Monday, May 31, 2010

Youtube ವಿಶಿಂ ಥೊಡೆಂ ..(MITHR)

,






youtube.com ..! ಅಂತರ್-ಜಾಳಿರ್ ಬೊಂವ್ಡಿ ಮಾರ್ನ್ ಆಸ್ತಾನಾ youtube ಕ್ ಭೆಟ್ ದಿನಾಸ್ತಾನ ಯೆಂವ್ಚೆ ಅತಾಂ ಭೊವ್ ಥೊಡೆ. ಹಾಚಾಕೀ ವ್ಹಡ್ ಆನಿಂ ಲೊಕಾಮೊಗಾಳ್ ವಿಡಿಯೊ ವಾಂಟ್ಚೆ ಥಳ್ ಜಾಳಿರ್ ದುಸ್ರೆಂ ನಾ. Google, Yahoo, Facebook ಸೊಡ್ಲ್ಯಾರ್ ಅಂತರ್-ಜಾಳಿರ್ ಭೆಟ್ ಕರ್ಚೊ ದುಸ್ರೊ ಜಾಗೊಚ್ youtube..! ಜಾಳಿರ್ ವಿಡಿಯೊ ದೆಕ್ಚೆಂ ಆನಿಂ ವಾಂಟ್ಚಾ ವಿಶ್ಯಾಂತ್ ಏಕ್ ವಡ್ಲಿ ಕ್ರಾಂತ್ ಕೆಲ್ಲಿಚ್ ಹ್ಯಾ youtube ನ್ ..!!


ಹೊ youtube ಆರಂಭ್ ಜಾಲ್ಲಿ ಕಾಣಿಂಚ್ ಆಸಕ್ತೆದಾಯೆಚಿ. ಸ್ಟೀವ್ ಚೆನ್, ಚಾಡ್ ಹರ್‍ಲಿ, ಆನಿಂ ಜಾವೇದ್ ಮ್ಹುಳ್ಯಾ ತೆಗಾಂ PayPal ಕಂಪ್ಣೆಚಾ ಉದ್ಯೋಗಿನಿ ಆರಂಭ್ ಕೆಲ್ಲಿ ಹಿ. ಏಕ್ ಪಾವ್ಟಿಂ ತಾಂಕಾಂ ಏಕಾ ಪಾರ್ಟೆ ಉಪ್ರಾಂತ್ ಕಾಡ್‌ಲ್ಲೆ ವಿಡಿಯೊ ಅಂತರ್-ಜಾಳಿರ್ ಥಾವ್ನ್ ದುಸ್ರ್ಯಾಂ ಮಿತ್ರಾಂಕ್ ದಾಡಿಜೆ ಪಡ್ಲೆಂ. ಪುಣ್ ತೆದಳಾ ತಿತ್ಲೆಂ ವ್ಹಡ್ ಫೈಲ್ ವಾಂಟುಂಕ್ ಏಕ್ ಸುಲಭಾಯೆಚೊ ವಿಧಾನ್ ನಾತ್‌ಲ್ಲೆಂ. ತೆನ್ನಾ ತಾಣಿಂ ಜಾಳಿರ್ ವಿಡಿಯೊ ಕಶೆಂ ಸುಲಭಾಯೆರ್ ವಾಂಟ್ಯೇತ್ ಮ್ಹುಣ್ ಚಿಂತುಕ್ ಆರಂಭ್ ಕೆಲೆಂ. ಆಶೆಂ ಥೊಡ್ಯಾಚ್ ದಿಸಾನಿಂ ತಾಂಕಾಂ youtube ಚೆಂ ಕಲ್ಪನ್ ಆಯ್ಲೆಂ. 2005 ಇಸ್ವೆಚಾ ವ್ಯಾಲೆಂಟೈನ್ ಡೇ ಚಾ ದಿಸಾ youtube.com ಚೆಂ ಜನನ್ ಜಾಲೆಂಚ್.ಇಲ್ಲೆಶಾ ದಿಸಾನಿಂಚ್ ಹೆ ಥಳ್ ಕಿತ್ಲೆಂ ಲೊಕಾಮೊಗಾಳ್ ಜಾಲೆಂಕೀ , ನವೆಂಬರ್ 2006 ಇಸ್ವೆಂತ್ Google ನ್ youtube ಕ್ 1.65 ಬಿಲಿಯಾನ್ ಡಾಲಾರ್ ದೀವ್ನ್ ಸ್ವಾಧಿನ್ ಕೆಲೆಂ. ಅತಾಂ ಹೆಂ youtube , Google ಚೆಂ ಉತ್ಪನ್ನ್ ..!


ಆಜ್ youtube ರ್ ಮಿಲಿಯಾನ್‌ಗಟ್ಲೆ ವಿಡಿಯೊ ಕ್ಲಿಪ್ upload ಜಾಲ್ಯಾತ್. ತುಮಿಂ ಕಾಂಯ್ ಕಷ್ಟ್ ಘೆನಸ್ತಾನಾ ಥೊಡ್ಯಾಚ್ ಮಿನುಟಾನಿಂ ತ್ಯೊ ದೆಖ್ಯೆತ್. ತುಮ್ಚೊ ಕಸೊಲೊಯೀ ವಿಡಿಯೊ ಆಸ್ಲ್ಯಾರ್ ತೊ upload ಕರ್ನ್ ಹೆರಾಂಕ್ ವಾಂಟ್ಯೇತ್. ಕಸೊಲೊ ವಿಡಿಯೊ ಕ್ಲಿಪ್ ಜಾಯ್ ಮ್ಹುಣ್ ಸೊದ್ನಾಂ ಯೀ ಕರ್‍ಯೇತ್. ಮನ್-ಪಸಂದೆಚೆಂ ಸಂಗೀತ್ ಆಯ್ಕಾವೇತ್. ವಿವಾದೀತ್ ದ್ರಶ್ಯಾಂ ಪಳ್ಯೇತ್. ಥೊಡ್ಯಾ ಮಾದ್ಯಮಾಂ youtube ಥಾವ್ನ್ Live ಕವರೇಜ್‌ಯೀ ದಿತಾತ್. ಹ್ಯಾ ಪಾವ್ಟಿಂ ಥಾವ್ನ್ youtube ರ್ ಸಕ್ಕಡೀ IPL ಮ್ಯಾಚಾಂ live ಪಳವ್ಯೇತ್. ಸಕ್ಕಡೀ ಆಸಾ ಹಾಂತುಂ ..!!


ಚೈನಾ , ಮೊರಾಕ್ಕೊ, ಥೈಲೆಂಡ್, ಲಿಬಿಯಾ ತಸಲ್ಯಾ ದೇಶಾನಿಂ youtube ಕ್ ನಿರ್ಭಂದ್ ಗಾಲಾ. ಜಾಲ್ಯಾರೀ ಥೊಡ್ಯೊ proxy ವಾಪಾರ್ನ್ ಥಂಯ್ ತೆಂ ಥಳ್ ದೆಖ್ಯೇತ್. youtube ರ್ ಎಕಾ ಮಿನುಟಾಕ್ ೨೪ ಗಂಟೆ ಲಾಂಭಾಯೆಚೊ ವಿಡಿಯೊ upload ಜಾತಾ. ಮ್ಹುಳ್ಯಾರ್ ಹಪ್ಥ್ಯಾಕ್ 60,000 ಹಾಲಿವುಡ್ ಫಿಲ್ಮ್ ಕರ್ಚೊ ತಿತ್ಲೊ ಮ್ಹಾಲ್ ..!! ಸಗಾ ಸಂಸರಾನ್ ೨೦೦೦ ಇಸ್ವೆಂತ್ ವಾಪಾರ್ಲೆಂ ತಿತ್ಲೆಂ bandwidth ಅತಾಂ youtube ಎಕ್‌ಚ್ ವಾಪಾರ್ನ್ ಆಸಾ. ! youtube ಚೆ ಮ್ಹುಣಿ ಸಕ್ಕಡಿ ವಿಡಿಯೊ ತುಕಾ ಪಳಯ್ಜೆ ಜಾಲ್ಯಾರ್ ಉಣ್ಯಾರ್ ಉಣೆಂ ಏಕ್ ಹಜಾರ್ ವರ್ಸಾಂ ಜಾಯ್. !!




ತುಜೆಂ ಇಂಟರ್ನೆಟ್ ಕನೆಕ್ಷನ್ normal ಅಸಾಗೀ ಮ್ಹುಣ್ ಪಳಯ್ಜೆ ಜಾಲ್ಯಾರ್ (ಜಾಗತೀಕ್ ಮಟಾರ್ .!) youtube ರ್ ವಿಡಿಯೊ ಕ್ಲಿಪ್ ನಿರಂತರ್ play ಜಾತಾಗೀ ಮ್ಹುಣ್ ಪಳಯ್ಲ್ಯಾರ್ ಪುರೊ. ನಿರಂತರ್ play ಜಾಲ್ಯಾರ್ ತುಜೆಂ ಇಂಟರ್ನೆಟ್ ಕನೆಕ್ಷನ್ ಆಯ್ಚ್ಯಾ ದರ್ಜೆರ್ ಆಸಾ ಮ್ಹುಣ್. ! ಇಂಡಿಯಾಂತ್ ಆಮ್ಚೆ ಬ್ರಾಡ್‌ಬ್ಯಾಂಡ್ ಸೆವೆದಾರ್ youtube ಚಾ ನಿರಂತರೆಕ್ ಬ್ರೇಕ್ ಪುಣೀ ನಿರಂತರ್ ಗಾಲ್ತಾತ್ ,ಪುಣ್ ‘ಬರೆಂ’ content ಆಸ್ಲ್ಯಾರ್ ಆಮ್ಚೊ ಲೋಕ್ ಸ್ಲೊವ್ ಕನೆಕ್ಷನಾರೀ youtube ಕ್ ಭೆಟ್ ದೀಂವ್ಕ್ ದಾಕ್ಶೆನಾ. ಗೆಲೆತ್ಯಾ ಹಪ್ತ್ಯಾಂತ್‌ಚ್ ಪಳೆಯಾ ..!! ನಿತ್ಯಾನಂದ (ಸ್ವಾಮಿ ? !) ಚಾ ವಿಡಿಯೊಕ್ youtube ರ್ ಕಿತ್ಲೆ hit ಜಾಲ್ಯಾತ್ ಮ್ಹುಣ್. ! ಹಾಯ್ ಶ್ರೀ ರಾಮ್ ...!!!!

***********************************************

- ಪ್ರಮೋದ್ ರೊಡ್ರಿಗ್ಸ್, ಹೊಸ್ಪೆಟ್

pramrods@gmail.com

ಭಾರತೀಯ್ ಉಪಗ್ರಹಾಂಚೆರ್ ಏಕ್ ಝಳಾಕ್ ...(MITHR)

,
ತ್ಯಾ ದಿಸಾನಿಂ ಸೋವಿಯಾತ್ ಯೂನಿಯಾನನ್ ಇಂಡಿಯಾಕ್ ಅಪ್ಲೆಂ ಉಪಗ್ರಹ್ ಧರ್ಮಾರ್ಥ್ ಅಂತ್ರಾಳಾಕ್ ಪಾವೊಂಕ್ ಏಕ್ ಆಕ್ವಾಸ್ ದಿಲೊ. ತೆಂ ಉಪಗ್ರಹ್ ಆರ್ಯಭಟ . 1975ಚಾ ಎಪ್ರಿಲ್ 19 ತಾರಿಕೆಕ್ ಅಂತ್ರಾಳಾಕ್ ಪಾವುಲ್ಲೆಂ ಪಯ್ಲೆಂ ಭಾರತೀಯ್ ಉಪಗ್ರಹ್ ತೆಂ. ತೆಂ ಏಕ್ ಪ್ರಾಯೋಗಿಕ್ ಉಪಗ್ರಹ್. ಹ್ಯಾ ಉಪಗ್ರಹಾ ವರ್ವಿಂ ಇಸ್ರೊಚಾ ವಿಗ್ಯಾನಿಂಕ್ ಉಪಗ್ರಹ್ ತಂತ್ರಗ್ಯಾನಾಚೆಂ ಮೂಳ್ ಮಾಹೆತ್, ವಿನ್ಯಾಸ್ ,ಆನಿಂ ಉಪಗ್ರಹ್ ನಿರ್ವಹಣ್ ಕರ್ಚೊ ಆನ್ಬೋಗ್ ಮೆಳ್ಳೊ. ಇಸ್ರೊಚಾ ಹ್ಯಾ ಪಯ್ಲ್ಯಾ ಬಾಳ್ಶ್ಯಾಕ್ ಹ್ಯಾ ಮಹಿನ್ಯಾಂತ್ ಭರ್ತಿ 35ವರ್ಸಾಂ ಜಾತಾತ್.


ಹ್ಯಾ 25ವರ್ಸಾನಿಂ ಇಸ್ರೊನ್ ಪನ್ನಾಸಾ ವಯ್ರ್ ಉಪಗ್ರಹ್ ವಿನ್ಯಾಸ್ ಕರ್ನ್ ಉಡಾವನ್ ಕೆಲ್ಯಾಂತ್. ಹಾಚೆ ವರ್ವಿಂ ಟಿವಿ, ಮೊಬೈಲ್ ಕಮ್ಯೂನಿಕೇಷನ್, DTH ಸರ್ವಿಸ್, ಟೆಲಿ ಮೆಡಿಸಿನ್, ಹವಾಮಾನ್ ಶಾಸ್ತಿರ್, ರೇಡಿಯೊ ನೆಟ್‌ವರ್ಕಿಂಗ್,ಅವ್ಘಾಡ್-ಚತ್ರಾಯ್ ಆಶೆಂ ಸಬಾರ್ ಕ್ಷೇತ್ರಾಂತ್ ಹಿಂ ಉಪಗ್ರಹಾಂ ಉಪ್ಯೋಗಾಕ್ ಪಡ್ಲ್ಯಾಂತ್. ಆಜ್ ಇಸ್ರೊ ಕಡೆ ಪ್ರಮುಖ್ ಜಾವ್ನ್ ದೋನ್ ರಿತಿಂಚಿ ಉಪಗ್ರಹ್ ಮಾಂಡಾವಾಳ್ ಆಸಾ. ಏಕ್ INSAT (Indian National Satellite System) ಆನಿಂ IRS (Indian Remote Sensing Satellite). ಹಾಚೆ ಸಾಂಗಾತಾ ಥೊಡೆ ಸಂಸೋಧ್ ಉಪಗ್ರಹ್‌ಯೀ ಆಸಾತ್. ಹೆ INSAT ಉಪಗ್ರಹ್ ಭೂಂಯ್-ಸ್ಥಿರ್ ಕಕ್ಷೆಂತ್ ಸ್ಥಿತ್ ಜಾಲ್ಯಾತ್. ಮ್ಹುಳ್ಯಾರ್ ಭೂಂಯ್ಚಾ 36,000 ಕಿ.ಮಿ. ವಯ್ರ್  ಥಾವ್ನ್ ಹೆ ಭೂಂಯ್ಕ್ ಭೊಂವಾರಿ ಮಾರುನ್ ಆಸಾತ್. INSAT ಚೆ ಹೆ ಉಪಗ್ರಹ್ ಪ್ರಮುಖ್ ಜಾವ್ನ್ ಟಿಲಿವಿಷನ್ ಕಮ್ಯೂನಿಕೇಷನ್ ಆನಿಂ ಹವಾಮಾನ್ ಅಧ್ಯಯಾನ್ ಕರುಂಕ್ ವಾಪಾರ್ನ್ ಆಸಾತ್. 1983ಇಸ್ವೆಂತ್ INSAT ಉ ಥಾವ್ನ್ ಆರಂಭ್ ಜಾಲ್ಯಾ ಹ್ಯಾ ಶ್ರೇಣಿಂತ್ ಯೆದೊಳ್ ಮ್ಹುಣಾಸರ್ 21 ಉಪಗ್ರಹಾಮ್ ಉಡಾವಣ್ ಕೆಲ್ಯಾಂತ್. ಹಾ೦ತ್ಲಿಂ 11 ಉಪಗ್ರಹಾಂ ಆಜೂನೀ ಸೆವೆರ್ ಆಸಾತ್. ಹ್ಯಾ INSAT ಮಾಂಡಾವಾಳಿಂತ್ ಆಸ್ಚಾ C, extended C ಆನಿಂ Ku band ಚೆಸುಮಾರ್ 211 ಟ್ರಾನ್ಸ್‌ಫಾಂಡಾರಾಚೊ ಉಪ್ಯೋಗ್ ಸಬಾರ್ ಕರ್ನ್ ಆಸಾತ್. ಏಶಿಯಾ ಫೆಸಿಪಿಕ್ ಪ್ರಾಂತ್ಯಾಂತ್ INSAT ಚ್ ವಡ್ಲೆಂ ಸಂಪರ್ಕ್ ಉಪಗ್ರಹಾಚೆಂ ನೆಟ್‌ವರ್ಕ್. ಏಕ್ ಟನ್ ಥಾವ್ನ್ ತೀನ್ ಟನ್ ಮ್ಹುಣಾಸರ್ , ಪಯ್ಲ್ಯಾಥಾವ್ನ್ ಚವ್ತ್ಯಾ ಶ್ರೇಣಿ ಮ್ಹುಣಾಸರ್ INSAT ಉಪಗ್ರಹ್ ಯೆದೊಳ್ ತಯಾರ್ ಜಾಲ್ಯಾತ್.




ಇಸ್ರೊಚಿ ದುಸ್ರಿ ಪ್ರಮುಖ್ ಉಪಗ್ರಹ್ ಮಾಂಡವಾಳ್‌ಚ್ IRS. ಹ್ಯಾ ಶ್ರೇಣಿಚಾ ಉಪಗ್ರಹಾಂಕ್ ಭೂಂಯ್ಚೆರ್ ಆನಿಂ ಧರ್ಯಾಚೆರ್ ಗಿದಾ ನದರ್ ದವರ್ಚಿ ಸಕತ್ ಆಸಾ. ಕ್ರಷಿ ಕ್ಷೇತ್ರಾಂತ್, ಖನಿಜ್ ಶಾಸ್ತಿರಾಂತ್, ರಾಣ್ ಸರ್ವೆ ಕರುಂಕ್ ,ಧರ್ಯಾಚೆರ್ ಸಂಸೋಧ್ ಕರುಂಕ್ ಹಿಂ ಉಪಗ್ರಹಾಂ ಕುಮೊಕ್ ಕರ್ನ್ ಆಸಾತ್. ಆಜ್ ಇಂಡಿಯಾಚಿಂ ಹಿಂ Remote Sensing ಉಪಗ್ರಹಾಚಿಂ ಶ್ರೇಣ್ ಸಂಸಾರಾಚಿ ವಡ್ಲಿ ಆನಿ ಶ್ರೇಷ್ಟ್ ಮ್ಹುಳ್ಯಾ ಖ್ಯಾತೆಕ್ ಪಾವ್ಲ್ಯಾ. ಹ್ಯಾ ಶ್ರೇಣಿಂತ್ ಕಾರ್ಟೊಸ್ಯಾಟ್, ಒಶಿಯಾನ್‌ಸ್ಯಾಟ್ ತಸಲೆ ಅಧುನಿಕ್ ಉಪಗ್ರಹ್ ಆಸಾತ್. ಸಾಂಗಾತಾ ಇಸ್ರೊನ್ ಗೆಲೆತ್ಯಾ ವರ್ಸಾ RISAT -2 ಮ್ಹುಳ್ಳೊ ಮಿಲಿಟ್ರಿ ಉಪಗ್ರಹ್ ಯೀ ಉಡಾವಣ್ ಕೆಲಾ. ಇಸ್ರಾಯೆಲಿಚಾ ಕುಮ್ಕೆನ್ ತಯಾರ್ ಕೆಲ್ಯಾ ಹ್ಯಾ ಉಪಗ್ರಹಾಕ್ ಚೈನಾ ಅನಿಂ ಪಾಕಿಸ್ತಾನಾಚೆರ್ ಲಾಗ್ಸಿಲ್ಯಾನ್ ದೀಷ್ಟ್ ಗಾಲುಂಕ್ ಸಾಧ್ಯ್ ಜಾತಾ. ಹಾ೦ತ್ಲ್ಯಾ ಚಡ್ ರೆಸೊಲ್ಯೂಷನಾಂಚಾ ಕೆಮೆರಾಂಕ್ ಥಾವ್ನ್ ಏಕ್ ಮೀಟರ್ ವಯ್ರ್  ಥಾವ್ನ್ ಧರ್ಣಿಲ್ಯೊ ವಸ್ತು ದಿಸ್ತಾತ್..!!


IRS ಶ್ರೇಣಿಚೆ ಉಪಗ್ರಹ್ ಭುಂಯ್ಚಾ ಥೊಡ್ಯಾಚ್ ಶೆಂಬರ್ ಕಿ.ಮೀ. ವಯ್ರ್ ಆಸ್ತಾತ್. ತಶೆಂ ತೆಂ ಉಡಾವಣ್ ಕರುಂಕ್ Polar Satellite Launch Vehicle (PSLV) ಮ್ಹುಳ್ಳೆಂ ವಾಹಾನ್ ಉಪ್ಯೋಗ್ ಕರ್‍ತಾತ್. ಹೆಂ PSLV ವಾಪರ್ನ್ ಇಸ್ರೊನ್ ಸಬಾರ್ ವಿದೇಶಿ ಉಪಗ್ರಹಾಂಯೀ ಉಡಾವಣ್ ಕೆಲ್ಯಾಂತ್. ಏಕ್‌ಚ್ ಪಾವ್ಟಿಂ ಧಾ ಉಪಗ್ರಹಾಂ ದಾಡ್ನ್ ದಾಕ್ಲೊಯೀ ರಚ್ಲಾ. ಪುಣ್ INSAT ತಸಲ್ಯಾ ಉಪಗ್ರಹಾಂಕ್ ಭೂಂಯ್-ಸ್ಥಿರ್ ಕಕ್ಷೆಂತ್ ಪಾವಾಯ್ಜೆ. ತಿತ್ಲ್ಯಾ ವ್ಹಡ್ ಉಪಗ್ರಹಾಕ್ ತಿತ್ಲ್ಯಾ ಪಯ್ಸ್ ಪಾವಾಯ್ಜೆ ಜಾಲ್ಯಾರ್ ಏಕ್ ವ್ಹಡ್ ರಾಕೆಟ್ ಜಾಯ್ಜೆ. ತಸಲೆಂ ತಂತ್ರಗ್ಯಾನ್ ಯೆದೊಳ್ ಮ್ಹುಣಾಸರ್ ಇಂಡಿಯಾಂತ್ ಸಂಪೂರ್ಣ್ ಯಶಸ್ವಿ ಜಾಂವ್ಕ್ ನಾತ್ ಲ್ಲೆಂ. ಹ್ಯಾ ಖಾತಿರ್ INSAT ಶ್ರೇಣಿಚಿಂ ಸಬಾರ್ ಉಪಗ್ರಹಾಂ ಉಡಾವಣ್ ಕೆಲ್ಲಿಂ ವಿದೇಶಾ ಥಾವ್ನ್ಂಚ್. ವಿದೇಶಾ ಥಾವ್ನ್ ಉಡಾವನ್ ಕೆಲ್ಯಾರ್ ಉಪಗ್ರಹಾಚಾಕೀ ಚಡ್ ಖರ್ಚ್ ತೆಂ ದಾಡುಂಕ್‌ಚ್ ಜಾತಾ. ಹೆಂ ಆಡಾಂವ್ಚ್ಯಾಕ್ ಇಸ್ರೊನ್ ಮಸ್ತ್ ಸಾಧಮ್ ಕರ್ನ್ Geosynchronous Satellite Launch Vehicle (GSLV) ಮ್ಹುಳ್ಳೆಂ ವಾಹಾನ್ ನಿರ್ಮಾಣ್ ಕೆಲಾಂ. ಅತಾಂಚಿಂ ಪುರಾ INSAT ಉಪಗ್ರಹಾಂಕ್ ಹೆಂ GSLV ಚ್ ವರ್ತಾ. ಪುಣ್ ಹೆಂ GSLV ಅನಿಕೀ ಅಭಿವ್ರದ್ದೆಚಾ ಹಂತಾರ್ ಚ್ ಆಸಾ. ತೆಂ ಏಕ್ ಸಂಪೂರ್‍ಣ್ ಜಾಲ್ಯಾರ್ ಮಾಗಿರ್ ಇಸ್ರೊಚ್ king. !! ಆನಿಂ ಕಾಂಯ್ ಚಡ್ ವರ್ಸಾಂ ನಾಕಾತ್ ತಾಕಾ. !!!



********************************************

-ಪ್ರಮೋದ್ ರೊಡ್ರಿಗ್ಸ್, ಹೊಸ್ಫೆಟ್

pramrods@gmail.com

ಹಸ್ತಿ-ಸುಕ್ಣೆ ಪರತ್ ಯೇತ್ ...?? (MITHR)

,

ತ್ಯಾ ತಾಂತ್ಯಾಚೆಂ ಆಮ್ಲೆಟ್ ಕೆಲ್ಯಾರ್ ಸುಮಾರ್ ೩೦ ಜಣಾಂಕ್ ಜೆಂವ್ಚಿ ಗರ್ಜ್ ನಾತ್‌ಲ್ಲಿ. ಆಮ್ಚ್ಯಾ ಕೊಂಬ್ಯೆಚಾಕೀ 160 ಪ್ರಾಸ್ ವ್ಹಡ್ ತಾಂತಿಂ ತೆಂ. ವ್ಹಯ್ ತಿತ್ಲೆಂ ವ್ಹಡ್ ತಾಂತಿಂ ಎಕಾ ಕಾಳಾರ್ ಭುಂಯ್ತ್ ಜಿಯೆಲ್ಲ್ಯಾ ದೈತ್ಯ್ ಹಸ್ತಿ-ಸುಕ್ಣ್ಯಾಚೆಂ (elephant bird). ..!!

ಪುಣ್ ತೆಂ ಹಸ್ತಿ ಸುಕ್ಣೆಂ ಅತಾಂ ನಾ. ತಾಚಿ ಸಂತತ್ ಅರ್ವೊನ್ ಸುಮಾರ್ ತಿನ್ಸ್ಯಿ ವರ್ಸಾಂ ಜಾತಾತ್. ಹೆಂ ಹಸ್ತಿ-ಸುಕ್ಣೆ ಸುಮಾರ್ ೬೦ ಮಿಲಿಯಾನ್ ವರ್ಸಾಂ ಆದಿಂ ಥಾವ್ನ್ ಪೊಯ್ರ್-ಪೊಯ್ರ್ ಸತ್ರಾವ್ಯಾ ಶೆಕ್ಡಾ ಮ್ಹುಣಾಸರ್ ಮಡಗಸ್ಕಾರ್ ಕುದ್ರ್ಯಾಂತ್ ಜಿಯೆವ್ನ್ ಆಸ್‌ಲ್ಲೆಂ. ಭೂಂಯ್ತ್ ಹಾಚಾಕೀ ವ್ಹಡ್ ಸುಕ್ಣೆ ಯೆದೊಳ್‌ಯೀ ಯೇಂವ್ಕ್ ನಾ. ಹೆಂ ಸುಕ್ಣೆ ೧೦ ಫೀಟ್ ಲಾಂಬ್ ಆನಿಂ ಹಾಚಿ ವಜಯ್ ಸುಮಾರ್ 450 ಕೆ.ಜಿ. . ಹಾಕಾ ಉಬೊಂಕ್ ಖಳಿತ್ ನಾತ್‌ಲ್ಲೆಂ. ಆಸ್ಟ್ರಿಚಾ ಭರಿ ವೆಗಾಂತ್ ದಾವೊಂಕ್‌ಯೀ ಸಕನಾತ್‌ಲ್ಲೆಂ. ರಾಣಾಂತ್ಲಿ ಝಾಡಾಂ ಕಾಂವ್ನ್ಂಚ್ ಜಿಯೆವ್ನ್ ಆಸ್‌ಲ್ಲೆಂ. ! ಪುಣ್ ಕೆನ್ನಾ ಮಡಗಸ್ಕಾರ್ ಕುದ್ರ್ಯಾಂತ್ ಮನ್ಸ್ಯಾಚೊ ಚಟುವಟಿಕೆ ಚಡ್ಲೊಗೀ ,ತೆನ್ನಾ ತಾಣಿಂ ಹ್ಯಾ ಸುಕ್ಣ್ಯಾಚಿ ಶಿಕಾರ್ ಕರುಂಕ್ ಸುರು ಕೆಲೆಂ. ತಾಂತ್ಯಾ ಕಾಂವ್ನ್ ಮುಗ್ದಿಲಿಂ ..!! ಹ್ಯಾ ಸುಕ್ಣಾಚಿ ಸ0ತತ್‌ಚ್ ನಿರ್ನಾಮ್ ಜಾಲಿ..!!


ಪುಣ್ ಅತಾಂ ಜೆನೆಟಿಕ್ ತಂತ್ರಶಾಸ್ತ್ರ್ ವಾಪಾರ್ನ್ ಪರತ್ ಹ್ಯಾ ಸುಕ್ಣ್ಯಾಕ್ ಜೀವ್ ಕರುಂಕ್ ಭಯ್ರ್ ಸರ್ಲ್ಯಾತ್ ಅಮ್ಚೆ ವಿಗ್ಯಾನಿ. ಗೆಲೆತ್ಯಾ ಹಪ್ತ್ಯಾಂತ್ ಆಸ್ಟ್ರೇಲಿಯಾಚಾ ಮೂರ್ಡೊಕ್ ಯೂನಿವರ್ಸಿಟಿಚಾ ಸಂಸೋಧಾಕನಿಂ ಹೊ ವಿಶಯ್ ಕಳಿತ್ ಕೆಲಾ. ತಾಂಕಾ ಹ್ಯಾ ಹಸ್ತಿ-ಸುಕ್ಣ್ಯಾಚಾ ತಾಂತ್ಯಾಚಾ ಸರ್‍ಲಾಂ ಥಾವ್ನ್ DNA ಹುಮ್ಟೊನ್ ಕಾಡ್ಚೆಂ ವಿಧಾನ್ ಕಳ್ಳಾಂ ಖಂಯ್ .!! ಆಶೆಂ DNA ಮೆಳ್ಯಾರ್ ಜಾಲೆಂ ನೇ ..? ಮುಖ್ಲ್ಯಾ ದಿಸಾನಿಂ ಸುಕ್ಣ್ಯಾಕ್‌ಚ್ ರಚ್ಯೆತ್ ..!! ಜೆನಿಟಿಕ್ ಇಂಜಿನಿಯಾರಿಂಗಾಚಿ ಮಹಿಮಾ ತಿ ...!! ಹಸ್ತಿ ಸುಕ್ಣೆ ಪರತ್ ಭುಂಯ್ಕ್ ಯೆಂವ್ಚೆ ದೀಸ್ ಚಡ್ ಪಯ್ಸ್ ಆಸ್ಚೆ ನಾಂತ್ ...!!!

*********************************************

                               ಪ್ರಮೋದ್ ರೊಡ್ರಿಗಸ್

Friday, May 14, 2010

ಕಣ್-ಬೌತ್‌ಶಾಸ್ತಿರ್ ಆನಿ ಏಕ್ ಮಹಾಸ್ಫೋಟ್ ..! (RAKNNO)

,
ಹೆಂ ವಿಶ್ವ್ ಕಶೆಂ ರೂಪಿತ್ ಜಾಲ್ಲೆಂ ? ಹ್ಯಾ ಸವಾಲಾಕ್ ಜವಾಬ್ ಸೊದ್ತಾನಾ ಪಯ್ಲೆಂ ನದ್ರೆಕ್ ಯೆಂವ್ಚೆಂಚ್ ಭೂವಸ್ತ್ (matter). ಹ್ಯಾ matter ಯಾ ಭೂವಸ್ತ್ ವಿಶ್ಯಾಂತ್ ಭೌತ್ ಶಾಸ್ತ್ರಿನಿ ಮಂಡೊ ಖರ್ಚಿಲೊ ಆಜ್-ಕಾಲ್ ನ್ಹಂಯ್. ಹೆಂಚ್ ಕಣ್-ಭೌತ್ ಶಾಸ್ತಿರ್(particle physics). ಆಜ್ ಹ್ಯಾ ಕಣ್-ಭೌತ್ ಶಾಸ್ತಿರಾ ವಿಶ್ಯಾಂತ್ ಚಡಾವತ್ ಮಾಹೆತ್ ಆಮ್ಕಾಂ ಮೆಳ್ಯಾರೀ ಆನಿಕೀ ಜಾಣಾಂ ಜಾಂವ್ಕ್ ಆಸ್ಚೆ ಮಿಸ್ತೆರ್ ಸಬಾರ್ ಆಸಾತ್. ಹೆ ಮಿಸ್ತೆರ್ ಉಗ್ಡಾಪಣ್ ಕರುಂಕ್ ತಿತ್ಲೆಂ ಸುಲಭ್ ನಾತ್ಲ್ಯಾರೀ, ಭೌತ್ ವಿಗ್ಯಾನಿ ಮಾತ್ರ್ ಹಟ್ಟಾಕ್ ಪಡ್ಲ್ಯಾ ಭರಿ ಸಂಸೋಧ್ ಕರ್ನ್ ಆಸಾತ್.



ಹೆಂ ಭೂವಸ್ತ್ ಮ್ಹುಳ್ಯಾರ್ ಕಿತೆಂ ? ಆಮ್ಕಾ ದಿಸ್ಚೆಂ ಸಕ್ಕಡೀ ಭೂವಸ್ತ್ ಚ್.. ಹೆಂ ಭೂವಸ್ತ್ ಸೂಕ್ಷ್ಮ್ ಕಣಾಂ ಥಾವ್ನ್ ರೂಪಿತ್ ಜಾಲಾಂ ಮ್ಹುಣ್ ಥೊಡ್ಯಾ ಶೆಕ್ಡಾಂ ಆದಿಂಚ್ ಕಳಿತ್ ಜಾಲ್ಲೆಂ. ದೀಸ್ ಯೆತಾ ಯೆತಾನಾ ಹ್ಯಾ ಕಣಾಂ ವಿಶ್ಯಾಂತ್ ಚಡ್ ಚಡ್ ಮಾಹೆತ್ ಮೆಳ್ಳಿ. ಇತ್ಲೆಂ ಲ್ಹಾನ್ ಕಣ್ ಪ್ರೋಟಾನ್ , ಇಲೆಕ್ಟ್ರಾನ್ ಆನಿಂ ನ್ಯೂಟ್ರಾನಾ ಥಾವ್ನ್ ರೂಪಿತ್ ಜಾಲಾಂ ಮ್ಹುಣ್ ಗೆಲೆತ್ಯಾ ಶೆಕ್ಡಾಂತ್‌ಚ್ ಕಳ್‌ಲ್ಲೆಂ. ಪರತ್ ಹ್ಯಾ ಕಣಾಂ ಭಿತರ್ಲಿಂ ಕಣಾಂ ಕ್ವಾರ್ಕ್ಸ್, ಲೆಪ್ಪೆನ್ಸ್ ಆನಿಂ ಬೊಸಾನ್ಸ್ ಥಾವ್ನ್ ಜಾಲ್ಯಾಂತ್ ಮ್ಹುಣ್ ಉಜ್ವಾಡಾಕ್ ಆಯ್ಲೆಂ. ಭೌತ್ ವಿಗ್ಯಾನಿಂ ಹ್ಯಾ ಕಣಚಾ ಚಡ್ ಚಡ್ ಗುಂಡ್ಯೆ ಭಿತರ್ ರಿಗ್ತನಾ ಚಡ್ ಚಡ್ ಮಿಸ್ತೆರ್ ದಿಸೊನ್ ಆಚಿi. ಸೂಮಾರ್ ಶೆಂಬರ್ ವರ್ಸಾಂ ಆದಿಂ ಆಲ್ಬರ್ಟ್ ಐನ್‌ಸ್ಟೈನಾನ್ ಏಕ್ ನವೊ ಮಹತ್ವಾಚೊ ಸಿದ್ದಾಂತ್ ಉಗ್ಡಾಪಣ್ ಕೆಲೊ. ತಾಣೆ ಮ್ಹುಳೆಂ ಭೂವಸ್ತುಕ್ ಆನಿಂ ಸಕ್ತೆಕ್ ಸಂಬಂಧ್ ಆಸಾ ಮ್ಹುಣ್. ತಾಚೆ ಪ್ರಕಾರ್ ಭೂವಸ್ತ್ ಆನಿ ಸಕತ್ ಏಕ್‌ಚ್. ತುಕಾ ಸಕ್ತೆ ಥಾವ್ನ್ ಭೂವಸ್ತ್ ಉಬ್ಜಾವ್ಯೇತ್ ಯಾ ಭೂವಸ್ತು ಥಾವ್ನ್ ಸಕತ್ ಉಬ್ಜಾವ್ಯೇತ್. ಮ್ಹುಳ್ಯಾರ್ matter and energy are interchangeable!!!. ಆಶೆಂ ಗೆಲೆತ್ಯಾ ಶೆಕ್ಡಾಂತ್ ಹಜಾರೊಂ ಭೌತ್ ಶಾಸ್ತ್ರಿಂಚಾ ಸಂಸೋಧ್ ಆನಿಂ ಸಿದ್ದಾಂತಾ ನಿಮ್ತಿಂ ಭೂವಸ್ತುಚಾ ರಚನೆ ವಿಶ್ಯಾಂತ್ ಮೂಳ್‌ಭೂತ್ ಮ್ಹುಣ್ಚೆ ತಸಲಿ ಮಾಹೆತ್ ಮೆಳ್ಳಿ. ಹ್ಯಾ ವಿಶ್ವಾಂತ್ ಕಸಲೆಂ ಪುರಾ ಆಸಾನೇ ತೆಂ ಬಾರಾ ಮೂಳ್‌ಭೂತ್ ಕಣಾಂ ಥಾವ್ನ್ ರೂಪಿತ್ ಜಾಲಾಂ ಆನಿಂ ಚಾರ್ ಮೂಳ್‌ಭೂತ್ ಸಕ್ತೆಚಾ ನಿಯಂತ್ರಣಾರ್ ಆಸಾ ಮ್ಹುಣ್ ಏಕ್ ಸಿದ್ದಾಂತ್ ಚಾಲ್ತೆಕ್ ಆಚಿi. ತೊಚ್ Standard model of Physics . ಸಕ್ಡಾನಿಂ ಮಾನುನ್ ಘೆತ್‌ಲ್ಲೊ ಸರ್ವಾಚ್ ಸಿದ್ದಾಂತ್ ತೊ..!!


ಹೊ model of Physics ಕಣ್ ಭೌತ್ ಶಾಸ್ತಿರಾಚೆ ಸಕ್ಕಡೀ ಮಿಸ್ತೆರ್ ಸೊಡಾಯ್ತಾಗೀ ? ಭಿಲ್ಕುಲ್ ನಾ. ತುಕಾ ಹೊ Standard model ಸಮ್ಜಾಜೆ ಜಾಲ್ಯಾರ್ ಕಣ್ ಭೌತ್ ಶಾಸ್ತಿರಾಚೆ ವಿಶ್ಯಾಂತ್ ಗೂಂಡ್ ಜಾಣ್ವಾಯ್ ಆಸಾಜೆ. ಹೊ Standard model ಕಣ್ ಭೌತ್ ಶಾಸ್ತಿರಾಚೆ ಸಕ್ಕಡೀ ಕಾಣಿ ಸಾಂಗಿನಾ. ಮ್ಹುಳ್ಯಾತ್ ಥೊಡೆ ಮಿಸ್ತೆರ್ ಆನಿಕೀ ಕಳಜೆ. ಥೊಡೆ ಸೈದ್ದಾಂತಿಕ್ ಜಾವ್ನ್ ಪ್ರೊಫೆಸಿ ಕೆಲ್ಯಾರೀ ಪ್ರಾಯೋಗಿಕ್ ಜಾವ್ನ್ ರುಜು ಕರುಂಕ್ ಜಾವ್ನಾಂತ್ ..!

ಕಸಲೆ ಮಿಸ್ತೆರ್ ಹೆ ? ಪಳೆಯಾ.., ಥೊಡ್ಯಾ ಕಣಾಂಕ್ ದ್ರವ್ಯ್-ರಾಸ್ (mass) ಆಸಾ ಪುಣ್ ಥೊಡ್ಯಾಂಕ್ ನಾ. ಕಿತ್ಯಾಕ್ ? ಹ್ಯಾ ಸವಲಾಂಕ್ ಯೆದೊಳ್ ಮ್ಹುಣಾಸರ್ ಏಕ್ ಸಂಸ್ಥಾಪಿತ್ ಜವಾಬ್ ನಾ. ಪುಣ್ ಗೆಲೆತ್ಯಾ ಶೆಕ್ಡಾಚಾ ಮದ್ಲ್ಯಾ ವರ್ಸಾನಿಂ ಪೀಟರ್ ಹಿಗ್ಸ್ ಮ್ಹುಳ್ಯಾನ್ ಭೌತ್ ಕಣಾಂಕ್ ದ್ರವ್ಯ್-ರಾಸ್ ದಿಂವ್ಚೆ ತಸಲೆಂ ಏಕ್ ವಿಶೇಸ್ ಕಣ್ ಆಸಾ ಮ್ಹುಣಾಲೊ. ತೆಂಚ್ ಹಿಗ್ಸ್ ಬೋಸಾನ್. ತಾಣೆಂ ತೆಂ ಸೈದ್ದಾಂತಿಕ್ ಜಾವ್ನ್ ನಿರೂಪಣ್ ಕೆಲ್ಯಾರೀ , ಪ್ರಾಯೋಗಿಕ್ ಜಾವ್ನ್ ತೆಂ ಆನಿಕೀ ಮೆಳೊಂಕ್ ನಾ. ದೆಕುನ್ಂಚ್ ತಾಕಾ ‘ದೆವಾಚೆಂ ಕಣ್’ (God’s Particle)ಮ್ಹುಣ್ತಾತ್. ಹೆಂ ದೆವಾಚೆಂ ಕಣ್ ನಿಜಾಯ್ಕೀ ಅಸಾಗೀ ಯಾ ನಾ ? ವಿಗ್ಯಾನಿಂ ವ್ಮಧೆಂ ಹ್ಯಾ ವಿಶ್ಯಾಂತ್ ಮಸ್ತ್ ಭಿನ್ನಾಭಿಪ್ರಾಯ್ ಆಸಾತ್. ಸೈದ್ದಾಂತಿಕ್ ಜಾಂವ್ಕ್ ಪುಣೀ ಹ್ಯಾ ದೆವಾಚಾ ಕಣಾನ್ ಹ್ಯಾ Standard model ಕ್ ಸಂಪೂರ್ಣ್ ಕೆಲಾಂ.. !!

ಪುಣ್ ಕಣ್-ಭೌತ್ ಶಾಸ್ತಿರಾಚೆ ಮಿಸ್ತೆತ್ ತಿತ್ಲೆ ಮಾತ್ರ್ ನ್ಹಂಯ್. ಆಮ್ಕಾಂ ದಿಸ್ಚಾ ಆನಿಮ್ ಖಳಿತ್ ಆಸ್ಚೆಂ ವಿಶ್ವ್ ಹ್ಯಾಚ್ ಸಾಮಾನ್ಯ್ ಕಣಾಂ ಥಾವ್ನ್ ಜಾಲಾಂ. ತೆಂ ಆಮಿ ನೆಣಾ. ಮ್ಹುಳ್ಯಾರ್ ಫಕತ್ ೪% ವಿಶ್ವಚಾಕ್ ಕಣಾಂ ವಿಶ್ಯಾಂತ್ ಮಾತ್ರ್ ಆಮ್ಕಾಂ ಜಾಣ್ವಾಯ್ ಆಸ್ಚಿ. ಪುಣ್ ಬಾಕಿಚಾ ವಿಶ್ವಚಾ ಭಾಗಾಂತ್ ಥೊಡ್ಯೊಗುಪಿತ್ ಭೂವಸ್ತು ಆನಿಂ ಥೊಡ್ಯೊ ಸಕ್ತ್ಯೊ ಆಸಾತ್ ಮುಣ್ ಥೊಡ್ಯಾಂಚಿ ಪಾತ್ಯೆಣಿ. ಹೊ ಮಿಸ್ತೆರ್ ಸೊಧುನ್ ಕಾಡ್ಚೊ ತಿತ್ಲೊ ಸುಲಭ್ ನ್ಹಂಯ್..!!

ಸಾಂಗಾತಾಚ್ ಆನ್ಯೇಕ್ ಸಿದ್ದಾಂತ್ ಆಸಾ. ತೊಚ್ Antimatter . ತೊ ಯೀ ಏಕ್ ಗೂಂಡ್ ಮಿಸ್ತೆರ್. Matter ಮ್ಹುಳ್ಯಾರ್ ಕಾಲೆಂ ಮ್ಹುಣ್ ತುಮ್ಕಾಂ ಯೆದೊಳ್‌ಚ್ ಕಳಿತ್ ಆಸಾ. Bigbang ಜಾವ್ನ್ ಹೆಂ ವಿಶ್ವ್ ರೂಪಿತ್ ಜಾತಾನಾ ಸಮಾನ್ ಪ್ರಮಾಣಾರ್ matter ಆನಿಂ Antimatter ಉತ್ಪನ್ನ್ ಜಾಲ್ಲೆ ಖಂಯ್. ಹೆಂ Antimatter ವಿರುದ್ಧ್ ಇಲೆಕ್ಟ್ರಾನ್ ಚಾರ್ಜಾಚೆಂ ಕಣ್. ಆಶೆಂ Bigbang ತೆದಾಳಾ, matter ಆನಿಂ Antimatter ಒಟ್ಟು ಮೆಳೊನ್ ಏಕಾಮೆಕಾ ಸಂಹಾರ್ ಕರುಂಕ್ ಲಾvಂ. ಆಶೆಂ ಏಕ್ ವ್ಹಡ್ ಪ್ರಮಾಣಾಂತ್ ಸಕತ್ ಉಬ್ಜಾಲಿ. ಹ್ಯಾ ಸಂಹಾರಾ ದ್ವಾರಿಂ ಸಕ್ಕಡೀ Antimatter ನಾಸ್ ಜಾಲ್ಯಾರೀ ಇಲ್ಲೆಶೆಂ matter ಉರ್‍ಲಾಂ. ತೆಂಚ್ ಆಮಿಂ ಜಿಯೆಂವ್ಚೊ ಹೊ ವಿಶ್ವ್ ಖಂಯ್ ..!! ಹ್ಯಾ Antimatter ಚೊ ಮಿಸ್ತೆರ್ ಕಸೊ ಸೊಡೊಂವ್ಚೊ ..!!??

ತಿತ್ಲೆಂಚ್ ನ್ಹಂಯ್ ಆಮ್ಕಾಂ ಯೆದೊಳ್ ಮ್ಹುಣಾಸರ್ ತೀನ್ dimension ವಿಶ್ಯಾಂತ್ ಮಾತ್ರ್ ಖಳಿತ್ ಆಸಾ. ಐನ್‌ಸ್ಟೈನಾ ಪ್ರಕಾರ್ ರುಂದಾಯ್, ಲಾಂಬಾಯ್, ಆನಿಂ ದಿಗಾಯ್ ಕಾಳಾಕ್ ಸಂಬಂಧಿತ್ ಜಾವ್ನ್ ಆಸಾತ್. ಪುಣ್ ಥೊಡ್ಯಾ ಭೌತ್ ಶಾಸ್ತ್ರಿಂ ಪ್ರಕಾರ್ ಥೊಡಿಂ ಗುಪಿತ್ dimensions ಆಸಾತ್ ಖಂಯ್. ಆಮ್ಚಾ ಸೆನ್ಸಾಕ್ ದಿಸನಾತ್ಲೆ ..!! ವ್ಹಡ್ ಏಕಾ ಸಕ್ತೆಚ್ ಜಮೊ ಕೆಲ್ಯಾರ್ ಹ್ಯಾ dimensions ವಿಶ್ಯಾಂತ್ ಸಂಸೋಧ್ ಕರ್ಯೇತ್ ಖಂಯ್ ..!



ಹ್ಯಾ ಸರ್ವ್ ಮಿಸ್ತೆರಾಂಕ್ ಜವಾಬ್ ಮೆಳಾತ್ ಗೀ ? ತಸಲಿ ಏಕ್ ಆಶಾ ಅತಾಂ ಉಬ್ಜಾಲ್ಯಾ. ಸಬಾರ್ ತೆಂಪಾ ಥಾವ್ನ್ ರಾಕೊನ್ ಆಸ್‌ಲ್ಲೊ Large Hadron Collider ಚೊ ಏಕ್ ಪ್ರಯೋಗ್ ಹ್ಯಾಚ್ ಮಾರ್ಚ್ ೩೦ ತಾರಿಕೆರ್ ಯಶಸ್ವಿ ಜಾಲೊ. ಗೆಲೆತ್ಯಾ ವರ್ಸಾ ಹ್ಯಾ ಪ್ರಯೋಗಾ ವಿಶ್ಯಾಂತ್ ಹಾಂಗಾ ಹಾವೆಂ ಬರಯ್ಲೆಂ. ತೆನ್ನಾ ಹ್ಯಾ ಮಹಾ-ಸ್ಪೋಟಾ ದ್ವಾರಿಂ ಹೊ ಸಂಸಾರ್ ಅಕೇರ್ ಜಾತಾ ಮ್ಹುಣ್ ವಡ್ಲಿ ಗಾಬ್ ಆಸ್‌ಲ್ಲಿ. ಫ್ರಾನ್ಸಾಚಾ ಆನಿಂ ಸ್ವಿಜರ್ಲ್ಯಾಂಡಾಚಾ ಗಡಿರ್ , ಭೂಂಯ್ಚಾ ಶೆಂಭರ್ ಮೀಟರ್ ಪಂದಾ , 27 ಕಿ. ಮೀ ಲಾಂಬಾಯೆಚೆರ್ ಆಸ್ಚಾ ಸುರಂಗಾಂತ್ ೨೦೦೮ ಂತ್ ಪಯ್ಲೆ ಪಾವ್ಟಿಂ ಏಕ್ ಕುಶಿ ಥಾವ್ನ್ ಪ್ರೋಟಾನ್ ಬೀಮ್ ದಾಡ್‌ಲ್ಲೊ. ಪುಣ್ ೯ ದಿಸಾಂ ಉಪ್ರಾಂತ್ Large Hadron Collider ಂತ್ ದೋಷ್ ಆಚಿii ನಿಮ್ತಿಂ ಏಕ್ ವರಸ್ ಮ್ಹುಣಾಸರ್ ಸರ್ವ್ ಪ್ರಯೋಗ್ ರಾವ್‌ಲ್ಲೆ. ೨೦೦೯ ಚಾ ನವೆಂಬರಾಂತ್ ಪರತ್ ಪ್ರಯೋಗ್ ಆರಂಭ್ ಜಾಲ್ಲೆ. ಪುಣ್ ಪೋಯ್ರ್ ಕೆಲ್ಲೊ ಸ್ಪೋಟ್ ಏಕ್ ನವೊ ದಾಕ್ಲೊ. ಹ್ಯಾ Large Hadron Collider ಂತ್ ೩.೫ TeV ಸಕ್ತೆಚೊ ಪ್ರೊಟಾನ್ ಬೀಮ್ ದೋನಿಂ ಕುಶಿನ್ ಶೆವ್ಟಾವ್ನ್ ಏಕ್ ವಡ್ಲೊ ಸ್ಪೋಟ್ ಕೆಲಾ. ಅತಾಂ ಹ್ಯಾ ಪ್ರಯೋಗಾಚೆಂ ದತ್ತಾಂಶ್ ಏಕ್ಟಾಯ್ ಕರ್ಚೆಂ ಕಾಂ ಭರನ್ ಚಲೊನ್ ಆಸಾ. ದೋನ್ ಸೆಕುಂಡಾಕ್ ಏಕ್ DVD ತಿತ್ಲೊ ದತ್ತಾಂಶ್ ಭಯ್ರ್ ಯೇವ್ನ್ ಅಸಾ. ಸಗ್ಳ್ಯಾ ಸಂಸಾರಾಚೆ ವಿಗ್ಯಾನಿಂ ಹೊ ದತ್ತಾಂಶ್ ವಡ್ಲ್ಯಾ ಕಂಪ್ಯೂಟಾರ್ ನೆಟ್‌ವರ್ಕಾರ್ ವಿಶ್ಲೇಷಣ್ ಕರ್ನ್ ಆಸಾತ್. ಸಂಪೂರ್‍ಣ್ ಫಲಿತಾಂಶ್ ಭಯ್ರ್ ಪಡೊಂಕ್ ಥೊಡೆ ಮಹಿನೆ ಯಾ ವರ್ಸಾಂ ರಾಕಿಜೆ ಪಡ್ತೆಲೆಂ. ಸಕ್ಕಡೀ ವಿಗ್ಯಾನಿ ಅತ್ರೇಗಾನ್ ರಾಕೊನ್ ಆಸಾತ್. ಖಂಯ್ ಪುಣೀ ದೆವಾಚೆಂ ಕಣ್ ದಿಷ್ಟೇಕ್ ಪಡ್ತಾಗಿ ? Antimatter ಪುಣೀ ಉತ್ಪನ್ನ್ ಜಾಂವ್ಕ್ ಆಸಾಗೀ ?ಯಾ Bigbang ಚೆ ಇತರ್ ಮಿಸ್ತೆರ್ ಉಗ್ಡಾಪಣ್ ಕರ್ತಾಗೀ ಮ್ಹುಣ್..!! ಮುಕ್ಲ್ಯಾ ದಿಸಾನಿಂ ಕಳ್ತಾಲೆಂ. .!!



**********************************************************************



-ಪ್ರಮೋದ್ ಜೆ ರೊಡ್ರಿಗ್ಸ್, ಹೊಸ್ಪೆಟ್

pramrods@gmail.com

Friday, May 7, 2010

ಹಾಲಪ್ಪಾ ಆನಿಂ ಆಮ್ಚೆಂ ಪ್ರಜಾಪ್ರಭುತ್ವ್ ..!!

,



ಹಾಲಪ್ಪಾಚೆಂ sex scandal ಭಯ್ರ್ ಆಯ್ಲ್ಯಾ ಉಪ್ರಾಂತ್ ಸುವರ್ಣ tv r ರ್ ಉಲವ್ನ್ ಬಿಜೆಪಿ ಚೊ ಧನಂಜಯ್ ಕುಮಾರ್ ಮ್ಹುಣಾಲೊ...


" ಹಾಲಪ್ಪಾನ್ ರಾಜಿನಾಮೆ ದೀವ್ನ್ ಪ್ರಜಾಪ್ರಭುತ್ವಾಚೆಂ ಉಂಚ್ಲೆಂ ಸಂಪ್ರದಾಯ್ ಆನಿಂ ಮೋಲ್ ಉಕಲ್ನ್ ದರ್ಲಾ೦ . ತಾಣೆಂ ರಾಜಿನಾಮೆ ದಿಲ್ಲ್ಯಾನ್ ಬಿಜೆಪಿಕ್ ಲಾಬ್...! ಮ್ಹುಜೆ ತಾಕಾ ಉಲ್ಲಾಸ್ ...!!! "



ಅಶೆಂ ಮ್ಹುಣ್ daijiworld ಂತ್ ನಾಗೇಶ್ ಮಾಮೂನ್ ಪ್ರತಿಕ್ರಿಯಾ ದಿಲ್ಯಾರ್ ವೊಡ್ನಾ ಆಸ್ ಲ್ಲೆಂ..!! ಪುಣ್ ವಯ್ಲಿಂ ಉತ್ರಾಂ ಮ್ಹುಳ್ಳಿಂ, ಆಮ್ಚಾ ಮಂಗ್ಳೂರಾ ಥಾವ್ನ್ ಚಾರ್ ಪಾವ್ಟಿಂ MP ಜಾವ್ನ್ ಆನಿಂ ಕೆಂದ್ರಾಂತ್ ಮಂತ್ರಿ ಜಾವ್ನ್ ಆಸ್ ಲ್ಲೊ ಬಿಜೆಪಿಚೊ 'so called' senior leader ಧನಂಜಯ್ ಕುಮಾರಾನ್ ..!!


ದೆಕುನ್ ವಿಜಯ ಕರ್ನಾಟಕಾಂತ್ ವಿಶ್ವೇಶ್ವರ್ ಭಟ್ ಅಶೆಂ ಬರಂವ್ಕ್ ಲಾಗ್ಲೊ...


"ಹಾಲಪ್ಪಾನ್ ಉಕಲ್ನ್ ದವರ್ಲೆಂ ಪ್ರಜಾಪ್ರಭುತ್ವಾಚೆಂ ಉಂಚ್ಲೆಂ ಸಂಪ್ರದಾಯ್ ನ್ಹಯ್..!! ತಾಣೆಂ ಉಕಲ್ನ್ ದವರ್ಲೆಂ ಫಕತ್ ಪೆಲ್ಯಾಚಾ ಸ್ತ್ರಿಯೆಚೆಂ ಕಾಪಾಡ್..!!



Jai ho *** !!!!
 

konkaniblog.com Copyright © 2007 - 2016 | Template design by O Pregador | Powered by Pramod Rodrigues, Hospet