*************************
ಆತಾಂ ಆಯ್ಲ್ಯಾ ವರ್ದೆ ಪ್ರಕಾರ್ ಇಂಡಿಯಾಚೆಂ ಚಂದ್ರಯಾನ್ ೯೫% ಯಶಸ್ವಿ ಜಾಲಾಂ. ಇಸ್ರೊ ಆತಾಂ ಉಮೆದಿನ್ ಪುಡ್ಲ್ಯಾ ಚಂದ್ರಯಾನ್-೨ ವಿಶ್ಯಾಂತ್ ಉಲವ್ನ್ ಆಸಾ. ಚಂದ್ರಯಾನ್-೧ ಉಪ್ರಾಂತ್ ಆಸಿಯಾಂತ್ ಏಕ್ ಆಂತ್ರಾಳ್ ಝುಜ್‌ಚ್ ಆರಂಭ್ ಜಾಲಾಂ ಮ್ಹುಣ್ಯೇತ್ . ಇತ್ಲ್ಯಾಕೀ ಹಾಕಾ ಆಮ್ಚೆಂ ಸೆಜಾರಿ ಚೀಣ್ಂಚ್ ಕಾರಾಣ್. ಇಂಡಿಯಾನ್ ಚಂದ್ರಯಾನ್ ಕಾರ್ಯಾಕ್ ಸುರ್ವಾತ್ ಗಾಲ್ತಾನಾಂ ಚ್ ಚಿಣ್ಕಾರಾಂಕ್ ಪೊಡ್ಕಾಣಿ ಸುರು ಜಾಲ್ಲಿ. ಪೊಯ್ರ್ ಚಂದ್ರಯಾನ್ -೧ ಉಬೊನ್ ಚಂದ್ರ ಕಕ್ಷೆಕ್ ಪಾವೊಂಕ್ ೧೫ ದೀಸ್ ಕಾಣ್ಘೆಲ್ಲೆ ನ್ಹಂಯ್‌ವೇ.., ತ್ಯಾ ಪಯ್ಲ್ಯಾ ಹಪ್ತ್ಯಾಂತ್ ಇಂಡಿಯಾಚೆಂ ಚಂದ್ರಯಾನ್ ವಿಫಲ್ ಜಾಲಾಂ ಮ್ಹುಣೊನ್ ಪ್ರಮುಖ್ ಚೀಣಿ ದಿಸಳ್ಯಾಂರ್ ಖಬರ್ ಜಾಲ್ಲಿ. ಪುಣ್ ನವೆಂಬ್ರಾಚಾ ೧೪ ತಾರಿಕೆರ್ ತಿರಂಗ ಸವೆಂ ಇಂಡಿಯಾಚೆಂ ಆಂತ್ರಾಳ್ ತಾರುಂ (MIP) ವಚುನ್ ಚಂದ್ರಾರ್ ಪಡ್ಲೆಂನೇ...! . ತ್ಯಾ ಅಂತ್ರಾಳ್ ತಾರ್ವಾನ್ ಕಾಡ್‌ಲ್ಲಿ ತಸ್ವೀರೆ ಸವೆಂ “ India kisses moon” ಮುಣೊನ್ ಸಂಸರಾ ಭರ್ ಖಬರ್ ಪರ್ಗಟ್ ಜಾಲ್ಲೆಂ ಚಿಣ್ಕಾರಾಂಕ್ ಆನಿಕೀ ಜಿರೊಂವ್ಕ್ ಸಾಧ್ಯ್ ಜಾವ್ನಾ..!!. ಕಿತ್ಯಾಕ್ ಆಸಿಯಾಚಾ ಆಂತ್ರಾಳ್ ಶೆತಾಚೊ ಗುರ್ಕಾರ್ ಜಾವ್ನಾಚ್ಯಾ ಚೈನಾಚೆಂ ಉಪಗ್ರಹ್ ಚಂದ್ರ ಕಕ್ಷೆರ್ ಪಾವ್ಲಾಂ ಶಿವಾಯ್ ತಾಚಾ ಧರ್ಣಿರ್ ಆನಿಕೀ ಪಾವೊಂಕ್ ನಾ. .....!
******************
ಚಂದ್ರಯಾನ್ -೧ ಉಪ್ರಾಂತ್ ಇಸ್ರೊಚೆಂ ಚಂದ್ರಯಾನ್-೨ ಮ್ಹುಳೆಂ ಆನ್ಯೇಕ್ ಪ್ರಾಜೆಕ್ಟ್ ಆಸಾ. ಹೆಂ ೨೦೧೧ ಹ್ಯಾ ೨೦೧೨ ಂತ್ ಚಲ್ತಾಲೆಂ. ಹ್ಯಾಚ್ ಮಹಿನ್ಯಾಚಾ ೧೫ ತಾರಿಕೆರ್ ಇಕಾನಾಮಿಕ್ಸ್ ಟೈಮ್ಸಾಕ್ ದಿಲ್ಲ್ಯಾ ಏಕಾ ಸಂದರ್ಶನಾಂತ್ ಇಸ್ರೊಚೊ ಅದ್ಯಕ್ಷ್ , ಮಾದವನ್ ನಾಯಾರಾನ್ ಹೊ ವಿಶಯ್ ದ್ರಡ್ ಕೆಲಾ. ಹ್ಯಾ ಚಂದ್ರಯಾನ್-೨ ಉಪಗ್ರಹ ಸವೆಂ ಏಕ್ ರೋವರ್ ಆಸ್ತೆಲೆಂ. ಹ್ಯಾ ರಷಿಯಾಚಾ ಸಹಯೋಗಾಂತ್ ರೂಪಿತ್ ಜಾತೆಲೆಂ. ಚಂದ್ರಯಾನ್-೨ ಉಪಗ್ರಹ್ ಚಂದ್ರ ಕಕ್ಷೆರ್ ಪಾವ್ಲ್ಯಾ ಉಪ್ರಾಂತ್ ಹೆಂ ರೋವರ್ ಆವಯ್ ಕಕ್ಷೆ ಥಾವ್ನ್ ಸುಟೊವ್ನ್ ಚಂದ್ರಾರ್ ದೆಂವ್ತೆಂಲೆಂ. ಹ್ಯಾ ಪಾವ್ಟಿಂಚಾ ಚಂದ್ರಯಾನ್ -೧ ಆಸ್‌ಲ್ಲ್ಯಾ MIP ತಾರ್‍ವಾಚೆಂ ಆವ್ಕ್ ಚಂದ್ರ ಧರ್‍ಣೆರ್ ಪಡ್ತಾ ಮ್ಹುಣಸರ್ ಮಾತ್ರ್ ಆಸ್‌ಲ್ಲೆಂ. ವಾಸ್ತವ್ ಜಾವ್ನ್ ತೆಂ ಪುಡ್ಲೆಂ ರೋವರ್ ಕಶೆಂ ದೆವೊಂವ್ಚೆ ಮ್ಹುಣ್ ಆನ್ಬೋಗ್ ಜೊಡುಂಕ್ ದಾಡ್‌ಲ್ಲೆಂ. ಆಂತ್ರಾಳ್ ತಾರುಂ ದೆವೊಂವ್ಚಾ ಪಯ್ಲೆಂ ಅಪ್ಟಾವ್ನ್ ಪ್ರಯೋಗ್ ಕರಿಜೆ ನ್ಹಂಯ್‌ವೇ ..?
ಸುಮಾರ್ ೧೦೦ ಕೆಜಿ ಆಸ್ಚೆಂ ಹೆಂ ರೋವರಾಕ್ ಚಕ್ರ್ ಆಸ್ತೆಲೆ. ಆಶೆಂ ತೆಂ ಚಂದ್ರಾಚಾ ಧರ್‍ಣೆರ್ ಚಲ್ತೆಲೆಂ. ತ್ಯಾ ರೋವರಾಚೆ ಹಾತ್ ಚಂದ್ರಾಚಿ ಮಾತಿ ಅನಿ ಫಾತೊರ್ ಬೊಕೊರ್‍ನ್ ತಾಂತುಂಚ್ ಆಸ್‌ಲ್ಲ್ಯಾ ಲ್ಯಾಬಾಂತ್ ಸಂಸೋಧ್ ಕರ್ತೆಲೆಂ. ಆಶೆಂ ಸಂಸೋಧ್ ಕೆಲ್ಯಾ ಉಪ್ರಾಂತ್ ಮಾಹೆತ್ (Data) ಆನಿಂ ತಸ್ವೀರ್ಯೊ ಚಂದ್ರಾ ಕಕ್ಷೆರ್ ಆಸ್‌ಲ್ಲ್ಯಾ ಆವಯ್ ತಾರ್ವಾಕ್ ದಾಡ್ತೆಲೆಂ. ಹೆಂ ಆವಯ್ ತಾರುಂ ಹಿ ಮಾಹೆತ್ ಬೆಂಗ್ಳೂರ್ಚ್ಯಾ ಬ್ಯಾಳಲು ಆಸ್ಚ್ಯಾ ವಡ್ಲ್ಯಾ ಡಿಶ್ ಆಂಟೆನಾಕ್ ವರ್ಗಾವಣ್ ಕರ್ತೆಲೆಂ. ಆಶೆಂ ಏಕ್ ಮಹಿನ್ಯಾ ಭರ್ ಇಸ್ರೊಚೆ ವಿಗ್ಯಾನಿ ಬೆಂಗ್ಳೂರಾ ಥಾವ್ನ್ಂಚ್ ರಿಮೋಟ್ ಕಂಟ್ರೋಲ್ ಕಾರ್ ಚಲಯ್ಲ್ಯಾ ಭರಿ ,ಚಂದ್ರಾರ್ ರೋವಾರ್ ಚಲಯ್ತೆಲೆ. ಅಸಲಿಂ ಲೂನ್‌ಕೊಡ್ ಮ್ಹುಳ್ಳಿಂ ದೋನ್ ರೋವರಾಂ ೧೯೭೦ ಚಾ ಸುರ್ವೆರ್ , ವರ್ಸಾ ಮ್ಹುಣಾಸರ್ ಸುಮಾರ್ ಚಾಳಿಸ್ ಕೀ.ಮಿ. ಚಲಯ್ಲೊ ಆನ್ಬೊಗ್ ರಶಿಯಾಗಾರಾಂಕ್ ಆಸಾ...
**********************
ಇಸ್ರೊಚಿ ದೀಷ್ಟ್ ಚಂದ್ರ್ ಮಾತ್ರ್ ನ್ಹಂಯ್ ತಾಚಾ ಭಯ್ರ್‌ಯೀ ಪಡ್ಲ್ಯಾ. ೨೦೧೧ ಂತ್ ಇಸ್ರೊ ಆದಿತ್ಯಾ ಮ್ಹುಳ್ಳೆಂ ಆಂತ್ರಾಳ್ ತಾರುಂ ಸೂರ್ಯಾಕ್ ದಾಡ್ತೆಲೆಂ. ಸೂರ್ಯಾಚಾ ಅಂತರಾಳ ವಿಷ್ಯಾಂತ್ ಚಡಿತ್ ಮಾಹೆತ್ ಘೆಂವ್ಕ್ ಹೆಂ ಉಪ್ಕಾರಾಕ್ ಪಡ್ತೆಲೆಂ. ೨೦೧೪ ಂತ್ ಇಸ್ರೊನ್ ಮನ್ಶ್ಯಾಂಕ್ ಭುಂಯ್ಚಾ ಕಕ್ಷೆರ್ ದಾಡುಂಕ್ ಚಿಂತ್ಲಾಂ. ಸಗ್ಳೆಂ ಚಿಂತ್‌ಲ್ಯಾ ಭರಿ ಜಾಲ್ಯಾರ್ ೨೦೧೯ ಇಸ್ರೊನ್ ಚಂದ್ರಾರ್ ಮನ್ಶ್ಯಾಕ್ ದೆವೊಂಕ್ ಸಕ್ತೆಲೆಂ. ಹಾಚೆ ಮಧೆಂ ಏಕಾ ಕ್ಷುದ್ರ್ ಗ್ರಹಾಕ್ ಉಪಗ್ರಹ್ ದಾಡುಂಕ್‌ಯೀ ಇಸ್ರೊಕ್ ಮನ್ ಆಸಾ ಖಂಯ್. ೨೦೩೦ ಮ್ಹುಣಿ ಮಂಗಳಾಕ್ ಅಂತ್ರಾಳ್ ತಾರುಂ ಪಾವಯ್ಜೆ ಮ್ಹುಣ್ ಇಸ್ರೊಚಿ ಆಸಾ.
ಆಸೊ ರೇಸ್ ಯೆದೊಳ್‌ಚ್ ಆರಂಭ್ ಜಾಲಾ. ಮುಕಾರ್ ಖಂಯ್ ಪಾವ್ತಾ ಮ್ಹುಣ್ ಪಳಯ್ಜೆ....
***********************
ಪ್ರಮೋದ್ ಜೆ. ರೊಡ್ರಿಗ್ಸ್, ಹೊಸ್ಪೆಟ್ (MITHR)
pramrods@gmail.com
