೊ. ಅರ್ಜೆಂಟೈನಾಚೊ ಕೋಚ್ ಮರಡೋನಾ ,ಅಪ್ಲೆಂ ಟೀಮ್ ಜಿಕ್ಲ್ಯಾರ್ ನಾಗ್ಡೊಚ್ ದಾಂವ್ತಾ ಮ್ಹುಣ್ತಾಲೊ ಖಂಯ್. ಪುಣ್ ಜರ್ಮನಿನ್ ಅರ್ಜೆಂಟೈನಾಕ್ 4-0 ಗೊಲಾನಿಂ ಮಾರ್ನ್ at least ಮರಡೊನಾಚೊ ಮಾನ್ ಫುಣೀ ರಾಕ್ಲೊ ..! ಮಲಯಾಳಿ ಚಡಾವತ್ ಜಾವ್ನ್ ಬ್ರೇಸಿಲಾಕ್ ಸಫೋರ್ಟ್ ಕರ್ನ್ ಆಸ್‌ಲ್ಲೆ. ಪುಣ್ ಸಾಂಬಾ ಗಾಂವ್ಚ್ಯಾನಿಂ ತಾಂಕಾಂಯೀ ನಿರಾಶಾ ಕೆಲಿ. ಪೊಡ್ತುಗೇಜ್ ಟೀಮ್ ಭಯ್ರ್ ವಚುನ್ ಗೊಂಯ್ಚ್ಯಾಂ ಕೀ ಬೆಜಾರ್ ..!! ತಶೆಂ ಕೋಣ್ ಕೋಣ್ ಸಲ್ವಾಲ್ಯಾರ್ ಬೇಜಾರ್ ಪಾಂವ್ಚಿ ದುಸ್ಥಿತಿ ಇಂಡಿಯಾಗಾರಾಂಚಿ..!!


ತೆಂ ಪುರಾ ಸೊಡ್ಯಾಂ , ಥೊಡ್ಯಾಂಕ್ ಪರಗ್ವೆ ಜಿಕೊಂಕ್ ನಾ ಮ್ಹುಣ್ ಭಾರಿ ಬೆಜಾರ್ ಖಂಯ್..!! ಕಿತ್ಯಾಕ್ ಮ್ಹುಣ್ ವಿಚಾರ್ತಾತ್ ಗೀ ? ಪರಗ್ವೆ ಜಿಕ್ಲ್ಯಾರ್ ಥಂಯ್ಚೆಂ ಮೊಡೆಲ್ ಲ್ಯಾರಿಸ್ಸಾ ರಿಕ್ವೆಲ್ಮಿನ್ ನಾಗ್ಡೆಂಚ್ ದಾಂವ್ತಾ ಮ್ಹುಳ್ಳೆಂ ಖಂಯ್ ..!! ಪಡ್ಡೆಂಕ್ ನಿರಾಶಾಸ್ ನಿರಾಶಾ ..!!






***********************

- ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಈಸ್ಟರ್ ಐಲ್ಯಾಂಡ್ : ಮನ್ಶಾಕುಳಾಕ್ ಏಕ್ ಜಾಗ್ವಣೆ ಘಾಂಟ್ ...!! (RAKNNO)

ಫಾಸ್ಕಂಚೊ ಕುದ್ರೊ ಯಾ Easter Island ಮ್ಹುಳ್ಳೆಂ ನಾಂವ್ ತುಮಿ ಖಂಯ್ ಪುಣಿ ಆಯ್ಕಾಲಾಂ ಗೀ ? ಚಡಾವತ್ ಜಣಾಂಕ್ ಹ್ಯಾ ಕುದ್ರ್ಯಾ ವಿಶ್ಯಾಂತ್ ಖಳಿತ್ ಆಸ್ಚೆಂ ಭೋವ್ ಉಣೆಂ. ಪುಣ್ ಹ್ಯಾ ಕುದ್ರ್ಯಾಂತ್ ಮಸ್ತ್ ಆಸಕ್ತೆಚೆ ವಿಷಯ್ ಆಸಾತ್. ಜವಾಬ್ ದೀಂವ್ಕ್ ಖಳಿತ್ ನಾತ್ಲೆ ತಸಲೆ ಮಿಸ್ತೆರ್‌ಯೀ ಆಸಾತ್. ಮನ್ಶ್ಯಾಕುಳಾಕ್ ಹ್ಯಾ ಕುದ್ರ್ಯಾ ಥಾವ್ನ್ ಶಿಕೊಂಕ್ ಜಾಯ್ ಆಸ್‌ಲ್ಲಿಂ ಗರ್ಜೆಚಿಂ ಲಿಸಾವಾಂಯೀಂ ಆಸಾತ್..!!!!

ಇತ್ಲ್ಯಾಕೀ ದಕ್ಷಿಣ್ ಫೆಸಿಪಿಕ್ ಸಾಗೊರಾಂತ್ ಆಸ್ಚೊ ದಾಕ್ಟುಲೊ ಕುದ್ರೊ ಹೊ. ಸುಮಾರ್ 25 ಕಿ.ಮಿ. ಲಾಂಬ್ ಆನಿಂ 12 ಕಿ.ಮಿ ರುಂದಾಯೆಚೊ. ಹೊ ಭೂಂಯ್ತ್‌ಚ್ ವೆಗ್ಳೊ ಜಾವ್ನ್ ಆಸ್ಚೊ ಜಾಗೊ. ಚಿಲಿ ದೇಶಾಚಾ ಕರಾವಳೆ ಥಾವ್ನ್ 3510 ಕಿ.ಮಿ ಪಯ್ಸ್ ಆಸಾ..!! ವಿಶಾಲ್ ಫೆಸಿಪಿಕ್ ಸಾಗೊರಾಚಾ ನಕ್ಷೆಂತ್ ಹ್ಯಾ ಕುದ್ರ್ಯಾಕ್ ಮೈಕ್ರೊಸ್ಕೋಪ್ ದವರ್ನ್ ಸೊದಿಜೆ ಕೊಣ್ಣಾ ..!! Google Earth ವಾಪಾರ್ನ್ Easter Island ಚಿಂ ಸೊದ್ನಾಂ ಕೆಲ್ಲ್ಯಾರ್ ತುಮ್ಕಾಂ ಹ್ಯಾ ಕುದ್ರ್ಯಾ ವಿಶ್ಯಾಂತ್ ಸಮಾ ಏಕ್ ಅಂದಾಜ್ ಜಾತಾ.


ಹೊ ಕುದ್ರೊ ಪಯ್ಲೆಂ ಪಾವ್ಟಿಂ ದೀಷ್ಟೆಕ್ ಪಡ್ಲೊ ಜೇಕಬ್ ರಾಗ್ಗ್‌ವೀನ್ ಮ್ಹುಳ್ಳ್ಯಾ ಡಚ್ ಆನ್ವೇಷಾಕಾಕ್. 1722 ಇಸ್ವಿ ತಿ. ಫೆಸಿಪಿಕ್ ಸಾಗೊರಾಂತ್ ತೊ ಪಯ್ಣ್ ಕರ್ನ್ ಆಸ್ತಾನಾ ತಾಕಾ ಹೊ ದಾಕ್ಟುಲೊ ಕುದ್ರೊ ದಿಸ್ತಾ. ಫಾಸ್ಕಂಚಾ ಫೆಸ್ತಾ ದಿಸಾಚ್ ತೊ ಕುದ್ರ್ಯಾಕ್ ಪಯ್ಲೆಂ ಪಾವ್ಟಿಂ ಪಾವ್ಲೊ ದೆಕುನ್ ತಾಕಾ Easter Island ಮ್ಹುಳ್ಳೆಂ ನಾಂವ್ ವೊಲಾಯ್ಲೆಂ ತಾಣೆ. ಸಕ್ಕಡೀ ಕುದ್ರ್ಯಾ ಬರಿ ಹೊ ಏಕ್ ಸಾಮಾನ್ಯ್ ಕುದ್ರೊ ಮ್ಹುಣ್ ಚಿಂತ್‌ಲ್ಲ್ಯಾ ರಾಗ್ಗ್‌ವೀನ್ ಆನಿಂ ಸಾಂಗಾತಿ ತಾರ್ವಾಟ್ಯಾಂಕ್ ಹ್ಯಾ ಕುದ್ರ್ಯಾಂತ್ ಅದ್ಬುತ್ ಮ್ಹುಣ್ಚೆ ತಸಲೆ ಥೊಡೆ ವಿಷಯ್ ದಿಸೊನ್ ಆಯ್ಲೆ. ಹ್ಯಾ ಕುದ್ರ್ಯಾಂತ್ ತಾಂಚಾ ನದ್ರೆಕ್ ಪಡ್ಲ್ಯೊ ಫಾತ್ರಾಂಚೊ ವಡ್ಲ್ಯೊ ವಡ್ಲ್ಯೊ ಮೂರ್ತಿ ..!! ಬರೋಬ್ಬರ್ ದಾ ಮೀಟಾರ್ ಲಾಂಭಾಯೆಚೊ ಆನಿ ಸುಮಾರ್ ಪನ್ನಾಸ್ ಟನ್ನ್ ವಜನಾಯೆಚೊ ..!! ಹ್ಯೊ ಮೂರ್ತಿ ಪಳೆವ್ನ್ ಹ್ಯಾ ತಾರ್ವಾಟ್ಯಾಂಕ್ ವಿಜ್ಮಿತ್ ಜಾಲೆಂ. ಅಸಲ್ಯೊ ಸುಮಾರ್ ಹಜಾರ್ ಮೂರ್ತಿ ತಾಂಕಾ ತ್ಯಾ ದಾಕ್ಟ್ಯಾ ಕುದ್ರ್ಯಾರ್ ಪಳೆಂವ್ಕ್ ಮೆಳ್ಳ್ಯೊ. ತಾಂತ್ಲ್ಯೊ ಥೊಡ್ಯೊ ಮೂರ್ತಿ ಫಾತ್ರಾಂಚಾ ವಡ್ಲ್ಯಾ ವೆದಿಂಚೆರ್ ಪ್ರತಿಷ್ಠಪಾನ್ ಜಾವ್ನ್ ಆಸ್‌ಲ್ಲ್ಯೊ. ಥೊಡ್ಯೊ ವಾಟೆರ್‌ಚ್ ಪಡೊನ್ ಆಸ್‌ಲ್ಲ್ಯೊ..! ಥೊಡ್ಯೊ ಅರ್ಧ್ಯೊ ಕಾಂತಾಯ್ಲ್ಯಾ ಸ್ಥಿತೆರ್ ಆಸ್ ಲ್ಲ್ಯೊ..!. ವಿಶೇಷ್ ಮ್ಹುಳ್ಳ್ಯಾರ್ ತ್ಯಾ ಕುದ್ರ್ಯಾಂತ್ ಏಕ್ ಸುಮಾರ್ 2500 ತಿತ್ಲೊ ಲೋಕ್ ಜಿಯೆವ್ನ್ ಆಸ್‌ಲ್ಲೊ, ಪುಣ್ ಏಕ್ ಯೀ ರೂಕ್ ನಾತ್‌ಲ್ಲೊ.. !! ರೂಕ್‌ಚ್ ನಾತ್‌ಲ್ಲ್ಯಾ ಹ್ಯಾ ಜಾಗ್ಯಾರ್ ಮನಿಸ್ ಜಿಯೆಲೊ ಜಾಲ್ಲ್ಯಾರ್ ಕಸೊ ? ಹ್ಯಾ ಲೊಕಾನಿಂ ಇತ್ಲ್ಯೊ ವ್ಹಡ್ ಮೂರ್ತಿ ಕಿತ್ಯಾಕ್ ಕೆಲ್ಲ್ಯೊ ? ಕಶೆಂ ತಾಂಕಾಂ ಹ್ಯೊ ಮೂರ್ತಿ ಕರುಂಕ್ ಸಾದ್ಯ್ ಜಾಲೆಂ ? ಏಕಾ ಜಾಗ್ಯಾರ್ ಥಾವ್ನ್ ಆನ್ಯೇಕಾ ಜಾಗ್ಯಾಕ್ ಹ್ಯೊ ಮೂರ್ತಿ ಸಾಗ್ಸಿಲ್ಯೊ ಜಾಲ್ಯಾರಿ ಕಶೊ ? ಮಿಸ್ತೆ಼ರಾಂ ವಯ್ರ್ ಮಿಸ್ತೆರ್‌ಚ್ ದಿಸೊನ್ ಆಯ್ಲೆ. !! ಡಚ್ ಅನ್ವೇಷಾಕಾಂ ಉಪ್ರಾಂತ್ ಯೆರೊಪಾಚೆ ಇತರ್ ಅನ್ವೇಷಾಕಾನಿಂಯೀ ಪುಡ್ಲ್ಯಾ ದಿಸಾನಿಂ ಹ್ಯಾ ಕುದ್ರ್ಯಾಕ್ ಭೆಟ್ ದೀಂವ್ಕ್ ಸುರು ಕೆಲೆಂ. ಸಂಸೋಧ್‌ಕಾರಾನಿಂ ಏಕ್ಯೇಕ್‌ಚ್ ಮಿಸ್ತೆರ್ ಉಗಾಡುಂಕ್ ಪಳಯ್ಲೆಂ. ತವಳ್ ಖಳಿತ್ ಜಾಲಿ ಏಕ್ ದುರಂತ್ ಕಾಣಿ ..!!


********************

ಲಾಕೊಂ ವರ್ಸಾಂ ಪಯ್ಲೆಂ ಹ್ಯಾ ಕುದ್ರ್ಯಾಂತ್ ಮನಿಸ್ ನಾತ್‌ಲ್ಲೆ. ಸುಕ್ಣಿಂ ಆನಿಂ ಥೊಡ್ಯೊ ಮನ್ಜಾತಿ ಮಾತ್ರ್ ಜಿಯೆವ್ನ್ ಆಸ್‌ಲ್ಲ್ಯೊ. ಪುಣ್ ಸುಮಾರ್ ದೇಡ್ ಹಜಾರ್ ವರ್ಸಾಂ ಆದಿಂ , ಫೆಸಿಪಿಕ್ ಸಾಗೊರಾಚಾ ಇತರ್ ಕುದ್ರ್ಯಾಂತ್ ಆಸ್‌ಲ್ಲೆ ಪೋಲಿನೇಷಿಯಾನ್ ಮುಳ್ಳ್ಯಾ ಜನಾಂಗಾಚೊ ಥೊಡೊ ಲೋಕ್ ಹಾಂಗಾ ಪಾವ್ಲೊ. ತೆ ಕಶೆ ಹಾಂಗಾ ಪಾವ್ಲೆಂ ಮ್ಹುಣ್ ಆಜೂನ್‌ಯೀ ಏಕ್ ಮಿಸ್ತೆರ್ ಜಾವ್ನ್ ಉರ್‍ಲಾ. ಪುಣ್ ಹ್ಯಾ ಕುದ್ರ್ಯಾಕ್ ಪಾವ್ಲೆಂಚ್ , ತಾಂಕಾಂ ತೆಂ ಏಕ್ ವೈಂಕುಂಟಾ ಬರಿ ದಿಸ್ಲೆಂ. ದಾಟ್ ದಾಟ್ ರಾಣ್ ಆಸ್‌ಲ್ಲೆಂ. ಮೆಲ್ಯೊ ಜ್ವಾಲಾಮುಖಿ ಆಸ್‌ಲ್ಲ್ಯಾನ್ ಫಳಭರಿತ್ ಮಾತಿ ಥಂಯ್ ಆಸ್‌ಲ್ಲಿ. ಅಶೆಂ ಕ್ರಷಿ ಕರ್ನ್ ತಾಣಿ ಥಂಯ್ಚ್ ತಾಂಬು ಮಾರ್ಲೊ. ವರ್ಸಾಂ ವರ್ಸಾಂನಿಂ ತಾಂಚಿಂ ಸಂತತ್ ವಾಡೊನ್ಂಚ್ ಗೆಲಿ. ಆಶೆಂ ಥೊಡ್ಯಾ ಕಾಳಾ ಉಪ್ರಾಂತ್ ಸುಮಾರ್ ಬಾರಾ ಹಜಾರ್ ಮ್ಹುಣಾಸಾರ್ ತಾಂಚಿ ಸಂತತ್ ವಾಡ್ಲಿ. ತಾಣಿ ಥೊಡ್ಯಾ ಧಾರ್ಮಿಕ್ ಕಾರಣಾಂಕ್ ಲಾಗೊನ್ ಹ್ಯೊ ವಡ್ಲ್ಯೊ ಮೂರ್ತಿ ಕೆಲ್ಯೊ ಮ್ಹುಣ್ತಾತ್ ಸಂಸೋಧ್‌ಕಾರ್. ತ್ಯಾ ಮೂರ್ತಿಂ ತೆ ಮೊಅಯಿ (moai) ಮ್ಹುಣ್ ಆಪಾಯ್ತಾಲೆ. ಹ್ಯೊ ಮೂರ್ತಿ ಸಾಗ್ಸುಂಕ್ ತೆ ರೂಕಾಚಿ ಗಾಡಿ ಕರ್ನ್, ವೋಡ್ನ್ ವೊರ್ತಾಲೆ ಮ್ಹುಣ್ ಥೊಡ್ಯಾಂಚಿ ಪಾತ್ಯೆಣಿ . ಆಶೆಂ ತಾಣಿ ಹ್ಯಾ ಖಾತಿರ್ ಸಬಾರ್ ರೂಕ್ ಕಾತಾರ್ಲೆ. ಹ್ಯೊ ಮೂರ್ತಿ ಸಾಗ್ಸುಂಕ್ ಮ್ಹುಣ್ ತಾಣಿಂ ರಾಣ್ ಕಾತಾರ್ನ್ ಮಾರೊಗ್ ಕೆಲೊ. ಜಣಾಸಂಖೊ ಚಡೊನ್ ಯೆತಾನಾ, ಘರಾಂ ಭಾಂದುಂಕ್, ತಾರ್ವಾಂ ಭಾದುಂಕ್ , ಜಳೊವಾ ಖಾತಿರ್ ಮ್ಹುಣ್ ಆಸ್‌ಲ್ಲ್ಯಾ ರುಕಾಂಚಿಂ ದೆಸ್ವಾಟ್ ಚಡ್ ಮಾಫನ್ ಜಾಲಿ. ಏಕ್ ದೀಸ್ ಸಕ್ಕಡೀ ರೂಕ್ ಮುಗ್ದಾಲೆ. ರೂಕ್ ನಾಸ್ತಾನಾ ಫಳಭರಿತ್ ಮಾತಿ ಧರ್ಯಾಕ್ ವ್ಹಾಳೊನ್ ಗೆಲಿ. ಹವ್ಯಾಚೆಂ ಬದ್ಲಾಪ್ ದಿಸೊನ್ ಆಯ್ಲೆಂ. ಕ್ರಷಿ ಕರುಂಕ್ ಕಷ್ಟ್ ಜಾಂವ್ಕ್ ಸುರು ಜಾಲೆಂ. ಲೋಕ್ ಭುಕೆನ್ ಮೊರೊಂಕ್ ಲಾಗ್ಲೊ. ಖಾಣ್ ಉಣೆಂ ಜಾತಾನಾ ತಾಣಿಂ ಸುಕ್ಣ್ಯಾಂಕ್ ಆನಿಂ ಮನ್ಜಾತಿಂಕ್ ಧರ್ನ್ ಕಾಂವ್ಕ್ ಸುರು ಕೆಲೆಂ. ಸುಕ್ಣಿಯೀಂ ಮುಗ್ದೊನ್ ,ಮಾಸ್ಳಿಯೀ ಉಣಿಂ ಜಾಲಿ. ಧರ್ಯಾಂಚಾ ಇಲ್ಲೆಂ ಪಯ್ಸ್ ವಚುನ್ ಮಾಸ್ಳಿ ದರುಂಕ್ ಯಾ ಥಂಯ್ ಥಾವ್ನ್ ದಾವೊನ್ ವಚುಂಕ್ ತಾಂಚೆ ಕಡೆ ಉತ್ತೀಮ್ ಮ್ಹುಳ್ಳಿಂ ತಾರ್ವಾಂ ನಾತ್‌ಲ್ಲಿಂ. ನವಿಂ ತಾರ್ವಾಂ ಬಾಂದ್ಯಾಂ ಮ್ಹುಳ್ಯಾರ್ ತವಳ್‌ಚ್ ಆಸ್‌ಲ್ಲೊ ಅಂತಿಮ್ ರೂಕ್‌ಯೀ ಕಾತಾರ್ನ್ ಜಾಲ್ಲೊ ..!! ಅಶೆಂ ತಾಣಿಂ ಮನ್ಶ್ಯಾಂಕ್‌ಚ್ ಧರ್ನ್ ಕಾಂವ್ಕ್ ಆರಂಭ್ ಕೆಲ್ಲೆಂ ಖಂಯ್ ..!!!!


ಸತ್ರಾವ್ಯಾ ಶೆಕ್ಡಾಂತ್ ಯೆರೋಪಿಯಾನ್ ಆನಿಂ ಮಿಷಿನರಿ ಹ್ಯಾ ಕುದ್ರ್ಯಾಕ್ ಪಾವ್ಲ್ಯಾ ಉಪ್ರಾಂತ್ ಹಾಂಗಾಚಿ ಸ್ಥಿತಿ ಬರಿ ಜಾಂವ್ಚಾ ಬದ್ಲಾಕ್ ತಿ ಆನಿಕೀ ಬಿಗಾಡ್ಲಿ. ಯೆರೊಪ್‌ಗಾರಾನಿಂ ಹಾಂಗಾ ಹಾಡ್‌ಲ್ಲ್ಯಾ ಬೊಳ್ಣಿಗೆಚಿ ಪಿಡಾ (smallpox) ಆನಿ ಟಿಬಿ ವರ್ವಿಂ ಸಬಾರ್ ಲೊಕಾನಿಂ ಜೀವ್ ಹೊಗ್ಡಾಯ್ಲೊ. 1862 ಇಸ್ವೆಂತ್ ಹಾಂಗಾ ಆಯಿಲ್ಲ್ಯಾ ಪೆರುಚಾ ವ್ಯಾಪಾರಿನಿಂ ಸುಮಾರ್ 1500 ಲೊಕಾಕ್ ಗುಲಾಮ್ ಕರುಂಕ್ ವೆಲೆಂ. ಅಸೊ ಕುದ್ರ್ಯಾಚೊ 97% ಲೋಕ್ ನಾಸ್ ಜಾಲೊ. 1877 ಇಸ್ವೆಂತ್ ಫಕತ್ 111 ಜಣ್ ಹ್ಯಾ ಕುದ್ರ್ಯಾಂತ್ ಉರ್‌ಲ್ಲೆ. ತಾಂತುಂ ಸಬಾರ್ ಪ್ರಾಯ್ವಾಂತ್ ಜಾವ್ನ್ ಆಸ್‌ಲ್ಲೆ. ತಾಂತುಂ ಫಕತ್ 36 ಜಣಾಂಕ್ ಸಚಿತತ್ ವಾಡಂವ್ಚಿ ಸಕತ್ ಉರ್‌ಲ್ಲಿ ಖಂಯ್ ..!!

ಪುಣ್ 1888 ಂತ್ ಚಿಲಿ ದೇಶಾನ್ ಹ್ಯಾ ಕುದ್ರ್ಯಾಕ್ ಅಪ್ಲೆಂ ಪ್ರಾಂತ್ಯ್ ಜಾವ್ನ್ ಘೆತ್ಲೆಂ. ತಶೆಂ ಅಜೂನ್‌ಯೀ ತೆಂ ಆತಾಂ ಚಿಲಿಚೆಂ ಪ್ರಾಂತ್ಯ್. ಉರ್‌ಲ್ಲ್ಯಾ 36 ಜಣಾಂ ಆನಿಂ ಚಿಲಿಚೊ ಲೋಕ್ ಎಕ್ವಾಟೊನ್ ಆಜ್ ಹ್ಯಾ ಕುದ್ರ್ಯಾಂತ್ ಪರತ್ ಸಂತತ್ ವಾಡ್ಲ್ಯಾ. ಚಿಲಿನ್ ಅತಾಮ್ ಹ್ಯಾ ಕುದ್ರ್ಯಾಂತ್ ವಿಮಾನ್-ಥಳ್ ತಶೆಂ ಇತರ್ ಸವ್ಲತ್ಯೊಯೀ ದಿಲ್ಯಾತ್. UNESCO ಫಾಸ್ಕಂಚೊ ಕುದ್ರ್ಯಾಕ್ world heritage site ಮ್ಹುಣ್ ಮಾನ್ಯಾತಾ ದಿಲ್ಯಾ. ಅತಾಂ Easter Island ಏಕ್ ಆಕರ್ಷಣೀಯ್ ಪ್ರವಾಸಿ ಕೇಂದ್ರ್. ಜಣ್‌ಸಂಖೊ ಪರತ್ ಪಾಂಚ್ ಹಜಾರ್ ಮ್ಹುಣಾಸರ್ ಪಾವ್ಲಾ. ಆಜ್ ಫಾಸ್ಕಾಂಚಾ ಕುದ್ರ್ಯಾಕ್ ಗೆಲ್ಯಾರ್ ಅಪ್ರೂಪ್ ಖಂಯ್ ಪುಣಿ ಏಕ್ ರೂಕ್ ಪಳೆಂವ್ಕ್ ಮೆಳ್ಳ್ಯಾರ್ ವ್ಹಡ್, ಪುಣ್ ಥಂಯ್ ಥಂಯ್ ಫಾತ್ರಾಂಚೊ ಬ್ರಹತ್ ಮೂರ್ತಿ ದಿಸ್ತಾತ್.. !! ಗತ್-ಕಾಳಾಚಾ ದುರಂತ್ ಅಚಿತ್ಯಕ್ ಮೊನೊ ಸಾಕ್ಷಿ ತ್ಯೊ ...!!


*****************


ಇತ್ಲ್ಯಾಕೀ ಹಾವೆಂ ಫಾಸ್ಕಂಚಾ ಕುದ್ರ್ಯಾಂ ವಿಶಿಂ ಇತ್ಲೆಂ ಕಿತ್ಯಾಕ್ ಬರಯ್ಲೆಂ ಮ್ಹುಳ್ಯಾಕ್ ಏಕ್ ಕಾರಾಣ್ ಆಸಾ. ತೊ ಫ್ರಾಂಕ್ ಫೆನ್ನಾರ್. ಆಸ್ಟ್ರೇಲಿಯಾನ್ ನ್ಯಾಷಿನಲ್ ಯೂನಿವರ್ಸಿಟಿಚಾ ಮೈಕ್ರೊಬಯಲಾಜಿಚೊ ಪ್ರೊಫೆಸರ್ ತೊ. ಏಕಾ ಕಾಳಾರ್ ಮಾರೆಕಾರ್ ಜಾವ್ನ್ ಆಸ್‌ಲ್ಲ್ಯಾ ಬೊಳ್ಣಿಗೆಚಾ ಪಿಡ್ಯೆಕ್ ದಾಗ್ ಸೊದೊನ್ ಕಾಡ್‌ಲ್ಲೊ ಮಹಾನ್ ವಿಗ್ಯಾನಿ ತೊ. ಅತಾಂ ತಾಕಾ 95 ವರ್ಸಾಂ ಜಾಲ್ಯಾಂತ್. ಖಂಚಾಯೀ ಪತ್ರಾಂಕ್ ಸಂದರ್ಶನ್ ದಿಂವ್ಚೆಂ ಭಾರಿ ಅಪ್ರೂಪ್ ತಾಣೆಂ. ಗೆಲೆತ್ಯಾ ಥೊಡ್ಯಾ ದಿಸಾಂ ಆದಿಂ ‘ದಿ ಆಸ್ಟ್ರೇಲಿಯಾನ್’ ಪತ್ರಾಕ್ ದಿಲ್ಲ್ಯಾ ಏಕಾ ಸಂದರ್ಶನಾಂತ್ ತೊ ಮ್ಹುಣಾಲೊ “ಮುಕ್ಲ್ಯಾ ಶೆಂಭರ್ ವರ್ಸಾಂ ಭಿತರ್ ಹೋಮೊ-ಸೇಫಿಯಾನ್ಸ್ ಹ್ಯಾ ಭೂಂಯ್ ಥಾವ್ನ್ ನಾಸ್ ಜಾತೆಲೆ” . “ ಹೆಂ ಆನಿಂ ತಡ್ವೊಂಕ್ ಜಾಂವ್ಚೆಂ ನಾ..ಪರಿಸ್ಥಿತಿ ಯೆದೊಳ್‌ಚ್ ಬಿಗಾಡ್ಲ್ಯಾ ..ಡೈನೊಸಾರಾ ಬರಿಂ ಮನಿಸ್ ಆನಿಂ ಥೊಡ್ಯೊ ಮನ್ಜಾತಿಯೀ ನಾಸ್ ಜಾತೆಲ್ಯೊ.” ಆಶೆಂ ಮ್ಹುಣಾಲೊ ತೊ. ಚಡೊನ್ ಯೆಂವ್ಚೊ ಜಣ್‌ಸಂಖೊ , ಆನಿಂ ತಾಚೆ ವರ್ವಿಂ ಜಾಂವ್ಚಿ ರಾಣಾಂಚಿ ದೆಸ್ವಾಟ್, ವಾತಾವರಣಾಚೆಂ ಬದ್ಲಾಪ್, ಅನಿಂ global warming ಹಾಕಾ ಕಾರಣ್ ಖಂಯ್. ತಾಚೆ ಪ್ರಕಾರ್ ಫಾಸ್ಕಾಂಚಾ ಕುದ್ರ್ಯಾಕ್ ಆಯಿಲ್ಲಿ ಗತ್ ಮುಕ್ಲ್ಯಾ ಶೆಂಭರ್ ವರ್ಸಾಂ ಭಿತರ್ ಆಮ್ಕಾಂ ಯ್ ಯೆಂವ್ಚಿ ಖಚಿತ್ ...!!!

ಫ್ರಾಂಕ್ ಫೆನ್ನಾರಾನ್ ಸಾಂಗ್‌ಲ್ಲೆಂ ಸಕ್ಕಡೀ ಅಮ್ಕಾಂ ಶೀದಾ ಭೆಪಾರ್ವೊ ಕರುಂಕ್ ಜಾಯ್ನಾ. ಫಾಸ್ಕಾಂಚಾ ಕುದ್ರ್ಯಾಂತ್ ಕಡೇಚೊ ರೂಕ್ ಕಾತಾರ್‍ತಾ ಮ್ಹುಣಾಸರ್ ,ತ್ಯಾ ಲೊಕಾಕ್ ಅಪುಣ್ ನಾಸ್ ಜಾತಾಂವ್ ಮ್ಹುಣ್ ಸಮ್ಜೊಂಕ್ ನಾತ್‌ಲ್ಲೆಂ.!! ತಸೆಂಚ್ ಆಮಿಯೀಂ ಕರ್ನ್ ಆಸಾಂವ್. Global warming ಕ್ ಏಕ್ ಪರಿಹಾರ್ ಸೊದುಂಕ್ ಆಮ್ಚೆ ಜಾಗತೀಕ್ ಮುಕೆಲ್ಯಾಂಕ್ ಅನಿಕೀ ಸಾಧ್ಯ್ ಜಾವ್ನಾ. ಜಣ್‌ಸಂಖೊ ಭಿರಾಂಕುಳ್ ಚಡೊನ್ ಆಸಾ. ಹ್ಯಾಚ್ ವರ್ಸಾಚಾ ಅಖೇರಿಕ್ ಸಂಸಾರಾಚೊ ಜಣ್‌ಸಂಖೊ 7 ಬಿಲಿಯಾನಾಕ್ ಪಾವ್ತಾ. !! ತಾಂತುಂ ಆಮ್ಚ್ಯಾ ಇಂಡಿಯಾಚೆಚ್ ಏಕ್ ವರ್ಸಾಕ್, ಸಗ್ಳ್ಯಾ ಆಸ್ಟ್ರೇಲಿಯಾಂತ್ ಆಸಾ ತಿತ್ಲ್ಯಾ ಲೊಕಾಕ್ ಉತ್ಪಾದಾನ್ ಕರ್ನ್ ಅಸಾ ..!!!. ರಾಣಾಂಚಿ ದೆಸ್ವಾಟ್ ದಿಸಾನ್ ದೀಸ್ ಚಡೊನ್ಂಚ್ ಆಸಾ. ಆವ್ದೋಗ್ಯಿಕ್ ಕ್ಷೇತ್ರಾಕ್ ಮ್ಹುಣ್ ಕ್ರಷೆಚಿ ಭೂಂಯ್ ಸರ್ಕಾರ್ ಸ್ವಾಧಿನ್ ಕರ್ನ್ ಆಸಾತ್. ಥೊಡೆ ಕಿತ್ಲೆ ಭ್ರಷ್ಟ್ ಸರ್ಕಾರ್ ಆಸಾತ್ ಮ್ಹುಳ್ಯಾರ್, ರಿಸಾರ್ವ್ಡ್ ಪೊರೆಸ್ಟಾನಿಂ ಯೀ ಮೈನಿಂಗ್ ಕರುಂಕ್ ಪರ್ವಣ್ಗಿ ದಿತಾತ್ ...!!!!

ಆಶೆಂ ಪುರಾ ಜಾಲ್ಯಾರ್ ಫ್ರಾಂಕ್ ಫೆನ್ನಾರಾನ್ ಸಾಂಗ್ಲ್ಯಾ ಪ್ರಕಾರ್ ಆಮ್ಚ್ಯಾಂ ನಾತ್ರಾಂಕ್ ಮಾತಾರಿಂ ಜಾಂವ್ಕ್ ಆವ್ಕಾಸ್ ಮೆಳ್ಚೊ ನಾ ..!!!


******************


_ ಪ್ರಮೋದ್ ಜೆ ರೊಡ್ರಿಗ್ಸ್, ಹೊಸ್ಪೆಟ್


pramrods@gmail.com

ಸೂರ್ಯಾ ಥಾವ್ನ್ ಆಯ್ಕಾಲೊ, ಏಕ್ ಮಧುರ್ ನಾದ್ ....!!!

ವ್ಹಯ್ ..!! ಆಶೆಂಯೀ ಘಡ್ಲೆಂ .. ! UK ಚಾ ಶೆಪ್ಪಿಲ್ಡ್ ಯೂನಿವರ್ಸಿಟಿಚಾ ಥೊಡ್ಯಾ ಜಾಣ್ತ್ಯಾನಿಂ , ಸುರ್ಯಾಚಾ ವಾತಾವರಣಾಚೆರ್ ಲಾಂಭಾಯೆರ್ ಜಾಂವ್ಚ್ಯಾ ಕಂಪನಾಚೆಂ ನಾದ್ ರೆಕೊರ್‍ಡ್ ಕರುಂಕ್ ಸಕ್ಲೆ. ತಿತ್ಲೆಂಚ್ ನ್ಹಂಯ್ ಹ್ಯಾ ಕಂಪನಾಚೆರ್ ನಿಖರ್ ಜಾವ್ನ್ ಅಧ್ಯಯನ್ ಕರುಂಕ್‌ಯೀ ಪಾವ್ಲೆ.

ಇತ್ಲ್ಯಾಕೀ ಹೆಂ ಕಶೆಂ ಸಾಧ್ಯ್ ಜಾಲೆಂ ? ಉಂಚ್ಲೆಂ ಗಣಿತ್‌ಶಾಸ್ತ್ರ್ ಆನಿಂ ಉಪಗ್ರಹ್ ಆಧಾರಿತ್ ವೀಕ್ಷಣಾ ದ್ವಾರಿಂ ಹ್ಯಾ ವಿಗ್ಯಾನಿನಿಂ ಸೂರ್ಯಾಚೆಂ ಸಂಗೀತ್ ನಾದ್ ಟೆಪಿಂತ್ ರೆಕೊರ್‍ಡ್ ಕೆಲೆಂ. !! ತುಮ್ಕಾಂ ಕಳಿತ್ ಆಸಾ ಪುರೊ, ಸೂರ್ಯಾಚಾ ಕರೋನಾ ಮ್ಹುಳ್ಯಾ ಭಾಯ್ಲ್ಯಾ ಭಾಗಾ ವಿಶಿಂ. ಹ್ಯಾ ಕರೋನಾಚೆ ಸಗ್ಳೆ ಮಿಸ್ತೆರ್ ಅನಿಕೀ ಉಗ್ಡಾಪಣ್ ಜಾಂವ್ಕ್ ನಾಂತ್. ಉಪಗ್ರಹಾ ಥಾವ್ನ್ ಕಾಡ್‌ಲ್ಲ್ಯಾ ಊಂಚ್ಲ್ಯಾ ತಸ್ವೀರ್ಯಾಂತ್ , ಹ್ಯಾ ಕರೋನಾಚೆರ್ ವ್ಹಡ್ ಗಾತ್ರಾಚೆ, ಕೆಳ್ಯಾ ಭರಿ ಆಸ್ಚಿಂ ದೈತ್ಯ್ ಆಚಿiiಸ್ಕಾಂತಿಯ್ ಭಾಂದಾವಾಳಿಚಿಂ ರಚನಾಂ ದಿಸೊನ್ ಆಯ್ಲಿಂ. ಹ್ಯಾ ರಚನಾಂಕ್ Coronal loops (ಚಕ್ರ್‌ವ್ಹಾಳ್ಯೊ) ಮ್ಹುಣ್ತಾತ್. ಥೊಡ್ಯೊ ಅಸಲ್ಯೊ ಚಕ್ರ್‌ವ್ಹಾಳ್ಯೊ ಸುಮಾರ್ ಏಕ್ ಲಾಕ್ ಕಿ.ಮಿ. ಮ್ಹುಣಾಸರ್ ಲಾಂಭ್ ಆಸ್ತಾತ್. ಸೂರ್ಯಾಚಾ ವಾತಾವರಣಾಂತ್ ಜಾಂವ್ಚ್ಯಾ ವಡ್ಲ್ಯಾ ವಿಸ್ಪೋಟಾಂಕೀ ಹ್ಯೊಚ್ ಚಕ್ರ್‌ವ್ಹಾಳಿ ಕಾರಣ್. ಹ್ಯಾ ಸ್ಪೋಟಾಂಕ್ Solar flares ಮ್ಹುಣ್ತಾತ್. ಥೊಡೆ ಪಾವ್ಟಿಂ ಹ್ಯೊ ಚಕ್ರ್‌ವ್ಹಾಳಿ ನಿಯತ್‌ಕಾಲಿಕ್ ಜಾಂವ್ನ್ ಸಂಚಲಿತ್ ಜಾವ್ನ್ ಆಸ್ತಾತ್. ಮ್ಹುಳ್ಯಾರ್ ಎಕ್ಲ್ಯಾನ್ ಗೀಟಾರ್ ವಾಜೊಂವ್ಚಾ ಭರಿ. !


ಆಶೆಂ ವಿಗ್ಯಾನಿನಿಂ ಪಳೆಯ್ಲ್ಯಾ coronal ಚಕ್ರ್‌ವ್ಹಾಳಿನ್ ಆಸಾ ಕರ್ಚೆಂ ಸಂಗೀತ್ ನಾದ್ ಸೂರ್ಯಾಚಾ ವಾತಾವರಣಾಂತ್ ಚಡಾವತ್ ಜಾವ್ನ್ ನಿರಂತರ್ ಆಸ್ತಾ. ಹ್ಯಾ ಸಂಗೀತ್ ನಾದಾಚೆಂ ಸಂಸೋದ್ ಜಾಲ್ಯಾ ಉಪ್ರಾಂತ್ ವಿಗ್ಯಾನಿಂಕ್ ಸೂರ್ಯಾ ವಾತಾವರಣಾಚೆಂ ಆಯಾಸ್ಕಾಂತಿಯ್ ಲಕ್ಷಣಾಂ ವಿಶಿಂ ಚಡಿತ್ ಸಮ್ಜೊಂಕ್ ಮುಕ್ಲ್ಯಾ ದಿಸಾನಿಂ ಸಾದ್ಯ್ ಜಾತೆಲೆಂ. ಪುಡ್ಲ್ಯಾ ದಿಸಾನಿಂ ಚಲ್ತೆಲೆ, ಹ್ಯಾ ಸೂರ್ಯಾಚಾ ಮಧುರ್ ಸಂಗೀತಾ ವಿಶಿಂ ... !!






**********************************


ಪ್ರಮೋದ್ ರೊಡ್ರಿಗಸ್

ಈಶ್ಯಾಪ್ಪಾ .... ಈಶ್ವರಪ್ಪಾ ...!!! (Bhognam)

ಭೊಗ್ಣಾಂ:


ಸುಣೆಂ ಆಪ್‌ಲ್ಲೆಂ ವೊಂಕ್ ಲ್ಲೆಂ ಖಾತಾ, ಹಾಣಿಂ ದುಲ್ಲೊ ದುಕೊರ್ ಪರತ್ ಕೊಂಡಾತ್ ಲೊಳ್ತಾ... ಸಾಂ ಪೆದ್ರುಂಚಾ ಪತ್ರಾಂತ್ ಆಸ್ಚಿ ಹಿ ಸಾಂಗ್ಣಿ ಹ್ಯಾ ಕಾಳಾರ್ ಖಂಯ್ ಪುಣೀ ಸಮಾ ಜಾತಾ ಮ್ಹುಳ್ಯಾರ್ ತಿ ಕೆ.ಎಸ್. ಈಶ್ವರಪ್ಪಾಕ್ ..!! ಹೊ ‘ಮಾನೆಸ್ತ್’ ಕೋಣ್ ಮ್ಹುಣ್ ಚಿಂತಾತ್ ಗೀ ? ತೊ ಆಮ್ಚ್ಯಾ ಕರ್ನಾಟಕಾಚಾ ಬಿಜೆಪಿಚೊ ಅದ್ಯಕ್ಷ್ .. ಕುರ್‍ಬ್ಯಾಂಚೊ ಜಾಲ್ಯಾರೀ ಅತಾಂ ಬಾಮ್ಣಾಂಚಾ party with difference ಕ್ ತೊಚ್ ಗೊವ್ಳಿ..!!

ಈಶ್ವರಪ್ಪಾ ಕರ್ನಾಟಕಾಂತ್ ಕಾಲ್ಯಾಕ್ ಪುಣೀ famous ಮ್ಹುಣ್ ಆಸ್‌ಲ್ಯಾರ್ ತಾಚಾ ಹಾಡ್ ನಾತ್‌ಲ್ಲ್ಯಾ ಜೀಬೆಕ್ ..!! ತ್ಯಾ ಜೀಬೆ ಥಾವ್ನ್ ಯೆದೊಳ್ ಮ್ಹುಣಾಸರ್ ಏಕ್ ಬರೆಂ ಉತಾರ್ ಆಯ್ಲಾಂ ಗೀ ಯಾ ನಾಂ ಗೀ ಮ್ಹುಣ್ ಮ್ಹಕಾ ಖಳಿತ್ ನಾ ಪುಣ್ ತ್ಯಾ ಜೀಬೆ ಥಾವ್ನ್ ಪಾರ್ಲಿಮೆಂಟಾಂತ್ ಏಕ್ ಯೀ ಸಂಸಧೀಯ್ ಸಬ್ದ್ ಯೇಂವ್ಕ್ ನಾ ಮ್ಹುಳ್ಳೆಂ ಖಚಿತ್. ಪೋಯ್ರ್ ವಿರೋಧ್ ಪಾಡ್ತೆಚೆ ಕರ್ನಾಟಕಾಚಾ ಪಾರ್ಲಿಮೆಂಟಾಂತ್ ಹೆಲ್ಮೆಟ್ ದವರ್ನ್ ಆಯ್ಲ್ಯಾ ಸಂಧರ್ಭರ್ ತಾಂಕಾಂ ‘ಜೀತಾದಾಳು’ ಮ್ಹುಣ್ ನಕ್ಲಾಂ ಕೆಲ್ಲ್ಯಾಕ್ ಸ್ಪೀಕರಾನ್ಂಚ್ ಬೂದ್ ಸಾಂಗಿಜೆ ಪಡ್ಲಿ..!! ನ್ಹಂಯ್ ಸಾಯ್ಬಾ ... ಯೆದ್ಯಾ ವಡ್ಲ್ಯಾ ಪಾಡ್ತಿಚಾ ಪ್ರೆಸಿಡೆಂಟಾಕ್ ಗಡಾಂಗಾಂತ್ ಕಾಲೆಂ ಉಲಾಂವ್ಚೆ ಯಾ ಪಾರ್ಲಿಮೆಂಟಾಂತ್ ಕಾಲೆಂ ಉಲಾಂವ್ಚೆ ಮ್ಹುಳ್ಳೆಂ ಇಲ್ಲೆಂಯೀ ಕೋಮಾನ್ ಸೆನ್ಸ್ ನಾಂ ಗೀ ..!! ??( ಹಾಚೆ ಬರಿಚ್ ಉಲಾಂವ್ಚ್ಯಾ ನಿತಿನ್ ಗಡ್ಕರಿಚೊ ಬಾಪಯ್ ಹೊಚ್ ಕೊಣ್ಣಾ ಮ್ಹುಣ್ ಥೊಡ್ಯಾಂಕ್ ದುಬಾವ್...!! ಪುಣ್ ತಿ ಗಜಾಲ್ ದುಸ್ರಿ ಮ್ಹುಣ್ಯಾಂ ..!! ). ತಶೆಂ ಹೊ ಮನಿಸ್ ಅವ್ಕಾಸ್ ಮೆಳ್ಯಾರ್ ಬರಾಕ್ ಒಬಾಮಾ ಥಾವ್ನ್ ಐವಾನ್ ಡಿ’ಸೊಜಾ ಮ್ಹುಣಾಸರ್ ಗಾಳಿ ದಿತಾ !!! ತ್ಯಾ ಜೀಬೆಚಿ ಮಹಿಮಾಂಚ್ ತಿ ..!!!


ಹೊ ಮನಿಸ್ ಬಿಜೆಪಿಚೊ ಅದ್ಯಕ್ಷ್ ಜಾಂವ್ಚ್ಯಾ ಪಯ್ಲೆಂ ಕರ್ನಾಟಕಾಚೊ ಕರೆಂಟ್ ಮಂತ್ರಿ ಜಾವ್ನ್ ಆಸ್‌ಲ್ಲೊ. ಹಾಕಾ ಹೊ ಖಾತೊ ಜಾಯ್-ಜಾಯ್ ಮ್ಹುಣ್ಂಚ್ ಯಡಿಯೂರಪ್ಪಾನ್ ದಿಲ್ಲೊ ಮ್ಹುಣ್ತಾತ್. ಕರೆಂಟ್ ಮಂತ್ರಿ ಜಾಂವ್ಕ್ ಹಾಕಾ ಚೂರ್‌ಯೀ ಮನ್ ನಾತ್‌ಲ್ಲೆಂ. ಕಿತ್ಯಾಕ್ ದುಸ್ರ್ಯಾ ಖಾತ್ಯಾಂತ್ ಕಾಂವ್ಕ್ ಜಾಂವ್ಚ್ಯಾ ತಿತ್ಲೆಂ ಹ್ಯಾ ಖಾತ್ಯಾಂತ್ ಕಾಂವ್ಕ್ ಜಾಯ್ನಾ ನೇ ..!! ಏಕಾ ಕಾಳಾರ್ ಹೊ ಯಡಿಯೂರಪ್ಪಾ ಆನಿಂ ಈಶ್ವರಪ್ಪಾ ಶಿವಮೊಗ್ಗಾಂತ್ ಭಾರಿ ಚಡ್ಡಿ ದೋಸ್ತ್. ಪುಣ್ ಹಾತಾಂ ಏಕ್ಲ್ಯಾಕ್ ಪಳೆಯ್ಲಾರ್ ಅನ್ಯೇಕ್ಲ್ಯಾಕ್ ಜಾಯ್ನಾ. ತ್ಯಾ ದಿಸಾನಿಂ ಹೆ ದೋಗ್ ಯೀ ಚಡ್ಡಿ ಗಾಲ್ನ್ ಸಾಂಗಾತಾ ಆರ್‌ಎಸ್‌ಎಸ್ ಚಾ ಶಾಖ್ಯಾಕ್ ಯೆತಾಲೆ . (ಪಾಪ್ ತ್ಯಾ ಕಾಳಾರ್ ತಾಂಕಾ ಪ್ಯಾಂಟ್ ಶಿವೊಂಕ್ ಜಾಂವ್ಚಿ ಯೀ ಗತ್ ನಾತ್ ಲ್ಲಿ..!!). ಪುಣ್ ಹೆ ದೋಗಿ ಬಿಜೆಪಿಂತ್ ವಾಡ್ಲ್ಯಾ ಉಪ್ರಾಂತ್ ಹಾಂಚೆಂ ಮಧೆಂ ಸ್ಪರ್ಧೊ ಸಡ್ಲೊ. ಗೌಡಾ ಆನಿಂ ತಾಚಾ ಪುತಾನಿಂ ಮ್ಹಕಾ ಆನ್ಯಾಯ್ ಕೆಲೊ ಮ್ಹುಣ್ ಬೊಬೊ ಗಾಲ್ನ್ ಆಧಿಕಾರಾಕ್ ಆಯಿಲ್ಲ್ಯಾ ಯಡಿಯೂರಪ್ಪಾಕ್ , ಖಂಯ್ ಪುಣೀ ಆಪ್ಲ್ಯಾ ವಾಟೆಕ್ ಮ್ಹುಕಾರ್ ಆಡ್ ಯೆತಾ ಮ್ಹುಣ್ ಹ್ಯಾ ಈಶ್ವರಪ್ಪಾಕ್ ಕರೆಂಟ್ ಮಂತ್ರಿ ಕರ್ನ್ ಎಕಾಚ್ ಫಾತ್ರಾರ್ ದೋನ್ ಸುಕ್ಣಿಂ ಮಾರುಂಕ್ ಪಳಯ್ಲಿಂ. ಪಯ್ಲೆಂ ಕಾಂವ್ಕ್ ಮೆಳ್ಚೆಂ ಉಣೆಂ .. ಮಾಗಿರ್ ಯಡಿಯೂರಪ್ಪಾನ್ ರಯ್ತಾಂಕ್ ಧರ್ಮಾರ್ತ್ ಕರೆಂಟ್ ದಿತಾ ಮ್ಹುಣ್ ವೊಟಾ ಪಯ್ಲೆಂ ಆಶ್ವಾಸನ್ ದಿಲ್ಲೆಂ ನೆ ? ಧರ್ಮಾಕ್ ಸೊಡ್... ಪಯ್ಸೆ ದಿತಾ ಮ್ಹುಳಾರೀ ಕರ್ನಾಟಕಾಂತ್ ಕರೆಂಟ್ ಖಂಯ್ ಮೆಳ್ತಾ ..!! ಆಶೆಂ ಲೊಕಾಚೊ ರಾಗ್ ಪೂರಾ ಈಶ್ವರಪ್ಪಾ ವಯ್ರ್ ಚಲ್ತಾ ನೆ ..!!?? ಯಡ್ಡಿಚಿ ಐಡಿಯಾ ತಿ .. !! . ತಿತ್ಲೆಂಚ್ ನ್ಹಂಯ್ ಶಿವಮೊಗ್ಗಾಂತ್ ಈಶ್ವರಪ್ಪಾಚೆಂ ಕಾಂಯ್ ಚಲಾನಸೆಂ ಕರುಂಕ್ ಕಾಲೆಂ ಪುರಾ ಜಾತಾ ಪಳೆ ತೆಂ ಪುರಾ ಯಾಡ್ಡಿನ್ ಕೆಲೆಂ. ಕರ್ನಾಟಕಕ್ ಕರೆಂಟ್ ಹಾಡುಂಕ್ ಮ್ಹುಣ್ ಚತ್ತೀಸ್‌ಗಡ್ ಸರ್ಕಾರ ಕಡೆ ಕೆಲ್ಲ್ಯಾ ಡೀಲಾಚೆಂ ಕಮಿಶನ್ ಸಯ್ತ್ ಅಪ್ಣಾಕ್ ಮೆಳ್ಚೆಂ ಯಡಿಯೂರಪ್ಪಾಚಾ ಪೂತಾಂಕ್ ಸಲ್ಚೆಂ ಪಳೆವ್ನ್ ಖುಬಾಳುನ್ ಗೆಲೊ ಹೊ ಈಶ್ವರಪ್ಪಾ !॒!


ಈಶ್ವರಪ್ಪಾ ರಾಜಕೀಯಾ ಆಯ್ಲೊಚ್ ಸಂಘಚಾ ದಯೆನ್ . ದುರ್ಬಳ್ಯಾ ಕುಟ್ಮಾಂತ್ ಜಲ್ಮಾಲ್ಲೊ ಹೊ. ಕುರ್‍ಬ್ಯಾಂ ಜಾತಿಚೊ. ಆವಯ್-ಬಾಪಾಯ್ ಕೂಲಿ ಕಾಮ್ ಕರ್ನ್ ಆಸ್‌ಲ್ಲಿಂ. ತ್ಯಾ ದಿಸಾನಿಂ ಹಾಚಿ ಜೀಬ್ ವಾಳ್ಚಿ ಪಳೆವ್ನ್ ಸಂಘಚಾ ಥೊಡ್ಯಾನಿಂ ಹಾಕಾ ಶಾಖಾಕ್ ಭರ್ತಿ ಕೆಲೊ. ಆಶೆಂ ಹೊ ಕೊಲೆಜಿಕ್ ಸೆರ್ವಾಲೊ. ABVP ಚೊ ಕಾರ್ಯಾಳ್ ಸಾಂದೊ ಜಾವ್ನ್ ಆಸ್‌ಲ್ಲೊ. ಉಪ್ರಾಂತ್ ಜನಸಂಘಾಂತ್, ತುರ್ತ್ ಪರಿಸ್ಥಿತೆ ತೆದಾಳಾ ಜಯ್ಲಾಂತ್, ಉಪ್ರಾಂತ್ ಬಿಜೆಪಿ ಕ್, ಮಾಗಿರ್ ಎಮ್.ಎಲ್.ಎ, ಮಾಗಿರ್ ಮಂತ್ರಿ .. ಆಶಿ ಚಲೂನ್ ಆಯ್ಲೆಂ ಹಾಚೆಂ ಜೀವನ್.. ಏಕಾ ಕಾಳಾರ್ ಹಾಚೆ ಕಡೆ ಏಕ್ ಗುಜಿರಿ ಸ್ಕೂಟಾರ್ ಆಸ್‌ಲ್ಲೆಂ. ತ್ಯಾ ಸ್ಕೂಟಾರಾಚಾ ಪಾಟ್ಲ್ಯಾ ಸಿಟೆರ್ ಬಸೊಂನ್‌ಚ್ ಆಜ್ ಯಡಿಯೂರಪ್ಪಾ ಕರ್ನಾಟಕಚೊ ಮುಖೆಲ್ ಮಂತ್ರಿ ಜಾಲೊ ..!! (ಯಡಿಯೂರಪ್ಪಾಕ್ ಸೈಕಲ್ ಸೊಡುಂಕ್ ಶಿಕಯ್ಲೆಂಚ್ ಈಶ್ವರಪ್ಪಾನ್ ಮ್ಹುಣ್ತಾತ್ ಥೊಡೆ ..!) . ಪುಣ್ ಆಜ್ ಈಶ್ವರಪ್ಪಾ ಭಾರಿ ಅನ್ಕೂಲ್‌ವಂತ್. ಬೆಂಗ್ಳೂರ್, ಶಿವಮೊಗ್ಗಾಂತ್ ಜಾಯ್ತೆ ಬಂಗ್ಲೆ ಆಸಾತ್. ಕಾರಾಂ , ನೌಕರಾಂ ಹೆಂ ಪುರಾ ಆಸಾ ... ತಿತ್ಲ್ಯಾ ಮಟ್ಟಾಕ್ ಮ್ಹುಣಾಸರ್ ಬದಲ್ಲಾ ಹೊ ಈಶ್ವರಪ್ಪಾ .. ಪುಣ್ ಬದ್ಲೊಂಕ್ ನಾತ್ಲೆಂ ದೋನ್ ಮಾತ್ರ್. ಏಕ್ ತಾಚಿ ಜೀಬ್ ಆನಿಂ ಸಂಘ ವಯ್ಲಿ ತಾಚಿ ನಿಷ್ಠಾ ..!!


ಕದಡ್ಲ್ಯಾ ಉದ್ಕಾಂತ್ ಮಾಸ್ಳಿ ದರ್ಚಾಂತ್ ಈಶ್ವರಪ್ಪಾ ನಿಸ್ಸೀಮ್ .. ಥೊಡ್ಯಾ ಮಹಿನ್ಯಾ ಆದಿಂ ಶಿವಮೊಗ್ಗಾಂತ್ ಏಕ್ ಇಗರ್ಜ್ ಉದ್ಘಾಟನ್ ಕರುಂಕ್ ಆಯ್ಲೊ. ಮುಸ್ಲಿಂ, ಲವ್ ಜೆಹಾದ್ ಕರ್ನ್ ಕಿರಿಸ್ತಾಂವ್ ಆನಿಂ ಹಿದ್ವಾಂಚಾ ಚೆಡ್ವಾಂಕ್ ಮತಾಂತರ್ ಕರ್ತಾತ್ ಮ್ಹುಣಾಲೊ ತೊ. ಆನಿಂ ಕಿರಿಸ್ತಾಂವಾನಿ, ಹಿಂದ್ವಾಂ ಸಾಂಗಾತಾ ಮೆಳೊನ್ ಹೆಂ ಜೆಹಾದ್ ನಿರ್ನಾಮ್ ಕರಿಜೆ ಮ್ಹುಣಾಲೊ ..! ಪೋಯ್ರ್ ಎಮ್.ಪಿ. ಪ್ರಕಾಶಾಕ್ ಸನ್ಮಾನ್ ಕರ್ಚೆಂ ಕಾರ್ಯೆಂ ಬೆಂಗ್ಳೂರಾಂತ್ ಜಾಲ್ಲೆಂ. ಸಕ್ಕಡೀ ಪಾಡ್ತಿಚೆ ಸಾಂದೆ ತಾಂತುಂ ಹಾಜರ್ ಆಸ್‌ಲ್ಲೆ. ಕುಮಾರಸ್ವಾಮಿನ್ ಭಾಶಣ್ ಕರ್ತಾನಾ ಹಿಂದೂ ಭಯೋತ್ಪದನಾ ವಿಶಿಂ ಉಲ್ಲೇಖ್ ಕೆಲೊ. ಹೆಂ ಜಿರ್ವೊಂಕ್ ಜಾಯ್ನಾಸ್ತಾನ , ಸ್ಟೇಜಿ ಥಾವ್ನ್ಂಚ್ ಉಟೊನ್ ಗೆಲೊ ಹೊ ಈಶ್ವರಪ್ಪಾ ..!!


ಅತಾಂ ಈಶ್ವರಪ್ಪಾ ಕಡೆ ಆಸ್ಚೊ ಅಜೆಂಡಾ ಏಕ್‌ಚ್ .. ತಾಕಾ ಕರ್ನಾಟಕಚೊ ಮುಖೆಲ್ ಮಂತ್ರಿ ಜಾಯ್ಜೆ. ಸದ್ದ್ಯಾಕ್ ರೆಡ್ಡಿ ಭಾವ್ ಆನಿಂ ಲಿಂಗಾಯಾತಾಂ ವರ್ವಿಂ ಸರ್ಕಾರ್ ಚಲೊನ್ ಆಸ್ಲ್ಯಾನ್ ಹೆ ಪಾವ್ಟಿಂ ಸಾದ್ಯ್ ನಾ ಮ್ಹುಣ್ ತಾಕಾ ಖಳಿತ್ ಆಸಾ. ಪುಣ್ ಪುಡ್ಲ್ಯಾ ಎಲಿಸಾಂವಾಂತ್ ಕಾಲೆಂ ಪುಣೀ ಗಿಮಿಕ್ ಕರಿಜೆಚ್ ಮ್ಹುಳ್ಳ್ಯಾ ಹಟ್ಟಾಕ್ ಪಡ್ಲಾ. ಹಾಕಾ ಅತಾಂ urgent ಜಾವ್ನ್ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಚೊ ಲೀಡಾರ್ ಜಾಯ್ಜೆ .. ಅತಾಂ ಕಾಲೆಂ ಮ್ಹುಳ್ಯಾರೀ ಸಿದ್ದರಾಮಾಯ್ಯಾಚ್ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಚೊ ಲೀಡಾರ್ . ಪುಣ್ ಭಾರಿ ಪ್ರಮಾಣಾಂತ್ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಚೊ ವೋಟ್ ಆಸ್‌ಲ್ಲ್ಯಾನ್ , ಹಾಂಚೆ ವಯ್ರ್ ಈಶ್ವರಪ್ಪಾಕ್ ಆನಿಂ ಬಿಜೆಪಿಕ್ ದೊಳೊ ಪಡ್ಲಾ . ಅಪುಣ್ ಕುರ್‍ಬೊ ಜಾವ್ನ್ ಆಸ್‌ಲ್ಲ್ಯಾರೀ ಯೆದೊಳ್ ಮ್ಹುಣಾಸರ್ ಹಾಣೆಂ ಜನಿವಾರಾಧಾರಿಂಚಿಂ ಸೆವಾ ಕೆಲ್ಲಿ. (ಉಡ್ಪಿಚಾ ಕ್ರಷ್ಣ ದಿವ್ಳಾಚೊ ಕನಕ ಗೋಪುರಾ ಕೊಸ್ಳಾಯ್ತಾನಾ ಹ್ಯಾ ಈಶ್ವರಪ್ಪಾನ್, ಕುರ್‍ಬ್ಯಾಂ ವಿರೋದ್ ಪೇಜಾವರ್ ಸೊಮ್ಗೊಳಾಕ್ support ಕೆಲ್ಲೊ ..!) ಪುಣ್ ಕಿತ್ಯಾಕ್ ಗೀ ಅತಾಂ ಹ್ಯಾ ಲೊಕಾಚೆರ್ ತಾಕಾ ಮೋಗ್ ಆಯ್ಲಾ ..!! . ತಾಂಕಾ ಚಡಿತ್ reservation ದಿಜೆ ಕಂಯ್ ..!! (ವಿ ಪಿ ಸಿಂಗಾನ್ ಮಂಡಳ್ ರಿಪೋರ್ಟ್ ಜಾರಿ ಕರುಂಕ್ ಯೆತಾನಾ, ತಾಚೆ ವಿರೋದ್ ತೆನ್ನಾ ಹ್ಯಾ ಈಶ್ವರಪ್ಪಾನ್ ಗಾಲ್‌ಲಿ ಬೊಬಾಟ್ ಕಿತ್ಲಿ..!!, ಆನಿಂ ಕೇಂದ್ರಾಚಾ ಬಿಜೆಪಿ ಮುಕೆಲ್ಯಾನಿಂ ಹ್ಯಾಚ್ ಕಾರಣಾಕ್ ವಿ ಪಿ ಸಿಂಗಾಕ್ ದೆವಯ್ಲೆಂ ಆಜ್ ತಾಂಕಾಂ ಉಡಾಸ್ ನಾಂ ಗೀ ಮ್ಹುಣ್ ..!!). ಹಾಚೆ ಖಾತಿರ್ ಬಿಜೆಪಿನ್ ಥೊಡ್ಯಾ ದಿಸಾಂ ಆದಿಂ ಬೆಂಗ್ಳೂರ್ಚಾ ಪ್ಯಾಲೇಸ್ ಗ್ರೌಂಡಾಂತ್ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಚೊ ಏಕ್ ವಡ್ಲೊ ಸಮವೇಶ್ ಕೆಲ್ಲೊ . ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಂಕ್ ನ್ಯಾಯ್ ಆನಿಂ ಸವ್ಲತ್ತೊ ದೀಂವ್ಕ್ ಕಂಯ್ ..! ಹ್ಯಾ ಸಮವೇಶಾಂತ್ ಈಶ್ವರಪ್ಪಾಕ್ ಅಪುಣ್ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಂಚೊ ಚಾಂಪಿಯಾನ್ ಮ್ಹುಣ್ ಕೊಚ್ಚುಂಕ್ ಲಾಗ್ಲೊ. ಪುಣ್ ಸಂಘ್ ಪರಿವಾರಾಚೊ ಉದ್ದೇಶ್ ದುಸ್ರೊಚ್ ಆಸ್ಲೊ ..! ರಂಗನಾಥ್ ಮಿಶ್ರಾ ಅಯೋಗಾಚಿ ವರ್ದಿ ಕೇಂದ್ರ್ ಸರ್ಕಾರಾನ್ ಜಾರಿ ಕರುಂಕ್ ನುಜೊ ಮ್ಹುಣ್ .! ( ರಂಗನಾಥ್ ಮಿಶ್ರಾ ಅಯೋಗಾನ್ ಉಣ್ಯಾ ಸಂಕ್ಯಾಚಾ ಲೋಕಾಕ್ ಯೀ reservation ದಿಜೆ ಮ್ಹುಣ್ ಶಿಪಾರಾಸ್ ಕೆಲ್ಲ್ಯಾ ). ಆಶೆಂ ಪಾಟಿಂ ಆಸ್‌ಲ್ಲ್ಯಾ ಪಂಗ್ಡಾಂಚಾ ಲೋಕಾಕ್ ಮುಕಾರ್ ಗಾಲ್ನ್ ಅಪ್ಲೆಂ ಅಜೆಂಡಾ ಕಾರ್ಯಾಗತ್ ಕರ್ಚೆಂ ಶಿಂತ್ರ್ಯೊ ಸಂಘಚೊ ...!!

ಹೊ ಸಮವೇಶ್ ಜಾಲ್ಲ್ಯಾ ತ್ಯಾ ಆಯ್ತಾರಾ ಹಾಂವ್ ಹೆಬ್ಬಾಳಾಕ್ ಮ್ಹುಣ್ ವಚುನ್ ಆಸ್‌ಲ್ಲೊಂ. ಪುಣ್ ಹಾಂಚಾ ಸಮವೇಶಾ ನಿಮ್ತಿಂ ಟ್ರಾಪಿಕ್ ಜ್ಯಾಮ್ ಜಾವ್ನ್ ದೋನ್ ಗಂಟೆ ಭರ್ ಮೇಖ್ರಿ ಸರ್ಕಲಾ ಕಡೆ ಶಿರ್ಕಲೊಂ. ತ್ಯಾ ದೀಸ್ ಖಂಯ್ ಪಳೆಯ್ಲಾರೀ ಈಶ್ವರಪ್ಪಾಚಿಂ ಬ್ಯಾನಾರಾಂ ಆನಿ ಕಟೌಟಾಂ ... ಹೆಂ ಕಟೌಟ್ ಪಳೆವ್ನ್ ತ್ಯಾ ಟ್ರಾಪಿಕಾಂತ್ ಮ್ಹುಜಾ ಬಗ್ಲೆಂತ್ ರಾವ್‌ಲ್ಲ್ಯಾ ಏಕಾ ಕಾರಾಂತ್ ಥಾವ್ನ್ ಏಕ್ ಭುರ್‍ಗೆಂ ಬೋಬ್ ಮಾರ್ನ್ ಸಾಂಗೊನ್ ಆಸ್‌ಲ್ಲೆಂ..... “ಮಮ್ಮೀ ಮಮ್ಮೀ.. ಗೊಂಗೊ ಪಳೆ ಮ್ಹುಣ್ ” ...!!!!

****************************************************

_ಪ್ರಮೋದ್ ರೊಡ್ರಿಗಸ್ , ಹೊಸ್ಪೆಟ್

ವಿಮಾನ್ ಅವ್ಘಾಡಾಚೆ ಮಿಸ್ತೆರ್ ಆನಿಂ Black box (MITHR)

ಏಕ್ ವಿಮಾನ್ ಅವ್ಘಾಡಾಕ್ ಸಂಪಡ್ಲ್ಯಾ ಉಪ್ರಾಂತ್ ಚಡ್ ಚರ್ಚೆಕ್ ಯೆಂವ್ಚಿ ವಸ್ತ್‌ಚ್ Black box ..! ಪೋಯ್ರ್ ಆಮ್ಚ್ಯಾ ಮಂಗ್ಳೂರಾಂತ್ ವಿಮಾನ್ ದುರಂತ್ ಜಾಲ್ಲ್ಯಾ ಉಪ್ರಾಂತ್ ಯೀ ಹ್ಯಾ Black box ವಿಶಿಂ ಚರ್ಚಾ ಜಾವ್ನ್ಂಚ್ ಆಸಾ. ಇತ್ಲ್ಯಾಕೀ ವಿಮಾನ್ ಅವ್ಘಾಡಾಚೆ ಮಿಸ್ತೆರ್ ಸೊಡಾಂವ್ಚೆಚ್ ಹ್ಯಾ Black box ನ್..!! ಕಶೆಂ ಸಾಧ್ಯ್ ಹೆಂ... ??


ವಾಸ್ತಾವ್ ಜಾವ್ನ್ ವಿವಿಧ್ ನಮೂನೆಚಾ ಸಬಾರ್ ರೆಕೊರ್ಡಿಂಗ್ ಯಂತ್ರಾಕ್ ಸಾಂಗ್ರಾಹೀಕ್ ಜಾವ್ನ್ Black boxes ಮ್ಹುಣ್ತಾತ್. ವಿಮಾನಾರ್ ಆಸ್ಚ್ಯಾ Black box ಂತ್ ದೋನ್ ಭಾಗ್ ಆಸ್ತಾತ್. ಪಯ್ಲೊ ಕಾಕ್‌ಪೀಟ್ ವಾಯ್ಸ್ ರೆಕೊರ್ಡಾರ್ (CVR) ಆನಿಂ ದುಸ್ರೊ ಫ್ಲೈಟ್ ಡಾಟಾ ರೆಕೊರ್ಡಾರ್ (FDR) . ಹೊ Black box ವಿಮನಾಚಾ ಶಿಮ್ಟೆಚಾ ಕುಶಿನ್ ದವರ್ತಾತ್. ಕಿತ್ಯಾಕ್ ಮ್ಹುಳ್ಯಾರ್ ಕಿತ್ಲೆಂ ವ್ಹಡ್ ಅವ್ಘಾಡ್ ಗಡ್ಲ್ಯಾರೀ , ಚಡಾವತ್ ಶಿಮ್ಟೆಚೊ ಭಾಗ್ ಸುರಕ್ಷಿತ್ ಜಾವ್ನ್ ಆಸ್ತಾ ..! ತಶೆಂಚ್ ಹೊ Black box ಯೀ ..! ಸಗಾ ವಿಮಾನಾಚಿ ವೀಜ್ ಸಕತ್ ಬಂಧ್ ಪಡ್ಲ್ಯಾರೀ, ತಾಂತುಂ ಆಸ್ಚ್ಯಾ ಸಕ್ತೆವಂತ್ ಬ್ಯಾಟರಿ ವರ್ವಿಂ ಅಪ್ಲೆಂ ಕಾಮ್ ಮುಖಾರುನ್ ವರ್ತಾ ಹೊ Black box ..!

ಅತಾಂ ಹೆಂ ಕಾಕ್‌ಪೀಟ್ ವಾಯ್ಸ್ ರೆಕೊರ್ಡಾರ್ ಯಾ CVR ಕಾಲೆಂ ಮ್ಹುಣ್ ಪಳೆಯಾಂ . ಸಾಮಾನ್ಯ್ ಜಾವ್ನ್ ವಿಮಾನಾಚಾ ಕಾಕ್‌ಪೀಟಾಂತ್ ಚಾರ್ ಕಡೆ ಮೈಕ್ರೊಫೋನ್ ದವರ್ತಾತ್. ಹೆಂ ಮೈಕ್ರೊಫೋನ್ ಪೈಲೆಟಾಚಾ, ಕೊ- ಪೈಲೆಟಾಚಾ, ಕ್ಯಾಬಿನ್ ಸಿಬ್ಬಂದೆಚಾ ಹೆಡ್‌ಸೆಟ್ಟಾಂತ್ ಆಸ್ತಾ. ಚವ್ತೆಂ ಮೈಕ್ರೊಫೋನ್, ಕಾಕ್‌ಪೀಟಾಚಾ ಮದೆಂ ಬಸಯ್ತಾತ್. ಹೆಂ ಮೈಕ್ರೊಫೋನ್ ಕಾಕ್‌ಪೀಟಾಂತ್ ಜಾಂವ್ಚಾ ಇತರ್ ಆವಾಜ್ ಗ್ರಹಣ್ ಕರ್ತಾ. ಆಶೆಂ ಹ್ಯಾ ಚಾರ್ ಮೈಕ್ರೊಫೋನಾ ಥಾವ್ನ್ ಯೆಂವ್ಚೊ ಅವಾಜ್ ಸಕ್ಕಡೀ CVR ಂತ್ ರೆಕೊರ್ಡ್ ಜಾತಾ. ಚಡಾವತ್ ಜಾವ್ನ್ ಅರ್ದ್ಯಾ ಗಂಟ್ಯಾ ಥಾವ್ನ್ ದೋನ್ ಗಂಟೆ ಭರ್ ಮ್ಹುಣಾಸರ್ ಆಸ್ಚೊ ದತ್ತಾಂಶ್ ಸಂಗ್ರಕ್ ಕರುಂಕ್ ಹೆಂ CVR ಸಕ್ತಾ. ತಶೆಂ ಜಾಲ್ಯಾನ್ ರೆಕೊರ್ಡ್ ಕೆಲ್ಲ್ಯಾ ಮೆಮೊರಿಚಾ ಭಾಗಂ ವಚಿiiಚ್ ಹೆಂ ಸಂಭಾಷಣ್ ಪರತ್ ಪರತ್ ಸಂಗ್ರಹ್ ಜಾವ್ನ್ ಆಸ್ತಾ. ಅಶೆಂ ಜಾಲ್ಲ್ಯಾನ್ ವಿಮಾನ್ ಅವ್ಘಾಡಾಕ್ ಸಂಪಡ್ಲ್ಯಾರ್ , ಅಂತಿಮ್ ತೀಸ್ ಮಿನುಟಾಚೆಂ ಯಾ ದೋನ್ ಗಂಟ್ಯಾಚೆಂ ಸಂಭಾಷಣ್ CVR ಂತ್ ಸುರಕ್ಷಿತ್ ಜಾವ್ನ್ ಉರ್‍ತಾ ..!!


ಪುಣ್ ಫ್ಲೈಟ್ ಡಾಟಾ ರೆಕೊರ್ಡಾರ್ ಯಾ FDR ಚೆಂ ಕಾಮ್ ದುಸ್ರೆಂಚ್ . ಹೆಂ FDR ವಿಮಾನಾಚಾ ನಿರ್ವಹಣಾಚೊ ಹರ್‍ಯೇಕ್ ದತ್ತಾಂಶ್, ಹರ್‍ಯೇಕ್ ಸೆಕುಂಡಾಕ್ ರೆಕೊರ್ಡ್ ಕರ್ತಾ. ಸುಮಾರ್ 25 ಗಂಟೆ ತಿತ್ಲೊ ದತಾಂಶ್ ಸಂಗ್ರಹ್ ಕರ್ಚಿ ಶಾಥಿ ಹ್ಯಾ ಫ್ಲೈಟ್ ಡಾಟಾ ರೆಕೊರ್ಡಾರಾಕ್ ಆಸಾ. ವಿಮಾನಾಚಾ ಹರ್‍ಯೇಕ್ ಕೊನ್ಶ್ಯಾನಿಂ ಸಬಾರ್ ಸೆನ್ಸಾರಾಂ ದವರ್ತಾತ್. ಹೆ ಸೆನ್ಸಾರ್ ಹರ್‍ಯೇಕಾ ಸೆಕುಂಡಾಕ್ ವಿಮಾನಾಚಾ ಇಂಜಿನಾಚಿ ಸ್ಥಿತಿ, ವಿಮಾನ್ ಕಿತ್ಲ್ಯಾ ಉಭಾರಾಯೆರ್ ಉಬೊನ್ ಆಸಾ ?, ವೇಗ್ ಕಿತ್ಲೊ ? , ಭಯ್ಲೊ ತಾಪ್‌ಮಾನ್ ಕಿತ್ಲೊ ? ಕ್ಯಾಬಿನಾ ಭಿತರ್ ಕಿತ್ಲೊ ತಾಪ್ ಆಸಾ ? ವಾರ್‍ಯಾಚೆಂ ಒತ್ತಡ್ ಕಿತ್ಲೆಂ ? . ಉಬ್ಚಿ ದಿಶಾ ಖಂಚಿ ? ..... ಆಶೆಂ ಸುಮಾರ್ 88 ನಮೂನೆಚೊ ದತ್ತಾಂಶ್ ಸಂಗ್ರಕ್ ಕರ್ನ್ ಕಾಕ್‌ಪೀಟಾಂತ್ ಆಸ್ಚ್ಯಾ flight-data acquisition unit (FDAU) ಕ್ ದಾಡ್ತಾ. FDAU ಥಾವ್ನ್ FDR ಮ್ಹುಣಸಾರ್ ಕೆಬಲ್ ಕನೆಕ್ಷನ್ ಆಸ್ತಾ. ಆಶೆಂ FDAU ಹೊ ದತ್ತಾಂಶ್ ಪುರಾ FDR ಂತ್ ಸಂಗ್ರಕ್ ಕರ್ತಾ. ! ಆಶೆಂ ತುವೆಂ ಖಂಚೊಯೀ ಬಟನ್ ಯಾ ಸ್ವಿಟ್ಚ್ ದಾಂಬ್ಲ್ಯಾರೀ ತಿ ಕೆದಾಳಾ ದಾಂಬ್ಲ್ಯಾ ಮ್ಹುಳ್ಳೊ ಸಂಪೂರ್ಣ್ ವಿವರ್ FDR ಂತ್ ಆಸ್ತಾ. .!!


ಹ್ಯಾ Black box ಕ್ ಪರ್ಜಳಿತ್ ಆನಿಂ ದಾಟ್ ಸಾಂತ್ರಿ ರಂಗ್ (orange color) ದೀವ್ನ್ ಆಸ್ತಾತ್. ವಿಮಾನಾಚಾ ಅವಶೇಷಾಂ ಮದೆಂ ಥಾವ್ನ್ ಹೊ Black box ಸುಲಾಭಾಯೆನ್ ನದ್ರೆಕ್ ಪಡೊಂದಿ ಮ್ಹುಣ್ ಹಿ ವ್ಯವಸ್ಥಾ ..! ಸಾಂಗಾತಾಚ್ ಏಕ್ ರೇಡಿಯೊ ಟ್ರಾನ್ಸ್‌ಮೀಟಾರ್‌ಯೀ ಹಾಕಾ ಬಸಯ್ತಾತ್. ಚವ್ದಾ ಹಜಾರ್ ಅಡ್ಯೆ ಪಂದ್ಲ್ಯಾ ಧರ್ಯಾಂತ್ ಪಡ್ಲ್ಯಾರೀ , ಹೊ ಟ್ರಾನ್ಸ್‌ಮೀಟಾರ್ ಸ್ವಯಾಂಚಾಲಿತ್ ಆರಂಭ್ ಜಾವ್ನ್ “ಹಾಂವ್ ಹಾಂಗಾ ಆಸಾಂ” ಮ್ಹುಣ್ ಸಿಗ್ನಲಾಂ ದಾಡ್ನ್ಂಚ್ ಆಸ್ತಾ ...!!!


ಹ್ಯಾ CVR ಆನಿಂ FDR ಂತ್ಲೊ ದತ್ತಾಂಶ್ ದಾಕ್ಟ್ಯಾ ಏಕಾ ಚಿಪ್ಪಾಂತ್ ಸಂಗ್ರಹ್ ಕರ್ತಾತ್. ಥೊಡ್ಯಾ ವರ್ಸಾಂ ಪಚಿiಂ ಮ್ಯಾಗ್ನೆಟಿಕ್ ಟೇಪ್ ವಾಪರ್ನ್ ಆಸ್‌ಲ್ಲೆ . ಹೆಂ ಚಿಪ್ crash survivable memory unit (CSMU) ಮ್ಹುಳ್ಯಾ ಭಾಗಾಂತ್ ಸುರಕ್ಷಿತ್ ಜಾವ್ನ್ ದವರ್ತಾತ್. ಕಿತ್ಲೊ ವ್ಹಡ್ ಅವ್ಘಾಡ್ ಜಾಲ್ಲ್ಯಾರೀ, ಕಿತ್ಲೊ ಅಧಿಕ್ ತಾಪ್ ಆಸ್ಲ್ಯಾರೀ, ಸಗ್ಳೆಮ್ ವಿಮಾನ್ ಭಸ್ಮ್ ಜಾಲ್ಯಾರೀ, ಉದ್ಕಾಚಾ ಕಿತ್ಲ್ಯಾ ಪಂದಾ ಆಸ್ಲ್ಯಾರೀ CSMU ಸುರಕ್ಷಿತ್ ಜಾವ್ನ್ ಆಸ್ತಾ. ಆಶೆಂ ಹ್ಯಾ ಚಿಪ್ಪಾಂತ್ಲೊ ದತ್ತಾಂಶ್ ಡೌನ್‌ಲೊಡ್ ಕರ್ನ್ , ಉಪ್ರಾಂತ್ ವಿಶ್ಲೇಷಣ್ ಕರ್ನ್ ಅವ್ಘಾಡಾಚೆ ಮಿಸ್ತೆರ್ ಸೊಧುನ್ ಕಾಡ್ತಾತ್ . ಹ್ಯಾ ಕಾರ್ಯಾಕ್ ಸುಮಾರ್ 30 ದೀಸ್ ಪುಣ್ ಜಾಯ್ಜೆ. ಆಶಿ ಅಸಾ ಹ್ಯಾ Black box ಚಿ ಮಾಹಿಮಾ ...!!

*************************************************************

- ಪ್ರಮೋದ್ ರೊಡ್ರಿಗಸ್ , ಹೊಸ್ಪೆಟ್

ತುಕಾಯೀ blogger ಜಾಯ್ಜೆ ಗೀ ? (MITHR)

weblog… ಯಾ blog ..! ಅಂತರ್-ಜಾಳಿರ್ ಬೊಂವ್ಡಿ ಕಾಡ್ನ್ ಆಸ್ಲ್ಯಾಂಕ್ blogs ಅಪರಿಚಿತ್ ಮ್ಹುಳ್ಯಾ ಭರಿ ದಿಸನಾಂತ್. ಆಜ್ ಜಾಳಿರ್ ಕಾರ್ಯಾಳ್ ಆಸ್ಚೆ ಬ್ಲಾಗ್ ಪಂದ್ರಾ ಕೊರೊಡಾಚಾಕೀ ವಚಿii. !! ಬ್ಲಾಗಾ ವಿಣೆಂಚೊ ಅಂತರ್-ಜಾಳ್ ನಿಸ್ತೇಜ್ ಮ್ಹುಳ್ಯಾ ಭರಿ..!


ಇತ್ಲ್ಯಾಕೀ ಬ್ಲಾಗ್ ಮ್ಹುಳ್ಯಾರ್ ಕಿತೆಂ. ಜಾಳಿಜಾಗೊ (website) ಆನಿಂ ಬ್ಲಾಗಾಕ್ ಕಿತ್ಲೊ ಫರಕ್ ಆಸಾ ? .. ಸಾಂಗ್ಚೆ ತಿತ್ಲೊ ವಿಶೇಷ್ ಚಡ್ ಕಾಂಯ್ ನಾ. ಸಕ್ಕಡೀ ಬ್ಲಾಗ್ ಜಾಳಿಜಾಗೆಚ್.. ಪುಣ್ ಸಕ್ಕಡೀ ಜಾಳಿಜಾಗೆ ಬ್ಲಾಗ್ ನ್ಹಂಯ್..! ಬ್ಲಾಗ್ ಮ್ಹುಳ್ಯಾರ್ ಚಡಾವತ್ ಜಾವ್ನ್ ವ್ಯಕ್ತಿನಿಂ ವೆಯಕ್ತಿಕ್ ಜಾವ್ನ್ ಅಪ್ಲ್ಯಾ ಪಸಂದಯೆಚೆ ವಿಷಯ್, ಅಭಿಪ್ರಾಯ್, ಬೊಗ್ಣಾಂ ಯಾ ಇತರ್ ಸಂಗ್ತಿ ಪರ್ಗಟ್ ಕರುಂಕ್ ಸಗ್ಚೆಂ ಜಾಳಿ-ತಾಣ್.. ಮ್ಹುಳ್ಯಾರ್ online ಡೈರಿ ಬರಿ. ತುವೆಂ ಬರಯ್ಲೆಂ ಸಂಸರಾಂತ್ಲ್ಯಾ ಕೊಣಾಯ್ಕೀ ವಾಚ್ಯೇತ್..! ತಿತ್ಲೆಂಚ್ ನ್ಹಂಯ್..! ತುಜ್ಯಾ ಅಭಿಪ್ರಾಯಾಂಕ್ ತಾಂಕಾಂ ಪ್ರತಿಕ್ರಿಯಾ (comments) ದಿವ್ಯೇತ್. ತಿಚ್ ಬ್ಲಾಗಾಚಿ ವಿಶೇಷಾತಾ..!!


ತುವೆಂ ಏಕ್ ಬ್ಲಾಗ್ ರಚುನ್, ತೊ ಚಲವ್ನ್ ಆಸ್ಲ್ಯಾರ್ ತುಕಾ ಏಕ್ blogger ಮ್ಹುಣ್ ಆಪಾಯ್ತಾತ್. ತುವೆಂ ಏಕ್ ಬ್ಲಾಗಾರ್ ಜಾಯ್ಜೆ ಜಾಲ್ಯಾರ್ ಚಡಿತ್ ಕಾಂಯ್ ಕಷ್ಟ್ ನಾಂತ್. ಖರ್ಚ್ ಯೀ ನಾ. ಏಕ್ ಬ್ಲಾಗ್ ಚಲಂವ್ಚಾಕೀ ಮಂಗ್ಳೂರ್ಚ್ಯಾ ರಸ್ತ್ಯಾನಿಂ ಬೈಕ್ ಸವಾರ್ ಕರ್ಚೆಂ ಚ್ ಕಷ್ಟ್ ..!! ತುಕಾ ಪುಂಕ್ಯಾಕ್ ಬ್ಲಾಗ್ ರಚನ್ ಕರುಂಕ್ ಅವ್ಕಾಸ್ ದಿಂವ್ಚೆ ಸಬಾರ್ ಜಾಳಿಜಾಗೆ ಅಂತರ್-ಜಾಳಿರ್ ಆಸಾತ್. ತಾಂತುಂ Blogger.com ಯಾ Wordpress.com ಮಸ್ತ್ ಲೊಕಾಮೊಗಾಳ್ ಜಾವ್ನ್ ಆಸಾತ್. ತುಜೆ ಕಡೆ Gmail ಐಡಿ ಆಸ್ಲ್ಯಾರ್ Blogger.com ಂತ್ ಬ್ಲಾಗ್ ರಚುಂಕ್ ಚಡಿತ್ ಕಾಂಯ್ ಕಷ್ಟ್ ನಾಂತ್. ಕಿತ್ಯಾಕ್ ಮ್ಹುಳ್ಯಾರ್ Blogger ಆನಿಂ Gmail ದೊನೀ ಗೂಗಲಾಚಿಂ ಉತ್ಪನ್ನಾಂ. ತಶೆಂ ಜಾಲ್ಯಾನ್ Blogger ಖಾತಿರ್ ಮೆಕ್ಳೆಂ account ಕರ್ಚಿ ಗರ್ಜ್ ನಾ. Blogger.com ವಚುನ್, Gmail ಐಡಿ ಥಾವ್ನ್ login ಜಾಲ್ಯಾರ್ ಜಾಲೆಂ. ಪಯ್ಲೆ ಪಾವ್ಟಿಂ ತುಜ್ಯಾ ಬ್ಲಾಗಾಕ್ ಏಕ್ ನಾಂವ್ set ಕೆಲ್ಯಾರ್ ಜಾಲೆಂ. ಮಾಗಿರ್ ತುಕಾ New Post ಮ್ಹುಳ್ಳೆಂ ಲಿಂಕ್ ದಿಸ್ತಾ. ಥಂಯ್ ಕ್ಲಿಕ್ ಕೆಲ್ಯಾರ್ ತುಕಾ ತುಜೆಂ ಲೇಖನ್, ಅಭಿಪ್ರಾಯ್, ಬೊಗ್ಣಾಂ ಯಾ ಇತರ್ ಬರವ್ಯೇತ್. ತಸ್ವೀರ್ಯೊ ಆನಿಂ ವಿಡಿಯೊ ಸೆರ್ವೊಂಕೀ ಅವ್ಕಾಸ್ ಆಸಾ.. ಸಕ್ಕಡೀ ಜಾಲ್ಯಾ ಉಪ್ರಾಂತ್ ತುಕಾ publish ಮ್ಹುಳ್ಳೊ ಏಕ್ ಬಟನ್ ದಿಸ್ತಾ. ತಾಚೆ ವಚಿii ಕ್ಲಿಕ್ ಕೆಲ್ಯಾರ್ ಜಾಲೆಂ...! ತುವೆಂ ಬರಯ್ಲೆಂ ಸಗ್ಳ್ಯಾ ಸಂಸರಾಕ್ ಉಗ್ಡಾಪಣ್ ಜಾಲೆಂ..!

ತುಜೊ ಬ್ಲಾಗ್ ವರ್ಣ್-ರಂಜಿತ್ ಕರುಂಕ್ ಸಬಾರ್ tools ಯಾ third party software ವಾಪಾರ್ಯೇತ್.. ತುಜಾ ಬ್ಲಾಗಾಕ್ ಕಿತ್ಲ್ಯಾ ಜಣಾನಿಂ ಭೆಟ್ ದಿಲ್ಯಾ ? ಖಂಚಾ ದೆಶ್ಯಾಚೆ ತೆ? ತಾಣಿಂ ತುಜೊ ಖಂಚೊ post ವಾಚ್ಲಾ ? ತಾಂಚಾ ಕಂಪ್ಯೂಟರಾಚೊ IP Address , configuration ... ಹೆಂ ಪುರಾ ಮಾಹೆತ್ ಕಾಡ್ಚಿಂ tools ಮೆಳ್ತಾತ್. ತಿತ್ಲೆಂಚ್ ನ್ಹಂಯ್ ತುಜಾ ಬ್ಲಾಗಾ ಥಾವ್ನ್ ತುಕಾ ಆದಾಯ್ ಯೀ ಜೊಡ್ಯೇತ್. Google AdSense ಮ್ಹುಳ್ಳೆಂ ಪ್ರೋಗ್ರಾಮಾ ವಿಶಿಂ ತುಮಿಂ ಆಯ್ಕಾಲಾಂ ಜಾಂವ್ಕ್ ಪುರೊ. ತುಮಿ ತುಮ್ಚ್ಯಾ ಬ್ಲಾಗಾಂತ್ AdSense ಕ್ ಸೆರ್ವಾಯ್ಲ್ಯಾರ್ , Google ಚೆ ತುಜ್ಯಾ ಲೇಖನಾಕ್ ಸಂಬಂಧ್ ಜಾಲ್ಲೆಂ ಇಸ್ತಿಹಾರ್ ಪರ್ಗಟ್ ಕರ್ತಾತ್. ತುಜ್ಯಾ ಬ್ಲಾಗಾಕ್ ಭೆಟ್ ಜಾಲ್ಯಾನ್ ತೆಂ ಲಿಂಕ್ ಕ್ಲಿಕ್ ಕೆಲ್ಯಾರ್ 5 ರೂ. ಥಾವ್ನ್ 250 ರೂ. ಮ್ಹುಣಾಸರ್ Google ತುಕಾ ಪಾವಿತ್ ಕರ್ತಾ. AdSense ಮಾತ್ರ್ ನ್ಹಂಯ್..! ಇತರ್ ಇಸ್ತಿಹಾರ್ ಕಂಪ್ಣ್ಯೊ ಯೀ ತುಕಾ ತುಜಾ ಬ್ಲಾಗಾ ಥಾವ್ನ್ ಆದಾಯ್ ಜೊಡುಂಕ್ ಅವ್ಕಾಸ್ ಕರ್ನ್ ದಿತಾತ್..! ಪುಣ್ ತೆಂ ವಾಪಾರ್ಚೆಂ skills ಆನಿಂ tricks ತುಕಾ ಖಳಿತ್ ಆಸಾಜೆ..!!


ಆಜ್ ಸಬಾರ್ ಕಲಾಕರ್, ರಾಜಕೀಯ್ ಪುಡಾರಿ, ಬರವ್ಪಿ , ಉದ್ಯಮಿ ಆನಿಂ ಇತರ್ ವ್ಯಕ್ತಿ ಬ್ಲಾಗಾ ದ್ವಾರಿಂ ಆಪ್ಲಿಂ ಬೊಗ್ಣಾಂ ಉಚಾರ್ನ್ ಆಸಾತ್. ಸಬಾರ್ ಇತರ್ ವಿಶಚಿii ಸಂಬಂಧ್ ಜಾಲ್ಲೆ ಬ್ಲಾಗ್ ಯೀ ಆಸಾತ್. ವಿವಿಧ್ ಬಾಸಾನಿಂ ಯೀ ಆಸಾತ್. ತುಜಾ ಬ್ಲಾಗಾಕ್ control ಕರ್ಚೆ ಕೋಣ್ ಯೀ ನಾಂತ್. ತುಜಾ ಬ್ಲಾಗಾಕ್ ತುಂಚ್ boss..!! . ತುಮ್ಕಾಂ ಥೊಡ್ಯಾಂಕ್ ಖಳಿತ್ ಆಸೊಂಕ್ ಪುರೊ. .. ಅಮ್ಚ್ಯಾ ಕರ್ನಾಟಕಾಚೊ ಗ್ರಹ್ -ಮಂತ್ರಿ , ವಿ. ಎಸ್. ಆಚಾರ್ಯಾ ಯೀ ಎಕ್ಲೊ ಕಾರ್ಯಾಳ್ blogger. ಗೆಲೆತ್ಯಾ ವರ್ಸಾ ಮಂಗ್ಳೂರಾಂತ್ ಕಿರಿಸ್ತಾವಾಂ ವಚಿii ಹಲ್ಲೊ ಜಾತಾನಾ, ಹೊ ಪರ್ಜೆ-ರಾಜಾಚೊ ಏಕ್ ಮಂತ್ರಿ ಜಾವ್ನ್ ಯೀಂ ತಾಣೆಂ ಕಿರಿಸ್ತಾಂವಾ ವಿರೊಧ್ ಬ್ಲಾಗಾರ್ ಆಪ್ಲಿಂ ಬೊಗ್ಣಾಂ ವೊಂಕ್‌ಲ್ಲಿಂ.!!


ಅಂತರ್-ಜಾಳಿರ್ ಕೊಂಕ್ಣೆ ಸಂಬಂಧಿ ಕಸಲೆಯೀ ಬ್ಲಾಗ್ ಆಸಾತ್ ಗೀ ಮ್ಹುಣ್ ಸೊದ್ನಾಂ ಕರ್ತಾನಾ, ಫಿರ್ಗಿಂ ಭಾಶೆಂತ್ಲೆ ಥೊಡೆ ಬ್ಲಾಗ್ ದಿಸೊನ್ ಆಯ್ಲೆ. ಕಾನಾಡಿ ಲಿಪ್ಯೆಂತ್ ಕೊಂಕ್ಣೆ ಸಂಬಂಧಿ ಬ್ಲಾಗ್ ಅಸಾಗೀ ಮ್ಹುಣ್ ಪಳಯ್ತಾನಾ, Blogger.com ಂತ್ ಕವಿ ಮೆಲ್ವಿನ್ ರೊಡ್ರಿಗಸಚೊ ಏಕ್ ಬ್ಲಾಗ್ ದಿಸೊನ್ ಆಯ್ಲೊ. ಉಪ್ರಾಂತ್ ಹಾವೆಂ ಯೀ ಏಕ್ ಬ್ಲಾಗ್ ರಚನ್ ಕೆಲೊ. ಕಾನಾಡಿ ಲಿಪ್ಯೆಚೊ ಅಪುಟ್ ಕೊಂಕ್ಣಿ ಬ್ಲಾಗ್ ತೊ..! ತುಮ್ಕಾಂ ವೇಳ್ ಆಸ್ಲ್ಯಾರ್ ಏಕ್ ಭೆಟ್ ದಿಯಾ ..!!

**************************************

-ಪ್ರಮೋದ್ ರೊಡ್ರಿಗ್ಸ್, ಹೊಸ್ಫೆಟ್

http://pramrods.blogspot.com/