ತುಂ ಏಕ್ ಉದ್ಯಮಿ ಯಾ ನೌಕರ್. ಏಕಾ ಜಾಗ್ಯಾರ್ ಥಾವ್ನ್ ಆನ್ಯೇಕಾ ಜಾಗ್ಯಾರ್ ತುಕಾ ಪಚಿii ಕರುಂಕ್ ಆಸ್ತಾ. ತುಜೆಂ ಏಕ್ ಲ್ಯಾಪ್‌ಟೊಪ್ ಯಾ ಮೊಬೈಲ್ ಫೊನ್. ತುಕಾ ಜರೂರ್ ಏಕ್ ಫೈಲ್ ಇಂಟರ್ನೆಟಾ ದ್ವಾರಿಂ ದಾಡುಂಕ್ ಯಾ ಡೌನ್‌ಲೋಡ್ ಕರುಂಕ್ ಆಸ್ತಾ.... ತೆದಳಾ ತುಂ ತುಜ್ಯಾ ಫೊನಾಚೆಂ data cable ಯಾ Bluetooth ವಾಪಾರುನ್ ಲ್ಯಾಪ್‌ಟೊಪಾಕ್ ಇಂಟರ್ನೆಟ್ ಸಂಪರ್ಕ್ ಲಾಬಾಯ್ತಾಯ್... ಏಕ್ 1MB ಚೆಂ ಫೈಲ್ ಡೌನ್‌ಲೋಡ್ ಕರುಂಕ್ ತುಕಾ ಪಾಂಚ್ ಥಾವ್ನ್ ಧಾ ಮಿನುಟಾಂ ರಾಕಾಜೆ ಪಡ್ತಾ. ಕಿತ್ಯಾಕ್ ತುವೆಂ ಯೆದೊಳ್ ಮ್ಹುಣಾಸರ್ ವಾಪರ್‍ಚೆಂ GPRS ಕನೆಕ್ಷನ್..! ತಾಚಿ ಸ್ಪೀಡ್ ಫಕತ್ 56Kbps ಥಾವ್ನ್ 114 Kbps ಮಾತ್ರ್. ಹಿ 2G ಮೊಬೈಲಾ ಸೆವೆಚಿ ತಾಂತ್ರಿಕತಾ..!! ಯೆದೊಳ್ ಮ್ಹುಣಾಸರ್ ಅಮ್ಚ್ಯಾ ಇಂಡಿಯಾಂತ್ ಆಸ್ಚಿ GSM,CDMA ಪುರಾ ದುಸ್ರ್ಯಾ ಪಿಳ್ಗೆಚಿ ಮೊಬೈಲ್ ಸೆವಾ..!!!
ಪುಣ್ ಅತಾಂ ಆನ್ಯೇಕ್ ಆಚಿii ತಿಸ್ಯ್ರಾ ಪಿಳ್ಗೆಚಿ (3G, third generation) ಸೆವಾ. ಹಿ ಸೆವಾ ಸುಮಾರ್ ಏಕ್ ವರ್ಸಾಂ ಆದಿಂಚ್ ಮುಂಬಯ್ ತಶೆಂ ಡೆಲ್ಲಿಂತ್ ಆರಂಭ್ MTNL ಥಾವ್ನ್ ಜಾಲ್ಲಿ. ಥೊಡ್ಯಾ ಮಯ್ನ್ಯಾ ಆದಿಂ BSNL ಯೀ ಹಿ ಸೆವಾ ಥೊಡ್ಯಾ ನಗರ್ ಪ್ರದೇಶಾಂತ್ ಆರಂಭ್ ಕೆಲ್ಯಾ. ಇತ್ಲ್ಯಾಕೀ ಹಿ 3G ಸೆವಾ ಕಸಲಿ ? ಹಿ 3G ಸೆವಾ ಆಸ್ಲ್ಯಾರ್ ಉಣ್ಯಾರ್ ಉಣೆಂ 2Mbps ಥಾವ್ನ್ 7 Mbps ಸ್ಪೀಡಾರ್ ಡಾಟಾ ವರ್ಗಾವಣ್ ಕರ್‍ಯೇತ್. ತುಕಾ ಮೊಬೈಲಾ ಥಾವ್ನ್ ವಿಡಿಯೊ ಕಾಲ್ ಕರ್‍ಯೇತ್. ಇಂಟರ್ನೆಟ್ ಟಿವಿ ಪಳವ್ಯೇತ್. Skype ತಸಲಿಂ ತಂತ್ರಾಂಶ್ ವಾಪರುನ್ VOIP ಪ್ರೊಟೊಕಾಲಾ ದ್ವಾರಿಂ voice chat ಕರ್‍ಯೇತ್. ತುವೆಂ ಏಕಾ ಕಡೆನ್ ಫೊನಾರ್ ಉಲವ್ನ್ ಆಸ್ತಾನಾಂಚ್ ಆನ್ಯೇಕ್ ಕಡೆನ್ ಕಸಲೆಂಯೀ ಪೈಲ್ ಡೌನ್‌ಲೋಡ್ ಕರ್‍ಯೇತ್..... ಅಸಲಿ ಸಬಾರ್ ಉಂಚ್ಲಿ ಸೆವಾ 3G ಥಾವ್ನ್ ಮೆಳ್ತಾ..!!!
ಹಿ 3G ಸೆವಾ ಸುಮಾರ್ ದೋನ್ ವರ್ಸಾಂ ಆದಿಂದ್ ಭಾರತಾಕ್ ಯೆಜೆ ಆಸ್‌ಲ್ಲಿ. ಸರ್ಕಾರಾನ್ ಹ್ಯಾ ಸೆವೆಚಿ ಮಾರ್ಗದರ್ಷಕ್ ಸೂಚಿ ತೆದಳಾಚ್ ತಯಾರ್ ಕೆಲ್ಲಿ. ಪುಣ್ ಹಿ ಸೆವಾ ದೀಂವ್ಕ್ ಖಾಸ್ಗಿ ಕಂಪೆನಿಂಕ್ ಯೆದೊಳ್ ಮ್ಹುಣಾಸರ್ ಪರ್ವಣ್ಗಿ ದೀಂವ್ಕ್ ನಾ. ಅಮೆರಿಕಾಂತ್ 3G ರೇಡಿಯೊ ಸ್ಪೆಕ್ಟ್ರಮಾ ವಚಿiiಚ್ 3G ಸೆವಾ ದಿಂವ್ಚಿ ಸೌಲಭ್ಯ್ ಆಸಾ. ಪುಣ್ ಭಾರತಾಂತ್ ಖಾಸ್ಗಿ ಮೊಬೈಲ್ ಕಂಪೆನಿಂಠಿ ಹಿ 3G ಸೆವಾ ದೀಂವ್ಕ್ ಪ್ರತ್ಯೇಕ್ ಪರ್ವಣ್ಗಿ ಆನಿಂ ರೇಡಿಯೊ ಸ್ಪೆಕ್ಟ್ರಮಾ ಘೆಜೆ ಪಡ್ತಾ. MTNL ಆನಿಮ್ BSNL ಕ್ ಸೊಡ್ಲ್ಯಾರ್ ಸರ್ಕಾರ ಕಡೆನ್ ಖಾಸ್ಗಿ ಕಂಪೆನಿಂಕ್ ದೀಂವ್ಕ್ ಮ್ಹುಣ್ ದೀಂವ್ಕ್ ಆಸ್ಚೆ ರೇಡಿಯೊ ಸ್ಪೆಕ್ಟ್ರಮಾಚೆ ಖಾಂಚ್ ಫಕತ್ ಚಾರ್. ಆಶೆಂ ಹೆ ಚಾರ್ ಖಾಂಚ್ ಏಲಾಮಾಕ್ ಘಾಲುಂಕ್ ಪಾಟ್ಲ್ಯಾ ದೋನ್ ವರ್ಸಾನಿಂ ಸರ್ಕಾರ್ ಮನ್ ಕರ್ನ್ ಆಸ್‌ಲ್ಯಾರೀ ಥೊಡ್ಯಾ ನಿಬಾನಿಂ ಹೊ ಏಲಮ್ ಅನಿಕೀ ಜಾವ್ನಾ. ಹ್ಯಾ ಏಕಾ ಖಾಂಚಾಕ್ ಸರ್ಕಾರಾನ್ ಪಚಿi ನಿಗದ್ ಕೆಲ್ಲೊ ಥಳ್ ದರ್ ಸುಮಾರ್ ದೇಡ್ ಹಜಾರ್ ಕೊರೊಡ್ ರೂಪಯ್. ಪುಣ್ ಪೊರ್ಚೆಪೋಯ್ರ್ ಹೊ ದರ್ ಪರತ್ ನಿಗದ್ ಕೆಲಾ. ಅತಾಂ ಹ್ಯಾ ಏಕಾ ಖಾಂಚಾಚೆಂ ಥಳ್ ದರ್ ಫಕತ್ 4040 ಕೊರೊಡ್ ರೂಪಯ್ ಖಂಯ್..!! ಹ್ಯಾಚ್ ನವೆಂಬರಾಂತ್ ಹಾಚೆಂ ಏಲಾಮ್ ಚಲ್ತಾ ಖಂಯ್..!! ಹೆ ಚಾರ್ ಖಾಂಚ್ ಏಲಮ್ ಕರ್ನ್ ಉಣ್ಯಾರ್ ಉಣೆಂ 35,000 ಕೊರೊಡ್ ಸಂಗ್ರಕ್ ಕರ್ಚೊ ಉದ್ದೇಶ್ ದುಡ್ವಾ ಮಂತ್ರಿ ಪ್ರಣಬ್ ಮುಖರ್ಜಿಚೊ..! ಕಿತ್ಯಾಮ್ ಮುಳ್ಯಾರ್ ಹೊ ಆವ್ಕಾಸ್ ಮೆಳ್ಚೊ ಚಾರ್ ಖಾಸ್ಗಿ ಕಂಪೆನಿಂಠಿ ಮಾತ್ರ್. ಯೆದೊಳ್‌ಚ್ Airtel, ರಿಲಾಯಾನ್ಸ್ , ಟಾಟಾ ತಸಲ್ಯೊ ಕಂಪೆನಿಂ ಹೆಂ ಘೆಂವ್ಕ್ ತಯಾರ್ ರಾವ್ಲ್ಯಾತ್..!!!
ಆಜ್ ಸಂಸಾರಾಚಾ ಸಬಾರ್ ದೆಶಾನಿಂ ಹಿ3G ಸೆವಾ ಆಸಾ. ಪುಣ್ ಐಟಿ ಕ್ರಾಂತಿಚಾ ಇಂಡಿಯಾಂತ್ ಹಿ ಸೆವಾ ಯೇಂವ್ಕ್ ಸಬಾರ್ ವರ್ಸಾಂ ಜಾಯ್ ಪಡ್ಲಿಂ. 3G ಸೆವಾ ಪಯ್ಲೆ ಪಾವ್ಟಿಂ ಆರಂಭ್ ಜಾಲ್ಲಿ 2001 ಚಾ ಆಕ್ಟೋಬರ್ 1 ತಾರಿಕೆರ್ ಜಪನಾಂತ್. ಉಪ್ರಾಂತ್ ತ್ಯಾಚ್ ವರ್ಸಾ ತಿ ಯೂರೊಪ್ ಆನಿಂ ಅಮೆರಿಕಾ ಪಾವ್ಲಿ. ಆಜ್ ಜಪನಾ೦ತ್ಲೆ 70% ಮೊಬೈಲ್ ವರ್ಗಣೆದಾರ್ 3G ಸೆವಾ ವಾಪರುನ್ ಆಸಾತ್. ಇಂಡಿಯಾಂತ್ ಯೆದೊಳ್ ಮ್ಹುಣಾಸರ್ MTNL ಕ್ ಸುಮಾರ್ ಏಕ್ ಹಜಾರ್ ವರ್ಗಣೆದಾರ್ ಆಸ್ಲ್ಯಾರ್ BSNL ಕ್ ಫಕರ್ ಪಾಂಚ್ ಹಜಾರ್ ಮಾತ್ರ್. ಪುಣ್ ಭಾರತಾಂತ್ ಖಾಸ್ಗಿ ಕಂಪೆನಿನಿಂ ಹಿ ಸೆವಾ ದೀಂವ್ಕ್ ಆರಂಭ್ ಕೆಲ್ಯಾ ಉಪ್ರಾಂತ್ 2013 ಇಸ್ವೆಂತ್ ಸುಮಾರ್ 275 ಮಿಲಿಯಾನ್ 3G ವರ್ಗಣೆದಾರ್ ಆಸ್ತೆಲೆ ಖಂಯ್. ಹಿ 3G ಸೆವಾ ಘೆಜೆ ಜಾಲ್ಯಾರ್ ಆಧುನಿಕ್ 3G ಜುಳ್ತೆಚಿಂ ಫೊನಾಂ ಆಸಾಜೆ. ಹಾಚೆಂ ಮೋಲ್‌ಯೀ ಚಡ್. ಪುಣ್ ಯೆದೊಳ್ ಮ್ಹುಣಾಸರ್ ಭಾರತಾಂತ್ ಹಿ ಸೆವಾ ನಾತ್‌ಲ್ಯಾರೀ ಸುಮಾರ್ 20 ಮಿಲಿಯಾನ್ 3G ಜುಳ್ತೆಚಿಂ ಫೊನಾಂ ಆಸಾತ್. !
ತುಮ್ಕಾ ಖಳಿತ್ ಆಸಾನೇ..? ಥೊಡ್ಯಾ ಆಮ್ಚಾ ಮೊಬೈಲ್ ಫೊನಾಂ ಕ್ ಪಾಟಿಂ ಏಕ್ ಕೆಮರಾ ಆನಿಂ ಮುಕಾರ್ ಏಕ್ ಕೆಮರಾ ಆಸ್ತಾತ್. ಯೆದೊಳ್ ಮ್ಹುಣಾಸರ್ ಮುಕ್ಲ್ಯಾ ಕೆಮರಾಚಿ ಉಪ್ಯೋಗ್ ಆಮ್ಕಾಂ ನಾತ್‌ಲ್ಲೊ. ಪುಣ್ ಥೊಡ್ಯಾ ದಿಸಾಂ ಉಪ್ರಾಂತ್ ಹೆಂ ಮುಖ್ಲ್ಯಾ ಕೆಮಾರಾಚಿ ಗರ್ಜ್ ಜರೂರ್ ಪಡ್ತೆಲಿ...!!!!
