ಉಡ್ಪಿ-ಚಿಕ್ಕಮಗಳೂರ್ ಎಲಿಸಾಂವ್ ಪೋಸ್ಟ್ ಮಾರ್ಟಾಮ್ ...!!

" You can fool some of the people all the time, and all of the people some of the time, but you cannot fool all of the people all the time.." . ಅಬ್ರಾಹಾಂ ಲಿಂಕನಾಚಿಂ ಹಿಂ ಉತ್ರಾಂ ಖಂಡಿತ್ ಸತ್. ಆಶೆಂ ಮ್ಹುಣ್ ಅತಾಂ ಸವ್ಕಾಸ್ ಕಲ್ಲಡ್ಕ ಪ್ರಭಾಕರ್ ಭಟ್ಟಾಕ್ ಕಳಿತ್ ಜಾಂವ್ಕ್ ಪುರೊ . Uneducated , jobless ಜಣಾಂಕ್ ಘೆವ್ನ್ so called educated ಜಣಾಂ ಆಸ್ಚಾ ಜಿಲ್ಲ್ಯಾಂನಿಂ ಎಲಿಸಾವಾಂ ಕಶಿಂ ಜಿಕಾಜೆ ಮ್ಹುಣ್ ಇಂಡಿಯಾಂತ್ ಚ್ ಯಶಸ್ವಿ ಪ್ರಯೋಗ್ ಕೆಲ್ಲೊ ಮನಿಸ್ ತೊ ಕಲ್ಲಡ್ಕ ಪ್ರಭಾಕರ್ ಭೊಟ್ . All bad things come to an end. !!! ಕರಾವಳಿಂತ್ ಕಲ್ಲಡ್ಕಾಚೆಂ ಮ್ಯಾಜಿಕ್ ಥಳಾಂತ್ ಪಡೊನ್ ಯೇವ್ನ್ ಆಸಾ ಗೀ ? ಪೋಯ್ರ್ ಜಾಲ್ಲ್ಯಾ ಉಡುಪಿ-ಚಿಕ್ಕಮಗಳೂರೂ ಲೋಕಸಭಾ ಇಲೆಸಾವಾಂತ್ ಕಾಂಗ್ರೆಸಾಚೊ ಜಯಪ್ರಕಾಶ್ ಹೆಗ್ಡೆ ಜಿಕ್ ಲ್ಲ್ಯಾ ಉಪ್ರಾಂತ್ ಅಸಲೆಂ ಏಕ್ ಸವಾಲ್ ಉಬ್ಜಾತಾ ...!!

**********

ಇತ್ಲ್ಯಾಕೀ ಹೊ ಸುನಿಲ್ ಕುಮಾರ್ ಸಲ್ವತಾ ಮ್ಹುಣ್ ಹ್ಯಾ ಕರಾವಳೆಚಾ ಚಡ್ಡೇಗಾರಾಂನಿಂ ಸಪ್ಣಾಂತ್ ಯೀ ಚಿಂತುಂಕ್ ನಾತ್ ಲ್ಲೆಂ. ಹಿಂದುತ್ವಚೆಂ ಅಮಲ್ ಹಾಂಗಾ ಇತ್ಲೆಂ ಆಸ್ ಲ್ಲೆಂ ಗೀ , ಏಕ್ ಗಾಡ್ವಾಕ್ ರಾವಾಯ್ಲ್ಯಾ ರ್ ಯೀ ಸುಲಭಾಯೆನ್ ಜಿಕೊಂವ್ಕ್ ಸಾಧ್ಯ್ ಜಾತಾ ಮ್ಹುಣ್ ತಾಣಿಂ prove ಕೆಲ್ಲೆಂ .! . ಹಾಕಾ ಜಲ್ವಂತ್ ಉದಾಹರಣ್ ಮ್ಹುಳ್ಯಾರ್ ಗೆಲೆತ್ಯಾ ಲೋಕಸಭಾ ಎಲಿಸಾವಾಂತ್ ಮಂಗ್ಳೂರಾಂತ್ ಜಿಕ್ ಲ್ಲೊ ನಳಿನ್ ಕುಮಾರ್ ಕಟೀಲ್ ಮ್ಹುಳ್ಳೊ BJP ಚೊ MP. ಹಾಕಾ ಆಸ್ಚಿ ಅರ್ಹತಾ ಜಾಲ್ಯಾರೀ ಕಸಲೀ ? MP ಜಾಂವ್ಚಾ ಪಯ್ಲೆಂ ಹೊ ನಿರುದ್ಯೋಗಿ ತಶೆಂ ಆಶಿಕ್ಪ್ಯಾಂಚೊ ವಡ್ಲೊ ಪುಂಜೊ ಜಾವ್ನ್ ಆಸ್ಚಾ VHP ಚೊ ತಾಂಡೆಲಿ ಜಾವ್ನ್ ಆಸ್ ಲ್ಲೊ. ಹೊ ಧಾವಿ ಪಾಸ್ ಜಾಲಾಗೀ ಮ್ಹುಣ್ ಖಳಿತ್ ನಾ. ಕೊಂಬ್ಯಾಕಾಟ್ , ಕಾಂಬೊಳ್ , ಕೋಲಾ ಮ್ಹುಣ್ ಹೆವ್ಶಿನ್- ತೆವ್ಶಿನ್ ಬೊಂವೊನ್ ಆಸ್ ಲ್ಲ್ಯಾ ಹ್ಯಾ ಬಚ್ಚಾಲ್ಯಾಕ್ ಗೆಲೆತ್ಯಾ ಲೋಕಸಭಾ ಎಲಿಸಾವಾಂತ್ ಕಾಂಗ್ರೆಸಾಚಾ ಜನಾರ್ದಾನ ಪೂಜಾರಿ ಮುಖಾರ್ ಕಲ್ಲಡ್ಕಾಚಾ ಡಾನಾನ್ ರಾವಾಯ್ಲೆಂ. ಸುಮಾರ್ ಪನ್ನಾಸ್ ಹಜಾರ್ ವೋಟಾನಿಂ ಜಿಕ್ಲೊ ಹೊ . ಸಾಡೆ ಚಾರ್ ಲಾಕ್ ವೋಟ್ ಪಡ್ಲೆ ಹಾಕಾ. ವಿಪರ್ಯಾಸ್ ಪಳೆಯಾ ... ಕೊಡ್ಯಾಳ್ ಲೋಕಸಭೆಂತ್ ಮೈನಾರಿಟಿ ಆನಿಂ ದಿವ್ರಾಂಚೊ ಮ್ಹುಣ್ ಆಸ್ ಲ್ಲೊ ಚ್ ವೋಟ್ ಸುಮಾರ್ ಪಾಂಚ್ ಲಾಕ್ .ಅಲ್ಪಸಂಖ್ಯಾಂತಾಚೊ ವೋಟ್ bulk ಜಾವ್ನ್ ಕಾಂಗ್ರೆಸಾಕ್ ಪಡ್ತಾ ನೇ. ಮಾಗಿರ್ ಫಕತ್ ಹ್ಯಾ ಪೂಜ್ಯಾರಾಂಚೊ ವೋಟ್ ಪಡ್ಲ್ಯಾರೀ ಹ್ಯಾ ಜನಾರ್ದಾನ್ ಪೂಜಾರಿನ್ ವೊಡ್ಲ್ಯಾ ಅಂತರಾನ್ ಜಿಕಾಜೆ ಆಸ್ ಲ್ಲೆಂ. ಪುಣ್ ಹ್ಯಾ ದಿವ್ರಾಚ್ಯಾಂಕ್ ತ್ಯಾ ಸುರೆಚಾ ಕೀ ಚಡ್ ಅಮಲ್ ಹಿಂದುತ್ವಾಚೊ ಅಮಲ್ ಆಸ್ ಲ್ಲೊ . ದಿವ್ರಾಂಚಾನಿ ಬೊಣ್ಕಾಚಾ ಕಟೀಲಾಕ್ ಜಿಕಯ್ಲೊ. ! ಪುಣ್ ಬೊಣ್ಕ್ಯಾಂಚಾಕ್ ಕಿತ್ಲೊ ಹಿಂದುತ್ವಾಚೊ ಅಮಲ್ ಆಸ್ ಲ್ಯಾರ್ ಯೀ ತೆ ತಾಂಚಾ ಲೊಕಾಕ್ ಚ್ ಜಿಕಾಯ್ತಾತ್ . ! ಕುಂದಾಪುರಾಂತ್ ತ್ಯಾ BJP ಚಾ ಹಾಲಾಡಿ ಶ್ರೀನಿವಾಸ್ ಶೆಟ್ಟಿ ಚಾ ಗಾವಾಂತಾಚ್ ಜಯಪ್ರಕಾಶ್ ಹೆಗ್ಡೆಕ್ ಪಡ್ಲೆ ವೋಟ್ ಪಳೆಯಾ ..! so called ದಿವ್ರಾಂಚಾ ಸುನಿಲಾನ್ ಶಿಮ್ಟಿ ಪಂದಾ ಗಾಲ್ನ್ ವಚಾಜೆ ಪಡ್ಲೆಂ .!! ಆಜ್ ಪಳೆಯಾ .. ಹ್ಯಾ ಆಮ್ಚಾ ಮಂಗ್ಳೂರಾಂತ್ ಆನಿಂ ಉಡ್ಪಿಂತ್ ಕಾಂಗ್ರೆಸಾಚೆ ಆನಿಂ ಬಿಜೆಪಿಚೆ MP ಮ್ಹುಣ್ ಆಸ್ಚೆ ಬೊಣ್ಕ್ಯಾಂಚೆ ಮಾತ್ರ್ !!
********
ಕಿತೆಂ ಯೀ ಮ್ಹುಣ್ ಹ್ಯಾ ಪಾವ್ಟಿಂ ಕರಾವಾಳೆಕ್ ಏಕ್ decent MP ಮೆಳ್ಳಾ. ಆಯ್ಚಾ ಕಾಳಾರ್ ಹೆಗ್ಡ್ಯಾ ತಸಲೆ MP ಮೆಳ್ಚೆ ಆಪ್ರೂಪ್.ಆಮಿಂ ಮಂಗ್ಳೂರಾಂತ್ ಧನಂಜಯ್ ಕುಮಾರ್ ತಸಲ್ಯಾ ಜೋಕಾರಾಂಕ್ ಪಳಯ್ಲಾಂ, ಒಸ್ಕಾರ್, ಜಯರಾಮ್ ಶೆಟ್ಟಿ ತಸಲ್ಯಾ ವಿಚಿತ್ರ್ MP ಂ ಯೀ ಪಳಯ್ಲಾಂ. ನಳಿನಾ ತಸಲ್ಯಾ ಬಚ್ಚಾಲ್ಯಾಂಕ್ ಯೀ ಪಳೆಯ್ಲಾಂ ..! ಅಭಿವ್ರದ್ದಿ ಜಾಲ್ಲಿ ಜಾಲ್ಯಾರ್ ಯೀ ಕಿತೆಂ .! ಆಮ್ಚೆ ಹೈವೆ ಕಸೆ ಆಸಾತ್ ಮ್ಹುಣ್ ತುಮ್ಕಾಂ ಖಳಿತ್ ಆಸಾನೇ ..! ಕೊಡ್ಯಾಳಾಚೆ ಫೈವ್ ಒವರ್ ಪಳೆಯಾ..! ಕೆನ್ನಾ ಪಡ್ತಾತ್ ಮ್ಹುಣೊನ್ ಕಳನಾಂತ್ ! ಉದಾಕ್ ನಾತ್ ಲ್ಯಾ ತ್ಯಾ ಸೋಮಾಲಿಯಾಂತ್ ಯೀ ಹಾಚಾಕೀ ಬರೆ ಫೈವ್ ಒವರ್ ಆಸಾತ್. ಮಸ್ತ್ ಬರೆ ರೋಡ್ ಆಸಾತ್. ಮಾಗಿರ್ ಆಮ್ಚೊ speed ಪಳೆಯಾ. 2025 ಂತ್ ಜಾಂವ್ಕ್ ಆಸ್ಚಾ ಫೈವ್ ಒವರಾಕ್ ಪಿಲ್ಲಾರ್ ಗಾಲ್ನ್ ಆತಾಂ ಸಾತ್ ವರ್ಸಾಂ ಜಾತಾತ್ ! . ಮಂಗ್ಳೂರಾಚೆ ಸಮಸ್ಯೆ ತ್ಯಾ ಡೆಲ್ಲಿಚಾ ಪಾರ್ಲಿಮೆಂಟಾಂತ್ ಉಲಯ್ ಮ್ಹುಳ್ಯಾರ್ , ಸೊಂಡಾಕ್ ಮಾರ್ಲ್ಯಾರ್ ಯೀ ನಳಿನಾಕ್ ಇಂಗ್ಲಿಷ್ ಯೀ ಯೆನಾ , ಹಿಂದಿ ಯೀ ಖಳಿತ್ ನಾ. ಕಷ್ಟಾಂನೀ ಏಕ್ ನಮೂನ್ಯಾಚಿ ಕಾನಾಡಿ ಉಲಾಯ್ತಾ ..! ತ್ಯಾ ಕೇರಾಳಾಚೆ MP ಬೆಂಗ್ಳೂರ್ ಥಾವ್ನ್ ಮಂಗ್ಳೂರ್ ಆಸ್ಚೆಂ ಟ್ರೈನ್ ಕಣ್ಣೂರ್ ಮ್ಹುಣಾಸಾರ್ ವರುಂಕ್ ಯಶಸ್ವಿ ಜಾಲೆನೇ ... ತೆನ್ನಾ ಹೊ ನಳಿನ್ ಪಾರ್ಲಿಮೆಂಟಾಂತ್ ಆಸ್ಚೆಂ ಸೊಡ್ನ್ ತ್ಯಾ ಸುಳ್ಯಾಂತ್ ಗಾಯ್ smuggling ಜಾತಾಗೀ ಮ್ಹುಣ್ ಮಾರ್ಗಾರ್ ರಾಕೊನ್ ರಾವ್ ಲ್ಲೊ ..! So sad... ! ತ್ಯಾ ಬಿಹಾರ್ಚೆ , ಯಾ UP ಚೆ ಕಸಲೆ MP ಜಾಯ್ಜೆ ಮ್ಹುಣ್ ಮಂಗ್ಳೂರ್ಚಾಕೀ ಚಡ್ ಮಂಡೊ ಖರ್ಚಿತಾತ್ ... !

ಮಂಗ್ಳೂರ್ ರಸ್ತೆ ..!!!

                                       *******
ನಳಿನ್ ಬಚ್ಚಾಲಿ ತೆಂ ಸೊಡ್ಯಾಂ . ಹೊ ಸುನಿಲ್ ಕುಮಾರ್ ಕಸಲೊ ? ಏಕಾ ಕಾಳಾರ್ ಹೊ ಕಾರ್ಕೊಳ್ಚೊ MLA ಜಾಲ್ಲೊಚ್ ತ್ಯಾ ಕಾರ್ಕೊಳ್ಚಾ selfish ಕೊಂಕ್ಣ್ಯಾ ದ್ವಾರಿಂ . ಇತ್ಲ್ಯಾಕೀ ತೊ ಅಮ್ಚಾ ಗಾಂವ್ಚೊ ಯೇ ? ಖಂಡಿತ್ ನ್ಹಂಯ್ ! ಹೊ ಚಿಕ್ಕಮಗಳೂರಾಂತ್ ಮಾರ್ಗಾರ್ ಸಿಗ್ರೆಟಿ ಪ್ಯಾಕೆಟ್ , ತ್ಯಾ ಸಿ ಟಿ ರವಿ ಸಾಂಗಾತಾ ವಿಂಚುನ್ ಆಸ್ ಲ್ಲೊ ಗಿರಾಕಿ. ಬಾಬಾ ಬುಡಾನ್ ಗಿರಿಚಾ ವಿವಾದಾಂತ್ ಕಾರ್ಕೊಳ್ಚೆಂ MLA ಜಾಂವ್ಚೆಂ ಭಾಗ್ ಮೆಳ್ಳೆಂ ತಾಚೆಂ ಏಕ್ ಭಾಗ್ಯ್ ಮ್ಹುಣ್ಯೇತ್. !( mostly ದಿವ್ರಾಂಚಿ ತಾಚಿ ಆವಯ್ ಹಾಂಗಾ ಥಾವ್ನ್ ದಾವೊಂನ್ ತ್ಯಾ ಘಾಟಿ ಗೌಡಾ ಕಡೆ ಕಾಜಾರ್ ಜಾಲ್ಲೆ ನಿಮ್ತಿಂ !) .ಮ್ಹಕಾ ಕಿರಿಸ್ತಾವಾಂಚೆ ಯಾ ಮುಸ್ಲಿಮ್ ವೋಟ್ ನಾಕಾತ್ , ಫಕತ್ ಹಾಂವ್ ಹಿಂದ್ವಾಚಾ ವೋಟಾನಿಂ ಜಿಕ್ತಾಂ ಮ್ಹುಣ್ ಹಂಕಾರಾಚಾ ಉತ್ರಾಂಕ್ ಜೊಕ್ತಿ ಜವಾಬ್ ಹ್ಯಾ ಪಾವ್ಟಿಂ ಉಡ್ಪಿ, ಚಿಕ್ಕಮಗಳೂರ್ಚಾ ಲೊಕಾನಿಂ ಹಾಕಾ ದಿಲ್ಯಾ ..!! ಕಲ್ಲಡ್ಕಾ ಬೊಟಾಚಾ ಕಾನ್ಸೂಲಾಕ್ ಏಕ್ ತಾಪಾಡ್ ದಿಲಾಂ..! !


*********
ಹೆಂ ವಡ್ಲೆಂ ವಿಪರ್ಯಾಸ್ ..!!
ಉಪ್ಪಿನಂಗಡಿ ವೀಕ್ ಒಂಕ್ ಲ್ಯಾ ಉಪ್ರಾಂತ್ ಕಲ್ಲಡ್ಕಾ ಬೊಟಾಚೊ ರೈಟ್ ಹ್ಯಾಂಡ್ ಆಚಾರ್ಯಾ ಶೀದಾ ವಯ್ರ್ ಗೆಲೊ ಆನಿಂ ಲೆಪ್ಟ್ ಹ್ಯಾಂಡ್ ಬ್ಲೂ ಫಿಲ್ಮ್ ವಾಂಟುನ್ ಘರಾ ಗೆಲೊ..! ಅತಾಂ ಮಂಗ್ಳೂರಾಕ್ ಆನಿಂ ಉಡ್ಪಿಕ್ ಉಸ್ತುವಾರಿ ಮಂತ್ರಿ ಚ್ ನಾಂತ್ ...!!


ಹೆಂ ವಿಗ್ಯಾನಿಂಕ್ ಯಿ ಆರ್ಥ್ ಜಾಯ್ನಾತ್ಲೆಂ ಸವಾಲ್ !
ಫಕತ್ ಮಿಶಿಯೊ ಆಸಾತ್ ಮ್ಹುಣೊನ್ ಕಲ್ಲಡ್ಕಾ ಭೊಟಾಕ್ ದಾದ್ಲೊ ಮ್ಹುಣ್ಯೇತ್ ಗೀ ಮ್ಹುಣ್ ..!




   ********************

ಸೊಶಿಯಾಲ್ ನೆಟ್ ವರ್ಕಾಂಕ್ ಸೆನ್ಸಾರ್ ?

(NAMAN BALLOK JESU)
ವ್ಹಯ್ ... ಇಂಡಿಯಾಂತ್ ಸಾಮಾಜಿಕ್ ನೆಟ್ ವರ್ಕಾಂಚಾ ನಾಕಾಕ್ ದೊರಿ ಗಾಲ್ತಾ ಮ್ಹುಣ್ ಮಂತ್ರಿ ಕಪಿಲ್ ಸಿಬಲಾನ್ ಸಾಂಗ್ಲಾ. ಪುಣ್ ಹಾಕಾ ಆಯ್ಲೊ ವಿರೋದ್ ಪಳೆಯಾ ...ವಿರೋದ್ ಪಾಡ್ತಿ ಸೊಡಿಯಾಂ , hotmail ಖ್ಯಾತಿಚೊ ಸಬೀರ್ ಬಾಟಿಯಾ , so called ಎತಿಕಲ್ ಹ್ಯಾಕಾರ್ ಅಂಕಿತ್ ಪಾಡಿಯಾ ಥಾವ್ನ್ ವಿಶ್ವ ಸಂಸ್ಥ್ಯಾಂಚಾ ಕಾರ್ಯಾದರ್ಶಿನ್ ಸಯ್ತ್ ಹೆಂ nonsense ನಿರ್ಧಾರ್ ಮ್ಹುಳೆಂ. ಇತ್ಲ್ಯಾಕೀ ಆಮ್ಚ್ಯಾ ಸರ್ಕಾರಾನ್ ಕಿತ್ಯಾಕ್ facebook, twitter, youtube, Google,yahoo ತಸಲ್ಯಾ ನೆಟ್ ವರ್ಕಾಂಕ್ ಲಗಾಮ್ ಗಾಲುಂಕ್ ಚಿಂತ್ಲೆ? ಸಬಾರ್ ಕಾರಾಣಾಂ ಆಸಾತ್. ಇಂಡಿಯಾಂತ್ ಸಾಮಾಜಿಕ್ ನೆಟ್ ವರ್ಕಾಂಕ್ ಸೆನ್ಸಾರ್ ಕರ್ಚಾ ಮಸ್ತ್ ಪಯ್ಲೆಂ ಥೊಡ್ಯಾ ದೇಶಾನಿಂ ಅಸಲ್ಯಾ ಜಾಳಿಂಕ್ ಲಗಾಮ್ ಗಾಲ್ಲೆಂ ತುಮ್ಕಾಂ ಖಳಿತ್ ಆಸೊಂಕ್ ಪುರೊ . ಇಂಡಿಯಾಂತ್ ಯೀ ಥೊಡ್ಯಾ ವರ್ಸಾಂ ಪಯ್ಲೆಂ , ಥೊಡ್ಯೊ ವೆಬ್ ಸಾಯ್ಟಿ ನಿಶೇಧ್ ಕೆಲ್ಲ್ಯೊ . ಇತ್ಲ್ಯಾ ಕೀ ಹೊ ನಿಶೇಧ್ ಸಮಾ ಗೀ? ಮಾಧ್ಯಾಮಾಚಾ ಸ್ವಾತಂತ್ರ್ಯಾಕ್ , ಲೊಕಾನ್ ಜಾಳಿರ್ ಬ್ಲಾಗಿಂಗ್, tweet ಯಾ ಇತರ್ ನಮೂನೆಂತ್ ವ್ಯಕ್ತ್ ಕರ್ಚಾ ಬೊಗ್ಣಾಂಕ್ ಕಿತ್ಯಾಕ್ ಕೇಂದ್ರ್ ಸರ್ಕಾರಾನ್ ಲಗಾಮ್ ಗಾಲಿಜೆ ? ಹೊ ನ್ಯಾಯ್ ಗೀ?

ಖಂಡಿತ್ ನ್ಹಂಯ್ .ಪುಣ್ ಇಂಡಿಯಾಂತ್ ಆಸ್ಚೊ ಇಂಟರ್ನೆಟ್ ಸ್ವಾತಂತ್ರ್ಯ್ ಬರೊ ಉದ್ದೇಶಾಕ್ ವಾಪಾರ್ಚಾ ಬದ್ಲಾ , ವಾಯ್ಟ್ ಕಾರಣಾಂಕ್ ಚಡಾವತ್ ಜಾವ್ನ್ ಉಪ್ಯೋಗ್ ಜಾಂವ್ಚೊ ಹ್ಯಾ ದಿಸಾನಿಂ ಭರಾನ್ ದಿಸೊನ್ ಯೆತಾ. ಹಾಂತುಂ ಯೀ ಪ್ರಮುಖ್ ಜಾವ್ನ್ ಥೊಡೆ right wing ಪಂಗಡ್ ಅಂತರ್ ಜಾಳಿರ್ ದ್ವೇಶ್ ಪ್ರಸಾರ್ ಕರ್ನ್ ಧರ್ಮಾಂ ಧರ್ಮಾಂ ಮದೆಂ ವೀಕ್ ಒಂಪುಂಕ್ ಪ್ರಯತ್ನ್ ಕರ್ನ್ ಆಸಾತ್. ಹಾಂಗಾ ವ್ಯವಸ್ಥಿತ್ ರೂಪಿತ್ ಜಾಲ್ಲೊ ಏಕ್ ವಡ್ಲೊ ಪಂಗಡ್ ಚ್ ಆಸಾ. ತಾಂಚೆಂ ಕಾಮ್ ಕಿತೆಂ ಮ್ಹುಳ್ಯಾರ್ ಗಾಭ್ ಪ್ರಸಾರ್ ಕರ್ಚೊ, ಫಟ್ ಖಬರ್ ವ್ಯವಸಿತ್ ಜಾವ್ನ್ ನಿರ್ಮಾಣ್ ಕರ್ಚಿ ಆನಿಂ ವಿರೋದ್ಯಾಂ ವಯ್ರ್ ಆಶ್ಲೀಲ್ ರೀತಿರ್ ಜಾಳಿರ್ ದಾಡ್ ಗಾಲ್ಚಿ. ಹಾಕಾ ಆನಿಂ ಚಡಾವತ್ ಜಾವ್ನ್ ವಾಪಾರ್ಚೆಂ ಚ್ facebook, twitter, youtube, ತಸಲ್ಯಾ ಸಾಮಾಜಿಕ್ ತಾಣಾಂಕ್. ಹಾಣಿಂ ಸ್ರಶ್ಟಿ ಕರ್ಚೊ ಖಬ್ರ್ಯೊ ಕಸ್ಯೊ ಆಸ್ತಾತ್ ಗೀ ಮ್ಹುಳ್ಯಾರ್ , ತ್ಯೊ ಫಟಿ ಮ್ಹುಣ್ ತುಮ್ಕಾಂ ಖಂಡಿತ್ ಕಳೊಂಕ್ ಚ್ ಕಳಿನಾಂತ್ .ಶಿಕ್ಪಿ ಲೊಕಾಕ್ ಚ್ ಏಕಾ ರಿತಿರ್ ಘುಸ್ಪಡ್ವಾಂಚಿ ಏಕ್ ನವೀನ್ ಕಲಾ ಜಾಳಿರ್ ವ್ಯವಸ್ತಿತ್ ಜಾವ್ನ್ ಯಶಸ್ವಿ ಜಾಲ್ಯಾ.

ಸರ್ಕಾರಾಕ್ ಸಮ್ಸಸ್ಸೊ ಮ್ಹುಳ್ಯಾರ್ , facebook, twitter, youtube, Google ತಸಲ್ಯಾ ತಾಣಾಂಕ್ ನಿಯಂತ್ರಣ್ ಕರುಂಕ್ ಜಾಯ್ನಾ. ಇತರ್ ವೆಬ್ ಸಾಯ್ಟಿಂಕ್ ಜಾಲ್ಯಾರ್ block ಕರ್ಯೇತ್. ವಾಜ್ ಪೇಯಿ ಚಾ ಕಾಳಾರ್ ಪಾಕಿಸ್ತಾನಾಚೆಂ ಪ್ರಮುಖ್ ದಿಸಾಳೆಂ DAWN ಚೆಂ ಜಾಳಿಜಾಗೊ ಇಂಡಿಯಾಂತ್ ನಿರ್ಬಂದ್ ಕೆಲ್ಲೊ. 2006 ಇಸ್ವೆಂತ್ ಸರ್ಕಾರಾನ್ right wing ಪಂಗ್ಡಾಚಾ 17 ಜಾಳಿಜಾಗ್ಯಾಂಕ್ ನಿಶೇಧ್ ಕೆಲ್ಲೊ ಏಕ್ ವಡ್ಲಿ ಖಬರ್ ಜಾಲ್ಲಿ. ಹಾಚಾ ಉಪ್ರಾಂತ್ ಯೀ ಆಜ್ ಮ್ಹುಣಾಸರ್ ಸರ್ಕಾರಾನ್ ಪ್ರಚಾರ್ ಕರಿನಾಸ್ತಾಂಚ್ ಹಾಂಚೆ ಸಬಾರ್ ಜಾಳಿಜಾಗ್ಯಾಂಕ್ ಹುಮ್ಟೊನ್ ಕಾಡ್ನ್ ಂ ಚ್ ಆಸಾ. ಪುಣ್ facebook, twitter ಅಸಲೆಂ ಪುರಾ ಲೊಕಾಮೊಗಾಳ್ ಜಾಲೆಂ ಪಳೆ, ತೆನ್ನಾ ಹ್ಯಾ right wing ಪಂಗ್ಡಾಚಾನಿ ಹಾಚೊ ಬರ್ಪೂರ್ ಫಾಯ್ದೊ ಉಟಾಯ್ಲೊ. ಆಜ್ facebook ರ್ ದ್ವೇಶ್ ಪ್ರಸಾರ್ ಕರ್ಚೊ ತಸಲ್ಯೊ , ಹಾಣಿಂ ಕೆಲ್ಯೊ ಕಿತ್ಲ್ಯೊ ಕಮ್ಯೂನಿಟಿ ನಾಂತ್ ? ಪೇಜಿ ನಾಂತ್ ? ಯಾ youtube ರ್ ಹಾಂಚೊ ಕಿತ್ಲ್ಯೊ ವಿಡಿಯೊ ನಾಂತ್ ? ಸರ್ಕಾರಾಕ್ ಹೆಂ ನಿಯಂತ್ರಣ್ ಕರುಂಕ್ ಸಾದ್ಯ್ ಚ್ ಜಾಯ್ನಾ. ಏಕ್ ಚ್ ತಾಣಿಂ ಸಗ್ಳೆಂ facebook ಯಾ youtube ಚ್ ಬಂಧ್ ಕರಿಜೆ. ಪುಣ್ ಸಗ್ಳೊ ನಿಶೇಧ್ ಕರುಂಕ್ ಡೆಮೊಕ್ರಾಸಿಂತ್ ಜಾಯ್ನಾ ನೇ , ದೆಕುನ್ ಕಪಿಲ್ ಸಿಬಲಾನ್ facebook, Google,yahoo ... ಚಾ ಬಾಸಾಂಕ್ ಅಪಾವ್ನ್ ತಾಂಕಾಂ ಅಸಂಬಂದ್ದ್ ವಿಶಯ್ ಪುರಾ ನಿಕ್ಳಾಯಾ ಆನಿಂ ಮುಖಾರ್ ಅಸಲೊ ವಿಶಯ್ upload ಜಾಯ್ನಾತ್ಲ್ಯಾ ಬರಿ ಪಳೆಯಾ ಮ್ಹುಣ್ ತಾಕೀತ್ ದಿಲಿ.ಪುಣ್ ಐಟಿ ಬಾಸ್ ಹಾಕಾ ರೆಡಿ ನಾಂತ್. ತಾಂಕಾಂಯ್ ಹೆಂ ಕಶ್ಟಾಂಚೆಂ ಕಾಮ್. ಆಜ್ facebook ರ್ ಹರ್ಯೇಕಾ ಮಿನುಟಾಕ್ ಮಿಲಿಯಾನ್ ಪೋಸ್ಟಿಂಗ್ ಯೆತಾತ್. youtube ರ್ ಮಿನುಟಾಕ್ ಪನ್ನಾಸ್ ವರಾಂ ಚೆ ವಿಡಿಯೊ upload ಜಾತಾತ್. ಹೆಂ ಪುರಾ ಪಳೆವ್ನ್ delete ಕರುಂಕ್ ಹಜಾರೊಂ ಲೊಕಾಕ್ ಕಾಮಾಕ್ ದವರಿಜೆ ಪಡ್ತಾ. ದೆಕುನ್ ಐಟಿ ಬಾಸ್ ತಾಕಾ ರೆಡಿ ನಾಂತ್. ಕಂಚೊಯೀ ಪೋಸ್ಟ್ ಯಾ ವಿಶಯ್ ಅಸಂಬಂದ್ದ್ ಆಸ್ ಲ್ಯಾರ್ "report" ಕರುಂಕ್ ಏಕ್ option ಆಸಾ. ಆಶೆಂ ಮಸ್ತ್ ಜಣಾನಿಂ report ಕೆಲ್ಯಾರ್ ಮಾತ್ರ್ ಆಮಿಂ ತೊ ಪೋಸ್ಟ್ ನಿಕ್ಳಾಯ್ತಾಂವ್ ಮ್ಹುಣ್ತಾತ್ ಐಟಿ ಬಾಸ್ . ವಿಪರ್ಯಾಸ್ ಮ್ಹುಳ್ಯಾರ್ right wing ಪಂಗಡಾನಿಂ ಕರ್ಚಾ ಹರ್ಯೇಕ್ ಪೋಸ್ಟಾಕ್ ಯೀ ಕಾಮ್ ನಾತ್ ಲ್ಲೆ ಏಕ್ ವಡ್ಲ್ಯಾ ಸಂಖ್ಯಾಚೊ ಪಾಟ್ಲಾವ್ದಾರಿ ಆಸ್ತಾತ್. ತಿತ್ಲೆ ಚಡ್ ಪಾಟ್ಲಾವ್ದಾರ್ ಆಸ್ ಲ್ಯಾರ್ ತಿತ್ಲ್ಯಾಚ್ ಪ್ರಮಾಣಾರ್ report ಕರಿಜೆ ಪಡ್ತಾ. ತೆನ್ನಾ ಮಾತ್ರ್ ತೊ ಪೋಸ್ಟ್ delete ಕರ್ತಾತ್. ಏಕ್ ಲೇಖಾರ್ ಹೆಂ ಆಸಾದ್ಯ್ .

ಕಿತ್ಲೆಂ ಮ್ಹುಳ್ಯಾ ರೀ ಜಾಳಿರ್ ನಿಶೇಧ್ ಕೆನ್ನಾಂಯ್ ಪೂರ್ಣ್ ಪ್ರಮಾಣಾರ್ ಕರುಂಕ್ ಜಾಯ್ನಾ. ಹೆಂ ಇಂಟರ್ನೆಟ್ ಆಸಾ ಪಳೆ ಹಾಂತುಂ ಸಗ್ಳಾ ಸಂಸಾರಾಚಿಂ ಮಿಲಿಯಾನ್ ಗಟ್ಲೆ ನೆಟ್ ವರ್ಕಾಂ ಏಕ್ಟಾಯ್ ಜಾಲ್ಯಾಂತ್. ಹಾಕಾ ಧಣಿ ಮ್ಹುಣ್ ಕೋಣ್ ಯೀ ನಾಂತ್. ಜಾಳಿರ್ ಕಿತೆಂ ಯೀ filter ಕೆಲ್ಯಾರ್ ಯೀ ತೆಂ bypass ಕರ್ಚೆ ವಿಧಾನ್ ಆಸಾತ್. ತೆಂ ಖಂಚಾಯೀ ಸರ್ಕಾರಾಕ್ ತಡ್ವೊಂಕ್ ಸಾದ್ಯ್ ಜಾಯ್ನಾ...!

ಮೊಬೈಲ್ ಹಿಸ್ಟರಿ...!!

(SEVAK)
ತೆಂ Motorola DynaTAC 8000X..! ಹ್ಯಾ ಫೊನ್ ನಮೂನೊ (Model) ತುಮಿಂ ಖಂಯ್ ಪುಣೀ ಆಯ್ಕಾಲಾಂ ಗೀ ? 1983 ಇಸ್ವೆಂತ್ ಭಯ್ರ್ ಆಯ್ಲೆಂ ಸಂಸಾರಾಚೆಂ ಪಯ್ಲೆಂ ಮೊಬೈಲ್ ಫೋನ್ ತೆಂ. ತೆರಾ ಇಂಚಾ ಲಾಂಬಾಯೆಚೆಂ ಹ್ಯಾ ಫೊನಾಚಿ ವಜನ್ ಬರೋಬ್ಬರ್ ಏಕ್ ಕಿಲೊ.! ಏಕಾ ರಿತಿರ್ ಪಳೆಯ್ಲಾರ್ ತೊ ಏಕ್ ಇಟೊ. ಪುಣ್ ತ್ಯಾ ಕಾಳಾರ್ ತೆಂ ದಾಕ್ಟುಲೆಂ ಫೋನ್. ಮೋಲ್ ಫಕತ್ 3995 ಅಮೆರಿಕಾನ್ ಡಾಲಾರ್ !. ಅತಾಂಚಾಂ Android ತಂತ್ರಾಂಶಿತ್ ತಸಲ್ಯಾ ಸ್ಮಾರ್ಟ್ ಫೊನಾಂ ತುಲನ್ ಕೆಲ್ಯಾರ್ ಮೊಟೊರೊಲಾಚೆಂ ತೆಂ ಮೊಡೆಲ್ ಶಿಳಾಯುಗ್ ಕಾಳಾಚೆಂ ಮ್ಹುಣ್ಯೇತ್ . ಫಕತ್ ಏಕ್ ಗಂಟ್ಯಾಚಿ ಬ್ಯಾಟರಿ backup ಆನಿಂ ಏಕ್ ತೀಸ್ ಫೋನ್ ನಂಬರ್ ದಾಸ್ತಾನ್ ಕರ್ಚೆ ತಿತ್ಲಿ ಮೆಮೊರಿ ಮಾತ್ರ್ ತಾಂತುಂ ಆಸ್ ಲ್ಲಿ. ಅತಾಂಚಾಂ ಬರಿ Giga Byte ಲೆಖಾರ್ ದತ್ತಾಂಶ್ ಚೆಪುಂಕ್ ತಾಂತುಂ ಖಂಡಿತ್ ಸಾದ್ಯ್ ನಾತ್ ಲ್ಲೆಂ.!

ತಶೆಂ ಮ್ಹುಳ್ಯಾರ್ ಮೊಬೈಲ್ ಫೊನಾಂ ಆರಂಭ್ ಜಾಲ್ಲಿಂ ಫಕತ್ 1983 ಂತ್ ನ್ಹಂಯ್ . ಏಕಾ ಶೆಕ್ಡಾ ಆದಿಂಚ್ ನಿಸ್ತಂತು ತಾಂತ್ರಿಕತಾ ಅಭಿವ್ರದ್ದಿ ಜಾವ್ನ್ ಆಸ್ ಲ್ಲಿ. ಟೈಟಾನಿಕ್ ತಾರುಂ ಬುಡ್ತಾನಾ ಸಯ್ತ್ wireless ಸಂದೇಶ್ ದಾಡ್ಚಿ ಟೆಕ್ನೊಲೊಜಿ ಆಸ್ ಲ್ಲಿ ಮ್ಹುಣ್ ತುಮ್ಕಾಮ್ ಖಳಿತ್ ಆಸೊಂಕ್ ಪುರೊ. ದುಸ್ತ್ರ್ಯಾ ಮಹಾ ಝೂಜಾ ವೆಳಿಂ ಹಿ walkie-talkie ಚೆಂ ಉಗಮ್ ಜಾಲ್ಲೆಂ. ತ್ಯಾ ಕಾಳಾಚಿ ತಾಂತ್ರಿಕಾತಾ ಪುರಾ ರೇಡಿಯೊ ಆಧಾರಿತ್. ತೆನ್ನಾ ಪುರಾ ಚಡಾವತ್ ಮೊಬೈಲ್ ಫೊನಾಂ ಪುರಾ ವಾಪಾರ್ಚಿಂ ಆಸ್ ಲ್ಲಿಂ ಕಾರಾನಿಂ, ಅಂಬ್ಯೂಲೆನ್ಸಾನಿಂ, ಪೋಲಿಸ್ ವಾಹಾನಾಂ ನಿಂ ಮಾತ್ರ್ ಆಸ್ ಲ್ಲಿಂ. ಮಸ್ತ್ ಸೀಮಿತಾಯ್ ಆಸ್ ಲ್ಯಾ ತ್ಯಾ ಕಾಳಾಂಚಾ ಫೊನಾಂಕ್ ೦G ಟೆಕ್ನೊಲೊಜಿ ಮ್ಹುಣ್ ವಿಂಗಡ್ ಕರ್ಯೇತ್ . ಮಾಗಿರ್ ಆಯ್ ಲ್ಲಿ ಟೆಕ್ನೊಲೊಜಿ ಚ್ 1G . ಪಯ್ಲೆಂ ಪುರಾ ಏಕಾ ಟವರಾ ಥಾವ್ನ್ ಆನ್ಯೇಕಾ ಟವರಾಕ್ ಬದ್ಲಿತಾನಾ , ಕಾಲ್ ಉರಾನಾತ್ ಲ್ಲೆಂ . ಪುಣ್ 1G ತಾಂತ್ರಿಕಾತಾ ಆಯ್ಲ್ಯಾ ಉಪ್ರಾಂತ್ ಹೆಂ ಪುರಾ ಸಾದ್ಯ್ ಜಾಲ್ಲೆಂ . ಏಕಾ ರಿತಿರ್ ಖರೆಪುಣಿ ಮೊಬೈಲ್ ತಾಂತ್ರಿಕತಾ ಆಯ್ಲಿ ಮ್ಹುಳ್ಯಾರ್ ಹ್ಯಾ 1G ದ್ವಾರಿಂ .! ಹ್ಯಾ ಜಪಾನಾಚಾ ಟೋಕಿಯೊಂತ್ 1979 ಂತ್ 23 ಮೊಬೈಲ್ ಟವಾರಾಂ ಘಾಲ್ನ್ ಪಯ್ಲೆ ಪಾವ್ಟಿಂ ಹಿ ಸೆವಾ ಆರಂಭ್ ಜಾಲ್ಲಿ. ಹಿ 1G ತಾಂತ್ರಿಕಾತಾ ಸಗ್ಳಿ ಅನಲೊಗ್ ಸಿಗ್ನಲ್ ಆಧಾರಿತ್..

ಪುಣ್ ಮಾಗಿರ್ ಆಯ್ಲಿ ತಾಂತ್ರಿಕಾತಾ ಸಂಪೂರ್ಣ್ ಡಿಜಿಟಲ್ ಆಧಾರಿತ್. ತಿಚ್ 2G ತಾಂತ್ರಿಕಾತಾ ..! ಆಜ್ ಇಂಡಿಯಾಂತ್ ಚಡಾವಾತ್ ಜಾವ್ನ್ ಯೆದೊಳ್ ಮ್ಹುಣಾಸರ್ ವಾಪಾರ್ಚಿ ಹಿಚ್ ಮೊಬೈಲ್ ಟೆಕ್ನೊಲೊಜಿ . ( ಚಡಾವತ್ ಇಂಡಿಯಾನ್ಸಾಂಕ್ 2G ಟೆಕ್ನೊಲೊಜಿ ಕಿತೆಂ ಮ್ಹುಣ್ ಖಳಿತ್ ಆಸ್ಚಾ ಕೀ ಚಡ್ 2G scam ಕಿತೆಂ ಮ್ಹುಳ್ಳೆಂ ಬರೆಂ ಗೊತ್ತಾಸ್ಚಿ ದುಸ್ತ್ರಿ ಗಜಾಲ್..!!) . 1990 ಂತ್ ಚ್ ಹಿ 2G ಯೆರೊಪಾಂತ್ ಆರಂಭ್ ಜಾಲಿ. ಆಶೆಂ ಉಬ್ಜಾಲ್ಲಿಚ್ ಅಮ್ಚಾ ಅತಾಂಚೆಂ GSM , CDMA ನೆಟ್ ವರ್ಕಾಂ .! ಕೆನ್ನಾ ಹಿ ಡಿಜಿಟಲ್ 2G ಆಯ್ಲಿ ಪಳೆ ತೆನ್ನಾ, ಇಟ್ಯಾ ತೆದಿಂ ಆಸ್ ಲ್ಲಿಂ ಫೊನಾಂ ಕಾಡಿಯೆಂ ಪೆಟಿ ಬರಿ ಪಾತಳ್ ಜಾಲ್ಲಿಂ. ಪಯ್ಲೆಂ ಭಯ್ರ್ ಆಸ್ ಲ್ಲೊ ವಡ್ಲೊ ಅಂಟೆನಾ , ಫೊನಾಚಾ ಭಿತರ್ ಚ್ ವಚುನ್ ಬಸ್ಲೊ. SMS ದಾಡುಂಕ್ ಸಾಧ್ಯ್ ಜಾಲ್ಲೆಂ ಚ್ 2G ಟೆಕ್ನೊಲೊಜಿ ಆಯಿಲ್ಯಾ ಉಪ್ರಾಂತ್. ಹಿ 2G ಮಾಗಿರ್ 2.5 G , 2.75 G ಮ್ಹುಣ್ ಅಭಿವ್ರದ್ದಿ ಜಾವ್ನ್ಂ ಚ್ ಗೆಲಿ. MMS ದಾಡುಂಕ್ ಯೀ ಸಾಧ್ಯ್ ಜಾಲೆಂ . GPRS ಆರಂಭ್ ಜಾಲ್ಯಾ ಉಪ್ರಾಂತ್ ಅಂತರ್ ಜಾಳಿ ಯೀ ಹ್ಯಾ ಫೊನಾಂನಿಂ ಪಾವ್ಲೆಂ. EDGE ತಸಲಿ ಟೆಕ್ನೊಲೊಜಿ ಯೇವ್ನ್ ಚಡಿತ್ ಸ್ಪೀಡಾಚೆಂ ಇಂಟರ್ನೆಟ್ ಮೊಬೈಲಾರ್ ಚ್ ಮೆಳೊಂಕ್ ಸಾದ್ಯ್ ಜಾಲೆಂ.

ಪುಣ್ ಹೊ ಸ್ಪೀಡ್ ಯೀ ಪುಡ್ಲ್ಯಾ ದಿಸಾನಿಣ್ ನಗಣ್ಯ್ ಮ್ಹುಣ್ ದಿಸ್ಲೊ. ಭಾರಿ ಸ್ಪಿಡಾಚೆಂ ಆನಿಂ ನವ್ಯಾಚ್ ತಿಸ್ತ್ರ್ಯಾ ಪಿಳ್ಗೆಚಿ 3G ಟೆಕ್ನೊಲೊಜಿ ಆಯ್ಲಿಚ್. ಜಪಾನಾಂತ್ 2001 ಂತ್ 3G ಮೊಬೈಲ್ ಸೆವಾ ಆಯ್ಲ್ಯಾ ಉಪ್ರಾಂತ್ ತೆನ್ನಾ ಮ್ಹುಣಾಸರ್ ಕಿಲೊ ಬೈಟ್ ಸ್ಪಿಡಾರ್ ಆಸ್ ಲ್ಲೆಂ ಮೊಬೈಲ್ ತಾಂತ್ರಿಕತಾ ಮೆಗಾಬೈಟ್ ಸ್ಪೀಡಾಕ್ ಪಾವ್ಲಿ. ಫೋನ್ ಮ್ಹುಳ್ಯಾರ್ ಫಕತ್ ಉಲಾಂವ್ಚೆ ಮೆಶಿನ್ ಮಾತ್ರ್ ಮ್ಹುಳ್ಳೊ ಕಾಳ್ ವಚೊನ್ ಪಳೆಂವ್ಚೆ ಮೆಶಿನ್ ಜಾಂವ್ಕ್ ಯೀ ಪಾವ್ಲೆಂ. ವಿಡಿಯೊ ಕಾಲ್ 3G ಟೆಕ್ನೊಲೊಜಿ ಚೆಂ ವಿಶೇಷ್. ಮೊಬೈಲ್ ಟಿವಿ ಆಯ್ಲ್ಯಾನ್ , ಫೊನಾರ್ ಚ್ ಟಿವಿ ಪಳೆಂವ್ಕ್ ಸಾಧ್ಯ್ ಜಾಲೆಂ. ಅಲ್ತೊಡಿಚಾ ದೇಶಾ ಥಾವ್ನ್ ಪಲ್ತಡಿಚಾ ದೇಶಾಕ್ ವಾರ್ಯಾ ರ್ ಚ್ ಗಿಗಾ ಬೈಟಾ ತಿತ್ಲಿಂ ವಡ್ಲಿಂ ಫೈಲಾಂ ಥೊಡ್ಯಾಚ್ ಮಿನುಟಾನಿಂ ದಾಡುಂಕ್ ಸಾದ್ಯ್ ಜಾಲೆಂ.ವಿಪರ್ಯಾಸ್ ಮ್ಹುಳ್ಯಾರ್ ಸಂಸಾರಾಂತ್ ತಿಸ್ತ್ರ್ಯಾ ಪಿಳ್ಗೆಚಿ ಮೊಬೈಲ್ ಸೆವಾ ಅರಂಭ್ ಜಾತಾನಾ ,ಇಂಡಿಯಾಂತ್ ಮೊಬೈಲಾಂ ದುಸ್ತ್ರ್ಯಾ ಪಿಳ್ಗೆಚಿ ತಾಂತ್ರಿಕತಾ ಘೆವ್ನ್ ಆಯ್ಲಿಂ. ಅಮ್ಕಾಂ ತಿಸ್ತ್ರ್ಯಾ ಪಿಳ್ಗೆಚಿ ಸೆವಾ ಮೆಳ್ಳಿ ಹ್ಯಾ ವರ್ಸಾ ಥಾವ್ನ್ .! ಆಜ್ ಸಂಸಾರಾಂತ್ 3.5 G , 3.75 G ಮ್ಹುಣ್ , ಏಕಾ ಮಿನುಟಾಕ್ ಸುಮಾರ್ ಪನ್ನಾಸ್ ಥಾವ್ನ್ ಸತ್ತಾರ್ ಮೆಗಾ ಬೈಟ್ ವೆಗಾರ್ ಡಾಟಾ ವರ್ಗಾವಣ್ ಕರುಂಕ್ ಸಾಧ್ಯ್ ಜಾತಾ. ತಿತ್ಲೆಂ ಚ್ ನ್ಹಂಯ್ ಚವ್ಯ್ತ್ಯಾ ಪಿಳ್ಗೆಚಿ 4G , ಪ್ರಾಯೋಗೀಕ್ ಸೆವಾ ಥೊಡೆ ಕಡೆ ಯೆದೊಳ್ ಚ್ ಆರಂಭ್ ಜಾಲ್ಯಾ. ಚವ್ಯ್ತ್ಯಾ ಪಿಳ್ಗೆಚೊ ಸ್ಪೀಡ್ ಆರಂಭ್ ಜಾಂವ್ಚೊ ಚ್ ಗಿಗಾ ಬೈಟಾಂತ್ ..!

ಮೊಬೈಲ್ ಉಪ್ಕಾರಿ ..ಪುಣ್ ಕಿತ್ಲೆಂ ಮಾರೆಕಾರ್ ?

ಮೊಬೈಲ್ ತುಮ್ಕಾಂ ಕಿತ್ಲೆಂ ಉಪ್ಕಾರಿ ಜಾವ್ನ್ ಆಸಾ ಮ್ಹುಣ್ ತುಮ್ಕಾ ಖಳಿತ್ ಆಸಾ. ಹ್ಯಾ ಆಮ್ಚ್ಯಾ ಸಾಸ್ತಾನಾಂತ್ ಚ್ ಬಸೊನ್ ತ್ಯಾ ಅಮೆರಿಕಾಚಾ ಸಾಂ ಪ್ರಾಸಿಸ್ಕೊಂತ್ ಆಸ್ಚಾ ಪುತಾ ಕಡೆ ವಿಡಿಯೊ ಕಾಲ್ ಕರ್ನ್ ಮುಖಾರ್ ಮುಖಾರ್ ಉಲವ್ಯೇತ್. ತ್ಯಾ ಬರ್ಮಿಂಗ್ ಹ್ಯಾಮಾಂತ್ ಕ್ರಿಕೆಟ್ ಮ್ಯಾಚ್ ಚಲೊನ್ ಆಸ್ಲ್ಯಾರ್ ಹ್ಯಾ ಆಮ್ಚಾ ಬೊಗ್ರು ಗುಡ್ಯಾರ್ ಬಸೊನ್ ಂ ಚ್ ಮೊಬೈಲ್ ಟಿವಿರ್ LIve ಪಳವ್ಯೆತ್. ಹ್ಯಾ ಭಿಜೈಂತ್ ಕಾಜಾರ್ ಜಾಲ್ಯಾರ್ ತ್ಯಾ ದುಬೈಕ್ ಯೀ ಶೀದಾ ಪ್ರಸರಣ್ ಕರ್ಯೇತ್ .! ಏಕ್ SMS ದಾಡ್ನ್ಂ ಚ್ ಸಗ್ಳೆಂ ಬ್ಯಾಕಿಂಗ್ ವ್ಯವಹಾರ್ ಕರ್ಯೇತ್ . ಶಾಪಿಂಗ್ ಕರ್ಯೇತ್ ... ಕಿತೆಂ ಕಿತೆಂ ಕರುಂಕ್ ಜಾಯ್ನಾ ಹ್ಯಾ ಮೊಬೈಲಾ ದ್ವಾರಿ ಂ ..?
ಪುಣ್ ಮೊಬೈಲ್ ಕಶೆಂ ಮಾರೆಕಾರ್ ? ಸಾಮಾಜಿಕ್ ರೀತಿರ್ ಕಶೆಂ ತುಮ್ಕಾಂ ಮಾರೆಕಾರ್ ಮ್ಹುಣ್ ವಿವರುಸ್ನ್ ಸಾಂಗ್ಚಿ ಗರ್ಜ್ ನಾ. ಪುಣ್ ಭಲಯ್ಕೆ ಸಂಬಂಧಿ ಹೆಂ ಕಿತ್ಲೆಂ ಮಾರೆಕಾರ್ ? ತುಮ್ಕಾಂ ಕಳಿತ್ ಆಸೊಂಕ್ ಪುರೊ... ತುಮ್ಚೆಂ ಸೆಲ್ ಫೋನ್ ಕಾಮ್ ಕರಿಜೆ ಜಾಲ್ಯಾರ್ ಲಾಗ್ಗಿಂ ಆಸ್ಲ್ಲ್ಯಾ ಮೊಬೈಲ್ ಟವರಾ ಕಡೆ ಸಂಪರ್ಕ್ ಕರಿಜೆ ಮ್ಹುಣ್ ...! ಹೊ ಸಂಪರ್ಕ್ ಸಾಧ್ಯ್ ಜಾಂವ್ಚೊಚ್ ರೇಡಿಯೊ ತರಂಗಾ ದ್ವಾರಿಂ. ... ತಶೆಂ ಮ್ಹುಳ್ಯಾರ್ ಮೊಬೈಲ್ ಫೋನ್ ವಾಪಾರ್ತಾನಾ ತುಂ ಜರೂರ್ ಜಾವ್ನ್ ರೇಡಿಯೊ ತರಂಗಾಚಾ ಸಂಪರ್ಕಾಕ್ ಯೆತಾಯ್.. ತುಮಿಂ ವಿಪ್ರೀತ್ ಮೊಬೈಲ್ ವಾಪಾರ್ಲ್ಯಾರ್ ತುಮ್ಕಾಂ ಹ್ಯಾ ತರಂಗಾ ದ್ವಾರಿಂ ಮೆಂದ್ವಾ ಕ್ಯಾನ್ಸಾರ್ ಯೆಂವ್ಚೆಂ ಸಾಧ್ಯತಾ ಆಸಾ ಮ್ಹುಣ್ತಾತ್ ಥೊಡೆ ವಿಗ್ಯಾನಿ .
ಮೊಬೈಲ್ ವಾಪಾರ್ತಾಲ್ಯಾಂಕ್ ಏಕ್ thumb rule . ಹರ್ಯೇಕಾ ಮೊಬೈಲಾಂತ್ SAR ( Specific Absorption Rate) ಮ್ಹುಣ್ ಏಕ್ ಮಾಫ್ ಆಸ್ತಾ. ಮೊಬೈಲಾ ದ್ವಾರಿಂ ರೇಡಿಯೊ ವಿಕಿರಣಾಂ ತುಜೆ ಥಂಯ್ ಪಾವ್ತಾನಾ , ಕಿತ್ಲ್ಯಾ ಮಾಫನ್ ತುಜಿ ಕೂಡ್ ತ್ಯಾ ವಿಕಿರಣಾಂಕ್ ವೋಡ್ನ್ ಕಾಣ್ಘೆಂವ್ಕ್ ಸಕ್ತಾಗೀ ಮ್ಹುಳ್ಳಿ ಮೆಜಾವ್ಣಿಂಚ್ SAR. 1.6 w/Kg ಚಾಕೀ ಚಡ್ SAR ಆಸ್ ಲ್ಯಾರ್ ತೆಂ ಮೊಬೈಲ್ ಮಾರೆಕಾರ್. ತೀಸ್, ಪನ್ನಾಸ್ ಹಜಾರಾಂಚಿಂ ಬ್ರ್ಯಾಂಡೆದ್ ಮೊಬೈಲಾಂ ಘೆಂವ್ಚಾ ಬದ್ಲಾ, ತಸಲಿಂಚ್ ಚೈನಿಸ್ ಮೊಬೈಲಾಂ ಫಕತ್ ಚಾರ್ , ಪಾಂಚ್ ಘೆವ್ಯೇತ್ ಮ್ಹುಳ್ಯಾಂಕ್ ಏಕ್ ದಾಕ್ಟಿ ಚತ್ರಾಯ್ ..!!

ಆಜ್ ಆಟ್ಟಾರಾವ್ಯಾ ದಾಕ್ಡ್ಯಾಚಿಂ ಇಟ್ಯಾ ತಸಲಿಂ ಫೊನಾಂ ನಾಂತ್. ಆಯ್ಚಿಂ ಪಾತಾಳ್ , ದಾಕ್ಟುಲಿಂ Apple iPhone 4 , Samsung Galaxy S II , HTC Thunderbolt , Motorola Atrix 4G ತಸಲಿಂ ಸ್ಮಾರ್ಟ್ ಫೊನಾಂ ನಿಂ ಹಜಾರ್ MHz ಮ್ಹುಣಾಸರ್ ಪ್ರೊಸೆಸಿಂಗ್ ಸ್ಫೀಡ್ ಮೆಳ್ತಾ. GB ಗಟ್ಲ್ಯಾನ್ ಮೆಮೊರಿ ಆಸ್ತಾ. ಏಕ್ ಡಜನ್ ತಿತ್ಲ್ಯಾ ಮೆಗಾ ಫಿಕ್ಸೆಲಾಚೊ ಕ್ಯಾಮೆರಾ ಆಸ್ತಾ. ಮಾಗಿರ್ HSDPA, Wi-Fi, Bluetooth , A-GPS ಮ್ಹುಳ್ಳಿ ನವಿ ತಾಂತ್ರಿಕಾತಾ ಆಸ್ತಾತ್ ಮ್ಹುಣ್ಯಾ ..!
ಇತ್ಲ್ಯಾ ವೇಗಾನ್ ಮುಖಾರುನ್ ಚಲೊನ್ ಆಸ್ಚಾ ಹ್ಯಾ ಮೊಬೈಲ್ ಟೆಕ್ನೊಲೊಜಿಂತ್ ಫುಡೆಂ ಕಿತೆಂ ಯೇಂವ್ಕ್ ಸಾದ್ಯ್ ಆಸಾ..? ಚಿಂತುಂಕ್ ಭಾರಿ ಕಶ್ಟ್ ..!!


********

ಆಕಾಶ್ : ಅದ್ಬುತ್ ಸ್ಲೇಟ್ ಹಿ ...

(NAMAN BALLOK JESU )
ಹೆ ಕಂಪ್ಯೂಟಾರ್ , ಲ್ಯಾಪ್ ಟೊಪ್ ಆಸಾತ್ ಪಳೆ ಇಂಡಿಯಾಂತ್ ಮಧ್ಯಮ್ ವರ್ಗಚಾ ಲೊಕಾಕಡೆ ಪಾವ್ಲ್ಯಾತ್. ಫಕತ್ ಇಂಟರ್ನೆಟಾಕ್ ನ್ಹಂಯ್ , ಇತರ್ ಸಬಾರ್ ರೀತಿನ್ ತೆ ಉಪ್ಕಾರಿ ಜಾಲ್ಯಾತ್. ಹೊ ಡಿಜಿಟಲ್ ಕಾಳ್. ಆಯ್ಚಾ ವಿದ್ಯಾರ್ಥಿಂಕ್ ಗರ್ಜೆಕ್ ಪಡ್ಚಿಂ ಸಬಾರ್ ಶಿಕ್ಪಾ ಸಂಬಂಧಿ ಅಪ್ಲಿಕೇಷನ್ ಸಾಪ್ಟ್ ವೇರಾಂ ಆಸಾತ್. ಏಕಾ ವಿಶಯಾಚೆರ್ ಪ್ರಯೋಗಾತ್ಮಕ್ ಅಧ್ಯಯನ್ ಕರುಂಕ್ ರಾಸ್ ರಾಸ್ ವಿಡಿಯೊ ಟ್ಯೂಟೋರಿಯಾಲ್ ಆಸಾತ್. ಪಯ್ಶೆ ದಿನಾಸ್ತಾಂಚ್ ವಾಚಿಯೆತ್ ಜಾಲ್ಲೆ e-book ಚೊಂ ವಡ್ಲೊ ಪುಂಜೊಚ್ ಆಸಾ. ಲೈಬ್ರೆರಿಂತ್ ವಚುನ್ ಬೂಕ್ ಸೊದೊನ್ ಕಾಡ್ನ್ ವಾಚಿಜೆ ಮ್ಹುಣ್ ನಾ. ಮೊಲಾಕ್ ಯೀ ಘೆಜೆ ಮ್ಹುಣ್ ಗರ್ಜ್ ನಾ. ಆಜ್ ಕಸಲೋಯ್ ಏಕ್ ಬೂಕ್ ಆಸ್ಲ್ಯಾರ್ ತಾಚಿ ಏಕ್ ಪೈರೆಟೆಡ್ ಪ್ರತಿ ಪುಣಿ e-book ರೂಪಾರ್ ಜಾಳಿರ್ ಮೆಳ್ತಾ. ಕಂಪ್ಯೂಟಾರಕ್ ಅಂತರ್ ಜಾಳ್ ಸಂಪರ್ಕ್ ಆಸ್ ಲ್ಯಾರ್ ಮಾಗಿರ್ ಖಂಚಾ ರೀತಿರ್ ಉಪ್ಕಾರಾಕ್ ಪಡ್ತಾ ಮ್ಹುಣ್ ಸಾಂಗ್ಚಿ ಗರ್ಜ್ ಚ್ ನಾ. ವಿದ್ಯಾರ್ಥಿಕ್ಂಕ್ ತಿತ್ಲೆಂ ಉಪ್ಕಾರಿ ಹೆಂ ಕಂಪ್ಯೂಟಾರ್...!

ಇಂಡಿಯಾಂತ್ ಹೆ ಕಂಪ್ಯೂಟಾರ್ , ಲ್ಯಾಪ್ ಟೊಪ್ ಪುರಾ ಗಿರೆಸ್ತ್ ಆನಿಂ ಮಧ್ಯಮ್ ವರ್ಗಚಾ ವಿದ್ಯಾರ್ಥಿಂಕ್ ಕಡೆ ಮಾತ್ರ್ ಆಸ್ಲ್ಯಾರ್ ಪುರೊ ಗೀ ? ಹಾಂಗಾ ಏಕಾ ವಡ್ಲ್ಯಾ ಸಂಖ್ಯಾನ್ ದುಬ್ಳಿಕಾಯೆಚಾ ಫಂಕ್ತೆಚಾ ಸಕಯ್ಲ್ ವಿದ್ಯಾರ್ಥಿ ಸಮುದಾಯ್ ಆಸಾ. ಥೊಡೆ ಪಾವ್ಟಿಂ ಏಕ್ ಜೆವಾಣ್ ಜೇಂವ್ಕ್ ಯೀ ಕಷ್ಟ್ ಜಾಂವ್ಚಾ ಹಾಂಕಾ , ಧಾ, ವೀಸ್ , ತೀಸ್ ಹಜಾರ್ ಮ್ಹುಣ್ ಕಂಪ್ಯೂಟಾರ್ ಘೆಂವ್ಕ್ ಖಂಯ್ ಸಾಧ್ಯ್ ಜಾತಾ ಸಾಂಗಿಯಾ ? . ಪುಣ್ ಆಮ್ಚೊ ಕೇಂದ್ರ್ ಮಾನವ್ ಸಂಪನ್ಮೂಳ್ ಮಂತ್ರಿ ಕಪಿಲ್ ಸಿಬಲ್ ಆಸಾ ಪಳೆ ತಾಕಾ ಏಕ್ ಸಪಣ್ ಆಸ್ ಲ್ಲೆಂ. ಹಳ್ಳೆ ಹಳ್ಳೆಚಾ ದುಬ್ಳ್ಯಾ ಬೊರೇ ಗೌಡಾಂಚಾ ಭುರ್ಗ್ಯಾಂಕ್ ಯೀ ಕಂಪ್ಯೂಟಾರ್ ಮೆಳಾಜೆ ಆನಿಂ ತಾಣಿಂ ಹ್ಯಾ ಡಿಜಿಟಲ್ ಸಂಸಾರಾಚೆ ಭಾಗೀದರ್ ಜಾಯ್ಜೆ ಮ್ಹುಣ್. ತಾಣೆಂ ಹಟ್ಟ್ ಧರ್ನ್ ಮ್ಹುಣ್ ಕೆಲ್ಲ್ಯಾ ಪ್ರಯತ್ನಾ ದ್ವಾರಿಂ ಆತಾಂ ಆಯ್ಲಾಂ ಕಂಪ್ಯೂಟಿಂಗ್ ಮೆಶಿನ್ " ಆಕಾಶ್"...!


ಹೆಂ ಆಕಾಶ್ ಏಕ್ ಟ್ಯಾಬ್ಲೆಟ್ ಕಂಪ್ಯೂಟಾರ್. ವಿದ್ಯಾರ್ಥಿಂಕ್ ಹಾಚೆಂ ಮೋಲ್ ಫಕತ್ ದೇಡ್ ಹಜಾರ್ ರೂಪಾಯ್. ಮಾರ್ಕೆಟಿಂತ್ ಹ್ಯಾ ಟ್ಯಾಬ್ಲೆಟ್ ಕಂಪ್ಯೂಟಾರಕ್ UbiSlate 7 ಮ್ಹುಣ್ತಾತ್. ಸುಮಾರ್ ತೀನ್ ಹಜಾರ್ ರೂಪ್ಯಾಂಕ್ ಹೆಂ ಟ್ಯಾಬ್ಲೆಟ್ ಪುಡ್ಲ್ಯಾ ಮಹಿನ್ಯಾಂತ್ ಮೆಳ್ತೆಲೆಂ. ಹ್ಯಾ ವರ್ಸಾ ಸುಮಾರ್ ಏಕ್ ಮಿಲಿಯಾನ್ ವಿದ್ಯಾರ್ಥಿಂಕ್ ಆಕಾಶ್ ಟ್ಯಾಬ್ಲೆಟ್ ಫಕತ್ ದೇಡ್ ಹಜಾರಾಂಕ್ ದೀಂವ್ಕ್ ಕಪಿಲ್ ಸಿಬಲಾನ್ ಮಾಂಡಾವಳ್ ಗಾಲ್ಯಾ. ಸಾತ್ ಇಂಚಾಚೆಂ ಹೆಂ ಟ್ಯಾಬ್ಲೆಟ್ ಕಂಪ್ಯೂಟಾರ್ ಸಂಪೂರ್ಣ್ ಟಚ್ ಸ್ಕ್ರೀನ್. ಅಂಡ್ರೊಯಿಡ್ 2.2 ಒಪರೆಟಿಂಗ್ ಸಿಸ್ಟಮ್ ಆಧಾರಿತ್ ಜಾಲ್ಯಾನ್ ಹಾಕಾ ಜೋಡಿಂತ್ ಪಡ್ಚಿಂ ಸುಮಾರ್ ದೇಡ್ ಲಾಕ್ ಅಪ್ಲಿಕೇಷಾನಾಂ ಚಲಾವ್ಯೇತ್. ಹಾಂತುಂ ಶಿಕ್ಪಾ ಸಂಬಂಧಿ ಸಾಪ್ಟ್ ವೇರಾಮ್ , ಗೇಮ್ಸ್, ಓಪಿಸ್ ಪ್ರೊಗ್ರಾಮ್ ಪುರಾ ಆಸಾ. DOC, DOCX, PPT, PPTX, XLS, XLSX, ODT, ODP ,PDF ರೂಪಾಚಿಂ ಡೊಕ್ಯೂಮೆಂಟಾಂ ಉಗ್ತೆ ಕರ್ನ್ ವಾಚಿಯೆತ್. MP3, AAC, AC3, WAV, WMA ತಸಲೊ ಆಡಿಯೊ ರೂಪಾ ಸಾಂಗಾತಾ MPEG2, MPEG4, AVI, FLV ರೂಪಾಂಚಾ ವಿಡಿಯೊ ಫೈಲಾಂಕ್ ಯೀ ಸಪೋರ್ಟ್ ಕರ್ತಾ. PNG, JPG, BMP ಆನಿಂ GIF ರೂಪಾಚಿಂ ಪಿಕ್ಚರ್ ಫೈಲಾಂ ಹಾಂತುಮ್ ಉಗ್ತೆ ಕರ್ಯೇತ್.


ಹ್ಯಾ ಟ್ಯಾಬ್ಲೆಟ್ ಕಂಪ್ಯೂಟಾರಾಂತ್ ಹಾರ್ಡ್ ಡಿಸ್ಕ್ ನಾ. ಪುಣ್ 32 GB ಮ್ಹುಣಾಸರ್ ಡಾಟಾ ದಾಸ್ತಾನ್ ಕರುಂಕ್ ಮೆಮೊರಿ ಚಿಪ್ಪ್ ಆಸಾ. 256 MB RAM ಆಸಾ. ದೋನ್ USB ಪೋರ್ಟ್ ಆಸಾತ್. ತಶೆಂ ಜಾಲ್ಯಾನ್ ಪೆನ್ನ್ ಡ್ರೈವ್ ಯಾ ಹಾರ್ಡ್ ಡಿಸ್ಕಾಕ್ ಕನೆಕ್ಟ್ ಕರ್ಯೇತ್. ಸಾಂಗಾತಾ 3.5mm ಆಡಿಯೊ in/out ಜಾಕ್ ಆಸಾ. ಹಾಂತುಂ GPRS ಮೊಡೆಮ್ ಆಸಾ. ತಶೆಂಚ್ WiFi ಯೀ ಆಸಾ. ಹಾಚಿ ಬ್ಯಾಟಾರಿ ಬ್ಯಾಕ್ ಅಪ್ 3 ಗಂಟೆ ಮ್ಹುಣಾಸರ್ ಆಸಾ. ಒಟ್ಟಾರೆ ಸಾಂಗ್ಚೆ ಜಾಲ್ಯಾರ್ ಏಕಾ ಕಂಪ್ಯೂಟಾರಾಂತ್ ವಿದ್ಯಾರ್ಥಿಂಕ್ ಕಿತೆಂ ಜಾಯ್ ಪಳೆ ತೆಂ ಪುರಾ ಹ್ಯಾ ಟ್ಯಾಬ್ಲೆಟ್ ಕಂಪ್ಯೂಟಾರಾಂತ್ ಕರ್ಯೇತ್ .

iPad ತಸಲ್ಯಾ ಗಿರೆಸ್ತಾಂಚಾ ಟ್ಯಾಬ್ಲೆಟ್ ಕಂಪ್ಯೂಟಾರಾಕ್ ಆನಿಂ ಆಕಾಶ್ ಟ್ಯಾಬ್ಲೆಟಾಕ್ ತುಲನ್ ಕರುಂಕ್ ಜಾಯ್ನಾ ವ್ಹಯ್. iPad ಂತ್ ಮಸ್ತ್ ಫಿಚಾರ್ಸ್ ಆಸಾತ್. ಪುಣ್ ತೆಂ ಮ್ಹಾರಗ್. ಮುಕ್ಲ್ಯಾ ವರ್ಸಾನಿಂ ಆಕಾಶ್ ಟ್ಯಾಬ್ಲೆಟಾಕ್ ಫಕತ್ 500 ರೂಪ್ಯಾಂಕ್ ಮೆಳ್ಚಾ ಬರಿ ಕರುಂಕ್ ಚಿಂತ್ಲಾಂ ಸಿಬಲಾನ್. ತಿತ್ಲೆಂಚ್ ನ್ಹಂಯ್ ಸೋಲಾರ್ ಸಕತ್ ವಾಪಾರ್ನ್ಂಚ್ ಹಾಚಿ ಬ್ಯಾಟಾರಿ ರೀಚಾರ್ಜ್ ಕರುಂಕ್ ಜಾಂವ್ಚೆ ಬರಿ ತಾಂತ್ರಿಕಾತಾಯೀ ಹಾಡುಂಕ್ ಚಿಂತುನ್ ಆಸಾತ್. ಕರೆಂಟ್ ಚ್ ನಾತ್ ಲ್ಲಿಂ ದುಬ್ಳಾಂಚಿಂ ಘರಾಂ ಸಬಾರ್ ಆಸಾತ್ ನೆ. ಸಿಬಲಾಚೆಂ ಅನ್ಯೇಕ್ ಪ್ಲ್ಯಾನ್ ಮ್ಹುಳ್ಯಾರ್ ಸಗ್ಳಾ ಇಂಡಿಯಾಕ್ ಚ್ WiFi ಸಂಪರ್ಕ್ ದಿಂವ್ಚೊ. ತಶೆಂ ಕೆಲ್ಯಾರ್ ಇಂಟರ್ನೆಟ್ ಸಂಪರ್ಕ್ ಬಸಲ್ಯಾಡೆಚ್ ಮೆಳ್ತಾ. . ತ್ಯಾ ಅಮೆರಿಕಾಂತ್ ಹೊಟ್ಲಾಕ್ ವೊಸೊನ್ ಏಕ್ ಚಾ ಅನಿಂ ಖಾಣ್ ಕೆಲ್ಯಾರ್ ಏಕ್ 35 ಡಾಲಾರ್ ಜಾತಾತ್. ತಿತ್ಲ್ಯಾಚ್ ಮ್ಹೊಲಾಕ್ ಇಂಡಿಯಾಂತ್ ಅದ್ಬುತ್ ಸ್ಲೇಟ್ ಆಕಾಶ್ ಟ್ಯಾಬ್ಲೆಟ್ ಮೆಳ್ತಾ. ಆಮಿಂ ಸಿಬಲಾಕ್ ಏಕ್ ಸೆಲ್ಯೂಟ್ ದಿಜೆಚ್....!!


*******

i-Con ....!!!

(RAKNNO)
ಆಜ್ ಆಮಿಂ ಕಂಚೊ ಯೀ ವಸ್ತು ವಾಪಾರ್ಲ್ಯಾರ್ ತಾಚೊ ಧನಿ ಕೋಣ್ ಯಾ CEO ಕೋಣ್ ಮ್ಹುಣ್ ಕೊಣಾಯ್ಕಿ ಕಳಿತ್ ಆಸಾ ಗೀ ? Nike ಮೊಚೆ , SONY ಟಿವಿ , ಪಾರ್ಕರ್ ಪೆನ್ನ್, Intel ಪ್ರೊಸೆಸರ್, Levis ಜೀನ್ಸ್ ...ಹಿಂ ಪುರಾ ವಸ್ತು ಘೆತ್ಲ್ಯಾರ್ ಯೀ ಆಮ್ಕಾಂ ತಾಂಚೊ ಧನಿ ಕೋನ್ ಮ್ಹುಣ್ ಕಳಿತ್ ನಾ. (ಥೊಡೆ ಪಾವ್ಟಿಂ ವಿಜಯ್ ಮಲ್ಯಕ್ ಸೊಡ್ನ್..!) . ಪುಣ್ APPLE ಚೆಂ ಖಂಚೆಂ ಯೀ ಉತ್ಪನ್ನ್ ಘೆತ್ಲ್ಯಾರ್ ತಾಂಕಾಂ ಸ್ಟೀವ್ ಜಾಬ್ಸ್ ಕೋನ್ ಮ್ಹುಣ್ ಜರೂರ್ ಖಳಿತ್ ಆಸ್ತಾ. ತೊ ಅಮರ್. ..

ಬಾಯ್ಲೆಕ್ ಸೊಡ್ನ್ ಏಕ್ ಹಪ್ತೊ ಭರ್ ರಾವ್ಯೇತ್ ಪುಣ್ ಮೊಬೈಲಾಕ್ ಸೊಡ್ನ್ ಅರ್ದೊ ದೀಸ್ ಯೀ ರಾವೊಂಕ್ ಜಾಯ್ನಾ. ಬಾಯ್ಲ್ ಭಯ್ರ್ ಪಡ್ಲ್ಯಾರ್ ಮೆಳ್ತಾ , ಪುಣ್ ಮೊಬೈಲ್ ತಶೆಂ ನ್ಹಂಯ್ .! ಪುಣ್ APPLE ಚೆಂ iPhone ವಾಪಾರ್ತಾತ್ ಜಾಲ್ಯಾರ್ ಬಾಯ್ಲೆಕ್ ಸೊಡ್ನ್ ಏಕ್ ಹಪ್ತ್ಯಾಂ ಭರ್ ರಾವ್ಯೇತ್ , ಪುಣ್ iPhone ಸೊಡ್ನ್ ಏಕ್ ಗಂಟೊ ಯೀ ರಾವೊಂಕ್ ಜಾಯ್ನಾ. ಬಾಯ್ಲ್ ಭಯ್ರ್ ಪಡಾನಾ, ಪುಣ್ iPhone ಭಯ್ರ್ ಪಡ್ಲ್ಯಾರ್ ಮಾಗಿರ್ ಮೆಳಾನಾ....! ಆಶೆಂ ಮ್ಹುಣ್ ಥೊಡ್ಯಾ ವರ್ಸಾಂ ಆದಿಂ ಬರವ್ಪಿ ವಿಶ್ವೇಶ್ವರ್ ಭಟ್ಟ ನ್ iPhone ವಿಶಿಂ ಬರಯ್ಲೆಂ.

ಹೆಂ iMac, iPod, iTune, iPhone, iPad ಮ್ಹುಣ್ ಏಕ್ ವಡ್ಲಿ ಕ್ರಾಂತ್ ಚ್ ಕರ್ನ್ ಗೆಲೆತ್ಯಾ ಹಪ್ತ್ಯಾಂತ್ ಕ್ಯಾನ್ಸಾರ್ ಪಿಡೆ ನಿಮ್ತಿಂ 56 ವರ್ಸಾಂಚೆರ್ ಚ್ ಮರಣ್ ಪಾವ್ ಲ್ಯಾ ಸ್ಟೀವ್ ಜಾಬ್ಸ್ ಕ್ ಮೆಳ್ಳೊ ವಿದಾಯ್ ಪಳೆಯಾ. ಅಮ್ಚ್ಯಾ ಬೆಂಗ್ಳೂರಾ ಥಾವ್ನ್ ತ್ಯಾ ಪಯ್ಶ್ಸಿಲ್ಯಾ ನ್ಯೂಯಾರ್ಕಾಚಾ APPLE ಚಾ showroom ಕ್ ವಚುನ್ ತಾಕಾ ಶ್ರದ್ದಾಂಜಾಲಿ ಭೆಟಾಯ್ಲಿ. ಅಮ್ಚಾ ಸ್ಥಳೀಕ್ ಪತ್ರಾಂ ಥಾವ್ನ್ ಅಂತರಾಷ್ಟ್ರೀಯ್ ಪತ್ರಾಂ ಮ್ಹುಣಾಸರ್ ಮುಕ್ ಪಾನಾಂರ್ ಚ್ ಹ್ಯಾ ವಿಶಿಂ ವಡ್ಲ್ಯೊ ವರ್ದ್ಯೊ ಆಯಿಲ್ಲ್ಯೊ. TIMES ತಸಲ್ಯಾ ಪ್ರತಿಶ್ಟಿತ್ ಮ್ಯಾಗಝಿನಾನ್ ಜಾಬ್ಸ್ ಮರಣ್ ಪಾವ್ ಲ್ಲಿ ಖಬರ್ ಮೆಳ್ಳಿಚ್, ಮುದ್ರಿತ್ ಜಾಲ್ಲೆಂ ತ್ಯಾ ಹಪ್ತ್ಯಾಚೆಂ ಮ್ಯಾಗಝಿನ್ ಪಾಟಿಂ ಕಾಡ್ನ್ , ಜಾಬ್ಸಾ ವಿಶಿಂ ವಿಶೇಷ್ ಅಂಕೊ ಕಾಡ್ನ್ ಪಾನಾಂ ಗಟ್ಲ್ಯಾನ್ ಬರಯ್ಲೆಂ. ಬರಾಕ್ ಒಬಾಮಾ ದರ್ನ್ ಮನಮೋಹನ್ ಸಿಂಗ್ ತಸಲ್ಯಾ ವ್ಯಕ್ತಿನಿಂ ಜಾಬ್ಸಾಚಾ ಮರ್ಣಾಕ್ ದುಖ್ ಉಚಾರ್ಲೆಂ. ಮೈಕ್ರೊಸಾಪ್ಟಾಚೊ ಗೇಟ್ಸ್ , ಗೂಗಾಲಾಚೊ ಲ್ಯಾರಿ ಪೇಜ್ , Facebook ಚೊ ಮಾರ್ಕ್ ಝಾಕೆರ್ ಬರ್ಗ್ ...... ತಸಲ್ಯಾ IT ಬಾಸಾನಿಂ ತಾಂತ್ರಿಕ್ ಸಂಸಾರಾಕ್ ಜಾಬ್ಸಾಚೆಂ ಮರಣ್ ಏಕ್ ವಡ್ಲೊ ನಷ್ಟ್ ಮ್ಹುಣ್ ಸಂತಾಪ್ ದಿಲೊ. ಸಂಸಾರ್ ಭರ್ ಕೊರೊಡ್ ಲೋಕಾನಿಂ ಜಾಬ್ಸಾಕ್ ಶ್ರದ್ದಾಂಜಾಲಿ ಭೆಟಾಯ್ಲಿ . ಅಪ್ಲ್ಯಾ ಗರ್ಭಾ ಕುಶಿಂ ಇತ್ಲೊ ವಡ್ಲೊ ಪೂತ್ ಜಲ್ಮಾತಾ ಮ್ಹುಣ್ ಪಯ್ಲೆಂಚ್ ಖಳಿತ್ ಜಾಲ್ಯಾರ್ , ಜಾಬ್ಸಾಚಿ ಆವಯ್ ತೊ ಜಲ್ಮಾಂವ್ಚಾ ಪಯ್ಲೆಂ ಚ್ ದುಸ್ತ್ರ್ಯಾಂಕ್ ಖಂಡಿತ್ ಪೊಸ್ಕೊ ದಿನಾತ್ಲಿ ಕೊಣ್ಣಾ ..!!


ಇತ್ಲ್ಯಾಕೀ ಜಾಬ್ಸಾನ್ ಕೆಲ್ಲೆ ಜಾಲ್ಯಾರ್ ಯೀ ಕಿತೆಂ ? iPod, iPhone, iPad ಯೆಂವ್ಚಾ ಪಯ್ಲೆಂಚ್ ತಸಲೊಚ್ ಮ್ಹಾಲ್ ದಿಂವ್ಚೊ ಏಕ್ ಡಜನ್ ಕಂಪ್ಣ್ಯೊ ಆಸ್ ಲ್ಯೊ . ಜಾಲ್ಯಾರೀ ಲೋಕಾಕ್ ಕಿತ್ಯಾಕ್ APPLE ಚ್ ರುಚ್ಲೆಂ ? ಹೆಂ ಪುರಾ ಜಾಬ್ಸಾನ್ ಕೆಲ್ಲೆಂ ಮ್ಯಾಜಿಕ್ . ಜಾಬ್ಸಾನ್ ಅವಿಷ್ಕಾರ್ ಕೆಲ್ಲ್ಯಾಚಾ ಕೀ ಚಡ್ ಪುನಾರಾವಿಷ್ಕಾರ್ ಕೆಲ್ಲೆಂ ಚ್ ಚಡ್. ಲೊಕಾಕ್ ಕಿತೆಂ ಜಾಯ್ ? ಕಿತ್ಲೆಂ ಮಾಯ್ಪಾಸಿ ಆಸಾಜೆ, ಕಸಲೊ ವಿನ್ಯಾಸ್ ಆಸಾಜೆ, ಕಸಲಿ ತಾಂತ್ರಿಕಾತಾ ಅಪ್ಣಾಯ್ಜೆ ಮ್ಹುಣ್ ಜಾಬ್ಸಾಚಾ ಕೀ ಬರೆಂ ನೆಣಾ ಆಸ್ ಲ್ಲೆ ಕೋಣ್ ಯೀ ನಾತ್ ಲ್ಲೆ. ನಿಟ್ಟ್ ಏಕಾ ಕೊಲೆಜಿಕ್ ವಚಿನಾಸ್ತಾನಾ , ಕಸಲಿಯೀ ಏಕ್ ಪದ್ವಿ ಜೊಡಿನಾಸ್ತಾನಾ, ಅಪ್ಲೆಂ ಚ್ ಹಾರ್ಡ್ ವೇರ್ ಆನಿಂ ಸಾಪ್ಟ್ ವೇರ್ ಗಾಲ್ನ್ APPLE ಚಿಂ ಉತ್ಪನ್ನಾಂ ಭಯ್ರ್ ಕಾಡ್ನ್ ಲೊಕಾಚಾ ಕಾಳ್ಜಾಂತ್ ಭದ್ರ್ ಜಾವ್ನ್ ಬಸ್ಲೊ ಜಾಬ್ಸ್. ಗೇಟ್ಸಾನ್ ಕಂಚಾಗೀ ಏಕಾ ಹಾರ್ಡ್ ವೇರಾಕ್ Windows ಬಸವ್ನ್ ಸಂಸಾರ್ ಚ್ ಹಾಡ್ನ್ ಮೆಜಾರ್ ಬಸಯ್ಲೊ. ಪುಣ್ ಜಾಬ್ಸಾನ್ ಅಪ್ಲೆಂಚ್ ಹಾರ್ಡ್ ವೇರ್ ಆನಿಂ ಸಾಪ್ಟ್ ವೇರ್ ಗಾಲ್ನ್ ಸಂಸಾರಾಕ್ ಚ್ ಲೊಕಾಂಚಾ ಬಲ್ಸಾನಿಂ ಬಸಯ್ಲೆಂ ..!


ಜಾಬ್ಸಾಚಿಂ ಪಾಂಚ್ ಉತ್ತೀಮ್ ಸಂಸೋದ್..


ಆಜ್ ಅಮೆರಿಕಾಂತ್ ಜಾಬ್ಸಾಚಿಂ ಸಂಸೋದ್ ಕಾರ್, ಸಹ ಸಂಸೋದ್ ಕಾರ್ ಮ್ಹುಣ್ ಲಗ್ಬಗ್ ದೊನ್ಶಿ ಪೇಟೆಂಟಾಂ ಆಸಾತ್. ತಾಂತ್ಲಿಂ ಉತ್ತೀಮ್ ಪಾಂಚ್ ಹಿಂ.


ಮ್ಯಾಕಿನ್ ಟೊಶ್ (Macintosh)

APPLE ಕ್ ಪಯ್ಲೆಂ ವಾಣಿಜ್ಯ್ ಜಯ್ತ್ ದಿಲ್ಲ್ಲೆಂ ಉತ್ಪನ್ನ್ ಹೆಂ. ಹೆಂ ಕಾಂಯ್ ತಾಂಚೆಂ ಪಯ್ಲೆಂ ಉತ್ಪನ್ನ್ ನ್ಹಂಯ್ . ತಾಚಾಕೀ ಪಯ್ಲೆಂ ಚ್ ತಾಂಚಿಂ ಕಂಪ್ಯೂಟರಾಂ ಮಾರ್ಕೆಟಿಕ್ ಆಯಿ ಲ್ಲಿಂ. ಪುಣ್ 1984 ಂತ್ ಉಗ್ಡಾಪಣ್ ಜಾಲ್ಲೆಂ ಮ್ಯಾಕಿನ್ ಟೊಶ್ , ತ್ಯಾ ಕಾಳಾಚೆಂ ಶ್ರೇಷ್ಟ್ ಕಂಪ್ಯೂಟರ್. ಫಕತ್ ಕೀ ಬೋರ್ಡ್ ಆನಿಂ command line ರ್ ಚಲೊನ್ ಆಸ್ಚಾ ತ್ಯಾ ಕಾಳಾಚಾ ಕಂಪ್ಯೂಟರಾಂ ಮಧೆಂ ಜಾಬ್ಸಾನ್ ಅತಾಂಚಿಂ ಕಂಪ್ಯೂಟರಾಂತ್ ಆಸ್ಚಾ GUI (graphical user interface) ಅನಿಂ ಮೌಸ್ ಹಾಡ್ನ್ ಲೊಕಾಮೊಗಾಳ್ ಕೆಲ್ಲೆಂ. ಹಾಚೊ CPU ಸ್ಪೀಡ್ 8 Mhz , RAM ಫಕತ್ 128 Kb, 1 3.5" 400k ಚೆಂ ಏಕ್ ಪ್ಲಾಪಿ ಡ್ರೈವ್ ಆನಿಂ ಏಕ್ ಬ್ಲ್ಯಾಕ್ ಆಂಡ್ ವೈಟ್ ಮಾನಿಟಾರ್. ಹ್ಯಾ ಕಂಪ್ಯೂಟಾರಾಕ್ ವಾಪಾರ್ಲೆಂ ಒಪರೇಟಿಂಗ್ ಸಿಸ್ಟಮ್ Mac OS 1.0. ತ್ಯಾ ಕಾಳಾರ್ ಹಾಚೆಂ ಮೋಲ್ 2,495 ಅಮೇರಿಕಾನ್ ಡಾಲಾರ್.ಹೆಂ ಮಾರ್ಕೆಟಿಕ್ ರಿಗ್ ಲ್ಯಾ ಪಯಿಲ್ಯಾ ದೋನ್ ಮಹಿನ್ಯಾಂತ್ ಚ್ ಪನ್ನಾಸ್ ಹಜಾರ್ ಕಂಪ್ಯೂಟರಾಮ್ ವಿಕೊನ್ ಗೆಲಿಂ. ಅತಾಂಚಾ ಕಾಳಾಚಾ ಕಂಪ್ಯೂಟಾರಾಂಕ್ ಪಳೆಯ್ತಾನಾ ಹೆಂ configuration ಕಾಂಯ್ ಚ್ ನ್ಹಂಯ್. ಪುಣ್ ತ್ಯಾ ಕಾಳಾರ್ ಮ್ಯಾಕಿನ್ ಟೊಶ್ ಏಕ್ ಕ್ರಾಂತ್ ಜಾಲ್ಲಿ..!


iMac

1998 ಂತ್ iMac ಭಯ್ರ್ ಯೆತಾನಾ ಸಬಾರಾಂಕ್ ಏಕ್ ಪರ್ಯಾಯ್ ಕಂಪ್ಯೂಟರ್ ಮೆಳ್ ಲ್ಯಾ ಬರಿ ಜಾಲೆಂ. Windows ಚೊ ದರ್ಬಾರ್ ಭರನ್ ಚಲ್ಚೊ ಕಾಳ್ ತೊ. 1998 ಂತ್ ಥಾವ್ನ್ ಯೆದೊಳ್ ಮ್ಹುಣಾಸರ್ iMac ಚಿಂ ಪಾಂಚ್ ಮೊಡೆಲಾಂ ಆಯ್ಲ್ಯಾಂತ್. ಹ್ಯಾ ಕಂಪ್ಯೂಟರಾಚೆಂ ಹಾರ್ಡ್ ವೇರ್ ಉತ್ತೀಮ್ ಜಾವ್ನ್ ಂಚ್ ಆಯ್ಲಾಂ. ಒಪರೇಟಿಂಗ್ ಸಿಸ್ಟಮ್ APPLE ಂಚ್ Mac OS X . ಹಿಂ ಕಂಪ್ಯೂಟರಾಂ ಪಳೆಂವ್ಕ್ ಯೀ ಭಾರಿ ಆಕರ್ಶಿತ್. Windows ಕ್ ದುರ್ಸುಂವ್ಚಾಂಕ್ iMac ಏಕ್ ಉತ್ತೀಮ್ ಮೆಶಿನ್. Windows 7 ಪಯ್ಲೆಂ ಮೈಕ್ರೊಸಾಪ್ಟಾಚಿಂ ಇತ್ಲಿಂ ಯೀ ಒಪರೇಟಿಂಗ್ ಸಿಸ್ಟಮಾಂ ಏಕ್ reliable ಮ್ಹುಣ್ ನಾತ್ ಲ್ಲಿಂ. ಪುಣ್ Mac OS X ಬರೆಂ ಪ್ರಯೋಗ್ ದೀವ್ನ್ ಆಸ್ ಲ್ಲಿಂ. ಬೂಟ್ ಜಾಂವ್ಕ್ ಫಕತ್ 25 ಸೆಕುಂಡ್ . ವೈರಸಾಚೆ ಉಪಾದ್ರ್ ನಾಂತ್. ALT + CNTRL+DELETE ಚಿ ಗರ್ಜ್ ಚ್ ನಾ ..! ಆಶೆಂ ಸಬಾರ್ ಕಾರಾಣಾನಿಂ ಏಕಾ ವರ್ಗಾಚಾ ಲೋಕಾಚಾ ಮೆಚ್ವೊಣೆಕ್ ಪಾವೊ ಜಾಲ್ಲೆಂ ಹೆಂ ಜಾಬ್ಸಾಚೆಂ iMac.


iPod

ಜಾಬ್ಸಾಕ್ ಸಂಸಾರಾಂತ್ ವಡ್ಲೆಂ ನಾಂವ್ ದಿಲ್ಲೆಂ ಚ್ iPod ನ್. ! iPod ಮ್ಹುಳ್ಯಾ ಹ್ಯಾ ಉತ್ಪನ್ನಾ ಸಂಗೀತ್ ಕ್ಷೇತ್ರಾಂತ್ ಏಕ್ ಕ್ರಾಂತ್ ಚ್ ಕೆಲ್ಲಿ. ಏಕ್ ಸಮಾ ದಾಕ್ಟೆಂ ಮ್ಯೂಸಿಕ್ ಪ್ಲೇಯಾರ್ ನಾತ್ ಲ್ಲ್ಯಾ ವೇಳಾರ್ , 2001 ಂತ್ APPLE ನ್ ವಿನ್ಯಾಸ್ ಕೆಲ್ಲೆಂ ಹೆಂ ದಾಕ್ಟೆಂ ಮೆಶಿನ್ ಯೆದೊಳ್ ಮ್ಹುಣಾಸರ್ ತೀಸ್ ಕೊರೊಡ್ ಲೊಕಾಕಡೆ ಪಾವ್ಲಾಂ.ಸೊನಿ ವಾಕ್ ಮಾನಾಚಾ ಕಾಳಾರ್ ಜಾಬ್ಸಾನ್ iPod ಚಾ ಹ್ಯಾ ದಾಕ್ಟ್ಯಾ ಮೆಶಿನಾಂತ್ಲ್ಯಾ ಚಿಪ್ಪಾಂತ್ GB ಗಟ್ಲ್ಯಾನ್ ಸಂಗೀತ್ ಪೂರ್ನ್ ದವರ್ಚಾ ಬರಿ ಕರ್ನ್ ಸಂಗೀತ್ ಕ್ಷೇತ್ರಾಕ್ ಚ್ ಏಕ್ ನವಿ ದಿಶಾ ದಿಲಿ. ಮ್ಯೂಸಿಕಾಚಿ ಜೊಕ್ತಿ ಮಾಂಡಾವಳ್ ಕರುಂಕ್ iTune ಮ್ಹುಳ್ಳೆಂ ಪ್ರೊಗ್ರಾಮ್ ಆನಿಂ iTune Store ಮ್ಹುಳ್ಳೆಂ ಮ್ಯೂಸಿಕ್ ಡೌನ್ ಲೊಡ್ ಕರುಂಕ್ ಆಸ್ಚೆಮ್ ತಾಣ್. ಹೆಂ APPLE ನ್ ಕೆಲ್ಲೆಂ ಸಂಚಲನ್ ..!


iPhone

ಜಾಬ್ಸಾನ್ ಸಂಸಾರ್ ಚ್ ಬಲ್ಸಾಂತ್ ಗಾಲುಂಕ್ ಸಾದ್ಯ್ ಕೆಲ್ಲೆಂ iPhone ಮ್ಹುಳ್ಯಾ smart ಫೊನಾದ್ವಾರಿಂ. 2007 ರ್ ತಾಣೆಂ ಹೆಂ ಫೋನ್ ಉಗ್ಡಾಪಣ್ ಕೆಲೆಂ. ದೆಕುಂಚ್ ಸಬಾರ್ ಲೋಕ್ ಬಾಯ್ಲೆಕ್ ಪುಣೀ ಸೊಡ್ಯೇತ್ iPhone ಕ್ ಸೊಡುಂಕ್ ಜಾಯ್ನಾ ಮ್ಹುಣೊನ್ ಆಸಾತ್ .! ಹ್ಯಾ iPhone ಕಿತೆಂ ಕಿತೆಂ ನಾ. ? ಕೆಮಾರಾ ಆಸಾ, GPS ಆಸಾ. Wi Fi ಆಸಾ. ಮಾಗಿರ್ ಉತ್ತೀಮ್ ಟಚ್ ಸ್ಕ್ರೀನ್ , ಆಕರ್ಶಕ್ ವಿನ್ಯಾಸ್, ಲೊಕಾ ಮಾಯ್ಪಾಸಿ ಸಂಗಣಕಾನ್ ಮಾಹೆತ್ ದಿಂವ್ಚಿ ರೀತ್ ಆಸಾ. ಅದ್ಬುತ್ ಮ್ಹುಳ್ಳಿಂ ಅಪ್ಲಿಕೇಶಾನಾಂ ... ಮಾಗಿರ್ ಕಿತೆಂ ಜಾಯ್ ..! iPhone ಹ್ಯಾ ಕಾಳಾಚೆಂ ವಡ್ಲೆಂ ಬ್ರ್ಯಾಂಡ್ . iPhone 4S ಹ್ಯಾ ಸಿರೀಸಾಚೆಂ ಲೆಟೆಸ್ಟ್ ಫೋನ್. ಗೆಲ್ಯಾ ಹಪ್ತ್ಯಾಂತ್ ಮೊಕ್ಳಿಕ್ ಜಾಲಾಂ ಮಾತ್ರ್ .!

iPad

ಹೆಂ iPad ಮ್ಹುಳ್ಳೆಂ ಟ್ಯಾಬ್ಲೆಟ್ ಕಂಪ್ಯೂಟರ್ , 2010 APPLE ನ್ ಭಯ್ರ್ ಕಾಡ್ತಾನಾ ತೆಂ ಘೆಂವ್ಕ್ ಲೋಕ್ ಪುರಾ ಸಾಲಿಂತ್ ರಾವುಲ್ಲೊ ತುಮ್ಕಾಂ ಉಡಾಸ್ ಆಸೊಂಕ್ ಪುರೊ. APPLE ಚೆಂ ಟಚ್ ಸ್ಕ್ರೀನ್ ಮ್ಯಾಜಿಕ್ ಚ್ ಹೆಂ iPad. ಹಾತಾಂತ್ ದರ್ನ್ಂಚ್ ಸಂಸಾರ್ ಘುಂವ್ಡೊಂಕ್ ಜಾಂವ್ಚೆ ಅದ್ಬುತ್ ಹೆಂ. iPad ಥಾವ್ನ್ ಕಿತೆಂ ಪುರಾ ಕರ್ಯೇತಾ ಮ್ಹುಣ್ ಸಾಂಗ್ಲ್ಯಾರ್ ಏಕ್ ವಡ್ಲೊ ಬೂಕ್ ಚ್ ಜಾತಾ. ಯೆದೊಳ್ ಮ್ಹುಣಾಸತ್ 30 ಮಿಲಿಯಾನ್ ಯೂನಿಟಾಂ ವಿಕೊನ್ ಗೆಲ್ಯಾಂತ್.


ಆಜ್ ಹ್ಯಾ ಪುರಾ ಅದ್ಬುತ್ ಉತ್ಪನ್ನಾಂ ದ್ವಾರಿಂ ಜಾಬ್ಸ್ ಲೊಕಾ ಮದೆಂ iCon ಜಾಲಾ. ಆಜ್ ಆಮಿಂ ಕಂಚೊ ಯೀ ವಸ್ತು ವಾಪಾರ್ಲ್ಯಾರ್ ತಾಚೊ ಧನಿ ಕೋಣ್ ಯಾ CEO ಕೋಣ್ ಮ್ಹುಣ್ ಕೊಣಾಯ್ಕಿ ಕಳಿತ್ ಆಸಾ ಗೀ ? Nike ಮೊಚೆ  , SONY ಟಿವಿ  , ಪಾರ್ಕರ್ ಪೆನ್ನ್, Intel ಪ್ರೊಸೆಸರ್, Levis ಜೀನ್ಸ್ ...ಹಿಂ ಪುರಾ ವಸ್ತು ಘೆತ್ಲ್ಯಾರ್ ಯೀ ಆಮ್ಕಾಂ ತಾಂಚೊ ಧನಿ ಕೋನ್ ಮ್ಹುಣ್ ಕಳಿತ್ ನಾ. (ಥೊಡೆ ಪಾವ್ಟಿಂ ವಿಜಯ್ ಮಲ್ಯಕ್ ಸೊಡ್ನ್..!) . ಪುಣ್ APPLE ಚೆಂ ಖಂಚೆಂ ಯೀ ಉತ್ಪನ್ನ್ ಘೆತ್ಲ್ಯಾರ್ ತಾಂಕಾಂ ಸ್ಟೀವ್ ಜಾಬ್ಸ್ ಕೋನ್ ಮ್ಹುಣ್ ಜರೂರ್ ಖಳಿತ್ ಆಸ್ತಾ. ತೊ ಅಮರ್. ..


                                  ******************