ತುಜೆಂಚ್ ಮ್ಹುಳ್ಳೆಂ ಸ್ವಂತ್ ವೆಬ್ ಸಾಯ್ಟ್ ಜಾಯ್ ?

(SM 2010)

ಏಕ್ ಕಾಳ್ ಆಸ್ ಲ್ಲೊ. ಸ್ವಂತ್ ವೆಬ್ ಸಾಯ್ಟ್ ಯಾ ಜಾಳಿಜಾಗೊ ಆಸ್ಚೆಂ ಏಕ್ ವಡ್ಲಿ ಪ್ರತಿಷ್ಟಾ ಆಸ್ ಲ್ಲಿ. ಪುಣ್ ಅತಾಂ ಸುಲಭಾಯೆನ್ ಮಾತ್ರ್ ನ್ಹಂಯ್ ಉಣ್ಯಾ ಮೋಲಾಕ್ ತುವೆಂ ತುಜೆಂಚ್ ಸ್ವಂತ್ ಜಾಳಿಜಾಗೊ ಅಸ್ಥಿತ್ವಕ್ ಹಾಡ್ಯೇತ್.!

ತುಕಾ ತುಜೆಂ ಮ್ಹುಳ್ಳೆಂ ಕಸಲೆಂ ಯೀ ವೆಬ್ ಸಾಯ್ಟ್ ಜಾಯ್ ? ತರ್ ತುವೆಂ ಪಯ್ಲ್ಯಾನ್ ಪಯ್ಲೆಂ ಕಸಲೆಂ ನಾಂವ್ ತ್ಯಾ ಜಾಳಿಜಾಗ್ಯಾಕ್ ದಿತಾಯ್ ಮ್ಹುಣ್ ನಿರ್ಧಾರ್ ಕರಿಜೆ. ದಾಖ್ಲ್ಯಾಕ್ www.yourname.com . ಹೆಂ ನಾಂವ್ ಯೆದೊಳ್ ಚ್ ದುಸ್ರ್ಯಾನೀ ಕೊಣೀ ಘೆತ್ಲಾಂ ಗೀ ? ಯೆಕಾದೆವಾಳ ದುಸ್ರ್ಯಾನೀ ಕೊಣೀ ಘೆತ್ಲಾಂ ತರ್ ತುಕಾ ತೆಂ ನಾಂವ್ ಮೆಳಾನಾ. ದೆಕುನ್ ತುವೆಂ ತೆಂ domain name ಲಭ್ಯ್ ಆಸಾ ಗೀ ಮ್ಹುಣ್ ಅಂತರ್-ಜಾಳಿರ್ ಥಾವ್ನ್ ಸೊದೊನ್ ಕಾಡಿಜೆ. ಹಾಚೆ ಖಾತಿರ್ ಚ್ ಮ್ಹುಣ್ ಜಾಳಿರ್ ಸಬಾರ್ ತಾಣಾಂ ಆಸಾತ್. ತುಕಾ www.yourname.com ಮ್ಹುಳ್ಳೆಂ ನಾಂವ್ ಮೆಳನಾತ್ಲ್ಯಾರ್ www.yourname.in ಮೆಳ್ತಾಗೀ ಮ್ಹುಣ್ ಸೊದ್ನಾಂ ಕರ್ಯೇತ್ ಯಾ .net , .org, .co.in ... ಅಸಲ್ಲಿಂ ಮಸ್ತ್ option ಮೆಳ್ತಾತ್. ಹ್ಯಾ ನಾಂವಾಕ್ ವರ್ಸಾಕ್ ವೀಸ್ ರೂಪಯ್ ಥಾವ್ನ್ 700 ರೂಪಯ್ ಮ್ಹುಣಾಸರ್ ದರ್ ದೀಂವ್ಕ್ ಪಡಾತ್.

ಅತಾಂ ನಾಂವ್ ಜಾಲೆಂ . ಮಾಗಿರ್ ತುಕಾ ಜಾಯ್ ಪಡ್ಚೆಂ ಮ್ಹುಳ್ಯಾರ್ ಜಾಳಿರ್ ಜಾಗೊ. ಹೊ ಜಾಗೊ ಘೆಂವ್ಚ್ಯಾ ಪಯ್ಲೆಂ ತುಜೆಂ ವೆಬ್ ಸಾಯ್ಟ್ ಕಸಲೆಂ ? ಕಿತ್ಲೊ ಜಾಗೊ ತಾಕಾ ಜಾಯ್ ? ಕಿತ್ಯಾಕ್ ಮ್ಹುಣ್ ತುಂ ತೆಂ ರೂಪಿತ್ ಕರ್ತಾಯ್ ? ತೆಂ ರೂಪಿತ್ ಕರುಂಕ್ ಕಸಲೆಂ ತಂತ್ರಾಗ್ನ್ಯ್ ವಾಪಾರ್ತಾಯ್ ? ಕಿತ್ಲೆ ಜಣ್ ಸದಾಂಯ್ ಮ್ಹುಜಾ ಜಾಳಿಜಾಗ್ಯಾಕ್ ಭೆಟ್ ದೀಂವ್ಕ್ ಪುರೊ ..? ಆಶೆಂ ಪುರಾ ಸಮ್ಜೊನ್ ಘೆತ್ಲ್ಯಾ ಉಪ್ರಾಂತ್ ತುವೆಂ ಖಂಚಾ web hosting ಕಂಪ್ಣೆ ಥಾವ್ನ್ ಜಾಗೊ ಆನಿಂ ಸೆವಾ ಘೆವ್ಯೆತ್ ಮ್ಹುಣ್ ನಿರ್ಧಾರ್ ಕರಿಜೆ. ಆಜ್ ತುಕಾ ವರ್ಸಾಕ್ 500 ರೂಪಯಾ ಥಾವ್ನ್ ಹಜಾರೊಂ ರೂಪಯಾಂ ಮ್ಹುಣಾಸರ್ ಆಸ್ ಲ್ಲ್ಯೊ ಸೆವಾ ದಿಂವ್ಚೊ web hosting ಕಂಪ್ಣ್ಯೊ ಆಸಾತ್. ತುಂ ಯೆದೊಳ್ ಚ್ ಕಂಪ್ಯೂಟರ್ ಪ್ರೊಗ್ರಾಮಿಂಗ್ ಜಾಣಾಂ ಆಸಾಯ್ ತರ್ ಕಸ್ಲೆಂ ರಿತಿಚೆಂ web hosting ತುಕಾ ಜಾಯ್ ? Windows hosting ಗೀ ಯಾ Linux hosting ? ತುಕಾ Linux hosting ಜಾಲ್ಯಾರ್ ಉಣ್ಯಾ ಮೊಲಾಕ್ ಜಾತಾ. ಮಾಗಿರ್ Windows hosting ಜಾಲ್ಯಾರ್ ಕಸಲಿ ಪ್ರೊಗ್ರಾಮಿಂಗ್ ಭಾಸ್ ಬರವ್ನ್ ತುಂ ಜಾಳಿಜಾಗೊ ರೂಪಿತ್ ಕರ್ತಾಯ್ ? ASP ಗೀ? ASP.NET ಗೀ ? PHP ಯಾ ಇತರ್ ದುಸ್ರಿ ? . ಖಂಚಿ ಜಾಲ್ಯಾರ್ ಯೀ ಜಾಂವ್, ಪುಣ್ ತುಮ್ಕಾಂ ಜಾಯ್ ಆಸ್ ಲ್ಲಿ ಪ್ರೊಗ್ರಾಮಿಂಗ್ ಭಾಸ್ ತುಕಾ ಸೆವಾ ದಿಂವ್ಚಿ web hosting ಕಂಪ್ಣಿ support ಕರ್ತಾಗೀ ಮ್ಹುಣ್ ಪಯ್ಲ್ಯಾನ್ ಪಳಯ್ಜೆ. ನಾತ್ಲ್ಯಾರ್ ಪುರಾ ವ್ಯರ್ಥ್ ! ಸಾಂಗಾತಾಚ್ ತುಜ್ಯಾ ಜಾಳಿಜಾಗ್ಯಾಕ್ ಕಿತ್ಲೊ ಜಾಗೊ ಜಾಯ್ ? 20 MB ? 100 MB ? 500 MB ಯಾ ಕಿತ್ಲೊ GB ?. ತಸೆಂಚ್ ತುಜ್ಯಾ ಜಾಳಿಜಾಗ್ಯಾಕ್ ಕಿತ್ಲೆ ಜಣ್ ಭೆಟ್ ದೀಂವ್ಕ್ ಪುರೊ? ಚಡ್ ಜಣಾನಿಂ ಭೆಟ್ ದಿಲ್ಯಾರ್ ಚಡ್ bandwidth ಖರ್ಚಾತಾ . ತುಜಿ web hosting ಕಂಪ್ಣಿ ತುಕಾ ಮಹಿನ್ಯಾಕ್ ಕಿತ್ಲಿ MB ಯಾ GB bandwidth ದಿತಾ ? ಕಿತ್ಲೆ FTP ಅನಿಂ Email ಆಕೌಂಟಾಂ ದಿತಾ .. ತುಕಾ ಪ್ರೊಗ್ರಾಮಿಂಗ್ ಭಾಸ್ ಖಳಿತ್ ನಾಂಚ್ ಮ್ಹುಣ್ ಚಿಂತ್ಯಾ. ತರ್ ಯೀ ಥೊಡ್ಯೊ ಕಂಪ್ಣ್ಯೊ ವಿಶೇಶ್ template ದೀವ್ನ್ ಸಾಮಾನ್ಯ್ ಮನ್ಶ್ಯಾ ಕೀ ವೆಬ್ ಸಾಯ್ಟ್ design ಕರ್ಚಿ ಸೌಲತ್ ದಿತಾ. ಹ್ಯೊ ಪುರಾ ಸಂಗ್ತಿ ದುರ್ಭಿನ್ ದವರ್ನ್ ಪಳೆವ್ನ್ ತುಕಾ ಜಾಯ್ ಆಸ್ ಲ್ಲಿ web hosting ಕಂಪ್ಣಿ ವಿಂಚುಕ್ ತುಕಾ ಅವ್ಕಾಸ್ ಆಸಾ.


ಆಜ್ ಹಜಾರೊಂ web hosting ಕಂಪ್ಣ್ಯೊ ಆಸ್ ಲ್ಲಿ ಸೆವಾ ದಿತಾತ್. ದೇಶಿಯೀ ಆಸಾತ್. ವಿದೇಶಿ ಯೀ ಆಸಾತ್. UNLIMITED ಸರ್ವಿಸ್ ದಿಂವ್ಚೊ ಕಂಪ್ಣ್ಯೋ ಯೀ ಆಸಾತ್. ದಾಖ್ಲ್ಯಾಕ್ www.manashosting.com , www.gohindi.com ... ಆಶೆಂ ಸಬಾರ್. ತುಮ್ಕಾಂ ಯೀ ಏಕ್ try ದಿವ್ಯೇತ್. ಖಂಯ್ ಪುಣೀ ತುಮಿ ಸೆವಾ ಘೆತ್ಯ್ಲಾರ್ ತಿ ವೆಳಾರ್ renew ಕರುಂಕ್ ವಿಸ್ರನಕಾತ್. ಕಿತ್ಯಾಕ್ ಮ್ಹುಳ್ಯಾರ್ ಹಾಂಚೆ ಕಡೆ life time ಮ್ಹುಳ್ಳೆಂ ಸ್ಕೀಮ್ ನಾ. ..!!!


********


ಪ್ರಮೋದ್ ರೊಡ್ರಿಗಸ್

ಜಾಳಿರ್ ಭಾಷಾಂತರ್ ಸೆವಾ ...!!!

NAMAN BALLOK JESU

ಇಂಟರ್ನೆಟ್ ಆಯ್ಲ್ಯಾ ಉಪ್ರಾಂತ್ ಹೊ ಸಗ್ಳೊ ಸಂಸಾರ್ ಚ್ "ಗ್ಲೊಬಲ್ ವಿಲೇಜ್ " ಜಾಲ್ಲೊ ತುಮ್ಕಾಂ ಖಳಿತ್ ಆಸಾ. ಹ್ಯಾ ಆಮ್ಚಾ ಕದಿರೆನಾ ಹಳ್ಳೆಂತ್ ರಾವೊನ್ ಂಚ್ ತ್ಯಾ ಕಜಕಿಸ್ತಾನಾಂತ್ ಅತಾಂ ಕಿತೆಂ ಗಡೊನ್ ಆಸಾ ಮ್ಹುಣ್ ಅಂತರ್ ಜಾಳಿ ಥಾವ್ನ್ ಆಮ್ಕಾಂ ತಕ್ಷಣ್ ಮಾಹೆತ್ ಘೆಂವ್ಕ್ ಸಾಧ್ಯ್ ಆಸಾ. ಸಾಕಾಳಿಂ ಉಟೊಂನ್ ಚ್ ಹ್ಯಾ ಉದಯವಾಣಿ ಸಾಂಗಾತಾ , ಆಸ್ಟ್ರೇಲಿಯಾಚೆಂ ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್ , UK ಚೆಂ ಟೆಲಿಗ್ರಾಪ್, US ಚೆಂ ವಾಷಿಂಗ್ಟಾನ್ ಫೋಸ್ಟ್ ಸೊಡ್ಯಾಂ ಪಾಕಿಸ್ತಾನಾಚೆಂ ಪ್ರಸಿದ್ಧ್ DAWN ಧರ್ನ್ ಸಂಸಾರಾಚಿಂ ಖಂಚಿಯೀಂ ಪತ್ರಾಂ ವಾಚ್ಯೇತ್ .., ಟೆಲಿವಿಸಾಂವ್ ಚಾನೆಲಾಂ ಪಳವ್ಯೇತ್, ಯಾ ರೇಡಿಯೊ ಆಯ್ಕಾವೇತ್ ..! ಹೆಂ ಪುರಾ ಸಾಧ್ಯ್ ಜಾಂವ್ಚೆಂ "ಅಂತರ್ಜಾಳ್" ಮ್ಹುಳ್ಯಾ ಮಾಯೆ ದ್ವಾರಿಂ ...!!

ಅಂತರ್ ಜಾಳೆರ್ ಆಮ್ಕಾಂ ಹೆಂ ಪುರಾ ವಯ್ಲೆಂ ಮೆಳ್ಚೆಂ ಫಿರ್ಗಿಂ ಬಾಷೆಂತ್ !. ಫಕತ್ ಏಕ್ ಫಿರ್ಗಿಂ ಖಳಿತ್ ಅಸ್ಲ್ಯಾಕ್ ಮಾತ್ರ್ ಅಮ್ಕಾಂ ಹೊ ಸಂಸಾರ್ "ಗ್ಲೊಬಲ್ ವಿಲೇಜ್ " ಜಾಯ್ನಾ. ತುಮ್ಕಾಂ ಕಂಯ್ ಪುಣೀ ಮೈಕ್ರೊ ತಾಂತ್ರಿಕಾತೆಚಾ ವಿಶ್ಯಾಂತ್ ಚಡಿತ್ ವಾಚಾಜೆ ಜಾಲ್ಯಾರ್ , ಜಪಾನೀಸ್ ಯೆಜೆ. ! ಪೈರೆಸಿ ವಿಶ್ಯಾಂತ್ ವಾಚುಂಕ್ ಮೆಳ್ಚಿಂ ಚಡಿತ್ ದಸ್ತವೇಜಾಂ ಚೈನಿಸ್ ಬಾಸೆಂತ್ ಆಸಾತ್. ರಶಿಯಾನ್ ಭಾಸ್ ಆಯ್ಲ್ಯಾರ್ ಸ್ಪೇಸಾಕ್ ಸಂಬಂಧ್ ಜಾಲ್ಲಿ ಅಪೂರ್ಭಾಯೆಚಿ ಮಾಹೆತ್ ಮೆಳ್ತಾ. ಕಂಪ್ಯೂಟರ್ ಸುರಕ್ಷೆ ವಿಶಿಂ ಫಿರ್ಗೆಂತ್ ಯೀಂ ಮೆಳಾನಾತ್ಲೆಂ ಸಾಹಿತ್ಯ್ ಜರ್ಮನ್ ಭಾಸೆಂತ್ ಮೆಳ್ತಾ. ಹಿ ಸ್ಪ್ಯಾನಿಶ್, ಪೊರ್ತುಗೀಸ್ ಆನಿಂ ಇತರ್ ಯೂರೋಪಿಯಾನ್ ಭಾಸೆಂತ್ ಯೀ ಆಪೂರ್ಭಾಯೆಚೆಂ ಸಾಹಿತ್ಯ್ ಆಸಾ. ತುಮ್ಕಾ ಕಂಯ್ ಪುಣೀ ಸಾಂಬಾ ಗಾಂವ್ಚಾ ಬ್ರೆಜಿಲ್ ಗಾರಾಂ ಕಡೆ ಸಂಪರ್ಕ್ ದವರಿಜೆ ಜಾಲ್ಯಾರ್ ಪೊರ್ತುಗೀಸ್ ಬಾಸ್ ಯೆಜೆಚ್ . ಮಾಗಿರ್ ಹ್ಯಾ ಮೆಸ್ಸಿ, ಮರಡೊನಾ ಚಾ ಅರ್ಜೆಂಟೈನಾ ತಶೆಂ ಇತರ್ ಲ್ಯಾಟಿನ್ ಅಮೆರಿಕಾಚಾ ಲೊಕಾಂಕ್ ಸ್ಪ್ಯಾನಿಶ್ ಸೊಡ್ಲ್ಯಾರ್ ಹಿ "ಹಿಂಗ್ಲಿಸ್" ಖಂಡಿತ್ ಚಲಾನಾ.
ತರ್ ಹಿ ಪುರಾ ಮಾಹೆತ್ ಘೆಂವ್ಕ್ ಯಾ ಹ್ಯಾ ಪುರಾ ಲೊಕಾಕಡೆ ಹ್ಯೊ ಪುರಾ ಭಾಸೊ ಶಿಕಾಜೆ ಗೀ ? ಖಂಡಿತ್ ಗರ್ಜ್ ನಾ. ಜಾಳಿರ್ ತುಮ್ಕಾಂ ಏಕಾ ಭಾಶೆ ಥಾವ್ನ್ ಅನ್ಯೇಕ್ ಭಾಶೆಕ್ ತರ್ಜುಮೊ ಕರ್ಚಿ ಸೆವಾ ಸಬಾರ್ ಮೆಳ್ತಾತ್ . ತುಮಿಂ ಯೆದೊಳ್ ಚ್ ಗೂಗಾಲಾಚೆಂ machine translation ಸೈಟ್ http://translate.google.com ಕ್ ಭೆಟ್ ದೀವ್ನ್ ಹಿ ಸೆವಾ ಅಪ್ಣಾಯ್ಲ್ಯಾ ಮ್ಹುಣ್ ಚಿಂತಾಂ. ಹಾಂತುಂ ತುಮ್ಕಾಂ ಪನ್ನಾಸಾ ವಯ್ರ್ ಚಡಿತ್ ಬಾಶೆಂ ಥಾವ್ನ್ ಏಕಾಮೆಕಾ ಭಾಷಾಂತರ್ ಕರ್ಚಿ ಸೆವಾ ಮೆಳ್ತಾ. ಏಕಾ ಬಾಶೆಂತ್ ಆಸ್ ಲ್ಲಿ ಸಗ್ಳಿ ವೆಬ್ ಪೇಜ್ ತುಕಾ ತಕ್ಷಣ್ ಅನ್ಯೇಕಾ ಭಾಶೆಂತ್ ತರ್ಜುಮೊ ಕರ್ನ್ ವಾಚ್ಯೇತ್. ತರ್ಜುಮೊ ಜಾಲ್ಲೆಂ ಕಶೆಂ ಉಚ್ಚಾರಣ್ ಕರ್ಚೆಂ ಮುಳ್ಳೆಂ ಅಯ್ಕೊಂಕ್ ಯೀ ಹಾಂತುಂ ಸಾಧ್ಯ್ ಜಾತಾ. ಜಾಳಿರ್ ಹಿ ಸೆವಾ ಪುಂಕ್ಯಾಕ್ ಮೆಳ್ತಾ. ಪುಣ್ ಜಾಳಿರ್ ಅಧಿಕ್ ಲೊಕಾನಿಂ ವಾಪಾರ್ಚೆಂ ಭಾಷಾಂತರ್ tool ಚ್ SYSTRAN(http://www.systranet.com)..!!

ಏಕಾ ಲೆಕಾರ್ SYSTRAN ಕ್ machine translation ಚೆಂ ಬಾಪೊಯ್ ಮ್ಹುಣ್ ಅಪಾವ್ಯೇತ್. ಕಿತ್ಯಾಕ್ ಮುಳ್ಯಾರ್ ಹಾಣಿಂ 1968 ಂ ಚ್ ರಶಿಯಾನ್ ಭಾಸ್ , ಇಂಗ್ಲಿಶಾಕ್ ತರ್ಜುಮೊ ಕರುಂಕ್ ಅಮೆರಿಕಾಚಾ ಏರ್ ಫೊರ್ಸಾಕ್ ಏಕ್ ಸಾಪ್ಟ್ ವೇರ್ ಬರವ್ನ್ ದಿಲ್ಲೆಂ..! ಅಂತರ್ ಜಾಳಿರ್ ಯೀ ಪಯ್ಲೆಂ Online translation ಆರಂಭ್ ಕೆಲ್ಲಿ ಕೀರ್ತ್ ಯೀ SYSTRAN ಚಿ .! ತೆಂಚ್ BabelFish..! (http://www.babelfish.com) . 1997 ಂತ್ ಹಿ ಸೆವಾ ಆರಂಭ್ ಜಾಲ್ಲಿ. ತೆನ್ನಾ ಥಾವ್ನ್ ಅತಾಂ ಮ್ಹುಣಾಸರ್ ಭಾಷಾಂತರ್ ಸೆವಾ ದೀಂವ್ಚಾ ಸಬಾರ್ ಇತರ್ ಜಾಳಿ ಜಾಗ್ಯಾನಿಂ ವಾಪಾರ್ಚಿ ಟೆಕ್ನೊಲೊಜಿ ಚ್ SYSTRAN ಚಿ. ದಾಕ್ಲ್ಯಾಕ್ ಯಾಹೂನ್ ದಿಂವ್ಚಿ ಭಾಷಾಂತರ್ ಸೆವಾ (http://babelfish.yahoo.com ) ಯೀ SYSTRAN ಆಧಾರಿತ್ .! 2007 ಪಯ್ಲೆಂ ಗೂಗಾಲಾಚಿ ಯೀ ಭಾಷಾಂತರ್ ಸೆವಾ SYSTRAN ಆದಾರಿತ್ ಜಾವ್ನ್ ಆಸ್ ಲ್ಲಿ. ಪುಣ್ ಅತಾಂ ತಾಣಿಂ ತಾಂಚಿಚ್ ಸ್ವಂತ್ ತಾಂತ್ರಿಕಾತಾ ಅಪ್ಣಾಂವ್ಕ್ ಸುರು ಕೆಲಾಂ. ಗೂಗಾಲಾ ಸಾಂಗಾತಾ ಅಪ್ಲಿಚ್ ಸ್ವಂತ್ ಟೆಕ್ನೊಲೊಜಿ ವಾಪಾರ್ನ್ ಭಾಷಾಂತರ್ ಸೆವಾ ದಿಂವ್ಚಿ ಮ್ಹುಳ್ಯಾರ್ ಮೈಕ್ರೊ ಸಾಪ್ಟಚೆಂ Bing Translator (http://www.microsofttranslator.com) . ದೋನ್ ವರ್ಸಾಂ ಆದಿಂ ಆರಂಭ್ ಜಾಲ್ಲಿ ಹಾಂಚಿ ಸೆವಾ ಯೀ OK ಮ್ಹುಣ್ಯೇತ್ ...


ಪುಣ್ ಕಿತೆಂ ಮ್ಹುಳ್ಯಾರ್ ಯೀ ಜಾಳಿರ್ ಆಸ್ಚಿಂ ಇತ್ಲಿಂ ಪುರಾ ಭಾಷಾಂತರ್ ಟೂಲಾಂ ಯೀಂ ಶೆಂಭರ್ ಠಕ್ಕೆ ನಿಖರತಾ ದಿನಾಂತ್. ಥೊಡೆ ಪಾವ್ಟಿಂ , ಥೊಡ್ಯಾ ಬಾಶೆ ಮದ್ಲಿ ನಿಖರತಾ ಪನ್ನಾಸ್ ಠಕ್ಕ್ಯಾಚಾ ಕೀ ಉಣೆಂ. ಚಡಾವತ್ ಜಾವ್ನ್ ಹಿ ಸೆವಾ ತುಮ್ಕಾಂ ಏಕ್ ಜೆರಾಲ್ ಏಕಾ ಮಟ್ಟಕ್ ಪುಣಿ ಆರ್ಥ್ ಕರ್ನ್ ದೀಂವ್ಕ್ ಸಕ್ತಾ. ಚಡಾವತ್ ಕಾರ್ಪೊರೆಟಾನಿಂ ವಾಪಾರ್ಚೆಂ SYSTRAN ಚೆಂ ಅಪ್ಲಿಕೇಶನ್ ಸಾಪ್ಟ್ ವೆರ್. ಹೆಂ ಧರ್ಮಾರ್ತ್ ಸಾಪ್ಟ್ ವೆರ್ ನ್ಹಂಯ್. ಪುಣ್ online translator ಂ ಕ್ ತುಲನ್ ಕೆಲ್ಯಾರ್ SYSTRAN ಚಾ ಅಪ್ಲಿಕೇಶನ್ ಸಾಪ್ಟ್ ವೆರಾಂತ್ ಚಡಿತ್ ನಿಖರತಾ ಮೆಳ್ತಾ.


ಸಾಂಗ್ ಲ್ಯಾ ಬರಿ ಹ್ಯಾ ಸಗ್ಳ್ಯಾ ಭಾಷಾಂತರ್ ಟೂಲಾಂತ್ ಇಂಡಿಯಾಚಿ ಹಿಂದಿ ಭಾಸ್ ಮಾತ್ರ್ ಆಸ್ ಲ್ಲಿ. ಪುಣ್ ಗೂಗಲಾಕ್ ಏಕ್ ಸೆಲ್ಯೂಟ್ ದಿಜೆ. ಥೊಡ್ಯಾ ಮಹಿನ್ಯಾ ಅದಿಂ ತಾಣಿಂ ಬೆಂಗಾಲಿ, ಗುಜರಾತಿ, ಕನ್ನಡ , ತಮಿಳ್ ಆನಿಂ ತೆಲುಗು ಭಾಶೆಂತ್ ಯೀ ಆಪ್ಲಿ ಸೆವಾ ಆರಂಭ್ ಕೆಲಿ .! ಹಿ ಸೆವಾ ಆತಾಮ್ ಆರಂಭಿಕ್ ಹಂತಾರ್ ಆಸ್ ಲ್ಯಾನ್ ಚಡಿತ್ ನಿಖರತಾ ಮೆಳಾನಾ. ಪುಣ್ ಏಕ ಮಟ್ಟಾಕ್ ಪುಣೀ ತುಮ್ಕಾಂ ಉಪ್ಕಾರಾಕ್ ಪಡ್ತಾ ಖರೆಂ.

By the way ಕಾನಾಡಿ ಲಿಪ್ಯೆಂತ್ ಬರಯ್ಲಿ ಕೊಂಕ್ಣಿ ವಾಚುಂಕ್ ಯೆನಾತ್ಲ್ಯಾ ಆಮ್ಚಾ ಲೊಕಾಕ್..! ತುಮ್ಕಾಂ ಅತಾಂ ಕಾನಾಡಿ ಲಿಪ್ಯೆಂತ್ ಆಸ್ ಲ್ಲೆಂ ಕೊಂಕ್ಣಿ ಸಾಹಿತ್ಯ್ ಗೂಗಲಾಚಿ ಸೆವಾ ಆಪ್ಣಾವ್ನ್ , ರೊಮಿ ಬಾಶೆಂತ್ ವಾಚ್ಯೇತ್ ..! ಏಕಾ ಮಟ್ಟಾರ್ ಮಾತ್ರ್..! ಪುಡೆಂ ಹ್ಯಾ ವಿಶಿಂ ಮಸ್ತ್ ಸುದ್ರಾಪ್ ಜಾತಾಲೊ ಮ್ಹುಣ್ ಗೂಗಲಾನ್ ಕಳಯ್ಲಾ ಂ ....


***********************


- ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ತಾಂತ್ರಿಕಾತೆಚಾ ಜಾಳಾಂತ್ ಶಿರ್ಕಲ್ಲಿಂ ಯುವಜಣಾಂ....

(RAKNNO)

ಮ್ಹಕಾಯ್ ತುಜೊ ಹುದ್ದೊ ಸಾಂಬಾಳುಂಕ್ ಆಶಾ ಆಸಾ.. ಹಾವೆಂ ಕಿತೆಂ ಕರಿಜೆ ? ಆಶೆಂ ಮ್ಹುಣ್ ವಿಚಾರಿ ಲಾಗ್ಲೊ ತೊ ತರ್ನಾಟೊ ವಿದ್ಯಾರ್ಥಿ...



"Be careful what you post on Facebook. Whatever you do, it will be pulled up again later somewhere in your life." ಮ್ಹುಣ್ ಜವಾಬ್ ದಿಲಿ ಬರಾಕ್ ಒಬಾಮಾನ್. ಥೊಡ್ಯಾ ತೆಂಪಾ ಆದಿಂ ಏಕಾ ಶಾಳಾಚಾ ವಿದ್ಯಾರ್ಥಿಂ ಕಡೆ ಸಂವಾದ್ ಚಲಯ್ತಾನಾ Facebook ವಿಶಿಂ ಒಬಾಮಾ ಆಶೆಂ ಉಲಾಯ್ಲೊ. ಗೆಲೆತ್ಯಾ ಇಲೆಸಾವಾಂತ್ ರಿಪಬ್ಲಿಕ್ ಪಾಡ್ತೆಚಿ ಉಪಾಧ್ಯಕ್ಷ್ ಉಮೆದ್ವಾರ್ ಸಾರಾ ಫಾಲಿನಾಚಾ Facebook ಖಾತ್ಯಾಚೊ ತಸ್ವೀರ್ಯೊ ಆಶ್ಲೀಲ್ edit ಜಾವ್ನ್ ಪ್ರಸಾರ್ ಜಾಲ್ಲೆಂ ಘಡಿತ್ ಒಬಾಮಾಕ್ ಅಸಲಿ ಏಕ್ ಜವಾಬ್ ದೀಂವ್ಕ್ ಪ್ರೇರಣ್ ಜಾಂವ್ಕ್ ಪುರೊ.


ವ್ಹಯ್ ಹೊ ಸೊಶಿಯಲ್ ನೆಟ್ ವರ್ಕ್ ಕಾಳ್ .. ಅತಾಂ ಪುರಾ high speed ಇಂಟರ್ ನೆಟ್ ಮೊಬೈಲಾರ್ ಚ್ ಮೆಳ್ಚೊ ಕಾಳ್ ಹೊ.. ಸಾಕಾಳಿಂ ಉಟ್ಲ್ಯಾ ಉಪ್ರಾಂತ್ ಚ್ ಅಪ್ಲ್ಯಾ ಮೊಬೈಲಾರ್ ಚ್ ಕಿತ್ಲೆ Like ಆಯ್ಲ್ಯಾತ್ ? ಕಿತ್ಲೆ ಕೊಮೆಂಟ್ ಆಯ್ಲ್ಯಾತ್ ? ಮ್ಹುಣ್ ನಿದೆಚಾ ದೊಳ್ಯಾನಿಂ ಚ್ Facebook ಉಗ್ತೆ ಕರ್ನ್ ಪಳಂವ್ಚಾ ಯುವಜಣಾಂಚೊ ಕಾಳ್ ಹೊ...!


Of course ಆಯ್ಚೆಂ ಹೆಂ ಮೊಬೈಲ್ , ಸೊಶಿಯಲ್ ನೆಟ್ ವರ್ಕಾಂತ್ ಕಿತ್ಲೆಂ ಹಿತ್ ಆಸಾತ್ ಮ್ಹುಣ್ ಅಮ್ಕಾಂ , ತುಮ್ಕಾಂ ಸಕ್ಡಾಂಕೀ ಖಳಿತ್ ಆಸಾ.. ಮೊಬೈಲ್ ಆಮ್ಚೆ ಸಕ್ಡಾಂ ಕಡೆ ಆಸಾ. ಚಡಾವತ್ ಜಾವ್ನ್ ಆಮ್ಚೆ ಕಡೆ Facebook , Orkut ಯಾ Twitter ಖಾತೊ ಆಸಾ. ಹಿಂ ಆಧುನಿಕ್ ಸಂಪರ್ಕ್ ಸಾಧನಾಂ ಆಮ್ಕಾಂ ಕಿತ್ಲಿಂ ಉಪ್ಯೋಗ್ ಜಾವ್ನ್ ಆಸಾತ್ ಮ್ಹುಣ್ ಸಾಂಗ್ಚಿಚ್ ಗರ್ಜ್ ನಾ. ಪುಣ್ ತಿತ್ಲೆಂಚ್ ಹೆ Facebook ತಸಲೆಂ ಸೊಶಿಯಲ್ ನೆಟ್ ವರ್ಕ್ , ಮೊಬೈಲ್ ಫೊನಾಂ ತಸಲಿಂ ಸಂಪರ್ಕ್ ಸಾದನಾಂ ಆಜ್ ಉಪ್ಕಾರಾಕ್ ಪಡ್ಚಾ ಪ್ರಾಸ್ ಚಡ್ ಆಮ್ಚಾ ಯುವ ಜಣಾಂಕ್ ಮಾರೆಕರ್ ಜಾಲ್ಯಾಂತ್. ಖರ್ಯಾ ಸಂಬಂದಾಂಕ್ ಕಾತರ್ ಘಾಲುಂಕ್ ಪಾವ್ಲ್ಯಾಂತ್ , ಕ್ರತಕ್ ಸಂಬಂದಾಂಕ್ ಜಲ್ಮ್ ದೀಂವ್ಕ್ ಲಾಗ್ಲ್ಯಾತ್. ಲಂಯ್ಗಿಕ್ ಶೋಶಣಾಕ್ ವಾಟ್ ಕರ್ನ್ ದೀಂವ್ಕ್ ಲಾಗ್ಲ್ಯಾಂತ್..! ಮಾಲಿಯಾ ಆನಿಂ ಸಶಾ ವಾಡೊನ್ ಆಯ್ಲ್ಯಾ ಉಪ್ರಾಂತ್ ಬರಾಕ್ ಒಬಮಾ ಕ್ ಯೀ ಹೆಂ ಸತ್ ಖಳಿತ್ ಜಾಲಾಂ...!!!


**********

ಗೆಲೆತ್ಯಾ ಮಹಿನ್ಯಾಂತ್ ಬೊಂಬೈಂತ್ ಗಡ್ ಲ್ಲೆಂ ಹೆಂ ಘಟನ್ ಪಳೆಯಾ. ವಿಜಯ್ ಭಂಡೂರ್ ಖಾತ್ರಿ ಮ್ಹುಳ್ಳ್ಯಾ , 23 ವರ್ಸಾಂಚಾ ಹುಶಾರ್ , ರೂಪೆಸ್ತ್ ತರ್ನಾಟ್ಯಾಕ್ Facebook ವಾಪಾರ್ನ್ ಸೂಮಾರ್ 25 ಚಲಿಯಾಂಕ್ ಫಸವ್ನ್ , ಮೋಸ್ ಕೆಲ್ಲ್ಯಾಕ್ ಪೋಲಿಸಾನಿಂ ಕಯ್ದ್ ಕೆಲೆಂ. ಇತ್ಲ್ಯಾಕೀ ಹಾಣೆಂ ಕೆಲೆಂ ಜಾಲ್ಯಾ ರ್ ಯೀ ಕಿತೆಂ ? ಹ್ಯಾ ತರ್ನಾಟ್ಯಾನ್ ಒಳೊಕ್ ನಾತ್ ಲ್ಯಾ ಚಲಿಯೆಂಕ್ ಆಪ್ಲ್ಯಾ Facebook ಖಾತ್ಯಾಕ್ ಸೆರ್ವೊನ್ , ಅಪುಣ್ ನೆಪಾಳಿ ನಾಗಾರಿಕ್,. ಮ್ಹುಜಿಂ ಅವಯ್ -ಬಾಪಯ್ ಅಮೆರಿಕಾ ವಾವ್ರ್ ಕರ್ನ್ ಆಸಾತ್, ಹಾಂವ್ ಹಾಂಗಾ ಬೊಂಬೈ ಶಿಕೊನ್ ಆಸಾಂ ಮ್ಹುಣ್ ತಾಂಕಾಂ ಸಮ್ಜವ್ನ್ ಆಸ್ ಲ್ಲೊ. ಉಪ್ರಾಂತ್ ತಾಂಚಿ ಸಳಾವಳ್ ಘೆವ್ನ್ , ತಾಂಕಾಂ ಬೀಚಾಂ, ಮಲ್ಟಿಫ್ಲೆಸ್ಕಾಂ ಮ್ಹುಣ್ ಬೊಂವ್ಡಾವ್ನ್ ಮಜಾ ಘೆವ್ನ್ ಆಸ್ ಲ್ಲೊ. ಮಾಗಿರ್ ನಿಮಾಣೆಂ " ಮ್ಹಕಾ ಅರ್ಜೆಂಟ್ ಪಯ್ಸೆ ಜಾಯ್ ಪಡ್ಲ್ಯಾತ್....ವ್ಹಡಿಲಾನಿಂ ಅಮೆರಿಕಾ ಥಾವ್ನ್ ದಾಡ್ ಲ್ಲೆ ಪಯ್ಸೆ ಮ್ಹುಗ್ದಾಲ್ಯಾತ್....." ಮ್ಹುಳ್ಯೊ ಕಾಣಿಯೊ ತಾಂಕಾಂ ಸಾಂಗೊನ್ ಆಸ್ ಲ್ಲೊ. ಹಾಚಿ ಭಿರ್ಮಾತ್ ಪಳೆವ್ನ್ ಥೊಡ್ಯಾ ಚೆಡ್ವಾನಿಂ ಹಾಕಾ ಪಯ್ಶೆ, ಭಾಂಗಾರ್ ಸಮೇತ್ ದೀವ್ನ್ ಆಸ್ ಲ್ಲಿಂ. ಉಪ್ರಾಂತ್ ಹಾಚೊ ಪತ್ತೊಚ್ ಆಸಾ ನಾತ್ ಲ್ಲೊ. ಏಕಾ ನಮೂನೆಚಿ ಥೆಟ್ ಚಾರ್ಲ್ಸ್ ಶೋಭರಾಜ್ ಶೈಲಿ ತಾಚಿ. ಸುಮಾರ್ ಏಕ್ ದೋನ್ ಡಜನ್ ಚೆಡ್ವಾಂಕ್ ಫಸಯ್ಲಾ ಉಪ್ರಾಂತ್ , ಅಂದೇರಿಚಾ ಏಕಾ ಚೆಡ್ವಾನ್ ದಿಲ್ಲ್ಯಾ ದೂರಾ ನಿಮ್ತಿ ಫೊಲಿಸಾನಿಂ ಹಾಕಾ ಜಪ್ತಿ ಕರ್ನ್ , ಹಾಚೊ ಘುಟ್ ಭಯ್ರ್ ಕಾಡ್ಲೊ .....! Facebook ಚೆ ಕ್ರತಕ್ ಸಂಬಂಧ್ ಕಶೆಂ ಲೈಂಗಿಕ್ ತಶೆಂ ಇತರ್ ವಾಯ್ಟ್ ಉಪ್ಯೋಗಾಕ್ ಯುವಜಣಾಂ ಮದೆಂ ಕಾರಣ್ ಜಾತಾ ಮ್ಹುಣ್ ಏಕ್ ಫಕತ್ ಏಕ್ ದಾಕ್ಟೆಂ ಉದಾಹರಣ್...


ಮೊಬೈಲ್ ತಶೆಂ ಸೊಶಿಯಲ್ ನೆಟ್ ವರ್ಕಾಂಚಾ ಜಾಳಾನಿಂ ಶಿರ್ಕ ಲ್ಯಾ ಯುವಜಣಾಂ ಮಧೆಂ ವಯ್ಲಿಂ ಘಡಿತಾಂ ಅತಾಂ ಸಾಮಾನ್ಯ್ ಜಾಲ್ಯಾಂತ್. ವಿಪರ್ಯಾಸ್ ಮ್ಹುಳ್ಯಾರ್ ಹ್ಯಾ ಇನ್ ಸ್ಟ್ನ್ಯಾಂಟ್ ಮೆಸೆಜಿಚಾ ಕಾಳಾರ್ ಸಂಬಂಧ್ ಯೀ ಇನ್ ಸ್ಟ್ನ್ಯಾಂಟ್ ಜಾಲ್ಯಾತ್. ಆಜ್ ಸಬಾರ್ ಯುವಜಣಾಂ ಅಪ್ಲಿ ತೀರ್ ಖಾಸ್ಗಿ ಮಾಹೆತ್ ಸಮೇತ್, ಸೊಶಿಯಲ್ ನೆಟ್ ವರ್ಕಾಂತ್ ವಾಂಟುನ್ ಘೆತಾತ್. ಅಪ್ಲ್ಯೊ ತಸ್ವೀರ್ಯೊ upload ಕರ್ನ್ , ಕಿತ್ಲೆ Like ಆಯ್ಲೆ? ಕಿತ್ಲೆ ಕೊಮೆಂಟ್ ಆಯ್ಲ್ಯಾತ್ ಮ್ಹುಣ್ ರಾಕೊನ್ ರಾವ್ತಾತ್. ಅಸಲೊ ಮನೋಭವ್ ನಕಾರಾತ್ಮಕ್ ಪರಿಣಾಮ್ ಕರುಂಕ್ ಸಕ್ತಾ ಮ್ಹುಣ್ತಾತ್ ಮನ್ ಶಾಸ್ತ್ರಿ. ಫಕತ್ ಚಿಂತ್ಪಾಚೆರ್ ಮಾತ್ರ್ ನ್ಹಂಯ್ , ಜೀವನ್ ಶೈಲಿಯೀ ಹಾಚಾ ಪ್ರಭಾವಕ್ ಪಡ್ತಾ. ಮನ್ ಶಾಸ್ತ್ರಿ ಪ್ರಕಾರ್ ಅಸಲೊ ಪ್ರಭಾವ್ ಚಡ್ ಲ್ಯಾರ್ ಮಾನಸಿಕ್ ವಿಕ್ರತೆಚಿ ಸ್ಥಿತಿ ಯೆಂವ್ಚಿ ಸಾದ್ಯತಾ ಆಸ್ತಾ. ಹಿಚ್ ವಿಕ್ರತಿ ಮುಖಾರ್ ಅಫ್ರಾದಾಂಕ್ ಕಾರಣ್ ಜಾಂವ್ಕ್ ಪುರೊ. ಹೆಂ ಏಕಾ ನಮೂನೆಚಾ ಅವಾಸ್ತಾವಿಕ್ ಸಂಸಾರಾಂತ್ ಉಪ್ಯೆಂವ್ಚಾ ಬರಿ. ಮಸ್ತ್ ಅಪಯಾಕಾರಿ ತೆಂ...


ಆಧುನಿಕ್ ಸಂಸಾರಾಚಾ ಹ್ಯಾ ಸೊಶಿಯಲ್ ನೆಟ್ ವರ್ಕಾನಿಂ ಫಕತ್ ಖರ್ಯಾ ಸಂಬಂದಾಂಕ್ ಮಾತ್ರ್ ನ್ಹಂಯ್ ಯುವಜಣಾಂಚಾ ಚಿಂತ್ಪಾ ಸಕ್ತೆ ವಯ್ರ್ ತಶೆಂ ಬೊಗ್ಣಾಂ ವಯ್ರ್ ಯೀ ಕಾತರ್ ಘಾಲುಂಕ್ ಸಕ್ಲ್ಯಾಂತ್. ಇನ್ ಸ್ಟ್ನ್ಯಾಂಟ್ ಮೆಸೆಜಿ ಬರಿ ಹಾಂಗಾಂ ಬೊಗ್ಣಾಂಚೊ ಪ್ರಭಾವ್ ಯೀ ಇನ್ ಸ್ಟ್ನ್ಯಾಂಟ್ ಜಾವ್ನ್ ಉರ್ತಾ. ತುಮಿಂ ಕಿತೆಂ ಯೀ ಮ್ಹುಣಾ, ಆದಿಂ ಪತ್ರಾಂ ದ್ವಾರಿಂ ವ್ಯಕ್ತ್ ಕರ್ಚಾ ಬೊಗ್ಣಾಂ ಕ್ ಆನಿಂ Facebook ಚಾ Wall ಂತ್ ವ್ಯಕ್ತ್ ಕರ್ಚಾ ಬೊಗ್ಣಾಂಕ್ ಮಸ್ತ್ ಫರಕ್ ಆಸಾ. ಏಕ್ kick ದಿಂವ್ಚೆಂ ಇನ್ ಸ್ಟ್ನ್ಯಾಂಟ್ ಬೊಗ್ಣಾಂ ಯಾ ಸಾಹಿತ್ಯ್ ಸಾಮಾಜಿಕ್ ತಾಣಾಂರ್ ರೂಪಿತ್ ಜಾಲ್ಯಾರ್ ಯೀ ,ತಾಂತುಂ ಆಸ್ಚಿ ಧನಾತ್ಮಕ್ಪಕ್ ಸೃಜನ್ಶೀಲಾತಾ ಕಿತ್ಲಿ? ಅತಾಂಚೆಂ SMS ಸಾಹಿತ್ಯ್ , ಯಾ Twitter ಸಾಹಿತ್ಯ್ ಥೊಡೆ ಪಾವ್ಟಿಂ ಮಾತ್ರ್ ಬರೊ ಸಂದೇಶ್ ದಿಲ್ಯಾರ್ , ಚಡಾವತ್ ಜಾವ್ನ್ ತಾಂತುಂ ಯುವಜಣಾಂಕ್ ಮೆಳ್ಚೆಂ ಆಶ್ಲೀಲತಾ ಆನಿಂ ಪ್ರಚೋಧನ್ ಮಾತ್ರ್. ಮಾಗಿರ್ ಹಾಂತುಂ ಪಳೆಂವ್ಕ್ ಮೆಳ್ಚೊ ಭಾಶೆಚೊ ವಿರೂಪ್ . ಹಾಂಗಾ ವಾಚುಂಕ್ ಮೆಳ್ಚಿ ವಿಚಿತ್ರ್ ಫಿರ್ಗಿಂ, ವಿಚಿತ್ರ್ ಕೊಂಕ್ಣಿ. , ಕಾನಡಿ, ಪೋರ್ತುಗೇಜ್.....ಏಕಾ ರೀತಿನ್ ಹ್ಯಾ ಸೊಶಿಯಲ್ ನೆಟ್ ವರ್ಕಾಂನಿಂ ಸಂಸಾರಾಂತ್ಲ್ಯಾ ಸಕ್ಕಡಿ ಭಾಶೆಂಕ್ ದಾಂಬುನ್ ದವರ್ಲಾಂ...!!

**********

ಇತ್ಲ್ಯಾಕೀ ಹಿಂ ತಾಂತ್ರಿಕ್ ಜಾಳಾಂ ಯುವಜಣಾಂಕ್ ಮಾರೆಕಾರ್ ಜಾಂವ್ಕ್ ಕಾರಣ್ ಕಿತೆಂ ? ಯುವಜಣಾಂ ಮದೆಂ ಲೈಂಗಿಕ್ ಶೋಶಣಾಂಕ್ ವಾಟ್ ಜಾಂವ್ಕ್ ಹಿಂ ಮೊಬೈಲಾಂ ತಶೆಂ ಸೊಶಿಯಲ್ ನೆಟ್ ವರ್ಕಾಂ ಕಶಿಂ ಕಾರಣ್ ಜಾವ್ನ್ ಆಸಾತ್. ? Facebook ತಸಲ್ಯಾ ಸಾಮಾಜಿಕ್ ತಾಣಾರ್ ತುವೆಂ ಕಿತೆಂ ಪುರಾ ಸೆರ್ವಯ್ಲಾಂಯ್ ಪಳೆ ತೆಂಚ್ ತುಲನ್ ಕರ್ನ್ ತುಂ ಕಸಲೊ ಮನಿಸ್, ತುಜಿ ಮನಸ್ಥಿತಿ ಕಸಲಿ ? ತುಜಿ ಜಾಣ್ವಾಯ್ ಕಿತ್ಲಿ ? ಮ್ಹುಣ್ ಅಂದಾಜ್ ಕರ್ಯೇತ್ . ವಾಸ್ತವ್ ಜಾವ್ನ್ ಪಳೆಯ್ಲಾರ್ , ಹಿಂ ತಾಂತ್ರಿಕ್ ಜಾಳಾಂ ಮಾರೆಕಾರ್ ಜಾಂವ್ಕ್ ತಾಂತ್ಲಿ ತಾಂತ್ರಿಕತಾ ಚಡಾವತ್ ಕಾರಣ್ ಜಾಂವ್ಚಾ ಬದ್ಲಾ, ಯುವಜಣಾಂ ಕಡೆ ಆಸ್ಚಾ common sense ಚೆಂ ಆಭಾವ್ ಪಣ್ಂಚ್ ಕಾರಣ್ ಜಾವ್ನ್ ಆಸಾ. ಪಯ್ಲ್ಯಾ ಸುವಾತೆರ್ ಆಮ್ಚಾ ಯುವಜಣಾಂಕ್ ಅಪ್ಲಿ ಖಾಸ್ಗಿ ಜಿಣಿ ಕಿತ್ಲಿ ಆನಿಂ ಕೊಣಾಕಡೆ ವಾಂಟುನ್ ಘೆಜೆ ಮ್ಹುಣ್ ಖಳಿತ್ ನಾತ್ ಲ್ಲಿ ನಾಸಮ್ಜಣಿ. ಸಾಮಾಜಿಕ್ ತಾಣಾರ್ ಒಳೊಕ್ ನಾತ್ ಲ್ಯಾಂಕ್ ಮಾನ್ಯ್ ಕರ್ನ್ ,ಅಪ್ಲಿ ಖಾಸ್ಗಿ ಜಿಣ್ಯೆ ಘಡಿತಾಂ, ತಸ್ವಿರ್ಯೊ ಆನಿಂ ಇತರ್ ವಿವರ್ ವಾಂಟ್ ಲ್ಯಾರ್ ಅಪಾಯ್ ಖಂಡಿತ್. ವಿಪರ್ಯಾಸ್ ಮ್ಹುಳ್ಯಾರ್ ಆಮ್ಚಾ ಸಬಾರ್ ಚಲಿಯಾಂಕ್ ಹೆಂ ಸಮ್ಜೊಂಕ್ ಚ್ ಸಮ್ಜನಾ...! ಲೈಂಗಿಕ್ ತಶೆಂ ಇತರ್ ಶೋಶಣಾಂಕ್ ಹೆಂಚ್ ಕಾರಣ್. ತಿತ್ಲೆಂಚ್ ನ್ಹಂಯ್ ಹೆಂ ತರ್ನ್ಯಾಟ್ಯಾಂಕ್ ಪ್ರಚೋದಿತ್ ಯೀ ಕರ್ತಾ.

ಆಜ್ ಹೊ ಸೊರೊ, ಸಿಗರೇಟ್, ಡ್ರಗ್ಸಾಂ ಬರಿಚ್ ಹಿಂ ತಾಂತ್ರಿಕ್ ಜಾಳಾಂಚೆ ವ್ಯಸನಿ ಜಾವ್ನ್ ಪಾವ್ಲ್ಯಾತ್ ಆಮ್ಚೆ ಯುವಜಣ್. ತಾಂತ್ರಿಕ್ ಜಾಳಾಂ ಭಿತರ್ ರಿಗ್ ಲ್ಯಾ ಯುವಜಣಾಂಕ್ ತರ್ ಸುಟ್ಕಾ ಮೆಳ್ಚಿ ಜಾಲ್ಯಾರ್ ಕಶಿ? ಹ್ಯಾ ವಿಶಿಂ ಚಿಂತ್ಚೆಂ ಕಷ್ಟ್. ಅಪೇಕ್ಷ್ ಕರ್ಚೆಂ ಯೀ ಚೂಕ್. ಪುಣ್ ಯುವಜಣಾನಿಂ ತಾಂತ್ರಿಕತಾ ವಾಪಾರ್ತಾನ, ತಾಚೆ ವಿಶಿಂ ಗಿನ್ಯಾನ್ ಘೆವ್ನ್ , ಧನಾತ್ಮಕ್ ತಶೆಂ ವ್ಯವಸ್ಥಿತ್ ರೀತೆರ್ ವಾಪಾರ್ಲ್ಯಾರ್ ಏಕಾ ನಮೂನೆಚಿ ಸುಟ್ಕಾ ಪುಣಿ ಮೆಳಾತ್...!!!


**********

_ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಆಜ್ Facebook ಬರಾಕ್ ಒಬಾಮಾ ಮ್ಹುಣಾಸರ್ ಪಾವ್ಲಾಂ. ಮೊಬೈಲ್ ಆಮ್ಚಾ ಬೋರೆ ಗೌಡ ಮ್ಹುಣಾಸರ್ ಯೀ ಪಾವ್ ಲ್ಲೆಂ ತುಮ್ಕಾಂ ಖಳಿತ್ ಆಸಾ. ಪುಟ್ ಬಾಲ್ ಖೆಲ್ಗಾಡಿ ಕ್ರಿಸ್ಚಿಯಾನ್ ರೊನಾಲ್ಡೊ ಥಾವ್ನ್ ಸ್ಯಾಂಡಲ್ ವುಡಾಚಾ ರಮ್ಯಾಚಿಂ tweet ಘೆಂವ್ಕ್ ವಡ್ಲ್ಯಾ ಮಾಫನ್ ಯುವಜಣ್ Twitter ಚೆ ಭಾಗ್ ಜಾಲ್ಯಾತ್. ಪುಣ್ ಹ್ಯಾ ಸಕ್ಕಡ್ ಆಧುನಿಕ್ ತಾಂತ್ರಿಕತೆಚೆಂ ತುಲನ್ ಕೆಲ್ಯಾರ್ , ಯುವಜಣಾಂಚೆರ್ ಚಡಿತ್ ಪ್ರಬಾವ್ ಗಾಲ್ನ್ ಆಸ್ಚೆಂ ಸಾಮಾಜಿಕ್ ತಾಣ್ ಂ ಚ್ Facebook ...!

ಆಜ್ ಕಾಂಯ್ ನಾ ಕಾಂಯ್ ನಾ ಮ್ಹುಳಾರ್ ಯೀ ಸುಮಾರ್ 600 ಮಿಲಿಯಾನ್ ಲೋಕ್ ಹ್ಯಾ ಸಂಸಾರಾಂತ್ Facebook ವಾಪಾರ್ತಾ. ತಾಂತುಂ ಯುವಜಣಾಂಚೊ ಪಾತ್ರ್ ಚ್ ಚಡ್. ಚಡಾವತ್ ಜಾವ್ನ್ ಸಬಾರ್ ಜಣ್ ಹ್ಯಾ Facebook ರ್ ಆಪ್ಲಿ ಖಾಸ್ಗಿ ಮಾಹೆತ್, ತಸ್ವಿರ್ಯೋ, ಕುಟ್ಮಾ ಜಿವಿತ್, ಆನಿಂ ಇತರ್ ತೀರ್ ಖಾಸ್ಗಿ ಮಾಹೆತ್ ವಾಂಟುನ್ ಘೆತಾತ್. ಥೊಡ್ಯಾ ವ್ಯಾಪ್ತಿಂತ್ ಹಿ ಏಕ್ ಕ್ರಾಂತ್ ಚ್ ವ್ಹಯ್. ಪುಣ್ ತಿತ್ಲ್ಯಾಚ್ ವಡ್ಲ್ಯಾ ಮಾಫನ್ ಆಜ್ ಹಿ ಖಾಸ್ಗಿ ಮಾಹೆತ್ ಅಂತರ್ ಜಾಳಿರ್ ದುಷ್ಕೃತ್ಯಾಂಕ್ ಕಾರಣ್ ಜಾಲ್ಯಾ. ಅಸ್ತಮೆಚಾ ದೇಶಾನಿಂ ಹೊ Facebook ದ್ವಾರಿಂ ಜಾಂವ್ಚಾ ಅಫ್ರಾದಾಂಕ್ ಥಂಚೆ ಸರ್ಕಾರ್ ಚ್ ಚಿಂತಾ ಜಾಲ್ಯಾತ್. ಫಕತ್ ಅಸ್ತಮೆಚಾ ದೇಶಾನಿಂ ಮಾತ್ರ್ ನ್ಹಂಯ್ , ಆಜ್ ಇಂಡಿಯಾಂತ್ ಯೀ Facebook crime ಚಡೊನ್ ಆಸಾತ್.

ಥೊಡ್ಯಾ ದಿಸಾಂ ಆದಿಂ ಆಮ್ಚಾಚ್ ಮಣಿಪಾಲ್ ಪೋಲಿಸ್ ಸ್ಟೇಷನಾಂತ್ , ಕೊಣೆಂ ಗೀ Facebook ರ್ ಅಪ್ಣಾಚೆಂ ಬನ್ವಾಟಿ profile ಕರ್ನ್ ಮಾನ್ ಹರಾಜ್ ಕರ್ನ್ ಆಸಾತ್ ಮ್ಹುಣ್ ಏಕಾ ಚೆಡ್ವಾನ್ ದೂರ್ ದಿಲ್ಲೆಂ ತುಮ್ಕಾಂ ಖಳಿತ್ ಆಸೊಂಕ್ ಪುರೊ. ಹೆಂ Facebook ಆಜ್ ಸಂಸಾರಾಚೆಂ ವಡ್ಲೆಂ ಏಕ್ database. ಫಕತ್ ತುಜಿ ಏಕ್ date of birth ಖಳಿತ್ ಜಾಲ್ಯಾರ್ ಯೀ ಸೈಬರ್ ಅಫ್ರಾದ್ಯಾಂಕ್ ತುಮ್ಚಿ ಖಾಸ್ಗಿ ಮಾಹೆತ್ ಥಂಯ್ ಥಾವ್ನ್ ಚೊರೊಂಕ್ ಜಾತಾ. ಮಾಗಿರ್ ತುಮ್ಚೆಂ ಫೋನ್ ನಂಬರ್ ಪುರಾ ದಿಂವ್ಚೆಂ ಅಸಾ ಪಳೆ ವಡ್ಲೆಂ ಅಪಾಯಾಕಾರಿ.... ಫೋಟೊಶಾಪಾ ತಶಲಿಂ ಅಧುನಿಕ್ ಸಾಪ್ಟ್ ವೇರಾಂಚಾ ಹ್ಯಾ ಕಾಳಾರ್ , ತುಮಿಂ Facebook ರ್ ಘಾಲ್ಲ್ಯೊ ತಸ್ವಿರ್ಯೊ , ಜಾಯ್ ಜಾಲ್ಲ್ಯಾ ಬರಿ edit ಜಾವ್ನ್ ತುಮ್ಚೆ ನಾಂವ್ , ಮಾನ್ ಪಾಡ್ ಜಾಂವ್ಕ್ ಪುರೊ. Facebook ರ್ ತುಮಿಂ ಖಂಚಿ ಯೀ ಏಕ್ ಫೋಟೊ upload ಕರ್ಚಾ ಪಯ್ಲೆಂ ಮಸ್ತ್ ಚಿಂತಿಜೆ. ಕಿತ್ಯಾಕ್ ಮ್ಹುಳ್ಯಾರ್ ಏಕ್ ಪಾವ್ಟಿಂ ತುಮಿ ತಿ upload ಕೆಲ್ಯಾರ್ , ಮಾಗಿರ್ ತುವೆಂ ತಿ delete ಕೆಲ್ಯಾರ್ ಯೀ ತಾಂಚಾ ಸರ್ವರಾಂತ್ ತಿ ಸಾಸ್ಣಾಕ್ ಭದ್ರ್ ಜಾವ್ನ್ ಆಸ್ತಾ ...
ತಶೆಂ ಜಾಲ್ಲ್ಯಾನ್ ಸೋಶಿಯಾಲ್ ನೆಟ್ ವರ್ಕ್ ವಾಪಾರ್ತಾಲ್ಯಾಂಕ್ ಏಕ್ bottom line. "ಕೊಣಾ ಕಡೆ" , "ಕಿತ್ಲಿ" ಜಾಯ್ ಪಡ್ತಾ ಪಳೆ ತಿತ್ಲಿ ಮಾತ್ರ್ ಮಾಹೆತ್ ವಾಂಟುನ್ ಘೆಯಾ ...!!!

ಸೊಶಿಯಾಲ್ ಇಂಜಿನಿಯಾರಿಂಗ್..! : ಕಿತೆಂ ? ಕಿತ್ಲೆಂ ಮಾರೆಕಾರ್ ?

(NAMAN BALLOK JESU..)

ತುಮಿ ಆಸ್ ಲ್ಲಿಂ ಇತ್ಲಿಂ ಪುರಾ ಯೀ ಇಂಜಿನಿಯಾರಿಂಗ್ ಆಯ್ಕಾಲ್ಯಾಂಯ್ ಮ್ಹುಣ್ ಚಿಂತಾ... ಪುಣ್ Social Engineering ವಿಶಿಂ ತುಮ್ಕಾಂ ಖಳಿತ್ ಆಸಾ ? ಸಾಂಗ್ ಲ್ಯಾ ಬರಿ ಹೆಂ Social Engineering ಕಾಂಯ್ ನವೆಂ ಪರಿಕಲ್ಪನ್ ನ್ಹಂಯ್...ಅಸಲ್ಲೆಂ ಇಂಜಿನಿಯಾರಿಂಗ್ ಶೆಕ್ಡಾಂ, ಶೆಕ್ಡಾಂ ವರ್ಸಾಂ ಆದಿಂ ಚ್ ಥಾವ್ನ್ ಆಸಾ. ಪುಣ್ ಅಂತರ್ ಜಾಳ್ (Internet) ಆಯ್ಲ್ಯಾ ಉಪ್ರಾಂತ್ ಹಾಚೆಂ ಚಿಂತ್ಪಾ ರೂಪ್ ಚ್ ಬದಲ್ಲಾಂ..! ಇತ್ಲ್ಯಾಕೀ ಹೆಂ ಹ್ಯಾ ತಾಂತ್ರಿಕ್ ಯುಗಾಂತ್ ಹೆಂ Social Engineering ಮ್ಹುಳ್ಯಾರೀ ಕಿತೆಂ ? ಆನಿಂ ತೆಂ ಕಿತ್ಲೆಂ ಮಾರೆಕಾರ್ ?

 ಖಂಚಾಯೀ ಏಕಾ ವ್ಯಕ್ತಿಚಿ ಗುಪಿತ್ ಮಾಹೆತ್, ಖಾಸ್ಗಿ ಜಿಣಿ ಆನಿಂ ಇತರ್ ಮಾಹೆತ್ ಚೊರುಂಕ್ hack ಕರ್ಚೆಂ ಹ್ಯಾ ಅಂತರ್ ಜಾಳಿ ಕಾಳಾರ್ ಸಾಮಾನ್ಯ್ ಜಾಲಾಂ. ತುಮ್ಚೆ Password ದರ್ನ್ ತುಮ್ಚಾ ಬ್ಯಾಂಕಾಚೆಂ ಏಕಾಂವ್ಟ್ ನಂಬರ್, ಕ್ರೆಡಿಟ್ ಕಾರ್ಡ್ ಮಾಹೆತ್ ಸೊರುನ್ ಕಾಡ್ಚೆಂ ಮಾಗಿರ್ ತಾಚೊ ವಾಯ್ಟ್ ಉಪಯೋಗ್ ಕರ್ಚೊ ಜಾಳಿರ್ ದಿಸಾನ್ ದೀಸ್ ಚಡುನ್ ಯೆತಾ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ , ಏಕ್ ಕಂಪ್ಯೂಟರ್ ಯಾ ಇತರ್ ಕಸಲೆಂ ಯೀ ಅಂತರ್ ಜಾಳಿ ಸಂಬದಿಂ ಖಾತೆ hack ಕರಿಜೆ ಜಾಲ್ಯಾರ್ ಏಕ್ ವಡ್ಲಿ ಕಂಪ್ಯೂಟರ್ ಸಂಬಂಧಿ ತಾಂತ್ರಿಕ್ ಗಿನ್ಯಾನ್ ಆಸಾಜೆ. ಪ್ರೊಗ್ರೆಮಾ ಕೋಡಿಂಗ್ ಕರ್ಚಿ ಸಕತ್ ಆಸಾಜೆ. ಹೆಂ ಕಾಂಯ್ ಸುಲಾಭಾಯೆಚೆಂ ಕಾಮ್ ನ್ಹಂಯ್. ಹ್ಯಾ ಕಾಮಾಕ್ ಮಸ್ತ್ ವೇಳ್ ಖರ್ಚಿಜೆ ಪಡ್ತಾ..! ಪುಣ್ ಆಜ್ ಜಾಳಿರ್ ಜಾಂವ್ಚಿ 80 % ಕೀ ಚಡ್ ಸೈಬರ್ ಅಪರಾಧ್ ಪ್ರಕರಣಾನಿಂ ಹಿ ಟೆಕ್ನೊಲೊಜಿ ವಾಪಾರಿನಾಸ್ತಾಂಚ್ ಫಕತ್ ಏಕಾ ವ್ಯಕಿಚಿ ಮಾನಸಿಕ್ ಸ್ಥಿತೆರ್ ಚ್ ಪರಿಣಾಮ್ ಗಾಲ್ನ್ ಸುಲಾಭಾಯೆನ್ ಗುಪಿತ್ ಯಾ ಖಾಸ್ಗಿ ಮಾಹೆತ್ ಚೊರ್ನ್ ಕಾಡ್ನ್ ಆಸಾತ್..! ವ್ಹಯ್ ಏಕಾ ವ್ಯಕ್ತಿಚಿ ಮಾನಸಿಕ್ ಸಕರ್ ಜಾಣಾಂ ಜಾವ್ನ್ ತಾಕಾ ಫಸಂವ್ಚಿ ಕಲಾಚ್ Social Engineering ...!!


ಅಂತರ್ ಜಾಳಿರ್ ಫಸಂವ್ಕ್ ಯಾ hacking ಕರುಂಕ್ ಫಕತ್ ತಾಂತ್ರಿಕಾತಾ ಕಿತ್ಯಾಕ್ ? ಹೆಂ Social Engineering ಂತ್ ಥಾವ್ನ್ಂ ಚ್ ಸುಲಾಭಾಯೆನ್ ಕರ್ಯೇತ್ ಮ್ಹುಣ್ ದಾಕಾವ್ನ್ ದಿಲ್ಲೆಂಚ್ ಕೆವಿನ್ ಮಿಟ್ನಿಕಾನ್.! ಏಕಾ ಕಾಳಾಚೊ ಭಯಂಕರ್ ಕಂಪ್ಯೂಟರ್ ಹ್ಯಾಕರ್ ಹೊ. ಪುಣ್ ಆಜ್ ತೊ ಕಂಪ್ಯೂಟರ್ ಸುರಕ್ಷೆ ವಿಶಿಂ ಏಕ್ ವ್ಹಡ್ ಮಸ್ಲತ್ದಾರ್ ಜಾವ್ನ್ ಪರಿವರ್ತನ್ ಜಾಲಾ. ಏಕಾ ರಿತಿನ್ ಕಂಪ್ಯೂಟರಾಚಾ Social Engineering ಚೊ ಬಾಪೊಯ್ ಮ್ಹುಣ್ ಕೆವಿನ್ ಮಿಟ್ನಿಕಾನ್ ಅಪಾವ್ಯೆತ್. ಹಾಣೆಂ ಹ್ಯಾ ಸಂಬಂಧಿ ಸಬಾರ್ ಬೂಕ್ ಬರಯ್ಲ್ಯಾತ್..! ಕಂಪ್ಯೂಟರ್ ತಶೆಂ ಜಾಳಿ ಸುರಕ್ಷೆ ವಿಶಿಂ ಹೆ ಬೂಕ್ ಬೋವ್ ಉಪ್ಕಾರಿ ಜಾಂವ್ಕ್ ಪಾವ್ಲ್ಯಾತ್...

ಹೆ ಕಂಫ್ಯೂಟರಾ ಥಾವ್ನ್ ಗುಪಿತ್ ಮಾಹೆತ್ ಸೊರ್ನ್ ಕಾಡ್ಚೆ, ಸೈಬರ್ ಅಫ್ರಾದ್ ಕರ್ಚೆ , ಪಾಸ್ ವರ್ಡ್ hack ಕರ್ಚೆ ಆಸಾತ್ ಪಳೆ , ತೆ ಫಕತ್ ತಾಂತ್ರಿಕ್ ಗಿನ್ಯಾನಿ ನ್ಹಂಯ್... ಏಕ್ ವಡ್ಲೆ ಸೈಕೊಲೊಜಿಸ್ಟ್ ಯೀ ವ್ಹಯ್..! ಫಕತ್ ತುಜೆಂ ಏಕ್ facebook ಏಕಾಂವ್ಟ್ ಪಳೆವ್ನ್ಂಚ್ ತುಂ ಅಸಲ್ಲೊ ಚ್ ಮನಿಸ್ , ತುಜಿ ಕಾಮ್ಜೊರಿ ತಿತೆಂ ? ತುಕಾ ಕಶೆಂ ಫಸವ್ಯೇತ್ ಮ್ಹುಣ್ ತಾಂಕಾ ಖಳಿತ್ ಜಾತಾ..! ಆಜ್ ಕಾಲ್ ಕಿತೆಂ ಜಾಲಾಂ ಮ್ಹುಳ್ಯಾರ್ ಯುವಜಣಾಂ facebook ತಸಲ್ಯಾ ಸಾಮಜಿಕ್ ತಾಣಾರ್ ಅಪ್ಲಿ ಖಾಸ್ಗಿ ಜಿಣಿ ಪುರಾ ವಾಂಟುನ್ ಘೆತಾತ್. ತುಜೆ ಥಾವ್ನ್ ಮೆಳ್ ಲ್ಲಿ ಇತ್ಲಿಶಿ ಯೀ ಮಾಹೆತ್ ಪರಿಶೀಲನ್ ಕರ್ನ್ , ತುಜಿ ಮನಸ್ಥಿತಿ ಕಸಲಿ ಮ್ಹುಣ್ ಸಮ್ಜೊನ್ ಘೆವ್ನ್ , ಸೈಬರ್ ದಾಡ್ ಗಾಲುಂಕ್ ಸಕ್ತಾತ್ ಹೆ hackers..!


ದಾಕ್ಲ್ಯಾಕ್ ಪಳೆಯಾ... ತುಜೊ Gmail ಖಾತ್ಯಾಚೊ ಪಾಸ್ ವರ್ಡ್ ಚೊರುನ್ ತುಜೆ ವಿಶ್ಯಾಂತ್ ಗುಪಿತ್ ಮಾಹೆತ್ ಘೆಜೆ ಮ್ಹುಣ್ ಕೊಣೆಂ ಯೀ ಚಿಂತುಂಕ್ ಪುರೊ. ಅಪ್ಲ್ಯಾ ಗರ್ಲ್ ಫ್ರೆಂಡಾಕ್ ಯಾ ಬಾಯ್ ಫ್ರೆಂಡಾಕ್ ದುಸ್ತ್ರೆ ಕಸಲೆಯೀ ಸಂಬಂಧ್ ಆಸಾತ್ ಗೀ ಮ್ಹುಣ್ ಪಳೆಂವ್ಕ್ ತಾಂಚೊ Gmail ಖಾತ್ಯಾಚೊ ಪಾಸ್ ವರ್ಡ್ ಚೊರಿಜೆ ಮ್ಹುಣ್ ಕೋಣ್ ಯೀಂ ಚಿಂತಾ ಜಾಂವ್ಕ್ ಪುರೊ. ಏಕ್ ಸಾಮಾನ್ಯ್ Social Engineering ವಾಪರ್ನ್ ತೊ ಪಾಸ್ ವರ್ಡ್ ಚೊರುಂಕ್ ವಿಫಲ್ ಜಾಲ್ಯಾ ಉಪ್ರಾಂತ್ ಚಡಾವತ್ ಲೋಕಾನಿಂ ವಿಂಚುನ್ ಕಾಡ್ಚೆಂ ಅಂತರ್ ಜಾಳಿರ್ ಆಸ್ಚಾ ಸುಫಾರಿ ಹ್ಯಾಕಾರಾಂಕ್. ತಾಕಾ ತುವೆಂ ಇತ್ಲೊಚ್ ಪಯ್ಸೊ ದೀಂವ್ಕ್ ಆಸ್ತಾ. ಸುಫಾರಿ ಹ್ಯಾಕಾರಾಂಕ್ ಜಾಳಿರ್ ಹೊಚ್ ದಂಧೊ. ಚಿಂತ್ಯಾಂ ಹ್ಯಾಕಾರಾಕ್ abcd@gmail.com ಮ್ಹುಳ್ಳೊ ಇಮೈಲ್ ಐಡಿ ಹ್ಯಾಕ್ ಕರುಂಕ್ ಸುಫಾರಿ ದಿಲ್ಯಾ ಮ್ಹುಣ್ ಚಿಂತ್ಯಾಂ. ಗೂಗಲಾಚೆಂ gmail ಖಾತೊ ಹ್ಯಾಕ್ ಕರ್ಚೊ ತಿತ್ಲೊ ಸುಲಭ್ ನಾಂ. gmail ಂತ್ ಮಸ್ತ್ ಭದ್ರತಿ ಆಸಾ. ತೆನ್ನಾ ಹ್ಯಾಕಾರಾನಿಂ ವಾಪಾರ್ಚೆ ಥೊಡೆ Social Engineering ಟ್ರಿಕ್ಸ್ ಪಳೆಯಾ ...

ಹೊ ಹ್ಯಾಕಾರ್ facebook ರ್ abcd@gmail.com ಮ್ಹುಣ್ ಸೊದ್ನಾಂ ಕರ್ತಾ. ತುಮ್ಕಾಂ ಖಳಿತ್ ಆಸಾ ಆಜ್ ಚಡಾವತ್ ಜಾವ್ನ್ ಹರ್ಯೇಕಾಂ ಕಡೆ facebook ಖಾತೊ ಆಸ್ತಾ. ತುಜ್ಯಾ ವಿಶ್ಯಾಂತ್ ಕಸ್ಲಿ ಪುರಾ ಮಾಹೆತ್ ಮೆಳ್ತಾ ಪಳೆ ತೆಂ ಎಕ್ಟಾಯ್ ಕರ್ತಾ. ತುಜಿ ಜಲ್ಮಾ ತಾರೀಕ್ ಖಂಚಿ, ತುಜಿ ಬದ್ಲಿ ಇಮೈಲ್ ಐಡಿ ಖಂಚಿ, ತುಜೆ ಫ್ರೆಂಡ್ಸ್ ಪುರಾ ಕೋಣ್.. ...ಆಶೆಂ. ಆತಾಂ ತುಜಿ ಬದ್ಲೆಚಿ ಇಮೈಲ್ ಐಡಿ abcd@yahoo.com ಮೆಳ್ಳ್ಯಾ ಮ್ಹುಣ್ ಚಿಂತ್ಯಾಂ. ತೊ ಹ್ಯಾಕಾರ್ ತುಜ್ಯಾ yahoo ಖಾತ್ಯಾಚೊ ಪಾಸ್ ವರ್ಡ್ ಹ್ಯಾಕ್ ಕರ್ತಾ. ಕಿತ್ಯಾಕ್ ಮ್ಹುಳ್ಯಾರ್ gmail ತಿತ್ಲಿ ಭದ್ರತಿ Yahoo ಂತ್ ನಾ ! ಆನಿಂ ಚಡಾವತ್ ಲೋಕ್ ಸಕ್ಕಡಿ ಲೋಕ್ ಅಪ್ಲ್ಯಾ ಸಕ್ಕಡಿ ಇಮೈಲಾಂಕ್ ಎಕ್ ಚ್ ಪಾಸ್ ವರ್ಡ್ ದವರ್ತಾತ್. ತಶೆಂ ಜಾಲ್ಲ್ಯಾನ್ gmail ಚೊ ಪಾಸ್ ವರ್ಡ್ ಮೆಳ್ಳ್ಯಾ ಬರಿಚ್..! ಹೆಂ ಫಕತ್ ಏಕ್ ಸರಳ್ Social Engineering ಟ್ರಿಕ್ಸ್.


ತುಜೆ ಫ್ರೆಂಡ್ಸ್ ಕೋಣ್ ಮ್ಹುಣ್ ಖಳಿತ್ ಜಾಲ್ಯಾರ್, ತುಂ ಖಂಯ್ ಕಾಮ್ ಕರ್ತಾಯ್ ಮ್ಹುಣ್ ಖಳಿತ್ ಜಾಲ್ಯಾರ್ ತುಜ್ಯಾ ಪ್ರೆಂಡ್ಸಾಚಾ ಇಮೈಲ್ ಐಡಿ ಥಾವ್ನ್ಂಚ್ spoof ಇಮೈಲ್ ದಾಡ್ನ್ ಫಸಂವ್ಕ್ ಯೀ ಹ್ಯಾ ಹ್ಯಾಕಾರಾಂಕ್ ಖಳಿತ್ ಆಸಾ. ಥೊಡೆ ಪಾವ್ಟಿಂ phishing ತಸಲಿ ಬನ್ವಾಟಿ ವಿದ್ಯಾ ಪ್ರಯೋಗ್ ಕರ್ನ್ ತುಮ್ಚೊ ಇಮೈಲ್ ಐಡಿ ಹ್ಯಾಕ್ ಕರ್ತಾತ್. ಬ್ಯಾಂಕ್ ಎಕೌಂಟ್ ಚೊರ್ತಾತ್. ರಾಸ್ ರಾಸ್ ಟ್ರಿಕ್ಸ್ ಅಸಾತ್ ಹ್ಯಾಕಾರಾಂ ಕಡೆ..! ತೆ ಸಕ್ಕಡಿ ಬರಯ್ಲ್ಯಾರ್ ವಡ್ಲೆ ಬೂಕ್ ಚ್ ಜಾತಾತ್.


ಸೂಕ್ಷ್ ಮಾಹೆತ್ ಜಾಳಿರ್ ವ್ಯವಹಾರ್ ಕರ್ಚಾಂಕ್ ಟಿಪ್ಸ್ ಮ್ಹುಳ್ಯಾರ್... ಪರ್ಕಿ ಮನ್ಶ್ಯಾ0 ಕಡೆ ಜಾಳಿರ್ ಸಂಬಂಧ್ ದವರಿನಕಾತ್. ಖಳಿತ್ ನಾತ್ ಲ್ಯಾ ಜಾಳಿ ಜಾಗ್ಯಾಂಕ್ ಬೆಟ್ ದಿನಾಕಾತ್. ಖಳಿತ್ ನಾತ್ ಲ್ಲೆಂ ಅಪ್ಲಿಕೇಶಾನ್ ಇನ್ಸ್ಟಾಲ್ ಕರಿನಕಾತ್. ಆನಿಂ ನಿಮಾಣೆಂ ... ಏಕ್ ಬರೆಂ Antivirus ಸಾಪ್ಟ್ ವೇರ್ ಮೊಲಾಕ್ ಘೆವ್ನ್ ತುಮ್ಚಾ ಕಂಪ್ಯೂಟರಾಂತ್ ಇನ್ಸ್ಟಾಲ್ ಕರಾತ್ ...!!


*******
ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಯಡಿಯೂರಪ್ಪಾ ಜೋಕ್ಸ್ Part 2, ಅನಿಂ ಥೊಡ್ಯೊ ಇತರ್ ಕಾಣಿಯೊ,,,,,,

ಗೆಲೆತ್ಯಾ ವರ್ಸಾ ಯಡಿಯೂರಪ್ಪಾ ವಿಶಿಂ ಹಾವೆಂ ಹಾಂಗಾ ಬರಯ್ತಾನಾ ತೊ ವಿಧಾನಾ ಸೌದಾಂತ್ ಆಸ್ ಲ್ಲೊ. ವಿಪರ್ಯಾಸ್ ಪಳೆಯಾ , ಹ್ಯಾ ಪಾವ್ಟಿಂ ತಾಚೆ ವಿಶಿಂ ಬರಯ್ತಾನಾ ತೊ ಪರಪ್ಪನ ಅಗ್ರಹಾರಾಂತ್ ಆಸಾ.! ಇತ್ಲ್ಯಾ ವೆಗ್ಗಿಂ ಹೊ ಯಡಿಯೂರಪ್ಪಾ ಪರಪ್ಪನ ಅಗ್ರಹಾರಾಂತ್ ಬಸ್ತಾ ಮ್ಹುಣ್ ಹಾಂವೆಂ ಚಿಂತುಕ್ ಚ್ ನಾ. ಬನಾನಾ ರಿಪಬ್ಲಿಕಾಂತ್ ಹೆಂ ಪುರಾ ಜಾತಾ ಗೀ ಮ್ಹುಣ್ ಮ್ಹಕಾ ಭರ್ವಸೊ ಚ್ ನಾತ್ ಲ್ಲೊ. ಪುಣ್ ಆಮ್ಚಾ ಡೆಮೊಕ್ರಾಸಿಂತ್ ಅನಿಕೀ ನಿತಿವಂತ್ ಮನಿಸ್ ಆಸಾತ್ ಪಳೆ.. ಕಿತ್ಲೆ ಯೀ ಕೊರೊಡ್ ಉಡಾಯ್ತಾಂ ಮ್ಹುಳ್ಯಾರ್ ಯೀ ಅಪ್ಣಾಕ್ ಚ್ ವಿಕೊಂಕ್ ಸೊಡಾನಾತ್ಲೆ ಸುಧೀಂದ್ರಾ ರಾವ್ ತಸಲೆ ಜಡ್ಜ್ ಆಸಾತ್. ತ್ಯಾ ಡೆಲ್ಲಿ ಥಾವ್ನ್ ವಿಶೇಷ್ ವಿಮಾನ್ ದಾಡ್ನ್ " ನಡೆದಾಡುವಾ ಕಾನೂನು ಕೋಶ" ಮ್ಹುಣ್ಚಾ ತಸಲ್ಯಾ ವಕೀಲಾಂಕ್ ಹಾಡ್ ಲ್ಯಾರ್ ಯೀ ಯಡ್ಡಿಕ್ ಜಾಮೀನ್ ಮೆಳೊಂಕ್ ನಾ. ನಿಮಾಣೆಂ ಪರಪ್ಪನ ಅಗ್ರಹಾರಾಚ್ ಗತ್ ಜಾಲಿ ಯಡ್ಡಿ ಕ್.

**********

ಹೆಂ ಕಾಕತಾಳೀಯ್‌ಪಣ್ ಗೀ ಯಾ ವಿಪರ್ಯಾಸ್ ಗೀ ಮ್ಹುಣ್ ಖಳಿತ್ ನಾ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ, ಮಂಗ್ಳೂರಾಂತ್ ಜಾಲ್ಯಾ ಇಗರ್ಜೆ ವಯ್ಲ್ಯಾ ಅಕ್ರಮಣಾಂ ಉಪ್ರಾಂತ್ ಇತ್ಲ್ಯಾಯೀ ಆಮ್ಚಾ ಕಿರಿಸ್ತಾಂವ್ ಯುವಜಣಾಂ ವಯ್ರ್ ಕೇಸಿ ಗಾಲ್ಯೊ. ತ್ಯೊ ಪಾಟಿಂ ಕಾಡಾ ಮ್ಹುಣ್ ಅಮ್ಚಾ ಸಮುದಾಯೆನ್ ಸುಮಾರ್ ಏಕ್ ಡಜನ್ ಪಾವ್ಟಿಂ ಯಡಿಯೂರಪ್ಪಾ ಕಡೆ ವಿನವ್ಣ್ಯೊ ಕೆಲ್ಲ್ಯೊ. ಆಜ್ ಕಾಡ್ತಾಂ, ಫಾಲ್ಯಾ ಕಾಡ್ತಾಂ ಮ್ಹುಳ್ಯಾ ಯಡಿಯೂರಪ್ಪಾನ್ ಕಡೆಕ್ ಕೆಲ್ಲೆಂ ಕಾಂಯ್ ಚ್ ನಾ.


ಪುಣ್ ಆಜ್ ಪಳೆಯಾ... ಲೋಕಾಯುಕ್ತಾ ಕೊರ್ಟಾಂತ್ ದಿಲ್ಯಾ ನ್ಯಾಯಾಂಗ್ ಕಯ್ದೆ ವಿರೋಧ್ ಹೈಕೊರ್ಟಾಂತ್ ಅಮ್ಚೊ ಚ್ ಜಡ್ಜ್ ಬಿ.ವಿ. ಪಿಂಟೊ ಮುಖಾರ್ ಜಾಮೀನ್ ದಿಯಾ ಯಡಿಯೂರಾಪ್ಪಚೆ ವಕೀಲ್ ಮಾಗೊನ್ ಆಸಾತ್..!! ಹ್ಯಾ ಚೊರಾಕ್ ಬಿ.ವಿ. ಪಿಂಟೊ ಜಾಮೀನ್ ದಿತಾ ಗೀ ಪಳಯ್ಜೆ.


************


ಹೆಂ ಏಕ್ ಟ್ವೀಟ್ ಹಾವೆಂ ವಾಚ್ ಲ್ಲೆಂ. ಅದಿಕಾರಾಂತ್ ಆಸ್ತಾನಾ ಯಡ್ಡಿ ಜಮೀನು ಜಮೀನು ಮ್ಹುಣ್ ಆಸ್ ಲ್ಲೊ. ಅತಾಂ ತೊ ಜಾಮೀನು ಜಾಮೀನು ಮ್ಹುಣೊನ್ ಆಸಾ...!


*********

ಯಡಿಯೂರಾಪ್ಪಾ ಜೈಲಾಕ್ ಗೆಲ್ಲ್ಯಾ ದುಸ್ತ್ರ್ಯಾ ದಿಸಾ , ಮಾಧ್ಯಮಾಚಾ ಮುಖ್ ಪಾನಾನಿಂ ವರ್ಣರಜಿಂತ್ ಮಾತಾಳಿಂ ಆಯ್ಲಿಂ. Times of India ಮ್ಹುಣಾಲೆಂ.. "ದಕ್ಷಿಣ್ ಭಾರತಾಚಾ ದಾರ್ವಾಟ್ಯಾ ಥಾವ್ನ್ ಪರಪ್ಪನಾ ಅಗ್ರಹಾರಾಚಾ ದಾರ್ವಾಟ್ಯಾ ಮ್ಹುಣಾಸರ್ ಮ್ಹುಣಾಲೆಂ. ವಿಶ್ವೇಶ್ವರ್ ಭೊಟಾಚಾ ಕನ್ನಡ ಪ್ರಭಾಂತ್ ಹಾವೆಂ ನಿರೀಕ್ಷಣ್ ಕೆಲ್ಲ್ಯಾಚಾ ಕೀ ಚಡ್ ವಿಭಿನ್ನಾತಾ ಆಸ್ ಲ್ಲಿ. ಸಗ್ಳೆಂ ಮುಖ್ ಪಾನಾರ್ ಚ್ ಯಡ್ಡಿ ಜೈಲಾಂತ್ ಬಸ್ ಲ್ಲ್ಯಾ ಬರಿ ಕೆಲ್ಲಿ ತಸ್ವೀರ್ , ಬಗ್ಲೆಕ್ "ಪರಪ್ಪಾ ಕಾಯೋ ತಂದೆ.." ಮ್ಹುಳ್ಳೆಂ ಏಕ್ ಮುಖಾಳೆಂ. ಕಾನಾಡಿ ಪತ್ರಾನಿಂ ಹಾವೆಂ ಹಾಚಾ ಪಯ್ಲೆಂ ತಸಲೆಂ ಏಕ್ ಮುಖ್ ಪಾನಾಚಿ ನಿರಿಕ್ಷಣ್ ಕರುಂಕ್ ನಾತ್ ಲ್ಲೆಂ. ಪುಣ್ ತೊ ಅನ್ಯೇಕ್ ಚಡ್ಡೇಗಾರ್ ಅನಂತ್ ಕುಮಾರಾಚೊ ರಾಜಕೀಯ್ ಕಾರ್ಯಾದರ್ಶಿ ಜಾವ್ನ್ ಆಸ್ ಲ್ಲೊ ನೇ? ( ಅನಂತ ಕುಮಾರ್ ಮಂತ್ರಿ ಜಾವ್ನ್ ಆಸ್ತಾನಾ). ದೆಕುನ್ಂಚ್ ತಾಣಿಂ ಯಡ್ಡಿಚಿ ಚಡ್ಡಿ ಚ್ ಕಾಡ್ನ್ ಸೊಡ್ಲಿ ...! ಸ್ಟೀವ್ ಜೋಬ್ಸ್ ಮರಣ್ ಪಾವ್ತಾನಾ ಅಂತರಾಶ್ಟೀಯ್ ಮ್ಯಾಗಾಜಿನಾನಿಂ , ದಿಸಾಳ್ಯಾನಿಂ ತಾಕಾ ಶ್ರದ್ದಾಂಜಾಲಿ ಬೆಟಾಂವ್ಕ್ ಸಗ್ಳೆಂ ಮುಖ್ ಪಾನ್ ತಾಕಾ ಸಮರ್ಪಿಲ್ಲೆಂ. ಪುಣ್ ಇಂಡಿಯಾಂತ್ ಏಕ್ ಚಡ್ಡಿ ಝಾಡುನ್ ಗೆಲಿ ಮ್ಹುಣ್ ಅನ್ಯೇಕ್ ಚಡ್ಡಿ ಖುಶ್ ಜಾಲಿ...!!


*********

ಜೈಲಾಂತ್ ಗೆಲ್ಯಾ tension ಂತ್ ರೆಣುಕಾಚಾರ್ಯಾನ್ ದಿಲ್ಲೊ ನೈಂಟಿ ಗಾಲ್ನ್ ಟೈಟ್ ಜಾಲ್ಲ್ಯಾ ಯಡಿಯೂರಾಪ್ಪಾಕ್ ಪಳೆಂವ್ಕ್ ಕಾವಿ ನೈಟಿ ಗಾಲ್ನ್ ಆಯ್ಲ್ಯಾ ಲಿಂಗಾಯಾತ್ ಸೊಮ್ಗುಳಾಂಕ್ ಕಿತೆಂ ಮ್ಹುಣಿ ಜೆ? ಇತ್ಲ್ಯಾಕೀ ತ್ಯಾ ಮ್ಹಾತಾರೊ "ಚಲ್ಚೊ ದೇವ್" ಸಿದ್ದಲಿಂಗ ಶಿವಕುಮಾರ್ ಸ್ವಾಮಿಕ್ ಕಿತೆಂಮ್ಹುಣ್ಚೆಂ ?? ಮದರ್ ತೆರೆಸಾಕ್ ನೊಬೆಲ್ ದಿಲ್ಲೆಂ ಕಿತ್ಯಾಕ್ ? ತಾಚಾ ಬದ್ಲಾಕ್ ಸಿದ್ದಲಿಂಗ ಸೊಮ್ಗೊಳಾಕ್ ದಿಜೆ ಮ್ಹುಣೊನ್ ಆಸ್ ಲ್ಲೊ ತೊ ಬೈರಪ್ಪಾ ಮ್ಹುಳ್ಳೊ ಮಹಾನ್ ಚಡ್ಡೇಗಾರ್ . ಭೂಂಯ್ ಚೊರ್ನ್ ಪರಪ್ಪಾನಾ ಅಗ್ರಹಾರಾಂತ್ ಆಸ್ಚಾ ಚೊರಾಚಿ ಭಲಯ್ಕಿ ವಿಚಾರುಂಕ್ ಆಯ್ಲ್ಯಾ ಹ್ಯಾ ಸೊಮ್ಗೊಳಾಕ್ ನೊಬೆಲ್ ದಿಜೆ ಗೀ ...!!! :) ಕಳ ಬೇಡಾ ಕೊಲಾ ಬೇಡಾ, ಹುಸಿಯಾ ನುಡಿಯಾ ಬೇಡಾ ...ಮುಳ್ಳ್ಯಾ ಬಸವಣ್ಣನ್ ಯಕಡ್ಡಾ ದಲ್ಲಿ ಹೊಡೆಯಬೇಕು ಮ್ಹುಳ್ಳೆಂ ಹ್ಯಾಚ್ ನೈಟಿ ಗಲ್ಯಾ ಸೊಮ್ಗುಳಾಂಕ್ ನೇ ? ಆಶೆಂ ಮ್ಹುಣ್ ಮ್ಹುಣಾಲೊ ಅನ್ಯೇಕ್ ಕಾನಾಡಿ ಪತ್ರ್ ಕಾರ್..!

 ********


ವಿಧಾನಾ ಸೌದಾ ಥಾವ್ನ್ ಕೇಶವ ಕ್ರಪಾ ಮ್ಹುಣಾಸರ್ ವೊಲ್ವೊ ಬಸ್ ಕರಿಜೆ ಮ್ಹುಣ್ತಾತ್ ಬಿಜೆಪಿ ವಿರೋದ್ ಗಾರ್. ಹಾಂವೆಂ ಸಾಂಗ್ಚೆಂ ಕೇಶವ ಕ್ರಪಾ ಥಾವ್ನ್ ಪರಪ್ಪನ ಅಗ್ರಹಾರಾಕ್ ಕಿತ್ಯಾಕ್ ವೊಲ್ವೊ ಬಸ್ಸಾಚಿ ಮಾಂಡಾವಳ್ ಕರುಂಕ್ ನುಜೊ. ? ಆಜ್ ಕಾಲ್ ಪರಪ್ಪನಾ ಅಗ್ರಹಾರಕ್ ಚಲ್ಚೆ ಪುರಾ ಕೇಶವ ಕ್ರಪಾ ಥಾವ್ನ್ ಉತ್ಪನ್ನ್ ಜಾಲ್ಲೆ ಶಿಖಂಡಿ...!!!


**********


ಅಂತಿಮ್ ಉತ್ರಾಂ ... ಯಡ್ಡಿ ಪರಪ್ಪಾನಾ ಅಗ್ರಹಾರಾಂತ್ ಆಸಾ. ರೆಡ್ಡಿ ಚಂಚಲಾಗುಡ್ಡಾಂತ್ ಆಸಾ.... ಚಡ್ಡಿ ಕಂಚಾ ಗುಡ್ಡಾಂತ್ ಆಸಾ...!!!! ???????????????


*************


_ ಪ್ರಮೋದ್ ಹೊಸ್ಪೆಟ್






ಯಡ್ಯೂರಪ್ಪಾ ಜೋಕ್ಸ್ ...!!! Part 1..!!

ಸ್ಕ್ಯಾಂಡಲ್ ಬ್ಯಾಂಡ್ ....!!

  Sangathi Mithr Feb 2011

ಇಂಡಿಯಾ ಮ್ಹುಣ್ಚಾ scandal ಪರ್ಜೆ ರಾಜ್ಯಾಂತ್ ಆಸ್ಚ್ಯಾ ಸಬಾರ್ ಬಾನ್ಗಡಿ ಸಂಸ್ಥ್ಯಾ ಮಧೆಂ ISRO ವಯ್ರ್ ಸಭಾರ್ ಲೊಕಾಕ್ ಅಭಿಮಾನ್ ಆಸ್ ಲ್ಲೊ. ಇಂಡಿಯಾ ಶೈನ್ ಜಾವ್ನ್ ಆಸಾ ಪಳೆ ಮ್ಹುಣ್ ಏಕ್ ಡಜನ್ ಉಪಗ್ರಹಾಂ ಭೂಂಯ್ ಕಕ್ಷೆರ್ ತಶೆಂಚ್ ಚಂದ್ರಾಚಾ ಕಕ್ಷೆರ್ ದಾಡ್ನ್ ಸಂಸಾರಾಕ್ ಖಳಿತ್ ಕರ್ಚೆಂತ್ ಹ್ಯಾ ಇಸ್ರೊನ್. ಆಜ್ ಇಸ್ರೊಚಿಂ ಸರಿಸುಮಾರ್ ಏಕ್ ಡಜನ್ ಉಪಗ್ರಹಾಂ ಅಂತ್ರಾಳಾರ್ ಆಸಾತ್. ಹಿಂ ಉಪಗ್ರಹಾಂ , ಆಮ್ಚ್ಯಾ TV, ರೇಡಿಯೊ, ಮೊಬೈಲ್ ಪೊನಾಂ, ಶಿಕ್ಪಾ ಕ್ಷೇತ್ರಾಂತ್ , ವೈದ್ಯಕೀಯ್ ಕ್ಷೇತ್ರಾಂತ್ ಸೆವಾ ದೀವ್ನ್ ಆಸಾತ್. ಅಸಲ್ಲಿ ಪುರಾ ಸೆವಾ ಮೆಳ್ಚಿ ಉಪಗ್ರಹಾಂತ್ ಆಸ್ ಲ್ಲ್ಯಾ ಟ್ರಾನ್ಸ್ ಪೊಂಡಾರಾ ಥಾವ್ನ್. ಹೆ ಟ್ರಾನ್ಸ್ ಪೊಂಡಾರ್, ರೇಡಿಯೊ ಸಿಗ್ನಲಾ೦ಕ್ ವಿವಿಧ್ ನಮೂನೆಚಾ ತರಂಗ್ ಪಟ್ಟೆ (frequency band) ದ್ವಾರಿಂ ದಾಡುಂಕ್ ಯಾ ಸ್ವೀಕ್ರತ್ ಕರುಂಕ್ ಸಕ್ತಾತ್. ಕಸಲೆ ಪುರಾ frequency band ಆಸಾತ್ ? C-band, extended C-band, Ku -band , Ka-band ....ಆಸಾಲೆ ಪುರಾ ಆಸಾತ್. ಹಾಚೆ ಸಾಂಗಾತಾ ಆನ್ಯೇಕ್ ಆಸಾ . ತೊಚ್ S -band . ಹ್ಯಾ S -band ಕ್ ವಜ್ರಾಚಾ ಕೀ ಚಡ್ ಮೋಲ್ ಆಸಾ...ಕಿತ್ಯಾಕ್ ಮ್ಹುಳ್ಯಾರ್ ಹೆಂ ಪುರಾ 3G, 4G, 5G ... ಮ್ಹುಣ್ತಾತ್ ಪಳೆ, ಆಸಲ್ಲ್ಯೊ ಪುರಾ ಸೆವಾ ದಿಂವ್ಕ್ ಹೆಂಚ್ S -band ಜಾಯ್ಜೆ ..!

ಇಂಡಿಯಾಂತ್ Department of Space ( DOS) ಮ್ಹುಳ್ಳೊ ಏಕ್ ಸಂಸ್ಥೊ ಆಸಾ. ಖಂಚಿ ಉಪಗ್ರಹಾಂ ದಾಡ್ಚಿಂ , ಟ್ರಾನ್ಸ್ ಪೊಂಡಾರಾಂ ಕೊಣಾಕ್ ವಿಕ್ಚಿಂ ಮ್ಹುಳ್ಳೊ ನಿರ್ಧಾರ್ ಕರ್ಚೊ ಹಾಣಿಂ. International Telecommunication Union (ITU) ಮ್ಹುಳ್ಳ್ಯಾ ಅಂತರಾಷ್ಟ್ರೀಯ್ ಸಂಸ್ಥ್ಯಾನ್ ಇಂಡಿಯಾಕ್ ಮ್ಹುಣ್ 190 MHz ತಿತ್ಲೊ S -band ಕ್ ಜಾಗೊ ದಿಲಾ. ಹಾಂತು೦ DOS ಕ್ 150 Mhz ತಿತ್ಲೊ ಜಾಗೊ ಸುಮಾರ್ ತೀಸ್ ವರ್ಸಾಂ ಆದಿಂಚ್ ಮೆಳ್ಳಾ. ಹ್ಯಾ ಜಾಗ್ಯಾಕ್ ಕಿತ್ಲೆಂ ಮೋಲ್ ಆಸಾ ? ಗೆಲೆತ್ಯಾ ದಿಸಾನಿಂ ಆಮ್ಚ್ಯಾ BSNL ನ್ ಸುಮಾರ್ ಬಾರಾ ಹಜಾರ್ ಕೊರೊಡ್ ದೀವ್ನ್ 20 Mhz ತಿತ್ಲೊ ಜಾಗೊ ಆಪ್ಲ್ಯಾ ಬ್ರಾಡ್ ಬ್ಯಾಂಡ್ ತಶೆಂ ಇತರ್ ಸೆವೆ ಖಾತಿರ್ ಘೆತ್ಲೊ. 2G ಸ್ಪೆಕ್ಟ್ರಮ್ ಮ್ಹುಳ್ಳ್ಯಾ so called 1.76 ಲಾಕ್ ಕೊರೊಡಾಚಾ ಘೊಟಾಳ್ಯಾಂತ್ ವಾಪಾರ್ಲೊ ತರಂಗ್ ಜಾಗೊ ಫಕತ್ 4.4 MHz . ಮಾಗಿರ್ ಪೋಯ್ರ್ ಪೋಯ್ರ್ ಜಾಲ್ಲ್ಯಾ 3G ತರಂಗಾಂ ವಿಕ್ರ್ಯಾಪಾಕ್ ಘಾಲ್ನ್ ಸರ್ಕಾರಾಕ್ ಮೆಳ್ಳೊ ಆದಾಯ್ ಸುಮಾರ್ 70 ಹಜಾರ್ ಕೊರೊಡ್ . ಹಾಚೆ ಖಾತಿರ್ ವಾಪಾರ್ಲೊ ತರಂಗ್ ಜಾಗೊ ಫಕತ್ 50 MHz ಮಾತ್ರ್..!!

ಹೆಂ S -band ಸ್ಕ್ಯಾಂಡಲ್ ಬ್ಯಾಂಡ್ ಕಶೆಂ ಜಾಲೆಂ ? ತುಮ್ಕಾಂ ಖಳಿತ್ ಆಸೊಂಕ್ ಪುರೊ... ISRO ಕ್ ANTRIX ಮ್ಹುಳ್ಳೊ ಕಮರ್ಷಿಯಲ್ ಅಂಗ್ ಸಂಸ್ಥೊ ಆಸಾ. ಇಸ್ರೊಚೆಂ ವ್ಯಾಪಾರ್ , ವೆವಹಾರ್ ಪಳೆಂವ್ವ್ಚೊ ಪುರಾ ಹ್ಯಾ ಸಂಸ್ಥ್ಯಾನ್. ಅತಾಂ ಆಸ್ಚೊ ಅರೋಪ್ , ಮುಳ್ಯಾ ರ್ ಹ್ಯಾ ANTRIX ನ್ ದೇವಾಸ್ ಮಲ್ಟಿಮೀಡಿಯಾ ಮ್ಹುಳ್ಳ್ಯಾ ಏಕಾ ಖಾಸ್ಗಿ ಸಂಸ್ಥ್ಯಾಕ್ 70 MHZ ತಿತ್ಲಿ ತರಂಗ್ ಪಟ್ಟಿ ವಿಕ್ಲ್ಯಾ. ಪಕತ್ ಏಕ್ ಹಜಾರ್ ಕೊರೊಡ್ ರೂಪ್ಯಾಂಕ್ ..!! ಹೊ ANTRIX ಮ್ಹುಳ್ಳೊ ಸಂಸ್ಥೊ ಆರಂಭ್ ಕೆಲ್ಲೊ ಥೊಡ್ಯಾ ಮಾಜಿ ಇಸ್ರೊಚಾಚ್ ಆದಿಕಾರಿನಿಂ. ಹಾಂಕಾಂ ಥೊಡ್ಯಾ ವಿದೇಶಿ ಸಂಸ್ಥ್ಯಾನ್ ಯೀ ಬಂಡವಾಳ್ ಗಾಲಾ ಮ್ಹುಣ್ತಾ ದೇವಾಸ್ ಮಲ್ಟಿಮೀಡಿಯಾಚೊ ಜಾಳಿಜಾಗೊ.ಬೆಂಗ್ಳೂರಚ್ಯಾ ಜಯನಗರಾಂತ್ ಏಕಾ ಗುಡಾ ಅಂಗ್ಡೆ ತೆದೆಂ ಏಕ್ ಬೋರ್ಡ್ ಘಾಲ್ಲೆಂ ಹಾಂಚೆಂ ದಪ್ತಾರ್ ಆಸಾ. ಹೆಂ deal ಜಾಲ್ಯಾನ್ ಸುಮಾರ್ ದೋನ್ ಕೊರೊಡ್ ಲಾಕ್ ರೂಪಯ್ ನಶ್ಟ್ ಜಾಲಾ ಮ್ಹುಣ್ತಾ CAG. !!. ಹೆಂ ಕಶೆಂ ಘಡ್ಲೆಂ .. ಚೂಕ್ ಕೊಣಾಚಿ ..? DOS , ISRO ಯಾ ANTRIX ಚಿ..!!?? ಮುಖಾರ್ ಪಳೆಯ್ಜೆ ....!!


*********


ಪ್ರಮೋದ್ ಹೊಸ್ಪೆಟ್

ಚಡಿತ್ ಸ್ಪೀಡಾಚೆಂ ಬ್ರಾಡ್ ಬ್ಯಾಂಡ್ ಜಾಳಿ ಸಂಪರ್ಕ್ ಜಾಯ್ ..? ತರ್ ಥೊಡೆ ಟಿಪ್ಸ್...!!

NAMAN BALLOK JESU

ಜಾಳಿರ್ ಸ್ಪಿಡಾಚಿ ಕ್ರಾಂತ್ ಜಾಲ್ಯಾ ಖರೆಂ. ಆಜ್ ಕಿತೆಂ ಮ್ಹುಳ್ಯಾರ್ ಯೀ ಏಕ್ 256 Kbps ಥಾವ್ನ್ 512 Kbps ಸ್ಪೀಡಾಚೊ ಸಂಪರ್ಕ್ ಹಳ್ಳೆ ಮ್ಹುಣಾಸರ್ ಪಾವ್ಲಾ. ಥೊಡ್ಯಾ ವರ್ಸಾಂ ಆದಿಚೆಂ dial up ಸಂಪರ್ಕ್ ಪಳೆತಾನ ಏಕಾ ರಿತಿರ್ ಹೆಂ ಬ್ರಾಡ್ ಬ್ಯಾಂಡ್ ok ಮ್ಹುಳ್ಯಾಬರಿ ದಿಸ್ತಾ. ಪುಣ್ ಅಯ್ಚಾ ಅಂತರ್ ಜಾಳಿಕ್ ತಾಂತ್ರಿಕ್ ಕೌಶಲ್ಯ್ ತಶೆಂ ಇತರ್ ಸೆವಾ ಪಳೆತಾನ ಹೊ speed ಫಕತ್ ಕ್ಷುಲ್ಲಕ್..! ಇಂಡಿಯಾಂತ್ 512 Kbps ಚೊ ಬ್ರಾಡ್ ಬ್ಯಾಂಡ್ ಸಂಪರ್ಕನ್ ಏಕ್ ಚಾಳಿಸ್ Kbps ಡೌನ್ ಲೋಡ್ ಸ್ಪೀಡ್ ದಿಲ್ಯಾರ್ ಅಬ್ಬಾಬಾ.. ಮ್ಹುಣಿಜೆ...! ತುಕಾ ಅಂತರ್ ಜಾಳ್ ಫಕತ್ ಇ-ಮೈಲ್ ಪಳೆಂವ್ಕ್ ಯಾ ಥೊಡೆ facebooking ಕರುಂಕ್ ಆಸ್ ಲ್ಯಾರ್ ಹ್ಯಾ ಸ್ಪೀಡಾಕ್ ಹೊಂದ್ವೊನ್ ವಚ್ಯೇತ್.

ಪುಣ್ ಆಯ್ಚೆಂ ಜಾಳಿ trend ಪಳೆಯ್ತಾನಾ youtube ಯಾ facebook ಂತ್ ವಿಡಿಯೊ ನಿರಂತರ್ ಪಳೆಯ್ಜೆ ಜಾಲ್ಯಾರ್ ಚಡಿತ್ ಸ್ಫೀಡಾಚಿ ಜಾಳಿ ಸಂಪರ್ಕ್ ಜಾಯ್ಜೆ ಪಡ್ತಾ. ತಿತ್ಲೆಂಚ್ ನ್ಹಂಯ್ ಜಾಳಿರ್ ತುಮಿ ಕೆಳ್ಚಾ online ಗೇಮಾಂಕ್, ಲೈವ್ TV ಸ್ಟ್ರೀಮಾಕ್, voice chat ಕ್ ಯಾ ವೆಬ್ ಕೆಮಾರಾ ಮೇಳಾಕ್ ಫಕತ್ ಚಡಿತ್ ಸ್ಪೀಡ್ ಮಾತ್ರ್ ನ್ಹಂಯ್ ಚಡಿತ್ bandwidth ಯೀ ಜಾಯ್ಜೆ ಪಡ್ತಾ. ಮಾಗಿರ್ ತುಮಿಂ ಖಂಯ್ ಪುಣೀ ಮೂವಿ ಡೌನ್ ಲೋಡ್, ಪಿಕ್ಚರ್ ಅಫ್ ಲೊಡ್ ಕರ್ತಾತ್ ಜಾಲ್ಯಾರ್ ಸಾಂಗಿಜೆ ಮ್ಹುಣ್ಣಾ...! ತರ್ ತುಕಾ ಖಂಚೆ ಬ್ರಾಡ್ ಬ್ಯಾಂಡ್ ಜಾಳಿ ಸಂಪರ್ಕ್ ಉತ್ತೀಮ್..?


ಆಜ್ ಇಂಡಿಯಾಂತ್ ತುಕಾ 256 Kbps ಥಾವ್ನ್ 50 Mbps ಸ್ಪೀಡಾ ಮ್ಹುಣಾಸರ್ ಜಾಳಿ ಸಂಪರ್ಕ್ ದಿಂವ್ಚೆ service provider ಆಸಾತ್. ಹೆಂ 3G, wireless , USB stick ಮ್ಹುಣ್ ತುಮ್ಕಾಂ ಫಸಾಂವ್ಚೆ ಯೀ ಮಸ್ತ್ ಆಸಾತ್. "ತುಮ್ಕಾಂ ಉಬೊಂಕ್ ಜಾತಾನಾ, ಅನಿಕೀ ಕಿತ್ಯಾಕ್ ಚಲವ್ನ್ ವೆತಾತ್...?" ಮ್ಹುಣ್ ತುಮ್ಕಾಂ ಚಡಿತ್ ಸ್ಪೀಡಾಚೆಂ unlimited ಯೋಜನ್ ದಿಂವ್ಚೆ ಮಸ್ತ್ ಆಸಾತ್. ತುಮಿಂ ಹೆಂ ಸಮಾ ಸಮ್ಜೊನ್ ಘೆಯ್ನಾಸ್ತಾನಾ ಸಂಪರ್ಕ್ ಘೆತ್ಯ್ಲಾರ್ ಮಾಗಿರ್ ತುಮ್ಕಾಂ ಏಕ್ ಚೆಂಬು ಮೆಳ್ಚೊ ಖಚಿತ್...! ಖಂಚೆಯೀಂ ಏಕ್ ಯೋಜನ್ ಘೆಂವ್ಚಾ ಪಯ್ಲೆಂ ತುಮಿಂ ಕಿತ್ಲೆಂ ಜಾಳಿ bandwidth ವಾಪಾರ್ತಾತ್ ಮ್ಹುಣ್ ಏಕ್ ಅಂದಾಜ್ ಕರಾ. ಕಸಲ್ಯಾ ಚಟುವಟಿಕೆಕ್ ಕಿತ್ಲೆಂ bandwidth ಜಾಯ್ಜೆ ಮ್ಹುಣ್ ಹಾಂಗಾ ಏಕ್ rough ಲೆಕಾಚಾರ್ ಅಸೊ ಆಸಾ..


- Facebook ಂತ್ ಏಕ್ ಪನ್ನಾಸ್ ತಸ್ವೀರ್ಯೊ ಪಳೆಯ್ಲ್ಯಾರ್ ಏಕ್ 25 MB bandwidth ಜಾಯ್ಜೆ.


- Youtube ರ್ ತುಮಿಂ ಪಾಂಚ್ ಮಿನುಟಾಂ ವಿಡಿಯೊ ಪಳೆಯ್ಲ್ಯಾರ್ 10 MB bandwidth ಖರ್ಚಾತಾ.


-ಏಕ್ MP3 ಪೋದ್ ಜಾಳಿರ್ ಆಯ್ಕಾಲ್ಯಾರ್ 5 MB , online ಗೇಮ್ಸ್ ಕೆಳ್ಳ್ಯಾರ್ ಘಂಟ್ಯಾಕ್ 12 MB, Yahoo, Gmail ಚಾಟಿಂಗಾಕ್ ಘಂಟ್ಯಾಕ್ 16 MB ತಿತ್ಲೆಂ bandwidth ಜಾಯ್ಜೆಚ್..!


- ತಿತ್ಲೆಂಚ್ ನ್ಹಂಯ್ ಜಾಳಿರ್ ಖಂಚಿಯೀ ಏಕ್ webpage ಉಗ್ತೆ ಕೆಲ್ಯಾರ್ 500 KB ಥಾವ್ನ್ 4 MB ತಿತ್ಲೆಂ bandwidth ಉಸಾಳ್ತಾ ..!


ಅತಾಂ ತುಮಿಂ ಏಕ್ limited ಯೋಜನ್ ಘೆತ್ಲೆಂ ಆನಿಂ ತುಮ್ಚೊ ಸರ್ವಿಸ್ ಪ್ರೊವೈಡಾರ್ ತುಮ್ಕಾಂ 2 GB ಮ್ಹುಣಾಸರ್ ಫ್ರೀ ಡೌನ್ ಲೊಡ್ ದಿತಾ ಮ್ಹುಣ್ ಚಿಂತ್ಯಾ.. ತುಮಿಂ ಖಂಯ್ ಪುಣಿ ಹೆಂ 2 GB ಉತಾರ್ನ್ ಗೆಲ್ಯಾರ್ ತುಮ್ಕಾಂ ಮಾಗಿರ್ ತೆ ಹರ್ಯೇಕಾ MB ಕ್ ಮೋಲ್ ಘೆತಾತ್.ಮಾಗಿರ್ ಖಂಯ್ ಪುಣೀ ಏಕ್ ದಾ ತಸ್ವೀರ್ಯೊ Facebook ಂತ್ ಪಳೆಯ್ಲಾರ್ ತುಮ್ಚೆ ಸುಮಾರ್ 25 ರೂಪಯ್ ಗೆಲ್ಲ್ಯಾ ಬರಿ ..! ಅಸಲೆಂ ಯೋಜನ್ ಘೆಂವ್ಚಾನಿಂ ಅಪ್ಲ್ಯಾ ಕಂಪ್ಯೂಟರಾರ್ Bit Meter ಸಾಪ್ಟ್ ವೇರ್ ಗಾಲ್ಯಾರ್ ಬೋವ್ ಬರೆಂ. ತೆಂ ಅಸಾ ಪಳೆ ಜಾಳಿರ್ ತುವೆಂ ವಾಪಾರ್ಚೆಂ ಹರ್ಯೆಕ್ bit ಚೆಂ ಯೀ ಲೇಕ್ ಧರ್ನ್ ತುಮ್ಕಾಂ ಜಾಗ್ವಾಣಿ ದಿತಾ..!

ಮಾಗಿರ್ unlimited ಯೋಜನ್ ಘೆಂವ್ಚಾಂಕ್ ಏಕ್ ಚತ್ರಾಯ್ ...! ಇಂಡಿಯಾಂತ್ ಸಂಪೂರ್ಣ್ unlimited ಸಂಪರ್ಕ್ ದಿಂವ್ಚೆ ಕೋಣ್ ಯೀ ನಾಂತ್. ತುಮ್ಕಾಂ ತೆ 2Mbps, 4Mbps, 8 Mbps, 50 Mbps ... ಸ್ಪೀಡ್ ದಿತಾ ಮ್ಹುಣ್ತಾತ್ . ಪುಣ್ ತಿತ್ಲೊ ಸ್ಪೀಡ್ ಮೆಳ್ಚೊ ಏಕಾ ನಿಯಮಿತ್ ಮಾಫಾಚಾ bandwidth ಮ್ಹುಣಾಸರ್ ಮಾತ್ರ್. ಮಾಗಿರ್ ಹಾಂಚಿ ಸ್ಪೀಡ್ ಸಾಮಾನ್ಯ್ ಯೋಜಾನಾ ತಿತ್ಲಿ ಜಾತಾ..! ಆಶೆಂ ಜಾಲ್ಯಾನ್ ತೆ ಕಿತ್ಲೊ GB ಮ್ಹುಣಾಸರ್ ಡೌನ್ ಲೊಡ್ ಪುಂಕ್ಯಾಕ್ ದಿತಾತ್ ಆನಿಂ ಕಿತ್ಲಿ ರೇಟ್ ಮ್ಹುಣ್ ಪಳೆವ್ನ್ ತುಮ್ಕಾಂ ಜಾಯ್ ಜಾಲ್ಲೆಂ ಯೋಜನ್ ಗೆಂವ್ಚೆಂ ಬರೆಂ ..! ಜಾಳಿಚೊ ಸ್ಪೀಡ್ ಕಿತ್ಲೊ ಆಸಾ ಮ್ಹುಣ್ ಪಾರ್ಕುಂಕ್ www.dslreports.com ತಸಲ್ಯಾ ತಾಣಾಂಚಿ ಕುಮೊಕ್ ಘೆವ್ಯೇತ್..!

ಚಡಿತ್ ಸ್ಪೀಡಾಚೆಂ ಬ್ರಾಡ್ ಬ್ಯಾಂಡ್ unlimited ಸೆವಾ ದಿಂವ್ಚಾಚೆಂ ಏಕ್ ಅತಿರೇಕ್ ಯೋಜನ್ ಪಳೆಯಾ....! ಹಾಂಗಾ ಏಕ್ ಸರ್ವಿಸ್ ಪ್ರೊವೈಡಾರ್ ಮಹಿನ್ಯಾಕ್ ಸುಮಾರ್ ನೋವ್ ಹಜಾರ್ ರೂಪಯ್ ಬಾಂಧ್ಲ್ಯಾರ್ 50 Mbps ಸ್ಪೀಡಾಚೆಂ unlimited ಸಂಪರ್ಕ್ ದಿತಾ. ಪುಣ್ ಫಕತ್ 200 GB ಮಾತ್ರ್ ಧರ್ಮಾರ್ತ್.. ಉಪ್ರಾಂತ್ ತಾಂಚಿ ಸ್ಪೀಡ್ 256 Kbps ಕ್ ದೇಂವ್ತಾ..! 50 Mbps ಸ್ಪೀಡಾರ್ ಡೌನ್ ಲೋಡ್ ಕೆಲ್ಯಾರ್ 200 GB ಏಕ್ ತೀನ್ ಯಾ ಚಾರ್ ವೊರಾಂ ಭಿತರ್ ಕಾಬಾರ್ ಜಾತಾ...!! ಮಾಗಿರ್ ಸಗ್ಳ್ಯಾ ಮಹಿನ್ಯಾಕ್ ತೆಂಚ್ 256 Kbps.....ಸಂಪರ್ಕ್...!!!


**********


-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

ಇಸ್ರೊಚೆ ಕಾನ್ ಧರ್ನ್ ....!

(Sangathi Mithr, Feb 2011)

ಆಶಿ ಏಕ್ ಖಬರ್ ISRO ಥಾವ್ನ್ ಆತಾಂ ಆಯ್ಲ್ಯಾ. ಆದ್ಲ್ಯಾ ಗೊವಾಚೆ ಪಾಯ್ ಚ್ ಗತ್ ಮ್ಹುಳ್ಳ್ಯಾ ಬರಿ ISRO ಆತಾಂ ಆಪ್ಲೆಂ ಸಂಪರ್ಕ್ ಉಪಗ್ರಹಕ್ ಅಂತ್ರಾಳಾಕ್ ದಾಡುಂಕ್ ತ್ಯಾಚ್ ಆದ್ಲ್ಯಾ ಪ್ರೆಂಚ್ ಗಯಾನಾಚಾ ಪಾಯಾಂಕ್ ಪಡ್ಲ್ಯಾಂತ್ . !. ವ್ಹಯ್ ಆಶೆಂ ಮ್ಹುಣ್ ಅತಾಂ ISRO ಚೊ ಉಪಗ್ರಹ್ ಕೇಂದ್ರಾಚೊ ನಿರ್ದೇಶಕ್ ಟಿ.ಕೆ. ಆಲೆಕ್ಸಾನ್ ದ್ರಡ್ ಕೆಲಾಂ. ಹ್ಯಾ ವರ್ಸಾ ಮಾರ್ಚ್ ಯಾ ಎಪ್ರಿಲಾಂತ್ ISRO ಆಪ್ಲೆಂ GSAT-8 ಮ್ಹುಳ್ಳೆಂ ಉಪಗ್ರಹ್ ಪ್ರೆಂಚ್ ಗಯಾನಾ ಥಾವ್ನ್ ಏರಿಯಾನ್ ರಾಕೆಟ್ ವಾಪಾರ್ನ್ ದಾಡ್ತಾ. ತಶೆಂಚ್ ಹ್ಯಾ ವರ್ಸಾಚಾ ಅಖೇರಿಕ್ ಯಾ ನವ್ಯಾ ವರ್ಸಾ GSAT-10 ಉಪಗ್ರಹ್ ಪರತ್ ಥಂಯ್ ಥಾವ್ನ್ಂಚ್ ದಾಡ್ತಾ ಖಂಯ್ ..!

ಕಿತ್ಯಾಕ್ ಆಶೆಂ ? ಹ್ಯಾ ಇಂಡಿಯಾಚಾನಿಂ ಚಂದ್ರಾಕ್ ಚ್ ಉಪಗ್ರಹ್ ದಾಡ್ಲಾಂ ! ಚಂದ್ರಾರ್ ಉದಾಕ್ ಆಸಾ ಮ್ಹುಣ್ ತಾಣಿಂಚ್ ಪಯ್ಲೆಂ ಸಾಂಗ್ಲಾ ಕಂಯ್ ! 2020 ಕ್ ತೆ ಚಂದ್ರಾರ್ ಮನ್ಸ್ಯಾಂಕ್ ದೆವಯ್ತಾತ್ ಕಂಯ್ ! . ಮಂಗಳ್ ಗಿರಣ್ಯಾಕ್ ಯೀ ತಾರುಂ ದಾಡ್ತಾತ್ ಕಂಯ್ .! ಇತ್ಲೆಂ ಪುರಾ ಕಾರ್ಭಾರ್ ಕರ್ಚ್ಯಾ ಇಂಡಿಯಾಗಾರಾಂಕ್ ನಿಟ್ಟ್ ಜಾವ್ನ್ ಆಪ್ಲೆಂ ಉಪಗ್ರಹ್ ಉಭೊಂವ್ಕ್ ಪರತ್ ಕಿತ್ಯಾಕ್ ತೆಂಚ್ ಪ್ರೆಂಚ್ ಗಯಾನಾ !! ? ಆಶೆಂ ಮ್ಹುಣ್ ಸಾಮಾನ್ಯ್ ಜಣಾನಿಂ ವಿಚಾರ್ಚೆಂ ಸಹಜ್. ವ್ಹಯ್ ತುಮ್ಕಾಂ ಖಳಿತ್ ಆಸಾ ಜಾಂವ್ಕ್ ಪುರೊ. ಗೆಲೆತ್ಯಾ ಕ್ರಿಸ್ಮಸಾ ದಿಸಾ ISRO ನ್ ದಾಡ್ ಲ್ಲೆಂ GSAT-5P ಮ್ಹುಳ್ಳೆಂ ಉಪಗ್ರಹಾಕ್ ವರ್ಚೆಂ GSLV ರಾಕೆಟ್ ಉಬೊಂವ್ಕ್ ವಿಫಲ್ ಜಾವ್ನ್ ದರ್ಯಾಕ್ ಪಡ್ಲೆಂ. ಗೆಲೆತ್ಯಾ ಎಪ್ರಿಲಾಂತ್ ದಾಡ್ ಲ್ಲೆಂ ಉಪಗ್ರಹ್ ಯೀ ಆಶೆಂಚ್ ವಿಫಲ್ ಜಾಲೆಂ. ಕೊರೊಡ್ ಕೊರೊಡಾಂ ತಿತ್ಲ್ಯಾ ರೂಪ್ಯಾಂಚೊ ನಷ್ಟ್ ಜಾಲೊ. ಆಶೆಂ ಜಾಲ್ಯಾನ್ ಆತಾಂ ಇಸ್ರೊಕ್ ವೆಗ್ಗಿಂಚಾನ್ ವೆಗ್ಗಿಂ ಥೊಡಿಂ ಉಪಗ್ರಹಾಂ ದಾಡ್ಚಿ ಗರ್ಜ್ ಆಯ್ಲ್ಯಾ.ಕಿತ್ಯಾಕ್ ಮ್ಹುಳ್ಯಾ ಸುಮಾರ್ ದಾ ವರ್ಸಾ೦ ಆದಿಂ ದಾಡ್ ಲ್ಲೆಂ INSAT 2E ಉಪಗ್ರಹಾಚಿ ಆವ್ದಿ ಮುಗ್ದೊವ್ನ್ ಆಯ್ಲ್ಯಾ. ಚಡಿತ್ ಸಕ್ತೆಚ್ ಚಡ್ ಚಡ್ ಟ್ರಾಸ್ನ್ಪೊಂಡಾರಾಂಚಿ ಗರ್ಜ್ ದಿಸಾನ್ ದೀಸ್ ಚಡೊನ್ ಆಯ್ಲ್ಯಾ. ಆಶೆಂ ISRO ಕ್ ಸಧ್ಯಕ್ ವಿದೇಶಾ ಥಾವ್ನ್ ಉಪಗ್ರಹಾಕ್ ದಾಡಿನಾಸ್ತಾನ ರಾವೊಂಕ್ ದುಸ್ರಿ ವಾಟ್ ನಾ.

ಇತ್ಲ್ಯಾಕೀ ಹೆಂ ವಿಫಲ್ ಜಾಲ್ಲೆಂ ರಾಕೆಟ್ GSLV ನ್ ಸುಮಾರ್ ಪಾಂಚ್ ಹಜಾರ್ ಕಿಲೊ ಗ್ರಾಮ್ ಆಸ್ಚೆಂ ಉಪಗ್ರಹಾಕ್ 36,000 ಕಿ.ಮೀ ಆಸ್ಚ್ಯಾ ಭೂಂಯ್ ಸ್ಥಿರ್ ಕಕ್ಷೆರ್ ಬಸಯ್ಜೆ ಆಸ್ ಲ್ಲೆಂ. ಆದಿಂ ಪುರಾ ಆಮಿಂ ಆಸಲ್ಲಿಂ ಉಪಗ್ರಹಾಂ ಹ್ಯಾ ಕಕ್ಷೆರ್ ಬಸಂವ್ಕ್ ಫ್ರೆಂಚ್ ಗಯಾನಾ ತಶೆಂ ಇತರ್ ದೇಶಾಂ ಥಾವ್ನ್ಂಚ್ ದಾಡಿಜೆ ಆಸ್ ಲ್ಲೆಂ. ತೆನ್ನಾ ಹಿಂ ಉಪಗ್ರಹಾಂ ಯೀಂ ಫಕತ್ ಏಕ್ ಥಾವ್ನ್ ದೋನ್ ಹಜಾರ್ ಕಿಲೊ ಗ್ರಾಂ ವಜನಾಚಿಂ. ಉಪ್ರಾಂತ್ ಇಸ್ರೊಕ್ ಹಿಂ ಉಪಗ್ರಹಾಂಕ್ GSLV ಥಾವ್ನ್ ಉಬೊಂವ್ಕ್ ಸಾದ್ಯ್ ಜಾಲೆಂ. ಪುಣ್ ತ್ಯಾ GSLV ಂತ್ ಆಸ್ಚೆಂ ಕ್ರಯೋಜನಿಕ್ ಇಂಜಿನ್ ರಶಿಯಾಚೆಂ. ಆಮ್ಕಾಂ ಹ್ಯಾ ಕ್ರಯೊಜನಿಕ್ ಇಂಜಿನಾಚಿ ತಂತ್ರಾಗ್ನ್ಯ್ ದೀಂವ್ಕ್ ನುಜೊ ಮ್ಹುಣ್ ಅಮೆರಿಕಾನ್ ನಿರ್ಭಂದ್ ಘಾಲ್ಲ್ಯಾನ್ ಹೆಂ ಇಂಜಿನ್ ಆಮ್ಕಾಂಚ್ ತಯಾರ್ ಕರ್ಚಿ ಗರ್ಜ್ ಪಡ್ಲ್ಯಾ . ತೆಂ ಯೀ ಹ್ಯಾ ಪಿಳ್ಗೆಚಾ ಸುಮಾರ್ ಪಾಂಚ್ ಹಜಾರ್ ಕಿಲೊ ಗ್ರಾಂ ಉಪಗ್ರಹಾಕ್ ವರುಂಕ್ ಸಕ್ಚೆ ತಿತ್ಲೆಂ. ಪುಣ್ ಯೆದೊಳ್ ಮ್ಹುಣಾಸರ್ ಇಸ್ರೊಕ್ ಹಾಂತುಂ ಚಡಿತ್ ಯಶಸ್ವಿ ಲಾಭೊಂಕ್ ನಾ. ಪುಣ್ ಉಣ್ಯಾ ಕಕ್ಷೆರ್ ಉಪಗ್ರಹಾಂ ಬಸಂವ್ಚ್ಯಾಂತ್ ಇಸ್ರೊ ಕಾಂಯ್ ಪಾಟಿಂ ಪಡೊಂಕ್ ನಾ . ತಾಂತುಂ ತೆಂ master .! PSLV ರಾಕೆಟ್ ವಾಪಾರ್ನ್ ತೆಂ even ವಿದೇಶಿ ಉಪಗ್ರಹಾಂಕ್ ಯೀ ಕಕ್ಷೆರ್ ದಾಡ್ತಾ. !

ಇಸ್ರೊಕ್ ಸಧ್ಯಕ್ ಅತಾಂ ಕಾನ್ ದರ್ನ್ ಸಾಂಗ್ಚಿ ಗರ್ಜ್ ಆಯ್ಲ್ಯಾ. ಇತ್ಲ್ಯಾಕೀ ಇಂಡಿಯಾಕ್ ಗರ್ಜ್ ಆಸ್ಚೆಂ ಮ್ಹುಳ್ಯಾರ್ ಸಂಪರ್ಕ್ ಉಪಗ್ರಹಾಂ. ತಿಂ ಪಯ್ಲ್ಯಾನ್ ತುಮಿ ಸಮಾ ಉಬೊಂವ್ಕ್ ಶಿಕಾ . ತಿಂ ಉಬೊಂವ್ಕ್ ಶಿಕ್ ಲ್ಲ್ಯಾ ಉಪ್ರಾಂತ್ ಚಂದ್ರ್, ಮಂಗಳ್, ಸೂರ್ಯಾಕ್ ಉಪಗ್ರಹಾಕ್ ದಾಡುಂಕ್ ವಚಾ. ಬೈಕ್ ಸೊಡೊಂಕ್ ಚಲ್ಚ್ಯಾ ಪಯ್ಲೆಂ ಸೈಕಲ್ ಸಮಾ ಸೊಡೊಂಕ್ ಶಿಕಾಜೆ. ನಾತ್ಲ್ಯಾರ್ ಅವ್ಘಾಡ್ ಗಡ್ತಾ. ! ಆಶೆಂ ಮುಳ್ಯಾರ್ ಇಸ್ರೊಚೆ ಕಾಂಯ್ ತಾಲೆಂತ್ ವಂತ್ ನ್ಹಂಯ್ ಮ್ಹುಣ್ ಖಂಡಿತ್ ಸಮಾ ಜಾಯ್ನಾ. ಪುಣ್ ಸರ್ಕಾರಾಚೊ ಸಹಕಾರ್ ಯಿ ತಾಂಕಾಂ ಸಮಾ ಮೆಳಾಜೆ. ಫಕತ್ ಏಕಾ ಜನಾರ್ಧಾನ್ ರೆಡ್ಡಿ ಕಡೆ ಆಸ್ ಲ್ಲೆ ಥೊಡೆ ಪಯ್ಶ್ಯೆ ಪುಣೀ ಮೆಳ್ಳ್ಯಾರ್ ಆಮ್ಚ್ಯಾ ಏಕಾ ಮನ್ಶ್ಯಾಕ್ ಚಂದ್ರಾರ್ ದೆವೊನ್ ಪಾಟಿಂ ಹಾಡುಂಕ್ ಸಕ್ಚೆ ತಸಲೆ ತೆ ..! Anyhow .. ಮುಖಾರ್ ಪುಣೀ ಜಾಗ್ರುತ್ಕಾಯೆನ್ ಮೇಟ್ ಕಾಡಾ...ಕಿತ್ಯಾಕ್ ಮುಳ್ಯಾರ್ ಏಕ್ ಪಾವ್ಟಿಯೀಂ ಜೇಂವ್ಕ್ ಮೆಳಾನಾತ್ ಲ್ಲೊ ಕೊರೊಡಾನಿಂ ಲೋಕ್ ಆಸ್ಚೊ ದೇಶ್ ಆಮ್ಚೊ. ಆಮ್ಚೆಂ ಶಿತ್ ಬಂಗಾಳಾ ಕೊಲ್ಲಿಚಾ ಧರ್ಯಾಂತ್ ವರ್ನ್ ಗಾಲ್ಚೆಂ ಖಂಡಿತ್ ಸಮಾ ನ್ಹಂಯ್ ನೇ ..!!?


******


ಪ್ರಮೋದ್ ಹೊಸ್ಪೆಟ್

FilesTube: ಜಾಳಿರ್ ಅತಾಂ ಡೌನ್ ಲೊಡ್ ಖೂಬ್ ಸುಲಭ್..!!!

NAMAN BALLOK JESU

ಅಂತರ್-ಜಾಳಿರ್ ಸವ್ಕಾಸ್ ಝುಕಾವ್ (trend) ಜಾವ್ನ್ ಉಪ್ರಾಂತ್ ಕ್ರಾಂತ್ ಚ್ ಜಾಲ್ಲಿಂ ಜಾಳಿ ಹಾತೆರಾಂ ಪಳೆಯಾ... hotmail.com ಆರಂಭ್ ಜಾವ್ನ್ ವೆಬ್ ಆಧಾರಿತ್ ವೀಜ್ ತಪ್ಪಾಲಾಚಿ ಏಕ್ ಕ್ರಾಂತ್ ಚ್ ಜಾಲಿ. mIRC ಚೆಂ ಚಾಟ್ ಜಾಳಿರ್ ಚಕ್ಟಾಂ ಸಂಸ್ಕ್ರತಿ ಹಾಡುಂಕ್ ಸಕ್ಲೆಂ. ಸೊದ್ನಾಂ ಕ್ಷೇತ್ರಾಂತ್ Google ನ್ ವಡ್ಲಿ ಕ್ರಾಂತ್ ಚ್ ಕೆಲಿ. ಏಕಾಮೆಕಾ ಧರ್ಮಾಕ್ ಚ್ ವಾಂಟುನ್ ಘೆಯಾ ಮ್ಹುಣ್ BitTorrent ನ್ ಟೊರೆಂಟ್ ಮ್ಹುಳ್ಳೆಂ ಅಜ್ಯಾಪ್ ಚ್ ಕೆಲೆಂ. ಸಾಮಾನ್ಯ್ ಜಣಾಂಕ್ ಏಕ್ ಎನ್ ಸೈಕ್ಲೊಪೀಡಿಯಾಚಿ ರೂಚ್ ದಿಲ್ಲಿ ಕೀರ್ತ್ ಚ್ Wikipedia ಚಿ. ವಿಡಿಯೊ ಕಶೆಂ ವಾಂಟಿಜೆ ಮ್ಹುಣ್ Youtube, ಸಾಮಾಜಿಕ್ ನೆಟ್ ವರ್ಕ್ ಮ್ಹುಣ್ facebook ನ್ , ಜೀವ್ ನಕ್ಷಾ ಮ್ಹುಣ್ Google Earth ನ್ ಕೆಲ್ಲಿ ಕ್ರಾಂತ್ ಕಾಂಯ್ ಸಾಮಾನ್ಯ್ ನ್ಹಂಯ್. ಜಾಳಿರ್ ತವಳ್ ತವಳ್ ಅಸಲೆ ಝುಕಾವ್ ಚಲೊನ್ಂ ಚ್ ಆಯ್ಲ್ಯಾತ್ ಆನಿಂ ಥೊಡ್ಯಾ ತೆಂಪಾಕ್ ಮ್ಹುಣಿ ಕುರು ಜಾಂವ್ಕ್ ಸಕ್ಲ್ಯಾತ್. ಹ್ಯಾ ಪಟ್ಟೆಕ್ ಆತಾಂ ನವೆಂ ನಾಂವ್. ತೆಂಚ್ filestube.com...!!

ತುಮಿಂ ಕಂಯ್ ಪುಣೀ ಹೆಂ FilesTube ವಾಪಾರ್ಲಾಂ ? ಏಕಾ ನಮೂನೆಚೆಂ ವಿಶಿಷ್ಟ್ ತಾಣ್ ಹೆಂ. ಚಿಂತ್ಯಾಂ ತುಮ್ಕಾಂ ಏಕ್ ಮೂವಿ ಡೌನ್ ಲೊಡ್ ಕರುಂಕ್ ಆಸಾ. ಯಾ ಸುಮಾರ್ ದಾ ವರ್ಸಾಂ ಪಯ್ಲೆಂ BBC ರ್ ಪ್ರಸಾರ್ ಜಾಲ್ಲೆಂ ಯಾ ಇತರ್ ಕಸಲೆಂಯ್ ಸಾಕ್ಷಚಿತ್ರ್ ಪರತ್ ಡೌನ್ ಲೊಡ್ ಕರುಂಕ್ ಜಾಯ್.ತಿತ್ಲೆಂಚ್ ನ್ಹಂಯ್ ತುಮ್ಕಾಂ ಸಾಪ್ಟ್ ವೇರ್ , ಮ್ಯೂಸಿಕ್, ಯಾ ಇತರ್ ಫೈಲಾಂ ಡೌನ್ ಲೋಡ್ ಕರುಂಕ್ ಆಸ್ಲ್ಯಾರ್ ತುಮಿಂ filestube.com ವಚುನ್ ಸೊದ್ನಾಂ ಕೆಲ್ಯಾರ್ ಪುರೊ..!! ತುಮ್ಚಾ ಕಂಪ್ಯೂಟರಾಕ್ ದೆಂವೊಂಕ್ ಜಾಯ್ ಆಸ್ಲಿಂ ಲಿಂಕಾಚಿ ರಾಸ್ ಚ್ ಥಂಯ್ ಆಸ್ತಾ. ತುಮ್ಕಾಂ ಜಾಯ್ ಜಾಲ್ಲೆಂ ಲಿಂಕ್ ವಿಂಚುನ್ ತುಮಿ ಡೌನ್ ಲೊಡ್ ಕರ್ಯೇತ್..

 ಇತ್ಲ್ಯಾಕೀ FilesTube ಫಕತ್ ಏಕ್ ಸೊದ್ನಾಂ ಇಂಜಿನ್. Google ಬರಿ. ಪುಣ್ ಹೆಂ ಇಂಜಿನಾನ್ ಸೊದ್ನಾಂ ಕರ್ನ್ ದಿಂವ್ಚೆಂ ಮ್ಹುಳ್ಯಾರ್ ವಡ್ಲ್ಯಾ , ವಡ್ಲ್ಯಾ ಸರ್ವರಾನಿಂ ಪುಂಜಾವ್ನ್ ದವರ್ ಲ್ಯಾ ವಡ್ಲ್ಯಾ ಫೈಲಾಂಚಿ. ತಿಂ ಮೂವಿ ಫೈಲಾಂ ಜಾಂವ್ಕ್ ಯೀ ಪುರೊ, ಯಾ ಮ್ಯೂಸಿಕ್ ಫೈಲಾಂ ಯಾ ಇತರ್ ಸಾಪ್ಟ್ ವೇರ್ ತಶೆಂ ಇತರ್ ಡೊಕ್ಯೂಮೆಂಟ್ ಯೀ ಜಾಂವ್ಕ್ ಪುರೊ. ತುಮ್ಕಾಂ ಖಳಿತ್ ಅಸೊಂಕ್ ಪುರೊ. ಟೊರೆಂಟ್ ಸೊಡ್ಲ್ಯಾರ್ ಅಸಲಿಂ ವಡ್ಲಿಂ ಫೈಲಾಂ ಜಾಳಿರ್ ವಾಂಟುನ್ ಘೆಂವ್ಕ್ Rapidshare, File Server, Mega upload, File Sonic ..... ತಸಲಿಂ ತಾಣಾಂ ಆಸಾತ್. ಚಡಾವತ್ ಹಾಂತುಂ upload ಜಾಲ್ಲಿಂ ಫೈಲಾಂ ಕಾನೂನ್ ರಿತ್ಯೆಂ ವಿಣಿಂ ಜಾಂವ್ಚಿಂ.ಕೊಪಿ ರೈಟ್ ಅಸ್ಲ್ ಲ್ಲಿಂ ಅಸಲ್ಯಾ ಫೈಲಾಂಚಿ ಸೊದ್ನಾಂ ಕೆಲ್ಯಾರ್ Google ತಸಲ್ಯಾ ಸೊದ್ನಾಂ ಇಂಜಿನಾಂತ್ ಉಂಚ್ಲೆಂ ಫಲಿತಾಂಶ್ ಮೆಳಾನಾ. ಪುಣ್ ಹೆಂ FilesTube ಅಸಾ ಪಳೆ ವಿವಿದ್ ಸರ್ವರಾನಿಂ , ಜಾಳಿರ್ ಚೆಪುನ್ ದವರ್ಲ್ಯಾ ಅಸಲ್ಯಾ ಫೈಲಾಂಚಿ ಪಟ್ಟಿತ್ ಮುಕಾರ್ ಹಾಡ್ತಾ. ತಶೆಂ ಜಾಲ್ಯಾನ್ ತುಮ್ಕಾಂ ಸುಲಾಭಾಯೆನ್ ತಿಂ ಡೌನ್ ಲೊಡ್ ಕರ್ಯೇತ್.


ಸಾಂಗ್ ಲ್ಯಾ ಬರಿ FilesTube ಕಾಯ್ದ್ಯಾ ವಿರೋಧ್ ಗೀ ? ತೆಂ ವಿಶ್ಲೇಷಣ್ ಕರ್ಚೆಂ ತುಮ್ಕಾಂ ಸೊಡ್ಲಾಂ. FilesTube ಕಾಂಯ್ ಗೋಲ್ ಮಾಲ್ ಮ್ಹಾಲ್ ಪುಂಜಾವ್ನ್ ತುಮ್ಕಾಂ ವಾಂಟಿನಾ. ಕೊಣೆಂ ಕೊಣೆಂ ಪಳೆ ಅಸಲೊ ಮ್ಹಾಲ್ ಅಪ್ಲ್ಯಾ ಸರ್ವರಾನಿಂ ಚೆಪುನ್ ದವರ್ಲಾ ಪಳೆ ತಾಂಚಿ ಏಕ್ ಪಟ್ಟಿ ಕರ್ನ್ ತುಮ್ಚಾ ಮುಖಾರ್ ದವರ್ತಾ. ಮ್ಹುಳ್ಯಾರ್ ಕೊಪಿ ರೈಟೆಡ್ ಮ್ಹಾಲ್ ತುಮ್ಕಾಂ ಮೆಳೊಂಕ್ ಅಪ್ರತ್ಯಕ್ಷ್ ರಿತೆನ್ ಕುಮೊಕ್ ಕರ್ತಾ ..!! ದೆಕುನ್ಂಚ್ ತೆಂ ಲೊಕಾಮೊಗಾಳ್ ಜಾಲಾಂ.. ! ಮ್ಹುಳ್ಯಾರ್ ವೈನ್ ಶೊಪಾಚೆಂ ಲೈಸಾನ್ಸ್ ಘೆವ್ನ್ ಕಂಟ್ರಿ ಸೊರೊ ವಿಕ್ಚಾ ಬರಿ...! ಪುಣ್ "ಅಮ್ಚೊ ಮ್ಹಾಲ್ ಕಿತ್ಯಾಕ್ ಅಕ್ರಮ್ ಜಾವ್ನ್ ವಾಂಟ್ತಾತ್ ?" ಮ್ಹುಣ್ ದೂರ್ ದಿಲ್ಯಾರ್ filestube.com ತಾಂಚಾ ಪಟ್ಟೆ ಥಾವ್ನ್ ತೊ ಮ್ಹಾಲ್ ನಿಕ್ಳಾಯ್ತಾತ್ ..!

ಅಸಲೊ ಕೊಪಿ ರೈಟೆಡ್ ಮ್ಹಾಲ್ ಅಪ್ಯಾ ಕಂಪ್ಯೂತಾದೊರಾಂತ್ ದೆವೊಂವ್ಕ್ ಚಡಾವತ್ ಜಣಾನಿಂ ವಾಪಾರ್ಚೆಂ ಮಾಧ್ಯಮ್ ಟೊರೆಂಟ್ ಚ್. ಪುಣ್ ಟೊರೆಂಟ್ ಏಕಾ ನಮ್ಯೂನೆಚೆಂ ರಿಸ್ಕ್. ವೈರಸ್ ಯೇಂವ್ಕ್ ಯೀ ಪುರೊ. ಮ್ಹಾಲ್ ಅಪ್ಲ್ಯಾ ಕಂಪ್ಯೂತಾದೊರಾಂತ್ ದೆವೊಂಚಾ ವೆಳಿಂ ಥೊಡೊ ವಯ್ರ್ ಡಾಡಿಜೆ ಯೀ ಪಡ್ತಾ. ಮಾಗಿರ್ ಹೆ seeds ಕೆನ್ನಾ ಯೆತಾತ್ ಕೆನ್ನಾ ಚಲ್ತಾತ್ ಮ್ಹುಣ್ ಸಾಂಗೊಂಕ್ ಜಾಯ್ನಾ. ಅತಾಂ ಪುರಾ ಮೆಳ್ಚೆಂ high speed ಇಂಟರ್ನೆಟ್. ತಶೆಂ ಜಾಲ್ಯಾನ್ ಟೊರೆಂಟಾಚೆ ರಗ್ಳೆ ನಾಕಾತ್ ಮ್ಹುಣ್ one shot ಡೌನ್ ಲೊಡ್ ಕರ್ನ್ ಉಡಾಂವ್ಚೆ ಸಬಾರ್ ಲೋಕ್ FilesTube ಪಾಟ್ಲ್ಯಾನ್ ಪಡ್ಲಾ.


ತುಕಾ ಖಂಯ್ ಪುಣೀ ಜಾಳಿರ್ ಕಿತೆಂ ಯೀ ಡೌನ್ ಲೊಡ್ ಕರುಂಕ್ ಆಸಾ..?? ತರ್ filestube.com ವಚುನ್ ಏಕ್ ಯತ್ನ್ ದಿ....!

 ********

-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

Any comments ?/ View comments.. click here......

ಹಿ ಆಮ್ಚ್ಯಾ ಭೂಂಯ್ಚಿ ಕಥಾ ..!! (RAKNNO)

"ಕಿತ್ಯಾಕ್ ಹಿ ಭೂಮಿ ಮನ್ಸ್ಯಾಕ್ ದಾರುಣ್ ಕಾಯೆನ್ ಚಲವ್ನ್ ಆಸಾ.? ಹೊ ಸಂಸಾರ್ ಅಂತ್ಯ್ ಜಾಂವ್ಚೆ ದೀಸ್ ಲಾಗ್ಗಿಂ ಆಯ್ಲ್ಯಾತ್ ಗೀ ?" . ಗೆಲೆತ್ಯಾ ಹಪ್ತ್ಯಾ ಜಪಾನಾಂತ್ ಜಾಲ್ಯಾ ಭಯನಕ್ ಭೂಂಯ್ಕಾಪ್ ಆನಿಂ ತ್ಯಾ ನಿಮ್ತಿಂ ಉಬ್ಜಾಲ್ಯಾ ತ್ಸುನಾಮಿ ದ್ವಾರಿಂ ಹಜಾರೊಂ ಲೋಕ್ ಮರ್ಣ್ ಪಾವ್ತಾನಾ ಸಬಾರಾಂ ಥಂಯ್ ಉಬ್ಜಾಲ್ಲಿಂ ಸವಾಲಾಂ ಹಿಂ !. ಫಕತ್ ಜಪಾನಾಚೆಂ ಘಡಿತ್ ಮಾತ್ರ್ ನ್ಹಂಯ್. ಥೊಡ್ಯಾ ದಿಸಾಂ ಆದಿಂ ನ್ಯೂಜಿಲ್ಯಾಂಡಾಂತ್ ಯೀ ವಡ್ಲಿ ಭೂಂಯ್ಕಾಪ್ ಜಾಲ್ಲಿ. ಆಶೆಂತ್ ಇಂಡೊನೇಶಿಯಾ ತಶೆಂ ಹೈಟಿಂತ್ ಯೀ ಭೂಂಯ್ಕಾಪ್ ಜಾವ್ನ್ ಹಜಾರಾನಿಂ ಲೋಕ್ ಮೆಲ್ಲೊ. ಜಪಾನಾ ತಸಲ್ಯಾ ತಾಂತ್ರಿಕ್ ಕ್ಷೇತ್ರಾಂತ್ ಮುಖಾರ್ ಆಸ್ ಲ್ಲ್ಯಾ ದೇಶಾಕ್ ಚ್ ಭೂಂಯ್ಚ್ಯಾ ಹ್ಯಾ ರೌದ್ರ್ ನಾಚಾ ವಿಶಿಂ ಕಾಂಯ್ ಚ್ ಚಿತಾವ್ಣಿ ಮೆಳೊಂಕ್ ನಾ ಮ್ಹುಣ್ತಾನಾ ಹಿ ಭಿರಂತ್ ಆಸ್ಚಿ ಸಹಜ್. ಸಾಂಗಾತಾಚ್ 2012 ಅಂತ್ಯಚಿ ಗಾಭ್ ಯೀ ಅಸಾ ನೆ..!! ಕಿತ್ಯಾಕ್ ಭೂಂಯ್ ವಯ್ರ್ ಜಾತಾತ್ ಆಸ್ ಲಿಂ ಅನ್ವಾರಾಂ ..??

ಪುಣ್ ಗೆಲೆತ್ಯಾ 450 ಕೊರೊಡ್ ವರ್ಸಾಂಚಿ ಭೂಂಯ್ಚಿ ಚರಿತ್ರಾ ಪಳೆಯ್ಲ್ಯಾರ್ ಹ್ಯಾ ಸವಲಾಕ್ ಸರಳ್ ಜವಾಬ್ ಮೆಳ್ತಾ. ಹ್ಯಾ ಭೂಂಯ್ತ್ ಆಸ್ಚೆ ಮಿಸ್ತೆರ್ ಚ್ ಆರ್ಥ್ ಕರುಂಕ್ ಕಷ್ಟ್ ಜಾತಾತ್. ಹ್ಯಾ ಭೂಂಯ್ನ್ ಸಬಾರ್ ಪಾವ್ಟಿಂ ಆಪ್ಲೊ ವೇಸ್ ಬದ್ಲಿಲಾ. ಸಬಾರ್ ನಾಗರಿಕತೆಂಕ್ ಯೀ ಹುಮ್ಟೊನ್ ಉಡಾಯ್ಲಾಂ (mass extinsion). Iceage ತಸಲ್ಯಾ ಕಾಳಾರ್ ಕೊರೊಡೊಂ ವರ್ಸಾಂ ಭೂಂಯ್ಕ್ ಬರ್ಪಾಚಾ ಬಂದಡೆಂತ್ ಯೀ ಗಾಲಾಂ. ಭೂಂಯ್ಕಾಂಡಾಂಕ್ ತಶೆಂ ಧರ್ಯಾಂಕ್ ಇಶಿನ್, ತೆವ್ಶಿನ್ ಮ್ಹುಣ್ ಲೊಳೊನ್ಂ ಚ್ ಆಸಾ ಹಿಂ ಭೂಂಯ್. ಕಸಲಿ ಹ್ಯಾ ಭೂಂಯ್ಚಿ ಕಥಾ ..??

ಪಾಂಯ್ಶ್ಯಿ ಕೊರೊಡ್ ವರ್ಸಾಂ ಆದಿಂ ...:

ತೆನ್ನಾ ಸುರ್ಯೊ ಜಲ್ಮಲ್ಲೊ ಮಾತ್ರ್. ಹ್ಯಾ ಸುರ್ಯಾ ಭೊಂವಾರಿ ಧುಳ್ ತಶೆಂ ಫತ್ರಾಂ ಕುಡ್ಕಾಂಚಿ ಏಕ್ ವಡ್ಲಿ ರಾಸ್ ಘುಂವೊನ್ ಆಸ್ ಲ್ಲಿ. ಮಿಲಿಯಾನ್ ಗಟ್ಲೆ ವರ್ಸಾನಿಂ ಗುರುತ್ವಾಕರ್ಷಣ್ ಸಕ್ತೆ ನಿಮ್ತಿಂ ಹಿ ದೂಳ್ ಆನಿಂ ಫಾತೊರ್ ಎಕ್ಟಾಯ್ ಜಾವ್ನ್ ಆಮ್ಚ್ಯಾ ಗಿರಾಣ್ಯಾಚೆಂ ರಚನ್ ಜಾಲೆಂ. ತೆನ್ನಾ ರಚನ್ ಜಾಲ್ಯಾ ಸುಮಾರ್ ಶೆಂಬೊರ್ ಗಿರಾಣ್ಯಾ ಪಯ್ಕಿ ಆಮ್ಚಿ ಭೂಂಯ್ ಯೀ ಏಕ್. ಭೂಂಯ್ ಮ್ಹುಳ್ಯಾರ್ ತವಳ್ ಫಕತ್ ಏಕ್ ಉಜ್ಯಾಚೊ ಗೂಳೊ !. ಜೀವ್, ವಾರೆಂ ನಾತ್ ಲ್ಲ್ಯಾ ಹ್ಯಾ ಭೂಂಯ್ಚೊ ತಾಪ್ ತವಳ್ 1200 ಡಿಗ್ರಿ ಸೆಲ್ಸಿಯಸ್. ಹಾಂಗಾ ಆಸ್ ಲ್ಲೆಂ ಮ್ಹುಳ್ಯಾರ್ ಫಕತ್ ಕಾರ್ಬನ್ ಡೈ ಆಕ್ಸೈಡ್ , ನೈಟ್ರೊಜನ್ ಆನಿಂ ಉಕೊಡ್ಚ್ಯಾ ಲಾವಾ ರೋಸಾಚೆ ಸಾಗೊರ್. ಘನ್ ಪ್ರದೇಶ್ ಮ್ಹುಳ್ಳೊಚ್ ನಾತ್ ಲ್ಲೊ. ಏಕಾ ನಮೂನೆಚೆಂ ಯೆಮ್ಕೊಂಡ್ ಜಾವ್ನ್ ಆಸ್ ಲ್ಲಿ ಆಮ್ಚಿ ಹಿ ಭೂಂಯ್ .!


ತ್ಯಾಚ್ ವೇಳಾರ್ ಥಿಯಾ (Theia) ಮ್ಹುಳ್ಳೆಂ ಏಕ್ ಮಂಗಳಾ ತೆದೆಂ ಗಿರಾಣೆಂ, ಬುಲೆಟಾಚಾ ಕೀ ವೀಸ್ ಪಟ್ಟ್ ಚಡಿತ್ ವೇಗಾನ್ ಯೇವ್ನ್ ಭೂಂಯ್ಕ್ ಆಪ್ಟಾಲೆಂ. ತೊ ಏಕ್ ಮಹಾನ್ ವಿಸ್ಪೋಟ್. ಹ್ಯಾ ನಿಮ್ತಿಂ ಉಬ್ಜಾಲ್ಲೊ, ಟ್ರಿಲಿಯಾನ್ ಗಟ್ಲ್ಯಾ ಟನ್ನ್ ಪಿಟೊ ಅಂತ್ರಾಳಾರ್ ಶಿಂಪಡ್ಲೊ. ಭೂಂಯ್ ಆನಿಂ ಥಿಯಾ ಏಕ್ ಜಾಂವ್ಕ್ ಪಾವ್ಲಿಂ. ಪುಣ್ ಗುರುತ್ವಾಕರ್ಷಣ್ ಸಕ್ತೆನ್ ಹ್ಯಾ ಭಯ್ರ್ ಪಡ್ ಲ್ಯಾ ಪಿಟ್ಯಾ ಥಂಯ್ ಏಕ್ ಮ್ಯಾಜಿಕ್ ಕರ್ನ್ ಸೊಡ್ಲೆಂ. ಮಿಲಿಯಾನ್ ಗಟ್ಲೆ ವರ್ಸಾನಿಂ ಸವ್ಕಾಸ್ ಜಾವ್ನ್ ಹೊ ಪಿಟೊ ಸಾಂಗಾತಾ ಮೇಳ್ನ್ ಏಕ್ ನವೆಂ ಗಿರಾಣೆಂ ಉಬ್ಜಾಲೆಂ. ತೆಂ ಭೂಂಯ್ ಥಾವ್ನ್ ಫಕತ್ 22 ಹಜಾರ್ ಕಿ.ಮಿ. ಪಯ್ಸ್ ಆಸೊನ್ ಭೂಂಯ್ಕ್ ಬೊಂವಾರಿ ಮಾರ್ನ್ ಆಸ್ ಲ್ಲೆಂ. ತೊಚ್ ಆಮ್ಚೊ ಚಂದ್ರ್ ..!! ತವಳ್ ಭೂಂಯ್ಚೊ ಏಕ್ ದೀಸ್ ಮ್ಹುಳ್ಯಾರ್ ತೀನ್ ಗಂಟ್ಯಾಚೊ ಏಕ್ ದೀಸ್ ಆನಿಂ ತೀನ್ ಘಂಟ್ಯಾಚಿ ಏಕ್ ರಾತ್. ! ಕಿತ್ಯಾಕ್ ಮ್ಹುಳ್ಯಾರ್ ಭೂಂಯ್ ಆಪ್ಲ್ಯಾ ಕಕ್ಷೆರ್ ವೇಗಾನ್ ಘುಂವೊನ್ ಆಸ್ ಲ್ಲಿ..!!

ಉದ್ಕಾಚೆಂ ಯೆಣೆಂ, ಬ್ಯಾಕ್ಟಿರಿಯಾ ಆನಿಂ ಆಮ್ಲಜನಕ್ ..

390 ಕೊರೊಡ್ ವರ್ಸಾಂ ಆದಿಂ ಭೂಂಯ್ಚೆರ್ ಭಾರಿ ಪ್ರಮಾಣಾರ್ ಉಲ್ಕಾಪಾತ್ ಜಾವ್ನ್ ಆಸ್ ಲ್ಲೊ. ಭೂಂಯ್ಕ್ ವಾತವರಣ್ ನಾತ್ ಲ್ಲೆಂ ನೆ? ತಶೆಂ ಜಾಲ್ಲ್ಯಾನ್ ಹ್ಯಾ ಉಜ್ಯಾಂಚೊ ಮಿಸೈಲ್ಯೊ ನಿರಂತರ್ ಜಾವ್ನ್ ಭೂಂಯ್ಕ್ ದಾಡ್ ಘಾಲ್ನ್ ಆಸ್ ಲ್ಲ್ಯೊ. ಹ್ಯಾ ಉಲ್ಕೆ ಮ್ಹುಳ್ಯಾ ಮಿಸೈಲಿಂತ್ ಆಸ್ ಲ್ಲೆ ಲ್ಹಾನ್ ಲ್ಹಾನ್ ಉದ್ಕಾ ಕಣ್ !. ಮುಖ್ಲ್ಯಾ ವೀಸ್ ಕೊರೊಡ್ ವರ್ಸಾನಿಂ ಹಿ ಪ್ರಕ್ರಿಯಾ ನಿರಂತರ್ ಜಾವ್ನ್ ಚಲ್ ಲ್ಲ್ಯಾ ನಿಮ್ತಿಂ ಆಮ್ಚ್ಯಾ ಭೂಂಯ್ತ್ ಉದ್ಕಾ ರಾಸ್ ಭರ್ಲಿ. ಹ್ಯಾ ಉದ್ಕಾ ರಾಶಿಂ ಮದೆಂ ಜ್ವಾಲಾಮುಖಿ ಉಬ್ಜೊನ್ , ಥಂಯ್ - ಥಂಯ್ ಥೊಡ್ಯಾ ಘನ್ ಪ್ರದೇಶಾಂಚೊ ಆಸ್ತಿತ್ವ್ ಆಯ್ಲೊ. ಆಜ್ ಆಮಿಂ ಪಿಯೆಂವ್ಚ್ಯಾ ಉದ್ಕಾಚೊ ಹರ್ಯೇಕ್ ಥೆಂಬೊ ತಶೆಂ ಅಮ್ಚ್ಯಾ ಸರ್ವ್ ಧರ್ಯಾಂಚೆಂ ಉದಾಕ್ ಸುಮಾರ್ 400 ಕೊರೊಡ್ ವರ್ಸಾಂ ಪಯ್ಲೆಂ , ಕೊರೊಡ್ ಕೊರೊಡ್ ಮೈಲಾ ಪಯ್ಸ್ ಥಾವ್ನ್ ಆಯ್ಲೆಲ್ಲೆಂ...!!

ಉದಾಕ್ ಭೂಂಯ್ಕ್ ಆಯ್ಲ್ಯಾ ನಿಮ್ತಿಂ ಭೂಂಯ್ ವಯ್ಲೊ ತಾಪ್ ಮಸ್ತ್ ದೆವ್ ಲ್ಲೊ. ಪುಣ್ ಭುಂಯ್ಚೆಂ ಗರ್ಭ್ ಖಡೊಂವ್ನ್ ಂ ಚ್ ಆಸ್ ಲ್ಲೆಂ. 380 ಕೊರೊಡ್ ವರ್ಸಾಂ ಆದಿಂ ದರ್ಯಾಂತ್ ಯೇವ್ನ್ ಪಡ್ಚ ಉಲ್ಕೆಂತ್ ಉದಾಕ್ ಸೊಡ್ನ್ ಥೊಡೆ ವಿಶೇಶ್ ಖನಿಜ್ ಯೀ ಅಸ್ ಲ್ಲೆ. ಧರ್ಯಾಚಾ ಉದ್ಕಾಂತ್ ತೆ ಭರ್ಸೊನ್ ಏಕ್ ರಾಸಾಯಾನಿಕ್ ಸಾರ್ ಥಂಯ್ ಉಬ್ಜಾಲ್ಲೊ. ಥೊಡ್ಯಾ ಕಾಳಾ ಉಪ್ರಾಂತ್ ಕಶೆಂ ಗೀ ಹೆಂ ರಾಸಾಯಾನಿಕ್ ಸಾರ್ ಪರಿವರ್ತನ್ ಜಾವ್ನ್ ಏಕ್ ಕಣಾಂಚಾ ಬ್ಯಾಕ್ಟಿರಿಯಾಂಚೊ ಜಲ್ಮ್ ಜಾಲೊ .! ಆಶೆಂ ಉದ್ಕಾ ಭಿತರ್ ಭೂಂಯ್ತ್ ಪಯ್ಲ್ಯ್ಯಾ ಪಾವ್ಟಿಂ ಜೀವ್ ಉದೆಲೊ. ಸುಮಾರ್ 350 ಕೊರೊಡ್ ವರ್ಸಾಂ ಆದಿಂ ಹ್ಯಾ ಬ್ಯಾಕ್ಟಿರಿಯಾನಿಂ ಸುರ್ಯಾಚಾ ಉಜ್ವಾಡಾಚೊ ಉಪ್ಯೋಗ್ ಕರ್ನ್ , ಕಾರ್ಬನ್ ಡೈ ಆಕ್ಸೈಡ್ ಆನಿಂ ಉದ್ಕಾ ಸಾಂಗಾತಾ ಮೆಳೊನ್ ಗ್ಲೂಕೊಸ್ ಉತ್ಪನ್ನ್ ಕೆಲೊ. ಹಿ ಮ್ಯಾಜಿಕ್ ಪ್ರಕ್ರಿಯಾ ಜಾವ್ನ್ ಆಸ್ತಾನಾಂ , ಉತ್ಪನ್ನ್ ಜಾಲ್ಲೊ ಗ್ಯಾಸ್ ಚ್ ಒಕ್ಸಿಜನ್ .! ಹೆಂ ಒಕ್ಸಿಜನ್ ಧರ್ಯಾಂತ್ ಚಡೊನ್ , ಥಂಯ್ ಆಸ್ ಲ್ಲ್ಯಾ ಥೊಡ್ಯಾ ಶಿಳಾ ಸಾಂಗಾತಾ ರಾಸಾಯಾನಿಕ್ ಜಾವ್ನ್ ಎಕ್ವಟ್ಲ್ಯಾ ನಿಮ್ತಿಂ ಲೊಂಕಾಡ್ ಉಬ್ಜಾಲೆಂ. ಆಜ್ ಆಮಿಂ ವಾಪಾರ್ಚೆಂ ಹರ್ಯೇಕ್ ಲೊಂಕ್ಡಾ ಸಂಬಂದಿ ವಸ್ತು, ಆಮ್ಚಾ ಬಾಂದ್ಪಾಂಕ್ , ಸಾಂಕೊವ್ ಕರುಂಕ್ ಧರ್ನ್ ಬಳ್ಳಾರಿ ಥಾವ್ನ್ ವಿದೇಶಾಕ್ ನಿರ್ಯಾತ್ ಕರ್ಚೆ ಲೊಂಕ್ಡಾ ಪಿಟೊ ಸಯ್ತ್ ಉತ್ಪನ್ನ್ ಜಲ್ಲೊ 350 ಕೊರೊಡ್ ವರ್ಸಾಂ ಆದಿಂ ..!!

 

ಭೂಂಯ್ಕಾಂಡ್, ಬರ್ಪಾಕಾಳ್ ಆನಿಂ ಮನ್ಜಾತಿ :

ದೆಡ್ಶೆ ಕೊರೊಡ್ ವರ್ಸಾಂ ಆದಿಂ ಮ್ಹುಣಾಸರ್ ಧರ್ಯಾಂತ್ ಬ್ಯಾಕ್ಟಿರಿಯಾ ಸೊಡ್ಲ್ಯಾರ್ , ದುಸ್ರ್ಯೊ ಕಸಲ್ಯೊ ಯೀ ಮನ್ಜಾತಿ ಯಾ ರೂಕ್ ಝಾಡಾಂ ಆಮ್ಚ್ಯಾ ಹ್ಯಾ ಭೂಂಯ್ತ್ ನಾತ್ ಲ್ಲಿಂ. ಪುಣ್ ಹ್ಯಾಚ್ ವೆಳಾರ್ ಭೂಂಯ್ಚೆ ಖವಾಳ್ (crust) ಸಬಾರ್ ಪ್ಲೇಟಿ ಜಾವ್ನ್ ವಿಂಗಡ್ ಜಾಲೆಂ. ಹ್ಯೊ ಪ್ಲೇಟಿ ಚಲನ್ ಕರುಂಕ್ ಆರಂಭ್ ಕೆಲ್ಲ್ಯಾ ನಿಮ್ತಿಂ ಧರ್ಯಾ ಮಧೆಂ ಆಸ್ ಲ್ಲೆ ಸಭಾರ್ ಘನ್ ಪ್ರದೇಶ್ ಏಕ್ವಾಟುನ್ ಏಕ್ ಭೂಂಯ್ಕಾಂಡಾಚೊ ರಚನ್ ಜಾಲೊ. ತೆಂ ಭೂಂಯ್ಕಾಂಡ್ ಚ್ ರೊಡಿನಿಯಾ(Rodinia) . ಜೀವ್ ಯಾ ರೂಕ್ ಝಡಾಂ ತಾಂತುಂ ನಾತ್ ಲ್ಲಿಂ. ಹ್ಯಾ ಕಾಳಾರ್ ಭೂಂಯ್ಚೊ ತಾಪ್ 30 ಡಿಗ್ರಿ ಸೆಲಿಯಸ್ ಮ್ಹುಣಾ ತಿತ್ಲೊ ಆಸ್ ಲ್ಲೊ. ಏಕಾ ದಿಸಾಕ್ ಫಕತ್ 18 ಗಂಟೆ ಆಸ್ ಲ್ಲೆ. ಸುಮಾರ್ 75 ಕೊರೊಡ್ ವರ್ಸಾಂ ಆದಿಂ ಹೆಂ ಭೂಂಯ್ಕಾಂಡ್ ದೋನ್ ಕುಡ್ಕೆ ಜಾಂವ್ಕ್ ಪಾವ್ಲೆಂ. ಹ್ಯಾ ವೆಳಾರ್ ಉಜ್ಯಾಕೊಂಡಾ ಥಾವ್ನ್ ಭಯ್ರ್ ಸರ್ ಲ್ಲೆಂ ಕಾರ್ಬಾನ್ ಡೈ ಆಕ್ಸೈಡ್, ವಾತಾವಾರಣಾಂತ್ ಚಡಿತ್ ಮಾಫನ್ ಪಾವ್ಲೆಂ. ಪುಣ್ ಹ್ಯಾಚ್ ವೆಳಾರ್ ಆಮ್ಲ್ ಪಾವ್ಸ್ ಆರಂಭ್ ಜಾಲ್ಯಾನ್ ಭೂಂಯ್ಚಾ ಶಿಳಾನಿಂ ಹೆಂ ಕಾರ್ಬಾನ್ ಡೈ ಆಕ್ಸೈಡ್ ಪುರಾ ಇರ್ನ್ ಕಾಣ್ಘೆ ಲೆಂ. ತೆನ್ನಾ ಭೂಂಯ್ಚೊ ತಾಪ್ ಮಸ್ತ್ ದೆವ್ಲೊ. ತೊ -50 ಡಿಗ್ರಿ ಸೆಲ್ಸಿಯಸಾಕ್ ಪಾವ್ತಾನಾ ಸಗ್ಳಿ ಭೂಂಯ್ ಚ್ ಏಕ್ ಬರ್ಪಾಚೊ ಗೂಳೊ ಜಾವ್ನ್ ಪರಿವರ್ತನ್ ಜಾಲಿ. ತಿಚ್ Iceage..! . ಬರ್ಪಾ ಬಂದಡೆಂತ್ ಆಮ್ಚಿ ಭೂಂಯ್ ಕೊರೊಡ್ ಕೊರೊಡ್ ವರ್ಸಾಂ ಮ್ಹುಣಾಸರ್ ಆಸ್ ಲ್ಲಿ. ಪುಣ್ ಭೂಂಯ್ ಗರ್ಭಾಂತ್ ಉಜ್ಯಾಚೆಂ ಅಗ್ಟೆಂ ತಚೆಂಚ್ ಆಸ್ ಲ್ಯಾನ್ ತವಳ್ ತವಳ್ ,ಬರ್ಪಾ ಮದೆಮ್ ಜ್ವಾಲಾಮುಖಿ ಭಯ್ರ್ ಯೇವ್ನ್ ವಾತಾವಾರಣಾಂತ್ ಕಾರ್ಬಾನ್ ಡೈ ಆಕ್ಸೈಡ್ ಚಡ್ ಕರುಂಕ್ ಸಕ್ಲೆಂ. ಆಶೆಂ ಬರಫ್ ಖರ್ಗೊಂಕ್ ಆರಂಭ್ ಜಾಲೆಂ ಆನಿಂ ಭೂಂಯ್ ಸವ್ಕಾಸ್ ಸಹಜ್ ಸ್ಥಿತೆಕ್ ಯೇಂವ್ಕ್ ಲಾಗ್ಲಿ..

54 ಕೊರೊಡ್ ವರ್ಸಾಂ ಆದಿಂ ಧರ್ಯಾಂತ್ ಮಾಸ್ಳೆ ತಸಲ್ಯೊ ಆನಿಂ ಹೆರ್ ಮ್ಹುಣ್ ಹಜಾರೊಂ ನಮೂನ್ಯೆಚೊ ಜೀವಿ ಆಸ್ ಲ್ಲ್ಯೊ. ರೂಕ್ ಝಡಾಂ ಯೀ ಆಸ್ ಲ್ಲಿಂ. ಪುಣ್ ಭೂಂಯ್ ವಯ್ರ್ ಕಾಂಯ್ ಚ್ ನಾತ್ ಲ್ಲೆಂ !. ಹಾಕಾ ಕಾರಾಣ್ಂಚ್ ಸುರ್ಯಾಚಿಂ ಮಾರೆಕಾರ್ ವಿಕಿರಣಾಂ. ಸುಮಾರ್ 46 ಕೊರೊಡ್ ವರ್ಸಾ ಆದಿಂ ಗೊಂಡ್ವಾನಾ (Gondwana) ಮ್ಹುಳ್ಳೆಂ ನವೆಂ ಭೂಂಯ್ಕಾಂಡ್ ಆಸ್ತಿತ್ವಕ್ ಆಯ್ಲೆಂ. ಹ್ಯಾಚ್ ವೇಳಾರ್ ಆನ್ಯೇಕ್ ಮ್ಯಾಜಿಕ್ ಘಡ್ಲೆಂ. ಭೂಂಯ್ಚಾ ಪನ್ನಾಸ್ ಕಿ.ಮಿ. ವಯ್ರ್ ಸೂರ್ಯಾಚಾ ವಿಕಿರಣಾಂ ನಿಮ್ತಿಂ ಆಮ್ಲಜನಕ್ ಪರಿವರ್ತನ್ ಜಾವ್ನ್ ಏಕ್ ನವೊ ಗ್ಯಾಸ್ ಉತ್ಪನ್ನ್ ಜಾಲೊ. ತೊ ಗ್ಯಾಸ್ ಭೂಂಯ್ಚಾ ವಾತಾವಾರಣಾಂತ್ ರಾಸ್ ಜಾವ್ನ್ ಏಕ್ ವಡ್ಲೊ ಪದರ್ ಜಾಂವ್ಕ್ ಆರಂಭ್ ಜಾಲೊ. ಮುಕ್ಲ್ಯಾ ಬಾರಾ ಕೊರೊಡ್ ವರ್ಸಾನಿಂ ಹೊ ಪದರ್ ವಾಡೊನ್ , ಸುರ್ಯಾಚಿಂ ಮಾರೆಕಾರ್ ವಿಕಿರಣಾಂಕ್ ಭೂಂಯ್ಕ್ ಯೆನಾತ್ಲ್ಯಾ ಬರಿ ಆಡಾಂವ್ಕ್ ಸಕ್ಲೊ. ಹೊಚ್ ಓಜೋನ್ ಪದರ್. ಹೊ ಏಕ್ turning point. ತವಳ್ ಮ್ಹುಣಾಸರ್ ದರ್ಯಾಂತ್ ಮಾತ್ರ್ ಆಸ್ ಲ್ಲ್ಯೊ ಜೀವಿ ಭೂಂಯ್ ವಯ್ರ್ ಯೀ ಜಿಯೆಂವ್ಕ್ ಸಕ್ಲ್ಯೊ. ರೂಕ್ ಝಡಾಂ ಕಿರ್ಲೊಂಕ್ ಸಕ್ಲಿಂ. ಹ್ಯಾಚ್ 36 ಕೊರೊಡ್ ವರ್ಸಾಂ ಚಾ ಆದ್ಲ್ಯಾ ರೂಕ್ ಝಾಡಾಂಚೊ ಇಂಗ್ಳೊ ಭೂಂಯ್ ಬಿತರ್ ಥಾವ್ನ್ ಆಮಿಂ ಭಯ್ರ್ ಕಾಡ್ನ್ ಆಮ್ಚಿಂ power station ಜಳಾಂವ್ಕ್ coal ಜಾವ್ನ್ ವಾಪಾರುನ್ ಆಸಾಂವ್ ..!

 

ಭೂಂಯ್ಚೆರ್ ಖರ್ಗಾಂ, ಜೀವಿಂಚೊ ದೆಸ್ವಾಟ್..!

25 ಕೊರೊಡ್ ವರ್ಸಾಂ ಆದಿಂ ಡೈನೊಸಾರಾ ಪಯ್ಲೆಂಚ್ ಹ್ಯಾ ಭೂಂಯ್ತ್ ರಾಕ್ಕೊಸ್ (monster) ಜೀವಿ ಆಸ್ ಲ್ಲ್ಯೊ. ಪುಣ್ ಭೂಯ್ಕಾಂಡಾಚೆಂ ಚಲನ್ ಆನಿಂ ಉಜ್ಯಾಕೊಂಡಾ ನಿಮ್ತಿಂ ಹಾಂಚೊ ಸಂವಾರ್ ಜಾಲೊ. ಅಸಲಿಂ ಸಬಾರ್ ವಡ್ಲಿಂ ಆನಿಂ ದಾಕ್ಟಿಂ mass extinsion ಜಾವ್ನ್ ಹ್ಯೊ ಜೀವಿ ನಾಸ್ ಜಾಲ್ಯೊ ಆತಾಂ ಚರಿತ್ರಾ. ಸುಮಾರ್ ವೀಸ್ ಕೊರೊಡ್ ವರ್ಸಾಂ ಆದಿಂ ಆಮ್ಚ್ಯಾ ಭೂಂಯ್ತ್ ಏಕ್ ಮಾತ್ರ್ super continet ಆಸ್ ಲ್ಲೆಂ. ತೆಂಚ್ ಪ್ಯಾಂಜಿಯಾ (Pangaea).19 ಕೊರೊಡ್ ವರ್ಸಾಂ ಆದಿಂ ಹೆಂ ಪ್ಯಾಂಜಿಯಾ ಸವ್ಕಾಸ್ ವಿಂಗಡ್ ಜಾವ್ನ್ , ನವೆ ನವೆ ಭೂಂಯ್ಕಾಂಡ್ ಆನಿಂ ಧರ್ಯೊ ರಚನ್ ಕರ್ಚಾ ಪ್ರಕ್ರಿಯಾ ಆರಂಭ್ ಜಾಲಿ. ಹ್ಯಾ ಪ್ರಕ್ರಿಯಾ ವೆಳಾರ್ ಚ್ ಭೂಂಯ್ ತಶೆಂ ದರ್ಯಾಂತ್ಲೊ ಜೀವಿ ಆನಿಂ ರೂಕ್-ಝಡಾಂ ಚೆಂ ಅವಷೇಶ್ ಭೂಂಯ್ಚಾ ಖವಾಳಾಂತ್ ರಿಗೊನ್, ಸಬಾರ್ ವರ್ಸಾಂಚಾ ಪ್ರಕ್ರಿಯೆ ಉಪ್ರಾಂತ್ ಏಕ್ ನಮೂನೆಚೆಂ ತೇಲ್ ಜಾವ್ನ್ ಪರಿವರ್ತನ್ ಜಾಲೆಂ. ತೆಂಚ್ ಆಮಿಂ ಆತಾಂ ವಾಪಾರ್ಚೆಂ ಪೆಟ್ರೊಲಿಯಾಂ ..! ತ್ಯಾ ದಿಸಾನಿಂ ಭೂಂಯ್ತ್ ವಡ್ಲ್ಯಾ ಮಾಫನ್ ಚಲೊನ್ ಆಸ್ ಲ್ಲೆಂಚ್ ಡೈನೊಸೊರಾಂಚಿ ರಾಜ್ವಟ್ಕಾಯ್. ಭೂಂಯ್ತ್ ಹ್ಯಾ ಜೀವಿಂಕ್ ಚುನಾವ್ತಿ ದೀಂವ್ಚಿ ಸಕತ್ ಚ್ ನಾತ್ ಲ್ಲಿ. ಪುಣ್ ಹ್ಯಾ ರಾಜ್ವಟ್ಕಾಯೆಚೆಂ ಆಂತ್ಯ್ ಕೆಲ್ಲೆಂಚ್ ಭಯ್ಲ್ಯಾ ಏಕಾ ಅಂತ್ರಾಳ್ ಸಕ್ತಿನ್. ಸುಮಾರ್ 6.5 ಕೂರೊಡ್ ವರ್ಸಾಂ ಆದಿಂ ಏಕ್ ಕ್ಷುದ್ರ್ ಗ್ರಹ್ ಯೇವ್ನ್ ಭೂಂಯ್ಕ್ ಆಪ್ಟಾಲೆಂ ಆನಿಂ ಭೂಂಯ್ತ್ ಡೈನೊಸಾರಾಂಚಿ ಸಂತತ್ ಚ್ ನಾಸ್ ಕರ್ನ್ ಸೊಡ್ಲಿ. ಸೊಳಾ ಕೊರೊಡ್ ವರ್ಸಾಂಚೆಂ ಡೈನೊಸಾರಾಂಚಿ ರಾಜ್ವಾಟ್ಕಾಯ್ ಅಂತ್ಯ್ ಜಾಲ್ಲೆ ವರ್ವಿಂ ಮಾತ್ರ್ ಪುಡ್ಲ್ಯಾ ದಿಸಾನಿಂ ಇತರ್ ಜೀವಿ ಹ್ಯಾ ಭೂಂಯ್ತ್ ಜಿಯೆಂವ್ಕ್ ಸಕ್ಲ್ಯೊ. ಆಶೆಂ ಜಾಲ್ಯಾನ್ 4.5 ಕೊರೊಡ್ ವರ್ಸಾಂ ಪಯ್ಲೆಂ ಮನ್ಶ್ಯಾಚೆಂ ವಿಕಸನ್ ವಿವಿಧ್ ಹಂತಾರ್ ಜಾವ್ನ್ ಆಮಿಂ ಆಜ್ ಹಾಂಗಾ ಆಸಾಂವ್ ..!

ತ್ಯಾ ದಿಸಾನಿಂ ಆಮ್ಚಾ ಇಂಡಿಯಾಚೆ ಪ್ಲೇಟ್ ಆಫ್ರಿಕಾ ಆನಿಂ ಆಸ್ಟ್ರೇಲಿಯಾಕ್ ಲಾಗೊನ್ ಆಸ್ ಲ್ಲಿ. ಭೂಂಯ್ಕಾಂಡಾಚೆಂ ಚಲನ್ ಆರಂಭ್ ಜಾತಾನಾ ಉತ್ತರ್ ದಿಶಾಂತ್ ವಚೊನ್ ಆಮ್ಚಾ ಇಂಡಿಯಾಕ್ ಆಡ್ ಮೆಳ್ ಲ್ಲಿ ಮ್ಹುಳ್ಯಾರ್ ಏಶಿಯಾಚಿ ಪ್ಲೇಟ್. ಹ್ಯಾ ದೋನ್ ಪ್ಲೇಟಿಂ ಮಧೆಂ ಘರ್ಷನ್ ಜಾತಾನಾ ತಾಚಾ ಮಧೆಂ ಉಬ್ಜಾಲೆಂ ಏಕ್ ವ್ಹಡ್ ವಿಸ್ತಾರಾಯೆಚೆಂ ಪರ್ವತ್ ಖಂಡ್. ತೆಂಚ್ ಹಿಮಾಲಾಯಾ !. ಆಶೆಂ ವಿವಿಧ್ ರಿತಿಚೆಂ ಸರ್ಕಸ್ ಜಾವ್ನ್ ಆಮ್ಚಿ ಹ್ಯಾ ಕಾಳಾಚಿ ಭೂಂಯ್ ಆಶಿ ಆಸಾ. ಚಂದ್ರ್ ಸುಮಾರ್ ಚಾರ್ ಲಾಕ್ ಕಿ.ಮಿ. ಮ್ಹುಣಾಸರ್ ಪಯ್ಸ್ ಗೆಲಾ. ಅತಾಂ ದಿಸಾಕ್ 24 ಗಂಟೆ ಆಸಾತ್...!

ಮುಖಾರ್ ಹೆಂಚ್ ಶಾಸ್ವಿತ್ ಗೀ? ಖಂಡಿತ್ ನ್ಹಂಯ್. ಭೂಂಯ್ಕಾಂಡಾಚೆಂ ಚಲನ್ ಸವ್ಕಾಸ್ , ನಿರಂತರ್ ಜಾವ್ನ್ ಆಸಾ. ಪೋಯ್ರ್ ಜಪಾನಾಂತ್ ಜಾಲ್ಲಿ ಯೀ ತಸಲಿಚ್ ಏಕ್ ದಾಕ್ಟಿ ಪ್ರಕ್ರಿಯಾ. ಜಪಾನ್ ಮ್ಹುಳ್ಳೊ ಪ್ರದೇಶ್ ಅಮೇರಿಕಾ ಆನಿಂ ಯೂರೇಶಿಯಾಚಾ ಪ್ಲೇಟಿಂಚಾ ತಿಕ್ಕಾಟಾಕ್ ಸಂಪಡ್ಲ್ಯಾನ್ ಥಂಯ್ ಕೆನ್ನಾಂಯ್ ಭೂಂಯ್ಕಾಪ್ ಚಡ್. ಯೆದೊಳ್ ಮ್ಹುಣಾಸರ್ ಆಮಿಂ ಪಳಯ್ಲಿ ಭೂಂಯ್ಚಿ 450 ಕೊರೊಡ್ ವರ್ಸಾಂಚಿ ಚರಿತ್ರಾ.. ! ಕ್ಲೈಮೆಕ್ ಅನಿಕೀ ಯೇಂವ್ಕ್ ನಾ . ಕಿತ್ಯಾಕ್ ಮ್ಹುಳ್ಯಾಳ್ ಆಮ್ಚ್ಯಾ ಭೂಂಯ್ಕ್ ಆನಿಕೀ 450 ಕೊರೊಡ್ ವರ್ಸಾಂಚೆಂ ಆವ್ಕ್ ಆಸಾ...!! ಮುಖಾರ್ ಕಿತೆಂ ಕಿತೆಂ ಜಾತಾ ಗೀ..!! ???


*****

-ಪ್ರಮೋದ್ ರೊಡ್ರಿಗಸ್, ಹೊಸ್ಪೆಟ್

Any comments ? click here......

ಆರ್ಸ್ಯಾಚಾ ಘರಾಂತ್ ರಾಂವ್ಚಾ ಮನ್ಶ್ಯಾನ್ಂಚ್ ಫಾತೊರ್ ಉಡಾಯ್ಲ್ಯಾರ್....!!!???

ಪಂದ್ರಾ ವರ್ಸಾ ಆದಿಂ ಆಟ್ವಿ ಕ್ಲಾಸ್ ಶಿಕ್ ಲ್ಯಾ ಹ್ಯಾ ರಾಮ್ ಕಿಶನ್ ಯಾದವ ಕ್ ಕಡೆ ಆಸ್ ಲ್ಲೆಂ ಫಕತ್ ಏಕ್ ಸೈಕಲ್ ಮಾತ್ರ್. ಪುಣ್ ಹೊ ಯೋಗಾ ಅನಿ ಇತರ್ ಮ್ಹುಣ್ ದಂಧೊ ಆರಂಭ್ ಕೆಲೊ ಪಳೆ ಹ್ಯಾ ರಾಮಚೆ ನಶೀಬ್ ಚ್ ಬದಲ್ಲೆಂ. ಆಜ್ ತಾಚಿ ಅಧಿಕ್ರತ್ ಘೋಷಣ್ ಕೆಲ್ಲಿ ಆಸ್ತ್ ಸುಮಾರ್ 1100 ಕೊರೊಡ್ ರೂಪ್ಯಾಚಿ...! ಅನದಿಕ್ರತ್ ಜಾಂವ್ನ್ ಹಾಚಿ ಆಸ್ತೆಚೊ ಅಂದಾಜ್ ಕೆಲ್ಯಾರ್ ಏಕ್ ಬಾರಾ ಹಜಾರ್ ಕೊರೊಡಾಚಾಂಕೀ ಚಡ್ ಆಸೊಂಕ್ ಪುರೊ. ಮ್ಹುಳ್ಯಾರ್ ಹೊ ಅತಾಂ ಏಕ್ ಹ್ಯಾ ದೇಶಾಚೊ ಏಕ್ multi ಬಿಲಿಯಾನೆರ್ ಬ್ಯೂಸಿನೆಸ್ ಮ್ಯಾನ್. ಟಾಟಾ ಆನಿಂ ಅಂಬಾನಿಚಾ ಸಾಲಿಂಕ್ ಹೊ ಸೆರ್ವಾತಾ. ಹಾಚೆ ಕಡೆ ಕಿತೆಂ ನಾ.? ಡಜಾನಾಂ ಗಟ್ಲ್ಯಾನ್ ಆಸ್ಚೊ ಹಾಚೊ ಕಂಪ್ಣ್ಯೊ ತಶೆಂ ಇತರ್ ಟ್ರಸ್ಟ್ ಮಾತ್ರ್ ಗೀ? ವಿಲಾಸಾ ಖಾತಿರ್ ಮ್ಹುಣ್ ಹಾಣೆಂ ಸ್ಕಾಟ್ ಲೆಂಡಾ ಚಾ ಬಗ್ಲೆಕ್ ಆಸ್ಚೊ ಏಕ್ ಕುದ್ರೊಚ್ ಕೊರೊಡಾಂಕ್ ಮ್ಹೊಲಾಕ್ ಘೆತ್ಲಾ. ಥಂಯ್ ಏಕ್ ಏರ್ ಫೋರ್ಟ್ , ತಶೆಂ ರೆಸೊರ್ಟ್ ಬಾಂದುಂಕ್ ಭಯ್ರ್ ಸರ್ಲಾ. ! ಹಾಣೆಂ ಆಮ್ಚ್ಯಾ ಕೊಡ್ಯಾಳ್ , ಬೆಂಗ್ಳೂರ್ ಸೊಡ್ಯಾಂ ಯೆರೋಪ್ ತಶೆಂ ಇತರ್ ವಿದೇಶಾಂಕ್ ಪಯ್ಣ್ ಕರುಂಕ್ ವಾಪಾರ್ಚೆಂ ಅಪ್ಲೆಂ ಖಾಸ್ಗಿ ಜೆಟ್..! ತಿತ್ಲೆಂಚ್ ನ್ಹಂಯ್ ಹಾಕಾ ಅಪ್ಲೆಂಚ್ ಮ್ಹುಳ್ಳೆಂ ಟೆಲಿವಿಸಾಂವ್ ಚಾನೆಲ್ ಯೀ ಆಸಾ..! ತೊ ಹ್ಯಾ ದೇಶಾಚೊ so called ಗ್ರೇಟ್ ಯೋಗಿ, ಯೋಗ ಗುರು ಸ್ವಾಮಿ ಬಾಬಾ ರಾಮದೇವ್..!!

*******
ಅಸಲೊ ಗುರು ಆನಿಂ ತಾಚಾ ಸಾಂಗಾತ್ಯಾಂಕ್ "black money" ಪಾಟಿಂ ಹಾಡಾ ಮ್ಹುಣ್ ರಾಮ್ ಲೀಲಾ ಮೈದಾನಾರ್ ಉಪ್ವಾಸ್ ಬಸ್ತಾಂ ಮ್ಹುಣ್ತಾನಾ ಸರ್ಕಾರಾನ್ "ತುಂ ಉಪ್ವಾಸ್ ಕರಿನಾಕಾ ತುಜ್ಯೊ ಕಸಲ್ಯೊ ಪುರಾ ವಿನವ್ಣ್ಯೊ ಆಸಾತ್ ಪಳೆ ತ್ಯೊ ಪುರಾ ಆಮಿಂ ಜಾರಿ ಕರ್ತಾಂ " ಮ್ಹುಣ್ ಭಾಸಾಯ್ಲ್ಯಾರೀ ಬಾಬಾ ಕ್ ಉಪ್ವಾಸ್ ಕರ್ನ್ ಪ್ರಚಾರ್ ಜೊಡಿಜೆ ಆಸ್ ಲ್ಲೊ. ಸುಮಾರ್ ದೀಸ್ ಉಪ್ವಾಸ್ ಕರ್ನ್ , ಭ್ರಷ್ಟಚಾರ್ ವಿಶ್ಯಾಂತ್ ಏಕ್ ವಡ್ಲಿ ಚಳ್ವಳ್ ಕರ್ನ್ , ಎಜಿಪ್ತಾಂತ್ ಕೆಲ್ಲ್ಯಾ ಬರಿ ಏಕ್ ಮಹಾನ್ ಕ್ರಾಂತ್ ಕರ್ನ್ ಕೇಂದ್ರ್ ಸರ್ಕಾರಾಕ್ ಉಸ್ಳಾಯ್ಜೆ ಮ್ಹುಣ್ ಜನಾಭಿಪ್ರಾಯ್ ಕರಿಜೆ ಮ್ಹುಣ್ ನಾಗಾಪುರ ಥಾವ್ನ್ ಚಡ್ಡೇಗಾರಾಂಚೆ ಹೆಂ ಏಕ್ ವಡ್ಲೆಂ plan ಜಾವ್ನ್ ಆಸ್ ಲ್ಲೆಂ. ಸುಮಾರ್ ಮಹಿನ್ಯಾ ಆದಿಂಚ್ ಹಾಕಾ ಏಕ್ ಮಹೂರ್ತ್ ತಯಾರ್ ಕೆಲ್ಲೊ. ರಾಜೀವ್ ಗಾಂದಿಚೊ ಇತ್ಲೊ ಪಯ್ಸೊ ಸ್ವಿಸ್ ಬ್ಯಾಕಾಂತ್ ಆಸಾ, ಸೋನಿಯಾ ಗಾಂಧಿಚೊ ಕೊರೊಡ್ ಕೊರೊಡ್ ಆಸಾ ಮ್ಹುಣ್ ಮಹಿನ್ಯಾ ಆದಿಂಚ್ ತಾಣಿಂ ಇಮೈಲಾ ದ್ವಾರಿಂ ಏಕ್ false ಅಭಿಯಾನ್ ಆರಂಭ್ ಕೆಲ್ಲೆಂ. ಬೆನಾಮಿ ನಾವಾನಿಂ sms ದಾಡ್ಣ್ ಯೀಂ ಉಜೊ ಪೆಟಾಂವ್ಕ್ ಪ್ರಯತ್ನ್ ಕೆಲೆಂ. ಹ್ಯಾ ಖಾತಿರ್ ಮುಕಾರ್ ಹಾಣಿಂ ಗಾಲ್ಲೊಚ್ ಹ್ಯಾ thug ಬಾಬಾಕ್ .!

 ******

ಚಡ್ಡೇಗಾರಾಂಚೆಂ ಹೆಂ ಕುತಂತ್ರ್ ಕೇಂದ್ರ್ ಸರ್ಕಾರಕ್ ಕಳೊಂಕ್ ನಾ ಮ್ಹುಣ್ ತುಮಿಂ ಚಿಂತಾತ್ ಗೀ? ಖಂಡಿತ್ ತಶೆಂ ನ್ಹಂಯ್. ಹೋಮ್ ಮಿನಿಸ್ಟ್ರಿಕ್ ತೆನ್ನಾಂಚ್ ಹ್ಯಾ ಶಡ್ಯಂತ್ರಚಿ ವರ್ದಿ ಗುಡಾಚಾರ್ ವಿಭಾಗಾ ದ್ವಾರಿಂ ಮೆಳ್ ಲ್ಲಿ. ಕರುಣಾನಿಧಿಚಾ ಕುಟ್ಮಾನ್ ಆನಿಂ ಕಲ್ಮಾಡಿಚಾ ಹಗರಣಾನಿಂ UPA ಚೆಂ ನಾಂವ್ ಪಾಡ್ ಜಾಲ್ಯಾನ್ ಸಹಜ್ ಜಾವ್ನ್ ಲೋಕಾಕ್ ಹ್ಯಾ ಸರ್ಕಾರಾಚಾ ವಿಶಿಂ ಲೋಕಾಕ್ ಏಕ್ ವಡ್ಲೊ ರಾಗ್ ಆಸ್ ಲ್ಲೊ. ಹೊ ಏಕ್ ಬರೊ ಅವ್ಕಾಸ್ ಆನಿಂ ಹ್ಯಾ ಸರ್ಕಾರಕ್ ಕಾಡ್ನ್ ಉಡಾವ್ಯೆತ್ ಮ್ಹುಣ್ ಚಡ್ಡೇಗಾರಾನಿಂ ಮುಖಾರ್ ಹಾಡ್ ಲ್ಲೊಚ್ ಹ್ಯಾ ಡೋಂಗಿ ಬಾಬಾಕ್. ಅಣ್ಣಾ ಹಜಾರೆಚೆಂ ಸತ್ಯಗ್ರಾಹ್ ತೆನ್ನಾ ಏಕಾ ರೀತಿನ್ ಯಶವ್ವಿ ಜಾಲ್ಲ್ಯಾ ಬರಿಂ ದಿಸ್ಲೆಂ ನೆಂ..? .ಶಕುನಿ ವಾಟೊ ದರ್ಲ್ಯಾರ್ ಅಪುಣ್ ಯೀ ಯಶಸ್ವಿ ಮ್ಹುಣ್ ಚಿಂತ್ ಲ್ಲೆ ಹ್ಯಾ ಫ್ಯಾಸಿಸ್ಟ್ ಗಾರಾನಿಂ...!

 *******


ತ್ಯಾ ದೆಕುನ್ಂಚ್ ಡೆಲ್ಲಿಚಾ ರಾಮ್ ಲೀಲಾ ಮೈದಾನಾರ್ ಹೈಟೆಕ್ ಉಪ್ವಾಸ್ ಕೇಂದ್ರಾಚೆಂ ಪೆಂಡಾಲ್ ಗಾಲ್ಲೆಂ ತಾಣಿಂ. So called ಉಪ್ವಾಸ್ ಕರ್ಚ್ಯಾ VIP ಂಕ್ AC ವ್ಯವಸ್ಥಾ ಆಸ್ ಲ್ಲಿ. ಬಾಕಿಚ್ಯಾಂಕ್ ಸಿಲಿಂಗ್ ಫ್ಯಾನ್, ಮಿನರಲ್ ವಾಟರ್ ಮ್ಹುಣ್ ಏಕ್ ವಡ್ಲಿ ಚ್ ವ್ಯವಸ್ಥಾ ಆಸ್ ಲ್ಲಿ. ತಿತ್ಲೆಂಚ್ ನ್ಹಂಯ್ ಏಕ್ ಹೈಟೆಕ್ tolilet ವ್ಯವಸ್ಥಾಯೀ ಥಂಯ್ ಆಸಾ ಜಾಲ್ಲಿ ...!! ಇತ್ಲಿ ಪುರಾ ವ್ಯವಸ್ಥಾ ಕರುಂಕ್ ಪಯ್ಶ್ಯಾಂಚಿ ಕಾಂಯ್ ಕಮಿ ಚಡ್ಡೇಗಾರಾಂಕ್ ಯೀ ನಾತ್ ಲ್ಲಿ, thug ಬಾಬಾಕ್ ಯೀ ನಾತ್ ಲ್ಲಿ. ಕಿತ್ಯಾಕ್ ಮ್ಹುಳ್ಯಾರ್ ಕರ್ನಾಟಕಾಂತ್ BJP ಆಯ್ಲ್ಯಾ ಉಪ್ರಾಂತ್ ತಾಂಚಾ ಡೆಲ್ಲಿಚಾ ಹೈಕಮಾಂಡಾಕ್, ನಾಗಪೂರಾಚಾ ಪ್ಯಾಸಿಸ್ಟಾಂಕ್ ಹಪ್ತಾ ಹಾಂಗಾ ಥಾವ್ನ್ ದರಬಸ್ತ್ ಮೆಳ್ತಾಲೊ. ಬಿಸ್ಕುಟ್ಯೊ ಗಾಲ್ಯಾರ್ ಆಲ್ಸೇಶಾನಾ ಬರಿ pose ದಿಂವ್ಚೆ ಫ್ಯಾಸಿಸ್ಟ್ ಪೆಟೆಯೀ ಶಿಮ್ಟಿ ಪಂದಾ ಘಾಲ್ನ್ ಯೆತಾತ್ ಮ್ಹುಣ್ ಯಾಡಿಯೂರಪ್ಪಕ್ ಕಳನಾತ್ ಲ್ಲೆಂ ಸತ್ ನ್ಹಂಯ್ .! ( ದೆಕುಂನ್ ಚ್ ತೊ ಯೆದೊಳ್ ಮ್ಹುಣಾಸರ್ ಮುಖೆಲ್ ಮಂತ್ರಿ ಜಾವ್ನ್ ಉರ್ಲಾ..!) .ಬಾಬಾಚಿ ವಡ್ಲಿ ಕ್ರಾಂತ್ ಅಂತಿಮ್ ಕಿತೆಂ ಜಾಲಿ ..!??

 *******

ತುಮಿಂ ಕಿತೆಂಯೀ ವಿಶ್ಲೇಷಣ್ ಕರಾ.... ಸೆಂಟ್ರಲ್ ಗವರ್ ಮೆಂಟಾಕ್ ಕಿತ್ಲ್ಯೊಯೀ ಗಾಳಿ ದಿಯಾ... ತಾಣಿಂ ಕೆಲ್ಲೊ ನಿರ್ಣಯ್ ಆಸಾ ಪಳೆ really great...! ಇತ್ಲ್ಯಾಕೀ ಹ್ಯಾ ವಿಶಿಂ ನಿರ್ಣಯ್ ಕಾಣ್ಘೆಲ್ಲೆ ಮಿನಿಸ್ಟರ್ ಕಾಂಯ್ ಸಾಮಾನ್ಯ್ ಗೀ ...? ತೆ ಮಸ್ತ್ professional..!. ಹಾಂಗಾ ಕರ್ನಾಟಕಾಂತ್ ಆಸ್ಚ್ಯಾ ಬರಿ ಶಿವಮೊಗ್ಗಾಚೆ ತೊ ಅಪ್ಪಾ ಹೊ ಅಪ್ಪಾ ತಸಲೆ ಥಂಯ್ ಖಂಡಿತ್ ಬಸೊಂಕ್ ನಾಂತ್. ರೆಣುಕಾಚಾರ್ಯಾ , ವಾಮಾನಾಚಾರ್ಯಾ, ಕರಂದ್ಲಾಜೆ ಗೌಡಾ, ಅಸೊಕಾ, ರಾಚೆ ಗೌಡಾ, ಬಚ್ಚೆ ಗೌಡಾ ತಸಲೆ ಬಚ್ಚಾಲಿ " ಆಟ್ವಿ ಕ್ಲಾಸ್ ಫೇಲ್" ಮಿನಿಸ್ಟರ್ ಥಂಯ್ ನಾತ್ ಲ್ಲೆ. ಹೊ ಚಿದಂಬರಮ್ , ಪ್ರಣಬ್ ಮುಖರ್ಜಿ, ಕಪಿಲ್ ಸಿಬಲ್ , ಮನಿಶ್ ತಿವಾರಿ ತಸಲೆ ಮನಿಸ್ ಆಸಾತ್ ಪಳೆ ಹಾವಾರ್ಡ್ , UK ಆಶೆಂ ಮ್ಹುಣ್ ಊಂಚ್ ಶಿಕಪ್ ಜೊಡ್ ಲ್ಲೆ ಮನಿಸ್. ತಾಣಿಂ ಕಶಿ Strategy ಕರ್ನ್ ಗೋಲ್ ಮಾಲ್ ಬಾಬಾಕ್ ನಿಕ್ಳಾಯ್ಲೊ ಪಳೆಯಾ... ಬಾಬಾ ಚೊರಾಂ ಬರಿ ದಾವ್ಲೊ... ಏಕ್ arrest ಜಾವ್ನ್ symathy ಘೆಂವ್ಚೆ guts ಆಸಾತ್ ಪಳೆ ದಾಕೊಂವ್ಕ್ ತಾಚಾನ್ ಜಾವ್ನಾಂತ್... ಪೋಲಿಸ್ ಯೆತಾನಾ ಮಂಕ್ಡಾ ಬರಿ ವೆದಿ ಥಾವ್ನ್ ಉಡ್ ಲ್ಲೊ NDTV ನ್ ದಾಕಾಯ್ಲೆಂ. ಸ್ತ್ರಿಯೆಚಾ ಕಾಪ್ಡಾ ಭಿತರ್ ಲಿಪೊನ್ ರಾವೊನ್ , ಮಾಗಿರ್ ಚಲಿಯಾಂಚೊ ವೇಸ್ ಘಾಲ್ನ್ ಪೋಳ್ನ್ ದಾಂವ್ಚೆ CNN IBN ರ್ ಪಳೆಯ್ತಾನಾ ಹೊ ಉತ್ತರ ಕುಮಾರಾ ಗೀ ಯಾ ಶಿಖಂಡಿ ಗೀ ಮ್ಹುಣ್ ಸಬಾರಾಂಕ್ doubt ಆಯಿಲ್ಲೊ. ಪುಣ್ ಡೆಲ್ಲಿ ಪೋಲಿಸಾನಿಂ ಹಾಕಾ ಧರ್ನ್ ಏಕ್ ಗೌರವ್ ರೀತಿನ್ ವಿಮಾನಾರ್ ಹರಿದ್ವಾರಾಕ್ ವರ್ನ್ ಪಾವಾಯ್ಲೊ. ಥಂಯ್ ಪಾವ್ಲ್ಯಾ ಉಪ್ರಾಂತ್ ಕಿತ್ಯಾಕ್ ಸ್ತ್ರಿಯೆಚೊ ವೇಸ್ ಘಾಲ್ನ್ ಪೋಳ್ನ್ ದಾವ್ ಲ್ಲೊ ಯೀ ಮ್ಹುಣ್ ವಿಚಾರ್ಲ್ಯಾರ್ " ಹಿ ಏಕ್ ರಣ ನೀತಿ... , ಆದಿಂ ಶಿವಾಜಿನ್ ಯೀಂ ಆಶೆಂಚ್ ಕೆಲ್ಲೆಂ .." ಮ್ಹುಣ್ ಭಾಷಣ್ ದೀಂವ್ಕ್ ಲಾಗ್ಲೊ. ಹಾಚಿಂ ಉತ್ರಾಂ ಪಾತ್ಯೆಲ್ಯಾರ್ ಶಿವಾಜಿ ಯೀ ಏಕ್ ಶಿಖಂಡಿ ಚ್ ಜಾಲೊ..!! ಹಾಂಚಾ ಬರಿ ಶಿಖಂಡಿ ಜಾವ್ನ್ಂ ಚ್ ದಾವೊನ್ ಗೆಲ್ಯಾರ್ ,ಆಮ್ಚ್ಯಾ ಜೊರ್ಜಾಮಾಕ್ ಜೈಲಾಂತ್ ಚ್ ರಾವೊನ್ ತ್ಯಾ ಬಿಹಾರ್ಚಾ ಮುಜಾಪುರಾಬಾದ್ ಥಾವ್ನ್ MP ಸೀಟ್ ಜಿಕೊಂಕ್ ಜಾತೆಂ ಗೀ ..? ..!!!

 ಏಕಾ ರೀತಿನ್ ಪಳೆಯ್ಲ್ಯಾರ್ ಹ್ಯಾ ಬಾಬಾಚೆಂ luck ಚ್ ಮುಣ್ಯೇತ್...! ಸೆಂಟ್ರಲಾಂತ್ ಮನಮೋಹಾನ್ ಸಿಂಗ್ ತಸಲೊ ಪಾಪ್ ಪ್ರಧಾನಿ ಆಸ್ ಲ್ಯಾನ್ ಹಾಕಾ ಏಕಾ respect ಂತ್ ವಿಮಾನಾರ್ ಹರಿದ್ವಾರಕ್ ಪಾವಾಯ್ಲೊ. ಕಂಯ್ ಫುಣಿ ಇಂದಿರಾ ಗಾಂಧಿ ಮ್ಹುಣೀ ಹ್ಯಾ ದೇಶಾಚಿ ಪ್ರಧಾನಿ ಜಾವ್ನ್ ಆಸ್ ಲ್ಯಾರ್ ಹ್ಯಾ ಬಾಬಾಕ್ ರಾಮ್ ಲೀಲಾ ಮೈದಾನಾ ಥಾವ್ನ್ಂ ಚ್ ರಾಮಾಚಾ ಪಾಯಾಂ ಕಡೆ ದಾಡ್ನ್ ಹಾಚೆಂ ಮಡೆಂ ಆರ್ಬಿ ಧರ್ಯಾಂತ್ ಉಡೆಯ್ತಿ ಆಸ್ ಲ್ಲಿ ತಿ...!!


*******


ವ್ಹಯ್ ಥೊಡ್ಯಾ ವರ್ಸಾಂ ಆದಿಂ ತುಮಿಂ ಕಿತೆಂ ಯೀ ಮ್ಹುಳ್ಯಾರ್ ಯೀ ಹೊ ಬಾಬಾ ಚೋರ್ ಜಾಲ್ಯಾರ್ ಯೀ ಹಾಚೆಂ ಯೋಗಾ ಸಾಚಾ ಮ್ಹುಳ್ಯಾ ಬರಿ ದಿಸ್ತಾಲೆಂ. ಹಾಚಿ CD ಘಾಲ್ನ್ಂ ಚ್ ಯೋಗಾ practice ಕರ್ನ್ ಆಸ್ ಲ್ಲೆ ಮಸ್ತ್ ಆಸ್ ಲ್ಲೆ. ಆಜ್ ಹಾಚೊ ಯೋಗಾಚೊ power ಪಳೆಯ್ಲ್ಯಾಂಕ್ ನಿಜಾಯ್ಕಿ ಆಜ್ಯಾಪ್ ಬೊಗ್ತಾ..! ತುಮ್ಕಾಂ ಕಳೊಂಕ್ ಆಸೊಂಕ್ ಪುರೊ. ಹೆ ಯೋಗಾ ಕರ್ಚಾಂಕ್ ಪುರಾ ಮಸ್ತ್ ಸಕತ್ ಆಸ್ತಾ. ಹಾಂಚೆಂಚ್ so called ಯೋಗಾ ಪುರಾ ಪಳೆಯ್ಲ್ಯಾರ್ ಆಧಿಂ ಯೋಗಾ ಕರ್ಚೆ ಪುರಾ ರುಷಿ , ಮುನಿ ಪುರಾ ಕಾಂಯ್ ಖಾಣ್ ನಾಸ್ತಾನಾ, ವರ್ಸಾಂ ಗಟ್ಲ್ಯಾನ್ ವಾಂಚೊನ್ ಆಸ್ ಲ್ಲೆ ಖಂಯ್..! ತೆಂ ಸೊಡಿಯಾಂ , ಪೋಯ್ರ್ ಪೋಯ್ರ್ ಹ್ಯಾ ಚೋರ್ ಬಾಬಾ ಸಾಂಗಾತಾಚ್ ಉಪ್ವಾಸ್ ಕರ್ನ್ ಸ್ವಾಮಿ ನಿಗಮಾನಂದ್ ಮರ್ಣ್ ಪಾವ್ಲೊ...! ನಿಜಾಯ್ಕಿ ತೊ great. ತಾಣೆಂ ಕಾಂಯ್ ಯೋಗಾ ಕರುಂಕ್ ನಾ ...ಜಾಲ್ಯಾರ್ ಯೀ ಕಾಂಯ್ ಚ್ ಖಾಣ್ ಘೆಯ್ನಾಸ್ತಾನಾ ಹಾಕಾ ಮರಿಜೆ ಜಾಲ್ಯಾರ್ atleast ತೀನ್ ಮಯ್ನೆ ಜಾಯ್ಜೆ ಪಡ್ಲೆ. ! ಹೊ ಮ್ಹಾತಾರೊ ಹಜಾರೆ ಸಯ್ತ್ ಕಾಂಯ್ ಕಾಂವ್ನ್ ನಾತ್ ಲ್ಯಾರ್ ಯೀ ನಿರಾಳ್ ಆಸ್ತಾ. ! ಮೇಧಾ ಪಾಟ್ಕಾರ್ ಚ್ ಕಿತ್ಲೆ ದೀಸ್ ಉಪ್ವಾಸ್ ಬಸೊಂಕ್ ನಾ ? ಪುಣ್ ಹ್ಯಾ great ಯೋಗಾ ಗುರುಕ್ ದೋನ್ ದಿಸಾನಿಂಚ್ ಅಸ್ಪತ್ರೆಕ್ ಘಾಲಿಜೆ ಪಡ್ಲೊ. ಮಾಗಿರ್ ICU ಂತ್ ಪಡ್ಲೊ. ಹೊ ಮೆಲ್ಯಾರ್ ಸಾಂತ್ ಗೆಲಿ ಮ್ಹುಣ್ ಕಪಿಲ್ ಸಿಬಲಾಚೆಂ ಟೀಮ್ ಮಿಸ್ಯಾಂ ಭಿತಾರ್ ಚ್ ಹಾಸೊನ್ ಆಸ್ ಲ್ಲೆಂ. ಹ್ಯಾ ಬಾಬಾಚಿ ಗತ್ ಪಳೆವ್ನ್ "ಮಾನವೀಯ್ ದ್ರಷ್ಟೆಂತ್ ಪುಣೀ ಕೇಂದ್ರಾನ್ ತಾಚೆ ಕಡೆ ಉಲಾಯ್ಜೆ" ಮ್ಹುಣ್ ಕಂಗಾಲ್ ಜಾವ್ನ್ ಝಡ್ ಲ್ಯಾ ಚಡ್ಡೆ ಥಾವ್ನ್ ಉಲಾಂವ್ಕ್ ಲಾಗ್ಲೆ ನಾಗಪೂರಾಚೆ ಫ್ಯಾಸಿಸ್ಟ್ ಗಾರ್ ..! ಕೆನ್ನಾ ಹಾಂಕಾ care ಚ್ ಕರುಂಕ್ ನಾ ಪಳೆ, ತೆನ್ನಾ ಬೆಂಗ್ಳೂರ್ಚಾ ಏಕಾ ರಿಯಲ್ ಎಸ್ಟೆಟ್ ಇಂಗ್ಲಿಷ್ ಸ್ವಾಮಿಕ್ ಆನಿಂ ಉಡ್ಪಿಚಾ ಮ್ಹಾತಾರೊ "ಚಕ್ರ ಬಡ್ಡಿ" ಸ್ವಾಮಿಕ್ ಮುಕಾರ್ ಗಲ್ನ್ ಏಕ್ ಜ್ಯೂಸ್ ದೀವ್ನ್ ಹ್ಯಾ ಬಾಬಾಚೊ ಜೀವ್ ವಾಂಚಾಯ್ಲೊ ಚಡ್ಡೇಗಾರಾನಿಂ..!


*******

ಹೆಂ ಆರ್ಥ್ ಜಾಯ್ನಾತ್ಲೆಂ ನಿಮಾಣೆಂ ಸವಾಲ್...!!


Father of all corruption ಂಚ್ ಹ್ಯಾ ಕರ್ನಾಟಕಾಂತ್, ತೊ ಯೀ ಅಪ್ಣಾಚೊಚ್ CM ಆಸ್ತಾನಾ, ಕ್ಯಾಬಾರೆ ನಾಚ್ಪಿಣ್ ಸುಷ್ಮಾಕ್ ಕಿತ್ಯಾಕ್ ಆಮ್ಚಾ father of nation ಚಾ ಸಮಾಧೆ ಮುಖಾರ್ ನಾಚಾಜೆ ಆಸ್ ಲ್ಲೆಂ..! ??




_ಪ್ರಮೋದ್ ಹೊಸ್ಪೆಟ್

ಮಹಾತ್ಮಾಚಾ ಪೊಂಡಾ ಬಗ್ಲೆ ಏಕ್ ಕ್ಯಾಬಾರೆ ಡ್ಯಾನ್ಸ್..!!!!

" ತೆಂ ಏಕ್ ಬಾರ್ ವೆಯೆಟ್ರೆಸ್ಸ್... ತಿಣೆಂ ಆಮ್ಚಾ ಮಹಾನ್ ದೇಶಾಚೆಂ ಪ್ರದಾನ್ ಮಂತ್ರಿ ಜಾಲ್ಯಾರ್ ಹಾಂವ್ ಕೇಸ್ ಬುಡ್ಡಿತಾಂ. ದೊವೆಂ ವಸ್ತ್ರ್ರ್ ಗಾಲ್ನ್ ಉಪ್ವಾಸ್ ಕರ್ತಾಂ" ಮ್ಹುಣಾಲಿ ತಿ. ತೆನ್ನಾ ಹ್ಯಾ ವಾಜಪೇಯಿಚೆ ಆಸ್ ಲ್ಲೆ ಕೇಸ್ ಪೂರಾ ಬುಡಾವ್ನ್ ನಿಕಾಳ್ ಮ್ಹುಣ್ ಹ್ಯಾ ದೇಶಾಚಾ ಜಣಾನಿಂ ಜನಾದೇಶ್ ದಿಲ್ಯಾರ್ ಯೀ ಹ್ಯಾ ಸ್ತ್ರಿಯೆಚೊ ಮೊಸೊರ್ ವಚೊಂಕ್ ನಾತ್ ಲ್ಲೊ ...!
ತಾಚ್ಯಾಕಿ ಪಯ್ಲೆಂ ತುಮ್ಕಾಂ ಉಡಾಸ್ ಆಸೊಂಕ್ ಪುರೊ. 1998 ಂತ್ ಬಳ್ಳಾರಿ ಲೋಕಸಬೆ ಕ್ಷೇತ್ರಾಂತ್ ಸೋನಿಯಾ ಗಾಂಧಿ ವಿರೋಧ್ ಇಲೆಸಾವಾಂತ್ ರಾವೊನ್ ಆಸ್ತಾನಾ ತಿ ಮ್ಹುಣೊನ್ ಆಸ್ ಲ್ಲಿ " ಇವಲ ಶಾದಾನೆ ಯೇನೂ. ಅದು ಶೊನ್ನೆ. ಅವಲೂ ಬಾರತಿಯಲೆ? ಅವಲಿಹೆ ಯಾವ ಹರ್ರತೆ ಯಿದೆ ?" ಚಡ್ಡೆಗಾರಾನಿಂ ಕಾನಾಡಿನ್ ಬರವ್ನ್ ದಿಲ್ಲೆಂ ಭಾಶಣ್ ವೊಂಕೊನ್ ಆಸ್ಚಿ ತಿಚಿ ಶೈಲಿ ತಶಿ ಆಸಲಿ..! ತ್ಯಾ ಇಲೆಸಾವಾಂಚಾ ಪ್ರಚಾರಾ ವೆಳಿಂ ತಿಣೆಂ ಹಿಂ ಉತ್ರಾಂ ಯೀ ಸಾಂಗ್ ಲ್ಲಿಂ ಮ್ಹಕಾ ಉಡಾಸ್ ಆಸಾತ್.." ಇಶ್ಟಾರಾ ವರೆಗ್ ಬಲ್ಲಾರಿಯಲ್ಲಿ ಗೆದ್ದವರು ಭಾರತೀಯರು... ಇನ್ನೂ ಸಹಾ ಗೆಲ್ಲೂವವರು ಭಾರತೀಯರು.." ಆಶೆಂ ಮ್ಹುಣ್ ಹರ್ದೆಂ ಬಡಾವ್ನ್ ಸಾಂಗಾಲಾಗ್ಲಿ ತಿ. ತಿಣೆ ಸಾಂಗ್ಲೆಂ ಏಕ್ ಮಾತ್ರ್ ಸತ್ ಬೊಲ್ಮೆಂ ತೆಂ. ಕಿತ್ಯಾಕ್ ಮ್ಹುಳ್ಯಾರ್ ಬಳ್ಳಾರಿಚಾ ಜಣಾನಿಂ ಸೋನಿಯಾ ಗಾಂದಿಂಕ್ ಚ್ ಜೈ ಮ್ಹುಳ್ಳೆಂ ...!!


ಕೊಣಾಕ್ ಏಕ್ ಬಾರ್ ವೆಯೆಟ್ರೆಸ್ಸ್ ಮ್ಹುಣೊನ್ ಆಸ್ ಲ್ಲಿ ತಿ ಬಾಯ್ಲ್ ಮನಿಸ್ ಆಜ್ ಗಾಂಧಿಜಿಚಾ ಪೊಂಡಾ ಲಾಗ್ಗಿಂ ಕ್ಯಾಬೆರೆ ಡ್ಯಾನ್ಸ್ ಕರ್ನ್ ಆಸ್ ಲ್ಲಿ. ತಶೆಂ ಮ್ಹುಣ್ ತುಮಿಂ ತಿತ್ಲೆಂ ವಿಜ್ಮಿತ್ ಜಾಂವ್ಚಿ ಗರ್ಜ್ ನಾ..! ಗಾಂಧಿಕ್ ಜಿವಿಶಿ ಮಾರ್ ಲ್ಯಾ ಪರಿವಾರಾಚಾನಿಂ ತಾಚಾ ಸಮಾಧೆ ಬಗ್ಲೆಕ್ "ನಂಗಾ" ನಾಚ್ ಕರ್ಚೊ ಕಾಂಯ್ ಏಕ್ ವಡ್ಲೊ ವಿಶಯ್ ನ್ಹಂಯ್ ನೇ.. !!!!?? ತಿ ಫಕತ್ ಕೋಣ್ ಯೀ ನ್ಹಂಯ್ ... ತೆಂ ಸುಷ್ಮಾ ಸ್ವರಾಜ್... ಸಂಸಾರಾಚಾ ವಡ್ಲ್ಯಾ ಪ್ರಜಾಪ್ರಭುತ್ವಾಚಾ ಸಕಯ್ಲ್ಯಾ ಘರಾಚಾ ವಿರೋಧ್ ಪಾಡ್ತಿಚಿ ನಾಯಕಿ.. ತಿ!

********
ಬಳ್ಳಾರಿಂತ್ ಸುಷ್ಮಾ ಸ್ವರಾಜ್ ಚಲ್ವತಾನಾ ಹ್ಯಾ ರೆಡ್ಡಿಂ ಕಡೆ ಫಕತ್ ಗುಜಿರಿ ಸ್ಕೂಟರ್ ಮಾತ್ರ್ ಆಸ್ ಲ್ಲೆಂ. ಆಜ್ ಹಾಂಚೆ ಮುಕಾರ್ ಟಾಟಾ, ಬಿರ್ಲಾ ಯೀ ಕಾಂಯ್ ನ್ಹಂಯ್. ಇತ್ಲ್ಯಾಕೀ ವಡ್ಲೆಂ ಅಜ್ಯಾಪ್ ಕೆಲ್ಲೆಂಚ್ ಚೈನಾನ್ ಆಸಾ ಕೆಲ್ಲ್ಯಾ ಒಲಿಂಪಿಕ್ಸಾನ್. ಬಳ್ಳಾರಿಚಾ ಲೊಂಕ್ಡಾಚಾ ಮಾತ್ಯೆಕ್ ಬಂಗಾರಾಚೆಂ ಮೋಲ್ ಆಯ್ಲೆಂ ತೆನ್ನಾಚ್. ರೆಡ್ಡಿನಿಂ ಅಪ್ಲ್ಯಾ ಅಕ್ರಮ್ ದಂಧ್ಯಾಚೊ ವಾಂಟೊ ಅಪ್ಲ್ಯಾ ’ಅಮ್ಮಾ’ ಯೀ ದಿಲೊ. ಬೆನಾಮಿ ನಾವಾಂತ್ ಹ್ಯಾ ಲೊಂಕ್ಡಾ ವ್ಯವಹಾರಾಂತ್ ’ಅಮ್ಮಾ’ ಯೀ ಸೆರ್ವಾಲಿ. ವರ್ಸಾಕ್ ಏಕ್ ಪಾವ್ಟಿಂ ವರಲಕ್ಷ್ಮಿ ಪೂಜಾಕ್ ಹಿ ಅಮ್ಮಾ ಆಯ್ಲ್ಯಾರ್ ಯೀ ಹ್ಯಾ ಬಳ್ಳಾರಿ ಚಾ ಮಾತ್ಯೆಚಾ ದೂಳ್ಯೆಚಿ ಲಕ್ಷ್ಮಿ ಸದಾಂಯ್ ತಿಕಾ ಪಾವೊನ್ ಆಸ್ ಲ್ಲಿ..! ಬಳ್ಳಾರಿ ದೂಳೆಚೊ ದಂಧೊಚ್ ತಸಲೊ. ! ಅಸಲೊಚ್ ವ್ಯವಹಾರ್ ಕರ್ಚಾ ಬಳ್ಳಾರಿಚಾ ಲಾಡ್ ಕುಟ್ಮಾಚಿ ಮ್ಹುಜಿ ಏಕ್ ಸಾಂಗಾತಿ ವಾವ್ರಾಡಿ ತಶೆಂ ಇಷ್ಟಿನ್ ಮೈನಿಂಗ್ ಮಾಫಿಯಾಚೆಂ a,b,c,d ಸಾಂಗೊನ್ ಆಸ್ ಲ್ಲೆಂ. ಹ್ಯಾ ಬನಾನಾ ರಿಪಬ್ಲಿಕಾಂತ್ ಬ್ಲ್ಯಾಕ್ ಮನಿ ವೈಟ್ ಮನಿಕ್ ಪರಿವರ್ತನ್ ಕರ್ಚೆಂ, ತೆಂ ವಿದೇಶಿ ಟ್ಯಾಕ್ಸ್ ರಹಿತ್ ಸ್ವರ್ಗಾಂಚಾ ಬ್ಯಾಂಕಾಕ್ ಪಾವಾಂವ್ಚೆಂ, ಆನಿಂ foreign investment ಮ್ಹುಣ್ ತೊ ಪಯ್ಸೊ ಪರತ್ ಪಾಟಿಂ ಹಾಡ್ಚಿಚ್ ಏಕ್ ವಡ್ಲಿ ಕಲಾ ...!

*******
ಅತಾಂ ಆಯ್ಲ್ಯಾ ಮಾಹೆತಿ ಪ್ರಕಾರ್ ಬಳ್ಳಾರಿ ಮಾತ್ಯೆ ಚೊರಾಂಚೆರ್ ಥೊಡ್ಯಾ ದಿಸಾಂ ಆದಿಂ IT ಅಧಿಕಾರಿನಿಂ ಗಲ್ಲ್ಯಾ ದಾಡಿಂ ವೆಳಿಂ ಮೆಳ್ಯ್ಯಾ ದಾಕ್ಲ್ಯಾನಿಂ ಹ್ಯಾ ಸುಷ್ಮಾಚಾ ಗಳ್ಯಾಕ್ ಪಾಸ್ ಗಾಲೂಂಕ್ ಜಾಯ್ತೆ ಸಬೂತ್ ಮೆಳ್ಯಾತ್. ಕನಿ ಮೋಳಿಕ್ ಜಾಲ್ಲಿ ಗತ್ ಚ್ ಅಪ್ಣಾಕ್ ಯೆತಾ ಮ್ಹುಣ್ ಭಿಯಾನ್ ರೆಡ್ಡಿಂಕ್ ಆನಿಂ ಮ್ಹಕಾ ಕಾಂಯ್ ಸಂಬಂದ್ ನಾ ಮ್ಹುಣ್ ತಿಣೆ ಪೋಯ್ರ್ ಹೆಳ್ಕಿ ದಿಲಿ ...! ಚಡ್ಡೆಗಾರಾಂಚಾ ಸಂಸ್ಕಾರ್ ಭಾರತಿಂತ್ ಶಿಕ್ ಲ್ಯಾಂಕ್ ಜಿಕ್ಚಾ ರೆಡ್ಯಾಂಚಿಂ ಶಿಮ್ಟಿ ಕೆನ್ನಾ ದರಿಜೆ ಆನಿಂ ಕೆನ್ನಾ ಸೊಡಿಜೆ ಮ್ಹುಣ್ ಬರೆಂ ಗೊತ್ತು ಆಸ್ತಾ ...!!

********


ಹೊ ನಿಮಾಣೊ ಜೋಕ್ ನ್ಹಂಯ್...ಬಗಾರ್ 40 ಮಿಲಿಯಾನ್ ಡಾಲಾರಾಚೆಂ ಸವಾಲ್...!!


thug ಬಾಬಾ ಆನಿಂ ಚಾಳಿಸ್ ಚೊರಾಂಕ್ ಪೋಲಿಸಾನಿಂ ದಾಂವ್ಡಾಯ್ಲಾಂ ಮ್ಹುಣ್ ಗಾಂದಿಚಾ ಸಮಾಧೆ ಮುಖಾರ್ ಕ್ಯಾಬಾರೆ ಡ್ಯಾನ್ಸ್ ಕೆಲ್ಯಾ ಸುಷ್ಮಾಕ್ ಪಳೆವ್ನ್ ಕೊಡ್ಯಾಳ್ಚಾ ಪಬ್ಬಾಂತ್ ಚೆಡ್ವಾಂಕ್ " ವಹಾಂ ನಂಗಾ ನಾಚ್ ಚಲ್ ರಹಾತಾ" ಮ್ಹುಣ್ ಮಾರ್ನ್ ದಾಂವ್ಡಾಯ್ಲೊ ಮುತಾಲಿಕ್ ಕಿತ್ಯಾಕ್ ವಗೆಚ್ ಬಸ್ಲಾ ...!!!???
*******
- ಪ್ರಮೋದ್ ಹೊಸ್ಪೆಟ್

 

Facebook ವಾಪಾರ್ನ್ ಆಸಾಯ್...? ತರ್ ಥೊಡೆ ಉಪದೇಸ್.....

Social Networking ಚೆಂ ಹಣೆಬರಪ್ ಪಳೆಯಾ ... Friendster ಫಕತ್ ತೆಣ್‌ಮುಡ್ಲಾ ಆಸಿಯಾಕ್ ಸಿಮೀತ್ ಜಾಲೆಂ. Orkut ಚಿ ಆತಾಂ ರಾಜ್ವಟ್ಕಾಯ್ ಅತಾಂ ಖಂಯ್ ಪುಣೀ ಆಸ್ಲ್ಯಾರ್ ತಿ ಬ್ರೆಜಿಲಾಂತ್ ಮಾತ್ರ್ ... . Myspace ಕ್ ಯೀ ತಿತ್ಲೆಂ ವಡ್ಲೆಂ ಕಾರ್ಭಾರ್ ಕರುಂಕ್ ಜಾವ್ನಾ. ಪುಣ್ Facebook ಪಳೆಯಾ.. ಇಲ್ಲೆಂ ಇಲ್ಲೆಂ ಮ್ಹುಣ್ ಸಗ್ಳ್ಯಾ ಸಂಸಾರಾಕ್ ವಿಸ್ತಾರ್ಲೆಂ. ತುಮ್ಕಾಂ Facebook ವಿಶಿಂ ಸಾಂಗಿಜೆಚ್ ಮ್ಹುಣ್ ಗರ್ಜ್ ನಾ. ಆಜ್ ಹ್ಯಾ ಸಾಮಾಜಿಕ್ ತಾಣಾಂತ್ 500 ಮಿಲಿಯಾನ್ ಲೋಕ್ active ಜಾವ್ನ್ ಆಸಾ. ಆಮ್ಚ್ಯಾ ಭಾಷೆಂತ್ ಸಾಂಗ್ಚೆಂ ಜಾಲ್ಯಾರ್ ಏಕಾ ನಮೂನ್ಯಾಚೆಂ "ಒಪರೇಷನ್ ಕಮಲ" ಕರ್ನ್ Google ಚಾ ವಡ್ಲ್ಯಾ ವಡ್ಲ್ಯಾ ಕಾರ್ಭಾರ್ಯಾಂಕ್ ಅಪ್ಣಾ ಥಂಯ್ ಹಾಡ್ ಲ್ಯಾ ನಿಮ್ತಿಂ ಆಜ್ Facebook ಅಂತರ್-ಜಾಳಿಕ್ ಚ್ ಏಕ್ ಪರ್ಯಾಕ್ ನಾಂವ್ ಜಾಂವ್ಚಾ ತಿತ್ಲ್ಯಾ ವೇಗಾನ್ ವಚೊನ್ ಆಸಾ....

Facebook ಕಿತ್ಯಾಕ್ ಇತ್ಲೆಂಯೀ ಲೊಕಾಮೊಗಾಳ್ ? ತುಮ್ಕಾಂ ತ್ಯಾ ವಿಶಿಂ ಸಾಂಗಿಜೆಚ್ ಮ್ಹುಣ್ ಗರ್ಜ್ ನಾ. ತುಮ್ಕಾಂಚ್ ಖಳಿತ್ ಆಸಾ. ವಾಸ್ತಾವಿಕ್ ದ್ರಷ್ಟೆನ್ ಪಳೆಂವ್ಚೆಂ ಜಾಲ್ಯಾರ್ Facebook ಮ್ಹುಳ್ಯಾರ್ ಅತಾಂ ಸಂಸಾರಾಚೆಂ ಏಕ್ ವಡ್ಲೆಂ database..!! . ತಶೆಂ ಜಾಲ್ಲ್ಯಾ ನಿಮ್ತಿಂ of course ಹೆಂ ಸಾಮಾಜಿಕ್ ತಾಣ್ ವಾಪಾರ್ತಾನಾ ಜಾಗ್ರೂತ್ ಜಾಯ್ಜೆ. ಕಿತ್ಯಾಕ್ ಮ್ಹುಳ್ಯಾರ್ ವಾಯ್ಟ್ ಉಪಯೋಗ್ ಹ್ಯಾ Facebook ದ್ವಾರಿಂ ಭರ್ಪೂರ್ ಜಾವ್ನ್ ಆಸಾ. ಚಡ್ ಆಂಬೆ ಆಸ್ ಲ್ಲ್ಯಾ ರೂಕಾಕ್ ಮಾತ್ರ್ ಫಾತೊರ್ ಮಾರ್ಚೆ ನೇ ?

ಕಸಲಿ ಜಾಗ್ವಾಣ್ ಘೆಯ್ಜೆ ?
ವಾಯ್ಟ್ ಉಪಯೋಗ್ ಜಾತಾ ಮ್ಹುಣ್ Facebook ವಾಪಾರ್ನಾಕಾತ್ ಮ್ಹುಣ್ ಹಾಂವ್ ಖಂಡಿತ್ ಮ್ಹುಣಾನಾ. ತುಮ್ಚೊ ತಸ್ವಿರ್ಯೊ ತಶೆಂ ಇತರ್ ಮಾಹೆತ್ ಥಂಯ್ ಸೆರ್ವಾಯ್ನಾಕಾತ್ ಯೀ ಮ್ಹುಣ್ ಖಂಡಿತ್ ಸಾಂಗಿನಾ. Of course ಸೆರ್ವಾಯಾ. ಪುಣ್ ತುಮ್ಚಾ ಮತಿಂತ್ ಆಸಾಜೆ ಜಾಲ್ಲೊ ಪ್ರಮುಖ್ ವಿಶಯ್ ಮ್ಹುಳ್ಯಾರ್ ಕೊಣೆಂ ಪುರಾ ಹಿ ಮಾಹೆತ್ ಪಳವ್ಯೇತ್ ? ಹ್ಯಾ ವಿಶಿಂ ಸೂಕ್ತ್ ನಿರ್ಣಯ್ ಕರ್ಚಿ ತುಜಿ ಪಯ್ಲಿ ಜಾವಬ್ದಾರಿ..ತೊಚ್ ಪಯ್ಲೊ ಉಪದೇಸ್..! ಕೊಣೆಂ ಪಳವ್ಯೇತ್ ? ಸಕ್ಡಾನಿಂ ? (by default) ಯಾ ಫ್ರೆಂಡ್ಸಾಚಾ ಫ್ರೆಂಡಾನಿಂ ಯಾ ಫಕತ್ ಫ್ರೆಂಡ್ಸಾನಿಂ ? ತುಮಿಂ ಸಕ್ಡಾಂಯ್ಕೀ ರೀಗ್ ದಿಲ್ಯಾರ್ ತೊ ಏಕ್ ಘಾತುಕ್ ನಿರ್ಣಯ್!. ಫ್ರೆಂಡ್ಸಾಚಾ ಫ್ರೆಂಡಾಕ್ ರೀಗ್ ದಿಂವ್ಚಿ ಯೀ ರಿಸ್ಕ್. ಕಿತ್ಯಾಕ್ ಮ್ಹುಳ್ಯಾರ್ ಬೊಕ್ರ್ಯಾಚೊ ವೇಸ್ ಘಾಲ್ಲೆ ಬೊಲ್ಪೆ ಹಿಂಡಾಂತ್ ಆಸ್ತಾತ್. ಫಕತ್ ಫ್ರೆಂಡ್ಸಾಂಕ್ ಮಾತ್ರ್ ಮಾಹೆತ್ ವಾಂಟುನ್ ಘೆಂವ್ಚೆಂ settings ಅಪ್ಣ್ಯಾಯ್ಲ್ಯಾರ್ ತೆಂ ಏಕ್ ಸುರಕ್ಷಿತ್ ವಿಧಾನ್.

ಪುಣ್ ಆನ್ಯೇಕ್ ಮಹತ್ವಚೊ ವಿಶಯ್ ಮ್ಹುಳ್ಯಾರ್ ಕೊಣಾಕ್ ಫ್ರೆಂಡ್ಸ್ ಮ್ಹುಣೊನ್ ರೀಗ್ ದಿಂವ್ಚಿ ಮ್ಹುಣ್. ಫ್ರೆಂಡ್ಸಾಂಕ್ ರೀಗ್ ದಿತಾನಾ ಏಕ್ ವಿಶಯ್ ಮತಿಂತ್ ದವರಿಜೆ. ತುಮಿಂ ಕೊಣಾಕ್ ಫ್ರೆಂಡ್ ಮ್ಹುಣ್ ಘೆತಾತ್ ಪಳೆ, ತಾಂಚೆ ಸವೆಂ ತುಮ್ಚಿ ಮಾಹೆತ್ ವಾಂಟುನ್ ಘೆತಾತ್ ಮ್ಹುಣ್. ಒಳ್ಕಿಚೆ ಜಾಲ್ಯಾರ್ no problem. ಒಳೊಕ್ ನಾತ್ ಲ್ಲೆ friend request ದಾಡ್ತಾತ್ ಜಾಲ್ಯಾರ್ ? ತ್ಯಾ ಪರಿಸ್ತಿತೆರ್ ತುಮಿಂ ಸೂಕ್ತ್ ನಿರ್ಣಯ್ ಘೆಜೆ. ಪುಣ್ ವಿಪರ್ಯಾಸ್ ಮ್ಹುಳ್ಯಾರ್ ಚಡಾವತ್ ಹ್ಯಾ ವಿಶಿಂ ಗುಮಾನ್ಂಚ್ ಕರಿನಾಂತ್. ಫಕತ್ ಏಕ್ ಉದಾಹರಣ್ ಪಳೆಯಾ. ಮ್ಹಕಾ ಒಳೊಕ್ ನಾತ್ ಲ್ಲ್ಯಾಚ್ ಪನ್ನಾಸ್ ಮಂಗ್ಳೂರೀ ಕಥೊಲಿಕ್ ಚಲಿಯಾಂಕ್ ಹಾವೆಂ Facebook friend request ದಾಡ್ಲಿ. ತಾಂತುಂ 41 ಜಣಾನಿಂ one shot ಮ್ಹಕಾ accept ಕೆಲೆಂ. ಬಾಕಿಚಾ ಸಾತ್ ಜಣಾಂಚೊ ಪತ್ತೊಚ್ ನಾ. ಏಕ್ಲ್ಯಾನ್ who are u? ಮ್ಹುಣ್ ಏಕ್ ಮೆಸೆಜ್ ದಾಡ್ಲಿ . ಆನ್ಯೇಖ್ಲ್ಯಾನ್ do u knw me ? ಮ್ಹುಣ್ ವಿಚಾರ್ಲೆಂ. ಹಾವೆಂ yes , i do. ಮ್ಹುಣ್ reply ಕೆಲಿ. ಪರತ್ ಮ್ಹಕಾ ಆನ್ಯೇಕ್ ಮೆಸೆಜ್. "hw do u knw me?" ...!! ಒಳೊಕ್ ನಾತ್ಲ್ಯಾಂಕ್ add ಕರ್ತಾನಾ ಅಸಲ್ಲೆ guts ದಾಕಾಯ್ಜೆ...!

ಸಾಂಗಾತಾಚ್ ತುಜ್ಯಾ ಫ್ರೆಂಡ್ಸಾಂಕ್ ತುಜಿ ಖಾಸ್ಗಿ ಮಾಹೆತ್ ಕಿತ್ಲಿ ದಿವ್ಯೇತ್ ? ತುಜೆಂ ಮೊಬೈಲ್ ನಂಬರ್ ಯಾ ಆಡ್ರೆಸ್ Facebook ಂತ್ ವಾಂಟುನ್ ಘೆಂವ್ಚೆಂ ಬುದ್ವಂತ್ಕಾಯೆಚೆಂ ನಿರ್ಣಯ್ ನ್ಹಂಯ್. Even ತುಜಿ ಸಗ್ಳಿ date of birth ಯೀ ವಾಂಟುನ್ ಘೆಂವ್ಚೆಂ ಅಪಾಯಾಚೆಂ. Date ಆನಿಂ month ಉಗ್ಡಾಪಣ್ ಕೆಲ್ಯಾರ್ Okay. ಪುಣ್ ತಾಚೆ ಸಾಂಗಾತಾ year ಯೀ ವಾಂಟುನ್ ಘೆತ್ಲ್ಯಾರ್ ? ಹೆಂ ಕಶೆಂ ಮ್ಹುಣ್ ಸಾಂಗ್ಲ್ಯಾರ್ ತುವೆಂ ಏಕ್ಲ್ಯಾಚಿ ಖುನಿ ಕರ್ನ್ ದಾಂವ್ತಾನಾ , ಬಲ್ಸಾಂತ್ಲೆಂ ಪೆನ್ನ್ ಥಂಯ್ ಸೊಡ್ನ್ ಚಲ್ಚಾ ಬರಿ . ಹೆಂ ಪೆನ್ನ್ ಮೆಳ್ಳ್ಯಾರ್ ಜಾಳಿ ಪೋಲಿಸಾಂಕ್ ತುಜೊ ಪತ್ತೊ ಘೆವ್ನ್ ತುಜ್ಯಾ ಘರ ಮ್ಹುಣಾಸರ್ ಪಾಂವ್ಚಿ ಕ್ಷಮತಾ ಆಸ್ತಾ ..!

ಆನ್ಯೇಕ್ ಉಪದೇಸ್ ಮ್ಹುಳ್ಯಾರ್ ತುಮ್ಚ್ಯಾ Facebook ಖಾತ್ಯಾಚೊ password ಸಂಕೀರ್ಣ್ ಕರ್ನ್ ದವರಾ. ಅಂತರ್-ಜಾಳಿಚಾ ಇತರ್ ಕಡೆ ವಾಪಾರ್ಲೊ password ಖಂಡಿತ್ Facebook ಕ್ ವಾಪಾರಿನಕಾತ್. ತಶೆಂ ಕೆಲ್ಯಾರ್ ಅನ್ಯೇಕ್ ಚಾವಿ ಘೆವ್ನ್ ತುಜೆಂ Hero Honda ತಸಲೆಂ ಬೈಕ್ ನಿರಾಳಾಯೆನ್ ಚೊರುಂಕ್ ಸೊಡ್ಲ್ಯಾ ಬರಿ ಜಾತಾ.!

ವರ್ತೊ ಅನ್ಯೇಕ್ ಉಪದೇಸ್ ಮ್ಹುಳ್ಯಾರ್ Facebook application ಯಾ ತಾಂಚೆ ಕಸಲೇಯ್ game ಕೆಳ್ತಾನಾ ತುಮಿಂ ಕಾಣ್ಘೆಂವ್ಚಿ ಜಾಗ್ರುತ್ಕಾಯ್. ತುಮಿ Facebook application ವಾಪಾರ್ತಾನಾ EULA ( End User License Agreement) ಕಿತೆಂ ಮ್ಹುಣ್ ವಾಚ್ತಾತ್ ಗೀ ? ತಾಂತುಂ ಕಿತೆಂ ಬರಯ್ಲಾಂ ಮ್ಹುಣ್ ವಾಚಿನಾಸ್ತಾನಾ ತುಮಿಂ ತೆಂ application ವಾಪಾರ್ತಾತ್ ? ತಶೆಂ ಕೆಲ್ಯಾರ್ ವಡ್ಲಿ ರಿಸ್ಕ್ ಆಸ್ತಾ. ಹಾಂತುಂ ಆಸ್ಚಿಂ ಸಬಾರ್ application ಪುರಾ ಗೋಲ್ ಮಾಲ್...! ಮ್ಹುಳ್ಯಾರ್ ತುಮಿಂ ಕೊಂಡೊಮ್ ನಾಸ್ತಾನಾ red light ಜಾಗ್ಯಾಕ್ ಗೆಲ್ಯಾ ಬರಿ..! 90 % ತುಮ್ಕಾಂ AIDS ಯೆಂವ್ಚೊ ಸಾದ್ಯ್ ಆಸ್ತಾ..! ಕಿತ್ಯಾಕ್ ಮ್ಹುಳ್ಯಾರ್ ಹಿಂ application ಪುರಾ ತುಜಿ ಸಗ್ಳಿ ಖಾಸ್ಗಿ ಮಾಹೆತ್ ಘೆಂವ್ಚಿ ತಶೆಂ ಇತರಾಂಕ್ ತಿ ವಾಂಟುನ್ ದಿಂವ್ಚಿ ಕಬ್ಲಾತ್ ತುಜೆ ಥಾವ್ನ್ಂ ಚ್ ಘೆತಾತ್ ...! Facebook ರ್ ಗೆಲೆತ್ಯಾ ದಿಸಾನಿಂ SPAM ಚೆ ಉಪದ್ರ್ ಚಡೊನ್ ಂ ಚ್ ಯೇವ್ನ್ ಆಸಾತ್...

ಅನಿಕೀ ಮಸ್ತ್ ಉಪದೇಸ್ ಆಸಾತ್. ತೆ ಮ್ಹುಜಾ ಪರ್ಮಾಣೆ ತಿತ್ಲೆ ಮಹತ್ವಾಚೆ ನ್ಹಂಯ್. ಹಾವೆಂ ತುಮ್ಕಾಂ ತಶೆಂ ಸಾಂಗ್ಲ್ಯಾರ್ "ಸೊರೊ ಪಿಯೆನಾಕಾತ್, ತೊ ಜಿವಾಕ್ ವಾಯ್ಟ್" ಮ್ಹುಳ್ಳೆ ಬರಿ ಜಾತಾ..!! ತಶೆಂ ತುಮ್ಕಾಂ ಹಾಂವ್ ಸಾಂಗಿನಾ. ಸೊರೊ ತುಮಿ ಜರೂರ್ ಪಿಯೆಯಾ. ಪುಣ್ ಕಿತ್ಲೊ ಪಿಯೆಂವ್ಚೊ, ಕೆನ್ನಾ ಪಿಯೆಂವ್ಚೊ, ಕಸಲೊ ಪಿಯೆಂವ್ಚೊ ಮ್ಹುಳ್ಳೆಂ ಪುರಾ ಮತಿಕ್ ಘೆಯಾ....!!



ನಕ್ಲಿ Facebook ಐಡಿ ಗೀ ? ತರ್ ಥೊಡೆ ಟಿಪ್ಸ್...

ನಕ್ಲಿ Facebook ಐಡಿ ಕರ್ನ್ ದುಸ್ರ್ಯಾಂಚೆಂ ನಾಂವ್ ಪಾಡ್ ಕರ್ಚಿ ವಿಕ್ರತ್ ಪ್ರಕ್ರಿಯಾ ಫಕತ್ Facebook ಂತ್ ಮಾತ್ರ್ ನ್ಹಂಯ್ ಇತರ್ ಸಾಮಾಜಿಕ್ ತಾಣಾರ್ ಯೀ ಆಸಾ. ತುಮಿಂ ವಯ್ಲೆ ಉಪದೇಸ್ ಪಾಳ್ಳ್ಯಾರ್ ತುಮ್ಚಿ ನಕ್ಲಿ ಐಡಿ ಉತ್ಪನ್ನ್ ಜಾಂವ್ಚಿ ಸಾದ್ಯತ ಮಸ್ತ್ ಉಣೆಂ. ಏಕಾದೆವಾಳಾ ಜಾಲ್ಯಾರ್ ಯೀ ತಿ ಕೊಣೆಂ ಕೆಲ್ಯಾ ಮ್ಹುಳ್ಳಿ ಏಕ್ idea ಮ್ಹುಣಿ ಆಸ್ತಾ..!

ತುಮ್ಚಿ ನಕ್ಲಿ Facebook ಐಡಿ ಆಸ್ಲ್ಯಾರ್ ತುಮಿಂ ಪಯ್ಲ್ಯಾನ್ ಪಯ್ಲೆಂ Spam ಮ್ಹುಣ್ Facebook ಕ್ ಕಳಂವ್ಚೆಂ option ಆಸಾ. ಅಧಿಕ್ರತ್ ಜಾವ್ನ್ ತುವೆಂ ತಿತ್ಲೆಂ ಮಾತ್ರ್ ಕರ್ಯೇತ್. ಪುಣ್ ತಿತ್ಲೆಂ ಕೆಲ್ಯಾರ್ ಮಾತ್ರ್ ತಿ ನಕ್ಲಿ Facebook ಐಡಿ ಬಂಧ್ ಪಡನಾ. ತುಮ್ಚಾ ಗಾವಾಂತ್ ಏಕಾ ಹಪ್ತ್ಯಾ ಥಾವ್ನ್ ಕರೆಂಟ್ ನಾ ಮ್ಹುಣ್ KPTCL ದಫ್ತಾರಾಕ್ ತುವೆಂ ಏಕ್ಲ್ಯಾನ್ ಫೋನ್ ಕೆಲ್ಯಾರ್ ತೆ ತುಮ್ಕಾಂ ತಕ್ಷಣ್ ಕರೆಂಟ್ ದೀಂವ್ಕ್ ಬಸ್ಲ್ಯಾತ್ ಯೇ ? ತುಮ್ಚಾ ಗಾಂವ್ಕಾರಾನಿಂ ಸಕ್ಕಡಿ ಫೋನ್ ಕರ್ನ್ ಸಾಂಗ್ಲ್ಯಾರ್ ಮಾತ್ರ್ ತಿ ಪ್ರಕ್ರಿಯಾ ವೆಗ್ಗಿಂ ಜಾತಾ. ತಶೆಂತ್ Facebook ಂತ್ ಯೀ. ತುಮಿಂ ತುಜ್ಯಾ ಫ್ರೆಂಡ್ಸಾಂಕ್ ಪುರಾ ಸಾಂಗೊನ್ ತಿ ಐಡಿ Spam ಮ್ಹುಣ್ report ಕರುಂಕ್ ಸಾಂಗಿಜೆ. ತೆನ್ನಾ ಮಾತ್ರ್ ಏಕ್ ತುರ್ತ್ ಕ್ರಮ್ ಜಾಂವ್ಚಿ ಸಾದ್ಯತಾ ಅಸ್ತಾ....

ವಯ್ಲ್ಯಾ ಸಮಸ್ಸ್ಯಕ್ ಇತ್ಲೊ ಮಾತ್ರ್ ಪರಿಹಾರ್ ನ್ಹಂಯ್. ತುಕಾ ಏಕಾ ಮಟ್ಟಾಚಿ ಕಂಪ್ಯೂಟರ್ ಜಾಣ್ವಾಯ್ ತಶೆಂ ಡಿಟೆಕ್ಟಿವ್ ಬೂದ್ ಆಸ್ಲ್ಯಾರ್ ಹೊ ಸಮಸ್ಸೊ ಪರಿಹಾರ್ ಕರ್ಯೇತ್. ತುಮ್ಕಾಂ ಖಳಿತ್ ಆಸೊಂಕ್ ಪುರೊ ಜಾಳಿಕ್ connect ಜಾವ್ನ್ ಆಸ್ಚೆಂ ಹರ್ಯೇಕ್ ಕಂಪ್ಯೂಟರಕ್ ಯೀ ಖಾಸ್ ಜಾವ್ನ್ ಆಸ್ಚೊ IP address ಆಸ್ತಾ. ಜಾಳಿರ್ ಜಾಂವ್ಚಾ ಹರ್ಯೇಕ್ ವ್ಯವಹಾರಾಂತ್ ಯೀ ಹ್ಯಾ ಅಡ್ರೆಸಾಚೊ ಉಲ್ಲೇಖ್ ಆಸ್ತಾ. ಹೊ ಅಡ್ರೆಸ್ ಖಳಿತ್ ಜಾಲ್ಲ್ಯಾರ್, ಸಂಸಾರಾಚಾ ಖಂಚಾ ಪ್ರದೇಶಾರ್ ಹೆಂ ಕಂಪ್ಯೂಟರ್ ಆಸಾ ಮ್ಹುಣ್ ಜುಸ್ತ್ ಜಾವ್ನ್ ಜಾಣಾ ಜಾವ್ಯೇತ್. ಮಾಗಿರ್ ತುಜೆ social engineering ಹಿಕ್ಮತ್ ಆನಿಂ ಗರ್ಜ್ ಪಡ್ಲ್ಯಾರ್ ಥೊಡಿ ಅತಿರೇಕ್ ತಾಂತ್ರಿಕತಾ ವಾಪಾರ್ನ್ ತ್ಯಾ ಕಂಪ್ಯೂಟರಾ ವಯ್ರ್ ನಿಶಾನಿ ಘೆವ್ನ್ , ವಿಕ್ರತ್ ಮನೋಸ್ಥಿತೆಚಾಂ ವಯ್ರ್ cyber ದಾಡ್ ಘಾಲ್ನ್ ಮಾಗಿರ್ ಲಾದೆನಾಕ್ ಕೆಲ್ಲ್ಯಾ ಬರಿ ತಾಚಿ ಕೂಡ್ ದರ್ಯಾಕ್ ವಿಸರ್ಜನ್ ಕರ್ಯೇತ್ ...!!!

ನಿಮಾಣೊ ಜೋಕ್

Facebook ರ್ ಏಕ್ ಚೆಡ್ವಾಚೆಂ status ಆಶೆಂ ಆಸ್ ಲ್ಲೆಂ..

"I'm feeling sad today...."

ತಾಕಾ 1321 Like ಆನಿಂ 406 comments ಆಸ್ ಲ್ಲೆ...!!


ಏಕಾ ಚೆಡ್ಯಾಚೆಂ status ಆಶೆಂ ಆಸ್ ಲ್ಲೆಂ...

" I lost in my life. I'll commit suicide.."

ಥಂಯ್ ಫಕತ್ ಚಾರ್ Like ಅನಿಂ ಏಕ್ comment ಅಸೊ ಆಸ್ ಲ್ಲೊ.

" ಸಾಯ್ಬಾ ತುಜೆಂ ಬೈಕ್ ಖಂಯ್ ಸೊಡ್ನ್ ವೆತಾಯ್ ...?" ...!!!


**********

-ಪ್ರಮೋದ್ ಹೊಸ್ಪೆಟ್