ಕಿತೆಂ ಹ್ಯಾ ವಿಶ್ವಂತ್ ಆಮಿಂ ಎಕ್ಸುರಿಂ ..? (DIRVEM)

1609 ಇಸ್ವಿ ತಿ. ಸಂಸಾರಾಚೆಂ ಪುರಾತಾನ್ ವಿಗ್ಯಾನ್ ನೆಕೆತ್ರ್‌ಶಾಸ್ತ್ರಾಕ್ ಏಕ್ ನವೆಂ ರೂಪ್ ಮೆಳ್‌ಲ್ಲೆಂ ವರಸ್ ತೆಂ. ಕೊಪರ್ನಿಕಸಚೆಂ ಸೂರ್ಯ್-ಕೇಂದ್ರ್ ಸಿದ್ದಾಂತಾನ್ ಹ್ಯಾ ಪಯ್ಲೆಂಚ್ ಕ್ರಾಂತ್ ಕೆಲ್ಲಿ. ನೆಕೆತ್ರ್‌ಶಾಸ್ತ್ರ ವಿಶಿಂ ಭರನ್ ವಿಶ್ಲೇಷಣ್ ಚಲೊನ್ ಆಸ್‌ಲ್ಲೆ. ಭೂಂಯ್ ಹ್ಯಾ ವಿಶ್ವಚಾ ಕೇಂದ್ರಾಂತ್ ಆಸಾ ಮುಳ್ಳೆಂ ಲೊಕಾಚೆಂ ಚಿಂತಾಪ್ ಸವ್ಕಾಸ್ ಮಾಜ್ವೊನ್ ಆಸ್‌ಲ್ಲೆಂ. ಆಶೆಂ ತ್ಯಾ ಕಾಳಾಚಾ ನೆಕೆತ್ರ್‌ಶಾಸ್ತ್ರಿಂಕ್ ಇಗರ್ಜ್‌ಮಾತೆ ಥಂಯ್ ನಿಷ್ಠುರ್ ಜಾಯ್ಜೆ ಪಡ್ಲೆಂ. ವ್ಹಯ್ ತೆದೊಳ್ ಮ್ಹುಣಾಸರ್ ಆಸ್‌ಲ್ಲೆಂ ನೆಕೆತ್ರ್‌ಶಾಸ್ತ್ರ್ ಉಗ್ತ್ಯಾ ದೊಳ್ಯಾಂಚಾ ವೀಕ್ಷಣಾಧಾರಿತ್ ಜಾವ್ನ್ ಆಸ್‌ಲ್ಲೆಂ. ಪುಣ್ ಕೆದಾಳ 1609 ಇಸ್ವೆಂತ್ ಇಟಾಲಿಯಾನ್ ನೆಕೆತ್ರ್‌ಶಾಸ್ತ್ರಿ ಗೆಲೀಲಿಯೊ ಗೆಲಿಲಿನ್ ಪಯ್ಲೆಂ ಪಾವ್ಟಿಂ ಟೆಲಿಸ್ಕೋಪ್ ವಿನ್ಯಾಸ್ ಕರ್ನ್ ಅಂತ್ರಾಳಾಕ್ ಘುಂವ್ಡಾಯ್ಲೊಗೀ, ತವಳ್ ಆರಂಭ್ ಜಾಲಿ ನವಿ ಕ್ರಾಂತ್. ಗೆಲೀಲಿಯೊಚಾ ಟೆಲಿಸ್ಕೋಪಾಕ್ ಚಂದ್ರಾರ್ ಗುಡೆ, ಖಣಿಯೊ ದಿಸೊನ್ ಆಯ್ಲೆ. ಗುರು ಗ್ರಹಾಚಿಂ ಚಾರ್ ಉಪಗ್ರಹಾಂಯಿಂ ತಾಣೆ ಸೊದುನ್ ಕಾಡ್ಲಿಂ. ಅಶೆಂ ನೆಕೆತ್ರ್‌ಶಾಸ್ತ್ರಂತ್ ಕೆಲ್ಲ್ಯಾ ಹ್ಯಾ ಕ್ರಾಂತೆಕ್ ಹ್ಯಾ ವರ್ಸಾ ಭರ್ತಿ 400 ವರ್ಸಾಂ ಜಾಲಿಂ. ದೆಕುನ್ಂಚ್ ವಿಶ್ವಸಂಸ್ಥೆನ್ 2009ನೇ ವರಸ್ ‘ಅಂತರಾಷ್ರೀಯ್ ನೆಕೆತ್ರ್‌ಶಾಸ್ತ್ರಾಚೆಂ ವರಸ್’ ಮ್ಹುಣ್ ನಮಿಯಾರ್‍ಲೆಂ ..!


ಹ್ಯಾ ಚಾರ್‍ಸಿಂ ವರ್ಸಾನಿಂ ನೆಕೆತ್ರ್‌ಶಾಸ್ತ್ರಾಂತ್ ಕಿತ್ಲೆಂ ಬದ್ಲಾಪ್ ಗಡುಂಕ್ ನಾ ? ವ್ಹಯ್ ಮನಿಸ್ ಚಂದ್ರಾರ್ ದೆವೊಂಕ್ ಸಕ್ಲೊ. ಆಮ್ಚಿಂ ಉಪಗ್ರಹಾಂ ಭೂಂಯ್ ತಶೆಂ ಇತರ್ ಗಿರಾಣ್ಯಾಂಕೀ ಭೊಂವಾರಿ ಮಾರುಂಕ್ ಸಕ್ಲಿಂ. ಶಿಮ್ಟಿ-ನೆಕೆತ್ರಾಂಕ್ ದಾಡ್ ಗಾಲ್ಚೆ ತಸಲಿ ತಾಕ್ನಿಕ್ ಆಮ್ಕಾಂ ಮೆಳ್ಳಿ. ಹಬಲ್ ತಸಲೆಂ ಟೆಲಿಸ್ಕೋಪ್ ಅಂತ್ರಾಳಾ ಥಾವ್ನ್ಂಚ್ ಹ್ಯಾ ವಿಶ್ವಚಾ ಕೊನ್ಸ್ಯಾಂ ಮ್ಹುಣಾಸರ್ ನದರ್ ದವರುಂಕ್ ಸಕ್ಲೆಂ. ಇತ್ಲೆಂಚ್‌ಗೀ ? ಆಶೆಂ ಮ್ಹುಣ್ ಅಂತರಾಷ್ರೀಯ್ ನೆಕೆತ್ರ್‌ಶಾಸ್ತ್ರಾಚೆಂ ವರಸ್ ಸಂಪವ್ಚಾ ಥೊಡ್ಯಾಚ್ ದಿಸಾಂ ಪಯ್ಲೆಂ ಬಲ್ಗೇರಿಯಾಚಾ ನೆಕೆತ್ರ್‌ಶಾಸ್ತ್ರಿಂನಿಂ ಏಕ್ ನವಿಚ್ ಖಬರ್ ಪರ್ಗಟ್ ಕೆಲ್ಲ್ಯಾ. ತ್ಯಾ ದೇಶಾಚಾ ವಿಗ್ಯಾನ್ ಅಕೆಡಾಮಿಚೊ ಉಪನಿರ್ದೇಶಕ್ ಲೂಶೆಝಾರ್ ಫಿಲಿಪೊವ್ ಗೆಲೆತ್ಯಾ ಮಹಿನ್ಯಾಂತ್ ಏಕ್ ಪತ್ರಿಕಾಗೋಷ್ಟಿ ಆಪವ್ನ್ ಆಪ್ಲ್ಯಾ ದೇಶಾಚೆ ವಿಗ್ಯಾನಿಂ ಆನ್ಯ್-ಗ್ರಹಾಂಚಾ ಜೀವಿಂ ಕಡೆ ಸಂಪರ್ಕ್ ಕರುಂಕ್ ಸಕ್ಲ್ಯಾತ್ ಮ್ಹುಣ್ ಸಾಂಗಿಲಾಗ್ಲೊ..!!

ಫಿಲಿಪೊವ್ ಬಲ್ಗೇರಿಯಾಚೊ ಏಕ್ ಮಾನಾಧಿಕ್ ವಿಗ್ಯಾನಿ. ಸಬಾರ್ ಸಂಸೋಧ್ ಕೆಲ್ಯಾತ್ ತಾಣೆಂ. ಇತ್ಲೊ ಗೌರಹ್ವಾನಿತ್ ಮನಿಸ್ ಫಟ್ ಸಾಂಗ್ತಾಗೀ ? ಹೆಂ ಕಿತ್ಲೆಂ ಸತ್ ? ಫಿಲಿಪೊವಾ ಪ್ರಕಾರ್ ಆನ್ಯ್-ಗ್ರಹಾಂಚೊ ಜೀವಿ ಆಮ್ಚಾ ಭೂಂಯ್ಚಾ ಭೊಂವಾರಿ ಆಸಾತ್ ಆನಿಂ ಆಮ್ಚೆರ್ ನದರ್ ದವರ್ನ್ ಅಸಾತ್. ಆಮ್ಕಾಂ ತ್ಯೊ ಕಸಲೋಯೀ ಉಪದ್ರ್ ಕರಿನಾಂತ್. ಮನಿಸ್ ಭೂಂಯ್ಚಿ ದೆಸ್ವಾಟ್ ಕರ್ನ್ ಆಸಾತ್ ಮ್ಹುಣ್ ತಾಂಕಾಂ ಬೆಜಾರ್ ಖಂಯ್. ಫಿಲಿಪೊವ್ ಆನಿಂ ತಾಚಾ ಸಾಂಗಾತ್ಯಾನಿಂ ವಿಚಾರ್ಲ್ಯಾ ತೀಸ್ ಸವಲಾಂಕ್ ತ್ಯಾ ಜೀವಿನಿಂ ಜವಾಬ್ ದಿಲ್ಯಾ ಖಂಯ್.ತ್ಯೊ ಜವಾಬಿ ಪರಿಪೂರ್ಣ್ ಜಾವ್ನ್ ವಿಶ್ಲೇಶಣ್ ಕರುಂಕ್ ಉಣ್ಯಾರ್ ಉಣೆಂ ಮ್ಹುಳ್ಯಾರ್ ಏಕ್ ವರಸ್ ಜಾಯ್ಜೆ ಖಂಯ್. ಪ್ರತ್ಯಕ್ಷ್ ಜಾವ್ನ್ ತ್ಯಾ ಜೀವಿಂಕ್ ಸಂಪರ್ಕ್ ಕರುಂಕ್ ಲಗ್ಬಗ್ ದಾ ಥಾವ್ನ್ ಪಂದ್ರಾ ವರ್ಸಾಂ ಜಾಯ್ಜೆ ಖಂಯ್. ಇತ್ಯ್ಲಾಕೀ ಹ್ಯಾ ಜೀವಿಂಕ್ ಸಂಪರ್ಕ್ ಕರುಂಕ್ ಹಾಣಿಂ ರೇಡಿಯೊ ಸಿಗ್ನಲಾಂ ಮ್ಹುಣಿಂ ವಾಪರ್ಲ್ಯಾಂತ್ ಗೀ? . ನಾಂ ಮುಣ್ತಾ ತೊ. ಸದ್ಯಕ್ ರೇಡಿಯೊ ಸಿಗ್ನಲಾಂ ದ್ವಾರಿಂ ತ್ಯಾ ಜೀವಿಂಚೊ ಸಂಪರ್ಕ್ ಕರುಂಕ್ ಜಾಯ್ನಾ, ಟೆಲಿಪತಿ(Telepathy) ಸಂಕೇತಾ ಮುಕ್ರಾಂತ್ ಮಾತ್ರ್ ಸಂಪರ್ಕ್ ಕರ್ಯೇತ್ ಖಂಯ್. ಹೆಂ ಟೆಲಿಪತಿ ಮ್ಹುಳ್ಯಾರ್ ಪಯ್ಸ್ ಆಸ್ಚ್ಯಾ ವ್ಯಕ್ತಿ ಸವೆಂ ಬೊಗ್ಣಾಂ -ಭಾವಾನಾಂ ಆನಿಂ ಚಿಂತ್ಪಾನ್ ಸಂಪರ್ಕ್ ಕರ್ಚಿ ವಿದ್ಯಾ. ಮ್ಹುಳ್ಯಾರ್ ಪಾಂಚ್ವಾ ಭಯ್ಲೆಂ ಸೆನ್ಸ್ ವಾಪಾರ್ನ್..!!


ಹ್ಯಾ ಆನ್ಯ್-ಗ್ರಹಾಂಚಾ ಜೀವಿಂ ವಿಶ್ಯಾಂತ್ ಸಬಾರ್ ವರ್ಣ್-ರಂಜಿತ್ ಖಬ್ರೊ ಹ್ಯಾ ಪುಡೆಂಯೀಂ ಆಯ್ಕೊಂಕ್ ಮೆಳ್ಯಾತ್. ಹ್ಯಾ ವಿಶ್ಯಾಂತ್ ಕಿತ್ಲೆ ಬೂಕ್ ಪರ್ಗಟ್ ಜಾವ್ನಾಂತ್ ? ಕಿತ್ಲ್ಯೊ ಡೊಕ್ಯೂಮೆಂಟಾರಿ ಟಿವಿರ್ ಪ್ರಸಾರ್ ಜಾವ್ನಾಂತ್ ? ಜಾಳಿ-ಜಾಗ್ಯಾನಿಂ ಕಿತ್ಲಿ ಮಾಹೆತ್ ನಾ ? ತೆಂ ಸೊಡ್ಯಾಂ ಆಮ್ಚಾ ಕಾನಾಡಿ ಬಾಷೆಂತ್ ಪೂರ್ಣಚಂದ್ರ ತೇಜಸ್ವಿನ್ ಹ್ಯಾ ವಿಶ್ಯಾಂತ್ ‘ಹಾರುವ ತಟ್ಟೆಗಳು’ ಮ್ಹುಣ್ ಸವಿಸ್ತಾರ್ ಬೂಕ್ ಬರಯ್ಲಾ. ಆನ್ಯ್-ಗ್ರಹಾಂಚಾ ಜೀವಿಂಕ್ ಪಳಯ್ಲಾಂ ಮುಳ್ಳೆ ಸಬಾರ್ ಆಸಾತ್. ಆಸಕ್ತಿದಾಯಾಕ್ ಕಾಣಿಯೊಯೀ ಆಸಾತ್. ನಿರಾಕರುಂಕ್ ಸಾಧ್ಯ್ ನಾತ್‌ಲ್ಲೆ ಸಬೂತ್‌ಯೀ ಆಸಾತ್. ಪುಣ್ ಆನಿಕೀ ಹ್ಯಾ ಜೀವಿಂ ವಿಶ್ಯಾಂತ್ ಅಧಿಕ್ರತ್ ಜಾವ್ನ್ ಧ್ರಡ್ ಕರುಂಕ್ ನಾ. ಯೆದೊಳ್ ಮ್ಹುಣಾಸರ್ ಹೆಂ ಕುಲ್ಯಾಂಚಾ ಕಾಣ್ಯೆ ಬರಿಚ್ ಜಾಲಾಂ.!

...ಪುಣ್ ಕುಲಿಂ ನಾಂತ್‌ಚ್ ಮ್ಹುಣ್ ವಾದ್ ಕರ್ಯೇತ್. ಆನ್ಯ್-ಗ್ರಹಾಂಚಾ ಜೀವಿಂ ನಾಂತ್ ಮ್ಹುಣ್ ವಾದ್ ಕರುಂಕ್ ಜಾಯ್ನಾ. ಕಿತ್ಯಾಕ್ ತೆಂ ಫಿತಿಸ್ಪಾಣ್ ನ್ಹಂಯ್..! ಬಗಾರ್ ವಿಗ್ಯಾನ್.. ಪಳೆಯಾ ಹ್ಯಾ ವಿಶ್ವಚಿ ಆಗಾಧ್ ವ್ಯಾಪ್ತ್... ಆಮ್ಚ್ಯಾ ಸೂರ್ಯ-ಮಂಡಳಾಂತ್ ಆಸ್‌ಲ್ಲ್ಯಾ ತಿತ್ಲ್ಯಾ ಗಿರಾಣ್ಯಾಂತ್ ಭೂಂಯ್ ಸೊಡ್ನ್ ದುಸ್ರೆ ಕಡೆ ಜೀವಿ ಆಸ್ಚಿಂ ಲಕ್ಷಣಾಂ ನಾಂತ್. ಖಂಯ್ ಮ್ಹುಣೀ ಆಸ್‌ಲ್ಲ್ಯಾರ್ ಮಂಗಳಾಂತ್ ಥೊಡ್ಯೊ ಸೂಕ್ಷಾಣು ಜೀವಿ ಆನಿಂ ಗುರು ಗ್ರಹಾಚೆಂ ಉಪಗ್ರಹ್ ಯೂರೋಪಾಂತ್ ಥೊಡ್ಯೊ ಜೀವಿ. ಪುಣ್ ಆಮ್ಚಾಕೀ ಬುದ್ವಾಂತ್ ನ್ಹಂಯ್ ತ್ಯೊ. ಕಿತ್ಯಾಕ್ ಮ್ಹುಳ್ಯಾರ್ ಆಮ್ಚಿಂ ಆಂತ್ರಾಳ್ ತಾರ್ವಾಂ ಪ್ಲೂಟೊ ಗ್ರಹಾಚಾ ತೆವ್ಶಿನ್ ಮ್ಹುಣಾಸರ್ ಪಾವ್ಲ್ಯಾಂತ್. ಹಿ ಬರೇ ಸೂರ್ಯ-ಮಂಡಳಾಂಚಿ ಕಥಾ. ಪುಣ್ ಆಮ್ಚೊ ಸೂರ್ಯ-ಮಂಡಳ್ ಆಸ್ಚಾ ಮಿಲ್ಕೀ-ವೇ ಗ್ಯಾಲಾಕ್ಸಿಂತ್ ಸುಮಾರ್ 400 ಬಿಲಿಯಾನ್ ಸೂರ್ಯಾ ತಸಲಿಂ ನೆಕೆತ್ರಾಂ ಆಸಾತ್. ಹ್ಯಾ ಮಿಲ್ಕೀ-ವೇ ಗ್ಯಾಲಾಕ್ಸಿಂಚೆಂ ವ್ಯಾಸ್ ಸುಮಾರ್ ಏಕ್ ಲಾಕ್ ಉಜ್ವಾಡ್ ವರಸ್. (ಏಕ್ ಉಜ್ವಾಡ್ ವರಸ್ ಮ್ಹುಳ್ಯಾರ್ ಸೆಕುಂಡಾಕ್ ತೀನ್ ಲಾಕ್ ಕಿ.ಮೀ. ವೇಗಾಂತ್ ಏಕ್ ವರ್ಸಾಕ್ ಉಜ್ವಾಡಾನ್ ಪಯ್ಣ್ ಕರ್ಚೊ ಅಂತರ್). ಹ್ಯಾ ಆಮ್ಚಾ ಮಿಲ್ಕೀ-ವೇ ಗ್ಯಾಲಾಕ್ಸಿಂತ್ಲ್ಯಾ ಶೆಂಬರಾಕ್ ಏಕಾ ನೆಕೆತ್ರಾಕ್ ಮ್ಹುಣೀ ಭೂಂಯ್ ತಸಲೆಂ ಏಕ್ ಗ್ರಹ್ ಆಸಾ ಮ್ಹುಣ್ ಚಿಂತ್ಲ್ಯಾರೀ ಹೊ ಸಂಕೊ ಕೊರೊಡಾ ವಯ್ರ್ ಜಾತಾ..!! ಹೆಂ ಫಕತ್ ಮಿಲ್ಕೀ-ವೇ ಗ್ಯಾಲಾಕ್ಸಿಚೆಂ ಲೇಕ್. ಹ್ಯಾ ವಿಶ್ವಂತ್ ಮಿಲ್ಕೀ-ವೇ ತಸಲೆ ಉಣ್ಯಾರ್ ಉಣೆಂ ಶೆಂಬರ್ ಬಿಲಿಯಾನ್ ಗ್ಯಾಲಾಕ್ಸಿ ಆಸಾತ್..!! ಆನಿಂ ಏಕಾ ಗ್ಯಾಲಾಕ್ಸಿಂತ್ ಉಣ್ಯಾರ್ ಉಣೆಂ ಶೆಂಬರ್ ಬಿಲಿಯಾನ್ ನೆಕೆತ್ರಾಂ ಆಸಾತ್ ...!!!!


ಇತ್ಲ್ಯಾ ಆಗಾಧ್ ವಿಶ್ವಂತ್ ಆಮ್ಕಾಂ ಜೀವಿ ಆಸ್‌ಲ್ಲ್ಯಾರ್ ಖಳಿತ್ ಪುಣಿ ಜಾಂವ್ಚೆಂ ಕಶೆಂ ? ದಾಕ್ಲ್ಯಾಕ್ ಆಮ್ಚಾ ಸೂರ್ಯಾಕ್ ಲಾಗ್ಗಿಂ ಆಸ್ಚೆಂ ನೆಕೆತ್ರ್ ಪ್ರಾಕ್ಸಿಮಾ ಸೆಂಟಾರಿ ಆಮ್ಚೆ ಥಾವ್ನ್ ಫಕತ್ ೪.೨ ಉಜ್ವಾಡ್ ವರಸ್ ಪಯ್ಸ್ ಆಸಾ. ಆಮ್ಕಾಂ ಆಮ್ಚಾ ಚಂದ್ರಾರ್ ಪಾವಾಜೆ ಜಾಲ್ಯಾರ್ ಚಾರ್ ದೀಸ್ ಜಾಯ್ಜೆ. ಪುಣ್ ಹ್ಯಾ ಪ್ರಾಕ್ಸಿಮಾ ಸೆಂಟಾರಿಕ್ ಪಾವಾಜೆ ಜಾಲ್ಯಾರ್ ವೀಸ್ ಕೊರೊಡ್ ದೀಸ್ ಜಾಯ್ಜೆ. !! ಆಮ್ಚ್ಯಾ ಮಿಲ್ಕೀ-ವೇ ಗ್ಯಾಲಾಕ್ಸಿಕ್ ಲಾಗ್ಗಿಂ ಆಸ್‌ಲ್ಲಿ ಅಂಡ್ರೊಮಿಡಾ ಮ್ಹುಳ್ಳಿ ಗ್ಯಾಲಾಕ್ಸಿ ಆಮ್ಚೆ ಥಾವ್ನ್ ಸುಮಾರ್ ತೀಸ್ ಲಾಕ್ ಉಜ್ವಾಡ್ ವರ್ಸಾಂ ಪಯ್ಸ್ ಆಸಾ. ತ್ಯಾ ಗ್ಯಾಲಾಕ್ಸಿಂತ್ಲ್ಯಾ ಏಕಾ ನೆಕೆತ್ರಾಂಚಾ ಜೀವಿಕ್ ಆಮಿಂ ಆಜ್ “ಹಲೋ” ಮ್ಹುಣ್ ರೇಡಿಯೋ ತರಂಗ್ ದಾಡ್ಲ್ಯಾರ್( ಉಜ್ವಾಡಾಚಾ ವೇಗಾಂತ್) ತಾಂಕಾಂ ತೊ ಸಂದೇಶ್ ಪಾವೊಂಕ್ ತೀಸ್ ಲಾಕ್ ವರ್ಸಾಂ ಜಾಯ್. ತಾಣಿಂ ಪರತ್ ಆಮ್ಕಾಂ “ಹಲೋ” ಮ್ಹುಳ್ಯಾರ್ ತೊ ಸಂದೇಶ್ ಆಮ್ಕಾಂ ಪಾವೊಂಕ್ ಆನ್ಯೇಕ್ ತೀಸ್ ಲಾಕ್ ವರ್ಸಾಂ ಜಾಯ್..!!!


ಬಲ್ಗೇರಿಯಾಚೆ ವಿಗ್ಯಾನಿಂ ಆನ್ಯ್ ಗ್ರಹಾಂಚಾ ಜೀವಿಂ ಕಡೆ ಉಲಯ್ಲೆಂ ಕಿತ್ಲೆಂ ಸತ್ ಮುಣ್ ಆಮ್ಕಾಂ ಕಳಿತ್ ನಾ. ಪುಣ್ ಫಿಲಿಪೊವಾ ಪ್ರಕಾರ್ ಆನ್ಯ್-ಗ್ರಹಾಂತ್ ಜೀವಿ ಆಸಾತ್ ಮ್ಹುಣ್ ವಾತಿಕಾನ್‌ಯೀ ಒಪ್ವಾಲಾಂ ಖಂಯ್. ಪುಣ್ ಬೈಬಲಾಂತ್ ಆನ್ಯ್-ಗ್ರಹಾಂತ್ ಜೀವಿ ಆಸಾತ್ ಮ್ಹುಣ್ ಶಿದಾ ಖಂಯ್‌ಯೀ ಸಾಂಗೊಂಕ್ ನಾ. ಬೈಬಲಾ ಪ್ರಕಾರ್ ಹಿ ಭೂಮಿ ಯಾ ವಿಶ್ವ್ ಬಿಲಿಯಾನ್ ವರ್ಸಾಂ ಆದಿಂ ಬಿಗ್‌ಬ್ಯಾಂಗ್ ಜಾವ್ನ್ ರೂಪಿತ್ ಜಾಲ್ಲಿ ನ್ಹಂಯ್. ಉತ್ಪತಿ ಗ್ರಂಥಾ ಪ್ರಕಾರ್ ದೆವಾನ್ ಪಯ್ಲ್ಯಾ ದಿಸಾ ಭೂಂಯ್ ರಚ್ಲಿ ಆನಿಂ ಉಪ್ರಾಂತ್ ಸೂರ್ಯೊ, ಚಂದ್ರ್ ಆನಿಂ ನೆಕೆತ್ರಾಂ ರಚ್ಲಿಂ. ಪುಣ್ ಬೈಬಲಾಂತ್ಲೆ ಥೊಡೆ ಉಲ್ಲೇಕ್ ಆನ್ಯ್-ಗ್ರಹಾಂತ್ ಜೀವಿ ಆಸಾತ್ ಮ್ಹುಣ್ ಸಾಂಗೊನ್ ಆಸಾತ್‌ಗಿ...? ಥೊಡೆ ದಾಕ್ಲೆ ಪಳೆಯಾ..!!


“ತ್ಯಾ ದಿಸಾಂನಿ ಆನಿ ಉಪ್ರಾಂತ್‌ಯೀ ಪೃಥ್ವೆಚೆರ್ ದೈತ್ಯ್ ಆಸ್ಲೆ. ಕಿತ್ಯಾಕ್ ದೇವ್‌ಪೂತ್ ಮನ್ಶಾಂಚ್ಯಾ ಧುವಾ ಸಂಗಿಂ ಎಕ್ವಟುನ್ ತಾಂಕಾಂ ಭುರ್ಗಿಂ ಜಲ್ಮಲ್ಲಿಂ. ಪುರಾತನ್ ಕಾಳಾಚೆ ಬಳ್ವಂತ್ ವೀರ್ ಆನಿ ನಾಂವಾದಿಕ್ ಮನಿಸ್ ಹೆ.” (ಉತ್ಪತಿ: 6:4)


ಕೋಣ್ ಹೆ ದೈತ್ಯ್ ? ಕೋಣ್ ಹೆ ದೇವ್‌ಪೂತ್? ಯೆಜೆಕಿಲಾಚಾ ಗ್ರಂಥಾಂತ್ ಪಳೆಯಾಂ..


ಹಾಂವೆಂ ತಾಂಚ್ಯಾ ಪಾಕಾಟ್ಯಾಂಚೊ ಆವಾಜ್ ಆಯ್ಕಲೊ: ತೊ ಆವ್ರಾಚ್ಯಾ ಉದ್ಕಾಚ್ಯಾ ಆವಾಜಾ ಸಾರ್ಕೊ, ಸರ್ವ್ ಪದ್ವೆದಾರಾಚ್ಯಾ ತಾಳ್ಯಾ ಸಾರ್ಕೊ ಆಸ್ಲೊ. ತೆ ವೆತಾನಾ ತಾಂಚ್ಯಾ ಗೊಂದಳಾಚೊ ಆವಾಜ್ ಸೈನಾಚ್ಯಾ ಆವಾಜಾ ಸಾರ್ಕೊ ಆಸ್ಲೊ. ತೆ ಥಾಂಬ್ಲೆ ತೆದ್ನಾ ತಾಂಣಿಂ ಆಪ್ಲೆ ಪಾಕಾಟೆ ಸಕ್ಲಾ ದೆಂವಯ್ಲೆ (ಯೆಜೆಕಿಯೆಲ್ 1:24)


ನವ್ಯಾ ಸೊಲ್ಲ್ಯಾಂತ್ಲೆ ಥೊಡೆ ಉಲ್ಲೇಖ್ ಪಳೆಯಾಂ..


“ಮ್ಹಜ್ಯಾ ಬಾಪಾಚ್ಯಾ ಘರಾಂತ್ ಜಾಯ್ತಿಂ ಕುಡಾಂ ಆಸಾತ್. ನಾತ್‌ಲ್ಲಿಂ ಜಾಲ್ಯಾರ್ ಹಾಂವ್ ತುಮ್ಕಾಂ ಪಯ್ಲೆಂಚ್ ಸಾಂಗ್ತೊಂ. ಹಾಂವ್ ಆತಾಂ ವಚುನ್ ತುಮ್ಕಾಂ ಏಕ್ ಜಾಗೊ ತಯಾರ್ ಕರ್‍ತಾಂ” (ಜುವಾಂವ್ 14:2)


“ಹ್ಯಾ ಹಿಂಡಾಂತ್ ನಾತ್‌ಲ್ಲೆ ಹೆರ್ ಬಕ್ರೆಯೀ ಮ್ಹಾಕಾ ಆಸಾತ್, ತಾಂಕಾಂಯೀ ಹಾಂವೆಂ ಲಾಗಿಂ ಹಾಡಿಜಾಯ್. ತೆಯೀ ಮ್ಹಜೊ ತಾಳೊ ಆಯ್ಕತಲೆ ಆನಿ ಆಶೆಂ ಎಕ್‌ಚ್ ಹಿಂಡ್ ಜಾತಲೊ ಆನಿ ಏಕ್ ಗೊವ್ಳಿ.” (ಜುವಾಂವ್ 10:16)


ತ್ಯಾ ಹಿಂಡಾಂತ್ ನಾತ್‌ಲ್ಲೆ ಬಕ್ರೆ ಖಂಚೆ ತೆ ..!!?


ವಯ್ಲೆ ಥೊಡೆ ಉಲ್ಲೇಕ್ ಮಾತ್ರ್. ತುಕಾ ಇಲ್ಲೆಶೆಂ ನೆಕೆತ್ರ್ ಶಾಸ್ತ್ರ್ ಗೊತ್ತಾಸುನ್ ,ತುವೆಂ ಉಗ್ಡಾಪಣ್ ಗ್ರಂಥ್ ವಾಚ್ಲಾರ್ ತುಕಾ ಅನಿಕೀ ಚಡ್ ಮಾಹೆತ್ ಮೆಳ್ತಾ. ಏಕ್‌ಚ್ ರೀತಿಚಿ ಕಣ್ಶಿ ಆಸ್ಲ್‌ಲ್ಲ್ಯಾ ಏಕಾ ವಿಶಾಲ್ ಭಾತಾಚಾ ಗಾದ್ಯಾಂತ್ ಏಕಾ ಕಣ್ಸ್ಯೆರ್ ಮಾತ್ರ್ ಭಾತ್ ಜಾಲಾಂ ಮ್ಹುಣ್ ತುಂ ಪಾತ್ಯೆತಾಯ್‌ಗೀ ? impossible ನ್ಹಯ್ ವೇ......!!!!!????


******************************************


-ಪ್ರಮೋದ್ ಜೆ.ರೊಡ್ರಿಗ್ಸ್, ಹೊಸ್ಪೆಟ್


pramrods@gmail.com

ಏಕ್ ವಿಜ್ಮಿತ್ ಉಗ್ಡಾಪಣ್ : ಚಂದ್ರಾರ್ ಉದಾಕ್ ...!!!(RAKNNO)

ಯೆದೊಳ್ ಮ್ಹುಣಾಸರ್ ಹೆಂ ಚಂದ್ರ್ ಏಕ್ ಸುಕಿ ಮರುಭುಂಯ್ ಆನಿಂ ತಾಂತುಂ ಉದ್ಕಾಳ್ ಕಣಾಂ ನಾಂತ್ ಮ್ಹುಣೊನ್ ಚಿಂತ್‌ಲ್ಲೆಂ . ಖಂಯ್ ಪುಣಿ ಉದಾಕ್ ಮುಣ್ ಆಸ್‌ಲ್ಯಾರ್ ತೆಂ ತಾಚಾ ಧ್ರುವ ಪ್ರದೇಶಾಚಾ ಗೂಂಡ್ ಖಣ್ಯೆನಿಂ ಘನಿಕ್ರತ್ ಐಸಾ ರೂಪಾರ್ ಮಾತ್ರ್ ಮ್ಹುಣೊನ್ ಯೆದೊಳ್ ಮ್ಹುಣಾಸರ್ ಆಸ್ಚಿ ಪಾತ್ಯೆಣಿ. ಪುಣ್ ಆತಾಂ ಅದಿಕ್ರತ್ ಜಾವ್ನ್ ಘೊಷಣ್ ಜಾಲಾಂ. ... ನ್ಹಂಯ್ ಬಗಾರ್ ಚಂದ್ರಾಚಾ ಫಕತ್ ಚಂದ್ರಾಚಾ ಧ್ರುವ್ ಪ್ರದೇಶಾಂತ್ , ತಾಚಾ ಸಗ್ಳ್ಯಾ ಧರ್ಣಿರ್‌ಚ್ ಉದ್ಕಾಳ್ ಕಣಾಂ ಆಸಾತ್. ಆಶೆಂ ಮ್ಹುಣೊನ್ ಅಮೆರಿಕಚಾ ನಾಸಾಚಾ ತೀನ್ ವೆವೆಗ್ಳ್ಯಾ ಅಂತ್ರಾಳ್ ತಾರ್ವಾನಿಂ ಚಲಯ್ಲ್ಯಾ ಸಂಸೋದಾನಿಂ ಕಾಬುಲ್ ಕೆಲಾಂ. ಗೆಲೆತ್ಯಾ ಸಪ್ತೆಂಬರಾಚಾ ನಿಮಾಣ್ಯಾ ಹಪ್ತ್ಯಾರ್ ಪರ್ಗಟ್ ಜಾಲ್ಲ್ಯಾ ಹ್ಯಾ ವಿಷ್ಯಾನ್ ಸಗ್ಳ್ಯಾ ಸಂಸಾರಾಕ್ ಚಕಿತ್ ಕೆಲ್ಲೆಂ....!!!



ಇತ್ಲ್ಯಾಕೀ ಚಂದ್ರಾರ್ ಉದಾಕ್ ನಾ ಮ್ಹುಣ್ ಚಿಂತುಂಕ್ ಸಬಾರ್ ಕಾರಣಾಂ ಆಸ್‌ಲ್ಲಿಂ. ಹ್ಯಾ ಚಂದ್ರಾಕ್ ವಾತಾವರಣ್ಂಚ್ ನಾ. ತಾಚಾ ದಿಸಾ ವೆಳಾರ್ ತಾಪ್ ಬಿರಾಂಕುಳ್. ಶೆಂಬಾರ್ ಡಿಗ್ರಿ ಸೆಂಟಿಗ್ರೆಡಾಚಾಕೀ ಚಡ್...!!! (ಚಂದ್ರಾಚೊ ಏಕ್ ದಿವಸ್ ಮ್ಹುಳ್ಯಾರ್ ಭೂಂಯ್ಚೆ 29 ದಿವಸ್). ಇತ್ಲ್ಯಾ ತಾಪಾಕ್ ಉದಾಕ್ ಆಸೊಂಕ್‌ಚ್ ಸಾದ್ಯ್ ನಾ ಮ್ಹುಣ್ ಲೇಕ್ ಕೆಲ್ಲೆಚ್ ಸಬಾರ್. ವಾತಾವರಣ್ ರಹಿತ್ ಹ್ಯಾ ಚಂದ್ರಾರ್ ಜಾಂವ್ಚಾ ಉಲ್ಕಾಪಾತಾ ವರ್ವಿಂ ಭಯ್ಲ್ಯಾ ಸಂಸಾರಾ ಥಾವ್ನ್ ಆಯಿಲ್ಲೆಂ ಐಸ್ ಚಂದ್ರಾಚಾ ದಿಸಾ ವೆಳಾರ್ ಆಸ್ಚ್ಯಾ ಭಿರಂಕುಳ್ ತಾಪಾಕ್ ಆದ್ರಶ್ಯ್ ಜಾತಾ ಮ್ಹುಣ್ ಚಿಂತ್ಲ್ಯಾರೀ ಚಂದ್ರಾಚಾ ಧ್ರುವ ಪ್ರದೇಶಾಚಾ ಥೊಡ್ಯಾ ಜಾಗ್ಯಾನಿಂ ಹೆಂ ಸುರಕ್ಷಿತ್ ಜಾವ್ನ್ ದಾಸ್ತಾನ್ ಜಾಂವ್ಕ್ ಪುರೊ ಮ್ಹುಣ್ ದುಬಾವ್ ಸಬಾರಾಂಕ್ ಆಸ್‌ಲ್ಲೊ.ಹಾಕಾ ಕಾರಾಣ್‌ಯೀ ಆಸಾತ್. ಹ್ಯಾ ಧ್ರುವ ಪ್ರದೇಶಾಂಚಾ ಥೊಡ್ಯಾ ಗೂಂಡ್ ಖಣ್ಯೆನಿಂ ಸುರ್ಯಾಚೊ ಉಜ್ವಾಡ್‌ಚ್ ಪಡನಾ. ಹಾಕಾ ಸಾಸ್ಣಿಕ್ ಸಾವ್ಳೆಚೆ ಜಾಗೆ (Permanently shadowed areas) ಮ್ಹುಣ್ತಾತ್. ಹ್ಯಾ ಜಾಗ್ಯಾನಿಂ ತಾಪ್ -170 ಡಿಗ್ರೆಚಾ ಕಿ ಉಣೊ ಆಸ್ತಾ. ಆಶೆಂ ಹ್ಯಾ ಸಾಸ್ಣಿಕ್ ಸಾವ್ಳೆಚಾ ಖಣ್ಯೆನಿಂ ಮಿಲಿಯಾನ್ ವರ್ಸಾಂ ಥಾವ್ನ್ ಸಂಗ್ರಹ್ ಜಾವ್ನ್ ಉದಾಕ್ ಘನಿಕ್ರತ್ ಐಸಾ ರೂಪಾರ್ ಆಸಾ ಮ್ಹುಳ್ಳಿ ಪಾತ್ಯೆಣಿ ಆಸ್‌ಲ್ಲಿ. ಅಸಲೊ ಪಯ್ಲೊ ದಾಕ್ಲೊ ಮೆಳ್‌ಲ್ಲೊ 1994 ಂತ್ ನಾಸಾಚಾ ಕ್ಲೆಮೆಂಟೈನ್ ಮ್ಹುಳ್ಯಾ ಅಂತ್ರಾಳ್ ತಾರ್ವಾಕ್. ಹಾಚಾ ಉಪ್ರಾಂತ್ 1998 ಂತ್ ನಾಸಾಚಾ ಆನ್ಯೇಕ್ Lunar Prospector ಮ್ಹುಳ್ಯಾ ತಾರ್ವಾಕೀ ಆಸಲಿಂ ಲಕ್ಷಣಾಂ ದಿಸ್ಲಿಂ. ಹ್ಯಾಚ್ ಜುನಾಚಾ 18 ತಾರಿಕೆರ್ ನಾಸಾನ್ ಪರತ್ Lunar CRater Observation and Sensing Satellite (LCROSS) ಮ್ಹುಳ್ಳೆಂ ತಾರುಂ ಚಂದ್ರಾಕ್ ದಾಡ್ಲೆಂ. ಹ್ಯಾ ತಾರ್ವಾಂತ್ ಆಸ್ಚಿ ಏಕ್ ಮಿಸೈಲ್ ವಚೊನ್ ಸಾಸ್ಣಿಕ್ ಸಾವ್ಳೆಚಾ ಜಾಗ್ಯಾರ್ ಅಪ್ಟಾವ್ನ್ ಜಾಂವ್ಚಾ ಸ್ಪೊಟಾ ವರ್ವಿಂ ಹ್ಯಾ ಉದ್ಕಾ ವಿಶ್ಯಾಂತ್ ಚಡಿತ್ ಮಾಹೆತ್ ಘೆಂವ್ಚಿ ಯೆವ್ಜಣ್ ನಾಸಾಚಿ. !! ಅಸಲ್ಲೊ ಪ್ರಯೋಗ್ ಹೊ ಅಂಕೊ ತುಮಿ ವಾಸ್ಚ್ಯಾ ಪಯ್ಲೆಂಚ್ ಸಂಪೊಂಕ್ ಪುರೊ. ..!!



ಇತ್ಲೊ ಪುರಾ ವಿಷಯ್ ಚಂದ್ರಾರ್ ಭಯ್ಲ್ಯಾ ಸಂಸಾರಾ ಥಾವ್ನ್ ಯೇವ್ನ್ ಸಂಗ್ರಹ್ ಜಾಲ್ಯಾ ಉದ್ಕಾಚೊ. ಪುಣ್ ಆತಾಂಚಾ ಸಂಸೋದಾನಿಂ ಚಂದ್ರಾರ್ ಭಯ್ಲ್ಯಾ ಸಂಸಾರಾಂತ್ ದಾಸ್ತಾನ್ ಜಾಲ್ಲೆಂ ಉದಾಕ್ ಮಾತ್ರ್ ನ್ಹಂಯ್, ತಾಚಾ ಧರ್ಣಿರ್‌ಚ್ ಉದ್ಕಾಚಿಂ ಕಣಾಂ ಉತ್ಪನ್ನ್ ಜಾತಾತ್ ಮ್ಹುಣೊನ್ ಜಾಹೀರ್ ಕೆಲಾಂ. 1999 ಇಸ್ವೆಂತ್‌ಚ್ ನಾಸಾಚಾ ಕ್ಯಾಸಿನಿ ಮ್ಹುಳ್ಯಾ ಅಂತ್ರಾಳ್ ತಾರ್ವಾನ್ ಚಂದ್ರಾಚಾ ಧರ್‍ಣೆ ವಯ್ರ್ ಉದ್ಕಾಚಿಂ (H20) ಆನಿ ಹೈಡ್ರಾಕ್ಸಿಲ್(HO) ಕಣಾಂ ಆಸಾತ್ ಮ್ಹುಣೊನ್ ದತ್ತಾಂಶ್ ದಾಡ್‌ಲ್ಲೊ. ಪುಣ್ ಹೆಂ ಪಾತ್ಯೆಂವ್ಕ್ ಕೊಣ್‌ಯೀ ತಯಾರ್ ನಾತ್‌ಲ್ಲೆ. ಹೆಂ ಕ್ಯಾಸಿನಿ ಮ್ಹುಳ್ಳೆಂ ತಾರುಂ 1997 ಇಸ್ವೆಂತ್ ನಾಸಾನ್ ಶನಿ ಗ್ರಹಾಕ್ ಮ್ಹುಣೊನ್ ದಾಡ್‌ಲ್ಲೆಂ. ಹ್ಯಾ ವಾಟೆರ್ 1999 ಇಸ್ವೆಂತ್ ತೆಂ ಚಂದ್ರಾಕ್ ಲಾಗ್ಗಿಂ ಆಸ್ತಾನಾ ತ್ಯಾ ತಾರ್ವಾಕ್ ಅಸಲೊ ಸಂಸೊಧ್ ಕೆಲ್ಲೊ. ಪುಣ್ ಚಾಳಿಸ್ ವರ್ಸಾಂ ಆದಿಂಚ್ ಮನ್ಶ್ಯಾನ್ ಚಂದ್ರಾರ್ ದೆವೊನ್ ಥಂಚಿ ಮಾತಿ ಆನಿ ಫಾತೊರ್ ಹಾಡ್‌ಲ್ಲೆ. ವಿಗ್ಯಾನಿನಿಂ ಹೆ ಪರಿಕ್ಷಾ ಕರ್ನ್ ಚಂದ್ರಾರ್ ಉದಾಕ್‌ಚ್ ನಾ ಮ್ಹುಣೊನ್ ನಿರ್ಣಯ್ ಕೆಲ್ಲೊ. ಹ್ಯಾ ಮಾತ್ಯೆಂತ್ ಥೊಡೆ ಉದ್ಕಾಚಿಂ ಕಣಾಂ ಆಸ್‌ಲ್ಲಿಂ. ಹಿಂ ಕಣಾಂ ಅಪೊಲ್ಲೊ ಯಾತ್ರಿನಿಂ ಥಂಚಿ ಮಾತಿ ಹಾಂಗಾ ಹಾಡ್ತಾನಾ ಭುಂಯ್ ಥಾವ್ನ್ ಸೆರ್ವಾಲಿಂ ಮ್ಹುಣ್ ವಿಗ್ಯಾನಿ ಪಾತ್ಯೆವ್ನ್ ಆಸ್‌ಲ್ಲೆ. ಅತಾಂ ಖಳಿತ್ ಜಾಲಾಂಕೀ ಹಿ ಏಕ್ ವಡ್ಲಿ ಚೂಕ್ ಮ್ಹುಣೊನ್ .....!!!!

ಹಾಕಾ ಕಾರಾಣ್ಂಚ್ ನಾಸಾಚೆ Moon Mineralogy Mapper (M3) ಮ್ಹುಳ್ಳೆಂ ಆನ್ಯೇಕ್ ಅಂತ್ರಾಳ್ ತಾರುಂ. ತುಮ್ಕಾಂ ಖಳಿತ್ ಆಸೊಂಕ್ ಪುರೊ.. ಹೆಂ M3 ತಾರುಂ 2008 ಚಾ ಅಕ್ಟೋಬರಾಂತ್ ಮಹಿನ್ಯಾಂತ್ ಭಾರತಾಚಾ ಚಂದ್ರ್‌ಯಾನ್-1 ಉಪಗ್ರಹಾ ಸವೆಂ ಚಂದ್ರಾಕ್ ದಾಡ್‌ಲ್ಲೆಂ. M3 ಚಾ ಸ್ಪೆಕ್ಟ್ರೋಮಿಟಾರಾನ್ ಚಂದ್ರಾಚಾ ಧರ್‍ಣಿರ್ ಪ್ರತಿಫಲನ್ ಜಾಲ್ಯಾ ಉಜ್ವಾಡಾಚಾ ಲಾಂಬಿಯೆಚೆಂ (Wavelenghth) ತುಲನ್ ಕರ್ತಾನಾ ಥಂಯ್ ಉದ್ಕಾಚೆ (H20) ಆನಿಂ ಹೈಡ್ರಾಕ್ಸಿಲ್ (HO) ಕಣ್ ಆಸ್ಚೆ ಖಳಿತ್ ಜಾಲೆಂ. ಆಶೆಂ ದಾ ವರ್ಸಾಂ ಆದಿಂ ಕ್ಯಾಸಿನಿ ದಾಡ್‌ಲ್ಲೊ ದತ್ತಾಂಶ್ ಆನಿಂ M3 ಚೊ ದತ್ತಾಂಶ್ ಸಮಾನಾತ್ಮಕ್ ಆಸ್‌ಲ್ಲೊ......!!

ಪುಣ್ ಚಂದ್ರಾಚಾ ಉದ್ಕಾ ವಿಶ್ಯಾಂತ್ ಘಟ್ಟ್ ಜಾವ್ನ್ ಥಿರ್ ಮೆಳ್ಳೊ ನಾಸಾಚಾ ತಿಸ್ರ್ಯಾ Deep Impact spacecraft ಮ್ಹುಳ್ಯಾ ಅಂತ್ರಾಳ್ ತಾರ್ವಾ ದ್ವಾರಿಂ. ಹೆಂ ತಾರುಂ ಚಂದ್ರಾ ವಿಶ್ಯಾಂತ್ ಸಂಸೋಧ್ ಕರುಂಕ್ ಮ್ಹುಣ್ ಬಿಲ್ಕುಲ್ ವಿನ್ಯಾಸ್ ಕರುಂಕ್ ನಾತ್‌ಲ್ಲೆಂ. 2005 ಇಸ್ವೆಂತ್ ದಾಡ್‌ಲ್ಲ್ಯಾ ಹ್ಯಾ ತಾರ್ವಾಚೊ ಉದ್ದೇಶ್ ಶಿಮ್ಟಿ ನೆಕೆತ್ರಾಂ ವಿಶಿಂ ಚಡಿತ್ ಜಾಣ್ವಾಯ್ ಜೊಡ್ಚಿ. ತ್ಯಾಚ್ ವರ್ಸಾಚಾ ಜುಲೈಂತ್ ತೆಂ Temple-1 ಮುಳ್ಯಾ ಶಿಮ್ಟಿ ನೆಕೆತ್ರಾಕ್ ಅಪ್ಟೊನ್ ಸಂಸೋಧ್ ಕೆಲ್ಲೆ. ಹ್ಯಾ ಸಂಸೊದಾಚೊ ದುಸ್ರೊ ಭಾಗ್ ಜಾವ್ನ್ ತೆಂ ತಾರುಂ 2010 ಚಾ ನವೆಂಬರಾಂತ್ Hartley-2 ಮ್ಹುಳ್ಯಾ ಆನ್ಯೆಕ್ ಶಿಮ್ಟಿ ನೆಕೆತ್ರಾಕ್ ಆಪ್ಟಾತೆಲೆಂ. ಹ್ಯಾಚ್ ವಾಟೆರ್ 2009 ಚಾ ಜುಲೈಂತ್ ತೆಂ ಚಂದ್ರಾಕ್ ಲಾಗ್ಗಿಂ ಆಸ್ತಾನಾ ತ್ಯಾ ತಾರ್ವಾನ್ ಕೆಲ್ಲ್ಯಾ ಸಂಸೋದಾನಿಂ ಉದ್ಕಾಚೆ ಆನಿಂ ಹೈಡ್ರಾಕ್ಸಿಲ್ ಕಣ್ ಆಸಾತ್ ಮ್ಹುಣ್ ದತ್ತಾಂಶ್ ದಾಡ್ಲೊ. ಹಾಚೆ ಸಂಗಿಂ ಚಂದ್ರ್ ದಿಸಾಚಾ ವಿಭಿನ್ನ್ ವೆಳಾರ್ ಹ್ಯಾ ತಾರ್ವಾನ್ ಪ್ರಯೋಗ್ ಕರ್ತಾನಾ ಆನ್ಯೇಕ್ ವಿಭಿನ್ನ್ ಸಂಗತ್‌ಯೀ ತ್ಯಾ ತಾರ್ವಾನ್ ಉಗ್ಡಾಪಣ್ ಕೆಲಿ.. ಚಂದ್ರಾಚಾ ಧರ್‍ಣಿರ್ ಸಕಾಳಿಂ ಉದ್ಕಾ ಕಣ್ ಉಬ್ಜಾಂವ್ಚೆ, ಆನಿಂ ದೊನ್ಪಾರಾಂ ತೆ ಮಾಜ್ವೊಂಚೆ ಆನಿ ಪರತ್ ಸಾಂಜೆರ್ ಉಬ್ಜಾಂವ್ಚೆ.....!!!ಹಿ ಕ್ರಿಯಾ ಕಿತ್ಯಾಕ್ ಘಡ್ತಾ ಮ್ಹುಣ್ ಚಡಿತ್ ಮಾಹೆತ್ ಮೆಳೊಂಕ್ ನಾ. ಥೊಡ್ಯಾ ವಿಗ್ಯಾನಿಂ ಪ್ರಕಾರ್, ಸೌರಮಾರುತ್ (Solar Wind) ದ್ವಾರಿಂ ಯೆಂವ್ಚಾ ಹೈಡ್ರೊಜನ್ ಆಯಾನ್ ಚಂದ್ರಾಚಾ ಒಕ್ಸಿಜಾನ್ ಕಣ್ ಆಸ್ಚ್ಯಾ ಖನಿಜಾಂತ್ ಏಕ್ಟಾಯ್ ಜಾತಾನಾ ಉದಾಕ್ ಆನಿಂ ಹೈಡ್ರಾಕ್ಸಿಲ್ ಉತ್ಪನ್ನ್ ಜಾತಾ..!! ಹಾಚೆ ವಿಶ್ಯಾಂತ್ ಚಡಿತ್ ಸಂಸೋಧ್ ಆನಿಂ ಜಾಯ್ಜೆ...ಪುಣ್ ಹ್ಯಾ ತೀನ್‌ಯೀ ಅಂತ್ರಾಳ್ ತಾರ್ವಾನಿಂ ದಾಡ್‌ಲ್ಲ್ಯಾ ದತ್ತಾಂಶಾಂತ್ ಅತಾಂ ಚಂದ್ರಾಂತ್ ಉದಾಕ್ ಆಸಾ ಮ್ಹುಣ್ ಅಧಿಕ್ರತ್ ಜಾಲಾಂ...!!

ಇತ್ಲ್ಯಾಕೀ ಚಂದ್ರಾರ್ ಉದಾಕ್ ಮ್ಹುಣ್ತಾನಾ ಆಮ್ಚೆ ಬರಿ ತಳೆಂ , ನಂಯ್ , ಸಾಗಾರ್ ನಾಂತ್. ಥಂಯ್ ಉದಾಕ್ ದ್ರವ್ ರೂಪಾರ್‌ಚ್ ನಾ. ಆಸ್ಚೆ ಫಕತ್ ಉದ್ಕಾಚೆ ಕಣ್ ಮಾತ್ರ್. ಆಶೆಂ ಥಂಯ್ ದೋನ್ ನಮೂನೆಚೆಂ ಉದಾಕ್ ಆಸಾ.. ಪಯ್ಲೆಂ ಭಯ್ಲ್ಯಾ ಸಂಸಾರಾ ಥಾವ್ನ್ ಚಂದ್ರಾಚಾ ಧ್ರುವ ಪ್ರದೇಶಾಂತ್ ಸಂಗ್ರಹ್ ಜಾಲ್ಲೆಂ ಉದಾಕ್ ಆನಿಂ ದುಸ್ರೆಂ ಚಂದ್ರಾಚಾ ದರ್ಣಿರ್‌ಚ್ ಉತ್ಪನ್ನ್ ಜಾಲ್ಲೆಂ ಉದಾಕ್. ಹ್ಯಾ ದೊನೀ ಉದ್ಕಾಚೊ ಪ್ರಮಾನ್ ಭಾರಿ ಉಣೊ. ಏಕ್ ಟನ್ ತಿತ್ಲಿ ಚಂದ್ರಾಚಿ ಮಾತಿ ಉಸ್ತಿಲ್ಯಾರ್ ಮೆಳ್ಚೆಂ ಉದಾಕ್ ಫಕತ್ 32 ಔನ್ಸ್ ಮಾತ್ರ್ ಖಂಯ್..!! ಆಶೆಂ ವಜ್ರಾ ಪ್ರಾಸ್ ಮೊಲಾಧಿಕ್ ಹೆಂ ಚಂದ್ರಾಚೆಮ್ ಹೆಂ ಉದಾಕ್ ....!!!!





ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್, pramrods@gmail.com

-

ಬಾಸ್ ಪರತ್ ಪಾಟಿಂ ಯೇವ್ನ್ ಆಸಾ..........!!!! (MAIBHAS)

ತ್ಯಾ ಬಸ್ಸಾರ್ ಪ್ರಯಾಣ್ ಕರುಂಕ್ ಲೋಕ್ ಅತ್ರೇಗ್ತಾಲೊ. ತೆಂ ಕಲಾಶಿಪಾಳ್ಯಾ ಸೊಡ್, ಸಗ್ಳ್ಯಾ ಬೆಂಗ್ಳೂರಾಂತ್‌ಚ್ ತ್ಯಾ ಕಾಳಾರ್ ತಿತ್ಲೆಂ ಟ್ರಾಪಿಕ್ ಜ್ಯಾಮ್ ನಾತ್‌ಲ್ಲೆಂ. ತಿಂಚ್ KSRTC ಚಿಂ ತಾಂಬ್ಡಿಂ ಬಸ್ಸಾಂ..... ಪುಣ್ ತ್ಯಾ ಕಲಾಶಿಪಾಳ್ಯಾಚಾ ಸಿಟಿ ಬಸ್ಸಾರ್ ಲೋಕ್ ತ್ಯಾ ಕಂಡೆಕ್ಟರಾಕ್ ಪಳೆಂವ್ಕ್ ಮ್ಹುಣೊನ್ಂಚ್ ಯೇವ್ನ್ ಆಸ್‌ಲ್ಲೊ. ತಾಣೆ೦ ಟಿಕೆಟ್ ದಿಂವ್ಚಿ, ವಿಶಲ್ ಮಾರ್‍ಚಿ style ,ತಾಚೆ ಸ್ಟಂಟ್ಸ್ , acion..... ಲೋಕ್ ಪಿಸಾಂತ್ ಜಾಲ್ಲೊ ತಾಚೆರ್ ..... ತೊ ಶಿವಾಜಿ ರಾವ್ ಗಾಯಕ್‌ವಾಡ್. ಕರ್ನಾಟಕಾಂತ್ ಜಲ್ಮಲ್ಲೊ ಏಕ್ ಮರಾಠಿ ತರ್ನಾಟೊ ತೊ. ಸುಮಾರ್ ತೀಸ್-ಚಾಳೀಸ್ ವರ್ಸಾಂ ಆದಿಂ ಬೆಂಗ್ಳೂರಾಂತ್ ಬಸ್ಸ್ ಕಂಡೆಕ್ಟರಾಚೆಂ ಕಾಮ್ ಕರ್‍ನ್ ಆಸ್‌ಲ್ಯಾ South India ಚೊ ಸೂಪರ್ ಸ್ಟಾರ್ ರಜನಿಕಾಂತಾಚಿ ಜಿಣ್ಯೆ ಕಾಣಿ ಹಿ..........

ಹೊ ಶಿವಾಜಿ ಪರತ್ ಪಾಟಿಂ ಯೇವ್ನ್ ಆಸಾ....!!. ಹ್ಯಾ ಪಾವ್ಟಿಂ ಇಂಡಿಯನ್ ಸಿನಿಮಾಚೆ ದಾಕ್ಲೆ ಪುರಾ ಛಿದ್ರ್ ಕರ್‍ನ್...!. ರಜನಿಕಾಂತ್ ಅಭಿನಯಾಚೆಂ ಫಿಲ್ಮ್ ‘ಶಿವಾಜಿ ದಿ ಬಾಸ್’ ಹ್ಯಾಚ್ ಮೇಯಾಚಾ 17 ತಾರೀಕೆರ್ ಸಗ್ಳಾ ಸಂಸಾರಾಂತ್ ಏಕ್‌ಚ್ ದೀಸ್ release ಜಾತಾ. 27 ರಾಷ್ಟ್ರಾಂಚಾ 2900 ಥಿಯೇಟಾರನಿಂ....!!!. ಇತ್ಲ್ಯಾಕ್ ಬಾಲಿವುಡಾಚಾ ‘ಕ್ರಿಶ್’ ಫಿಲ್ಮಾನ್ 13 ರಾಷ್ಟ್ರಾಂಚಾ 1200 ಥಿಯೇಟಾರನಿಂ release ಕರ್‍ನ್ ಕೆಲ್ಲೊ ದಾಕ್ಲೊ ಬರ್‌ಬಾದ್ ಜಾತಾ.... 36 ರಾಷ್ಟ್ರಾಂಚಾ 3200 ಥಿಯೇಟಾರನಿಂ ಗೆಲೆತ್ಯಾ ದಿಸಾನಿಂ release ಜಾಲ್ಯಾ ಹಾಲಿವುಡಾಚಾ ‘ಕ್ಯಾಸಿನೊ ರಾಯಲ್’ ಚ್ಯಾಕೀ ಹೆಂ ತಮಿಳ್ ಫಿಲ್ಮ್ ಇಲ್ಲೆಶೆಂ ಪಾಟಿಂ ಉರ್‍ತಾ. ರಜನಿಚಿ ವ್ಯಾಪ್ತ್ ಮದ್ರಾಸಾಚೊ ದರ್ಯೊ ಉತರ್‍ನ್ ಗೆಲ್ಯಾ.......!!!!!

‘ಶಿವಾಜಿ ದಿ ಬಾಸ್’ ಫಿಲ್ಮಾಕ್ ನಿರ್ದೇಶನ್ ‘ಕಾದಲನ್’, ‘ಇಂಡಿಯನ್’ , ‘ಜೀನ್ಸ್’ , ‘ಅನಿಯನ್’ ಅಸಲಿಂ ಹಿಟ್ ಫಿಲ್ಮಾಂ ದಿಲ್ಯಾ great ಎಸ್.ಶಂಕರನ್ ಕೆಲಾಂ. ಎ.ಆರ್. ರೆಹೆಮಾನನ್ ದಿಲ್ಲೆಂ ಸಂಗೀತ್ ಯೆದೊಳ್‌ಚ್ ಹಿಟ್ ಜಾಲಾಂ. AVM production ನ್ ನಿರ್ಮಾಣ್ ಕರ್ಚ್ಯಾ ಹ್ಯಾ ಫಿಲ್ಮಾಕ್, ನಿರ್ಮಾಪಕ್ ಸರವಣನ್ ಭರ್ತಿ 100 ಕೊರೊಡ್ ರೂಪಯ್ ವತ್ಲ್ಯಾತ್. ಹಾಂತುಂ ರಜನಿಚೆಂ ಸಂಭಾವನ್ 40 ಕೊರೊಡ್ ರೂಪಯ್...!!. ಸಗ್ಳಾ ಏಷಿಯಾಂತ್ ಜಾಕಿಚಾನ ಉಪ್ರಾಂತ್ ತಿತ್ಲೆ ಪಯ್ಸ್ಯೆ ಕಾಣ್ಘೆಂವ್ಚೆ ರಜನಿನ್ ಮಾತ್ರ್. ರಜನಿ ಮುಕಾರ್ Big ಬಿ, King ಖಾನ್ ಸಯ್ತ್ ಲೆಕಾಕ್ ಯೆನಾಂತ್..!!. ಹ್ಯಾ ಫಿಲ್ಮಾಚಾ ಹಿರೊಯಿನಾಚೊ ಪಾತ್ರ್ ತೆಲುಗು ಆನಿಂ ತಮಿಳಾಂತ್ ಹಾಟ್ ಕೇಕ್ ಜಾವ್ನಾಸ್ಚ್ಯಾ ಶ್ರೇಯಾ ಸರನಾನ್ ಕೆಲಾ. ಸಾಂಗಾತಾ ಪ್ರಕಾಶ್‌ರಾಜ್ , ವಿವೇಕ್, ಸುಮನ್ ತಸಲೆ ಕಲಾಕಾರೀ ಆಸಾತ್. ಯೆದೊಳ್‌ಚ್ ಹ್ಯಾ ಫಿಲ್ಮಾಚಾ ಪದಾಂಚೊ ಕೆಸೆಟ್ಯೊ ಆನಿಂ ಸಿಡಿ ಲಾಕಾನಿಂ ವಿಕೊನ್ ಗೆಲ್ಯಾತ್. ಸುಮಾರ್ ತೆಂಪಾ ಆದಿಂಚ್ ಹಾಂತ್ಲಿಂ ಪದಾಂ leak ಜಾವ್ನ್ ಜಾಳಿಜಾಗ್ಯಾರ್ download ಕರುಂಕ್ ಮೆಳ್ತಾತ್. ಫಿಲ್ಮ್ ರಿಲೀಸ್ ಜಾಂವ್ಚಾ ಪಯ್ಲೆಂಚ್ ಅಡಿಯೋ , ಟಿ.ವಿ ರೈಟ್ಸ್ , ವಿತರಣ್ ಮ್ಹುಣೊನ್ ನಿರ್ಮಾಪಕಾನ್ ಸಗ್ಳಾ ಖರ್ಚಾಚಾಕೀ ಉಣ್ಯಾರ್ ಉಣೆಂ ತೀನ್ ವಾಂಟೆ ಪಯ್ಸೆ ಯೆದೊಳ್‌ಚ್ ಪೊಟ್ಲಿ ಭಾಂದ್ಲ್ಯಾತ್....!!!. ರಜನಿಚೊ ಪವರ್ ತೊ...!!!

ಆಜ್‌ಕಾಲ್ ಫಿಲ್ಮ್ ಇಂಡಸ್ಟ್ರಿಕ್ ರಿಗಾಜೆ ಜಾಲ್ಯಾರ್ ‘ಗಾಡ್ ಪಾದರ್’ ಆಸಾಜೆ. ಪಯ್ಸ್ಯಾಂಚೆಂ ಬಳ್‌ಯೀ ಜಾಯ್ಜೆ. ಪುಣ್ ಹ್ಯಾ ಶಿವಾಜಿ ರಾವಾಕ್ ದೊನೀ ನಾತ್‌ಲ್ಲೆಂ. ತೊ ಏಕಾ ಸಾದ್ಯಾ ಕುಟುಂಬಾತ್ 1949 ಇಸ್ವೆಂತ್ ಜಲ್ಮಲೊ. ರಮಾಬಾಯಿ ಆನಿಂ ರಾಮೋಜಿ ರಾವ್ ಗಾಯಾಕ್‌ವಾಡ್ ಮುಳ್ಯಾ ಮರಾಠಿ ಜೊಡ್ಯಾಚಾ ಚಾರ್ ಜಣ್ ಭುರ್ಗ್ಯಾಂ ಪಯ್ಕಿ ಎಕ್ಲೊ ತೊ. ಆಪ್ಲೆಂ ಸುರ್ವಿಲೆಂ ಶಿಕಾಪ್ ಬೆಂಗ್ಳೂರ್ಚಾ ಆಚಾರ್ಯಾ ಪಾಟಶಾಲಾ ಆನಿಂ ವಿವೇಕಾನಂದ ಬಾಲಕ ಸಂಘಾಂತ್ ತಾಣೆಂ ಸಂಪಯ್ಲೆಂ. ಫಿಲ್ಮಾಕ್ ಯೆಂವ್ಚಾ ಪಯ್ಲೆಂ ತೊ ಸುತಾರ್‍ಯಾಚೆಂ ಕಾಮ್ ಕರ್ನ್ ಆಸ್‌ಲ್ಲೊ. ಉಪ್ರಾಂತ್ KSRTC ಬಸ್ಸಾಂಚಾ ಕಂಡೆಕ್ಟಾರಾಚಾ ಕಾಮಾಕ್ ರಿಗ್ಲೊ. ತಾಚಿಂ ತಾಲೆಂತಾ ಪಳೆವ್ನ್ ತಾಚಾ ಏಕಾ ಮಿತ್ರಾನ್ 1973 ಇಸ್ವೆಂತ್ ತಾಕಾ ಮದ್ರಾಸ್ ಫಿಲ್ಮ್ ಇನ್ಸ್ಟಿಟ್ಯೂಟಾಕ್ ಸೆರ್ವೊಂಕ್ ಕುಮಕ್ ಕೆಲಿ. 1975 ಂತ್ ನಾವಡ್ದಿಕ್ ನಿರ್ದೇಶಕ್ ಕೆ. ಬಾಲಚಂದ್ರರ್ ಹಾಣೆಂ ಆಪ್ಲ್ಯಾ ‘ಆಪೂರ್ವ ರಾಗಂಗಳ್’ ಮ್ಹುಳ್ಯಾ ಫಿಲ್ಮಾಂತ್ ಸಹನಟ್ ಜಾವ್ನ್ ರಜನಿಕ್ ಕಾಣ್ಘೆಲೆಂ. ಶಿವಾಜಿ ರಾವಾಕ್ ರಜನಿಕಾಂತ್ ಮ್ಹುಣೊನ್ ನಾಂವ್ ದಿಲ್ಲೆಂ ತ್ಯಾಚ್ ಬಾಚಂದ್ರನ್. ಆಶೆಂ ಆರಂಭ್ ಜಾಲ್ಲಿ ತಾಚಿ ಯಶಸ್ವೆಚಿ ಕಾಣಿ ‘ಮುತ್ತು’ , ‘ಅರುಣಾಚಲಂ’ , ‘ಬಾಷಾ’ , ‘ಪಡಿಯಪ್ಪ’ , ‘ಚಂದ್ರಮುಖಿ’ ಮ್ಹುಣಾಸರ್ ಪಾವ್ಲಿ. ತಮಿಳ್ ಲೊಕಾಕ್ ರಜನಿ ‘ದೇವ್’ ಜಾಲೊ. ರಜನಿ ದೇವಾಚಿಂ ದೀವ್ಳಾಂ ತಮಿಳ್‌ನಾಡಾಂತ್ ಸ್ಥಾಪನ್ ಜಾಲಿಂ. Film crazy ತಾಚೆ ಅಭಿಮಾನಿ ತಾಚೆಂ ಫಿಲ್ಮ್ ರಿಲೀಸ್ ಜಾಂವ್ಚಾ ಪಯ್ಲೆಂ ತೆಂ ಸೂಪರ್ ಹಿಟ್ ಜಾಂವ್ಕ್ ದಿವ್ಳಾನಿಂ ಪುಜಾ , ಹೋಮಾ ಕರ್ತಾತ್, ಲಾಕೊಂ ಲೀಟರ್ ದುದಾಚೆಂ ಅಭಿಶೇಕ್ ಕರ್ತಾತ್. ರಜನಿ ಫಿಲ್ಮಾಚಿ craze ಕಿತ್ಲಿ ಆಸ್ತಾ ಮ್ಹುಳ್ಯಾರ್ ಪಯ್ಲ್ಯಾ ಹಪ್ತ್ಯಾಂತ್ ಲೊಕಾಚಾ ಆಕ್ರಾಂದನಾಂತ್ ಏಕ್ ಡಯಲೋಗ್ ಸಯ್ತ್ ಆಯ್ಕೊಂಕ್ ಜಾಯ್ನಾ. ಏಕಾದೆವಾಳ ಫಿಲ್ಮಾಂತ್ ರಜನಿಕ್ ಮಾರ್ಚೆಂ ದ್ರಶ್ಯ್ ಆಸ್‌ಲ್ಯಾರ್, ಸಗ್ಳೆಂ ಥಿಯೇಟರ್ ಪಿಟೊ ಜಾತಾ. ಕಸಲೆ ಅಭಿಮಾನಿ.....!!!. ಫಕತ್ ಮದ್ರಾಸ್ ನ್ಹಂಯ್ , ಆಂದ್ರಾ , ಕರ್ನಾಟಕ, ಸಿಂಗಪುರ್ , ಮಲೆಶ್ಯಾ , ಗಲ್ಫ್, ಚೈನಾ , UK, USA ಂತೀ ರಜನಿಚೆ ಅಭಿಮಾನಿ ಆಸಾತ್. ಲಂಡನಾಚಾ University of Arts ವಿದ್ಯಾರ್ಥಿನಿಂ ರಜನಿಚೆ ಅದಿಕ್ರತ್ ಅಭಿಮಾನಿ ಮ್ಹುಣ್ ಘೋಷಣ್ ಕರ್ನ್ ತಾಚಾ ವಿಷ್ಯಾಂತ್ ಏಕ್ documentary ಕಾಡ್ನ್ ಆಸಾತ್. ಜಪಾನಾಂತ್ ರಜನಿಕ್ ವಡ್ಲೆಂ ನಾಂವ್ ಆಸಾ. ಥಂಯ್ ತೊ ಅನ್ಯೇಕ್ ಬುದ್ದ. ರಜನಿಚಿಂ ಫಿಲ್ಮಾಂ ಜಪಾನ್ ಭಾಷೆ ಥಾವ್ನ್ ಆಪ್ರಿಕಾಚಾ ನಾಂವ್ ನಾತ್‌ಲ್ಲ್ಯಾ ಭಾಷೆಂಕೀ ಡಬ್ ಜಾತಾತ್.....!!!!

ಹೊ ರಜನಿ real ಲೈಪಾಂತ್ ಭಾರಿ ಸಾದೊ. ಬಿಗ್ ಬಚ್ಚಾನ ಬರಿ ತಾಕಾ ವಿಗ್ ನಾಕಾ. AC ಕಾರಾಂಯೀ ನಾಕಾತ್. ‘UP shining’ ಮ್ಹುಣೊನ್ ತೊ ಖಂಚಾಯೀ ಉದ್ಯಮಿಂಚಾ ಪಯ್ಸ್ಯಾಂಕ್ ಲೆಂಬೆವ್ನ್ ತೊ ಜಾಹೀರಾತಾಂತ್ ಭಾಗ್ ಘೆನಾ. ತಾಚಿ ಪತಿಣ್ ಲತಾ ರಜನಿಕಾಂತ್ ಆನಿಂ ದೊಗಾಂ ದುವೆಂ ಸಾಂಗಾತಾ ಅಸ್ರೆ , ಇಸ್ಕೊಲಾಂ ತಸಲಿಂ ಚಾರಿಟಿ ಕಾಮಾಂ ಕರ್ನ್ ಆಸಾ. ಹಾಚೆ ಖಾತಿರ್ ತಾಣೆಂ ವರ್ಸಾಕ್ ಕರ್ಚುಂಚೊ 17 ಕೊರೊಡ್ ರೂಪಯ್. ತಾಚಿ ಸ್ವಂತ್ ಚಾರಿಟಿ ಕಾಮಾಂ ಸೊಡ್ನ್ ದುಸ್ರ್ಯಾ ಚಾರಿಟಿ ಕಾಮಾಂಕ್ ಮ್ಹುಣೊನ್ ತಾಣೆ ಯೆದೊಳ್ ಮ್ಹುಣಾಸರ್ 160 ಕೊರೊಡ್ ರೂಪಯ್ ದಾನ್ ಕೆಲ್ಯಾತ್. ಹ್ಯಾ ದಿಸಾನಿಂ ಚೆನೈ ಲಾಗ್ಗಿಂ ಆಸ್‌ಲ್ಯಾ ಪೊನ್ನೇರಿ ಮ್ಹುಳ್ಯಾ ಕಡೆ 8 ಎಕ್ರೆ ಜಾಗೊ ಕಾಣ್ಘೆವ್ನ್ ದುಬ್ಳ್ಯಾಂಚಾ ಸೆವೆ ಖಾತಿರ್ ಏಕ್ ಅಸ್ಪತ್ರ್ ಆನಿಂ ಇಸ್ಕೊಲ್ ಭಾಂದುನ್ ಆಸಾ.


ಆಜ್ ಬಾಲಿವುಡಾಂತ್ ಪಳೆಯ್ಲ್ಯಾರ್ ಪ್ರೀತಿ ಝಿಂಟಾ , ರಾಣಿ ಮುಖರ್ಜಿ , ಸಲ್ಮಾನ್ ಖಾನ್ ತಸಲೆ ‘KBC’ ತಸಲ್ಯಾ ನಾಟಕಾಂತ್ ‘ಜಿಕೊನ್’ ಚಾರಿಟಿ ಕಾಮ್ ಕರ್ಚೊ ನಾಟಕ್ ಕರ್ತಾತ್. ಅಮೀರ್ ಖಾನ ತಸಲೊ ನಾವಾ ಖಾತಿರ್ ನರ್ಮದಾ ಬಚಾವ್ ಕರುಂಕ್ ವೆತಾ. ವಿವೇಕ್ ಒಬೆರಾಯ್ ತಸಲೆ ಮಿಡಿಯಾಕ್ ದಿಸ್ಚೆ ಬರಿಂ ತ್ಸುನಾಮಿಕ್ ಪರಿಹಾರ್ ದೀಂವ್ಕ್ ವೆತಾತ್. ಹ್ಯಾ ಬಾಲಿವುಡಾಚಾ ಬಾಸಾಂಚಾಕೀ ಹೊ ಶಿವಾಜಿ ದಿ ಬಾಸ್ ಕಿತ್ಲ್ಯಾಕೀ ಜಾವ್ಯೇತ್. ವಾಸ್ತವ್ ಜಾವ್ನ್ ತಸಲ್ಯಾಕ್ ಮಾತ್ರ್ ಬಾಸ್ ಮ್ಹುಣ್ಯೇತ್. ತೊ ಬಾಸ್ ಆತಾಂ ಪರತ್ ಪಾಟಿಂ ಯೇವ್ನ್ ಆಸಾ. ಹೊ ಶಿವಾಜಿ ದಿ ಬಾಸ್ ಲೊಕಾಚಿಂ ಕಾಳ್ಜಾಂ ಜಿಕೊಂದಿ ಮ್ಹುಣೊನ್ ಆಶೆಯಾಂ.....

***************************************
-ಪ್ರಮೋದ್ ಜೆ. ರಾಡ್ರಿಗ್ಸ್ , ಹೊಸ್ಫೆಟ್

ವಿಡ೦ಬನ್ :ಸುವರ್ಣ ಕರ್ನಾಟಕಕ್ ಮಹಾತ್ಮಾಚಿ ಭೆಟ್ ........!!!!!!!!(MAIBHAS)

ವರ್ಸಾ ವರ್ಸಾ ಗಾಂಧಿ ಜಯಂತೆಚಾ ಪಯ್ಲೆಂ ಬಾಪುಚಾ ಆತ್ಮ್ಯಾಕ್ ಥೊಡೆ ತೆಂಪ್ ಭೂಂಯ್ಕ್ ದಾಡ್ಚಿ ಏಕ್ ರಿವಾಜ್ ಕೆಲ್ಲಿ ಖಂಯ್ ಮಹಾ ವಿಷ್ಣುನ್. ಆಶೆಂ 1948 ಥಾವ್ನ್ ಗಾಂಧಿ ಸಂಸಾರಾಚಾ ಸಬಾರ್ ಜಾಗ್ಯಾಂಕ್ ಭೆಟ್ ದಿತಲೊ ಖಂಯ್. ಏಕಾ ವರ್ಸಾ ತೊ ಡೆಲ್ಲಿ ಪಾವ್‌ಲ್ಲೊ, ಕೊಲ್ಕೊತ್ತಕೀ ಏಕಾ ವರ್ಸಾ ಭೆಟ್ ದಿಲ್ಲಿ, ಚೆನ್ನೈ, ಅಹಮದಬಾದ್ ತಿತ್ಲೆಂಚ್ ನ್ಹಂಯ್ ಲಂಡನ್, ನ್ಯೂಯಾರ್ಕ್ even ಕರಾಚಿಕೀ ಯೆದೊಳ್ ಮ್ಹುಣಾಸರ್ ಗುಪಿತ್ ಗೆಲ್ಲೊ ಖ೦ಯ್ !!!. ಹ್ಯಾ ಪಾವ್ಟಿಂ ಖಂಯ್ ಚಲ್ಚೆಂ ? ವ್ಹಯ್ ಸತ್ಯಾಗ್ರಹಾಚ ಶೆಕ್ಡ್ಯಾಚಾ ಉಡಾಸಾಕ್ ಮ್ಹುಣೀ ದಕ್ಷಿಣ್ ಆಪ್ರಿಕಾಚಾ ಕೇಪ್‌ಟೌನಾಕ್ ವಚುಯಾ೦ ಮ್ಹುಣ್ ಚಿ೦ತ್ಲೆ೦ ಗಾಂಧಿನ್. ‘ನಾಂ ತುವೆಂ ಇ೦ಡಿಯಾಕ್‌ಚ್ ವಚಜೆ. ತುಂ ಕರ್ನಾಟಕಕ್ ವಚ್. ಹ್ಯಾ ಪಾವ್ಟಿ೦ ಕರ್ನಾಟಕ ರಾಜ್ಯ್ ಜಲ್ಮ್ ಘೆವ್ನ್ 50 ವರ್ಸಾ೦ ಜಾತತ್. ಸುವರ್ಣ ಕರ್ನಾಟಕಕ್ ಏಕ್ ಭೊಂವ್ಡಿ ಮಾರ್ನ್ ಯೇ” ವಿಷ್ಣುಚೆಂ ಆಗ್ರಹ್. ಗಾಂಧಿಕ್ ಮನ್ ನಾತ್‌ಲ್ಯಾರೀ OK ಮ್ಹುಣಿಜೆ ಪಡ್ಲೆಂ. ವೈಂಕುಟಾಧಿಪತಿಚಾ ಇಚ್ಛಾ ವಿರೋದ್ ವಚುಂಕ್ ಜಾತಾವೇ.......?

***************
ವಿಷ್ಣುನ್ ಗಾಂಧಿಕ್ ಭುಂಯ್ಕ್ ದೆವಯ್ಲೊಚ್...!!! ಆಶೆ೦ ಗಾಂಧಿಚಿ ಭೂಂಯ್ ಯಾತ್ರಾ ಆರಂಭ್ ಜಾಲ್ಲಿ. “ಸೊಮ್ಯಾ ತುವೆಂ ಮ್ಹಕಾ ಕರ್ನಾಟಕಕ್ ದಾಡ್ತಾಯ್ ಮ್ಹುಣ್ ಸಾಂಗೊನ್ ಯೆರೋಪಾ೦ತ್ ಕಿತ್ಯಾಕ್ ದೆವಯ್ಲಾಂಯ್ ?” ವಿಚಾರಿ ಗಾ೦ಧಿ. “ನಾ೦ ಗಾ೦ಧಿ ಹೆಂ ಬೆಂಗ್ಳೂರ್ , ಹೊ ಜಾಗೊ M G ರೋಡ್. ತುಜ್ಯಾಚ್ ನಾ೦ವಾರ್ ಆಸ್ಚೊ” ಮ್ಹುಣಾಲೊ ವಿಷ್ಣು. “impossible” M G ರೋಡಾಂತ್ಲಿಂ posh ಬಿಲ್ಡಿಂಗಾಂ, ರೆಸ್ಟೋರೆ೦ಟಾ, ಹೈಟೆಕ್ ದುಖಾನಂ, ಟಿಪ್ ಟಾಪ್ ಮನಿಸ್, ಆರ್ದಿ೦ ನ್ಹೆಸ್‌ಲ್ಲಿ೦ ಚೆಡ್ವಾ೦ಕ್ ಪಳೆವ್ನ್ ಗಾ೦ಧಿನ್ ಹೊ ಉದ್ಗಾರ್ ಕೆಲ್ಲೊ. “ಸಮಾ ಪಳೆ ಗಾ೦ಧಿ, ಹೆಂ ತುಜೆಂ ಇ೦ಡಿಯಾಚ್” ವಿಷ್ಣುನ್ ಗಾಂಧಿಕ್ ಸಮ್ಜುಂಕ್ ಪಳಯ್ಲೆಂ. ಬಗ್ಲೆಕ್ ಆಸ್‌ಲ್ಲ್ಯಾ ಬ್ರಿಗೇಡ್ ರೋಡಾಕ್ ಪಳೆತಾನ ಗಾ೦ಧಿಕ್ ಹೆ೦ ಇ೦ಡಿಯಾ ಮ್ಹುಣ್ ಪಾತ್ಯೆಣಿಂಚ್ ಯೇವ್ನಾ. ಖ೦ಡಿತ್ ಹೆಂ ಪ್ಯಾರಿಸ್ ಯಾ ಲ೦ಡನ್ ಜಾಯ್ಜಯ್ ಮ್ಹುಣ್ ಮನಾ೦ತ್‌ಚ್ ಚಿಂತ್ಲೆಂ ತಾಣೆ. ಪುಣ್ ಏಕಚ್ಛಾಣೆ ಉದ್ಗಾರ್ ಕರ್ನ್ ಮ್ಹುಣಾಲೊ ಗಾ೦ಧಿ “ Yes ಹೆ೦ ಮ್ಹುಜೆ೦ ಇ೦ಡಿಯಾ .....!!!!” ಇತ್ಲ್ಯಾ posh M G ರೋಡಾಚಾ ಮುಕಾರ್ ಆಸ್‌ಲ್ಲ್ಯಾ ಏಕಾ ರುಕಾ ಮುಳಾ ಏಕ್ಲೊ ಮುತೊನ್ ಆಸ್ಚೆ೦ ಪಳಯ್ಲೆ೦ ಗಾ೦ಧಿನ್. ತವಳ್ ತಾಕಾ ಹೆ೦ ಇ೦ಡಿಯಾ ಸೊಡ್ನ್ ದುಸ್ರೆಂ ಖ೦ಚಯ್ ದೇಶ್ ನ್ಹ೦ಯ್ ಮ್ಹುಣ್ ನಿಘ೦ಟ್ ಜಾಲೆ೦.......!!!!
*****************
ಗಾ೦ಧಿ ಅತಾ೦ ಮನ್ಶ್ಯಾ ರೂಪ್ ಕಾಣ್ಘೆವ್ನ್ ಇಲೆಕ್ಟ್ರಾನಿಕ್ ಸಿಟಿಕ್ ಭಯ್ರ್ ಸರ್ಲೊ. ಐಟಿ ಕಂಪೆನಿನಿ೦ ಕರ್ನಾಟಕಕ್ ಸಂಸಾರಾಚಾ ನಕ್ಷೆಂತ್ ಮಹತ್ವಾಚೆಂ ಸ್ಥಾನ್ ಜೋಡ್ನ್ ದಿಲಾ೦ ಮ್ಹುಣ್ ಗಾಂಧಿನ್ ಆಯ್ಕಾಲ್ಲೆಂ. BMTC ಚಾ ಬಸ್ಸಾರ್ ಇಲೆಕ್ಟ್ರಾನಿಕ್ ಸಿಟಿಕ್ ವಚುಂಕ್ ಬಸ್ಲೊ ಗಾಂಧಿ. ಕಿತೆ೦ ಹಾಂವ್ ಮದ್ರಾಸ್ ಮ್ಹುಣೀ ಆಸಾಂಗೀ ಮ್ಹುಣ್ ಚಿಂತ್ಲೆ೦ ಗಾಂಧಿನ್ ಬಸ್ಸಾರ್ ಆಸ್‌ಲ್ಯಾ ತ್ಯಾ ಲೊಕಾಕ್ ಆನಿಂ ತಾ೦ಚಿ೦ ಭಾಸ್ ಪಳೆವ್ನ್. ಪುಣ್ ‘ಇಲ್ಲಿ ಧೂಮಪಾನ ಮಾಡರಬಾದು’ ಮ್ಹುಳ್ಳೊ ಬೋರ್ಡ್ ಪಳೆವ್ನ್ ಹೆ೦ ಬೆ೦ಗ್ಳೂರ್‌ಚ್ ಮ್ಹುಣ್ ಖಾತ್ರಿ ಜಾಲಿ ತಾಕಾ. ಬೆ೦ಗ್ಳೂರ್ಚ್ಯಾ ಟ್ರಾಫಿಕಾಂತ್ ಇಲೆಕ್ಟ್ರಾನಿಕ್ ಸಿಟಿಕ್ ಪಾವೊಂಕ್ ಸುಮಾರ್ ತೀನ್ ಗಂಟೆ ಭರ್ ಪಯ್ಣ್ ಕರಿಜೆ ಪಡ್ಲೆಂ ಗಾ೦ಧಿಕ್.....!!!. ವಾಟೆ ವಾಟೆ ಮಧೆ೦ “ Work is under construction” ಮ್ಹುಳ್ಳೆ ಬೋರ್ಡ್ ಪಳಯ್ಲೆ ತಾಣೆ. “ಪಾಟ್ಲ್ಯಾ ಪಾಂಚ್ ವರ್ಸಾ೦ ಥಾವ್ನ್ ತೆ ಬೋರ್ಡ್ ಆಸಾತ್” ಆಶೆ೦ ಮ್ಹುಣ್ ಕೊಣೆ೦ಗೀ ಗಾ೦ಧಿಚಾ ಕಾನಾ೦ತ್ ಘಾಲೆ೦.
ಇಲೆಕ್ಟ್ರಾನಿಕ್ ಸಿಟಿ ಆದ್ಬುತ್ ಜಾವ್ನ್ ಆಸ್‌ಲ್ಲಿ. Infy,WIPRO, IBM, ORACLE……ಅಸಲ್ಯಾ ಶೆಂಬರಾ ವಯ್ರ್ ಕಂಪೆನಿಂಕ್ ಪಳೆವ್ನ್ ಗಾಂಧಿ ರೋಮಾಂಚಿತ್ ಜಾಲೊ. ‘ಬ್ಯಾಂಗಲೋರ್ಡ್’ ಮ್ಹುಳ್ಳೊ ನವೊ ಸಬ್ದ್ ಡಿಕ್ಷ್‌ನರಿಂತ್ ಕಿತ್ಯಾಕ್ ಆಯ್ಲಾ ಮ್ಹುಣ್ ಆತಾಂ ತಾಕಾ ಸಮ್ಜಲೆಂ. “ ‘ಖಾಸ್ಗಿಕರಣ್’ ಮ್ಹುಳ್ಳೊ ಸಬ್ದ್ ಆತಾಂ ಕರ್ನಾಟಕಂತ್ ಸಾಮನ್ಯ್” ಮ್ಹುಣಾಲೊ ವಿಷ್ಣು. “ತುಕಾ ಆನ್ಯೇಕ್ ಸೊಬಿತ್ ಬಿಲ್ಡಿಂಗ್ ದಾಖಯ್ತಾಂ” ಆಶೆಂ ಮ್ಹುಣೊನ್ ವಿಷ್ಣುನ್ ಗಾಂಧಿಕ್ ಆನ್ಯೇಕಾ ಜಾಗ್ಯಾರ್ ವೆಲೆಂ. “ಅತ್ಯದ್ಬುತ್, ಬೋವ್ ಸುಂದರ್.....!!!” ಆಶೆಂ ಉದ್ಗಾರ್ ಕೆಲೊ ಗಾಂಧಿನ್ ತೆಂ ಬಿಲ್ಡಿಂಗ್ ಪಳೆವ್ನ್. “ ಪಳೆ ಗಾಂಧಿ ಹ್ಯಾ ದಿಸಾನಿಂ ಕರ್ನಾಟಕಂತ್ ಸರ್ಕಾರ್ ಸಯ್ತ್ ಖಾಸ್ಗಿ ಕಂಪೆನಿಚಾ ಆಧಿನ್ ಆಸಾ. “Humble farmer and Sons’ ಮ್ಹುಳ್ಳಿ ಕಂಪೆನಿ ಹಾ೦ಗಾ ಸರ್ಕಾರ್ ಚಲವ್ನ್ ಆಸಾ. ತಾ೦ಚೆ೦ ಕೋರ್ಪಾರೆಟ್ ಆಫಿಸ್ ಹೆಂ, ಹಾಕಾ ವಿಧಾನಸೌಧ ಮ್ಹುಣ್ತಾತ್......!!!!.” ವಿಷ್ಣುಚಿ೦ ಹಿಂ ಉತ್ರಾಂ ಆಯ್ಕೊನ್ ಶೆರ್ಮೆಲೊ ಗಾಂಧಿ.
************************
Humble farmer ಮ್ಹುಣ್ತಾನಾ ಗಾಂಧಿಕ್ ತ್ಯಾ ಮಾಜಿ ಪ್ರಧಾನಿಚೊ ಉಡಾಸ್ ಆಯ್ಲೊ. ಬಿಡಾ ಅಂಗಡ್, ಗೂಡಾಂಗಡ್ ಉಗ್ತಾವಣ್ ಕರುಂಕ್ ಸಯ್ತ್ ಏಕ್ ಮಾಜಿ ಪ್ರಧಾನಿ ಕರ್ನಾಟಕಂತ್ ಮೆಳ್ತಾ ಮ್ಹುಣ್ ಗಾಂಧಿನ್ ಆಯ್ಕಾಲ್ಲೆ೦. “ಕಿತ್ಯಾಕ್ ಥೊಡ್ಯಾ ತೆಂಪಾ ಥಾವ್ನ್ Humble farmer ಚಿ ಖಬರ್ ನಾ ?” ವಿಚಾರಿ ಗಾಂಧಿ. “ತೊ ವಿಶೆವ್ ಘೆವ್ನ್ ಆಸಾ” ಮುಣಾಲೊ ವಿಷ್ಣು. “ಕಿತ್ಯಾಕ್ ವಿಶೆವ್ ?” ಗಾಂಧಿಚೆಂ ಸವಾಲ್. “ ತೊ ಆತಾಂ ಏಕ್ ವಡ್ಲೊ ಫಿಲ್ಮ್ ನಿರ್ಮಾಪಕ್ ಆನಿಂ ನಿರ್ದೆಶಕ್ ಜಾಲಾ. ಸ ಮಯ್ನ್ಯಾಂ ಆದಿಂ ತಾಣೆ ‘ಕೂ. ಸ್ವಾಮಿ ಮೈಸನ್’ ಮ್ಹುಳ್ಳೆಂ ಏಕ್ ಫಿಲ್ಮ್ ನಿರ್ಮಾಣ್ ಆನಿಂ ನಿರ್ದೇಶಿತ್ ಕೆಲ್ಲೆಂ. ತೆಂ ಆತಾಂ ಕರ್ನಾಟಕಂತ್ ಸೂಪರ್‌ಹಿಟ್ ಜಾವ್ನ್ ಭರನ್ ಚಲೊನ್ ಆಸಾ...... ಪಯ್ಲ್ಯಾ ಪನ್ನಾಸ್ ದಿಸಾಂ ಭಿತರ್‌ಚ್ ಳ್ಳಾರಿಂತ್ 150 ಕೊರೊಡ್ ಕಲೆಕ್ಷನ್ ಜಾಲೆಂ ಖಂಯ್. ಪೊರ್ಚೆಪೋಯ್ರ್ ಬೆಂಗ್ಳೂರಾಂತ್ ಜಾಲ್ಲೆಂ ಕಲೆಕ್ಷನ್ 750 ಕೊರೊಡ್ ಮ್ಹುಣ್ ಖಬರ್. ಹೆಂ ಫಿಲ್ಮ್ ಖ೦ಡಿತ್ ಜಾವ್ನ್ ಏಕ್ ನವೆ೦ ಇತಿಹಾಸ್ ಕರ್ತಾ. Humble farmer ಕ್ ಹ್ಯಾ ಪಾವ್ಟಿಂಚೆಂ ದಾದಾ ಸಾಹೇಬ್ ಪ್ರಶಸ್ತಿ ಗ್ಯಾರಾಂಟಿ. ತೊ ಆತಾ೦ ಆಪ್ಲ್ಯಾ ಪುತಾ೦, ಸುನಾಂ, ಧುವಾಂ, ನಾತ್ರಾ೦ ಸವೆಂ ಬಸೊನ್ ಪಯ್ಶೆ ಲೇಕ್ ಕರ್ಚ್ಯಾ೦ತ್ ಪಡ್ಲಾ. ತಶೆ೦ ತೊ ಹ್ಯಾ ದಿಸಾನಿಂ ಪಬ್ಲಿಕಾಕ್ ಇಲ್ಲೊ ಆಪ್ರೂಬ್ ಜಾಲಾ” ವಿವರ್ಸಿಲೆಂ ವಿಷ್ಣುನ್. ಹಾಲಿವುಡ್, ಬಾಲಿವುಡಾಚಾಕೀ ವ್ಹಡ್ ನಿರ್ಮಾಪಕ್ ಆನಿಂ ನಿರ್ದೇಶಕ್ ಸ್ಯಾಂಡಲ್‌ವುಡಾಂತ್ ಆಸಾತ್ ಮ್ಹುಣ್ ಆಯ್ಕೊನ್ ಗಾ೦ಧಿಕ್ surprise…!!!!!
**************************
ಗಾಂಧಿಚಿ ಭೇಟ್ ಆತಾಂ ಮಂಗ್ಳೂರಾಕ್ ಪಾವ್‌ಲ್ಲಿ. ಸುಡ್ಕೆ ಪಯ್ಲೆ೦ ಕಾರ್ನಾಡ್ ಸದಾಶಿವರಾವಾಚಾ ಮ೦ಗ್ಳೂರಾಕೀ ಆತಾ೦ಚಾ ಮ೦ಗ್ಳೂರಾಕೀ ಮಸ್ತ್ ಫರಕ್ ದಿಸ್ಲೊ ಗಾ೦ಧಿಕ್. ಪುಣ್ ಕಾರ್ನಾಡಾಚಾಕೀ ಚಡ್ ಗೋಡ್ಸೆಚೊ ಉಡಾಸ್ ಆಯ್ಲೊ ತಾಕಾ. ಬೊಗ್ಸಾಣೆಚಾ ಸ್ಪಿರಿತಾಚಾ ಗಾ೦ಧಿಕ್ ತವಳ್ ತವಳ್ ಯೆಮ್ಕೊ೦ಡಾಕ್ ವಚುನ್ ನಾತುರಾಮಕ್ ಭೆಟ್ ದೀವ್ನ್ ಆಸ್ತಾನಾ , ಮ೦ಗ್ಳೂರಾ೦ತ್ ಮ್ಹುಜೆ ಮಸ್ತ್ ಪಾಟ್ಲಾವ್ದಾರಿ ಆಸಾತ್ ಮುಣ್ ಸಾಂಗ್‌ಲ್ಲೊ ಉಡಾಸ್ ಆಯ್ಲೊ. “ ಉದೆ೦ತಿಚಾ ರೋಮಾ೦ತೀ ನಾತುರಾಮಾಚೆ ಶಿಸ್ ಆಸಾತ್‌ಗೀ ?” ಗಾ೦ಧಿನ್ ವಿಚಾರ್ಲೆ೦. “ವ್ಹಯ್” ಮ್ಹುಣಾಲೊ ವಿಷ್ಣು. “ಅಳೆ ಗಾ೦ಧಿ, ಹ್ಯಾ ಮ೦ಗ್ಳೂರಾಂತ್ಲ್ಯಾ ಆನಿ೦ ಉಡುಪಿಂತ್ಲ್ಯಾ ಸರ್ವ್ ಗೂ೦ಡಾ, ಚೋರ್, ಹೆಡ್ಬ್ಯಾನಿ೦ ಸಾ೦ಗಾತಾ ಮೆಳೊನ್ ಭ.ದಳ್, ಶ್ರೀ ರಾ, ಸೇನೆ, ಹಿ೦. ಸೇನೆ.......ಮ್ಹುಳ್ಳಿ೦ ಸ೦ಘಟನಾ೦ ಕೆಲ್ಯಾ೦ತ್. ಕ೦ಚಿಚಾ ಸೊಮ್ಗೊಳಾಕ್ ಹೆಡ್ಬ್ಯಾ೦ಚಿಂ ಕಾಮಾ೦ ಕೆಲ್ಯಾಕ್ ಭಿತರ್ ಘಾಲ್ಯಾಕ್ ಚೆನೈ ಬ೦ಧ್ ಜಾಯ್ನಾತ್ಲ್ಯಾರೀ ಹೆ ಗೊಡ್ಸೆಚೆ ಶಿಸ್ ಮ೦ಗ್ಳೂರ್ ಬ೦ಧ್ ಕರ್ತಾತ್. ONGC , ಅ೦ತರಾಷ್ಟ್ರೀಯ್ ವಿಮಾನ್ ಥಳ್..... ಆಸಲ್ಯಾ ವಿಷಯಾ೦ಚೆರ್ ಮೌನ್ ಆಸ್ಚೆ ಹೆ, ಆಯೋದ್ಯಾ೦ತ್ ಪಾವ್ಸ್ ಆಯ್ಲ್ಯಾರ್ ಹಾ೦ಗಾ ಚತ್ರಿ ಸೊಡಯ್ತಾತ್” ವಿಷ್ಣುನ್ ಶೆರ್ಮಾ೦ವ್ ದಿಲೊ. “ವ್ಹಯ್‌ಗೀ ...!!!” ವಿಸ್ಮಿತಾಯೆನ್ ಗಾ೦ಧಿ ವಿಚಾರಿ. “ಮ೦ಗ್ಳೂರಾ೦ತ್ಲೊ ಬುದ್ವ೦ತ್ ಲೋಕ್ ಕಿತ್ಯಾಕ್ ವಗೆಚ್ ಬಸ್ಲಾ ?” ವಿಷ್ಣು ಕಡೆ ಗಾ೦ಧಿನ್ ಸವಾಲ್ ಕೆಲೆ೦. “ಪಳೆ ಮೋಹನ್‌ದಾಸ್ ತ್ಯಾ ಸ೦ಘಟನೆಚಾ ಲೊಕಾಕಡೆ ಚರ್ಚಾ ಕರ್ಚಿ ಆನಿ೦ ದುಕ್ರಾಚಾ ಕೊ೦ಡಾ೦ತ್ ಆಸ್‌ಲ್ಲ್ಯಾ ದುಕ್ರಾ ಕಡೆ ಝಗಡ್ಚೆ೦ ಏಕ್‌ಚ್. ಥೊಡ್ಯಾ ವೆಳಾ ಉಪ್ರಾ೦ತ್ ತುಕಾ ಮೆಳೆ೦ ಲಾಗ್‌ಲ್ಲೆ೦ ಕಳಿತ್ ಜಾತಾ, ಪುಣ್ ವಾಸ್ತವ್ ಜಾವ್ನ್ ದುಕೊರ್ enjoy ಕರ್ನ್ ಆಸ್ತಾ.” ವಿಷ್ಣುಚಿ೦ ಹಿ೦ ಉತ್ರಾ೦ ಆಯ್ಕೊನ್ ಗಾ೦ಧಿನ್ ಮತಿನ್‌ಚ್ ಚಿ೦ತ್ಲೆ೦ “ ವ್ಹಯ್ ನಾತುರಾಮಾಚಾ ಶಿಸಾ೦ಚಿ ಫಿಲೋಸಾಪಿ ಕರ್ನಾಟಕ೦ತ್ ಶಿಖ೦ಡೆಚೊ ಖೆಳ್ ಕೆಳ್ಚ್ಯಾ “Party with difference” ಕ್ ಮಾತ್ರ್ fit….!!!!!”
*********************************
ಗಾ೦ಧಿ ಆತಾ೦ ಬೆಳ್ಗಾವಾ೦ಕ್ ಭಯ್ರ್ ಸರ್‍ಲೊ. KSRTC ಚೆ೦ ಬಸ್ ಪಣ೦ಬೂರ್, ಸುರತ್ಕಲ್ ಮಾರ್ಗಾರ್ ವಚುನ್ ಆಸ್‌ಲ್ಲೆ೦. ಹೊ ಮಾರೊಗ್ ಪಳೆವ್ನ್ ಗಾ೦ಧಿಕ್ ಅಪುಣ್ ಖ೦ಯ್ ಯೆಮ್ಕೊ೦ಡಾತ್ ಮ್ಹುಣೀ ಆಸಾ೦ಗೀ ಮ್ಹುಳ್ಳೊ ದುಬಾವ್ ಉಬ್ಜಾಲೊ. ತಿತ್ಲೆ೦ಚ್..!! ಏಕ್ ‘ಅದಿರು ಲಾರಿ’ ಯೇವ್ನ್ ಬಸ್ಸಾಕ್ ಆಪ್ಟಾಲಿ..!! ಗಾ೦ಧಿ ಸೀದಾ ಸರ್ಗಾರ್..!!!!
“ಸರ್ವೇಸ್ಪರಾ, ಮ್ಹುಜಿ ಸುವರ್ಣ ಕರ್ನಾಟಕ ಯಾತ್ರಾ ತ್ಯಾ ಸುರತ್ಕಲ್ ಹೈವೆ ವರ್ವಿ೦ ಅರ್ದ್ಯಾರ್‌ಚ್ ಬ೦ಧ್ ಪಡ್ಲಿ” ವೈಕು೦ಟಾ೦ತ್ ನಿರಾಶೆನ್ ಗಾ೦ಧಿನ್ ಮ್ಹುಳೆ೦. ಪುಣ್ ವಿಷ್ಣು ಫಕಚ್ ಹಾಸ್ಲೊ ಮಾತ್ರ್. “ಸುವರ್ಣ ಕರ್ನಾಟಕ ಥಾವ್ನ್ ಕಿತೆ೦ ಹಾಡ್ನ್ ಆಯ್ಲಾಯ್ ?” ವೈಕು೦ಟಾ೦ತ್ ಆಸ್‌ಲ್ಲ್ಯಾ ಕೊಣೆ೦ಗೀ ಏಕ್ಲ್ಯಾನ್ ವಿಚಾರ್ಲೆ೦. ಗಾ೦ಧಿನ್ ಏಕ್ ಸಿಡಿ ಭಯ್ರ್ ಕಾಡ್ಲಿ. “ಸುವರ್ಣ ಕರ್ನಾಟಕ೦ತ್ ಆತಾ೦ ಸಿಡಿ೦ಚೆ೦ಚ್ ಧರ್ಬಾರ್ ಖ೦ಯ್, ಕೊಣೆ೦ಗೀ ಏಕ್ಲ್ಯಾನ್ ಮ್ಹಕಾ ಸಿಡಿ ದಿಲ್ಯಾ. ಬೋವ್‌ಶ್ಯಾ ಕನ್ನಡ ಪಿ೦ತುರಾಚಿ ಸಿಡಿ ಕೊಣ್ಣಾ.., ಪ್ಲೇ ಕರ್‍ಯಾ೦.....” ಮ್ಹುಣಾಲೊ ಗಾ೦ಧಿ. “ನಾಕಾ ತ್ಯಾ ‘ಲಾ೦ಗು ಮಚ್ಚು’ ಸ೦ಸ್ಕ್ರತೆಚಿ೦ ಪಿ೦ತುರಾ೦ ಹಾ೦ಗಾ ಪ್ರದರ್ಶಿತ್ ಕರ್ಚಿ೦ ನಾಕಾ.....” ಕೋಣ್‌ಗೀ ಏಕ್ಲೊ ಬೋಬ್ ಮಾರ್ನ್ ಮ್ಹುಣಾಲೊ. ‘ಭಿಯೆನಾಕತ್, ಪ್ಲೇ ಕರ್‍ಯಾ೦..” ವಿಷ್ಣುನ್ ಪರ್ವಣ್ಗಿ ದಿಲಿ.
ಆಸ್ಪಶ್ಟ್ ವಿಡಿಯೊ ತೊ. ತಾ೦ತು೦ ಏಕ್ ಮ೦ತ್ರಿ ಕುಡ್ಚುನ್ ಉಲೊವ್ನ್ ಆಸ್‌ಲ್ಲೊ. “ ಆ ಸೂ. ಮಗ, ಬೋ. ಮಗ...... ನನಗ್ ಮೂರ್ ಕೋಟಿ ಕೊಟ್ಟಾವ್ನೆ, ಆದ್ರ್ ಅವನ್ ನೂರೈವತ್ತ್ ಕೋಟಿ ಮಾಡವ್ನೆ.....” ಹೆ೦ ಖ೦ಚೆ೦ ಪಿ೦ತುರ್ ಮ್ಹುಣ್ ಕೊಣಾಕೀ ಆರ್ಥ್ ಜಾವ್ನಾ. ಹೆ೦ ಕಸಲೆ೦ ಮ್ಹುಣ್ ಸಕ್ಕಡೀ ವೈ೦ಕುಟ್‌ವಾಸಿ ಚಿ೦ತುನ್ ಪಡ್ಲೆ. ಪುಣ್ ಥ೦ಯ್ ಆಸ್‌ಲ್ಯಾ ಏಕ್ಲ್ಯಾಕ್ ತೆ೦ ಕಿತೆ೦ ಮ್ಹುಣ್ ತೆದಾಳಾಚ್ ಕಳಿತ್ ಜಾಲೆ೦. ತೊ ಮ್ಹುಣಾಲೊ “ಬಳ್ಳಾರಿ ರೆಡ್ಡಿಚಿ ಸಿಡಿ ಹಿ, ಹಾ೦ತು೦ ಆಸ್ಚೊ ಮನಿಸ್ ಚೆಲುವ ಕನ್ನಡನಾಡುಚಾ ಚೆಲುವ ಚೆನ್ನಿಗರಾಯಾ...........!!!!!!!!!!

************************************

- ಪ್ರಮೋದ್ ಜೆ. ರಾಡ್ರಿಗ್ಸ್ , ಹೊಸ್ಪೆಟ್
pramrods@gmail.com

ಪರತ್ ಏಕ್ ಬಿಗ್ ಬ್ಯಾಂಗ್ !!!!! (RAKNNO)

ಆಶೆಂ ಮ್ಹುಣ್ ಪಾತ್ಯೆಂವ್ಚೆ ಥೊಡೆ ವಿಗ್ಯಾನ್ ಶಾಸ್ತ್ರಿ ಆಸಾತ್. ಹ್ಯಾ ಭೂಂಯ್ಚೆರ್ ಉಬ್ಜಾಲ್ಯೊ ನಾಗಾರಿಕತಾ ಆಪ್ಲ್ಯಾ ತಾಂತ್ರಿಕಾತೆಚಾ ಉತ್ತುಂಗ್ ಸ್ಥಿತೆಂತ್ ಆಸ್ತಾನಾ ಕಸಲ್ಯೋ ಮ್ಹುಣೀ ಖರಮಸ್ತ್ ಕರ್ನ್ ನಾಸ್ ಜಾತಾತ್ ಖಂಯ್....!! ತಾಂಚೆಂ ಪ್ರಕಾರ್ ಹ್ಯಾ ಎಕ್ಕಿಸಾವೇ ಶೆಕ್ಡಾಚಾಕೀ ಹಜಾರೋಂ ವರ್ಸಾಂ ಪಯ್ಲೆಂ ಅಮ್ಚ್ಯಾಕೀ ಚಡ್ ತಾಂತ್ರಿಕಾತೆಚೆರ್ ಮುಕಾರುನ್ ಆಸ್‌ಲ್ಯೊ ಸಬಾರ್ ನಾಗಾರಿಕತಾ ನಾಸ್ ಜಾಲ್ಯಾತ್. ಹಿ ಪ್ರಕ್ರಿಯಾ ಭೂಂಯ್ಚೆರ್ ಮುಕಾರುನ್ಂಚ್ ಆಸಾ. ಅಸಲ್ಲೊ ವಾದ್ ಒಪ್ವೊಂಚಾ ಥೊಡ್ಯಾನಿಂ ಹ್ಯಾ ದಿಸಾನಿಂ ಜಿನೆವಾ ಲಾಗ್ಸಾರ್ ಜಾವ್ನ್ ಆಸ್ಚೆಂ ಏಕ್ ಮಹಾನ್ ಬೌತ್ ವಿಗ್ಯಾನ್ ಪ್ರಯೋಗಾ ದ್ವಾರಿಂ ಹೊ ಸಂಸಾರ್‌ಚ್ ನಾಸ್ ಜಾತಾ ಮ್ಹುಣ್ ಏಕ್ ಭಿರಾಂತ್ ಉಬ್ಜಾಯ್ಲಾ..! ಇತ್ಲ್ಯಾಕೀ ಹೊ ಪ್ರಯೋಗ್ ಹೆಂ ವಿಶ್ವ್ ಕಶೆಂ ರೂಪಿತ್ ಜಾಲ್ಲೆಂ ಮುಳ್ಯಾ ಕಾಳೊಕಾಚ ಸವಲಾಂಕ್ ಜವಾಬ್ ದೀಂವ್ಕ್ ,ಆಮ್ಚೆ ವಿಗ್ಯಾನಿ ಏಕ್ ಮಹಾನ್ ಸ್ಪೋಟ್ ಕರುಂಕ್ ತಯಾರ್ ಜಾಲ್ಯಾತ್..!
ವಿಶ್ವ್ (Universe)ಮ್ಹುಳ್ಳೆಂ ಏಕ್ ವಿಸ್ಮಯ್ :
ಸುರ್ಯೊ ಮ್ಹುಳ್ಯಾ ಏಕಾ ಸಾಮಾನ್ಯ್ ನೆಕೆತ್ರಾಚೆ ಭೊಂವ್ತಿಂ ಘುವೊನ್ ಆಸ್ಚಿ ಭೂಂಯ್ ಮ್ಹುಳ್ಯಾ ಏಕ್ ಸಾಮಾನ್ಯ್ ಗ್ರಹಾಕ್ ಹ್ಯಾ ವಿಶ್ವ್‌ಚಾ ನಕ್ಷಾಂತ್ ಮೈಕ್ರೊಸ್ಕೋಪ್ ದವರ್ಲ್ಯಾರೀ ಸೊದುನ್ ಕಾಡುಂಕ್ ಕಷ್ಟ್ !. ಅಮ್ಚ್ಯಾ ಸುರ್ಯಾಚೊ ಗಾತ್ರ್ ಏಕ್ ಪುಟ್ಬಾಲಾ ತೆದೊ ಆಸ್ಲ್ಯಾರ್ ಭುಂಯ್ಚೊ ಗಾತ್ರ್ ಏಕ್ ಗುಂಡು ಸುವ್ಯೆಚಾ ತುದ್ಯೆ ತಿತ್ಲೊ ಮಾತ್ರ್. ಹ್ಯಾ ಅಂತ್ರಾಳ್ ವಿಸ್ತ್ರಾಯ್ ಮೆಜುಂಕ್ ಆಮಿಂ ಉಜ್ವಾಡ್ ವರ್ಸಾಂ (Light Yeras) ಮ್ಹುಳ್ಳೊ ಮಾನ್ ಉಪ್ಯೋಗ್ ಕರ್ತಾಂವ್. ಸೆಕುಂಡಾಕ್ ತೀನ್ ಲಾಕ್ ಕಿ.ಮೀ ವೇಗಾಂತ್ ಚಲ್ಚ್ಯಾ ಉಜ್ವಾಡಾನ್ ಏಕಾ ವರ್ಸಾನ್ ಪಾವ್‌ಲ್ಯಾ ವಿಸ್ತಾರಾಯೆಕ್ ಏಕ್ ಉಜ್ವಾಡಾಚೆಂ ವರ್ಸ್ ಮ್ಹುಣ್ತಾತ್. ಆಶೆಂ ಏಕ್ ಉಜ್ವಾಡ್ ವರ್ಸ್ ಮ್ಹುಳ್ಯಾರ್ ಸರಿ ಸುಮಾರ್ ಸಾಡೆ ನೊವ್ ಲಾಕ್ ಕೊರೊಡ್ ಕಿ.ಮಿ. ! ಆಶೆಂ ಸೆಕುಂಡಾಕ್ ತೀನ್ ಲಾಕ್ ಕಿ.ಮೀ ವೇಗಾಂತ್ ಆಮಿಂ ಗೆಲ್ಯಾರ್ ( ವಾಸ್ತಾವ್ ಜಾವ್ನ್ ಆಮ್ಚಾ ರಾಕೆಟಾನಿಂ ಚಲ್ಚೊ ವೇಗ್ ಸೆಕುಂಡಾಕ್ ಚಡ್ ಮ್ಹುಳ್ಯಾರ್ ಇಕ್ರಾ ಕಿ.ಮೀ. ) ಸುರ್ಯಾ ಥಂಯ್ ಪಾವೊಂಕ್ ಫಕತ್ ಆಟ್ ಮಿನುಟಾಂ ಪುರೊ. ಹೆಂ ಸುರ್ಯೊ ಮ್ಹುಳ್ಳೆಂ ಸಾಮಾನ್ಯ್ ನೆಕೆತ್ರ್ ಮಿಲ್ಕೀ- ವೇ (Milkey-Way) ಮ್ಹುಳ್ಯಾ ಗ್ಯಾಲಾಕ್ಸಿಂತ್ ಸುಮಾರ್ ಶೆಂಬರ್ ಕೊರೊಡ್ ನೆಕೆತ್ರಾಂ ಸವೆಂ ಆಸಾ. ಆಸಲಿಂ ಶೆಂಬರ್ ಕೊರೊಡ್ ನೆಕೆತ್ರಾಂ ಆಸ್ಚಿಂ ಶೆಂಬೊರ್ ಕೊರೊಡ್ ಗ್ಯಾಲಾಕ್ಸಿ ಹ್ಯಾ ವಿಶ್ವಾಂತ್ ಆಸಾತ್.!
ಸುರ್ಯಾಕ್ ಲಾಗ್ಗಿಂ ಆಸ್ಚೆಂ ನೆಕೆತ್ರ್ ಮ್ಹುಳ್ಯಾರ್ ಪ್ರಾಕ್ಸಿಮಾ ಸೆಂಟಾರಿ. ತೆಂ ಆಮ್ಚೆ ಥಾವ್ನ್ 4.22 ಉಜ್ವಾಡ್ ವರ್ಸಾಂ ಪಯ್ಸ್ ಆಸಾ. ಮಿಲ್ಕೀ- ವೇ ಗ್ಯಾಲಾಕ್ಸಿ ಚೊ ವಿಸ್ತಾರ್ ಉಣ್ಯಾರ್ ಉಣೆಂ ಮುಳ್ಯಾರ್ ಏಕ್ ಲಾಕ್ ಉಜ್ವಾಡ್ ವರ್ಸಾಂ. ಆಮ್ಚ್ಯಾ ಮಿಲ್ಕೀ- ವೇ ಗ್ಯಾಲಾಕ್ಸಿಕ್ ಲಾಗ್ಗಿಂ ಆಸ್ಚ್ಯಾ ಆಂಡ್ರೋಮಿಡಾ ಮುಳ್ಳಿ ಗ್ಯಾಲಾಕ್ಸಿ ಆಮ್ಚ್ಯಾಕೀ 25 ಲಾಕ್ ಉಜ್ವಾಡ್ ವರ್ಸಾಂ ಪಯ್ಸ್ ಆಸಾ ಮುಣ್ತಾನಾ ಬಾಕಿಚಾ ಗ್ಯಾಲಾಕ್ಸೆ ವಿಶ್ಯಾಂತ್ ಚಿಂತುಂಕ್ ಆಸಾದ್ಯ್. ಇತ್ಲೊ ಆಗಾಧ್ ವಿಶ್ವ್ ಕಸೊ ರೂಪಿತ್ ಜಾಲಾ ಮ್ಹುಣ್ಚಾಕ್ ಸಬಾರ್ ಸಿದ್ಧಾಂತ್ ಆಸಾತ್. ಪುಣ್ ಸಬಾರಾನಿಂ ಮಾಂದುನ್ ಘೆಂವ್ಚೊ ಏಕ್ ಸಿದ್ದಾಂತ್‌ಚ್ ಬಿಗ್‌ಬ್ಯಾಂಗ್ (Big Bang) .ಏಕ್ ಮಹಾನ್ ಸ್ಪೋಟ್..! ಆತಾಂ ತಸಲೊಚ್ ಏಕ್ ಸ್ಪೋಟ್ ಕರ್ನ್ ವಿಶ್ವ್ ಕಸೊ ಜಲ್ಮಲೊ ಮ್ಹುಳ್ಯಾ ಸಬಾರ್ ಸವಲಾಂಕ್ ಜವಾಬ್ ಸೊಧುಂಕ್ ಭಯ್ರ್ ಸರ್ಲ್ಯಾತ್ ಆಮ್ಚೆ ವಿಗ್ಯಾನಿ. !

ಲಾರ್ಜ್ ಹ್ಯಾಡ್ರೊನ್ ಕೊಲೈಡರ್ (Large Hadron Collider)
ಫ್ರಾನ್ಸಾಚಾ ಆನಿಂ ಸ್ವಿಜರ್ಲ್ಯಾಂಡಾಚಾ ಗಡಿರ್ , ಭೂಂಯ್ಚಾ ಶೆಂಭರ್ ಮೀಟರ್ ಪಂದಾ , 27 ಕಿ. ಮೀ ಲಾಂಬಾಯೆಚೆರ್ ಆಸ್ಚೆಂ ವಾಟ್ಕುಳೆಂ ಏಕ್ ಯಂತ್ರ್ , ಹೊ ವಿಶ್ವ್ ಕಸೊ ರೂಪಿತ್ ಜಾಲ್ಲೊ ಮ್ಹುಳೆಂ ಗುಪಿತ್ ಸಂಗ್ತಿ ಪರ್ಗಟುಂಕ್ ತಯಾರ್ ಜಾಲಾ೦. ಥೊಡ್ಯಾಂ ಪ್ರಕಾರ್ ಹೆಂ ಯಂತ್ರ್ ಭೂಂಯ್ಕ್ ನಾಸ್ ಕರುಂಕ್ ಪುರೊ. ಸುಮಾರ್ 18 ಹಜಾರ್ ಕೊರೊಡಾಚೆಂ , ಸಂಸರಾಂತ್ಲ್ಯಾ ಇತಿಹಾಸಾಂತ್ಲೆಂಚ್ ವಡ್ಲೆಂ ಯಂತ್ರ್‌ಚ್ ಹೆಂ Large Hadron Collider (LHS).

ಹೊ ಇತ್ಲೊ ವ್ಹಡ್ ಪ್ರಯೋಗ್ ಕರೊಂವ್ಚೊ ಜಿನೆವಾಂತ್ಲ್ಯಾ ಸರ್ನ್ (CERN, Europian Organization for Nuclear research) ಮ್ಹುಳ್ಯಾ Partical Physics ಸಂಸೋದ್ ಚಲಂವ್ಚಾ ವಡ್ಲ್ಯಾ ಸಂಸ್ಥ್ಯಾ ಥಾವ್ನ್. ಹೆಂ ಯಂತ್ರ್ ಸ್ವಿಟ್ಚ್ ಆನ್ ಕರ್ತಾನಾ ತೆಂ ಪ್ರೊಟಾನ್ ಆನಿಂ ಆಯಾನಾಚೆಂ ಬಿಮ್ ಶೆವ್ಟಾಯ್ತಾ. ಹಾಚೊ ವೇಗ್ ಸರಿ ಸುಮಾರ್ ಉಜ್ವಾಡಾ ತಿತ್ಲೊ ಅಸ್ತಾ. ಪಯ್ಲೆಂ ಹೆ ಬಿಮ್ ವರ್ತುಲಾಕಾರನ್ ದಾಡ್ನ್ ಪ್ರಯೋಗ್ ಕರ್ತಾತ್. ಹಾಚೆ ಉಪ್ರಾಂತ್ ವಿರುದ್ದ್ ದಿಶಾ ಥಾವ್ನ್‌ಯೀ ಹೆ ಬಿಮ್ ದಾಡ್ತಾತ್. ಮಹಾ ಸ್ಪೋಟ್ ಕರ್ಚ್ಯಾ ಪಯ್ಲೆಂ ಅಸಲಿಂ ದಾಕ್ಟಿಂ ಪ್ರಯೋಗಾಂ ಹ್ಯಾ ದಿಸಾನಿಂ ಚಲ್ನ್ ಆಸಾತ್. ಹೆಂ LHC ಪ್ರೋಟಾನ್ ಬಿಮ್ ಉತ್ಕರ್ಷಣ್ ಕರುಂಕ್ ಭಾರಿ ಗಾತ್ರಾಚೆ , ಟನ್ ಗಟ್ಲ್ಯಾ ತುಕಾಚೆ ಮ್ಯಾಗ್ನೆಟ್ ಉಪ್ಯೊಗ್ಸಿತಾ. ಆಶೆಂ ನಿರ್ವಾತ್ ಸ್ಥಿತೆರ್ ಆಸ್ಚ್ಯಾ ಹ್ಯಾ LHC ಚಾ ಟ್ಯೂಬಾರ್ ಹೆ ಬಿಮ್ 99.99 % ಉಜ್ವಾಡಾಚಾ ವೇಗಾಂತ್ ಪಯ್ಣ್ ಕರ್ತಾತ್. ಹೆ ಮ್ಯಾಗ್ನೆಟ್ - 271 ಡಿಗ್ರಿ ಥಂಡಾಯೆರ್ ದವರುಂಕ್ ವ್ಯವಸ್ಥಾ ಕೆಲ್ಯಾ.
ಹ್ಯಾ 27 ಕಿ. ಮೀ ವತ್ತಾಕಾರಚಾ ಸುರಂಗಾತ್ 6 ಜಾಗ್ಯಾನಿಂ ಪ್ರಯೋಗ್ ಕರುಂಕ್ ಡಿಟೆಕ್ಟರ್ ಸ್ಥಾಪನ್ ಕೆಲ್ಯಾತ್. ಹಾಂತುಂ ATLAS ಆನಿಂ CMS ಮ್ಹುಳ್ಳೆ ದೋನ್ ಪ್ರಮುಖ್ ಜಾವ್ನಾಸಾತ್. ಹಾಚೆ ಸಾಂಗಾತಾ ALICE( A Large Ion Collidor Experiment) ಮುಳ್ಳೊ ಆನ್ಯೇಕ್ ಡಿಟೆಕ್ಟರ್ ಆಸಾ. ಹೆಂ ಬಿಗ್‌ಬ್ಯಾಂಗಾ ಉಪ್ರಾಂತ್ ಕ್ವಾರ್ಕ್ ಆನಿಂ ಗ್ಲುವೊನ್ ಪ್ಲಾಸ್ಮಾ ಮುಳ್ಳೆ ಕಣ್ ಉಬ್ಜಾಲ್ಯಾತ್‌ಗೀ ಮ್ಹುಣ್ ಸಂಸೋಧ್ ಕರುಂಕ್ ನಿಯುಕ್ತ್ ಕೆಲಾಂ.
ಹ್ಯಾ LHC ಆನಿಂ ಹಾಚೆ ಪ್ರಯೋಗ್ ಸುಮಾರ್ 150 ಮಿಲಿಯಾನ್ ಸೆನ್ಸಾರಾಂಕ್ ಸಂಪರ್ಕ್ ಕರ್ನ್ ದವರ್ಲಾಂ. ಹೆ ಸೆನ್ಸಾರ್ ಪ್ರಯೋಗಾಚೆ ಮಾಹೆತ್ ಸಂಗ್ರಹ್ ಕರ್ನ್ ವಿಶ್ಲೇಷಣ್ ಕರುಂಕ್ ಮ್ಹುಣ್ ರೂಪಿತ್ ಕೆಲ್ಯಾ ಸಬಾರ್ ಕಂಪೂಟಿಂಗ್ ಸಿಸ್ಟಮಾಂಕ್ ದಾಡ್ತಾ. ಹಾಕಾ LHC Computing Grid ಮ್ಹುಣ್ತಾತ್. ಹ್ಯಾ ಪ್ರಯೋಗಾ ವಿಶಿಂ ಸೆಕುಂಡಾಕ್ ಸರಿಸುಮಾರ್ 700 MB ಮಾಹೆತ್ ಸಂಗ್ರಹ್ ಜಾತಾ. ಆಶೆಂ ಏಕಾ ವರ್ಸಾ15 ಮಿಲಿಯಾನ್ GBಮಾಹೆತ್ ಸಂಗ್ರಹ್ ಜಾತಾ. ಹಿ ಮಾಹೆತ್ ಸಂಗ್ರಕ್ ಕರುಂಕ್ ಸುಮಾರ್ ಏಕ್ ಲಾಕ್ DVD ಚಿಂ ಗರ್ಜ್ ಆಸಾ.


ಮಹಾ ಸ್ಪೋಟ್ :
ಸರ್ನಾಂತ್ ಯೆದೊಳ್ ಏಕ್‌ಮುಖ್ ರಿತಿನ್ ಪ್ರೋಟಾನಾಚಿಂ ಬಿಮಾಂ ಶೆವ್ಟಾವ್ನ್ ಚಲವ್ನ್ ಆಸಾತ್. ಸಕ್ಕಡಿ ನಿಗದಿತ್ ವೆಳಾರ್ ಸಮಾ ಜಾಲ್ಯಾರ್ ಹ್ಯಾಚ್ ಆಕ್ಟೊಬರಾಚಾ 21 ವೆರ್ ಮಹಾ ಸ್ಪೋಟ್ ಪ್ರಯೋಗ್ ಜಾ೦ವ್ಚಿ ಸಾಧ್ಯತಾ ಆಸಾ. ಪುಣ್ LHC ಂತ್ ಆತಾಂ ಥೊಡೆ ದೋಷ್ ದಿಸೊವ್ನ್ ಆಯ್ಲ್ಯಾನ್ ಹೊ ದೀಸ್ ಪಾಟಿಂ ಪಡೊಂಕ್ ಪುರೊ.
ಇತ್ಲ್ಯಾಕೀ ಮಹಾ ಸ್ಪೊಟಾ ದಿಸಾ LHC ಚಾ ದೊನೀ ಕುಶಿಂತ್ ಥಾವ್ನ್ ಪ್ರೋಟಾನಾಚೆ ಬಿಮ್ ಏಕ್‌ಚ್ ವೆಳಾರ್ ಶೆವ್ಟಾಯ್ತಾತ್. ಉಜ್ವಾಡಾಚಾ ವೇಗಾಂತ್ ಚಲ್ಚೆ ಹೆ ಬಿಮ್ ಏಕಾಮೆಕಾ ಆಪ್ಟಾವ್ನ್ ಏಕ್ ಮಹಾನ್ ಸ್ಪೋಟ್ ಜಾತಾ. ಆಶೆಂ ಸ್ಪೋಟ್ ಜಾತಾನಾ ಉತ್ಪನ್ನ್ ಜಾಂವ್ಚೊ ತಾಪ್ ಸುರ್ಯಾಚಾ ಕೇಂದ್ರಾಂತ್ ಆಸ್‌ಲ್ಲ್ಯಾ ತಾಪಾಚ್ಯಾಕೀ ಏಕ್ ಲಾಕ್ ಪಟ್ಟ್ ಚಡ್ ಆಸ್ತಾ. ಇತ್ಲ್ಯಾ ಆಗಾಧ್ ತಾಪಾ ಥಾವ್ನ್ ಥಂಡಾಯ್ ಹಾಡುಂಕ್ ವಿಶೇಶ್ ಕೂಲಿಂಗಾಚಿ ವೆವಸ್ತಾ LHC ಚಾ ಭಿತರ್ ಕೆಲ್ಯಾ. ಆಶೆಂ ಮಹಾ ಸ್ಪೋಟಾ ಉಪ್ರಾಂತ್ ಕಸಲಿ ಸ್ಥಿತಿ ಉಬ್ಜಾಲ್ಲಿಗೀ, ತಿಚ್ ಸ್ಥಿತ್ ಹಾಂಗಾ ಉಬ್ಜಾತಾ ಮ್ಹುಣ್ತಾತ್ ವಿಗ್ಯಾನಿ.....

ಸಂಸರಾಚೊ ಆಂತ್ಯ್ ಜಾತಾಗೀ ?
ಹ್ಯಾ ಸವಲಾಕ್ ಪ್ರಮುಕ್ ಜಾವ್ನ್ ದೋನ್ ಕಾರಣಾಂ ಆಸತ್. ಪಯ್ಲೆಂ ಹ್ಯಾ ಸ್ಪೋಟಾ ವರ್ವಿಂ ಹಜಾರೊಂ ಟಿಎನ್‌ಟಿ ಸಕತ್ ಆನಿಂ ಸುರ್ಯಾಚಾ ಕೇಂದ್ರಾಂತ್ ಆಸ್‌ಲ್ಲ್ಯಾ ತಾಪಾಚ್ಯಾಕೀ ಏಕ್ ಲಾಕ್ ಪಟ್ಟ್ ಚಡ್ ತಾಪ್ ಉಬ್ಜಾತಾ. ಇತ್ಲ್ಯಾ ತಾಪಾ ವರ್ವಿಂ ಭೂಂಯ್ಕ್ ಆಪಾಯ್ ಮ್ಹುಣ್ತಾತ್ ಥೊಡೆ. ಪುಣ್ ವಿಗ್ಯಾನಿಂ ಪರ್ಮಾಣೆಂ ತಿತ್ಲೊಂ ತಾಪ್ ನಿವಾರುಂಕ್ ಕೂಲಿಂಗ್ ಕರ್ಚಿ ವೆವಸ್ತಾ ಆಸಾ, ಆನಿಂ ಎಕಾದೆವಾಳಾ ತಿಂ ಕೂಲಿಂಗ್ ಯಂತ್ರಾಂ ಪಾಡ್ ಜಾಲ್ಯಾರ್ ಸಗ್ಳೆಂ LHC ಉಲ್ಪವ್ನ್ ವಚತ್ ಶಿವಾಯ್ ಭೂಂಯ್ಕ್ ಕಾಂಯ್ ಆಪಾಯ್ ನಾ.
ದುಸ್ರೆಂ ಹ್ಯಾ ಪ್ರಯೋಗಾ ದ್ವಾರಿಂ ಸಬಾರ್ ಬ್ಲ್ಯಾಕ್ ಹೋಲ್ (Black Holes) ಉತ್ಪನ್ನ್ ಜಾವ್ನ್ ತೆ ಭೂಂಯ್ ತಶೆಂ ಸೌರ್‌ಮಂಡಳಾಕ್ ನಾಸ್ ಕರ್ತಾತ್ ಮ್ಹುಣ್ಚೆ ಥೊಡೆ ಆಸಾತ್. ಕಸಲೆಯೀ ಬ್ಲ್ಯಾಕ್‌ಹೋಲ್ ಉತ್ಪನ್ನ್ ಜಾಲ್ಯಾರ್ ತೆ ದೊಳ್ಯಾಕ್ ದಿಸನಾತ್ಲ್ಯಾ ತಿತ್ಲೆ ಲ್ಹಾನ್ ಆನಿ ಸ್ಟಿಫನ್ ಹಾಕಿಂಗಾಚಾ ನಿಯಾಮಾಂ ಪರ್ಮಾಣೆ ವಿಕಿರಣಾ ದ್ವಾರಿಂ ನಾಸ್ ಜಾತಾತ್ ತೆ ಮ್ಹುಣ್ತಾತ್ ವಿಗ್ಯಾನಿ. ಒಟ್ಟುಕ್ ವಿಗ್ಯಾನಿಂ ಪರ್ಮಾಣೆಂ ಮನ್ಸ್ಯಾಂಕ್ ಆನಿಂ ಭುಂಯ್ಕ್ ಆಪಾಯ್ ನಾ॒.॒...!!!!



ಕಿತ್ಲೊ ಲಾಭ್, ಕಿತ್ಲೊ ನಶ್ಟ್ ??
ಹ್ಯಾ ಸಂಸಾರಾಂತ್ ಥೊಡ್ಯಾ ಬೌತ್ ಕಣಾಂಕ್ ದ್ರವ್ಯ್‌ರಾಶಿ (Mass) ಕಿತ್ಯಾಕ್ ಆಸಾ ಆನಿಂ ಥೊಡ್ಯಾಂಕ್ ಕಿತ್ಯಾಕ್ ನಾ ಮ್ಹುಳ್ಳೆ ಂ ಸವಾಲ್ ಆಸ್‌ಲ್ಲೆಂ. 1963 ಇಸ್ವೆಂತ್ ಪೀಟರ್ ಹಿಗ್ಸ್ ಮ್ಹುಳ್ಯಾನ್ ಬೌತ್ ಕಣಾಂಕ್ ದ್ರವ್ಯ್‌ರಾಶಿ ದಿವ್ಚೆಂ ತಸಲೆಂ ಏಕ್ ವಿಶೇಸ್ ಕಣ್ ಆಸಾ ಮ್ಹುಣ್ ಪಾಚಾರ್ಲೆಂ. ಹೆಂಚ್ ಹಿಗ್ಸ್ ಬೋಸಾನ್. ಹೆಂ ಕಣ್ ಸೈದ್ದಾಂತಿಕ್ ಜಾವ್ನ್ ಮಾತ್ರ್ ಆಸ್ಲ್ಯಾರೀ ಪ್ರಾಯೋಗಿಕ್ ಜಾವ್ನ್ ಯೆದೊಳ್‌ಯೀ ಸಾಬಿತ್ ಜಾವ್ನಾ. ತಶೆಂ ಹಾಕಾ ‘ದೆವಾಚೆಂ ಕಣ್’ ಯಾ (God’s Particle) ಮ್ಹುಣ್ತಾತ್. ಸರ್ನಾನ್ ಕರ್ಚ್ಯಾ ಹ್ಯಾ ಮಹಾ ಪ್ರಯೋಗಾಂತ್ ಹಿಗ್ಸ್ ಬೋಸಾನ್ ಮೆಳ್ತಾ ಮ್ಹುಳ್ಯಾ ಆಶೆನ್ ಆಸಾತ್ ವಿಗ್ಯಾನಿಂ. ಇತ್ಲೆಂಚ್ ನ್ಹಂಯ್ ಹ್ಯಾ ಪ್ರಯೋಗಾ ದ್ವಾರಿಂ ಸಬಾರ್ ನವ್ಯೊ ಸಂಗ್ತಿ ಭಯ್ರ್ ಪಡ್ಚೊ ಸಂಭವ್‌ಯೀ ಆಸಾತ್. Global Warming ಥಾವ್ನ್ Energy Independence ಮ್ಹುಣಾಸರೀ ಹೆ ಪ್ರಯೋಗ್ ಉಪ್ಯೋಗಾಕ್ ಪೊಡೊಂಕ್ ಪುರೊ. ಹೆಂ ಪ್ರಯೋಗ್ ಸಂಪೂರ್‍ಣ್ ಜಾಂವ್ಕ್ ಆನಿಕೀ 25 ವರ್ಸಾಂ ಮ್ಹುಣೀ ಜಾಯ್ಜೆ.
ಹೊ ಪ್ರಯೋಗ್ ವಿಫಲ್ ಜಾಲ್ಯಾರ್ ಹ್ಯಾ ಸಂಸಾರಚಾ 80 ದೇಶಾಂಚಾ ಸುಮಾರ್ 8,000 ವಿಗ್ಯಾನಿಂ ಚೊ ವೀಸ್ ವರ್ಸಾಂಚೊ ವಾವ್ರ್ ವ್ಯರ್ಥ್ ಜಾಂವ್ಕ್ ಪುರೊ. ಹ್ಯಾ ಪ್ರಯೋಗಾ ಖಾತಿರ್ ಮ್ಹುಣ್ ಕರ್ಚಿಲೊ ಸುಮಾರ್ ಹಜಾರೊಂ ಕೊರೊಡಾಚ್ ವಿಬ್ಡಾಯ್ ಜಾಂವ್ಕ್ ಪುರೊ. ಪುಣ್ ಎಜಿಪ್ತಾಚಾ ಪಿರಮಿಡಾಂ ಬರಿ LHC ಮಾತ್ರ್ ಉಡಾಸ್ ಉರ್ತೊಲೊ.......!!!!
****************************************
-ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್

ಬಿಗ್ ಬ್ಯಾಂಗ್ ಸಿದ್ದಾಂತ್ :
ದಿಲ್ಲೊ ಸಿದ್ದಾಂತ್‌ಚ್ ಬಿಗ್‌ಬ್ಯಾಂಗ್ ಯಾ ಮಹಾ ಸ್ಪೋಟ್. 1920 ಂತ್ ಎಡ್ವಿನ್ ಹಬಲ್ ಮ್ಹುಳ್ಯಾ ಅಂತ್ರಾಳ್ ಶಾಸ್ತ್ರಿನ್ , ಹ್ಯಾ ವಿಶ್ವಾಂತ್ಲ್ಯೊ ಸಕ್ಕಡ್ ಅಂತ್ರಾಳ್ ಸಕ್ತಿ ಏಕಾಮೆಕಾ ವೇಗಾನ್ ಪಯ್ಸ್ ವಚೊನ್ಂಚ್ ಆಸಾತ್ ಮ್ಹುಣ್ ಪಯ್ಲೆ ಪಾವ್ಟಿಂ ಕಳಯ್ಲೆಂ. ಹಾಚೆ ವಿಸ್ಯಾಂತ್ ಸಬಾರಾನಿಂ ಸಂಸೋದ್ ಕರ್ನ್ ಅಯ್ಲೊ ಸಿದ್ದಾಂತ್‌ಚ್ ಬಿಗ್‌ಬ್ಯಾಂಗ್. ಬಿಗ್‌ಬ್ಯಾಂಗ್ ಸಿದ್ದಾಂತಾ ಪ್ರಕಾರ್ ಬಿಲಿಯಾನ್ ವರ್ಸಾಂ ಆದಿಂ ವಿಶ್ವ್ ಏಕ್ ಸಾಂದ್ರ್ , ಆನಿಂ ಭಾರಿ ತಾಪ್‌ಮಾನ್ ಭರಿತ್ ಆಖಂಡ್ ದ್ರವ್ಯ್ ಜಾವ್ನಾಸ್ಲೆಂ. 15 ಬಿಲಿಯಾನ್ ವರ್ಸಾಂ ಆದಿಂ ಏಕ್ ಮಹಾನ್ ಸ್ಪೋಟ್ ಜಾಲೊ . ಆಶೆಂ ಹೆಂ ಆಖಂಡ್ ದ್ರವ್ಯ್ ಸಬಾರ್ ಕುಡ್ಕೆ ಜಾವ್ನ್ ಸಬಾರ್ ದಿಶಾಂಕ್ ಉಸಾಳ್ಳೆಂ. ಆಶೆಂ ಗ್ಯಾಲಾಕ್ಸಿ , ನೆಕೆತ್ರಾಂ , ಗ್ರಹಾಂಚೊ ಜಲ್ಮ್ ಜಾಲೊ. ಹ್ಯಾ ಮಹಾನ್ ಸ್ಪೋಟಾಚೊ ಪರಿಣಾಮ್ ಆನಿಕೀ ರಾವೊಂಕ್ ನಾ . ಹ್ಯೊ ಆಂತ್ರಾಳ್ ಸಕ್ತಿ ಅನಿಕೀ ಪಯ್ಸ್ ಅನಿಂ ಪಯ್ಸ್ ಪಯ್ಣ್ ಕರ್ನ್ ಆಸಾತ್. ಅಶೆಂ ಮುಣ್ತಾ ಹೊ ಸಿದ್ದಾಂತ್.
ಪುಣ್ ಬಿಲಿಯಾನ್ ಡೊಲಾರಾಂಚಾ ಥೊಡ್ಯಾ ಸವಾಲಾಂಕ್ ಹಿ ಥಿಯಾರಿ ಜವಾಬ್ ದಿನಾ. ಹೆಂ ಮೂಳ್ ಆಖಂಡ್ ದ್ರವ್ಯ್ ಕಶೆಂ ಆಯ್ಲೆಂ. ? ವಿಶ್ವಚಾ ಭಯ್ರ್ ಕಾಲೆಂ ಆಸಾ ? ಜಾವಾಬಿ ಹ್ಯಾ ಪಾವ್ಟಿಂ ಮೆಳ್ತಾತ್ ಗೀ ಪಳಯ್ಜೆ...!!!

ಜುದಾಸ ಪರ್ಮಾಣೆ ಜೆಜು ಕ್ರಿಸ್ತಾಚಿ ಶುಭ್ ವಾರ್ತಾ..!!! (MITHR)

2006 Blog Archive /MITHR

“ತುಕಾ ಸ೦ಸಾರಾ೦ತ್ಲೊ ಸಗ್ಳ್ಯೊ ಕುಳಿಯೊ ಶಿರಾಪ್ ಘಾಲ್ತೆಲ್ಯೊ - ಜಾಲ್ಯಾರೀ ಪರತ್ ಏಕ್ ದೀಸ್ ತು೦ ತಾ೦ಚೆರ್ ರಾಜ್ವಟ್ಕಾಯ್ ಚಲಯ್ತಾಲೊಯ್..!!”.ಆಸಲ್ಲೆ ಸಬಾರ್ ಡೈಲೋಗ್ ಹಿ೦ದೂ ಪುರಾಣಾ೦ತ್ ಮೆಳ್ತಾತ್. ಆಸಲ್ಲಿ ಏಕ್ ಸಾ೦ಗ್ಣಿ ವಿಷ್ಣುನ್ ನರಕಾಸುರಾಕ್ ಯಾ ಶ೦ಭರಾಸುರಾಕ್ ಮ್ಹುಳ್ಯಾರ್ ಮಾ೦ಡೊ ಹುನ್ ಕರ್ಚಿ ಗರ್ಜ್ ನಾತ್‌ಲ್ಲಿ. ಪುಣ್ ಜೆಜುನ್೦ಚ್ ಹಿ೦ ಉತ್ರಾ೦ ತೇ೦ಯೀ ಜುದಾಸಾಕ್ ಮ್ಹುಳ್ಯಾರ್.!!!
ವ್ಹಯ್..!! ಹ್ಯಾ ದಿಸಾನಿ೦ CNN ಥಾವ್ನ್ BBC ಮ್ಹುಣಾಸರ್, ನ್ಯೂಯರ್ಕ್ ಟಾಯ್ಮ್ಸಾ ಥಾವ್ನ್ ಇ೦ಡಿಯಾ ಟಾಯ್ಮ್ಸಾ ಪರ್ಯಾ೦ತ್ ಚರ್ಚಿತ್ ಜಾವ್ನ್ ಆನಿ ಅಬ್ಳೆ ಹ್ಯಾಚ್ ರಾಮಾಚಾ ಆಯ್ತಾರಾ ನ್ಯಾಷಿನಲ್ ಜಿಯೊಗ್ರಾಪಿ ಪ೦ಗ್ಡಾನ್ ರಾತಿ೦ 8 ವೊರಾ೦ ಥಾವ್ನ್ 10 ವೊರಾ೦ ಮ್ಹುಣಾಸರ್ ಸ೦ಸಾರಾಕ್ ಪಯ್ಲೆ ಪಾವ್ಟಿ೦ ಉಗ್ಡಾಯ್ಲ್ಯ್ಲಾ “ ಜುದಾಸ ಪರ್ಮಾಣೆ ಜೆಜು ಕ್ರಿಸ್ತಾಚಿ ಶುಭ್ ವಾರ್ತಾ..!!” ೦ತ್ ಹೆ೦ ವಾಚು೦ಕ್ ಮೆಳ್ತಾ..!! ಸುಮಾರ್ 1700 ವರ್ಸಾ೦ ಥಾವ್ನ್ ಲಿಪ್ತೊ ಆಸೊನ್ ಪೊರ್ಚೆಪೊಯ್ರ್ ಉಜ್ವಾಡಾಕ್ ಆಯಿಲ್ಯಾ ಜುದಾಸಾಚಾ ವಾ೦ಜೆಲಾಚಿ ಕಥಾ ತೀ..!! ಕೊಣಾಕ್ ಆಮಿ೦ ಜೆಜುಕ್ ವಿಕ್ರೀತ್ ಕರ್ನ್ ಯೆಮ್ಕೊಡಾ೦ತ್ ವಸ್ತಿ ಕರ್ನ್ ಆಸಾ ಮ್ಹುಣ್ ಚಿ೦ತ್‌ಲ್ಯಾ ಜುದಾಸಾಕ್‌ಚ್ ಹೀರೊ ಕರ್ಚೊ ವಾ೦ಜೆಲ್ ತೊ..!!!


ಶುಭ್‌ವಾರ್ತೆ೦ಚಿ ಕಥಾ :
ನವ್ಯಾ ತೆಸ್ತಾಮೆ೦ತಾ೦ತ್ ಆಮ್ಕಾ೦ ಪಳೆ೦ವ್ಕ್ ಮೆಳ್ಚೆ ಮಾತೆವ್,ಮಾರ್ಕ್, ಲೂಕ್ ಆನಿ ಜುವಾ೦ವ್ ಹಾ೦ಚೆ ಚಾರ್ ಅಧಿಕ್ರತ್ ವಾ೦ಜೆಲ್ ಮಾತ್ರ್. ವಾಸ್ತವ್ ರೀತಿನ್ ಪಳೆಯ್ಲ್ಯಾರ್ ಹ್ಯಾ ಚಾರ್ ವಾ೦ಜೆಲಾ ಸವೆ೦ ಸುಮಾರ್ ಏಕ್ ಡಜನ್ ಆನಧಿಕ್ರತ್ ವಾ೦ಜೆಲ್ ಆಸಾತ್..!!ತೊಮಾಸಾಚೊ ವಾ೦ಜೆಲ್ , ಪಿಲಿಪಾಚೊ ವಾ೦ಜೆಲ್, ಪೆದ್ರುಚೊ ವಾ೦ಜೆಲ್, ಮರಿ ಮಗ್ದಲೆನಾಚೊ ವಾ೦ಜೆಲ್ ........ ಪಟ್ಟಿ ಮುಕಾರುನ್೦ಚ್ ವೆತಾ.ಪುಣ್ ಇಗರ್ಜ್ ಮಾತೆನ್ ಹೆ ವಾ೦ಜೆಲ್ ನವ್ಯಾ ತೆಸ್ತಾಮೆ೦ತಾಕ್ ಸೆರ್ವಿಲ್ಯಾರ್ ಜೆಜುಕ್ ಭಾವ್ -ಭಯ್ಣಿ ಆಸಾಜೆ ಆಸ್ಲೆ, ಜೆಜುನ್ ಮರಿ ಮಗ್ದಾಲೆನಾ ಕಡೆ ಕಾಜರ್ ಜಾಯ್ಜೆ ಆಸ್ಲೆ೦, ಆನಿಕೀ ನವ್ಯೊ ವಾಪರಿ ಅನಿ೦ ನವಿ ಶಿಕವ್ಣ್ ವಾಚು೦ಕ್ ಮೆಳ್ತಿ ಆಸ್‌ಲ್ಲಿ..!! ಪುಣ್ ತಶೆ೦ ಜಾವ್ನಾ. ಹ್ಯಾ ಆನದಿಕ್ರತ್ ವಾ೦ಜೆಲಾಚೆ೦ ಸಾಹಿತ್ಯ್ ಏಕಾಕ್ ಏಕ್ ತಾಳ್ ಪಡನಾತ್ಲ್ಯಾ ವರ್ವಿ೦ ತೆ೦ ನವ್ಯಾ ತೆಸ್ತಾಮೆ೦ತಾ ಥಾವ್ನ್ ಭಯ್ರ್ ದವರಿಜೆ ಪಡ್ಲೆ೦. ಆಶೆ೦ ಭಯ್ರ್ ದವರ್ಲೊ ಏಕ್ ವಾ೦ಜೆಲ್ ಪಾಟ್ಲ್ಯಾ 1700 ವರ್ಸಾ೦ ಥಾವ್ನ್ ಲಿಪ್ತೊ ಜಾವ್ನ್ ಉರ್‌ಲ್ಲೊ..!! ತೊ ಮೆಳ್ಳೊ ಪೊರ್ಚೆಪೋಯ್ರ್. ತೊಚ್ Gospel of Judas..!!!

ಜುದಾಸಾಕ್ ಏಕ್ ನವೆ೦ ಜಲ್ಮ್..!!
1972ಇಸ್ವೆ೦ತ್ ಏಜಿಪ್ತಾಚಾ ಮರುಭೂಮಿ೦ತ್ಲ್ಯಾ ಏಕಾ ಮಾ೦ಟ್ಯಾ೦ತ್ , ಏಕಾ ರೈತಾಕ್ ಮೆಳ್‌ಲ್ಲಿ ಕೊಪ್ಟಿಕ್(Coptic) ಬಾಷೆ೦ತ್ ಆಸ್‌ಲ್ಲ್ಯಾ 62 ಪಾನಾ೦ಚಿ ಪ್ಯಾಪಿರಾಸಚಿ ಪೊಟ್ಲಿ ಇತ್ಲಿ ಮೊಲಾಧಿಕ್ ಆನಿ೦ ಐತಿಹಾಸಿಕ್ ಮ್ಹುಣ್ ಗೊತ್ತುಚ್ ನಾತ್‌ಲ್ಲೆ೦. ಉಪ್ರಾ೦ತ್ ಸಬಾರಾ೦ಚಾ ಹಾತಾ೦ತ್ ಹಿ ಪೊಟ್ಲಿ ವ್ಹಾಳೊನ್ 1999 ೦ತ್ ಮೆಸಿನಸ್ ಫೌ೦ಡೆಶಾನಚಾ ಮರಿಯೋ ಜೀನ್ ರಾಬರ್‍ಟಿನಾನ್ ಹಿ ಮೊಲಾಕ್ ಘೆತಾನ ಹಾ೦ತು೦ ಪಕಚ್ 26 ಪಾನಾ೦ ಮಾತ್ರ್ ಉರ್‌ಲ್ಲಿ೦. ಹಿ೦ ಉರ್‌ಲ್ಲಿ೦ ಥೊಡಿ೦ ಪಾನಾ೦ಯೀ ಪಿಟೊ ಜಾವ್ನ್ ಆಸ್‌ಲ್ಲಿ೦.ಹಾಚಾ ಉಪ್ರಾ೦ತ್ ರುಡಾಲ್ಪ್ ಕಾಸ್ಸೆರ್ ಮ್ಹುಳ್ಯಾ ಪರಿಣಾತಚ್ಯಾ ಪ೦ಗ್ಡಾಣ್ ಹಿ೦ ಪಾನಾ೦ ಜೋಡನ್ ಕರ್ನ್ ಅಧ್ಯಯನ್ ಕರು೦ಕ್ ಆರ೦ಭ್ ಕೆಲೆ೦. ಅಬ್ಳೆ 2004 ಚಾ ಜುಲೈ೦ತ್ ತಾ೦ಕಾ೦ ಕಳ್ಳೆ೦ ಕೀ ತೊ ಗ್ರ೦ಥ್ ಜುದಾಸಾಚೊ ವಾ೦ಜೆಲ್ ಮ್ಹುಣೊನ್.!!!. ಉಪ್ರಾ೦ತ್ಲ್ಯಾ ದೋನ್ ವರ್ಸಾನಿ೦ ತಾಣಿ೦ ಹೊ ವಾ೦ಜೆಲ್ ಗ೦ಭೀರ್ ಅಧ್ಯಯನ್ ಕರ್ನ್ ಹ್ಯಾಚ್ ಎಪ್ರಿಲಾ೦ತ್ ಇ೦ಗ್ಲಿಶಾಕ್ ಬಾಷಾ೦ತರ್ ಕರ್ನ್ ಸ೦ಸಾರಾಚಾ ಲೊಕಾಕ್ ಪಾವಿತ್ ಕೆಲಿ ಜುದಾಸಾ ಪರ್ಮಾಣ್ ಜೆಜು ಕ್ರಿಸ್ತಾಚಿ ಶುಭ್‌ವಾರ್ತಾ..!!!!.
ಪುಣ್ ಆಸ್‌ಲ್ಯಾ ಏಕ್ ಶುಭ್ ವಾರ್ತಾಚಿ ಉಲ್ಲೇಕ್ ಕ್ರಿ.ಶ. 180 ಇಸ್ವೆ೦ತ್‌ಚ್ ಆಸ್‌ಲ್ಲೊ. ಜುದಾಸಾಕ್ ಜೆಜುಚೊ ಮೊಗಾಚೊ ಶಿಸ್ ಮ್ಹುಣ್ ಆನಿ೦ ತಾಣೆ ಜೆಜುಚ್ಯಾಚ್ ಖುಶೆ ಪರ್ಮಾಣೆ೦ ವಿಕ್ರೀತ್ ಕೆಲ್ಲೆ೦ ಮ್ಹುಣ್ ಲಿಕ್ಚೊ ಹೊ ಗ್ರ೦ಥ್, ಇಗರ್ಜ್ ಮಾತೆಚಾ ಶಿಕವ್ಣೆಕ್ ವಿರೋದ್ ಮ್ಹಣ್ ಕ್ರಿ.ಶ 180 ಫ್ರಾನ್ಸಚೊ ಸಾ೦. ಇರೆನಿಯಸ್ ಹ್ಯಾ ವಾ೦ಜೆಲಾಕ್ ಖ೦ಡನ್ ಕರಾ. ಉಪ್ರಾ೦ತ್ ಸುಮಾರ್ 1700
ವರ್ಸಾ೦ ಹೊ ಗ್ರ೦ಥ್ ನಪ೦ಯ್ಚ್ ಜಾತಾ. ಪುಣ್ ಜುದಾಸಾಕ್ ಏಕ್ ನವೆ೦ ಜಲ್ಮ್ ಖ೦ಡಿತ್ ಪಾವೊ ಕೆಲೆ೦ ಕೊಣ್ಣಾ.!!!. ಮೂಳ್ ಗ್ರೀಕ್ ಬಾಷೆ ಥಾವ್ನ್ ಏಜಿಪ್ತಾಚಾ ಕೊಪ್ಟಿಕ್ ಭಾಷೆಕ್ ತರ್ಜುಮೊ ಕೆಲ್ಲಿ ಏಕ್ ಪ್ರತಿ ಇತ್ಲ್ಯಾ೦ ವರ್ಸಾ೦ ಉಪ್ರಾ೦ತ್ ಮೆಳಾಜೆ ಮ್ಹುಳ್ಯಾರ್.....!!!!


ಕಿತೆ೦ ಆಸಾ ಜುದಾಸಾಚ ಗ್ರ೦ಥಾ೦ತ್ ?
ಜುದಾಸಾಚಾ ಗ್ರ೦ಥಾ೦ತ್ಲಿ 85% ಬರವ್ಣಿ ಮಾತ್ರ್ ಆಜ್ ಆಮ್ಕಾ೦ ಉಪಲಬ್ದ್ ಆಸಾ.ಉರ್‌ಲ್ಲೆ೦ 15% ನಾಸ್ ಜಾಲಾ೦. ಜುದಾಸಾಚಾ ವಾ೦ಜೆಲಾ೦ತ್ಲೆ ಥೊಡೆ೦ ಸ್ವಾರಸ್ಯ್‌ಕರ್ ವರ್ಣನ್ ಆಶೆ೦ ಆಸಾ.
ಜೆಜು ಆಪ್ಲ್ಯಾ ಶಿಸಾ೦ಕ್ ಸಾ೦ಗ್ತಾ “ತುಮ್ಕಾ೦ ಕೊಣಾಯ್ಕೀ ಸಕತ್ ಆಸ್ಲ್ಯಾರ್ ಮುಜೆ ಮುಕಾರ್ ಉಬೆ ರಾವಾ” ಸಗ್ಳೆ ಶಿಸ್ ಜವಾಬ್ ದಿತಾತ್ “ಆಮ್ಕಾ೦ ಸಕತ್ ಆಸಾ”. ಪುಣ್ ಜುದಾಸಾಕ್ ಸೊಡ್ನ್ ಉರ್‌ಲ್ಯಾ ಶಿಸಾ೦ಚಾ ಸ್ಪಿರಿತಾ೦ಕ್ ಜೆಜು ಮುಕಾರ್ ರಾ೦ವ್ಚೆ ಧಯ್ರ್ ನಾತ್‌ಲ್ಲೆ೦. ಜುದಾಸ್ ಜೆಜು ಮುಕಾರ್ ಉಬೆ ರಾವ್ತ. ಪುಣ್ ಜೆಜುಚೆ೦ ತೋ೦ಡ್ ಪಳೆ೦ವ್ಚಿ ಸಕತ್ ತಾಕಾ ನಾತ್‌ಲ್ಲಿ. ಜುದಾಸ್ ಮ್ಹುಣ್ತಾ “ಸೊಮ್ಯಾ ಹಾ೦ವ್ ಜಾಣಾ೦ ಕೋಣ್ ತು೦ ಆನಿ೦ ಕೊಣಾ ಥಾವ್ನ್ ತು೦ ಆಯ್ಲ್ಯಾಯ್ ಮ್ಹುಣೊನ್, ಪುಣ್ ಹಾ೦ವ್ ತುಕಾ ದಾಡ್‌ಲ್ಯಾಚೆ೦ ನಾ೦ವ್ ಕಾಡು೦ಕ್ ಸಯ್ತ್ ಯೋಗ್ಯ್ ನ್ಹ೦ಯ್”
ಆನ್ಯೇಕ್ ಸ್ವಾರಸ್ಯ್‌ಭರಿತ್ ಘಟಣ್ ಆಶೆ೦ ಆಸಾ.
ಏಕ್ ಪಾವ್ಟಿ೦ ಜೆಜು ಶಿಶಾ೦ಕ್ ಸಾ೦ಡುನ್ ಏಕ್ ಗುಪಿತ್ ಜಾಗ್ಯಾಕ್ ಚಲ್ತಾ ಆನಿ೦ ಪರತ್ ಶಿಸಾ೦ ಸರ್ಶಿ೦ ಪಾಟಿ೦ ಯೆತಾ. ಶಿಸ್ ವಿಚಾರ್ತಾತ್ “ಆಮ್ಕಾ೦ ಸಾ೦ಡುನ್ ಖ೦ಯ್ ಗೆಲೊಯ್ ಸೊಮ್ಯಾ?” ಜೆಜು ಜವಾಬ್ ದಿತಾ “ ಆನ್ಯೇಕ್ ಶ್ರೇಷ್ಟ್ ಸ೦ತತೆ ಥ೦ಯ್”. “ಖ೦ಚಿ ತೀ ಶ್ರೇಷ್ಟ್ ಸ೦ತತ್ ? ಆಮ್ಚ್ಯಾಕೀ ಉತ್ತೀಮ್ ಆನಿ೦ ಭಾಗೆವ೦ತ್ ಗೀ?” ಶಿಸ್ ವಿಚಾರಿ. ಜೆಜು ಹಾಸ್ತಾ ಆನಿ೦ ಮ್ಹುಣ್ತಾ “ಹ್ಯಾ ಯುಗಾ೦ತ್ ಜಲ್ಮಾಲ್ಲಿ ಖ೦ಚಿಯೀ ಸ೦ತತ್ ತ್ಯಾ ಶ್ರೇಷ್ಟ್ ಸ೦ತತೆಕ್ ಪಳೆ೦ವ್ಕ್ ಸಕ್ಚಿ ನಾ”.
ಆಸಲ್ಲಿ೦ ಸಬಾರ್ ವಿಚಿತ್ರ್ ಘಡಿತಾ೦ ಜುದಾಸಾಚಾ ಬುಕಾ೦ತ್ ವಾಚು೦ಕ್ ಮೆಳ್ತಾತ್. ಜೆಜುನ್ ಜುದಾಸಾಕ್ ಏಕ್ ದರ್ಷನ್ ದಾಕಾ೦ವ್ಚೆ೦ ಘಡಿತ್‌ಯೀ ಆಮ್ಕಾ೦ ವಾಚು೦ಕ್ ಮೆಳ್ತಾ. ತೆ೦ ವಚ್‌ಲ್ಯಾರ್ ಭಗವದ್ ಗೀತಾ ವಾಚ್‌ಲ್ಲೊ ಆನ್ಬೋಗ್ ಯೆತಾ.!! ಜುದಾಸಾಚಾ ಸಗ್ಳ್ಯಾ ಬುಕಾ೦ತ್ ಜುದಾಸ್ ಜೆಜುಚಾ ಮೊಗಾಚೊ ಶಿಸ್ ಮ್ಹುಳ್ಳೆ ಬರಿ ದಿಸೊನ್ ಯೆತಾ. ಜೆಜುಚ್ ಜುದಾಸಾಕ್ ಸಾ೦ಗ್ತಾ “ತುವೆ೦ ಮ್ಹುಜಾ ಬಾಪಾಚಿ ಖುಶಿ ಕರು೦ಕ್ ಮ್ಹಾಕಾ ವಿಕ್ರೀತ್ ಕರಿಜೆ, ತುಕಾ ಸ೦ಸರಾ೦ತ್ಲ್ಯೊ ಸಗ್ಳ್ಯೊ ಕುಳ್ಯೆಯೊ ಶಿರಾಪ್ ಘಾಲ್ತೆಲ್ಯೊ, ಜಲ್ಯಾರೀ ಪರತ್ ಏಕ್ ದೀಸ್ ತು೦ ತಾ೦ಚೆರ್ ರಾಜ್ವಟ್ಕಾಯ್ ಚಲಯ್ತಾಲೊಯ್”
ಜುದಾಸಾಚೊ ವಾ೦ಜೆಲ್ ಜುದಾಸಾನ್ ಜೆಜುಕ್ ಕೀಸ್ ದೀವ್ನ್ ವಿಕ್ರೀತ್ ಕರ್ಚೆ೦ ಆನಿ೦ ಶಿಪಾಯಾನಿ೦ ಜೆಜುಕ್ ದರ್ಚ ಘಡಿತಾ ಉಪ್ರಾ೦ತ್ ಆ೦ತ್ಯ್ ಜಾತಾ. ಜೆಜುಚಾ ಮರ್ಣಾ ಆನಿ೦ ಪುನರ್‌ಜಿವ೦ತ್ಪಣ ವಿಶ್ಯಾ೦ತ್ ತಾ೦ತು೦ ಉಲ್ಲೇಕ್ ನಾ.

ಆಧುನಿಕ್ ನೆಕೆತ್ರ್‌ಶಾಸ್ತ್ರ್ ಆನಿ೦ ಜುದಾಸಾಚೊ ಗ್ರ೦ಥ್ :
ಉತ್ಪತಿ ಗ್ರ೦ಥಾ೦ತ್ ಆಸ್‌ಲ್ಲೆ೦ ಭೂ ಕೇ೦ದ್ರಿತ್ ನೆಕೆತ್ರ್ ಶಾಸ್ತ್ರ್ ಹ್ಯಾ ವೈಜ್ನಾನಿಕ್ ಯುಗಾ೦ತ್ ಖ೦ಡಿತ್ ಒಪ್ಪು೦ಕ್ ಜಾಯ್ನಾ. ಶೆ೦ಬರ್ ಬಿಲಿಯಾನ್ ಗ್ಯಾಲಾಕ್ಸಿ೦ತ್ಲ್ಯಾ ಮಿಲ್ಕೀ- ವೇ (Milkey-way) ಮ್ಹುಳ್ಯಾ ಗ್ಯಾಲಾಕ್ಸಿ೦ತ್ ಆಸ್ಚ್ಯಾ ಶೆ೦ಬರ್ ಬಿಲಿಯಾನ್ ನೆಕೆತ್ರಾ೦ ಪಯ್ಕಿ ಏಕ್ ಸಾಮನ್ಯ್ ನೆಕೆತ್ರ್ ಸುರ್ಯಾ ಬೊವಾರಿ೦ ಘು೦ವ್ಚ್ಯಾ ಏಕ್ ಕಿರ್ಕೊಳ್ ಭುಮಿ೦ತ್ ಮಾತ್ರ್ ಮನಿಸ್ ಆಸಾತ್ ಮ್ಹುಣ್ ವಿಜ್ನಾನಿ ಖ೦ಡಿತ್ ಪಾತ್ಯೆನಾ೦ತ್. ಬಗಾರ್ ಭುಮಿ ತಸಲ್ಯಾ ಕೊರೊಡಾಗಟ್ಲ್ಯಾ ಗ್ರಹನಿ೦ ಜೀವಿ ಆಸಾತ್ ಮ್ಹುಳ್ಯಾ ಬಳಾದಿಕ್ ವಾದಾಕ್ ಫಟ್ ಮ್ಹುಣ್ ಸಾ೦ಗೊ೦ಕ್ ಹಬಲ್ ಟೆಲಿಸ್ಕೊಪಾ ಥಾವ್ನ್ ಆಯಿಲ್ಯೊ ತಸ್ವೀರ್ಯೊ ಪಳೆಯ್ಲೆ ಕೊಣ್ಣೀ ತಯಾರ್ ನಾ೦ತ್!! ಆಸಲ್ಯಾ ಪರಿಗತೆ೦ತ್ ಜುದಾಸಾಚ ವಾ೦ಜೆಲಾ೦ತ್ ವರ್ಣಿಲ್ಯಾ “ಪರ್ಕಿ ಸ೦ಸಾರ್” ಆದುನಿಕ್ ನೆಕೆತ್ರ್ ಶಾಸ್ರಾಕ್ ಲಾಗ್ಸಿಲ್ಯಾನ್ ತಾಳ್ ಪಡ್ತಾತ್.


ವಾದ್, ವಿವಾದ್ ಆನಿ೦ ಉಪಸ೦ಹಾರ್ ;
ಜುದಾಸಾಚಾ ವಾ೦ಜೆಲಾ ವಿಸ್ಯಾ೦ತ್ ವಾದ್-ವಿವಾದ್ ಭರನ್ ಚಲೊನ್ ಆಸಾತ್. ತೊ ಏಕ್ ನಕ್ಲಿ ಮ್ಹುಣ್ತೆಲ್ಯಾ೦ಕ್ ವಿಜ್ನಾನಿನಿ೦ ಕಾರ್ಬನ್ ಡೇಟಿ೦ಗ್ ಟೆಸ್ಟ್ ಕರ್ನ್ ತಿ ತಿಸ್ರ್ಯಾ ಶೆಕ್ಡಾಚಿ ನೈಜ್ ಪ್ರತಿ ಮ್ಹುಣ್ ದಾಖಾಯ್ಲಾ೦. ಪುಣ್ ವ್ಯಾಟಿಕನಾ ಪರ್ಮಾಣೆ೦ ಜುದಾಸಾಚೊ ವಾ೦ಜೆಲ್ ನಾಸ್ಟಿಕಾನಿ೦ (Gnostics) ಕೆಲ್ಲೆ೦ ಏಕ್ ಕಪಟ್ ರಚನ್. ನಾಸ್ಟಿಕ್ ಕ್ರಿಸ್ತಾ೦ವ್ ಸುರ್ವಿಲ್ಯಾ ಇಗರ್ಜ್ ಮಾತೆ ಥಾವ್ನ್ ವಿ೦ಗಡ್ ಗೆಲ್ಲೊ ಪ೦ಗಡ್. ತೆ ಆಬೆಲಾಕ್ ಜೆವಿಶಿ ಮರ್ಲ್ಯಾ ಕಾಯ್ನಾಕ್ ಆನಿ೦ ಜಾಕೊಬಾಕ್ ವಿಕ್‌ಲ್ಯಾ ಏಸಾವಾಕ್ ಭಾಗೆವಾ೦ತ್ ಮ್ಹುಣ್ ಪಾತ್ಯೆತಾತ್. ಅಸಲ್ಯಾ ಚಿ೦ತ್ಪಾಚೆ ನಾಸ್ಟಿಕ್ ಸಾಹಿತ್ಯ್ ಸುರ್ವಿಲ್ಯಾ ಶೆಕ್ಡಾನಿ೦ ಮಸ್ತ್ ರಚನ್ ಜಾಲ್ಲೆ೦ ಆನಿ೦ ಜುದಾಸಾಚೊ ವಾ೦ಜೆಲ್ ತ್ಯಾ ವರ್ಗಾಕ್ ಸೆರ್ವಾತಾ ಮ್ಹುಣ್ ವ್ಯಾಟಿಕಾನಚೆ೦ ವಾದ್, ಪುಣ್ ವಿರೋದಿ ಹೆ೦ ಏಕ್ ವ್ಯಾಟಿಕಾನಚೆ೦ ಲಿಪ್ತೆ೦ ಆಜೆ೦ಡಾ ಮ್ಹುಣ್ತಾತ್.
ಜಾಲ್ಯಾರೀ ಪಾಟ್ಲ್ಯಾ ದೋನ್ ಹಜಾರ್ ವರ್ಸಾ೦ನಿ೦ ಕಿತ್ಲೆ “shake’ ಜಾ೦ವ್ಚಿ ಘಡಿತಾ೦ ಆಯ್‌ಲ್ಯಾರೀ ಆಜುನ್‌ಯೀ ಸ೦ಸರಾ೦ತ್ಲ್ಯಾ ಸಬಾರ್ ಲೊಕಾನಿ೦ ಪಾಳ್ಚೊ ಇಗರ್ಜ್ ಮಾತೆನ್ ದಿಲ್ಲೊ ವಾ೦ಜೆಲ್ ಆನಿ೦ ಬೈಬಲ್. ಇಗರ್ಜ್ ಮಾತೆಚಾ ಬೈಬಲಾ೦ತ್ಲೆ ಬೂಕ್ ಸರ್ಗಾ ಥಾವ್ನ್ ಫ್ಯಾಕ್ಸ್ ಜಾವ್ನ್ ಯೆನಾತ್ಲ್ಯಾರೀ ತೆ ರಚನ್ ಜಾಲ್ಲೆ ಪವಿತ್ರ್ ಆತ್ಮಾಚಾ ಪ್ರೇರಾಣಾ೦ತ್. ನ್ಹ೦ಯ್ ಜಾಲ್ಯಾರ್ ಹೈಟೆಕ್ 21 ಶೆಕ್ಡಾ೦ತ್ ಚ೦ದ್ರಾರ್ ಸವಾರಿ ಕರು೦ಕ್ ಗೆಲ್ಲೆ ಅಪೊಲ್ಲೊ ಯಾತ್ರಿ ಚ೦ದ್ರಾರ್ ಬೈಬಲ್ ವಾಚುನ್ ದೆವಾಚಿ ಸ್ತುತಿ ಕರ್ತೆ ನಾತ್ಲೆ. ...!!!!


****************************


- ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್

ಅ೦ತ್ರಾಳ್ ಝುಜಾಚಿ ಏಕ್ ನಿಗೂಡ್ ಕಥಾ (MITHR)

“ತುಕಾ ಸಪ್ಣೆ೦ವ್ಕ್ ಸಾಧ್ಯ್ ಜಾತಾ ಜಾಲ್ಯಾರ್ ತೆ೦ ಸಪಣ್ ಖರೆ೦ ಕರ್ಚಿ ತಾಕತ್ ತುಕಾ ಅಸಾ ಮ್ಹುಣ್ ಆರ್ಥ್” ಆಶೆ೦ ಸುಮಾರ್ ಚಾಳೀಸ್ ವರ್ಸಾ೦ ಆದಿ೦ ದೋಗ್ ಜಣ್ ಚಿ೦ತುನ್ ಆಸ್‌ಲ್ಲೆ. ಎಕ್ಲೊ ಅಮ್ಚ್ಯಾಚ್ ಗುಜರಾತಚೊ ಏಕ್ ಸಾಮನ್ಯ್ ಮನಿಸ್ ಧಿರೂ ಭಾಯಿ ಅ೦ಬಾನಿ. ತಾಚಿ೦ ಸಪ್ಣಾ೦ ಖರಿ೦ ಜಾವ್ನ್ ರಿಲಾಯನ್ಸ್ ಮ್ಹುಳ್ಳೆ೦ ಸಾಮ್ರಾಜ್ಯ್ ಉಬ್ಜಾಲ್ಲೆ೦ ಅತಾ೦ ಇತಿಹಾಸ್. ಆಶೆ೦ ಚಿ೦ತುನ್ ಆಸ್‌ಲ್ಲೊ ಆನ್ಯೆಕ್ಲೊ ಮನಿಸ್ ತೆದಳಾಚೊ ಅಮೇರಿಕಾಚೊ ಅದ್ಯಕ್ಶ್ ಜಾನ್ ಎಫ್ ಕೆನಡಿ. ತಾಚೆ೦ ಸಪಣ್ ಧಾ ವರ್ಸಾ೦ ಭಿತರ್ ಮನ್ಶ್ಯಾಕ್ ಚ೦ದ್ರಾರ್ ದೆವವ್ನ್ ಪಾಟಿ೦ ಹಾಡಿಜೆ ಮ್ಹುಣ್. ಆನಿ೦ ತಶೆ೦ಚ್ ಜಾ೦ವ್ಕ್ ಪಾವ್ಲೆ೦!!. ಹ್ಯಾಚ್ ಜುಲೈ ಚಾ 21 ತಾರಿಕೆರ್ 36 ವರ್ಸಾ೦ ಜಾತಾತ್ ಚ೦ದ್ರಾರ್ ಮನಿಸ್ ದೆವೊನ್.

ಆಜ್ 1969 ೦ತ್ ಅಮೇರಿಕಾನ್ ಚ೦ದ್ರಾರ್ ಮನಿಸ್ ದೆವಯ್ಲಾ ಮ್ಹುಳ್ಯಾರ್ ಹ್ಯಾ ಪಿಳ್ಗೆಕ್ ಪಾತ್ಯೆ೦ವ್ಕ್ ಕಶ್ಟ್ ಜಾತತ್!!. ಹ್ಯಾಚ್ ಖಾತಿರ್ ಚ೦ದ್ರಯಾನ್ ಏಕ್ ವಡ್ಲೊ ಮೋಸ್ ಮ್ಹುಳ್ಯೊ ಪಡ್ಕಿರ್ಯೊ Fake landing theory ಉದೆ೦ವ್ಕ್ ಕಾರಣ್. ಆಜ್ ಜಾರ್ಜ್ ಬುಶಾಚಾ ನಾಸಾಚೆ೦ ಇ೦ಪ್ಯಾಕ್ಟರ್, ಟೆ೦ಪಲ್ -1 ಶಿಮ್ಟಿ ನೆಕೆತ್ರಾಕ್ ಆಪ್ಟಾ೦ವ್ಕ್ ಪುರೊ, ತಾಚೆ೦ ಕ್ಯಾಸಿನಿ ಶನಿ ಗ್ರಹಕ್ ಪಾವೊ೦ಕ್ ಪುರೊ ಯಾ ತಾ೦ಚಿ೦ ಸ್ಪಿರಿಟ್ ಆನಿ ಆಪರ್ಚುನಿಟಿ ಮ೦ಗಳಾಚೆರ್ ದೆವೊ೦ಕ್ ಪುರೊ. ಪುಣ್ ನಿಕ್ಸನಾಚಾ ಕಾಳಾರ್ ಮನಿಸ್ ಚ೦ದ್ರಾರ್ ದೆವ್ಲಾ ಮ್ಹುಳ್ಯಾರ್ ಹಿ೦ ಸಾಧನಾ೦ ಖ೦ಯ್‌ಚ್ ನ್ಹ೦ಯ್!!.ಏಕಾ ನಕ್ಶೆ ತೆದ್ಯಾ ಪೆನ್ ಡ್ರೈವಾ೦ತ್ ಗಿಗಾಬೈಟಾ ಲೆಖಾರ್ ಮಾಹೆತ್ ಸ೦ಗ್ರಹ್ ಕರು೦ಕ್ ಜಾ೦ವ್ಚ್ಯಾ ಹ್ಯಾ ಕಾಳಾರ್ ಚ೦ದ್ರಾಕ್ ಪರತ್ ಮನಿಸ್ ದಾಡಿಜೆ ಜಾಲ್ಯಾರ್ ಆನಿಕೀ 20 ವರ್ಸಾ೦ ಜಾಯ್ಜೆ ಮ್ಹುಣ್ಚ್ಯಾ ಜಾರ್ಜ್ ಬುಶಾಕ್ ಪಳೆತಾನ, ಗುಡ್ಯಾ ತೆದ್ಯಾ ಹಾರ್ಡ್ ಡಿಸ್ಕಾ೦ತ್ ಫಕಚ್ ಮೆಗಾಬೈಟಾ ತಿತ್ಲಿ ಮಾತ್ರ್ ಮಾಹೆತ್ ಸ೦ಗ್ರಹ್ ಕರು೦ಕ್ ಸಾಧ್ಯ್ ಜಾವ್ನ್ ಆಸ್‌ಲ್ಯಾ ನಿಕ್ಸನಾಚಾ ಕಾಳರ್ ಮನಿಸ್ ಚ೦ದ್ರಾರ್ ದೆವ್ಲಾ ಮ್ಹುಳ್ಯಾರ್ great ಚ್ ನ್ಹ೦ಯ್‌ಗಿ ? ಪಾತ್ಯೆ೦ವ್ಕ್ ಕಷ್ಟ್ ಜಾತಾತ್ ಪುಣ್ ಪಾತ್ಯೆಜೆಚ್ ಪಡ್ತಾ !!. ಹ್ಯಾ ತಾ೦ತ್ರಿಕ್ ಯುಗಾ೦ತ್ ಮುಕಾರ್ ಆಸ್‌ಲ್ಯಾ ಆಮ್ಕಾ೦ 12 ವ್ಯಾ ಶತಮಾನಚಾ ಒರಿಸ್ಸಾ೦ತ್ಲ್ಯಾ ಕೊನಾರ್ಕ್ ತಸಲೆ೦ ದೀವ್ಳ್ ಬಾ೦ದುಕ್ ಜಾಯ್ನಾ!!. ಈಜಿಪ್ತಾ೦ತ್ಲ್ಯಾ ಹಜಾರೊ ವರ್ಸಾ೦ ಪಯ್ಲ್ಯಾ ಪಿರಮಿಡಾ೦ ವಿಶ್ಯಾ೦ತ್ ಚಿ೦ತುಕೀ ಜಾಯ್ನಾ. ಆಮ್ಕಾ೦ ಹೆ೦ ಆಚಾರ್ಯಾ೦ ಬರಿ ದಿಸ್ತಾ.ಪುಣ್ ಆಮಿ ಹೆ೦ ಪಾತ್ಯೆತಾ೦ವ್. ಆರ೦ಭಾಚಿ ಅ೦ತ್ರಾಳ್ ಝುಜಾಚಿ ಕಾಣಿಯೀ ಆಶಿಚ್ ಜಾ೦ವ್ಕ್ ಪಾವ್ಲ್ಯಾ.
********************
1969 ಚಾ ಜುಲೈ೦ತ್ ಭೂಮಿ ಥಾವ್ನ್ ಸರಿ ಸುಮಾರ್ 3,84,000 ಕಿ.ಮೀ. ಪಯ್ಸ್ ಆಸ್‌ಲ್ಯಾ ಚ೦ದ್ರಾರ್ ಮನ್ಶ್ಯಾಕ್ ದೆವವ್ನ್ ಥ೦ಚಿ ಮಾತಿ ಹಾಡು೦ಕ್ ಅಮೇರಿಕಾನ್ ಪುರಾ ತಯರಾಯ್ ಕರ್ನ್ ಜಾಲ್ಲಿ. ಖಬರ್ ಸಗ್ಳ್ಯಾ ಸ೦ಸಾರಾ೦ತ್ ವ್ಹಾಳೊನ್ ಗೆಲ್ಲಿ. ಭೂಮಿ ಥಾವ್ನ್ ಅಪೊಲ್ಲೊ 11 ರ್ ಚ೦ದ್ರಾಕ್ ತೆಗಾ೦ ಜಣಾ೦ಕ್ ಕಾಣ್ಗೆವ್ನ್ ಉಡ್ಕಾಣ್ ಮಾರು೦ಕ್ ತ್ಯಾ ಮಹಿನ್ಯಾಚಿ 16 ತಾರಿಕ್ ನಿಗದ್ ಜಾಲ್ಲಿ. ಪುಣ್ ತಾಚ್ಯಾಕೀ 3 ದಿಸಾ ಪಯ್ಲೆ೦ ಭೂಮಿಚಾ ಆನ್ಯೇಕ್ ಕೊನ್ಶ್ಯಾ ಥಾವ್ನ್ ಏಕ್ ನಿಗೂಡ್ ಆ೦ತ್ರಾಳ್ ತಾರು೦ ತೆದಾಳಾಚ್ ಚ೦ದ್ರಾ ಥ೦ಯ್ ಉಬ್‌ಲ್ಲೆ೦!!. ತೆ೦ಚ್ ಲೂನಾ-15. ಸೊವಿಯತ್ ರಶಿಯಾನ್ ದಾಡ್‌ಲ್ಲೆ ೦ತೆ೦!!. ಕಿತ್ಯಾಕ್ ಚ೦ದ್ರಾಕ್ ಗೆಲೆ೦ ತೆ೦ ?
ಹಾಕಾ ಜವಾಬ್ ಇತಿಹಾಸ್ ದಿತಾ.ಅಮೇರಿಕಾನ್ ತ್ಯಾ ಕಾಳಾರ್ ಸ೦ಸಾರಾಚೆ೦ ಗುರ್ಕಾರ್‌ಪಣ್ ಚಲಯ್ಜೆ ಜಾಲ್ಯಾರ್ ಚ೦ದ್ರಾರ್ ಮನ್ಶ್ಯಾಕ್ ದೆವಾಯ್ಜೆಚ್ ಜಾಲ್ಲಿ ಏಕ್ ಸ್ಥಿತಿ ಉಬ್ಜಾಲ್ಲಿ. ತೆ೦ ತೆದಾಳ್ಚ್ಯಾ ಸೊವಿಯತ್ ರಶಿಯಾ ಕಡೆನ್ ಅ೦ತ್ರಾಳ್ ಝುಜಾಕ್ ದೆವ್‌ಲ್ಲೆ೦. ಚ೦ದ್ರಾಕ್ ಪಾ೦ವೊಕ್ ಹ್ಯಾ ದೊನೀ ದೆಶಾ೦ಚೆ ‘ಮ್ಯಾಚ್’ 1961 ೦ಚ್ ಪ್ರಾರ೦ಭ್ ಜಾಲ್ಲೆ೦. 1969 ೦ತ್ಲ್ಯಾ ಜುಲೈ 21 ಕ್ ಪಯ್ಲೆ ಪಾವ್ಟಿ೦ ಚ೦ದ್ರಾರ್ ಮನ್ಶ್ಯಾಕ್ ದೆವವ್ನ್ ಅಮೇರಿಕಾ ಹೆ೦ ಮ್ಯಾಚ್ ಜಿಕ್‌ಲ್ಲೆ೦ !!
ಪುಣ್ ತ್ಯಾ ವೆಳಾರ್ ಅಮೇರಿಕಾಚಿ ಸ್ಪೇಸ್ ಟೆಕ್ನೊಲಾಜಿ ರಶಿಯಾ ಮುಕಾರ್ ಖ೦ಯ್‌ಚ್ ನ್ಹ೦ಯ್. ಚ೦ದ್ರ ವಿಶ್ಯಾ೦ತ್ ಪಯ್ಲೆ ಥಾವ್ನ್ ಅ೦ತಿಮ್ ಹ೦ತ ಪರ್ಯಾ೦ತ್ ಪಯ್ಲಿ೦ ಯಶಸ್ವಿ ಪ್ರಯೋಗಾ೦ ಕೆಲ್ಲಿ೦ ರಶಿಯಾನ್‌ಚ್. ಹಾಚೊ ಆರ್ಥ್ ಅಮೇರಿಕಾನ್ ಕಾ೦ಯ್ ಪ್ರಯೋಗ್ ಕರು೦ಕ್ ನಾ ಮ್ಹುಣ್ ನ್ಹ೦ಯ್. ರಶಿಯಾಚೆ೦ ಪಳೆವ್ನ್ ತಾ೦ಚಿ ಪಯೊನೀರಾ೦ ಚ೦ದ್ರಾಕ್ ಪಾವ್‌ಲ್ಲಿ೦, ರೇ೦ಜಾರ೦ ವಚುನ್ ಅಪ್ಟಾಲ್ಲಿ೦, ಆರ್ಬಿಟರನಿ೦ ವಚುನ್ ತಿಳ್ಳೆ೦, ಸರ್ವೆಯಾರ೦ ಚ೦ದ್ರಾರ್ ಚಲ್‌ಲ್ಲಿ೦.॒.... ಪುಣ್ ಸಕ್ಕಡೀ ರಶಿಯಾಚಿ೦ ಜಾಲ್ಯಾ ಉಪ್ರಾ೦ತ್ ಮಾತ್ರ್.!! ಪುಣ್ ರಶಿಯಾಕ್ ಚ೦ದ್ರಾರ್ ಮನಿಸ್ ದೆವವ್ನ್ಕ್ ಜಾವ್ನಾ!!. ಸಕ್ಕಡೀ ಮ್ಯಾಚ೦ ಜಿಕ್‌ಲ್ಲ್ಯಾ ಉಪ್ರಾ೦ತ್ ಫೈನಲ್ ಜಿಕಾಜೆಚ್ ಮ್ಹುಣ್ ಆಸಾಯೇ ? ಆಮ್ಚ್ಯಾ ಕ್ರಿಕೆಟ್ ಟೀಮಾಕ್ ಪಳೆ೦ವ್ಕ್ ನಾ೦ವೇ!?
**************************
ಜುಲೈಚಾ 16 ತಾರಿಕೆರ್ ಸುಟ್‌ಲ್ಲೆ೦ ಅಮೆರಿಕಾಚೆ೦ ಅಪೊಲ್ಲೊ-11, 20 ತಾರಿಕೆರ್ ಚ೦ದ್ರಾಚಾ ಕಕ್ಷೆರ್ ಪಾವ್‌ಲ್ಲೆ೦. ಪುಣ್ ತಾಚ್ಯಾಕೀ 3 ದಿಸಾ೦ ಪಯ್ಲೆ೦ಚ್ ಪಾವ್‌ಲ್ಲೆ೦ ರಶಿಯಾಚೆ೦ ಲೂನಾ-15 ಥ೦ಯ್ ಹಾಜರ್ ಆಸ್‌ಲ್ಲೆ೦. ತಾ೦ತ್ಲ್ಯೊ ಕ್ಯಾಮೆರಾ ಅಪೊಲ್ಲೊ-11 ಚ೦ದ್ರಾರ್ ಕಿತೆ೦ ಕರ್ನ್ ಅಸಾ ಮ್ಹುಣ್ ತಸ್ವೀರ್ಯೊ ಕಾಡ್ನ್ ಭೂಮಿಕ್ ದಾಡ್ನ್ ಆಸ್‌ಲ್ಲ್ಯೊ!!. (ತಶೆ೦ ಅಮೇರಿಕಾನ್ ಚ೦ದ್ರಯಾನ ವಿಶ್ಯಾ೦ತ್ ಕಿತೆ೦ಯೀ ಗೋಲ್‌ಮಾಲ್ ಕೆಲ್ಯಾರ್ ಶಿರ್ಕವ್ನ್ ಪಡ್ತೆ೦.) ಹ್ಯಾ ಮದೆ೦ ಲೂನಾ-15 ನ್ ಚ೦ದ್ರಾಚಾ ಕಕ್ಷೆರ್ ವಿವಾದಾತ್ಮಕ್ ಜಾವ್ನ್ ಪಥ್ ಬದ್ಲಿಲಿ.!! ಅಮೇರಿಕಾಕ್ ಭಿರ೦ತ್ ಉಟ್ಲಿ. ಕಾ೦ಯ್ ಪುಣೀ ಲೂನಾ-15, ಅಪೊಲ್ಲೊ-11 ಕ್ ಅಪ್ಟಾ೦ವ್ಕ್ ಯೆತಾಗೀ ಮ್ಹುಣೊನ್!!. ಪುಣ್ ಸೋವಿಯತನ್ ತಕ್ಷ್ಯಣ್ ಸ್ಪಷ್ಟೀಕರಣ್ ದೀವ್ನ್ ಅಸಲ್ಲೊ ಕಸಲೊಯೀ ಉದ್ದೇಶ್ ಆಮ್ಕಾ೦ ನಾ ಮ್ಹುಣ್ ಸ್ಪಷ್ಟ್ ಕೆಲೆ೦. ಮನ್ ಕೆಲ್ಯಾರ್ ಭೂಮಿ ಥಾವ್ನ್೦ಚ್ ನಿಯ೦ತ್ರಿತ್ ಜಾವ್ನ್ ಆಸ್‌ಲ್ಲ್ಯಾ ಲೂನಾ-15 ದ್ವಾರಿ೦ ರಶಿಯಾಚಾ ವಿಜ್ನಾನಿ೦ಕ್ 3 ಲಾಕ್ ಕಿ.ಮೀ. ಪಯ್ಸ್ ಥಾವ್ನ್೦ಚ್ ಅಪೊಲ್ಲೊ-11 ಕ್ ನಾಸ್ ಕರ್ಯೆತ್ ಆಸ್‌ಲ್ಲೆ೦.ಪುಣ್ ತಾಣಿ೦ ತಶೆ೦ ಕರು೦ಕ್ ನಾ. ರಶಿಯಾ ಅಮೇರಿಕಾ ನ್ಹ೦ಯ್ ನೇ ..!!

ಜುಲೈಚಾ 21 ಕ್ ಅಪೊಲ್ಲೊ-11 ಥಾವ್ನ್ ಏಕ್ ವಾಹನ್ ಅಮೆರಿಕಾಚಾ ನೀಲ್ ಆರ್ಮ್‌ಸ್ಟ್ರಾ೦ಗಾಕ್ ಆನಿ೦ ಎಡ್ವಿನ್ ಆಲ್ಡ್ರೀನಾಕ್ ಕಾಣೆವ್ನ್ ಚ೦ದ್ರಾರ್ ದೆವ್‌ಲ್ಲೆ೦. ಥೊಡ್ಯಾಚ್ ವೆಳಾ ಉಪ್ರಾ೦ತ್ ಲೂನಾ-15 ಯೀ ಚ೦ದ್ರಾರ್ ದೆವೊ೦ಕ್ ಗೆಲೆ೦. ಪುಣ್ ರಶಿಯಾಚೆ೦ bad luck ಗೀ ಯಾ ಅಮೇರಿಕಾಚೆ೦ luck ಗೀ ಲೂನಾ-15 ವಚುನ್ ಚ೦ದ್ರಾಕ್ ಆಪ್ಟಾಲೆ೦. ಏಕಾದೆವಾಳ ತೆ೦ ಸುರಕ್ಷಿತ್ ಜಾವ್ನ್ ಚ೦ದ್ರಾರ್ ದೆವ್ಲ್ಯಾರ್ ಕಿತೆ೦ ಜಾತೆ೦ ? ತಾ೦ತ್ಲೆ ರೊಬೊಟ್ ಚ೦ದ್ರಾಚಿ ಮಾತಿ ಪೊಕರ್ನ್, ಅಮೇರಿಕಾಚಾ ಮನ್ಶ್ಯಾನಿ೦ ಹಾಡ್ಚ್ಯಾಕೀ ಥೊಡ್ಯಾಚ್ ಗ೦ಟ್ಯಾ ಪಯ್ಲೆ೦ ಭೂಮಿಕ್ ಪಾವಿತ್ ಕರ್ತೆ ಆಸ್‌ಲ್ಲೆ!!. ತಿತ್ಲ್ಯಾರ್ ಅಮೇರಿಕಾಕ್ ಮೆಳ್ಚಿ ಆಸ್‌ಲ್ಲಿ ಕೀರ್ತ್ ನಾಸ್ ಜಾ೦ವ್ಚಿ ಆಸ್‌ಲ್ಲಿ!!. ಪುಣ್ ತಶೆ೦ ಗಡೊವ್ನಾ.

ಆಶೆ೦ ಹಾಚ್ಯಾ ಉಪ್ರಾ೦ತ್ ಅಮೇರಿಕಾನ್ ಪರತ್ ಪಾ೦ಚ್ ಪಾವ್ಟಿ೦ ಚ೦ದ್ರಾರ್ ಮನ್ಶ್ಯಾ೦ಕ್ ದೆವಯ್ಲೆ೦. ರಶಿಯಾಯೀ ವಗೆಚ್ ಬಸೊ೦ಕ್ ನಾ. ತಾಣಿ೦ ಆಪ್ಲಿ೦ ಮನ್ಶ್ಯಾರಹಿತ್ ಅ೦ತ್ರಾಳ್ ತಾರ್ವ೦ ಮಹಿನ್ಯಾಗಟ್ಲಾನ್ ಚ೦ದ್ರಾರ್ ರಾವಯ್ಲಿ೦. ಮನಿಸ್ ದಾಡಿನಾಶೆ೦ಚ್ ಥ೦ಚಿ ಮಾತಿ ಹಾಡ್ಲಿ ತಾಣಿ.!!.
ಮ್ಯಾಚ್ ಮುಗ್ದೊವ್ನ್ ಆತಾ೦ ಸಬಾರ್ ವರ್ಸಾ೦ ಜಾಲ್ಯಾ೦ತ್. ‘ಮ್ಯಾನ್ ಆಫ಼್ ದ ಸಿರೀಸ್’ ಪ್ರಶಸ್ತಿ ಆನಿಕೀ ವಾ೦ಟು೦ಕ್ ನಾ !! ತಿ ತುಮ್ಚೆರ್ ಸೊಡ್ಲ್ಯಾ !!. ಕೊಣಾಕ್ ದಿತಾತ್ ತೀ ತುಮಿ ? ಚ೦ದ್ರಾಚಿ ಮಾತಿ ಹಾಡು೦ಕ್ ಪಾಪ್ ಮನ್ಶ್ಯಾ೦ಕ್‌ಚ್ ದಾಡ್ಚಿ ಗತ್ ಪಡ್‌ಲ್ಯಾ ಅಮೇರಿಕಾಕ್‌ಗೀ ? ಯಾ ರಾಯ ಬರಿ ಭೂಮಿರ್‌ಚ್ ಬಸೊನ್, ಹಾ೦ಗಾ ಥಾವ್ನ್೦ಚ್ ಆಪ್ಲ್ಯಾ ರೊಬೊಟಾ೦ಕ್ ಆಜ್ನ್ಯಾ ದೀವ್ನ್ ಮಾತಿ ಹಾಡ್‌ಲ್ಯಾ ಸೊವಿಯೆತ್ ರಶಿಯಾಕ್॒.॒........ !!??

*************

ಪ್ರಮೋದ್ ಜೆ. ರಾಡಿಗ್ಸ್, ಹೊಸ್ಪೆಟ್

ನಕ್ಲಿ ಸಾಪ್ಟ್‌ವೇರ್ ಜಾಯ್ಗಿ ? : ಥೊಡೆ ಅಸ್ಲಿ ಟಿಪ್ಸ್ ...!!!(MITHR)

highspeed ಅಂತರ್‌ಜಾಳಿ ಸಂಪರ್ಕ್ ಆಯಿಲ್ಯಾ ಉಪ್ರಾಂತ್ ಕಂಪ್ಯೂಟರಾಕ್ ಖಂಯ್ ಪುಣೀ ವೈರಸ್ ಯೆತಾ ಮ್ಹುಳ್ಯಾ ಭಿಯಾನ್ ಏಕ್ ಪಾಂಯ್ಶಿ ರೂಪಾಯ್ ದೀವ್ನ್ Kaspersky ಆಂಟಿವೈರಸ್ ಗಾಲ್ಚೆಂ ಏಕ್ ನವೆಂ trend ಸೊಡ್ಲ್ಯಾರ್ ಇಂಡಿಯಾಂತ್ 90% ಕೀ ಚಡ್ ಕಂಪ್ಯೂಟರ್ ವಾಪರ್‍ಪ್ಯಾನಿಂ ವಾಪಾರ್ಚಿಂ ನಕ್ಲಿ ಸಾಪ್ಟ್‌ವೇರಾಂ ..!. ಅಮ್ಚೆ Windows , office, ಮ್ಯೂಸಿಕ್, ಇಮೇಜ್, ಫೊಟೊ ಏಡಿಟಿಂಗ್ ... ಸಕ್ಕಡೀ ಸಾಪ್ಟ್‌ವೇರಾಂ ನಕ್ಲಿ. ಕಿತ್ಯಾಕ್ ಮ್ಹುಳ್ಯಾರ್, ಅಸ್ಲಿ ಘೆತ್ಲ್ಯಾರ್ ಲಾಕಾನಿಂ ಪಯ್ಸೆದಿಜೆ ಪಡ್ತಾತ್. ಆನಿಂ ನಕ್ಲಿ ಸಾಪ್ಟ್‌ವೇರಾಂ ವಾಪಾರುಂಕ್ ನುಜೊ ಮ್ಹುಳ್ಳೆಂ ನಿಯಮ್ ಆಮ್ಚ್ಯಾ ದೇಶಾಂತ್ ನಾಂ ನೇ ..!!!?

ಹಿಂ ನಕ್ಲಿ ಸಾಪ್ಟ್‌ವೇರಾಂ ಸಕ್ಕಡೀ ಅಮ್ಕಾಂ ಅಂತರ್‌ಜಾಳಿರ್ ಚ್ ಮೆಳ್ತಾತ್. ದಾಕ್ಲ್ಯಾಕ್ ಆಮ್ಕಾಂ ಏಕ್ ನವೆಂಚ್ ಮ್ಯೂಸಿಕ್ ಪ್ಲೇಯಾರ್ ಸಾಪ್ಟ್‌ವೇರ್ ಜಾಯ್ ಮ್ಹುಣ್ ಚಿಂತ್ಯಾಂ. ಆಮಿಂ ತ್ಯಾ ಮ್ಯೂಸಿಕ್ ಪ್ಲೇಯಾರ್ ಸಾಪ್ಟ್‌ವೇರಾಚಾ ಜಾಳಿ ಜಾಗ್ಯಾಕ್ ವಚುನ್ ತಾಣಿಂ ದಿಂವ್ಚೆಂ ಪಂದ್ರಾ ಯಾ ತೀಸ್ ದಿಸಾಚೆಂ free trial ಡೌನ್‌ಲೋಡ್ ಕರ್‍ತಾಂವ್. free trial ಚಿ ಅವ್ದಿ ಮುಗ್ದಾಲ್ಯಾ ಉಪ್ರಾಂತ್ ತೆಂ ಸಾಪ್ಟ್‌ವೇರ್ ಉಪ್ಯೋಗ್ ಕರಿಜೆ ಜಾಲ್ಯಾರ್ ಪಯ್ಸೆದಿಜೆ ಪಡ್ತಾತ್. ನಾತ್ಲ್ಯಾರ್ ಸಾಪ್ಟ್‌ವೇರ್ ಕಾಮ್ ಕರಿನಾ. ತೆನ್ನಾ ಚಡಾವತ್ ಆಮಿಂ ಅಂತರ್‌ಜಾಳಿರ್ ತ್ಯಾ ಸಾಪ್ಟ್‌ವೇರಾಕ್ crack ಸೊದುನ್ ,ಮೆಳ್ಳ್ಯಾರ್ ತೆಂ ಅಪ್ಣಾವ್ನ್ ತ್ಯಾ ಸಾಪ್ಟ್‌ವೇರಾಚೊ ಅಕ್ರಮ್ ವಾಪಾರ್‍ಣಿ ಕರ್‍ತಾಂವ್. ಹ್ಯಾ ಖಾತಿರ್ crackhell.com ಯಾ keygenguru.com ತಸಲಿಂ ಶೆಂಬೊರಾ ವಯ್ರ್ ಉಪ್ಕಾರಿ ಜಾಳಿಜಾಗೆ ಆಸಾತ್..!


ತುವೆಂ ತುಜ್ಯಾ ಸಾಪ್ಟ್‌ವೇರಾಕ್ crack ಅಪ್ಣಾಯ್ತಾನಾ, ತ್ಯಾ ಸಾಪ್ಟ್‌ವೇರಾಚೆಂ version, build ನಂಬರ್ ಸಕ್ಕಡೀ ಸಮಾ ಪಳೆವ್ನ್ crack ಸೊದಿಜೆ ಪಡ್ತಾ. ನಾತ್ಲ್ಯಾರ್ crack ಕಾಮ್ ಕರಿನಾ. ತಿತ್ಲೆ ರಗ್ಳೆ ಕಾಲ್ಯಾಕ್ ..? ತುಮ್ಕಾಂ ತೆಂ ಸಾಪ್ಟ್‌ವೇರ್ ಡೌನ್‌ಲೋಡ್ ಕರ್ತಾನಾಂಚ್ ತಾಚೆಂ crack ಮೆಳ್ಯಾರ್ ?. ವ್ಹಯ್.. ಅಶೆಂ ಸಂಪೂರ್‍ಣ್ ಅಕ್ರಮ್ ಸಾಪ್ಟ್‌ವೇರ್ ಡೌನ್‌ಲೋಡ್ ಕರುಂಕ್ ದಿಂವ್ಚಿಂ ಸಬಾರ್ underground ಜಾಳಿಜಾಗೆ ಅಂತರ್‌ಜಾಳಿರ್ ಆಸಾತ್. ಹ್ಯಾ ಖಾತಿರ್ ತುಮಿ ಫಕತ್ www.katz.cd ಮ್ಹುಳ್ಯಾ ಜಾಳಿಜಾಗ್ಯಾಕ್ ಭೆಟ್ ದಿಯಾ. ಯಾ www.phazeddl.com ಕೀ try ಕರ್‍ಯೇತ್. underground ಜಾಗೆ ತೆ. !. ಥಂಯ್ ತುಮ್ಕಾಂ ಕಸಲಿಂ ಸಾಪ್ಟ್‌ವೇರಾಂ ಜಾಯ್ ಮ್ಹುಣ್ ಸೊದ್ನಾಂ ಕರ್‍ಯೇತ್. ತುಂವೆಂ ಸೊದ್ನಾಂ ಕರ್ತಾನಾ ತೆಂ ಸೈಟ್ , ಖಂಚಿ ಪೂರಾ underground ಜಾಳಿಜಾಗೆ ತೆಂ ಸಾಪ್ಟ್‌ವೇರ್ ಸಂಪೂರ್‍ಣ್ ಡೌನ್‌ಲೊಡ್ ಕರುಂಕ್ ದಿತಾ ಪಳೆ ತಾಚಿ ಪುರಾ ಪಟ್ಟಿ ದಿತಾ. ಕಂಚಯೀಂ ಏಕ್ ತಾಣ್ ವಿಂಚ್ಲ್ಯಾರ್ ಜಾಲೆಂ. ಡೌನ್‌ಲೊಡ್ ಲಿಂಕ್ ಆಸ್ತೆಲೆಂ ಥಂಯ್ .., crack ಸಾಂಗಾತಾ ..!! ಮ್ಹುಳ್ಯಾರ್ ತುಕಾ ಮೆಳ್ಚೆಂ full version ಸಾಪ್ಟ್‌ವೇರ್. ತಿತ್ಲೆಂಚ್ ನ್ಹಂಯ್. ಹಾಂಗಾ ತುಕಾ ನಕ್ಲಿ ಫಿಲ್ಮಾಂ , ಮ್ಯೂಸಿಕ್, ಇ-ಬೂಕ್ಸ್ ... ಸಕ್ಕಡೀ ಮೆಳ್ತಾತ್. ತುಂ ಇಂಜಿನಿಯಾರಿಂಗ್ ಸ್ಟೂಡೆಂಟ್ ಜಾಲ್ಯಾರ್ ಕಿತ್ಯಾಕ್ ತುಜ್ಯಾ ಟೆಕ್ಸ್ಟ್ ಬೂಕಾಂಕ್ ಹಜಾರ್ ರೂಪಾಯ್ ದಿತಾಯ್ ? www.katz.cd ತ್ಯಾ ಬೂಕಾಚಾ ಧರ್ಮಾರ್ತ್ soft copy ಕ್ try ಕರ್‍ಯೇತ್. ಫಕತ್ ಇಂಜಿನಿಯಾರಿಂಗ್ ನ್ಹಂಯ್ ಹೆರ್ ಸಬಾರ್ ನಕ್ಲಿ ಬೂಕ್ ಯೀ ತುಕಾ ಮೆಳ್ತಾತ್.
ಏಕಾದೆವಾಳಾ ತುಜೆಂ ಸಾಪ್ಟ್‌ವೇರ್ ತುಕಾ ವಚಿii ಜಾಗ್ಯಾನಿಂ ಮೆಳೊಂಕ್ ನಾ. ಗೂಗಲಾಂತ್ ಸೊದ್ನಾಂ ಕೆಲ್ಯಾರೀ ಮೆಳೊಂಕ್ ನಾ. ತೆನ್ನಾ ತುವೆಂ rapidlibary.com ಯಾ rapidsharedata.com ಜಾಳಿಜಾಗ್ಯಾಂಕ್ ಭೆಟ್ ದೀವ್ನ್ ಸೊದ್ನಾಂ ಕರ್‍ಯೇತ್. Rapidshare.com ಂತ್ ಕೊಣೆಯೀಂ ತೆಂ ಸಾಪ್ಟ್‌ವೇರ್ upload ಕೆಲ್ಯಾರ್ ತುಮಿಂ ತೆಂ ಡೌನ್‌ಲೊಡ್ ಕರ್‍ಯೇತ್. ಚಡಾವತ್ ಜಾವ್ನ್ ದುಸ್ರೆ ಕಡೆ ಮೆಳ್ನಾತ್ಲಿಂ ಥೊಡಿಂ ಹಾಂಗಾ ಮೆಳ್ತಾತ್. ಮಾಗಿರ್‌ಯೀ ತುಕಾ ತುಜೆಂ ಸಾಪ್ಟ್‌ವೇರ್ ಮೆಳೊಂಕ್ ನಾ. ? ತವಳ್ ತ್ಯಾ ಸಾಪ್ಟ್‌ವೇರಾಚೆಂ ಟೊರೆಂಟ್ ಪುಣೀ ಆಸಾಗೀ ಮ್ಹುಣ್ ಸೊದ್. Thepiratebay.com ಯಾ torrent.ws ಜಾಳಿಜಾಗ್ಯಾನಿಂ ಟೊರೆಂಟ್ ಸೊದ್ಯೆತ್.

ವಯ್ಲಿಂ ಪುರಾ ಪ್ರಯತ್ನ್ ವಿಫಲ್ ಜಾಲೆಗೀ . ತೆ ನಾಕಾ. ಪಂದ್ರಾ ಯಾ ತೀಸ್ ದೀಸ್ ರಾಕೊನ್ ರಾವ್. ತಿತ್ಲ್ಯಾ ಭಿತರ್ ಕೋಣ್ ಪುಣೀ ತ್ಯಾ ಸಾಪ್ಟ್‌ವೇರಾಕ್ crack ಸೊದುನ್ upload ಕರ್‍ತೊಲೊ ..!!!
******************
_ಪ್ರಮೋದ್ ರೊಡ್ರಿಗ್ಸ್, ಹೊಸ್ಪೆಟ್
pramrods@gmail.com

ಅತಾಂ ಅನ್ಯೇಕಾ ಚಂದ್ರಾರೀ ದ್ರವ್- ಉದಾಕ್ ..!!! (MITHR)

ವ್ಹಯ್ ..! ಗೆಲೆತ್ಯಾ ಹಫ್ತ್ಯಾಂತ್ ನಾಸಾಚಾ ಕ್ಯಾಸಿನಿ ಅಂತ್ರಾಳ್-ತಾರ್ವಾನ್ ಅಸಲಿ ಏಕ್ ಮಾಹೆತ್ ಉಗ್ಡಾಪಣ್ ಕೆಲ್ಯಾ. ಉದಾಕ್ ಆಸಾ ಮ್ಹುಳ್ಯಾರ್ ಜೀವ್‌ಯೀ ಆಸ್ಚಿ ಸಾಧ್ಯತಾ ಆಸಾ ನೇ ? ದೆಕುನ್ಂಚ್ ವಿಗ್ಯಾನಿಂಕ್ ತ್ಯಾ ಚಂದ್ರಾಚೆರ್ ಆಸಕ್ತ್ ಚಡ್ಲ್ಯಾ. ಹ್ಯಾ ಚಂದ್ರಾಚೆಂ ನಾಂವ್ ಏನ್ಸಿಲ್ಯಾಡಾಸ್(Enceladus) . ಶನಿಂ ಗಿರಾಣ್ಯಾಚಾ ಸುಮಾರ್ ಚಾರ್ ಡಜನ್ ಚಂದ್ರಾಂತ್ಲೆಂ ಸವೆಂ ವ್ಹಡ್ ಚಂದ್ರ್ ತೆಂ. ತುಮಿ ಸಬಾರಾನಿಂ ಹ್ಯಾ ಚಂದ್ರಾಚೆಂ ನಾಂವ್ ಆಯ್ಕೊಂವ್ಕ್ ನಾತ್‌ಲ್ಯಾರೀ, ೧೭೮೯ ಇಸ್ವೆಂತ್‌ಚ್ ವಿಲಿಯಾಂ ಹರ್ಷಲ್ ಮ್ಹುಳ್ಯಾ ನೆಕೆತ್ರ್ ಶಾಸ್ತ್ರಿನ್ ಹೆಂ ಚಂದ್ರ್ ಸೊದುನ್ ಕಾಡ್‌ಲ್ಲೆಂ.!!!

ಹ್ಯಾ ಚಂದ್ರಾ ವಿಶ್ಯಾಂತ್ ವಿಗ್ಯಾನಿಂಕ್ ಚಡಿತ್ ಮಾಹೆತ್ ಮೆಳ್‌ಲ್ಲಿ ೧೯೮೦ ಅನಿ ೧೯೮೧ ಇಸ್ವೆಂತ್. ತ್ಯಾ ಕಾಳಾರ್ ನಾಸಾಚಿಂ ವಯಾಝೆರ್ -೧ ಆನಿಂ ೨ ತಾರ್ವಾಂ ಹ್ಯಾ ಚಂದ್ರಾಕ್ ಲಾಗ್ಸಿಲ್ಯಾನ್ ತಿಳುನ್ ಆಯಿಲ್ಲಿಂ. ತೆನ್ನಾ ಹ್ಯಾ ಚಂದ್ರಾಚೊ ವ್ಯಾಸ್ ಫಕತ್ ೫೦೦ ಕಿ.ಮೀ ಮ್ಹುಣ್ ಕಳೊನ್ ಆಯಿಲ್ಲೊ. ಪುಣ್ ೨೦೦೪ ಇಸ್ವೆಂತ್ ಶನಿ ಗಿರಾಣ್ಯಾಚಾ ಅಧ್ಯಯನಾಕ್ ಮ್ಹುಣ್ ದಾಡ್‌ಲ್ಲೆಂ ಕ್ಯಾಸಿನಿ ಮ್ಹುಳ್ಳೆಂ ಅಂತ್ರಾಳ್-ತಾರುಂ ಪಾಟ್ಲ್ಯಾ ವರ್ಸಾ ಥಾವ್ನ್ ಹ್ಯಾ ಚಂದ್ರಾಕ್ ತಿಳುನ್ ಂಚ್ ಆಸಾ. ಗೆಲೆತ್ಯಾ ವರ್ಸಾ ಕ್ಯಾಸಿನಿನ್ ದಾಡ್‌ಲ್ಲ್ಯಾ ದತ್ತಾಂಶಾಂತ್ ಏನ್ಸಿಲ್ಯಾಡಾಸಾಚೆಂ ಗರ್ಭ್ ಭುಂಯ್ಚಾ ಗರ್ಭ ಬರಿ ಅಸಾ ಮ್ಹುಣ್ ಕಳೊನ್ ಆಯಿಲ್ಲೆಂ. ಪುಣ್ ಗೆಲೆತ್ಯಾ ಹಫ್ತ್ಯಾಂತ್ ಮೆಳ್ಯಾ ಮಾಹೆತಿ ಪ್ರಕಾರ್ ಏನ್ಸಿಲ್ಯಾಡಾಸಾಚಾ ಧ್ರುವ ಪ್ರದೇಶಾಚಾ ಬರ್‍ಪಾಚಾ ಪದರಾ ಪಂದಾ ದ್ರವ್ ಉದ್ಕಾಚಿಂ ಲಕ್ಷಣಾಂಯೀಂ ದಿಸೊನ್ ಆಚಿiiಂತ್. ಉದಾಕ್ ಆಸ್‌ಲ್ಲ್ಯಾನ್ ಥಂಯ್ ಅತಾಂ ಜೀವಿ ಯೀ ಅಸೊಂಕ್ ಪುರೊ ಮ್ಹುಣ್ತಾತ್ ವಿಗ್ಯಾನಿಂ. ಕಾಂಯ್ ನ್ಹಂಯ್ ಮ್ಹುಳ್ಯಾರೀ ಥೊಡ್ಯೊ ಕಿಡಿ ಯಾ ಮಾಸ್ಳ್ಯೊ ..!!

ಆಮ್ಚ್ಯಾ ಸೂರ್ಯ-ಮಂಡಳಾಂತ್ ಭುಂಯ್ ಸೊಡ್ಲ್ಯಾರ್ ದ್ರವ್ ಉದಾಕ್ ಆಸ್ಚೊ ಆನ್ಯೇಕ್ ಜಾಗೊ ಮ್ಹುಳ್ಯಾರ್ ಗುರು ಗಿರಾಣ್ಯಾಚೆಂ ಯುರೋಪಾ ಮ್ಹುಳ್ಳೆಂ ಚಂದ್ರ್ ಮ್ಹುಣ್ ಯೆದೊಳ್ ಮ್ಹುಣಾಸರ್ ವಿಗ್ಯಾನಿಂ ಪಾತ್ಯೆವ್ನ್ ಆಸ್‌ಲ್ಲೆ. ಅತಾಂ ಏನ್ಸಿಲ್ಯಾಡಾಸ್ ಯೀ ಹ್ಯಾ ಪಟ್ಟೆಕ್ ಸೆರ್ವಲಾಂ. !! ಅಮ್ಚೆ ದಾಯ್ಜಿ ಖಂಯ್ ಖಂಯ್ ಲಿಪೊನ್ ರಾವ್ಲ್ಯಾತ್ ಗೀ ? ತೆಂ ಯೀ ಆಮ್ಚಾ ಸೂರ್ಯ-ಮಂಡಳಾಂತ್ .. !!

*******************************************************
- ಪ್ರಮೋದ್ ರೊಡ್ರಿಗಸ್

ಅಂತ್ರಾಳಾರ್ ಏಕ್ ನವೆಂ ಗೀದ್: Airbus A380(MITHR)

ರೈಟ್ ಭಾವಾನಿಂ ಶೆಂಬರ್ ವರ್ಸಾಂ ಅದಿಂ ಪಯ್ಲೆ ಪಾವ್ಟಿಂ ಉಬಾಯ್ಲೆಂ ವಿಮಾನ್ ,ಹಾಚಾ ಪಾಕಾಟ್ಯಾಚಾಕೀ ಮೊಸ್ತ್ ಲ್ಹಾನ್. ಅಂತ್ರಾಳಾರ್ ಉಬ್ಚೆಂ ವಡ್ಲೆಂ ಮನ್ಶಾ ನಿರ್ಮಿತ್ ತಗ್ಡಾ ಸುಕ್ಣೆಂ ಹೆಂ. ಭಾರಿ ವ್ಹಡ್ ಗಾತ್ರಾಚೆಂ, double deck, ಚಾರ್ ಇಂಜಿನಾಚೆಂ. ಸಂಸಾರಾಚೆ೦ ವಡ್ಲೆಂ ಪಯ್ಣಾ ವಿಮಾನ್ ಮ್ಹುಳ್ಳಿ ಖ್ಯಾತ್ ಪಚಿiiಂತ್ ದುಸ್ರಿ. ಹೆಂ ಚ್ Airbus A380 ..!!

ಸಂಸಾರಾಂತ್ ವಿಮಾನ್ ಉತ್ಪನ್ನ್ ಕರ್ಚೆಂ ವಡ್ಲೆಂ ನಾಂವ್ ಜಾವ್ನಾಸ್ಚಾ Airbus SAS ಕಂಪ್ಣೆಚೆಂ ವಡ್ಲೆಂ ಉತ್ಪನ್ನ್ ಂಚ್ ಹೆಂ Airbus A380. ಹಾಚೆ ವಿಶೇಷಾತಾ ಕಾಲೆಂ ಮ್ಹುಣ್ ವಿಚಾರ್ತಾತ್ ಗೀ ?. ದೋನ್ deck, ೭೩ ಮೀಟರ್ ಲಾಂಬಾಯ್, ೨೫ ಮೀಟರ್ ಉಬಾರಾಯ್. ಸಕ್ಕಡಿ ಎಕಾನಾಮಿಕ್ ಕ್ಲಾಸ್ ಜಾಲ್ಯಾರ್ ಹ್ಯಾ ವಿಮಾನಾಂತ್ ಸುಮಾರ್ ೮೫೦ ಜಣಾಂಕ್ ಪಚಿii ಕರ್‍ಯೇತ್. ಹ್ಯಾ ವಿಮಾನಾಕ್ ನಿರಂತರ್ ಪಂದ್ರಾ ಹಜಾರ್ ಕಿ.ಮೀ ಮ್ಹುಣಾಸರ್ ಪಚಿii ಕರ್ಚಿ ಶಾತಿ ಆಸಾ. ಮ್ಹುಳ್ಯಾರ್ ಹಾಂಕಾಂಗ್ ಥಾವ್ನ್ ನ್ಯೂಯಾರ್ಕಾ ಮ್ಹುಣಾಸರ್ nonstop ಪಚಿii ಕರ್‍ಯೇತ್. ಹಾಂತುಂ ಧಾ ಇಂಧನ್ ಟಾಂಕಿ ಅಸಾತ್. ಏಕಾ ಟಾಂಕಿಂತ್ ಉಣ್ಯಾರ್ ಮ್ಹುಳ್ಯಾರ್ ಸುಮಾರ್ ಏಕ್ ಲಾಕ್ ,ತೀಸ್ ಹಜಾರ್ ಲೀಟರ್ ಇಂಧನ್ ಭರ್‍ಯೇತ್. ಹೆಮ್ ವಿಮಾನ್ ಗರಿಷ್ಟ್ ಮ್ಹುಳ್ಯಾರ್ ಗಂಟ್ಯಾಕ್ ಸುಮಾರ್ ೧೦೨೦ ಕಿ.ಮೀ ವೇಗಾನ್ ದಾವೊಂಕ್ ಸಕ್ತಾ. ೩೫,೦೦೦ ಫಿಟ್ ಉಬರಾಯೆರ್ ಉಬೊಂಕ್ ಸಕ್ತಾ ..!!

ಯೆದೊಳ್ ಮ್ಹುಣಾಸರ್ ಸಂಸರಾಚಾ ಬಾರಾ ವಡ್ಲ್ಯಾ ಶಹರಾಂತ್ ಹ್ಯಾ ವಿಮನಾಚಿ ಸೆವಾ ಆಸಾ. ಹೆಂ ವಿಮಾನ್ ಪಯ್ಲೆ ಪಾವ್ಟಿಂ ಅಂತ್ರಾಳಾಕ್ ಉಬ್‌ಲ್ಲೆಂ ೨೦೦೫ ಇಸ್ವೆಚಾ ಎಪ್ರಿಲ್ ೨೭ ತಾರಿಕೆರ್. ಪರೀಕ್ಷಾರ್ತ್ ಉಬೊವ್ಣೆಂ ತೆಂ. ಕಮರ್ಷಿಯಾಲ್ ಜಾವ್ನ್ ಪಯ್ಲೆ ಪಾವ್ಟಿಂ ಹೆಂ ವಿಮಾನ್ ಉಬಾಯ್ಲಿ ಖ್ಯಾತ್ ಸಿಂಗಪೂರ್ ಏರ್‌ಲೈನ್ಸಾಕ್ ಪಾವೊ ಜಾತಾ. ೨೦೦೭ ಇಸ್ವೆಚಾ ಅಕ್ಟೋಬರ್ ೨೫ ತಾರಿಕೆರ್ ಸಿಂಗಪೂರ್ ಥಾವ್ನ್ ಸಿಡ್ನಿ ಮ್ಹುಣಾಸರ್ ಥಾವ್ನ್ ತಾಂಚಿ ಸೆವಾ ಆರಂಭ್ ಜಾಲ್ಯಾ. ಸಿಂಗಪೂರ್ ಏರ್‌ಲೈನ್ಸಾಕ್ ಸೊಡ್ಲ್ಯಾರ್ ಆಜ್ ಹಿಂ ವಿಮಾನಾಂ ಏರ್‌ಫ್ರಾನ್ಸ್ , ಎಮಿರೇಟ್ಸ್, ಆನಿಂ ಕ್ವಾಂಟಾಸಾ ಕಡೆ ಆಸಾತ್. ಏದೊಳ್ ಮ್ಹುಣಾಸರ್ ೪೧ Airbus A380 ವಿಮನಾಂ ಉತ್ಪನ್ನ್ ಜಾಲ್ಯಾಂತ್. ಇತರ್ ಸಬಾರ್ ಏರ್‌ಲೈನ್ಸಾಕ್ ಕಂಪ್ಣ್ಯಾನಿಂ ಹ್ಯಾ ವಿಮಾನಾಕ್ ಒರ್‍ಡರ್ ದಿಲಾಂ. ಸುಮಾರ್ ದೋನ್ಸ್ಯಿ ಒರ್‍ಡರಾಂ ಬಾಕಿ ಉರ್ಲ್ಯಾಂತ್. Even ಅಮ್ಚ್ಯಾ ಕಿಂಗ್‌ಫಿಶರ್ ಮಲ್ಯಾ ಚೆಂ ಯೀ ಒರ್‍ಡರ್ ಬಾಕಿ ಆಸಾ. Airbus A380 ಕ್ ಡಿಮಾಂಡ್ ಚ್ ಡಿಮಾಂಡ್ .. !! ಮೋಲ್ ಮಾತ್ರ್ ಫಕತ್ ೩೩೭ ಮಿಲಿಯಾನ್ ಅಮೆರಿಕಾನ್ ಡಾಲಾರ್. !!
*****************************************
-ಪ್ರಮೋದ್ ರೊಡ್ರಿಗ್ಸ್, ಹೊಸ್ಪೆಟ್

Windows 7 : ಅತಾಂ ನವಿ ವ್ಹೊಕಾಲ್........!!!!!(MITHR)

ಸಬಾರ್ ದಿಸಾಂ ಥಾವ್ನ್ ರಾಕೊನ್ ಆಸ್‌ಲ್ಲೆಂ ಮೈಕ್ರೊಸಾಫ್ಟಾಚೆಂ ನವೆಂ Windows 7 ಒಪರೆಟಿಂಗ್ ಸಿಸ್ಟಮ್ ಹ್ಯಾಚ್ ಅಕ್ಟೋಬರಾಚಾ ೨೨, ತಾರಿಕೆರ್ ಅಧಿಕ್ರತ್ ಜಾವ್ನ್ ಮೊಕ್ಳಿಕ್ ಜಾಲೆಂ... ವ್ಹಯ್.. ಹ್ಯಾ Windows 7 ವಿಶ್ಯಾಂತ್ ಸಬಾರ್ ಅತ್ರೇಗ್ ಆನಿಂ ನಿರಿಕ್ಷಾ ಅಸ್‌ಲ್ಲಿ. ಕಿತ್ಯಾಕ್ ಮ್ಹುಳ್ಯಾರ್ ಹಾಚಾ ಪಯ್ಲೆಂಚೆಂ Windows Vista ಏಕ್ ವಡ್ಲೆಂ flop ...!!
ಆಜ್ ಸಂಸಾರಾಂತ್ಲ್ಯಾ ಶೆಂಬರ್ ಕಂಪ್ಯೂಟಾರಾಂತ್ ಸುಮಾರ್ ೮೦ ಕಂಪ್ಯೂಟಾರಾಂತ್ Windows XP ಆಸಾ. ಆಜೂನ್‌ಯೀ ತಾಂಕಾಂ ಼ XP ಚ್ ಬರೆಂ ದಿಸೊನ್ ಆಸಾ. ಸಬಾರಾಂಕ್ ವಿಸ್ತಾ ಯಾ ಼೭ ಬದ್ಲಾಕ್ ಼ XP ಚ್ ಏಕ್ ಸರ್ವಿಸ್ ಪ್ಯಾಕ್ ಸೊಡ್ಲ್ಯಾರ್ ಬರೆಂ ಮ್ಹುಣ್ ದಿಸ್ತಾ.. ಪುಣ್ ಮೈಕ್ರೊಸಾಫ್ಟಾಚೆಂ ಹೆಂ ಮಾರ್ಕೆಟಿಂಗ್ ಯೋಜನ್ ...! XP ಚಿಂ ನವಿಂ ಲೈಸೆನ್ಸಾಂ ಆತಾಂ ಮೆಳನಾಂತ್. ಖಂಚೆಯೀಂ ನವೆಂ ಕಂಪ್ಯೂಟರ್ ಘೆತ್ಲ್ಯಾರ್ ವಿಸ್ತಾಚ್ ಘಾಲಿಜೆ ಪಡ್ತಾ ..!! ( ಇಂಡಿಯಾಂತ್ ನ್ಹಂಯ್ ... ಆಮಿಂ ಗೋಲ್‌ಮಾಲ್ ಼ XP ಚ್ ಆಜೂನ್‌ಯೀ ಘಾಲ್ನ್ ಆಸಾಂವ್...!!) ತುಜ್ಯಾ ಕಂಪ್ಯೂಟಾರಾಂತ್ ವಿಸ್ತಾ ಘಾಲಿಜೆ ಜಾಲ್ಯಾರ್ ಏಕ್ ವಡ್ಲ್ಯಾ ಮಟ್ಟಾಚೆಂ ಹಾರ್‍ಡ್‌ವೇರ್ configuration ಚಿ ಗರ್ಜ್ ಆಸಾಜೆ... ಪುಣ್ XP ವಾಪರ್ಲ್ಯಾಂಕ್ ವಿಸ್ತಾ ಏಕ್ ವಡ್ಲೆಂ ಕಂಟಕ ಬರಿ ದಿಸ್ತಾ. ತಾಂಕಾಂ XP ಚ್ better. ಇಲ್ಲೆಶೆಂ hang ಜಾತಾ ಆನಿಂ ಥೊಡೆ ಹೆ ಲ್ಹಾನ್ ಸಮಸ್ಯೆ ಮ್ಹುಣ್ ಸೊಡ್ಲ್ಯಾರ್ ಮಾಗಿರ್ ತೆಂ ಕಿತ್ಲ್ಯಾಕೀ ಜಾವ್ಯೇತ್..!!

ಪುಣ್ ಅತಾಂಚಾ Windows 7 ಹನ್ಗ್ ಜಾಂವ್ಚೆ ತಸಲೆ ಕಸಲೆಯೀ ಸಮಸ್ಯೆ ನಾಂತ್. ಕಂಪ್ಯೂಟಾರಕ್ boot ಜಾಂವ್ಕ್ ಆನಿಂ shut down ಜಾಂವ್ಕ್ ಇಲ್ಲೊಚೊ ವೇಳ್ ಕಾಣ್ಘೆತಾ. ಹಾಂತುಂ ಸಬಾರ್ ನವಿಂ feature ಯೀಂ ಅಸಾತ್. ಅದ್ಲ್ಯಾಂ feature ೦ಕ್ ನವೆಂ ರೂಪ್‌ಯೀ ದಿಲಾಂ. ಹಾಂತುಂ Vitual Harddisk, ನವ್ಯಾ ರಿತಿಚಿ gadget , Windows virtual PC ಅನಿಂ ಹೆರ್ ಸಬಾರ್ ...!! ಕಂಟ್ರೋಲ್ ಪೆನಲಾಂತ್ ಹೆರ್ ಸಬಾರ್ ಚಡ್ತಿಕ್ tools ದಿಸೊನ್ ಯೆತಾತ್. Home Network ಚೆಂ ರೂಪ್‌ಯೀ ಬದ್ಲಲಾಂ. ನವೆಂ ಟಾಸ್ಕ್ ಬಾರ್ ಏಕ್ ವಡ್ಲೆಂ ಪರಿವರ್ತನ್. ಅಪ್ಲಿಕೆಶಾನಾಂಕ್ ಬಾರಿ ಸುಲಬಾಯೆನ್ ವಾಪರ್ಚೆ ಬರಿ ಹೆಂ ಟಾಸ್ಕ್ ಬಾರ್ ರೂಪಿತ್ ಕೆಲಾಂ.
ವಿಸ್ತಾ ಆಸ್‌ಲ್ಲ್ಯಾನಿ Windows 7 ಕ್ upgrade ಕರಿಜೆ ಜಾಲ್ಯಾರ್ ಸುಮಾರ್ ೨೪೦$ ದಿಜೆ ಪಡ್ತಾತ್. ಇಂಡಿಯಾಂತ್ Windows 7 ಚಾ Home edition ಕ್ ಲಗ್ಬಗ್ ಇಕ್ರಾ ಹಜಾರ್ ಆಸಾತ್. ಸಬಾರ್ ವಿಮರ್ಶಕಾನಿಂ Windows 7 ಕ್ OK ಮುಳಾಂ. ಪುಣ್ ತೆಂ ಅಜ್ಯಾಪ್ ನ್ಹಂಯ್ ಖಂಯ್.
Windows ೯೮ ಜನಪ್ರಿಯ್ ಜಾಲ್ಲೆಂ ತಾಚಿ ದುಸ್ರಿ ಆವ್ರತ್ತಿ ಆಯ್ಲ್ಯಾ ಉಪ್ರಾಂತ್. Windows XP ಯೀ ಲೊಕಾಮೊಗಾಳ್ ಜಾಲ್ಲೆಂ ತಾಚಿ ಸರ್ Service Pack- ೨ ಆಯ್ಲ್ಯಾ ಉಪ್ರಾಂತ್. ವಿಸ್ತಾ ವಡ್ಲೆಂ flop. ಪುಣ್ ವಿಸ್ತಾ ವಾಪರ್ನ್ ಆಸ್ತೆಲ್ಲಾಂಕ್ Windows 7 just ಏಕ್ Service Pack ಬರಿ ದಿಸ್ತಾ. ಪುಣ್ ತೆಂ ಜಾವ್ಯೇತ್. ವರ್ತೆಂ ನ್ಹಂಯ್ ... ಹಣೆಬರಪ್ ಮುಕ್ಲ್ಯಾ ದಿಸಾನಿಂ ಪಳಯ್ಜೆ.....!!!

ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್
pramrods@gmail.com

ನ್ಯೂಕ್ಲಿಯರ್ ಬಾಂಬಾಚೊ ಕಾಣಿಯೊ . ..!!!(MITHR)

ದುಸ್ರ್ಯಾ ಮಹಾಝೊಜಾಚೆ ಅಂತಿಮ್ ದೀಸ್ ತೆ. ಜರ್ಮನಿಚೆಂ ತವಳ್‌ಚ್ ಸತ್ಯನಾಸ್ ಜಾಲ್ಲೆಂ. ಪುಣ್ ಜಪಾನ್ ತವಳ್ ಮ್ಹುಣಾಸರ್ ಶರಣಾಗತ್ ಜಾಂವ್ಕ್ ನಾತ್‌ಲ್ಲೆಂ. ಜುಲೈ 24,1945. ಅಮೆರಿಕಾಚೊ ಅದ್ಯಕ್ಷ್ ಹ್ಯಾರಿ ಟ್ರೂಮಾನ್ ಸೋವಿಯಾತ್ ಅದ್ಯಕ್ಷ್ ಸ್ಟಾಲಿನಾಕ್ ಸಾಂಗಿಲಾಗ್ಲೊ. “ ಆಮಿ ಸಂಸಾರಾಕ್ ನಾಸ್ ಕರ್ಚೆ ತಸಲೊ ಏಕ್ ಮಾರೆಕಾರ್ ಬಾಂಬ್ ಸೊದುನ್ ಕಾಡ್ಲಾ. ತ್ಯಾ ಬಾಂಬಾ ವರ್ವಿಂ ಮಿನುಟಾನಿಂದ್ ಸಂಸಾರಾಚಿ ದೆಸ್ವಾಟ್ ಕರ್ಯೆತ್. .!!” . ಸ್ಟಾಲಿನಾಕ್ ಏಕ್ surprise ದಿಂವ್ಚೆಂ ಮ್ಹುಣ್ ಟ್ರೂಮಾನಾನ್ ಚಿಂತ್‌ಲ್ಲೆಂ. ತವಳ್ ಮ್ಹುಣಾಸರ್ ಸೋವಿಯಾತ್ ದುಸ್ರ್ಯಾ ಮಹಾಜುಜುಝಾಂತ್ ಅಮೆರಿಕಾಚೆಂ ಮಿತ್ರ್ ಜಾವ್ನ್ ಆಸ್‌ಲ್ಲೆಂ. ಪುಣ್ ಸ್ಟಾಲಿನಾಕ್ ಕಾಂಯ್ ಅಜ್ಯಾಪ್ ಜಾಂವ್ಕ್ ನಾ. ಕಿತ್ಯಾಕ್ ಮ್ಹುಳ್ಯಾರ್ ಪೊಯ್ರ್ ಪೊಯ್ರ್ ವಿಂಚೊನ್ ಆಯ್ಲ್ಯಾ ಟ್ರೂಮಾನಾಕ್ ಹೆಂ ಭಾರಿ ಗುಪಿತ್ ಪ್ರೊಜೆಕ್ಟ್ ಅದ್ಯಕ್ಷ್ ಜಾಲ್ಯಾ ಉಪ್ರಾಂತ್‌ಚ್ ಖಳಿತ್ ಜಾಲ್ಲೆಂ. ಪುಣ್ ಹ್ಯಾ ಪ್ರೊಜೆಕ್ಟಾ ವಿಶ್ಯಾಂತ್ ಸಬಾರ್ ವರ್ಸಾಮ್ ಆದಿಂಚ್ ಸೋವಿಯಾತಕ್ ಇಂಟೆಲಿಜೆನ್ಸ್ ವರ್ದಿ ಮೆಳ್‌ಲ್ಲಿ. ಟ್ರೂಮಾನಾಚಾ ಕೀ ಪಯ್ಲೆಂಚ್ ಸ್ಟಾಲಿನಾಕ್ ಹೊ ವಿಷಯ್ ಖಳಿತ್ ಆಸ್‌ಲ್ಲೊ ..!! ತೆಂಚ್ Manhattan project. ಪಯ್ಲೊ ನ್ರ್ಯಕ್ಲಿಯಾರ್ ಬಾಂಬ್ ರಚುಂಕ್ ಅಮೆರಿಕಾನ್ ಆರಂಭ್ ಕೆಲ್ಲೆಮ್ ಭಾರಿ ಗುಪಿತ್ ಪ್ರೊಜೆಕ್ಟ್ ತೆಂ. ! ಪುಣ್ ತವಳ್‌ಚ್ ಇತರ್ ದೇಶ್ ಹ್ಯಾ ವಿಶ್ಯಾಂತ್ ಲಿಪ್ತೆಂ ಲಿಪ್ತೆಂ ಪ್ರಯೋಗ್ ಕರ್ನ್ ಆಸ್‌ಲ್ಲೆ.!

ವ್ಹಯ್ .. ವಿಸಾವ್ಯಾ ಶೆಕ್ಡಾಚಾ ಆರಂಭಾರ್‌ಚ್ ವಿಗ್ಯಾನಿಂಕ್ ಹ್ಯಾಪರಮಾಣುಚೆಂ ರಚನ್ ಖಳಿತ್ ಜಾಲ್ಲೆಂ. ತವಳ್ ಪ್ರಯೋಗ್ ಭರನ್ ಚಲೊನ್ ಆಸ್‌ಲ್ಲೆ. ಖಂಚಯ್ ವಸ್ತುಚೆಂ ಅಧಿಕ್ ಲ್ಹಾಣ್ ಕಣ್ಂಚ್ ಹೆಂ ಅಟೊಮ್(atom). ತಾಚೊ ಗಾತ್ರ್ ಸುಮಾರ್ 10-8­ ಸೆಂ. ಮೀ. ಮ್ಹುಳ್ಯಾರ್ 7 ಸೆಂ. ಮೀ. ವ್ಯಾಸಾಚೆಂ ಏಕ್ ಕ್ರಿಕೆಟ್ ಬಾಲ್ ಏಕ್ ಅಟೊಮ್ ಮ್ಹುಣ್ ಚಿಂತ್ಯ್ಲಾರ್ ನೀಜ್ ಕ್ರಿಕೆಟ್ ಬಾಲ್ ಸುಮಾರ್ 3045 ಮೈಲಾಂ ಮ್ಹುಣಾಸರ್ ಉಬಾರ್ ಆಸ್ತಾ.. !! ಹ್ಯಾ ಅಟೊಮಾಂತ್ ಪ್ರೊಟಾನ್, ನ್ಯೂಟ್ರಾನ್ ಆನಿಂ ಇಲೆಕ್ಟ್ರಾನ್ ಮ್ಹುಳ್ಳೆ ತೀನ್ ಭಾಗ್ ಆಸ್ತಾತ್. ಹ್ಯಾ ಅಟೊಮಾಚೊ ಮಧ್ಯ್ ಭಾಗ್‌ಚ್ ನ್ಯೂಕ್ಲಿಯಾಸ್. ತಾಂತುಂ ಧನತ್ಮಾಕ್ ಜಾವ್ನ್ ಚಾರ್ಜ್ ಜಾಲ್ಲೆ ಪ್ರೋಟಾನ್ ಆನಿಂ ರುಣಾತ್ಮಾಕ್ ನ್ಯೂಟ್ರಾನ್ ಆಸ್ತಾತ್ ..!
ಇತ್ಲ್ಯಾ ದಾಕ್ಟ್ಯಾಂ ಕಣಾಂ ಥಾವ್ನ್ ಭಾರಿ ಸಕತ್ ಉಬ್ಜಾಂವ್ಚಿ ಕಶಿ ? ಐನ್‌ಸ್ಟೈನಾಚೆಂ ಪ್ರಸಿದ್ದ್ ಸಿದ್ದಂತ್‌ಚ್ ತಾಕಾ ಜವಾಬ್ ದಿತಾ. E = mc2 , (E = ಸಕತ್, m= ದ್ರವ್ಯ್-ರಾಸ್,c= ಉಜ್ವಾಡಾಚೊ ವೇಗ್, ಸೆಕುಂಡಾಕ್ ತೀನ್ ಲಾಕ್ ಕಿ.ಮಿ.) . ಮ್ಹುಳ್ಯಾರ್ ದ್ರವ್ಯ್ ಆನಿಂ ಸಕತ್ ಅದ್ಲಿ-ಬದ್ಲಿ ಕರ್ಯೇತಾ. ಆಶೆಂ ವಿಗ್ಯಾನಿಂಕ್ ಖಳಿತ್ ಜಾಲ್ಲೆಂ ಕೀ ದೋನ್ ರೀತಿನ್ ಏಕಾ ಕಣಾಂ ಥಾವ್ನ್ ಸಕತ್ ಉಬ್ಜಾವ್ಯೇತ್. ಪಯ್ಲೆಂ ನ್ಯೂಕ್ಲಿಯಾರ್ ವಿದಳನ್ (fission) . ಮ್ಹುಳ್ಯಾರ್ ತುವೆಂ ಏಕ್ ಕಣಾಚೆಂ ನ್ಯೂಕ್ಲಿಯಾಸ್ ದೋನ್ ಕುಡ್ಕೆ ಕರ್ಯೇತ್. ತವಳ್ ಭಾರಿ ಸಕತ್ ಉಬ್ಜಾತಾಲಿ. ಹಿ ಕ್ರಿಯಾ ಯೂರೆನಿಯಾಂ ಐಸೊಟೊಪ್ ಆನಿಂ ಪ್ಲೂಟೊನಿಯಾಂ ಕಣಾಂತ್ ವರ್ತ್ಯಾನ್ ಚಲ್ತಾ. ದುಸ್ರೆಂ ನ್ಯೂಕ್ಲಿಯಾರ್ ಮಿಸ್ಳಾಪ್ (fusion) . ಮ್ಹುಳ್ಯಾರ್ ತುವೆಂ ದೋನ್ ಕಣ್ ಎಕ್ವಟಾಯ್ಲ್ಯಾರ್ ಭಾರಿ ಸಕತ್ ಉಬ್ಜಾತಾ. ಏಕಾದೆವಳಾ ಹೈಡ್ರೊಜನ್ ಯಾ ತಾಚೆ ಐಸೊಟೋಪಾಚೆ ಕಣ್ ಸಾಂಗಾತಾ ಹಾಡ್ಲ್ಯಾರ್ ಏಕ್ ವಡ್ಲೆಂ ಹೀಲಿಯಾಂ ಕಣ್ ಜಾತಾ. ವಿದಳಾನಚಾಕೀ ಚಡ್ ಮಟ್ಟಾನ್. ಸೂರ್ಯಾರ್ ಜಾಂವ್ಚಿ ಕ್ರಿಯಾಯೀ ಹಿಚ್. !


ಆಶೆಂ Manhattan project ದ್ವಾರಿಂ ಕೆಲ್ಲೊ ಬಾಂಬ್ ಅಮೇರಿಕಾನ್ 1945 ಇಸ್ವೆಚಾ ಆಗೋಸ್ತ್ 6 ತಾರಿಕೆರ್ ಜಪನಾಚಾ ಹಿರೋಶಿಮಾ ಶಹರಾಕ್ ಗಾಲೊ. ಫಕತ್ 20 ಕಿಲೊಟನ್ ಬಾಂಬ್ ತೊ. ಚಾರ್ ಚದರ್ ಕಿ.ಮಿ. ವ್ಯಾಪ್ತೆರ್ ಉಜ್ಯಾಚೆಂ ಏಕ್ ಮೋಡ್‌ಚ್ ಉಬ್ಜಾಯ್ಲೆಂ. ಸುಮಾರ್ ದೇಡ್ ಲಾಕ್ ಲೋಕ್ ಮೆಲೊ. ಹ್ಯಾ ಬಾಂಬಾಚೆಂ ವಿಕಿರಣ್ ಪರತ್ ಮಸ್ತ್ ಕಿ.ಮಿ. ಪಯ್ಸ್  ಪಾಂವೊನ್ ಪರತ್ ಸಬಾರ್ ಲೋಕಾನ್ ಜೀವ್ ಹೊಗ್ಡಾಯ್ಲೊ. ತೀನ್ ದಿಸಾ ಉಪ್ರಾಂತ್ ಅಮೆರಿಕಾನ್ ಪರತ್ ನಾಗಾಸಾಕಿ ಶಹರಾಕ್ ಬಾಂಬ್ ಗಾಲ್ಲೊ. ಪರತ್ ಲಾಕಾನಿಂ ಲೋಕ್ ಮೆಲೊ. ಕಿತ್ಲೊ ನಷ್ಟ್ .!! ಹ್ಯಾ ಬಾಂಬಾಚಾ ಪರಿಣಾಮಾಂತ್ ಆಜೂನೀ ಹ್ಯಾ ಶಹರಾಂತ್ ಕೂಡಿಚೆ ಊಣ್ ಆಸ್‌ಲ್ಲಿಂ ಭುರ್ಗಿಂ ಜಲ್ಮತಾತ್ ಖಂಯ್. ! ಏಕಾ ಲ್ಹಾನ್ ಬಾಂಬಾಚೆಂ ಪರಿಣಾಮ್ ತೆಂ. !!
ದುಸ್ರ್ಯಾ ಮಹಾಜುಝಾ ಉಪ್ರಾಂತ್ ಆರಂಭ್ ಜಾಲ್ಯಾ ಥಂಡ್-ಜುಝಾ ನಿಮ್ತಿಂ ನ್ಯೂಕ್ಲಿಯಾರ್ ಬಾಂಬಾಚೊ ಏಕ್ ಪುಂಜೊಚ್ ಜಮೊ ಜಾಲ್ಲೊ. ಅಮೆರಿಕಾ ಆನಿಂ ಸೋವಿಯಾತಾ ಕಡೆ ಸಗ್ಳಿ ಭೂಂಯ್ ದಾ ಪಾವ್ಟಿಂ ನಾಸ್ ಕರ್ಚೆ ತಿತ್ಲೆ ಬಾಂಬ್ ತಯಾರ್ ಜಾಲ್ಲೆ. ಹಾಚೆ ಸಾಂಗಾತಾ ಬ್ರಿಟನ್, ಪ್ರಾನ್ಸ್ ಆನಿಂ ಚೈನಾ ಕಡೆಯೀಂ ಬಾಂಬ್ ಪಾವ್ಲೆ. ಸೋವಿಯಾತ್ ಪಡ್ಲ್ಯಾ ಉಪ್ರಾಂತ್ ನ್ಯೂಕ್ಲಿಯಾರ್ ರೇಸ್ ರಾವ್ಲ್ಯಾರೀ ಇಂಡಿಯಾ, ಪಾಕಿಸ್ತಾನ್, ಆನಿಂ ತೆನ್ಕಾ ಕೊರಿಯಾನ್ ನ್ಯೂಕ್ಲಿಯಾರ್ ಪರಿಕ್ಷಾ ಕರ್ನ್ ಬಾಂಬ್ ಕರ್ಚಾ ಕಾಮಾಂಕ್ ಪಡ್ಲ್ಯಾತ್. ಇಸ್ರಾಯೆಲಾಡೆ ಯೀ ಅಟೊಮ್ ಬಾಂಬ್ ಆಸಾತ್ ಖಂಯ್. ಅಮೆರಿಕಾಡೆ ಆಸಾ ಮ್ಹುಳ್ಯಾರ್ ಇಸ್ರಾಯೆಲಾಡೆ ಆಸಾಜೆಚ್ ನ್ಹಂಯ್ ವೇ ..!!!

ಥಂಡ್-ಜುಝಾ ವೆಳಾರ್ ಅಮೆರಿಕಾಚಾ ಏಕಾ ನ್ಯೂಕ್ಲಿಯಾರ್ ಮಿಸೈಲಾಕ್ ರಶಿಯಾಕ್ ಪಾವೊಂಕ್ 17 ಮಿನುಟಾಂಚಿ ಗರ್ಜ್ ಅಸ್‌ಲ್ಲಿ. ಅಮೆರಿಕಾಚಿ ಮಿಸೈಲ್ ಆತಾಂ ಬಾಂಬಾ ಸವೆಂ ಅತಾಂ ರಶಿಯಾಕ್ ಉಬ್ಲ್ಯಾರ್ , ಎಕಾ ಮಿನುಟಾ ಭಿತರ್‌ಚ್ ರಶಿಯಾಚಿ ಅನ್ಯೇಕ್ ಮಿಸೈಲ್ ಅಮೆರಿಕಾಚಾಚಾ ಮಿಸೈಲಾಕ್ ವಾಟೆರ್‌ಚ್ ದೆಸ್ವಾಟ್ ಕರುಂಕ್ ಉಬ್ತಾಲಿ. ತಶಿ ಆಸ್‌ಲ್ಲಿ ತ್ಯಾ ಕಾಳಾಚಿ ಟೆಕ್ನೊಲೊಜಿ. ಏಕೆದೆವಾಳಾ ಅಮೇರಿಕಾನ್ ಸಗ್ಳ್ಯಾ ರಶಿಯಾಕ್ ನಾಸ್ ಕೆಲ್ಲ್ಯಾರೀ , ನ್ಯೂಕ್ಲಿಯಾರ್ ಹಾತೆರಾಂ ಸವೆಂ ಅಮೆರಿಕಾಕ್ ನಾಸ್ ಕರುಂಕ್ ರಶಿಯಾಚೊ ಸಬ್‌ಮೆರಿನ್ ಖಂಯ್ ಖಂಯ್ ಆಸ್‌ಲ್ಲೆ. ತಸೆಂಚ್ ಅಮೆರಿಕಾ ಕಡೆಯೀ ತಸಲಿಚ್ ವ್ಯವಸ್ಥಾ ಆಸ್‌ಲ್ಲಿ. ಅಶೆಂ ಜಿವ್ಘಾತ್ ಕರುಂಕ್ ದೋನ್‌ಯೀ ದೇಶ್ ವಚುಂಕ್ ನಾಂತ್ .!!
ಪುಣ್ ಭಾರತಾಚಿ ಗತ್ ಕಸಲಿ ? ಪಾಕಿಸ್ತಾನಾ ಥಾವ್ನ್ ಬೆಂಗ್ಳೂರಾಕ್ ನ್ಯೂಕ್ಲಿಯಾರ್ ಮಿಸೈಲ್ ಪಾವೊಂಕ್ ಏಕ್ ಮಿನುಟ್‌ಯೀ ನಾಕಾ. ವಾಟೆರ್‌ಚ್ ಮಿಸೈಲ್ ನಾಸ್ ಕರ್ಚಿ ಸಕತ್ ಅಮ್ಚೆ ಕಡೆ ನಾ. ಆಸ್ಲ್ಯಾರೀ ಏಕಾ ಮಿನುಟಾ ಭಿತರ್ ತಿ ನಾಸ್ ಕರುಂಕ್ ಜಾತಾ ಮ್ಹುಣ್ ಪಾತ್ಯೆಂವ್ಕ್ ಕಷ್ಟ್ .1998 ಇಸ್ವೆಂತ್ ಭಾರತಾನಿ ಕೆಲ್ಲಿ ನ್ಯೂಕ್ಲಿಯಾರ್ ಪರಿಕ್ಷಾ ಸಂಪೂರ್‍ಣ್ ಯಶಸ್ವಿ ಜಾವ್ನಾ ಮ್ಹುಣ್ ಅತಾಂ ಖಬರ್ ಆಯ್ಲ್ಯಾ ತೆನ್ನಾ ಪಾಶ್ಚ್ಯಾತ್ ಮಾಧ್ಯಮಾಂ ಆನಿಂ ಥಂಚೆ ಥೊಡೆ ಜಾಣ್ತೆ ತಶೆಂ ಮ್ಹುಣೊನ್ ಆಸ್‌ಲ್ಲೆ. ಆತಾಂ ಆಮ್ಚೆಚ್ ಥೊಡೆ DRDO ಚೆ ವಿಗ್ಯಾನಿಯೀಂ ತೆಂಚ್ ಮ್ಹುಣೊನ್ ಆಸಾತ್. ಇಂಡಿಯಾನ್ ಪಾಂಚ್ ನ್ಯೂಕ್ಲಿಯಾರ್ ಪರೀಕ್ಷಾ ಕೆಲ್ಲ್ಯಾರೀ ಆಸ್‌ಲ್ಲೆಂ ಇಲ್ಲೆಂ ಪ್ಲೂಟೊನಿಮಾಂ ಹೊಗ್ಡ್‌ಯ್ಲೆಂ ಸೊಡ್ನ್ ಗರ್ಜೆಚೊ data ಆಮ್ಚ್ಯಾ ವಿಗ್ಯಾನಿಂಕ್ ಮೆಳೊಂಕ್ ನಾಂ ಖಂಯ್. ತಿತ್ಲೆಂ perfect ಆಸ್ಲ್ಯಾರ್ ಫ್ರಾನ್ಸಾನ್ ಕೆಲ್ಲ್ಯಾ ಬರಿ ನ್ಯೂಕ್ಲಿಯಾರ್ ಟೆಸ್ಟ್ ಕರ್ನ್ CTBT ಕ್ ದಸ್ಕತ್ ಗಾಲ್ಚೆ guts ವಾಜ್‌ಪೇಯಿಕ್ ಆಸಾಜೆ ಆಸ್ಲೆಂ ನ್ಹಂಯ್ ವೇ ? ..!! ನಾಗ್ಪೂರಾಚಾ RSS ದಪ್ತರಾ ಥಾವ್ನ್ ಕಾಣ್ಗೆಲ್ಲಿಂ ಕಸಲಿಂಯೀಂ ನಿರ್‍ಣಯಾಂ ದೇಶಾಂತ್ ಯಶಸ್ವಿ ಜಾಲ್ಯಾಂತ್‌ಗೀ ...!!!!

*************
-ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್
pramrods@gmail.com

ದೈತ್ಯ್ ಸಕ್ತೆ ಥಂಯ್ ಗೂಗಲ್....(MITHR)

ಆಮ್ಚೊ ದೇವೆಗೌಡ ಇಂಡಿಯಾಚೊ ಪ್ರದಾನಿ ಜಾವ್ನ್ ಆಸ್‌ಲ್ಲೊ ಕಾಳ್ ತೊ. ತೆದಳಾ ಹೊ ಲ್ಯಾರಿ ಪೇಜ್ ಕ್ಯಾಲಿಪೊರ್ನಿಯಾಚಾ ಸ್ಟಾನ್‌ಫೋರ್ಡ್ ಯುನಿವರ್‍ಸಿಟಿಂತ್ ಪಿಎಚ್‌ಡಿ ಸನದ್ ಜೊಡುಂಕ್ ಅಧ್ಯಯನ್ ಕರ್ನ್ ಆಸ್‌ಲ್ಲೊ. ಆಪ್ಲ್ಯಾ ಶಿಕ್ಪಾ-ಸಂಬಂಧಿ ಪ್ರೊಜೆಕ್ಟಾ ಖಾತಿರ್ ತೊ ಜಾಳಿ-ಜಾಗ್ಯಾಚಾ search engine ವಿಶಿಂ ನವಿ ತಾಂತ್ರಿಕಾತ ವಾಪರ್ನ್ ಪ್ರಯೋಗ್ ಕರ್ನ್ ಆಸ್‌ಲ್ಲೊ. ತಾಚೆ ಸವೆಂ ಸಾಂಗಾತಿ ಸೆರ್ಗಯಿ ಬ್ರಿನ್‌ಯೀ ಆಸ್‌ಲ್ಲೊ. ಆಶೆಂ ತಾಂಚೆ ಪ್ರೊಜೆಕ್ಟ್ ಚ್ www.google.stanford.edu .... . ಹ್ಯಾ ದೊಗಾನಿಂ ಆರಂಭ್ ಕೆಲ್ಲೆಂ ಅತಾಂಚೆ ದೈತ್ಯ್ ಗೂಗಲ್ ಥೊಡ್ಯಾ ವರ್ಸಾಂ ಪಯ್ಲೆಂ ಸ್ಟಾನ್‌ಫೋರ್ಡ್ ಯುನಿವರ್ಸಿಟಿಚಾ ಸರ್ವರಾರ್ ಆರಂಭ್ ಜಾಲ್ಲೆಂ ಚ್ ಆಶೆಂ ....!!!

ಪುಣ್ ಆಜ್ ಹ್ಯಾ Google Inc ಚಿ ಗಜಾಲ್ ಕಿತೆಂ ? ತಾಂಚಿ ಸರ್ವರಾಂ ಆಜ್ ಲಾಕಾನಿಂ ಹ್ಯಾ ಸಂಸಾರಾರ್ ಆಸಾತ್. ತಾಂಚಾ ಏಕಾ ಮಿತ್ರಾಚಾ ಗ್ಯಾರೆಜಿಂತ್ ಥಾವ್ನ್ ಆರಂಭ್ ಜಾಲ್ಲೆಂ ತಾಂಚೆಂ ದಪ್ತಾರ್ ಅತಾಂ ಸಿಲಿಕಾನ್‌ವ್ಯಾಲಿ ಥಾವ್ನ್ ಬೆಂಗ್ಳೂರ್ ಮ್ಹುಣಾಸರ್‌ಯೀ ಆಸಾ. ಸುಮಾರ್ ವೀಸ್ ಹಜಾರ್ ನೌಕರ್ ಆಸಾತ್.ಗೂಗಲಾಂತ್ ವಾವ್ರ್ ಕರ್ಚೆಂ ಐಟಿಗಾರಾಂಕ್ ಏಕ್ dream job.. ಆಜ್ ಜಾಳಿ-ಜಾಗ್ಯಾರ್ search ಕರ್ಚಾಕ್ googling ಮ್ಹುಳೊ ಪರ್ಯಾಯ್ ಸಬ್ದ್ ವಾಪರ್ಚೆ ಮ್ಹುಣಾಸರ್ ಕೀರ್ತ್ ತಾಚಿ.! ತಾಂಚಿ ವ್ಯಾಪ್ತ್ ಆಜ್ search engine ಮ್ಹುಣಾಸರ್ ಮಾತ್ರ್ ನ್ಹಂಯ್. ಆಜ್ ತಾಂಚೆ ಕಡೆ ಶೆಂಬೊರಾ ವಯ್ರ್ ಕಂಪ್ಯೂಟರ್, ಮೊಬಾಯ್ಲ್ ಫೊನ್ ಆನಿ ಅಂತರ್-ಜಾಳಿ ಸಂಬಂಧ್ ಸಾಪ್ಟ್‌ವೇರ್ ಉತ್ಪನ್ನ್ ಆಸಾತ್. ಆಜ್ ಆಮಿಂ ವಾಪರ್ಚಿಂ Gmail, Orkut,Google Earth, Youtube,ಪಿಕಾಸಾ.... ಹಿಂ ಸರ್ವ್ ಗೂಗಲಾಚಿಂ ಉತ್ಪನ್ನಾಂ..!

ಹ್ಯಾ ಗೂಗಲಾ ವರ್ವಿಂ Yahoo! ತಸಲ್ಯಾ ದೈತ್ಯ್ ಕಂಪೆನಿಕ್ ಮಾರ್ ಪಡ್ನ್ ದಿವಾಳಿ ಜಾಂವ್ಚ ಸ್ಥಿತೆಕ್ ಪಾವ್ಲ್ಯಾ. ಅತಾಂ ಗೂಗಲಾಚೆಂ ಝುಜ್ ಶಿದಾ ಮೈಕ್ರೊಸಾಫ್ಟಾ ವಯ್ರ್. ಗೂಗಲಾನ್ ಮೈಕ್ರೊಸಾಪ್ಟಾಚೆಂ mail,search, messenger ತಸಲ್ಯಾ ಅಪ್ಲಿಕೆಶಾನಾಂಕ್ ಹಾಲಾವ್ನ್ ದವರ್ಲಾಂ. ಗೆಲೆತ್ಯಾ ವರ್ಸಾ Chrome ಮ್ಹುಳ್ಳೊ ನವೊ ಬ್ರೌಸರ್ ಸೊಡ್ನ್ ಮೈಕ್ರೊಸಾಪ್ಟಾಚಾ Internet Explore ಕ್ ಸವಾಲ್ ಉಡಾಯ್ಲಾಂ. ಮೈಕ್ರೊಸಾಪ್ಟಾನ್ bing.com ಮ್ಹುಳೆಂ search engine ಜಾಳಿ-ತಾಣ್ ಆರಂಭ್ ಕರ್ನ್ ಗೂಗಲಾಕ್ ಸ್ಪರ್ಧೊ ದೀಂವ್ಕ್ ಪಳೆಯ್ಲಾ. ಹ್ಯಾ ಝುಜಾ ಮದೆಂ ಗೂಗಲಾನ್ ಆನ್ಯೇಕ್ ಮಹತ್ವಾಚೆಂ ಘೋಶಣ್ ಕೆಲಾಂ.. Google Chrome ನಾವಾಚೆಂ Operating System ಮುಕ್ಲ್ಯಾ ವರ್ಸಾ ಉಗ್ಡಾಪಣ್ ಜಾತಾ ಕಂಯ್. Linux Kernal ವಾಪರ್ನ್ ತಯಾರ್ ಕರ್ಚೆಂ ಹೆಂ lightweight ಆಸಾ ಕಂಯ್. ಮೈಕ್ರೊಸಾಪ್ಟಾಚಾ ವಿಂಡೋಸಾಚಾ ರಾಜ್ವಟೆಕ್ ಗೂಗಲಾಚೆಂ ವಡ್ಲೆಂ ಸವಾಲ್ ಹೆಂ. ಹೆಂ ಯಶಸ್ವಿ ಜಾಲ್ಯಾರ್ ಮೈಕ್ರೊಸಾಪ್ಟಾಚಾ ದರ್ಬಾರ್‌ಪಣಾಚಾ ಆಕ್ರೇಚಿ ಸುರ್ವಾತ್ ಆರಂಭ್ ಜಾತೆಲಿ..! ಸದ್ಯಕ್ ಮೈಕ್ರೊಸಾಪ್ಟಾಕ್ ಪೋಂತ್ ಮಾರುಂಕ್ ಆಸ್ಚಿ ಸಕತ್ ಗೂಗಲಾಕ್ ಮಾತ್ರ್. ದೈತ್ಯ್ ಸಕತ್ ಜಾಂವ್ಚೆ ಖಾತಿರ್ ದೈತ್ಯ್ ಮೆಟಾಂ ಕಾಡ್ನ್ ಆಸಾ. All the best Google ತುಜ್ಯಾ ಮಹತ್ವಾಕಾಂಕ್ಷಾಕ್ ..!!!
********
ಪ್ರಮೋದ್ ರೊಡ್ರಿಗ್ಸ್, ಹೊಸ್ಪೆಟ್
pramrods@gmail.com

2012 ಅಂತ್ಯ್ : ಕಿತ್ಲೆಂ ಸತ್..? (MITHR)

2012 ,ಡಿಸೆಂಬರ್ 21 ಕ್ ಸಂಸಾರ್ ಆಖೇರ್ ? ಹ್ಯಾ ವಿಶ್ಯಾಂತ್ ಭರನ್ ಹ್ಯಾ ದಿಸಾನಿಂ ಚರ್ಚಾ ಚಲೂನ್ ಆಸಾ. ಇತ್ಲ್ಯಾಕೀ ಹಾಕಾ ಕಾರಾಣ್ ಸಂಪರ್ಕ್ ಮಾದ್ಯಮಾನಿಂ ದಿಲ್ಲೊ ಉತ್ಪ್ರೇಕ್ಷಿಕ್ ಪ್ರಸಾರ್. ಹಿಸ್ಟರಿ ತಸಲ್ಯಾ ಚಾನೆಲಾನಿಂ ಹ್ಯಾ ವಿಶ್ಯಾಂತ್ ಸಬಾರ್ ಕಾರ್ಯಕ್ರಮಾಂ ಪ್ರಸಾರಿತ್ ಜಾಲ್ಯಾಂತ್. ಇಂಟರ್ನೆಟಾರ್ ಹ್ಯಾ ವಿಶಿಂ ಮಾಹೆತಿಚ್ ರಾಸ್‌ಚ್ ಭರ್‍ಲ್ಯಾ. ಸಬಾರ್ ಬೂಕ್‌ಯೀ ಪರ್ಗಟ್ ಜಾಲ್ಯಾತ್. youtube ತಸಲ್ಯಾ ಜಾಳಿ ಜಾಗ್ಯಾನಿಂ ಸಬಾರ್ ವಿಡಿಯೊ ಹ್ಯಾ ವಿಶ್ಯಾಂತ್ ಸಬಾರ್ ವಿಡಿಯೊ ಆಸಾತ್. 2012 ಇಸ್ವೆಂತ್ ನಿಜಾಯ್ಕಿ ಹೊ ಸಂಸಾರ್ ಅಖೇರ್ ಗಿ .....?

ಆದಿಂ ಸಬಾರ್ ಪಾವ್ಟಿಂ ಸಂಸಾರ್ ಆಖೇರ್ ಜಾತಾ ಮ್ಹುಣ್ ದಿಲ್ಲೆ ದಿಸಾನಿಂ ಕಾಂಯ್ ಜಾಂವ್ಕ್ ನಾ. ಹ್ಯಾ ವಿಶ್ಯಾಂತ್ ತುಮ್ಕಾಂ ಖಳಿತ್ ಆಸಾ. ಇತ್ಲ್ಯಾಕೀ ಹ್ಯಾ ಪಾವ್ಟಿಂ ಸಂಸಾರ್ ಆಖೇರ್ ಮ್ಹುಣೊಂಕ್ ಪ್ರಮುಖ್ ಕಾರಣ್ಂಚ್ ಮಯಾನ್ ಕ್ಯಾಲೆಂಡರ್.ಮಯಾ ನಾಗರಿಕತೆಚಾ ಲೊಕಾನಿಂ ವಾಪಾರ್ಚಾ ಕ್ಯಾಲೆಂಡರಾಚೆಂ ಲಾಂಬ್ ಕಾಳ್-ಯುಗ್ 2012 ಡಿಸೆಂಬರ್ 21 ಕ್ ಸಂಪ್ತಾ. ಹೆಂ ಕ್ಯಾಲೆಂಡರ್ ಏಕ್ ವಿಚಿತ್ರ್ ರೀತಿಚೆಂ. ಹಾಂಚಾ ಕ್ಯಾಲೆಂಡಾರಾ ಪ್ರಕಾರ್ 52 ವರ್ಸಾಂಕ್ ಏಕ್ ಕಾಳ್ ಚಕ್ರ್ ಆಖೇರ್ ಜಾತಾ. ಮ್ಹುಳ್ಯಾರ್ ತಾಂಕಾಂ ತೆಂ ಏಕ್ ವರಸ್...!!! ಆಶೆಂ
5125 ವರ್ಸಾಂಕ್ ತಾಂಚಾ ಕ್ಯಾಲೆಂಡಾರಾಚೆಂ ಮಹಾನ್ ಯುಗ್ ಅಂತ್ಯ್ ಜಾತಾ. ಪುಣ್ ಕಾಳ್ ಚಕ್ರ್ ಆಖೇರ್ ಜಾಲ್ಯಾತ್ ಸಂಸಾರ್ ಅಖೇರ್ ಜಾತಾಗಿ ? ಆಶೆಂ ಮ್ಹುಣೊನ್ ಖಂಯ್ ಸಾಂಗೊಂಕ್ ನಾ. ಹಾಕಾ ಕಸಲೆಂಯೀ ವಿಗ್ಯಾನಿಕ್ ಸಬೂತ್‌ಯೀ ನಾಂತ್. ತೆಂ ಏಕ್ ಫಕತ್ ಐತಿಹಾಸಿಕ್ ಘಟನ್... ತಿತ್ಲೆಂಚ್ ...!!!!!

ಪುಣ್ ಆಮ್ಚಿಂ ಸಂಪರ್ಕ್ ಮಾದ್ಯಮಾಂ ಹ್ಯಾ ವಿಶ್ಯಾಂತ್ ಸಬಾರ್ ವೆಗ್ಯಾನಿಕ್ ದಾಕ್ಲೆ ದೀವ್ನ್ ಲೊಕಾಕ್ ಏಕಾ ನಮೂನೆಚೆಂ ಭಿರಂತ್ ಉಬ್ಜೊಂಕ್ ಪಳೆವ್ನ್ ಆಸಾತ್. ಹಾಂಚಾ ಪ್ರಕಾರ್ 21-12-2012 ರ್ ಸುರ್ಯಾ ಮಂಡಲ್, ಮಿಲ್ಕಿ-ವೇ ಗ್ಯಾಲಾಕ್ಸಿಚಾ ಕೇಂದ್ರ್ ಭಾಗರ್ ಸಂಗ್ ಜಾತಾ ಖಂಯ್. ಹ್ಯಾ ವರ್ವಿಂ ಭುಂಯ್‌ಕಾಂಪ್, ತ್ಸುನಾಮಿ ತಸಲಿಂ ಅವ್ಘಡಾಂ ಜಾಂವ್ಚೆ ಸಾಧ್ಯ್ ಆಸಾ ಮ್ಹುಣ್ತಾತ್ ಥೊಡೆ. ಪುಣ್ ಹಿ ಆಸಾಧ್ಯ್ ಪ್ರಕ್ರಿಯಾ. ಸುರ್ಯೊ ಮಿಲ್ಕಿ-ವೇ ಗ್ಯಾಲಾಕ್ಸಿಚಾ 30,000 ಉಜ್ವಾಡ್ ವರ್ಸಾಂ ಪಯ್ಸ್ ಆಸಾ. ಆನಿಂ ತೊ ಅಂತರ್ ಕೆದಳಾಯೀ ಸ್ಥಿರ್. ..!!! ಆನ್ಯೇಕ್ ಸಿದ್ದಾಂತಾ ಪ್ರಕಾರ್ 21-12-2012 ತಾರಿಕೆರ್ ಭುಂಯ್ಚೆ ಧ್ರುವ್ ಪ್ರದೇಶ್ ಆಪ್ಲಿ ಪಥ್ ಬದ್ಲಿತಾತ್ ಖಂಯ್. ಮ್ಹುಳ್ಯಾರ್ ಉತ್ತರ್ ಧ್ರುವ್ , ದಕ್ಷಿಣಾ ಕಡೆಂ ಆನಿಂ ದಕ್ಷಿಣ್ ಧ್ರುವ್ ಉತ್ತರ್ ಧ್ರುವಾಚಾ ಸ್ಥಾನಾರ್ ವೆತಾ ಖಂಯ್.!! ವಿಗ್ಯಾನಿಂ ಹೆಂ ಏಕ್ ವಡ್ಲೊ ಜೋಕ್ ಮ್ಹುಣ್ತಾತ್ .. ವ್ಹಯ್ ಅಸಲಿ ಪ್ರಕ್ರಿಯಾ ಭುಂಯ್ಚೆರ್ ಪಯ್ಲೆಂ ಜಾಲ್ಲಿ ಆನಿಂ ಮುಕಾರ್‌ಯೀ ಜಾತೆಲಿ. ಸುಮಾರ್ 7,80,000 ವರ್ಸಾಂ ಆದಿಂ ಆಮ್ಚಾ ಭುಂಯ್ಚಾ ಧ್ರುವಾನಿಂ ಅಸಲೊ ಸ್ಥಾನ್-ಪಲ್ಲಟ್ ಕೆಲ್ಲೊ. ಅಸಲಿ ಪ್ರಕ್ರಿಯಾ ಪುಡೆಂಯೀ ಘಡ್ತಾಲಿ. ಪುಣ್ ಹಿ ಪ್ರಕ್ರಿಯಾ ಆರಂಭ್ ಜಾವ್ನ್ , ಆಂತ್ಯ್ ಜಾಂವ್ಕ್ ಸುಮಾರ್ ಪಾಂಚ್ ಹಜಾರ್ ವರ್ಸಾಂ ಲಾಗ್ತಾತ್..!! ಏಕಾ ದಿಸಾ ಭಿತರ್ ನ್ಹಂಯ್...!!!

ಆನಿಂ ಥೊಡ್ಯಾಂ ಪ್ರಕಾರ್ 2012 ಂತ್ Planet X ಮ್ಹುಳ್ಳೆಂ ಸುರ್ಯಾ-ಮಂಡಳಾಂತ್ ಆಸ್ಚೆಂ ಗ್ರಹ್ ಭುಂಯ್ಕ್ ಆಪ್ಟಾವ್ನ್ ತಿ ಚಿರ್ಪುಟ್ ಜಾತೆಲಿ ಖಂಯ್. ಆಶೆಂ ಮ್ಹುಣೊನ್ ನಾಸ್ಟ್ರಡೊಮಾಸಾನಿ ಮ್ಹುಳಾಂ ಖಂಯ್. ಹ್ಯಾ ಗ್ರಹಾಕ್ ಥೊಡೆ ನಿಬಿರು ಮ್ಹುಣ್ ಆಪಯ್ತಾತ್. ಹಾಂಚಾ ಪ್ರಕಾರ್ ಹೆಂ ನಿಬಿರು ಮ್ಹುಳ್ಳೆಂ ಗ್ರಹ್ ಸುರ್ಯಾ-ಮಂಡಲಾ ಭಿತರ್‌ಚ್ ಆಸಾ ಆನಿಂ ಸುರ್ಯಾಕ್ ದೀರ್ಘ್-ವ್ರತ್ತಾಕಾರಾನ್ ಭೊಂವ್ಡಿ ಮಾರ್ನ್ ಆಸಾ ಖಂಯ್..!! ಸುರ್ಯಾಕ್ ಏಕ್ ಪಾವ್ಟಿಂ ಭೊಂವಾರಿಂ ಮಾರಿಜೆ ಜಾಲ್ಯಾರ್ ತಾಕಾ ಸುಮಾರ್ 3750 ವರ್ಸಾಂ ಲಾಗ್ತಾತ್ ಖಂಯ್. ಸಬಾರ್ ವರ್ಸಾಂ ಪಯ್ಲೆಂ ಮಂಗಳಾ ಆನಿಂ ಗುರು ಗ್ರಹಾ ಮದೆಂ ಆನ್ಯೇಕ್ ಗ್ರಹ್ ಆಸ್‌ಲ್ಲೆಂ ಖಂಯ್. ನಿಬಿರು ಗ್ರಹ್ ಆಪ್ಟೊನ್ ತೊ ಗ್ರಹ್ ಛಿದ್ರ್ ಜಾಲ್ಲೊ ಆನಿ ತೆಚ್ ಕುಡ್ಕೆ ಆತಾಂಚೆ ಕ್ಷುದ್ರ್ - ಗ್ರಹಾಂ ಖಂಯ್..!! . ತೊಚ್ ನಿಬಿರು ಗ್ರಹ್ 2012 ಂತ್ ಪರತ್ ಭುಂಯ್ಕ್ ಯೇವ್ನ್ ಆಪ್ಟಾತೊಲೊ ಖಂಯ್. ಪುಣ್ ನಾಸಾನ್ ಅಸಲೊ ಕಸಲೊಯೀ ಗ್ರಹ್ ಆಸ್ಚೊ ಇನ್ಕಾರ್ ಕೆಲಾ. ಹಬಲ್ ತಸಲೊ ಟೆಲಿಸ್ಕೊಪ್ ಆಸ್ಚ್ಯಾ ನಾಸಾಕ್ ಹೊ ಗ್ರಹ್ ದಿಸೊಂಕ್ ನಾಂ .ಇತ್ಲ್ಯಾಕೀ 2012 ಇಸ್ವೆಂತ್ ಭುಂಯ್ಕ್ ಹೊ ನಿಬಿರು ಗ್ರಹ್ ಆಪ್ಟಾತಾ ಜಾಲ್ಯಾರ್, ತೊ ಯೆದೊಳ್‌ಚ್ ಜಳ್ಸಾಜೆ ಆಸ್‌ಲ್ಲೊ. ಆಮ್ಚೆ ನೆಕೆತ್ರ್- ಶಾಸ್ತ್ರಿ ಪನ್ನಾಸ್ ವರ್ಸಾಂ ಉಪ್ರಾಂತ್ ಕಸಲಿಯೀ ಏಕ್ ಪುಟ್ಬಾಲ್ ಗ್ರೌಂಡಾ ತೆದಿ ಅಂತ್ರಾಳ್ ಸಕತ್ ಯೇವ್ನ್ ಅಪ್ಟಾಂವ್ಚಿ ಆಸ್ಲ್ಯಾರ್ ತೆ ಆತಾಂಚ್ ಪ್ರೊಫೆಸಿ ಕರುಂಕ್ ಸಾಮಾರ್ಥ್ಯ್ ಆಸಾತ್. ತಸೆಂ ಆಸ್ತಾನಾ ನಿಬಿರು ತಸಲೆಂ ಆಸಾ ಮುಣ್ಚೆಂ ದೈತ್ಯ್ ಗ್ರಹ್ ದೆಖುಂಕ್ ತೆ ಸಕ್ಚೆ ನಾಂತ್‌ಗೀ...???

ಚೋರ್ ಏಕ್ ದೀಸ್ ಯೇಂವ್ಕ್ ಪುರೊ ಪುಣ್ ತೊ ಸಾಂಗೊನ್ ಯೆನಾ. ತೊ ಕೆದಳಾಯೀ ಯೇಂವ್ಕ್ ಪುರೊ. ತಾಕಾ ರಾಕ್ಚಿ ಗರ್ಜ್ ನಾ...!!!!

*****************************************************************************

ಟೊರೆಂಟಾ ವಿಶಿಂ ಥೊಡೆಂ ..!! (MITHR)

ಕಾಲ್ ಏಕ್ ಹಾಲಿವುಡಾಚಿ ಯಾ ಬಾಲಿವುಡಾಚಿ ಮೂವಿ ರಿಲೀಸ್ ಜಾಲ್ಯಾರ್, ಆಜ್ ತ್ಯಾ ಮೂವಿಚೆಂ ಟೊರೆಂಟ್ ಮೆಳ್ತಾಗೀ ಮ್ಹುಣ್ ಜಾಳಿಜಗ್ಯಾನಿಂ ಸೊದ್ಚೆ ಅಮ್ಚೆ ಮಧೆಂ ಸಬಾರ್ ಅಸಾತ್. ವ್ಹಯ್ ಹ್ಯಾ ಕಾಳಾರ್ ಅಮ್ಚೆ ಕಡೆ ಕಂಪ್ಯೂಟರ್, high speed ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಕನೆಕ್ಷನ್ ಆಸ್ತಾ. ಆಯ್ಚಾ ಮೂವಿಚಿ ಗೋಲ್‌ಮಾಲ್ ಪ್ರತಿ ದುಸ್ತ್ರಾ ದಿಸಾಚ್ ಅಂತರ್-ಜಾಳಿರ್ ಮೆಳ್ತಾ. ಹಿಚ್ ಮೂವಿ ಡೌನ್‌ಲೋಡ್ ಕರ್ನ್ ಪಳೆಂವ್ಚಾಂಚೊ ಸಂಖೊ ದಿಸಾನ್ ದೀಸ್ ಚಡೊನ್ ಯೆತಾ ....

ಆಜ್ ಇಂಟರ್‌ನೆಟಾರ್ ಅಸಲಿ ಮೂವಿ, ಮ್ಯೂಸಿಕ್, ಸಾಪ್ಟ್‌ವೆರಾಂ ವಾಂಟುಂಕ್ ಟೊರೆಂಟ್‌ಚ್ ಲೊಕಾಮೊಗಾಳ್ ಮಾದ್ಯಮ್. ಸಂಸರಾಚಾ ಅಂತರ್-ಜಾಳಿಚೆಂ
30% ಬ್ಯಾಂಡ್‌ವಿಡ್ತ್ ಫಕತ್ ಟೊರೆಂಟಾಂಕ್ ವಾಪರ್ತಾತ್ ಮ್ಹುಳ್ಯಾರ್ ಪಾತ್ಯೆತಾತ್‌ಗೀ . ..!!

 ಇತ್ಲ್ಯಾಕೀ ಹೆಂ ಟೊರೆಂಟ್ ಮ್ಹುಳ್ಯಾರ್ ಕಿತೆಂ ? ಆದಿಂ ತುವೆಂ ಏಕ್ ಫ಼ೈಲ್ ಅಂತರ್-ಜಾಳಿರ್ ವಾಂಟಿಜೆ ಜಾಲ್ಯಾರ್ ತೆಂ ಏಕಾ ವೆಬ್ ಸರ್ವರಾಕ್ upload ಕರಿಜೆ ಪಡ್ತಾಲೆಂ. ಆನಿಂ ತೆಂ ಲಿಂಕ್ ಡೌನ್‌ಲೋಡ್ ಕರ್ತೆಲ್ಯಾಂಕ್ ದಿಜೆ ಪಡ್ತೆಲೆಂ. ವೆಬ್ ಸರ್ವರಾನಿಂ ಜಾಗೊ ಮೊಲಾಕ್ ಕಾಣ್ಗೆಜೆ ಪಡೊನ್ ಆಸ್‌ಲ್ಲೆಂ. ಆನಿಂ ಸಕ್ಡಾನಿಂ ತೆಂ ಪೈಲ್ ಎಕ್‌ಚ್ ಪಾವ್ಟಿಂ ಡೌನ್‌ಲೊಡ್ ಕರುಂಕ್ ಗೆಲ್ಯಾರ್ ಬ್ಯಾಂಡ್‌ವಿಡ್ತ್ ಚಡೊನ್ ಡೌನ್‌ಲೊಡ್ ಆಸಾಧ್ಯ್ ಜಾವ್ನ್ ಆಸ್‌ಲ್ಲೆಂ.
ಪುಣ್ ಕೆನ್ನಾ BitTorrent ಚೆಂ ಕಲ್ಪನ್ ಆಯ್ಲೆಂಗೀ ತೆನ್ನಾ ಅಂತರ್-ಜಾಳಿರ್ ಫೈಲಾಂ ವಾಂಟುಂಕ್ ವೆಬ್ ಸರ್ವರಾಂ ನಾಕಾ ಜಾಲಿಂ. ಟೊರೆಂಟ್ ವಾಪಾರ್ತಾಯ್ ಜಾಲ್ಯಾರ್ ತುಜೆಂ ಕಂಪ್ಯೂಟರ್‌ಚ್ ಕ್ಲೈಂಟ್ ಆನಿಂ ಸರ್ವರ್. ಹೆಂ ಖರೆಂ ಕರುಂಕ್ ತುಮ್ಕಾಂ ಜಾಯ್ ಆಸ್ಚೆಂ ಫಕತ್ ಏಕ್ BitTorrent ಅಪ್ಲಿಕೇಷನ್. ತುಮಿ ಗೂಗಲಾಂತ್ ಸೊದ್ನಾಂ ಕರ್ನ್ uTorrent ಯಾ BitComet ಯಾ Azureus ಯಾ ಹೆರ್ BitTorrent ಅಪ್ಲಿಕೇಷನ್ ಡೌನ್‌ಲೊಡ್ ಕರ್ನ್ ಇನ್ಸ್ಟಾಲ್ ಕರಿಜೆ. ಹಾಚಿ ಸ್ಶೆಜ್ 2 MB ಭಿತರ್ ಆಸ್ತಾ. ಉಪ್ರಾಂತ್ ತುಮ್ಕಾಂ 3 ಇಡಿಯಾಟ್ಸ್ ಮೂವಿ ಡೌನ್‌ಲೋಡ್ ಕರುಂಕ್ ಜಾಯ್ಗಿ? ತುಮಿ ತ್ಯಾ ಖಾತಿರ್ ಪಯ್ಲೆಂ ೩ ಇಡಿಯಾಟ್ಸ್ ಮೂವಿಚೆಂ ಟೊರೆಂಟ್ ಫೈಲ್ ಡೌನ್‌ಲೋಡ್ ಕರಿಜೆ. ತೆಂ ಫೈಲ್ ಡೌನ್‌ಲೋಡ್ ಕರುಂಕ್ ತುಮಿ ಗೂಗಲಾರ್ ಸೊದ್ಯೆತಾ ಯಾ www.torrent.ws , www.thepiratebay.com ತಸಲ್ಯಾ ಜಾಳಿ-ಜಾಗ್ಯಾನಿಂ ಸರ್ಚ್ ಕರ್ಯೇತ್. ಉಪ್ರಾಂತ್ ಹೆಂ ಫ಼ೈಲ್ ತುಮ್ಚಾ BitTorrent ಅಪ್ಲಿಕೇಷನಾಂತ್ ಒಪನ್ ಕೆಲ್ಯಾರ್ ಡೌನ್‌ಲೊಡ್ ಆರಂಭ್ ಜಾತಾ. ತುಮಿಂ ತೆಂ ಸವ್ಕಾಸ್ ಡೌನ್‌ಲೊಡ್ ಕರ್ಯೇತ್. ತುಮ್ಚೆಂ ಕಂಪ್ಯೂಟರ್ ಒಫ್ ಜಾಲ್ಯಾರ್ ತೆಂ ದುಸ್ರ್ಯಾ ದಿಸಾಯ್ ಮುಖಾರ್‍ಸುನ್ ವರ್ಯೇತ್.

ಮಾಗಿರ್ ತ್ಯಾ BitTorrent ಅಪ್ಲಿಕೇಷನಾಂತ್ peer ಆನಿಂ seed ಆಶೆಂ ತುಮ್ಕಾಂ ದಿಸ್ತಾ. ದಾಕ್ಲ್ಯಾಕ್ 3 ಇಡಿಯಾಟ್ಸ್ ಮೂವಿ ಪಯ್ಲೆಂ ಪಾವ್ಟಿಂ ವಾಂಟ್ಚೊ ಪಯ್ಲೊ seeder. ತಾಚಾ ಕಂಪ್ಯೂಟರಾಂತ್ 3 ಇಡಿಯಾಟ್ಸ್ ಮೂವಿ ಆನಿಂ ತಾಕಾ ಸಂಬಂಧ್ ಜಾಲ್ಲೆಂ .torrent ಫೈಲ್ ಆಸ್ತಾ. BitTorrent ಅಪ್ಲಿಕೇಷನ್ ತಿ ಮೂವಿ ಅಂತರ್-ಜಾಳಿರ್ ವಾಂಟ್ತಾನಾ , 64 KB ಥಾವ್ನ್ 3MB ಮ್ಹುಣಾಸರ್ ಆಸ್ಚ್ಯಾ ದಾಕ್ಟೆ ಕುಡ್ಕ್ಯಾಂ ರೂಪಾರ್ ದಾಡ್ತಾ. .torrent ಪೈಲಾರ್ ಆಸ್ಚೆಂ ಫಕತ್ ಹ್ಯಾ ಕುಡ್ಕ್ಯಾಂಚಿ ಮಾಹೆತ್ ..!

ಅತಾಂ 3 ಇಡಿಯಾಟ್ಸ್ ಮೂವಿ ಡೌನ್‌ಲೊಡ್ ಜಾತಾನಾ, 5 seeds ಆನಿಂ 50 peers ಆಸಾತ್ ಮ್ಹುಣ್ ಚಿಂತ್ಯಾಂ. ಹೆ peers ಮ್ಹುಳ್ಯಾರ್ ಮೂವಿ ಡೌನ್‌ಲೊಡ್ ಕರ್ಚೆ ಮನಿಸ್. ತುಂ ಯೀ ಏಕ್ peer. 3 ಇಡಿಯಾಟ್ಸ್ ಮೂವಿ ಡೌನ್‌ಲೊಡ್ ಜಾತಾನಾಂಚ್ ಥೊಡೊ data ತುಮ್ಚ್ಯಾ ಕಂಪ್ಯೂಟರಾ ಥಾವ್ನ್ upload ಜಾತಾ. ಮ್ಹುಳ್ಯಾರ್ ತುಜಾ ಕಂಪ್ಯೂಟರಾಂತ್ ಯೆದೊಳ್‌ಚ್ ಡೌನ್‌ಲೊಡ್ ಜಾಲ್ಲೆ 3 ಇಡಿಯಾಟ್ಸ್ ಮೂವಿಚೆ ಕುಡ್ಕೆ ಥೊಡೆ peers ತುಜ್ಯಾ ಕಂಪ್ಯೂಟಾರ ಥಾವ್ನ್ ಡೌನ್‌ಲೊಡ್ ಕರ್ತಾತ್. ಹೆಂಚ್ ಟೊರೆಂಟಾಚೆಂ sharing ವಿಧಾನ್. ಏಕ್ ಪಾವ್ಟಿಂ ಸಕ್ಕಡ್ ಕುಡ್ಕೆ ಡೌನ್‌ಲೊಡ್ ಜಾಲ್ಯಾ ಉಪ್ರಾಂತ್ BitTorrent ಅಪ್ಲಿಕೇಷನ್ ತ್ಯಾ ಕುಡ್ಕ್ಯಾಂಚೆಂ ಜೋಡನ್ ಕರ್ತಾ. ಆಶೆಂ 3 ಇಡಿಯಾಟ್ಸ್ ಮೂವಿ ಅತಾಂ ರೆಡಿ ..! ಡೌನ್‌ಲೊಡ್ ಜಾಲ್ಯಾ ಉಪ್ರಾಂತ್ ಯೀ ತುವೆಂ ತೆಂ 3 ಇಡಿಯಾಟ್ಸ್ ಟೊರೆಂಟ್ ಸ್ತೊ ಕರಿನಾತ್ಲ್ಯಾರ್ ತುಂ ಏಕ್ seeder ಜಾತಾಯ್. ಮ್ಹುಳ್ಯಾರ್ ಇತರ್ peer ತುಜ್ಯಾ ಕಂಪ್ಯೂಟಾರ ಥಾವ್ನ್ ಹಿ ಮೂವಿ ಡೌನ್ ಲೊಡ್ ಕರ್ನ್ ಆಸ್ತಾತ್. ತುವೆಂ ಡೌನ್‌ಲೊಡ್ ಕೆಲ್ಲೆಂ ಇಲ್ಲೆಂ ಮ್ಹುಣಿ ದುಸ್ರ್ಯಾಂಕ್ ವಾಂಟಿಜೆ ನ್ಹಂಯ್ ವೇ ? ನಾತ್ಲ್ಯಾರ್ ವಿಶ್ವೇಶ್ವರ್ ಭಟ್ ವಿಜಯ ಕರ್ನಾಟಕಾಂತ್ ನೀವೂ ಸಭ್ಯಸಾಚಿಗಳಾಗಿ ಮ್ಹುಣ್ ಬರಂವ್ಕ್ ಅಸಾ .. !!!!
********************************
-ಪ್ರಮೋದ್ ಜೆ. ರೊಡ್ರಿಗ್ಸ್
pramrods@gmail.com

ತುಮ್ಚೆರ್ ನದರ್ ದವರುಂಕ್ ಸಕ್ಚೆ ತಿಸ್ರೆ ದೊಳೆ ಕಸಲೆ ?(MITHR)

ತೆಹೆಲ್ಕಾ ಹಗರಣ್ ತುಮಿ ಜಾಣಾಂ ಆಸಾತ್. ಬಿಜೆಪಿಚಾ ಬಂಗಾರು ಲಕ್ಷ್ಮಣಾನ್ ಲೋಂಚ್ ಘೆತಾನ ಹೆಂ ಘಡಿತ್ ಖೈದ್ ಕೆಲ್ಲೊ ಲಿಪ್ತೊ ಕೆಮೆರಾ ಹಾಡ್‌ಲ್ಲೊ ವಿದೇಶಾ ಥಾವ್ನ್. ಭಾರಿ ಮೊಲಾಧಿಕ್ ತೊ ತ್ಯಾ ವೆಳಾರ್ . ರೆಡ್ಡಿ ಬ್ರದರ್ಸಾನಿಂ ಚೆನ್ನಿಗಪ್ಪಾ ಲೋಂಚ್ ಘೆತಾನಾ shoot ಕೆಲ್ಲೊ ಲಿಪ್ತೊ ಕೆಮರಾಯೀ ವಿದೇಶಿ.. ಥೊಡ್ಯಾಚ್ ವರ್ಸಾಂ ಆದಿಂ ಹೆ ಲ್ಹಾನ್ ಗುಡಾಚಾರಿ ಕೆಮೆರಾ ಬಾರಿ ಮೊಲಾಧಿಕ್ ಆನಿಂ ವ್ಹಡಾಂಗೆಲೆ ಮಾತ್ರ್ ಘೆಂವ್ಕ್ ಸಕೊನ್ ಆಸ್‌ಲ್ಲೆ..

ಪುಣ್ ಆಯ್ಚಿ ಗಜಾಲ್ ಕಿತೆಂ ? ಆಜ್ ಅಸಲೆ ವಿವಿಧ್ ನಮೂನ್ಯಾಚೆ spy ಕೆಮೆರಾ ಭಾರಿ ಉಣ್ಯಾ ಮೊಲಾಕ್ ಆಮ್ಚಾ ಇಂಡಿಯಾಂತ್ ಮೆಳೊನ್ ಆಸಾತ್. ಹೊ spy pen ಕೆಮೆರಾ ಪಳೆಯಾ. ತ್ಯಾ ಪೆನ್ನಾಂತ್ ಕೆಮೆರಾ ಅಸಾ ಮ್ಹುಣ್ ಕೋಣ್‌ಯೀ ಸಾಂಗಾತ್ ? ಹಾಂತುಂ ೧೬ GB ಮ್ಹುಣಾಸರ್ ಮೆಮೊರಿ ಚಿಪ್ ಆಸ್ತಾ. ಹೆಂ ತುಮಿ USB Drive ಜಾವ್ನ್‌ಯೀ ವಾಪರ್‍ಯೇತ್. ಹ್ಯಾ ಸಾದನಾಂತ್ ತುಮಿ ಸುಮಾರ್ ೧೦ ಗಂಟೆ ಪರ್ಯಾಂತ್ ವಿಡಿಯೋ , voice ರೆಕೊರ್ಡ್ ಕರ್‍ಯೇತ್..!! indiatimes.com, rediff.com, ebay.com ತಸಲ್ಯಾ ಜಾಳಿ-ಜಾಗ್ಯಾರ್ ಹೆಂ spy pen ಫಕತ್ ದೇಡ್ ಹಜಾರ್ ರುಪ್ಯಾಂಕ್ ಮೆಳ್ತಾ ..!!

 ತಶೆಂತ್ ಕೂಲಿಂಗ್ ಗ್ಲಾಸ್ ಕೆಮೆರಾ, ಕ್ಯಾಪ್ ಕೆಮೆರಾ, ಘಡ್ಯಾಳ್ ಕೆಮೆರಾ, ವಾಚ್ ಕೆಮೆರಾ, ಶರ್ಟ್ ಕೆಮೆರಾ ...!!! ಹೊ ಕ್ಯಾಪ್ ಕೆಮೆರಾ ವಾಪರ್ನ್ ಕೊಣಾಯ್ಕಿ ಟೊಪ್ಪಿ ಗಾಲ್ಯೇತ್ ..! ತೆಂ ಕ್ಯಾಪ್ ತುಮಿ ಕೊಣಾಯ್ಚಾ ಹಾತಾಂತ್ ದಿಲ್ಲ್ಯಾರೀ ತಾಕಾ ತಾಂತುಂ ಕೆಮೆರಾ ಅಸಾ ಮ್ಹುಣ್ ಕಳ್ಚೆಂ ನಾ . ತಶೆಂಚ್ ಹೆಂ ಶರ್ಟ್ ಕೆಮೆರಾ. ತಾಂತ್ಲೊ ಏಕ್ ಬುತಾಂವ್ ಕೆಮೆರಾ ...! ಘಂಟೆ ಭರ್ ಸೌಂಡ್ ಯಾ ವಿಡಿಯೊ ರೆಕಾರ್ಡ್ ಕರುಂಕ್ ಸಕ್ತಾ ..! ಪುಣ್ ಚಡ್ ಜಾಗ್ರುತ್ ರಾವಾಜೆ ಘಡ್ಯಾಳ್ ಕೆಮೆರಾ ವಿಶಿಂ. ವೊಣೊದಿರ್ ಶಿರ್ಕೊನ್ ಆಸ್‌ಲ್ಲೆಂ ತೆಂ ಸಾಮಾನ್ಯ್ ಘಡ್ಯಾಳಾ ಬರಿ ದಿಸ್ಲ್ಯಾರೀ ತಾಂತ್ಲೊ ಲಿಪ್ತೊ ಕೆಮೆರಾ ತುಮ್ಚೆರ್ ನದರ್ ಮಾತ್ರ್ ದವರಿನಾ, ತುಮಿಂ ಉಲಾಯ್ಲಿಂ ಹರ್ಯೇಕ್ ಉತ್ರಾಂ ವೈರ್‌ಲೆಸ್ ರೀಸಿವಾರಾ ದ್ವಾರಿಂ ದುಸ್ರೆ ಕಡೆ ದಾಡುಂಕ್ ಸಕ್ತಾ. !

ಹ್ಯಾ ಸರ್ವ್ spy ಕೆಮೆರಾ ಥಾವ್ನ್ ರೆಕೊರ್‍ಡ್ ಕೆಲ್ಲೆಂ ವಿಡಿಯೊ ತಕ್ಷಣ್ USB ಮುಕಾಂತ್ರ್ ಕಂಪ್ಯೂಟಾರಕ್ ವರ್ಗಾವಣ್ ಕರ್ಯೇತ್ . Youtube ತಸಲ್ಯಾ ಜಾಳಿಜಗ್ಯಾನ್ upload ಯೀ ಕರ್ಯೇತ್. ಇಂಡಿಯಾಂತ್ ಸುಣ್ಯಾ ಸಂತೆರ್, ಉಣ್ಯಾ ಮೊಲಾಕ್ ಮೆಳ್ಚಾ ಅಸಲ್ಯಾ ಕೆಮೆರಾ ವರ್ವಿಂ ಆಮ್ಚಾ ಖಾಸ್ಗಿ ಜಿಣ್ಯೆರ್ ಭಾರಿ ದಾಕ್ಕೊ ಪಡ್ಲಾ. ಮೆಟಾ ಮೆಟಾನಿಂ ಹ್ಯಾ ತಿಸ್ರ್ಯಾ ದೊಳ್ಯಾಚೆರ್ ನದರ್ ದವರ್ಚೊ ಕಾಳ್ ಅತಾಂ ಆಯ್ಲಾ. ನಾತ್ಲ್ಯಾರ್ ಚೆನ್ನಿಗಾಕ್ ಜಾಲ್ಲಿ ಗತ್ ಆಮ್ಚಿ. ...!!!
*********
- ಪ್ರಮೋದ್ ರೊಡ್ರಿಗ್ಸ್. ಹೊಸ್ಪೆಟ್
pramrods@gmail.com