ಹಿಂ ಹೆಲಿಕಾಪ್ಟರಾಂ ರಕ್ಷಣ್ ಕ್ಷೇತ್ರಾಂತ್ ಕಶಿಂ ಉಪ್ಯೋಗಾಕ್ ಪಡ್ತಾತ್ ಮ್ಹುಣ್ ಆಮ್ಕಾಂ ಕಳಿತ್ ಆಸಾ. ಸಿಯಾಚಿನ್ ತಸಲ್ಯಾ ದುರ್ಗಮ್, ಹಿಂವಾಳ್ಯಾ ಉಂಚ್ಲ್ಯಾ ಜಾಗ್ಯಾರ್ ಪಾವಾಜೆ ಜಾಲ್ಯಾರ್ ಹೆಲಿಕಾಪರಾಂಚಿ Uರ್ಜ್ ಮಸ್ತ್ ಆಸಾ. ಮಿಲಿಟ್ರಿ ಹೆಲಿಕಾಪ್ಟರಾನಿಂ ಮಿಸೈಲ್ ಲಾಂಚಾರ್ ಆನಿಂ ಮಿಷಿನ್ ಗನ್ ಘಡ್ಸುನ್ ವೈರಿಂಚೆರ್ ದಾಡ್ ಘಾಲುಂಕ್ ಜಾತಾ. ಹೆಲಿಕಾಪ್ಟರ್ ‘ಏರಿಯಾಲ್ ಕ್ರೇನ್’ ಜಾವ್ನ್‌ಯೀ ವಾಪರ್ತಾತ್. ವಡ್ಲಿಂ- ವಡ್ಲಿಂ ರೇಡಿಯೋ ಟವರಾಂ ಯಾ ಇತರ್ ವಸ್ತು ಥೊಡ್ಯಾ ಕ್ಲಿಷ್ಟ್ ಜಾಗ್ಯಾರ್ ಸಾಗ್ಸುಂಕ್ ಹೆಲಿಕಾಪ್ಟರಾಚೊ ಉಪ್ಯೊಗ್ ಕರ್ತಾತ್. ಆವ್ಘಡಾಕ್ ಸಂಪಡ್ಲ್ಯಾ ಏಕಾ ವಿಮನಾಕೀ ಹೆಲಿಕಾಪ್ಟರಾಕ್ ಬಾಂದುನ್ ಆನ್ಯೇಕಾ ಜಾಗ್ಯಾರ್ ವರ್‍ಯೇತ್. ತಿತ್ಲೆಂ ಸಾಮರ್ಥ್ಯ್‌ಯೀ ತಾಂಕಾಂ ಆಸ್ತಾ..! ಥೊಡ್ಯಾ ಹೆಲಿಕಾಪ್ಟರಾಂತ್ ಆಸ್ಚ್ಯಾ ಹೆಲಿಬಕೆಟ್ ವಾಪರ್ನ್ ವಡ್ಲ್ಯಾ-ವಡ್ಲ್ಯಾ ರಾನಾಂಕ್ ಉಜೊ ಪಡ್ಲ್ಯಾರ್ ಪಾಲ್ವೊಂಚಿ ತಾಂತ್ರಿಕತಾಯೀ ಆಸಾ. ದುರ್ಗಮ್ ಪ್ರದೇಶಾಂತ್ ಕಸಲೆಂಯೀ ಆವ್ಘಡ್ ಜಾಲ್ಯಾರ್ ಹೆಲಿಕಾಪ್ಟರಾಂ ದ್ವಾರಿಂ ಚಿಕಿತ್ಸಾ ದಿವ್ಯೇತ್. ಹಾಕಾ ಏರ್- ಆಂಬುಲೆನ್ಸ್ ಮ್ಹುಣ್ತಾತ್. ಅಸಲೆ ಶೆಂಬರ್ ಉಪ್ಯೋಗ್ ಹೆಲಿಕಾಪ್ಟರಾಂ ಥಾವ್ನ್ ಆಸಾತ್.....
ಅಸಲಿಂ ಹೆಲಿಕಾಪ್ಟರಾಂ ಅವ್ಘಡಾಕ್ ಸಂಪಡ್ಚಿಂ ಕಿತ್ಯಾಕ್ ? ತುಮ್ಕಾಂ ಕಳಿತ್ ಆಸ್‌ಲ್ಲ್ಯಾ ಬರಿ ಏಕ್ ಹೆಲಿಕಾಪ್ಟರ್ ಜಟಿಲ್ ಆನಿಂ ಆಧುನಿಕ್ ಉಪಕರಣ್ ಆಸ್ಚೆಂ ಯಂತ್ರ್. ತಾಂತುಂ ಸಬಾರ್ ಇಂಜಿನಾಂ ಅಸಾತ್. ರೋಟರ್, drive shafts, ಸಬಾರ್ ಇಲೆಕ್ಟೊನೀಕ್ ಯಂತ್ರಾಂ, ಪ್ಲೈಟ್ ಕಂಟ್ರೊಲ್ಸ್, ಲ್ಯಾಂಡಿಂಗ್ ಗೇರ್.... ಅಶೆ ಸಬಾರ್ ಭಾಗ್ ಆಸಾತ್. ಹಿಂ ಸಕ್ಕಡಿ ಭಾಗ್ ವ್ಯವಸ್ಥಿತ್ ರಿತಿನ್ ಕಾಮ್ ಕೆಲ್ಯಾರ್ ಮಾತ್ರ್ ಹೆಲಿಕಾಪ್ಟರಾರ್ ಸುರಕ್ಷಿತ್ ಜಾವ್ನ್ ಆಸ್ತಾ. ಜಾಲ್ಯಾರೀ ಹ್ಯಾ ಹೆಲಿಕಾಪ್ಟರ್- ಆವ್ಘಡಾಂಕ್ ತೀನ್ ಪ್ರಮುಖ್ ಕಾರಣ್ ಆಸಾತ್. ಪಚಿi ಚಾಲಾನ್ ಚೂಕಿ. ಪೈಲೆಟಾಕ್ ಪರಿಪೂರ್‍ಣ್ ತರ್ಭೇತ್ ನಾತ್ಲ್ಯಾರ್ ಯಾ ಶಾಥೆಚಾಕೀ ಚಡ್ ಲೋಡ್ ಆಸ್ಲ್ಯಾರ್ ಯಾ ಉಚಾಂಬಳ್ ಹವ್ಯಾ ನಿಮ್ತಿಂ ಹಿಂ ಆವ್ಘಡಾಂ ಜಾತಾತ್. ದುಸ್ರ್ಯಾನ್ ಮೆಕಾನಿಕಲ್ ಅವ್ಯವಾಸ್ಥಾ ನಿಮ್ತಿಂಯೀ ಹೆಲಿಕಾಪ್ಟರ್- ಆವ್ಘಡಾಂ ಗಡ್ತಾತ್. ಅಸಮರ್ಪಕ್ ನಿರ್ವಹಣ್, ಹೆಲಿಕಾಪ್ಟರಾಚ ಥೊಡ್ಯಾ ಭಾಗಾಂನಿಂ ಆಸ್ಚೆ ದೋಷ್, ತಪಾಸ್ಣೆಂತ್ ಅಸ್ಚ್ಯಾ ದೋಷಾನಿಂ ಆವ್ಘಡಾಂ ಜಾತಾತ್. ತಿಸ್ರ್ಯಾನ್ ಹೆಲಿಕಾಪ್ಟರ್- ಆವ್ಘಡಾಂಕ್ ಕಾರಣ್ ಇಲೆಕ್ಟ್ರಿಕ್ ಶೋರ್‍ಟ್-ಸರ್ಕ್ಯೂಟ್....
ಅನ್ಯೇಕ್ ವಿಶೇಸ್ ಮ್ಹುಳ್ಯಾರ್ , ರೋಟರ್ ಘುಂವ್ತಾ ಮ್ಹುಣಾಸರ್ ಹೆಲಿಕಾಪ್ಟರ್ ಮೊಳ್ಬಾರ್ ರಾವೊಂಕ್ ಸಕ್ತಾ. ತೆಂ ಘುಂವ್ಚೆಂ ರಾವ್ಲ್ಯಾರ್ ಏಕ್ ಫಾತರ್ ಪಡ್ಲ್ಯಾ ವೇಗಾನ್ ಸಕಯ್ಲ್ ಪಡ್ತಾ..! ತಶೆಂ ವಿಮಾನ್ -ಅವ್ಘಡಾಕ್ ಸಂಪಡ್ತಾನಾ ಪ್ಯಾರಚೂಟ್ ದರ್ನ್ ಉಡ್ಚೆ ತಿತ್ಲೊ ಸಮಯ್‌ಯೀ ಹೆಲಿಕಾಪ್ಟರ್ ಅವ್ಘಡಾಕ್ ಸಂಪಡ್ತಾನ ಮೆಳಾನಾ.....ಅಸಲಿ ಕಾಣಿ ಹೆಲಿಕಾಪ್ಟರಾಚಿ..!!
