( NAMAN BALLOK JESU -Feb 2012)
ತುಮ್ಗೆರ್ ಏಕ್ ಕಾರ್ಯೆಂ ಆಸಾ ಮ್ಹುಣ್ ಚಿಂತಿಯಾಂ ಯಾ ಏಕ್ ಕಿತೆಂ ಯೀ ಏಕ್ ಘಡಿತ್ ಗಡುಂಕ್ ಆಸಾ. ಯಾ ತುಮ್ಕಾಂ ಕಿತೆ ಯಿಂ ಸಂದೇಶ್ ದೀಂವ್ಕ್ ಆಸಾ. ತುಮ್ಕಾಂ ಕಂಯ್ ಪುಣೀ ತೆಂ ಸಂಸಾರಾಕ್ LIVE ಪ್ರಸಾರಣ್ ಕರುಂಕ್ ಜಾಯ್ಜೆ ಗೀ ? ವ್ಹಯ್ ಅತಾಂ ಹೆಂ ಪುರಾ ಕರುಂಕ್ ಏಕಾ ಸಾಮಾನ್ಯ್ ಮನ್ಶ್ಯಾಕ್ ಯೀ ಜಾತಾ. ತುಜೆ ಕಡೆ ಆಸಾಜೆ ಫಕತ್ ಏಕ್ ಕಂಪ್ಯೂಟರ್ , ಇಂಟರ್ನೆಟ್ ಸಂಪರ್ಕ್ ಆನಿ ಏಕ್ ವೆಬ್ ಕ್ಯಾಮೆರಾ ..! ಬಾಕಿಚೆಂ ಪುರಾ www.ustream.tv ಪಳೆಯ್ತಾ ..!!
ವ್ಹಯ್ ಆಜ್ ಕಾಲ್ ಅಂತರ್ ಜಾಳಿರ್ ಕಿತೆಂ ಯೀ ಕರ್ಯೇತ್ . ಹಾಂಗಾ facebook , twitter ತಸಲಿಂ ಸಾಮಾಜಿಕ್ ತಾಣಾಂ ಆಸಾತ್. Yahoo , GMAIL ತಸಲಂ ವೀಜ್ ತಪ್ಪಾಲ್ ದಿವ್ಛೆಂ ಸೈಟಾಂ ಆಸಾತ್. Google ತಸಲಿಂ ಸೊದ್ನಾಂ ಜಾಗೆ ಆಸಾತ್. Wikipedia ತಸಲೆ ಎನ್ಸೈಕ್ಲೊಪೀಡಿಯಾ ಆಸಾತ್. Youtube ತಸಲೆ ವಿಡಿಯೊ ವಾಂಟುನ್ ಘೆಂವ್ಹೆ ಜಾಳಿ ಜಾಗೆ ಆಸಾತ್. ಕಿತೆಂ ನಾ ಹ್ಯಾ ಜಾಳಿರ್ ? ಪುಣ್ ಅಮೆರಿಕಾಚೆ ಆರ್ಮಿ ಅಫಿಸಾರ್ ಜಾನ್ ಹ್ಯಾಮ್ ಆನಿಂ ಬ್ರಾಡ್ ಹಾನ್ಟಬಲಾಕ್ ಇತ್ಲೆಂ ಪುರಾ ಪಾವಂಕ್ ನಾ . ತ್ಯಾ ಇರಾಕ್ ಯಾ ಅಪ್ಗಾನಿಸ್ತಾನಾಂತ್ ಆಸ್ ಲ್ಯಾ ಅಮೆರಿಕಾಂಚಾ ಸೈನಿಕಾಂಕ್ ತಾಂಚಾ ಸಂಬದ್ಯಾ ಕಡೆ ಥೊಡೊ ವೆಳ್ ಮಾತ್ರ್ ಫೊನಾರ್ ಉಲಾವ್ಯೇತ್ ಆಸ್ ಲ್ಲೆಂ ಯಾ ಜಾಳಿರ್ chat ಕರ್ಯೇತ್ ಆಸ್ ಲ್ಲೆಂ. ಪುಣ್ ತಾಣಿಂ ಉಲಾಂವ್ಛೆಂ ಏಕ್ ಚ್ ಪಾವ್ಟಿಂ ಸಬಾರಾಂಕ್ , ಸಂಸಾರಾಂತ್ ಕಂಯ್ ಪುಣೀ ಅಸ್ ಲ್ಯಾರೀ ಪಳೆಂವ್ಕ್ ಜಾಲ್ಯಾರ್ ? ಹ್ಯಾಚ್ ಕಾರಾಣಾ ದ್ವಾರಿಂ ವಯ್ಲ್ಯಾ ಮಾನೆಸ್ತಾನಿಂ ಆರಂಭ್ ಕೆಲ್ಲೆಮ್ ಚ್ USTREAM...!
Ustream ವಾಪಾರುಂಕ್ ಕಾಂಯ್ ಪಯ್ಸೆ ದಿಜೆ ಮ್ಹುಣ್ ಗರ್ಜ್ ನಾ. ಪುಣ್ pay ಕರ್ನ್ ವಾಪಾರ್ಚೆಂ ಚಡಿತ್ features ಆಸ್ ಲ್ಲೆಂ version ಯೀ ತಾಂಚೆ ಕಡೆ ಆಸಾ. Ustream ವಾಪಾರುಂಕ್ ತುಮಿ ಫಕತ್ www.ustream.tv ಸೈಟಾಕ್ ಭೆಟ್ ದಿಲ್ಯಾರ್ ಜಾಲಿ. ಪಯ್ಲೆ ಪಾವ್ಟಿಂ ವಾಪಾರ್ತಾಯ್ ತರ್ ರಿಜಿಶಸ್ಟರ್ ಕರಿಜೆ ಪಡ್ತಾ. ತುಮ್ಛಾ ಇಂಟರ್ನೆಟ್ ಸ್ಪೀಡ್ ಏಕ್ 320 Kbps ಮ್ಹುಣೀ ಆಸಾಜೆ. ಮಾಗಿರ್ ವೆಬ್ ಕ್ಯಾಮೆರಾ ಯಾ ಇತರ್ ಕ್ಯಾಮೆರಾ ಕನೆಕ್ಟ್ ಕರ್ನ್ ತುಮ್ಕಾಂ ಕಿತೆಂ ದಾಕಾಂವ್ಕ್ ಆಸಾ ಪಳೆ ದಾಕಾಯಾ. ತುಮ್ಕಾಂ "Broadcast Now" ಮ್ಹುಳ್ಳೆಂ ಏಕ್ option ಮೆಳ್ತಾ. ತೆಂ ಕ್ಲಿಕ್ ಕೆಲ್ಯಾರ್ ಜಾಲೆಂ Live Streaming ಆರಂಭ್ ಜಾಲೆಂಚ್ . ಸಂಸಾರಾಂತ್ ಕಂಯ್ ಥಾವ್ನ್ ಯೀ ತೆಂ ಪಳವ್ಯೇತಾ. ತುಕಾ ವಿಡಿಯೊ ರೆಕರ್ಡ್ ಕರ್ನ್ ಮಾಗಿರ್ ಪ್ರಸಾರ್ ಕರ್ಚೆಂ option ಯೀ ತುಮ್ಕಾಮ್ ಥಂಯ್ ಮೆಳ್ತಾ. ತಿತ್ಲೆಂಚ್ ನ್ಹಂಯ್ ವಿಡಿಯೊ ಯಾ ಅಡಿಯೊ quality ಸುದ್ರಾಂವ್ಚೆ tool ಯೀ ಥಂಯ್ ಆಸಾತ್. ರೆಕರ್ಡ್ ಕೆಲ್ಲೊ ವಿಡಿಯೊ ನಿರ್ದಿಷ್ಟ್ ವೆಳಾರ್ ಪ್ರಸಾರ್ ಕರ್ಚಾ ಬರಿ ಯೀ settings ಆಸಾತ್. Ustream ಚಿ ಅನ್ಯೇಕ್ ವಿಶೇಶಾತಾ ಮ್ಹುಳ್ಯಾರ್ ತಾಂಚೆ ಏಕ್ ಮೊಬೈಲ್ ಅಪ್ಲಿಕೇಶನ್ ಆಸಾ. ತೆಂ ತುಮಿ ತುಮ್ಛಾ ಸ್ಮಾರ್ಟ್ ಫೊನಾಂತ್ ಲೋಡ್ ಕೆಲ್ಯಾರ್ ತುಮ್ಚಾ ಮೊಬೈಲ್ ಕ್ಯಾಮೆರಾ ಥಾವ್ನ್ ಕಿತೆಂ ಯೀ LIVE ಪ್ರಸಾರಾಣ್ ಕರ್ಯೇತ್ .
2007 ಂತ್ ಆರಂಭ್ ಜಾಲ್ಯಾ USTREAM ಂ ತ್ ಆಜ್ ಮ್ಹುಣಾಸರ್ ಸುಮಾರ್ ವೀಸ್ ಲಾಕ್ ರಿಜಿಸ್ಟರ್ಡ್ users ಆಸಾತ್ . ಮಹಿನ್ಯಾ ಹಾಂತುಂ ಥಾವ್ನ್ ಏಕ್ ಪಂದ್ರಾ ಲಾಖ್ ಗಂಟ್ಯಾಂಚೊ ವಿಡಿಯೊ ಪುಣೀ ಪ್ರಸಾರ್ ಜಾತಾ. ಪೊಲಿಟಿಶನ್ಸ್, ಸೆಲೆಬ್ರೆಟಿಸ್ ಥಾವ್ನ್ ಇತರ್ ಸಬಾರ್ ಸಂಸ್ಥೆ ಯೀ Ustream ಚಿ ವಾಪಾರ್ವಿ ಕರ್ನ್ ಆಸಾತ್. ಗೆಲೆತ್ಯಾ ಅಮೆರಿಕಾ ಎಲಿಸಾವಾಂ ವೆಳಾರ್ ಉಮೆದ್ವಾರಾನಿಂ ಹ್ಯಾ Ustream ಕ್ ಭರನ್ ವಾಪಾರ್ಲೆಂ . ತುಮ್ಕಾಂ ಖಂಯ್ ಪುಣೀ Ustream ಟ್ರೈ ಕರುಂಕ್ ಆಸಾ . ತರ್ ಆಜ್ ಚ್ www.ustream.tv ಕ್ ಭೆಟ್ ದಿಯಾ.
