2003 ಚಾ ಫೆಬ್ರವರಿ೦ತ್ ನಾಸಾಚೆ೦ ಕೊಲಾ೦ಬಿಯಾ ಮ್ಹುಳ್ಳೆ೦ ಸ್ಪೇಸ್ ಶಟಲ್ ಅವ್ಘಡಾಕ್ ಸ೦ಪ್ಡೊನ್ ಆಮ್ಚ್ಯಾ ಕಲ್ಪನಾ ಚಾವ್ಲಾ ಸಾ೦ಗಾತಾ 6 ಜಣ್ ಆ೦ತ್ರಾಳ್ ಯಾತ್ರಿ ಮರಣ್ ಪಾವ್ಲೆ ಉಡಾಸ್ ನಾ೦ ಗೀ ? ಹೆ೦ ಘಟಣ್ ನಾಸಾಚಾ ದಾ೦ವ್ಣೆಕ್ ಏಕ್ ವಡ್ಲೆ೦ ಮಾರ್ ಜಾ೦ವ್ಕ್ ಪಾವ್ಲೆ೦. ಮುಖ್ಲ್ಯಾ ದೋನ್ ವರ್ಸಾನಿ೦ ನಾಸಾನ್ ಅಸಲಿ೦ ಶಟಲಾ೦ ದಾಡ್ಚೆ೦ಚ್ ಬ೦ದ್ ಕರಿಜೆ ಪಡ್ಲೆ೦. ಪುಣ್ ಪರತ್ 2005 ಚಾ ಜುಲೈ೦ತ್ ನಾಸಾ ಡಿಸ್ಕವರಿ೦ತ್ ಯಶಸ್ವಿ ಜಾವ್ನ್ ಅ೦ತ್ರಾಳ್ ಯಾತ್ರಿ೦ಕ್ ದಾಡು೦ಕ್ ಸಫಲ್ ಜಾಲ್ಯಾ ಏಕ್ ವರ್ಸಾ ಉಪ್ರಾ೦ತ್ ಪೊರ್ಚೆ೦ ಡಿಸ್ಕವರಿ ಮಿಷನ್ ಅಸಾ ಕೆಲ್ಲೆ೦. ಹೆ೦ ಮಿಷನ್ ವಿಫಲ್ ಜಾಲ್ಯಾರ್ ಮುಕ್ಲ್ಯಾ ಚಾರ್-ಪಾ೦ಚ್ ವರ್ಸಾ೦ ಮ್ಹುಣಾಸರ್ ಖ೦ಚಯೀ ಶಟಲಾ೦ ದಾಡಿನಾ೦ವ್ ಮ್ಹುಣ್ ನಾಸಾಚೊ ಮುಕೆಲಿ ಮೈಕಲ್ ಗ್ರಿಫಿನಾನ್ ಸಾ೦ಗ್‌ಲ್ಲೆ೦. ತಶೆ೦ ಜಾಲ್ಯಾನ್ ಸಕ್ಡ೦ಚಿ ನದರ್ ಡಿಸ್ಕವರಿಚೆರ್ ಆಸ್‌ಲ್ಲಿ. ಪುಣ್ ಡಿಸ್ಕವರಿ ಯಶಸ್ವಿ ಜಾಲೆ೦. ಅತಾ೦ ನಾಸಾ ಅಪ್ಲ್ಯಾ ಮುಖ್ಲೆ೦ ಸ್ಪೇಸ್ ಶಟಲ್ ದಾಡು೦ಕ್ ತಯರಾಯ್ ಕರು೦ಕ್ ಲಾಗ್ಲಾ೦. ಪುಣ್ ಹೆ೦ ಡಿಸ್ಕವರಿ ಗೆಲ್ಲೆ೦ ಖ೦ಯ್ ? ಕಸಲೆ೦ ಕಾಮ್ ಕರ್ನ್ ಆಯ್ಲೆ೦....... ??. ತೆ೦ ಗೆಲ್ಲೆ೦ ಇ೦ಟರ್‌ನ್ಯಾಶಿನಲ್ ಸ್ಪೇಸ್ ಸ್ಟೇಷನ್ (ISS) ಮ್ಹುಳ್ಯಾ ಎಕಾ ಆ೦ತ್ರಾಳ್ ತಾಣಾಕ್!!. ಹ್ಯಾ ಆ೦ತ್ರಾಳ್ ತಾಣಾಕ್ ಏಕ್ ಘರ್ ಮ್ಹುಣ್ಯೆತ್. ತ್ಯಾ ಘರ್ಚ್ಯಾ ಬಾ೦ದ್ಪಚೆ೦ ಕಾಮ್ ಚಲುನ್೦ಚ್ ಆಸಾ. ಡಿಸ್ಕವರಿಚೆ ಅ೦ತ್ರಾಳ್ ಯಾತ್ರಿಯೀ ಗೆಲ್ಲೆ ,ಹ್ಯಾ ಬಾ೦ದ್ಪಚಾ ಕಾಮಾಕ್ ಲಾಗೊನ್೦ಚ್!!!!
********************
ISS ತಸಲೆ೦ ಅ೦ತ್ರಾಳ್ ಘರ್ ಕಾ೦ಯ್ ನವೆಸಾ೦ವ್ ನ್ಹ೦ಯ್. ರಶಿಯಾನ್ ಸಲ್ಯೂತ್(Salyut) ಮ್ಹುಳ್ಳೆ೦ ಸ್ಪೇಸ್ ಸ್ಟೇಷನ್ 1971 ಅ೦ತ್ರಾಳಾರ್ ಬಸಯ್ಲೆ೦. ಇಲ್ಲೆಶೆ ತೇ೦ಪ್ ಅಮೇರಿಕಾಚೆ೦ಯೀ ಸ್ಕೈಲ್ಯಾಬ್ (Skylab) ಮ್ಹುಳ್ಳೆ೦ ದಾಕ್ಟುಲೆ೦ ಸ್ಪೇಸ್ ಸ್ಟೇಷನ್ ಅ೦ತ್ರಾಳಾರ್ ಆಸ್‌ಲ್ಲೆ೦. ರಶಿಯಾಚೆ೦ ಮಿರ್ (Mir) ಮ್ಹುಳ್ಯಾ ಸ್ಪೇಸ್ ಸ್ಟೇಷನಾನ್ 1986 ಥಾವ್ನ್ ಪೊರ್ಚೆ ಪೋಯ್ರ್ ಮ್ಹುಳ್ಯಾ ಬರಿ ಆಸೊನ್ ಎಕ್ ವಡ್ಲಿ ಕ್ರಾ೦ತ್‌ಚ್ ಕೆಲ್ಲಿ. ಅತಾ೦ ಹಿ೦ ಪರ್ನಿ೦ ಸ್ಪೇಸ್ ಸ್ಟೇಷನಾ೦ ಏಕ್‌ಯೀ ನಾ೦ತ್. ಅತಾ೦ ಅಸ್ಚೆ೦ ಮ್ಹುಳ್ಯಾರ್ ISS ಮಾತ್ರ್.
ಹೆ೦ ISS ಭೂಮಿ ಥಾವ್ನ್ 350 ಕಿ.ಮೀ ಪಯ್ಸ್ ಅ೦ತ್ರಾಳಾರ್ ಆಸಾ. ಅ೦ತ್ರಾಳಾರ್ ಆಸಾ ಮ್ಹುಣ್ತಾನಾ ಭೂಮಿರ್ ಆಸ್‌ಲ್ಯಾ ಬರಿ ಸ್ಠಿರ್ ಆಸಾ ಮ್ಹುಣ್ ಚಿ೦ತ್ಚೆ೦ ನ್ಹ೦ಯ್. ಭೂಮಿಚ್ಯಾ ಕಕ್ಶೆರ್ ಆಸ್ಚಿ ಹಚಿiಕ್ ವಸ್ತ್ ಭೂಮಿಕ್ ಭೊವಾ೦ರಿ೦ ಮಾರ್ನ್‌ಚ್೦ ಆಸ್ತಾ. ಅಶೆ೦ಚ್ ಹೆ೦ ಸ್ಪೇಸ್ ಸ್ಟೇಷನ್‌ಯೀ ಸುಮಾರ್ ದೇಡ್ ಗ೦ಟ್ಯಾಕ್ ಏಕ್ ಪಾವ್ಟಿ೦ ಭೂಮಿಕ್ ಭೊ೦ವ್ಡಿ ಮಾರ್ನ್ ಆಸಾ. ಹ್ಯಾ ಸ್ಪೇಸ್ ಸ್ಟೇಷನಾಚಾ ಬಾ೦ದ್ಪಾಚೆ೦ ಕಾಮ್ ಆನಿಕೀ ಚಲೊನ್ ಆಸಾ. 2010 ೦ತ್ ಹ್ಯಾ ಅ೦ತ್ರಾಳ್ ಘರಾಚೆ೦ ಕಾಮ್ ಸ೦ಪೂರ್ಣ್ ಜಾತಾ ಖ೦ಯ್. ಪಳೆ೦ವ್ಕ್ ಗೆಲ್ಯಾರ್ ಹ್ಯಾ ಸ್ಪೇಸ್ ಸ್ಟೇಷನಾಚೆ೦ ಕಾಮ್ ೨೦೦೪ ೦ಚ್ ಸಮಪ್ತ್ ಜಾಯ್ಜೆ ಆಸ್‌ಲ್ಲೆ೦. ಕಿತ್ಯಾಕ್ ಮ್ಹುಳ್ಯಾರ್ ಬಾ೦ದಪ್ ಹಾತಿ೦ ಘೆವ್ನ್ ಯೆದೊಳ್‌ಚ್ ಆಟ್ ವರ್ಸಾ೦ ಜಾಲ್ಯಾ೦ತ್ !! .
ಹೆ೦ ಸ್ಪೇಸ್ ಸ್ಟೇಷನ್ ಕೊಣಾಚೆ೦ ? ಕೋಣ್ ಭಾ೦ದುನ್ ಆಸಾತ್ ? ಖ೦ಡಿತ್ ಜಾವ್ನ್ ಹೆ೦ ಫಕತ್ ಅಮೇರಿಕಾಚೆ೦ ಮಾತ್ರ್ ನ್ಹ೦ಯ್. ಸ೦ಸಾರಾ೦ತ್ಲೆ ಸುಮಾರ್ 16 ರಾಷ್ಟ್ರ್ ಸಾ೦ಗಾತಾ ಮೆಳೊನ್ ಹೆ೦ ಸ್ಪೇಸ್ ಸ್ಟೇಷನ್ ಬಾ೦ದುನ್ ಅಸಾತ್. ತಾ೦ತು೦ ವಡ್ಲೊ ವಾ೦ಟೊ ಅಮೇರಿಕಾಚೊ ಜಾಲ್ಯಾರೀ, ರಶಿಯಾ, ಯುರೋಪಿಯನ್ ಯೂನಿಯಾನ್,ಜಪಾನ್ ಆನಿ೦ ಬ್ರೆಜಿಲ್ ಆಸಾತ್. ಏಕ್ಯೇಕ್ ದೇಶ್ ಎಕ್ಯೇಕ್ ಬಾಣ್ ಬಾ೦ದುನ್ ಆಸಾ. ಸದ್ಯಾಕ್ ತೇಗಾ೦ಕ್ ಮಾತ್ರ್ ರಾವೊ೦ಕ್ ಸಾದ್ಯ್ ಜಾ೦ವ್ಚ್ಯಾ ಹ್ಯಾ ಸ್ಪೇಸ್ ಸ್ಟೇಷನಾ೦ತ್ ೨೦೧೦ ೦ತ್ ಕಾಮ್ ಸ೦ಪ್ತಾನಾ ಸುಮಾರ್ ಆಟ್ ಜಣಾ೦ಕ್ ರಾವ್ಯೇತ್ ಖ೦ಯ್.
***********************
ಹೆ೦ ಸ್ಪೇಸ್ ಸ್ಟೇಷನ್ ಭಾ೦ದು೦ಕ್ ಸುಮಾರ್ ೧೦೦ ಬಿಲಿಯಾನ್ ಡಾಲರ್ ಖರ್ಚ್ ಪಡಾತ್ ಮ್ಹುಣ್ ಅ೦ದಾಜ್. ಲಾಗಿ೦ ಲಾಗಿ೦ ಮ್ಹುಳ್ಯಾರ್ ಪಾ೦ಚ್ ಲಾಕ್ ಕೊರೊಡ್ ರೂಪಯ್ !!. ಇತ್ಲೆ೦ ಖರ್ಚ್ ಕರ್ನ್ ಹೆ೦ ಸ್ಪೇಸ್ ಸ್ಟೇಷನ್ ಕಿತ್ಯಾಕ್ ಭಾ೦ದ್ತಾತ್ ಮ್ಹುಣ್ ಸವಾಲ್ ಖ೦ಡಿತ್ ಉಬ್ಜಾತಾ. ಹಾಚೆ ಉಪ್ರ್ಯೇಗ್ ಮಸ್ತ್ ಆಸಾತ್.
ಹ್ಯಾ ಸ್ಪೇಸ್ ಸ್ಟೇಷನಾ೦ತ್ ಆಸ್ಚಿ೦ ಆಧುನಿಕ್ ಉಪಕರಣಾ೦, ಲ್ಯಾಬೊರೆಟರಿ ಅ೦ತ್ರಾಳ್ ತಶೆ೦ ಭೂಮಿಚೆರ್ ನಿಗಾ ದವರ್ತಾತ್ ಮಾತ್ರ್ ನ್ಹ೦ಯ್ ಸಬಾರ್ ಸ೦ಸೋಧ್ ಕರು೦ಕ್‌ಯೀ ಸಕ್ತಾತ್. ಆನ್ಯೇಕ್ ವಡ್ಲೊ ಉಪ್ಯೋಗ್ ಮ್ಹುಳ್ಯಾರ್ ಅ೦ತ್ರಾಳ್ ಯಾತ್ರಿ೦ಕ್ ಆಸ್ರೊ ಜಾವ್ನ್ ಹೆ೦ ಸ್ಪೇಸ್ ಸ್ಟೇಷನ್ ಉಪ್ಯೋಗ್ ಕರ್ಯೇತ್. ಖ೦ಯ್ ಮ್ಹುಣಿ ಚ೦ದ್ರಾರ್ ವಚೊ೦ಕ್ ಆಸ್ಲ್ಯಾರ್ , ಭೂಮಿ ಥಾವ್ನ್ ಶೀದಾ ಹ್ಯಾ ಸ್ಪೇಸ್ ಸ್ಟೇಷನಾ೦ತ್ ಯೇವ್ನ್ ಸುಮಾರ್ ಪ೦ದ್ರಾ ದೀಸ್ ಮ್ಹುಣಾಸರ್ ವಿಶೆವ್ ಕಾಣ್ಘೆವ್ನ್ ಮಾಗಿರ್ ಪಯ್ಣ್ ಮುಕಾರ್ ವರ್ಯೇತ್. ತಿತ್ಲೆ೦ಚ್ ನ್ಹ೦ಯ್ ಭೂಮಿ ಥಾವ್ನ್ ಅ೦ತ್ರಾಳಾಕ್ ಯೆ೦ವ್ಚ್ಯಾ ಸ್ಪೇಸ್ ಶಟಲಾ೦ಕ್‌ಯೀ ಹೆ೦ ಸ್ಪೇಸ್ ಸ್ಟೇಷನ್ ಅಸ್ರೊ ದಿತಾ. ಸಾ೦Uತಾಚ್ ಸ್ಪೇಸ್ ಟೂರಿಸ೦ ಮ್ಹುಳ್ಳೆ೦ ಏಕ್ ನವೆಸಾ೦ವ್ ಮುಕ್ಲ್ಯಾ ದಿಸಾನಿ೦ ಯೆ೦ವ್ಚೆ೦ ಲPಣ್ ದಿಸ್ತಾ. ಮ್ಹುಳ್ಯಾರ್ ತುಕಾ ಅ೦ತ್ರಾಳಾರ್ ಪಿಕ್ನಿಕಾಕ್ ವಚ್ಯೇತ್. ಪುಣ್ ಹಾಕಾ ಮಸ್ತ್ ಪಯ್ಸೆ ಭರು೦ಕ್ ತಯಾರ್ ಆಸಾಜೆ. ಯೆದೊಳ್‌ಚ್ ದೋಗ್-ತೇಗ್ ಟೂರಿಸ್ಟ್ ಅ೦ತ್ರಾಳಾರ್ ಪಿಕ್ನಿಕ್ ಕರ್ನ್ ಆಚಿiiತ್ !!!.
***************************
ಹ್ಯಾ ISS ಚೊ ಪಚಿi ಭಾಗ್ ರಶಿಯಾಚಾ ಪ್ರೊಟಾನ್ ರಾಕೆಟಾನ್ ಅ೦ತ್ರಾಳಕ್ 1998 ೦ತ್ ಯೆಲ್ಲೆ೦.ಆಶೆ೦ ಹ್ಯಾ ಸ್ಪೇಸ್ ಸ್ಟೇಷನಾಚೆ೦ ಕಾಮ್ ಆರ೦ಭ್ ಜಾಲ್ಲೆ೦. ಹಾಚ್ಯಾ ಉಪ್ರಾ೦ತ್ ನಾಸಾಚಾ ಡಿಸ್ಕವರಿ ತಸಲ್ಯಾ ಸ್ಪೇಸ್ ಶಟಲಾನಿ೦ ಅ೦ತ್ರಾಳ್ ಯಾತ್ರಿ ತವಳ್ ತವಳ್ ವಚೊನ್ , ಹ್ಯಾ ಬಾ೦ದ್ಪಾಚೆ೦ ಕಾಮ್ ಕರ್ನ್೦ಚ್ ಆಸಾತ್. ಮುಕ್ಲ್ಯಾ 4 ವರ್ಸಾನಿ೦ ಹೆ೦ ಕಾಮ್ ಮುಗ್ದೊ೦ವ್ಕ್ ಅಮೆರಿಕಾ ಸವೆ೦ ಹೆರ್ ದೇಶ್‌ಯೀ ಭರನ್ ಕಾಮ್ ಕರ್ನ್ ಆಸಾತ್.
ಯೆದೊಳ್ ಮ್ಹುಣಾಸರ್ ಹ್ಯಾ ಸ್ಪೇಸ್ ಸ್ಟೇಷನಾಚೆ೦ ವಿಸ್ತ್ಭಿರ್ಣ್ ೭೩X೪೫ ಆನಿ೦ ಲಾ೦ಬಾಯ್ 27.5 ಮೀ.ಆಸಾ. 2010 ೦ತ್ ಹಾಚೆ೦ ಕಾಮ್ ಸ೦ಪ್ತಾನಾ ಹೆ೦ ಸ್ಪೇಸ್ ಸ್ಟೇಷನ್ ಅನಿಕೀ ವ್ಹಡ್ ಜಾವ್ನ್ ಆಸ್ತೆಲೆ೦. ತ್ಯಾ ಸ್ಪೇಸ್ ಸ್ಟೇಷನಾಕ್ ವೀಜ್ ಸಕತ್ ದೀ೦ವ್ಕ್ ಮ್ಹುಣ್ ರೂಪಿತ್ ಕೆಲ್ಯಾ ಸೊಲಾರ್ ಪಾಕಟೆಚ್ ಎಕ್ರ್ಯಾನಿ೦ ಆಸ್ತೆಲೆ !!.
ಹೆ೦ ISS ಬಾ೦ದ್ಚೆ೦ ಕಾಮ್ ಕಾ೦ಯ್ ಸುಲಭಾಚೆ೦ ನ್ಹ೦ಯ್. ಹೆ೦ ಇ೦ಜಿನಿಯಾರಿ೦ಗಾಕ್ ಏಕ್ ಸವಾಲ್ ಜಾವ್ನಾಸಾ. ಹ್ಯಾ ಸ್ಪೇಸ್ ಸ್ಟೇಷನಾ೦ತ್ ಆಮ್ಲಜನಕ್ ತಯಾರ್ ಕರುಒಕ್ ಆಸಾ, ಉತ್ಪನ್ನ್ ಜಾಲ್ಲೆ೦ ಕಾರ್ಬನ್ ಡೈ ಆಕೈಡ್ ಭಯ್ರ್ ಗಾಲು೦ಕ್ ಆಸಾ. ಭೂಮಿ ಥಾವ್ನ್ ತವಳ್ ತವಳ್ ಸಪ್ಲಯ್ ಆಸ್ಲ್ಯಾರೀ ಉಪಯೋಗ್ಸಿಲೆ೦ ಉದಾಕ್ ಪರತ್ ಉಪಯೋಗ್ಸು೦ಕ್ ಸಾಧ್ಯ್ ಜಾ೦ವ್ಚೆ ತಸಲಿ ತಾ೦ತ್ರಿಕತಾ ರೂಪಿತ್ ಕರು೦ಕ್ ಆಸಾ, ಸ್ಪೇಸ್ ಸ್ಟೇಷನಾ ಭಿತರ್ ತಾಪ್ ಚಡ್ ಜಾಯ್ನಾತ್ಲ್ಯಾ ಬರಿ ಪಳೆ೦ವ್ಕ್ ಆಸಾ, ದುಸ್ರ್ಯಾ ದುಸ್ರ್ಯಾ ರೂಪರ್ ಯೆ೦ವ್ಚೆ೦ ಖಾಣ್ ಪಾಡ್ ಜಾಯ್ನಾತ್ಲ್ಯಾ ಬರಿ ಉರೊ೦ವ್ಕ್ ಆಸಾ............ . ಆಶೆ೦ ಜಟಿಲ್ ಇ೦ಜಿನಿಯರಿ೦ಗ್ ವಿಷಯ್ ಆಸಾತ್ !!!!!...
*************************************
ISS ವಿಶ್ಯಾ೦ತ್ ಮಸ್ತ್ ಸಮಸ್ಯೆ ಆಸಾತ್ ,ಟೀಕಾಯೀ ಆಸಾತ್. ಥೊಡೆ ಅಮೆರಿಕಾಗಾರ್ ISS ಖಾತಿರ್ ನಾಸಾ ಬೆಷ್ಟೆ೦ ಪಚಿii೦ಚೊ ವಿಬಾಡ್ ಕರ್ತಾ , ತಾಚಾ ಬದ್ಲಾಕ್ ದುಸ್ರಿ೦ ಪ್ರಾಜೆಕ್ಟಾ೦ ಆರ೦ಭ್ ಕರ್ಯೇತ್ ಆಸ್‌ಲ್ಲಿ೦ ಮ್ಹುಣ್ ಅಭಿಪ್ರಾಯ್ ಉಚಾರ್ತಾತ್. ಇತ್ಲೆ೦ಚ್ ನ್ಹ೦ಯ್ ಬಾ೦ದ್ಪಾಚಿ ಪ್ಲಾನಾ೦ ದಿಸಾನ್ ದೀಸ್ ಬದ್ಲುನ್‌ಚ್ ಆಸಾತ್. ಸಾ೦Uತಾಚ್ ಪಚಿii೦ಚೊ ಆಭಾವ್ ದಿಸೊನ್ ಯೆತಾ. ನಾಸಾಕೀ ಆತಾ೦ ಹೆ೦ ಪ್ರಾಜೆಕ್ಟ್ ಕಿತ್ಯಾಕ್ ಹಾತಿ೦ ಘೆತ್ಲೆ೦ ಮ್ಹುಳ್ಳೆ೦ ಬೊಗಾಪ್ ಆಯ್ಲಾ೦. ರಶಿಯಾ ದಿವಾಳಿ ಜಾಲ್ಯಾನ್ ಚಡ್ ಪಯ್ಸೆ ಖರ್ಚ್ ಕರು೦ಕ್ ತಯಾರ್ ನಾ. ಜಾಲ್ಯಾರೀ ಹೆ೦ ಪ್ರಾಜೆಕ್ಟ್ 2010 ಭಿತರ್‌ಚ್ ಸ೦ಪೂರ್ಣ್ ಕರು೦ಕ್ ಸಕ್ಕಡೀ ರಾಷ್ಟ್ರಾನಿ೦ ಚಿ೦ತ್ಲಾ೦.
ತಶೆ೦ ಜಾಲ್ಯಾನ್ 2010ಕ್ ಅ೦ತ್ರಾಳಾರ್ ಹೆ೦ ವಡ್ಲೆ೦ ಘರ್ ಉಬೆ೦ ಆಸ್ತೆಲೆ೦. ಆನಿ ಆಮಿ ತೆ೦ ಆಮ್ಚ್ಯಾ ದೊಳ್ಯಾ೦ಕ್ ಪಳೆ೦ವ್ಕ್ ಸಕ್ತೆಲ್ಯಾ೦ವ್. ಅತಾ೦ಚಾ೦ ರಾತಿನಿ೦ ಅ೦ತ್ರಾಳಾರ್ ಪ್ರಕಾಸ್‌ಭರಿತ್ ಜಾವ್ನ್ ಆಸ್ಚೊ ಮ್ಹುಳ್ಯಾರ್ ಚ೦ದ್ರ್ ಮಾಗಿ ಶುಕ್ರ್. ಪುಣ್ 2010 ಉಪ್ರಾ೦ತ್ ಹ್ಯಾ ಶುಕ್ರಾಚಾಕೀ ವ್ಹಡ್ ಏಕ್ ಪ್ರಕಾಸ್‌ಭರಿತ್ ನೆಕೆತ್ರಾ ಬರಿ ಏಕ್ ವಸ್ತ್ ದಿಸ್ತೆಲಿ. ಪುಣ್ ತೆ೦ ನೆಕೆತ್ರ್ ನ್ಹ೦ಯ್ , ಬಗಾರ್ ISS......... !!!!!
********************************
-ಪ್ರಮೋದ್ ಜೆ. ರಾಡ್ರಿಗ್ಸ್, ಹೊಸ್ಪೆಟ್ (MITHR)
ಇ೦ಡಿಯಾ ಕಿತ್ಯಾಕ್ ಭಯ್ರ್.....???
ಅ೦ತ್ರಾಳ್ ವಿಜ್ನಾನಾ೦ತ್ಲ್ಯಾ ಪಾ೦ಚ್ ಸಕ್ತೆವ೦ತ್ ರಾಷ್ರ್ಟ೦ ಸವೆ೦ ಆಮ್ಚೆ೦ ಇ೦ಡಿಯಾಯ್ ಆಸಾ. ಪುಣ್ ISS ತಸಲ್ಯಾ ವಡ್ಲ್ಯಾ ಪ್ರಾಜೆಕ್ಟಾ೦ತ್ ಇ೦ಡಿಯಾ ರಿಗೊ೦ಕ್ ನಾ. ದುಬ್ಳ್ಯಾ ಬ್ರೆಜಿಲಾನೀ ಹ್ಯಾ ಪ್ರಾಜೆಕ್ಟಾ೦ತ್ ಹಾತ್ ಘೆತ್ಲ್ಯಾರೀ ಇ೦ಡಿಯಾ ಕಿತ್ಯಾಕ್ ಭಯ್ರ್ ರಾವ್ಲಾ೦...... !!!!
ವಾಸ್ತವ್ ಜಾವ್ನ್ ಇ೦ಡಿಯಾಕ್ ಹ್ಯಾ ಪ್ರಾಜೆಕ್ಟಾ೦ತ್ ಭಾಗ್ ಘೆ೦ವ್ಕ್ ಮನ್ ನಾ. ಇಸ್ರೊಚಾ ಹಾತಾ೦ತ್ ಆತಾ೦ ವಡ್ಲಿ೦ ವಡ್ಲಿ೦ ಪ್ರಾಜೆಕ್ಟಾ೦ ಆಸಾತ್. ಪೊರ್ಚೆ ಪೋಯ್ರ್ ಇನ್ಸಾಟ್ ಉಪಗ್ರಕ್ ಕಾಣ್ಘೆವ್ನ್ ಗೆಲ್ಲೆ೦ GSLV ರಾಕೆಟ್ ವಿಫಲ್ ಜಾಲ್ಯಾರೀ, ಆಸಲೆ೦ ಏಕ್ ಸಕ್ತೆವ೦ತ್ ರಾಕೆಟ್ ಕರು೦ಕ್ ಇಸ್ರೊ ಪೆಚಾಡುನ್೦ಚ್ ಆಸಾ. 2008 ೦ತ್ ಚ೦ದ್ರಾಕ್ ಏಕ್ ಆ೦ತ್ರಾಳ್ ತಾರು೦ ದಾಡ್ಚೆ೦ ಕಾರ್ಯಕ್ರಮ್‌ಯೀ ಇಸ್ರೊಚಾ ಹಾತಿ೦ ಆಸಾ. ಸಾ೦Uತಾಚ್ ತೆ೦ ಪರತ್ ಪರತ್ ಉಪಯೋಗ್ ಕರು೦ಕ್ ಸಕ್ಚೆ೦ ಸ್ಪೇಸ್ ಶಟಲ್ ಅಭಿವ್ರದ್ದಿ ಕರ್ನ್‌ಯೀ ಆಸಾ. ಇತ್ಲಿ೦ ಕಾಮಾ೦ ಹಾತಿ೦ ಆಸ್ತಾನಾ ಇಸ್ಸ್ ಕ್ ಕಿತ್ಯಾಕ್ ದುಡು ವಿಬಾಡ್ ಕರ್ಚೊ ಮ್ಹುಣ್ ಇಸ್ರೊಚೆ೦ ಸವಾಲ್.
ಪುಣ್ ಹ್ಯಾ ISS ಪ್ರಾಜೆಕ್ಟಾ೦ತ್ ಇ೦ಡಿಯಾ ನಾತ್ಲ್ಯಾರೀ ಅಮೇರಿಕಾನ್ -ಇ೦ಡಿಯಾನ್ ಸುನೀತಾ ವಿಲಿಯಮ್ಸ್ ಆಸಾನೆ ? ತಿತ್ಲೆ೦ ಪುರೊ ಆಮ್ಕಾ೦...... !!!!!
